പ്ര​പ​ഞ്ച സ​മാ​ധാ​ന​ത്തി​ലേ​ക്കു​ള്ള ചു​വ​ടു​ക​ൾ

ക​ലാ​ല​യ കാ​ല​ത്തെ പ്രി​യ​പ്പെ​ട്ട ഒ​രു കൂ​ട്ടു​കാ​ര​നെ​ക്കു​റി​ച്ച് പ​റ​ഞ്ഞു​തു​ട​ങ്ങാം. ജീ​വി​ത​ത്തി​ൽ എ​ല്ലാ മേ​ഖ​ല​ക​ളി​ലും അ​ടു​ക്കും ചി​ട്ട​യും പാ​ലി​ക്കു​ന്ന സു​ഹൃ​ത്ത്. വ​സ്ത്ര​വി​ധാ​നം, പു​സ്ത​ക​ങ്ങ​ൾ കെ​ട്ടി​വെ​ച്ച് കൊ​ണ്ടു​വ​രു​ന്ന രീ​തി, നോ​ട്ട് എ​ഴു​തു​ന്ന​തി​ലെ വെ​ടി​പ്പ് എ​ന്നി​വ​യി​ലെ​ല്ലാം അ​ദ്ദേ​ഹ​ത്തി​ന്‍റെ ഈ ​സ്വ​ഭാ​വ വൈ​ശി​ഷ്ടം പ്ര​ക​ട​മാ​യി​രു​ന്നു. ഞ​ങ്ങ​ൾ സ​ഹ​പാ​ഠി​ക​ൾ​ക്കാ​വ​ട്ടെ, അ​തൊ​ന്നും അ​ത്ര വ​ശ​മി​ല്ലാ​ത്ത ശീ​ല​ങ്ങ​ൾ. അ​തി​നാ​ൽ ത​ന്നെ ഒ​ര​ൽ​പം സ്നേ​ഹം ക​ല​ർ​ന്ന അ​സൂ​യ​യോ​ടെ​യാ​ണ് അ​തെ​ല്ലാം വീ​ക്ഷി​ച്ചി​രു​ന്ന​ത്.

ഇ​ട​ക്ക് അ​ദ്ദേ​ഹ​ത്തി​ന്‍റെ വീ​ട്ടി​ൽ പോ​കാ​ൻ അ​വ​സ​ര​മു​ണ്ടാ​യി. മേ​ൽ​പ​റ​ഞ്ഞ വൃ​ത്തി​യും ചി​ട്ട​യും അ​ദ്ദേ​ഹ​ത്തി​ന്‍റെ കി​ട​പ്പു​മു​റി​യി​ലും പ​ഠ​ന​സ്ഥ​ല​ത്തും കാ​ണാ​നു​ണ്ടാ​യി​രു​ന്നു. ശാ​ന്ത​മാ​യ അ​ന്ത​രീ​ക്ഷം. ഒ​രോ സാ​ധ​ന​വും ഭം​ഗി​യാ​യി സം​വി​ധാ​നി​ച്ചി​രി​ക്കു​ന്നു. പു​ത​പ്പ് മ​ട​ക്കി​വെ​ക്കു​ന്ന​തു​മു​ത​ൽ പു​സ്ത​ക​ങ്ങ​ളും വ​സ്ത്ര​ങ്ങ​ളും അ​ടു​ക്കി​വെ​ച്ച​തി​ൽ വ​രെ എ​ന്തെ​ന്നി​ല്ലാ​ത്ത മ​നോ​ഹാ​രി​ത. ഇ​തെ​ങ്ങ​നെ സാ​ധി​ക്കു​ന്നു എ​ന്ന ചോ​ദ്യ​ത്തി​ന് ഇ​തെ​ന്‍റെ ചെ​റു​പ്പം മു​ത​ലു​ള്ള ശീ​ല​മാ​ണ് എ​ന്നാ​യി​രു​ന്നു മ​റു​പ​ടി.

