എ​സ്.​എ​സ്.​എ​ൽ.​സി വി​ജ​യ​വും ഉ​പ​രി​പ​ഠ​ന​ത്തി​ലെ അ​ശാ​സ്​​ത്രീ​യ​ത​യും

എ​സ്.​എ​സ്.​എ​ൽ.​സി വി​ജ​യം സ​ർ​വ​കാ​ല റെ​ക്കോ​ഡാ​ണ്​ ഇ​ത്ത​വ​ണ ഉ​ണ്ടാ​യ​ത്. വി​ജ​യ ശ​ത​മാ​ന​ത്തോ​ടൊ​പ്പം ഫു​ൾ എ​പ്ല​സു​ക​ളു​ടെ​യും നൂ​റു​മേ​നി വി​ദ്യാ​ല​യ​ങ്ങ​ളു​ടെ​യും എ​ണ്ണ​ത്തി​ൽ വ​ർ​ധ​ന​യു​ണ്ടാ​യി. കൊ​റോ​ണ ഭീ​തി പ​രീ​ക്ഷാ​ഫ​ല​ത്തെ സ്വാ​ധീ​നി​ച്ചി​ല്ല. സം​സ്​​ഥാ​ന​ത്തി​ന​ക​ത്തും പു​റ​ത്ത് ഗ​ൾ​ഫ്, ല​ക്ഷ​ദ്വീ​പ് എ​ന്നി​വി​ട​ങ്ങ​ളി​ലു​മാ​യി 4,22,902 വി​ദ്യാ​ർ​ഥി​ക​ളാ​ണ് പ​രീ​ക്ഷ എ​ഴു​തി​യ​ത്. ഇ​വ​രി​ൽ 4,17,101 പേ​ർ തു​ട​ർ​പ​ഠ​നാ​ർ​ഹ​ത നേ​ടി. 98.82 ശ​ത​മാ​ന​മാ​ണ് വി​ജ​യം. പി.​ഒ.​സി വി​ഭാ​ഗ​ത്തി​ൽ പ​രീ​ക്ഷ​യെ​ഴു​തി​യ 1770 വി​ദ്യാ​ർ​ഥി​ക​ളി​ൽ 1356 പേ​രും അ​ർ​ഹ​ത നേ​ടി.

വി​ജ​യ​ശ​ത​മാ​ന​വും ഫു​ൾ എ​പ്ല​സ്​ എ​ണ്ണ​വും പ്ര​തി​വ​ർ​ഷം ഉ​യ​രു​ന്ന​തി​ന​നു​സൃ​ത​മാ​യ പ​ഠ​ന​നി​ല​വാ​രം സം​സ്​​ഥാ​ന​ത്ത് ഉ​ണ്ടാ​കു​ന്നി​ല്ല. അ​ഖി​ലേ​ന്ത്യ മ​ത്സ​ര​പ്പ​രീ​ക്ഷ​ക​ളി​ലൂ​ടെ ഉ​ന്ന​ത​ക​ലാ​ല​യ​ങ്ങ​ളി​ലും സ​ർ​വ​ക​ലാ​ശാ​ല​ക​ളി​ലും പ്ര​വേ​ശ​നം ഉ​റ​പ്പു​വ​രു​ത്താ​ൻ സാ​ധി​ക്കു​ന്ന കേ​ര​ളീ​യ​വി​ദ്യാ​ർ​ഥി​ക​ളു​ടെ എ​ണ്ണ​വും ശ​ത​മാ​ന​വും കു​റ​ഞ്ഞു​വ​രു​ന്ന​താ​യി പ​ല പ​ഠ​ന​ങ്ങ​ളും നി​രീ​ക്ഷി​ച്ചി​ട്ടു​ണ്ട്.  
