മെട്രോമാനുവേണ്ടി പ്രായപരിധി തത്​കാലം വിട്ട്​​ ബി.ജെ.പി

സങ്കീർണമായ നിരവധി പാലങ്ങളുടെയും ഏറെ പ്രശസ്​തമായ ഡൽഹി മെട്രോ സംവിധാനത്തി​െൻറയും നിർമാണത്തിന്​ പേരുകേട്ട മുൻ റെയിൽവേ ഉദ്യോഗസ്​ഥനായ 'മെട്രോമാൻ' ​ശ്രീധരൻ ബി.ജെ.പിയിൽ ചേർന്നിരിക്കുന്നു. 88 ആണിപ്പോൾ അദ്ദേഹത്തിന്​ പ്രായം. പുതിയ രാഷ്​ട്രീയ ഇന്നിങ്​സിന്​ അത്​ തടസ്സമായിട്ടില്ല. ധീരമാണ്​ അദ്ദേഹത്തി​െൻറ നടപടി. അതുകൊണ്ടുതന്നെ, പ്രശംസാർഹവും. കേരളത്തിൽ ഇപ്പോഴും ഒരു എം.എൽ.എ മാത്രമേ ബി.ജെ.പിക്കുള്ളൂ എന്നതും അതിനാൽ തന്നെ അധികാരത്തിലേക്ക്​ വഴി ഇനിയുമേറെ അകലെയാണെന്നതും പരിഗണിച്ചാൽ വിശേഷിച്ചും. എന്നാൽ, പ്രധാനമന്ത്രി നരേന്ദ്ര മോദി നാന്ദി കുറിച്ച 'അശ്വ​േമധം' യജ്​ഞപ്രകാരം കേരളവും പാർട്ടിക്ക്​ പിടിച്ചേ മതിയാകൂ. സംസ്​ഥാനമാക​ട്ടെ, എല്ലായിടത്തും പിടിയുറപ്പിച്ച മോദി പട​യോട്​ ഇപ്പോഴും മുഖംതിരിഞ്ഞു നിൽക്കുന്ന ദുർഗങ്ങളിൽ അവസാനത്തേതും. കേരളം പിടിക്കുകയെന്ന ദൗത്യം നിർവഹിക്കുന്ന സൈനിക മേധാവിയുടെ റോളാണിപ്പോൾ ശ്രീധരൻ ഏറ്റെടുത്തിരിക്കുന്നത്​. വലിയ പദവികളിൽ താൽപര്യമില്ലെന്ന്​ നേരത്തെ പറഞ്ഞതാണെങ്കിലും അടുത്ത തെരഞ്ഞെടുപ്പിൽ ബി.ജെ.പി ജയം പിടിച്ചാൽ മുഖ്യമന്ത്രി പദം വേണ്ടെന്ന്​ വെക്കില്ലെന്നാണ്​​ അദ്ദേഹത്തി​െൻറ പക്ഷം. ഇത്രയും പറഞ്ഞത്​ നന്നായി, പ്രായമെന്തിന്​ വലിയ മോഹങ്ങൾക്ക്​ തടസ്സം നിൽക്കുന്നു?

അതിൽ പക്ഷേ, ഒരു കളിയുണ്ട്​. 2014ൽ മോദി പ്രധാനമന്ത്രിയാകും മുമ്പ്, പ്രായം 75 കഴിഞ്ഞവരെ തീർച്ചയായും വരാനിരിക്കുന്ന പുതിയ മന്ത്രിസഭയിൽ മന്ത്രിയാകാൻ പരിഗണിക്കില്ലെന്ന ഒരു പ്രചാരണം ബോധപൂർവം രംഗം പിടിച്ചിരുന്നു. ലോക്​സഭ തെരഞ്ഞെടുപ്പിൽ പക്ഷേ, മത്സരിക്കാൻ നിയന്ത്രണം ഉണ്ടായതുമില്ല. അതിനാൽ തന്നെ എൽ.കെ അദ്വാനി, മുരളി മനോഹർ ജോഷി തുടങ്ങിയവർക്ക്​​ മത്സരിക്കാൻ അവസരം നൽകി- മ​ന്ത്രി പദവി ചോദിച്ച്​ വരരുതെന്നു മാത്രമായിരുന്നു നിബന്ധന. മണ്​ഡലം അനായാസം പിടിച്ച ഇരുവരും സഭയിൽ വെറുതെ കാലംകഴിച്ച്​ 2019ൽ പടിയിറങ്ങി. 'മാർഗദർശക്​ മണ്ഡൽ' അംഗങ്ങളായി ഇരുവരെയും പിന്നീടും തെരഞ്ഞെടുത്തു- അതുപക്ഷേ, ഒരിക്കൽ പോലും സമ്മേളിച്ചില്ലെന്നത്​ സ്വാഭാവികം. അങ്ങ​െന, വത്സല ശിഷ്യൻ സഹായിച്ച്,​ അതിപ്രശസ്​തമായ രാഷ്​ട്രീയ കരിയറിന്​ ആരോരുമറിയാതെ തിരശ്ശീലയായി. അക്​ബർ/ബൈറംഖാൻ കഥ ഒരിക്കലൂടെ രംഗം നിറഞ്ഞാടി. ഇവിടെ പക്ഷേ, ബൈറംഖാനെ പോലെ ഇരുവരെയും ഡൽഹിയിൽനിന്ന്​ നാടുകടത്തിയില്ല. രണ്ടുപേർക്കും സർക്കാർ ചെലവിൽ പൂർണ സൗകര്യങ്ങളോടെ, അതിലേറെ സുരക്ഷയോടെ ഇനിയുമിനിയും അവിടെ തുടരാം. ഇരുവരെ കുറിച്ചും അടുത്തൊന്നും ഞാൻ കേട്ടിട്ടില്ല. കണ്ടിട്ടുമില്ല. അവർ സുഖദസന്തുഷ്​ടരായി കഴിയുന്നുവെന്ന്​ വിശ്വസിക്കാം.