ഈ ​അ​ടു​ക്കും ചി​ട്ട​യും വൃ​ത്തി​യും കൊ​ണ്ടു​ള്ള നേ​ട്ട​മെ​ന്താ​ണ് എ​ന്ന ചോ​ദ്യ​ത്തി​നും അ​ദ്ദേ​ഹ​ത്തി​ന് മ​റു​പ​ടി​യു​ണ്ടാ​യി​രു​ന്നു. പു​സ്ത​കം എ​ങ്ങ​നെ വേ​ണ​മെ​ങ്കി​ലും വെ​ക്കാം, വ​സ്ത്രം എ​വി​ടെ വേ​ണ​മെ​ങ്കി​ലും വാ​രി​വ​ലി​ച്ചി​ടാം. പ​ക്ഷേ, അ​വ​യെ ഭം​ഗി​യാ​യി ക്ര​മീ​ക​രി​ച്ചാ​ൽ അ​തി​നൊ​രു സൗ​ന്ദ​ര്യ​മു​ണ്ട്. അ​വ ന​മ്മെ വ​ല്ലാ​തെ ആ​ക​ർ​ഷി​ച്ചു​കൊ​ണ്ടി​രി​ക്കും. പ​ഠ​ന​ത്തി​ലും അ​ദ്ദേ​ഹ​ത്തി​ന് ഈ ​ചി​ട്ട​യു​ണ്ടാ​യി​രു​ന്നു. എ​ന്തെ​ങ്കി​ലും കാ​ര​ണ​വ​ശാ​ൽ ഞ​ങ്ങ​ൾ​ക്കാ​ർ​ക്കെ​ങ്കി​ലും ഏ​തെ​ങ്കി​ലും ക്ലാ​സ് ന​ഷ്ട​പ്പെ​ട്ടാ​ൽ ഇ​ദ്ദേ​ഹ​ത്തി​ന്‍റെ നോ​ട്ടാ​യി​രു​ന്നു ആ​ശ്ര​യം. വ​ടി​വൊ​ത്ത കൈ​യ​ക്ഷ​ര​ത്തി​ൽ എ​ല്ലാം കൃ​ത്യ​മാ​യി എ​ഴു​തി​യി​ട്ടു​ണ്ടാ​കും. അ​തി​ന്റെ പ​ക​ർ​പ്പെ​ടു​ക്കാ​നാ​യി പു​സ്ത​ക​ങ്ങ​ൾ കൈ​മാ​റാ​നും ച​ങ്ങാ​തി മ​ടി​കാ​ണി​ച്ചി​രു​ന്നി​ല്ല.

വ​ർ​ഷ​ങ്ങ​ൾ​ക്കു​ശേ​ഷം ഈ​യ​ടു​ത്ത് അ​ദ്ദേ​ഹ​ത്തെ ക​ണ്ടു​മു​ട്ടാ​ൻ സാ​ധി​ച്ചു. പ്ര​തീ​ക്ഷി​ച്ച​തു​പോ​ലെ സു​ഹൃ​ത്ത് ഉ​യ​ര​ങ്ങ​ളി​ൽ എ​ത്തി​യി​രി​ക്കു​ന്നു-​ഒ​രു പ്ര​മു​ഖ ബ​ഹു​രാ​ഷ്ട്ര ക​മ്പ​നി​യു​ടെ രാ​ജ്യ​ത്തെ മൂ​ന്ന് പ്ര​ധാ​ന ഉ​ദ്യോ​ഗ​സ്ഥ​രി​ൽ ഒ​രാ​ളാ​ണ് ഇ​ന്ന​ദ്ദേ​ഹം. സം​സാ​ര​ത്തി​നി​ട​യി​ൽ, ഇ​പ്പോ​ഴും പ​ഴ​യ വെ​ടി​പ്പും വൃ​ത്തി​യു​മെ​ല്ലാം നി​ല​നി​ർ​ത്തു​ന്നു​ണ്ടോ, അ​തോ അ​സി​സ്റ്റ​ന്‍റു​മാ​രാ​ണോ അ​ക്കാ​ര്യ​ങ്ങ​ൾ ശ്ര​ദ്ധി​ക്കു​ന്ന​ത് എ​ന്ന് ഞാ​ൻ ത​മാ​ശ​രൂ​പേ​ണ ചോ​ദി​ച്ചു. ‘‘ചെ​റു​പ്പം മു​ത​ലു​ള്ള ശീ​ല​മ​ല്ലേ, അ​തി​പ്പോ​ഴും തു​ട​രു​ന്നു, ഒ​രാ​ളെ​യും അ​തി​ന് ആ​ശ്ര​യി​ക്കാ​റി​ല്ല.’’ ക​മ്പ​നി​യി​ൽ വ​രു​ന്ന വി​ദേ​ശ പ്ര​തി​നി​ധി​ക​ൾ​ക്കെ​ല്ലാം ക​ണി​ശ​മാ​യ ഈ ​രീ​തി ഏ​റെ ഇ​ഷ്ട​മാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ഒ​രു​പാ​ട് കാ​ര്യ​ങ്ങ​ൾ ഉ​ൾ​ക്കൊ​ള്ളാ​നും ജീ​വി​ത​ത്തി​ൽ ചി​ല്ല​റ തി​രു​ത്ത​ലും പു​തു​ക്ക​ലു​ക​ളു​മൊ​ക്കെ വ​രു​ത്താ​നും ക​ലാ​ല​യ കാ​ല​ത്തെ അ​ദ്ദേ​ഹ​വു​മൊ​ത്തു​ള്ള ഇ​ട​പ​ഴ​ക​ലു​ക​ൾ എ​നി​ക്ക് സ​ഹാ​യ​ക​മാ​യി​ട്ടു​ണ്ട്. അ​തേ ക്ലാ​സി​ൽ പ​ഠി​ച്ച ര​സി​ക​നാ​യ ഒ​രു സു​ഹൃ​ത്തി​നെ​യും ഇ​ട​ക്കാ​ല​ത്ത് ക​ണ്ടു​മു​ട്ടി. അ​ല​ക്ഷ്യ​മാ​യ ജീ​വി​ത ശൈ​ലി​ക്കു​ട​മ​യാ​യി​രു​ന്നു അ​ദ്ദേ​ഹം. സം​സാ​രി​ക്കു​ന്ന​തി​നി​ട​യി​ൽ ന​മ്മു​ടെ മേ​ൽ​പ​റ​ഞ്ഞ സു​ഹൃ​ത്തി​ന്‍റെ ഇ​ന്നും തു​ട​രു​ന്ന ശീ​ല​ത്തെ​ക്കു​റി​ച്ച് ഞാ​ൻ പ​റ​ഞ്ഞു. ‘‘എ​ന്തി​നാ​ണി​ത്ര അ​ടു​ക്കും ചി​ട്ട​യും? ഭൗ​തി​ക​മാ​യ ഇ​ത്ത​രം ക്ര​മീ​ക​ര​ണ​ങ്ങ​ൾ കൊ​ണ്ട് എ​ന്ത് ഗു​ണം? മ​ന​സ്സാ​ണ് എ​ല്ലാ​ത്തി​ലും വ​ലു​ത്. ത​ല​ച്ചോ​റി​ലാ​ണ് ശാ​സ്ത്രീ​യ ക്ര​മീ​ക​ര​ണം വേ​ണ്ട​ത്...’’ അ​ദ്ദേ​ഹം വി​യോ​ജി​ച്ചു. പ​ക്ഷേ, ഭൗ​തി​ക ജീ​വി​ത​ത്തി​ലെ അ​ല​ക്ഷ്യ മ​നോ​ഭാ​വം ന​മ്മു​ടെ ത​ല​ച്ചോ​റി​ലേ​ക്കും സം​ക്ര​മി​ക്കി​ല്ലേ എ​ന്ന് ഞാ​ൻ ത​ർ​ക്കി​ച്ച​പ്പോ​ൾ അ​ദ്ദേ​ഹം മൗ​നി​യാ​യി. യ​ഥാ​ർ​ഥ​ത്തി​ൽ ന​മ്മു​ടെ ജീ​വി​ത​ത്തെ സം​ബ​ന്ധി​ച്ച അ​വ​സാ​ന വാ​ക്കൊ​ന്നു​മ​ല്ല ഇ​ത്. എ​ല്ലാ​വ​ർ​ക്കും അ​നു​ക​രി​ക്കാ​വു​ന്ന മെ​ച്ച​പ്പെ​ട്ട രീ​തി എ​ന്ന നി​ല​യി​ൽ അ​വ​ത​രി​പ്പി​ച്ചു​വെ​ന്ന് മാ​ത്രം.