സം​സ്​​ഥാ​ന​ത്ത് കൂ​ടു​ത​ൽ വി​ദ്യാ​ർ​ഥി​ക​ൾ പ​രീ​ക്ഷ എ​ഴു​തി​യ​തും വി​ജ​യി​ച്ച​തും ഫു​ൾ എ ​പ്ല​സ്​ നേ​ടി​യ​തും ഇ​ത്ത​വ​ണ​യും പ്ല​സ്​​വ​ൺ പ്ര​വേ​ശ​ന​ത്തി​ന് ഏ​റെ പ്ര​യാ​സ​പ്പെ​ടു​ന്ന മ​ല​പ്പു​റം ജി​ല്ല​യി​ൽ​നി​ന്നാ​ണ്. ജി​ല്ല​യി​ൽ നി​ന്ന് പ​രീ​ക്ഷ എ​ഴു​തി​യ 77,718 പേ​രി​ൽ 76,633 പേ​രും തു​ട​ർ​പ​ഠ​നാ​ർ​ഹ​ത നേ​ടി. 2736 വി​ദ്യാ​ർ​ഥി​ക​ൾ എ​ല്ലാ വി​ഷ​യ​ങ്ങ​ളി​ലും എ ​പ്ല​സ്​ നേ​ടി വി​ജ​യി​ച്ചു. തോ​റ്റ​വ​ർ​ക്ക്  ന​ട​ത്തു​ന്ന സേ​വ് എ ​ഇ​യ​ർ (സേ) ​പ​രീ​ക്ഷ കൂ​ടി ക​ഴി​യു​ന്ന​തോ​ടെ വി​ജ​യം നൂ​റു​ശ​ത​മാ​ന​ത്തി​ലെ​ത്തും.

എ​സ്.​എ​സ്.​എ​ൽ.​സി വി​ജ​യി​ക​ളി​ൽ മ​ഹാ​ഭൂ​രി​പ​ക്ഷ​വും ഇ​ഷ്​​ട​ഗ്രൂ​പ്പി​ന് പ​ഠി​ച്ച സ്​​കൂ​ളി​ലോ വീ​ടി​ന് സ​മീ​പ​ത്തെ മ​റ്റു ഹ​യ​ർ​സെ​ക്ക​ൻ​ഡ​റി​ക​ളി​ലോ പ്ല​സ്​​വ​ൺ പ്ര​വേ​ശ​ന​മാ​ണ് ആ​ഗ്ര​ഹി​ക്കു​ന്ന​ത്. പ്ര​ത്യേ​കി​ച്ച് പെ​ൺ​കു​ട്ടി​ക​ളും ര​ക്ഷി​താ​ക്ക​ളും. എ​ന്നാ​ൽ, ഉ​യ​ർ​ന്ന േഗ്ര​ഡ് ല​ഭി​ച്ച​വ​ർ​ക്ക് മാ​ത്ര​മേ നി​ല​വി​ലെ സാ​ഹ​ച​ര്യ​ത്തി​ൽ മ​ല​ബാ​ർ ജി​ല്ല​ക​ളി​ൽ ഇ​ത്ത​ര​ത്തി​ൽ പ്ര​വേ​ശ​നം ഈ ​വ​ർ​ഷ​വും സാ​ധ്യ​മാ​കൂ. മു​ൻ​വ​ർ​ഷം സി.​ബി.​എ​സ്.​ഇ, ഐ.​സി.​എ​സ്.​ഇ മ​റ്റു സം​സ്​​ഥാ​ന​ങ്ങ​ളി​ൽ​നി​ന്നു​ള്ള വി​ജ​യി​ക​ളു​ൾ​പ്പെ​ടെ അ​ഞ്ച​ര ല​ക്ഷം വി​ദ്യാ​ർ​ഥി​ക​ളാ​ണ് പ്ല​സ്​​വ​ൺ പ്ര​വേ​ശ​ന​ത്തി​ന് ഏ​ക​ജാ​ല​ക​ത്തി​ൽ അ​പേ​ക്ഷി​ച്ചി​രു​ന്ന​ത്. എ​ന്നാ​ൽ, സം​സ്​​ഥാ​ന​ത്ത് സ​ർ​ക്കാ​ർ, എ​യ്ഡ​ഡ്, അ​ൺ​എ​യ്ഡ​ഡ് വി​ഭാ​ഗ​ങ്ങ​ളി​ലെ 2000ത്തി​ൽ​പ​രം ഹ​യ​ർ​സെ​ക്ക​ൻ​ഡ​റി​ക​ളി​ലാ​യി നാ​ലു ല​ക്ഷ​ത്തി​ൽ താ​ഴെ സീ​റ്റു​ക​ൾ മാ​ത്ര​മാ​ണ് തു​ട​ർ​പ​ഠ​ന​ത്തി​നു​ള്ള​ത്. മാ​ർ​ജി​ന​ൽ സീ​റ്റ് വ​ർ​ധ​ന കോ​വി​ഡ് പ​ശ്ചാ​ത​ല​ത്തി​ൽ ഇ​ത്ത​വ​ണ ഉ​ണ്ടാ​കി​ല്ല എ​ന്നാ​ണ് മ​ന​സ്സി​ലാ​കു​ന്ന​ത്.  