ഇനി ശ്രീധരനിലേക്ക്​ തിരിച്ചുവരാം. പ്രഫഷനൽ എന്ന നിലക്ക്​ അപാര ശേഷി പ്രകടിപ്പിച്ചയാളാണ്​ അദ്ദേഹം, ഇപ്പോൾ തുടക്കമിടുന്നത്​ രാഷ്​ട്രീയ കരിയറാണെങ്കിലും. ശ്രീധരന്​​ അറിയുമോ എന്നറിയില്ല, അദ്ദേഹം തന്നെ ആണെങ്കിലും ബി.ജെ.പിയിൽ ഈ 75​െൻറ കളി ഇപ്പോഴുമുണ്ട്​. ചില അപവാദങ്ങൾ സംഭവിച്ചേക്കാം. അങ്ങനെ പറഞ്ഞുകേൾക്കുകയെങ്കിലും ചെയ്​തിട്ടുണ്ട്​​. യെദ്യൂരപ്പയെ മുഖ്യ​മന്ത്രിയാക്കിയപ്പോൾ ആ നിയമം പാലിക്കപ്പെട്ടിരുന്നില്ല. 75 കഴിഞ്ഞയാളാണ്​ അദ്ദേഹം. പക്ഷേ, പകരം മറ്റൊരു വഴി ഇല്ലായിരുന്നു. ആ പദവിയിൽ വേറൊരാൾ ചേരില്ലാത്ത സമയം. നിയമം കേന്ദ്രത്തിനു മാത്രം ബാധകമാണെന്നും സംസ്​ഥാനങ്ങളിൽ ഇല്ലെന്നും പറയുന്ന ഒരു കൂട്ടരുമുണ്ട്​.

വർഷങ്ങൾക്ക്​ മുമ്പ്​, മോദി പാർട്ടിയിൽ എല്ലാമെല്ലാമായി ഉയരാത്ത സമയത്ത്​, രാജ്യസഭയിൽ പാർട്ടി അംഗങ്ങൾക്ക്​ രണ്ട്​ ഊഴത്തിൽ കൂടുതൽ പാടില്ലെന്ന്​ ബി​.ജെ.പി തീരുമാനമെടുത്തിരുന്നു. അരുൺ ഷൂറി, ശത്രുഘ്​നൻ സിൻഹ തുടങ്ങിയവർക്ക്​ പദവി നിഷേധിക്കാൻ കണ്ടെത്തിയ ഉപായം. സാഹചര്യങ്ങൾ മാറിമറിയുകയും നിയമം നിർമിച്ചവരുടെ ഊ​ഴമെത്തുകയും​ ചെയ്​തതോടെ നിയമം സ്വാഭാവികമായും മാറി. മൂന്നല്ല, നാലാം തവണ വരെ ചിലർ അംഗങ്ങളായി. അടുത്തിടെ വിടപറഞ്ഞ അരുൺ ജെയ്​റ്റ്​ലി വരെ നീളും ഈ പട്ടിക. നിയമം ഒരുവഴി, നടപ്പ്​ മറ്റൊരു വഴി എന്നർഥം. എന്നുവെച്ചാൽ, ശ്രീധരനും ഒരു അവസരം കാത്തുനിൽപുണ്ട്​. പ്രായം അദ്ദേഹത്തിന്​ തടസ്സമാകില്ലായിരിക്കും. പക്ഷേ, ശ്ര​ദ്ധേയമായ ഒരു വസ്​തുത ഇടതുപാർട്ടികൾ ഈ നിയമം കൃത്യമായി പാലിച്ചുപോന്നിട്ടുണ്ട്​. ഉന്നത സഭക്ക്​ മഹത്തായ സംഭാവന അർപിച്ച പല നേതാക്കളെയും എനിക്കറിയാം, പക്ഷേ, രണ്ട്​ ഊഴമെന്ന പരിധി തൊട്ടതോടെ അവർ പിന്മടങ്ങി. ആ വലിയ നിരയിൽ അവസാന കണ്ണിയാണ്​ സീതാറാം യെച്ചൂരി. ഈ നിയമം ഉണ്ടാക്കിയതിനു മാത്രമല്ല, കണിശമായി പാലിക്കുന്നതിനും ഇടതുപക്ഷത്തോട്​ ആദരം തോന്നുന്നു. ബി.ജെ.പിയിൽ പക്ഷേ, ''നിങ്ങൾ മുഖം കാണിച്ചുതരൂ, നിയമം എന്താണെന്ന്​ എന്നിട്ട്​ പറയാം'' എന്നാണ്​ നയം.