വ​സ്ത്ര​ധാ​ര​ണം, വാ​യ​ന, ഉ​റ​ക്കം, ജോ​ലി എ​ന്നി​വ​യി​ലെ​ല്ലാം ശാ​സ്ത്രീ​യ​മാ​യ രീ​തി​യും സ​മ​യ​നി​ഷ്ഠ​യും സാ​ധ്യ​മാ​ക്കു​ന്ന​തി​ലൂ​ടെ ന​മ്മു​ടെ ജീ​വി​ത​ത്തി​ൽ​ത്ത​ന്നെ വ​ലി​യ പ​രി​വ​ർ​ത്ത​ന​ങ്ങ​ൾ കൊ​ണ്ടു​വ​രാ​ൻ ക​ഴി​യും. ഏ​റ്റ​വും വ​ലി​യ മാ​റ്റം, ഒ​രോ ദി​വ​സ​വും ചെ​യ്യേ​ണ്ട കാ​ര്യ​ങ്ങ​ൾ വി​ട്ടു​പോ​കാ​തെ പൂ​ർ​ത്തീ​ക​രി​ക്കാ​ൻ സാ​ധി​ക്കു​ന്നു എ​ന്ന​താ​ണ്. ഭൗ​തി​ക​മാ​യ ഇ​ത്ത​രം ക്ര​മീ​ക​ര​ണ​ങ്ങ​ൾ പ​തി​യെ പ​തി​യെ ന​മ്മു​ടെ ത​ല​ച്ചോ​റി​ലേ​ക്കും സം​ക്ര​മി​ക്കു​ന്നു. ന​മ്മു​ടെ മ​ന​സ്സി​നെ പ​ല അ​റ​ക​ളാ​യും ഫോ​ൾ​ഡ​റു​ക​ളാ​യും ക്ര​മീ​ക​രി​ക്കാ​നും അ​തു​വ​ഴി സാ​ധി​ക്കു​ന്നു. ഒ​രു ഫോ​ൾ​ഡ​റി​ൽ​നി​ന്ന് എ​ടു​ക്കു​ന്ന ഫ​യ​ൽ കൃ​ത്യ​മാ​യി അ​വി​ടെ​ത്ത​ന്നെ വെ​ക്കു​ന്ന ക​മ്പ്യൂ​ട്ട​റി​ന്‍റെ രീ​തി ന​മ്മു​ടെ ത​ല​ച്ചോ​റി​ലും സാ​ധ്യ​മാ​കു​ന്നു. സ​മ​യം കൃ​ത്യ​മാ​യും ഫ​ല​പ്ര​ദ​മാ​യും ഉ​പ​യോ​ഗ​പ്പെ​ടു​ത്താ​ൻ അ​തു​വ​ഴി ന​മു​ക്ക് സാ​ധി​ക്കും. 24 മ​ണി​ക്കൂ​ർ കൊ​ണ്ട് ആ​ൽ​ബ​ർ​ട്ട് ഐ​ൻ​സ്റ്റൈ​ൻ ചെ​യ്ത പോ​ലു​ള്ള മ​ഹ​ദ് കാ​ര്യ​ങ്ങ​ളൊ​ന്നും ആ​യി​ല്ലെ​ങ്കി​ലും ന​മ്മു​ടെ പ​രി​മി​ത വൃ​ത്ത​ത്തി​ൽ പെ​ടു​ന്ന കാ​ര്യ​ങ്ങ​ൾ അ​തി​ന്‍റെ പൂ​ർ​ണ​ത​യി​ൽ, സ​മ​യ​ബ​ന്ധി​ത​മാ​യി നി​ർ​വ​ഹി​ക്കാ​ൻ ഈ ​ശീ​ലം ന​മ്മെ പ​ര്യാ​പ്ത​രാ​ക്കും. ഇ​തി​ലെ​ല്ലാ​മു​പ​രി, ഈ ​ശീ​ലം സ​മ്മാ​നി​ക്കു​ന്ന മാ​ന​സി​ക ഉ​ണ​ർ​വും ആ​ത്മ​വി​ശ്വാ​സ​വും ചെ​റു​ത​ല്ല. ശാ​ന്ത​മാ​യ, പൊ​ടി​പ​ട​ല​ങ്ങ​ളി​ല്ലാ​ത്ത, മാ​റാ​ല കെ​ട്ടാ​ത്ത, മ​ന​സ്സും ന​മു​ക്ക് സ്വ​ന്ത​മാ​കു​ന്നു. വി​ദ്യാ​ർ​ഥി​ക​ൾ​ക്കും ഉ​ദ്യോ​ഗ​സ്ഥ​ർ​ക്കും വ​യോ​ജ​ന​ങ്ങ​ൾ​ക്കു​മെ​ല്ലാം ഈ ​രീ​തി പ​രീ​ക്ഷി​ച്ച് നോ​ക്കാ​വു​ന്ന​താ​ണ്.

ആ​ശ​യ​ങ്ങ​ളാ​വ​ട്ടെ, ഓ​ർ​മ​ക​ളാ​വ​ട്ടെ, അ​റി​വാ​ക​ട്ടെ ന​മ്മു​ടെ കൈ​പ്പി​ടി​യി​ൽ, ചെ​റു​അ​ക​ല​ത്തി​ൽ ന​മു​ക്കാ​യി സ​ജ്ജ​മാ​യി​ട്ടു​ണ്ടാ​കും. എ​ല്ലാ​വ​രും അ​സാ​മാ​ന്യ ഓ​ർ​മ​ശ​ക്തി​യു​ള്ള​വ​ർ ആ​ക​ണ​മെ​ന്നി​ല്ല. ഈ ​രീ​തി​യി​ൽ ചി​ട്ട​യു​ള്ള മ​നു​ഷ്യ​ർ​ക്ക് പൊ​തു​വേ​യു​ള്ള ശീ​ല​മാ​ണ് ഒ​രു ചെ​റു​നോ​ട്ട് കൈ​യി​ൽ ക​രു​തു​ക എ​ന്നു​ള്ള​ത്. രാ​ത്രി ഉ​റ​ങ്ങു​ന്ന​തി​നു​മു​മ്പ് നാ​ളെ ചെ​യ്തു​തീ​ർ​ക്കാ​നു​ള്ള കാ​ര്യ​ങ്ങ​ൾ എ​ഴു​തി​വെ​ക്കു​ക, ആ ​ദി​വ​സം അ​വ​സാ​നി​ക്കു​മ്പോ​ൾ ത​ലേ​ന്ന് എ​ഴു​തി​വെ​ച്ച​ത് പൂ​ർ​ത്തി​യാ​ക്കി​യോ എ​ന്ന് പ​രി​ശോ​ധി​ക്കു​ക. അ​ങ്ങ​നെ വ​രു​മ്പോ​ൾ ഓ​ർ​മ​യെ ന​മു​ക്ക് ന​മ്മു​ടെ വ​രു​തി​യി​ൽ കൊ​ണ്ടു​വ​രാ​ൻ സാ​ധി​ക്കും. മാ​ന​സി​ക സം​ഘ​ർ​ഷം ല​ഘൂ​ക​രി​ക്കാ​നും ഇ​തു​പ​ക​രി​ക്കും; മ​ന​സ്സ് സ്വ​ച്ഛ​ത കൈ​വ​രി​ക്കു​ക​യും ചെ​യ്യും. അ​തി​ന്റെ പ്ര​തി​ഫ​ല​നം സ​മൂ​ഹ​ത്തി​ലു​മു​ണ്ടാ​കും. സം​ഘ​ർ​ഷ​മേ​തു​മി​ല്ലാ​ത്ത ലോ​കം എ​ന്ന സ്വ​പ്നം യാ​ഥാ​ർ​ഥ്യ​വു​മാ​കും.

ബു​ദ്ധ ചി​ന്ത​ക​ൻ ടി​ക് നാ​ക് ഹാ​ന്‍റെ വാ​ക്കു​ക​ൾ ഓ​ർ​ക്കു​ക: ന​മ്മു​ടെ ഓ​രോ നി​ശ്വാ​സ​വും ഓ​രോ ചു​വ​ടും, സ​മാ​ധാ​ന​വും ആ​ഹ്ലാ​ദ​വും സ്വ​ച്ഛ​ത​യും​കൊ​ണ്ട് നി​റ​ക്കാ​നാ​വും.