സംഘടന പ്രക്രിയകളി​ലൂടെയൊന്നുമായിരുന്നില്ല ബി.ജെ.പിയിൽ 75വർഷമെന്ന നിയമം നിലവിൽ വന്നത്​. ഒറ്റയാൾ സാഹസത്തിലൂടെയായിരുന്നു. അന്ന്​, മുതിർന്ന നേതാക്കളിൽ പലരും വിരമിച്ച്​ മാറിനിൽക്കാൻ അതു മാത്രമായിരുന്നു ഏറ്റവും ലളിതമായ വഴി. പുതിയ നേതാക്കളുടെ അധികാര വഴികളിയിലെ കല്ലും മുള്ളുമാകാൻ പോന്ന നേതാക്കളായിരുന്നു ഇവർ. ചുരുങ്ങിയ പക്ഷം അസൗകര്യം സൃഷ്​ടിക്കാനെങ്കിലും ഇവർക്കാകും. ഈ നിയമം ഇനി വേണേൽ എളുപ്പം മാറ്റാം. കാരണം, ലക്ഷ്യം എന്നേ സഫലമായതാണല്ലോ. അതുമല്ല, നിയമങ്ങൾ ഉണ്ടാകുന്നത്​ മനുഷ്യർക്കുവേണ്ടിയാണ്​. മനുഷ്യരെ നിയമങ്ങൾക്കുവേണ്ടിയല്ല.

യു.എസിൽ ഒരു പ്രസിഡൻറ്​ മൂന്നാം ഊഴത്തിന്​ അർഹനല്ല. അതുകൊണ്ടുതന്നെ, അവിടെ ചെറുപ്പക്കാരായ കുറെ പ്രസിഡൻറുമാരെ കാണാൻ നമുക്കായി. പുതിയ പ്രസിഡൻറിന്​ 78 ആകാം പ്രായം. ഇന്ത്യയിൽ പക്ഷേ, ഊഴം നിർണയിക്കുന്നതിൽ പ്രായം ഒരു തടസ്സമല്ല. അതിനാൽ, പ്രായവും അധികാരവും ഒരുപോലെ എത്ര ​േ​വണേലും ഒന്നിച്ച്​ മുന്നോട്ടുപോക​ട്ടെ. നമുക്ക്​ അങ്ങനെ വല്ല പരിധിയുമുണ്ടോ? എനിക്കുറപ്പില്ല. എന്നല്ല, ജനാധിപത്യത്തിൽ ഇത്തരം കാര്യങ്ങളിൽ വരെ തീരുമാനം ജനത്തിന്​ വിട്ടുകൊടുക്കുന്നതാകും നല്ലത്​. പാർട്ടികൾക്കാണ് ഈ വിഷയത്തിലും നിയമനിർമാണത്തിന്​ അവസ​രമെങ്കിൽ മറികടക്കാൻ പാകത്തിലേ അവർ നിർമിക്കൂ. ശ്രീധരനെ കുറിച്ചാണെങ്കിൽ അദ്ദേഹം പിടിച്ചുനിർത്തുന്ന ഒന്നുമില്ല, പ്രായം പോലും. കേരളത്തിലെ ജനത്തിന്​ വേണമെങ്കിൽ അദ്ദേഹം ​മുഖ്യമന്ത്രി പദമേറ​ട്ടെ. പക്ഷേ, അതിന്​ ബി.ജെ.പിയെ അവർ തെരഞ്ഞെടുക്കണം. ബി.ജെ.പിയുടെ ചൂതാട്ടം വിജയിക്കുമോ എന്ന്​ കാത്തിരുന്ന്​ കാണാം...

(ബി.ജെ.പി മുൻ നേതാവും മുൻകേന്ദ്രമന്ത്രിയുമാണ്​ ലേഖകൻ)

(കടപ്പാട്​: ndtv.com, മൊഴിമാറ്റം: കെ.പി. മൻസൂർ അലി)