അ​ര​ല​ക്ഷ​ത്തി​ല​ധി​കം സീ​റ്റു​ക​ളി​ലെ പ​ഠ​നം ചെ​ല​വേ​റി​യ​താ​ണ്. സ്വാ​ശ്ര​യ മേ​ഖ​ല​യി​ൽ അ​ൺ എ​യ്ഡ​ഡ് വി​ഭാ​ഗ​ത്തി​ൽ പ്ര​വ​ർ​ത്തി​ക്കു​ന്ന ഇ​ത്ത​രം ഹ​യ​ർ​സെ​ക്ക​ൻ​ഡ​റി​ക​ളി​ൽ ഉ​യ​ർ​ന്ന ഫീ​സാ​ണ് ഈ​ടാ​ക്കു​ന്ന​ത്. അ​തു​കൊ​ണ്ടു​ത​ന്നെ നി​ര​വ​ധി സീ​റ്റു​ക​ൾ ഇ​വി​ട​ങ്ങ​ളി​ൽ ഒ​ഴി​ഞ്ഞു​കി​ട​ക്കു​ക പ​തി​വാ​ണ്. ഇ​ത് ചി​ല മാ​ധ്യ​മ​ങ്ങ​ൾ പൊ​ലി​പ്പി​ച്ച്  അ​ധി​കൃ​ത​രെ തെ​റ്റി​ദ്ധ​രി​പ്പി​ക്കാ​റു​ണ്ട്.

എ​യ്ഡ​ഡ് മാ​നേ​ജ്മെ​ൻ​റു​ക​ൾ​ക്കു കീ​ഴി​ൽ പ്ര​വ​ർ​ത്തി​ച്ചു​വ​രു​ന്ന ഹ​യ​ർ​സെ​ക്ക​ൻ​ഡ​റി​ക​ളി​ലെ മാ​നേ​ജ്മെ​ൻ​റ്, ക​മ്യൂ​ണി​റ്റി ​േക്വാ​ട്ട പ്ര​വേ​ശ​ന​വും അ​ത്ര​യെ​ളു​പ്പ​മ​ല്ല. 
അ​തു​കൊ​ണ്ടു​ത​ന്നെ ആ​യി​ര​ങ്ങ​ൾ​ക്ക് കാ​ര്യ​ക്ഷ​മ​മ​ല്ലാ​ത്ത ഓ​പ​ൺ​സ്​​കൂ​ൾ സം​വി​ധാ​ന​ത്തെ നി​ല​വി​ലെ അ​വ​സ്​​ഥ​യി​ൽ തു​ട​ർ​ന്നും ആ​ശ്ര​യി​ക്കു​ക​യോ വി​ദ്യാ​ർ​ഥി​ജീ​വി​ത​ത്തോ​ട് വി​ട​പ​റ​യു​ക​യോ വേ​ണ്ടി​വ​രും. 
ഒ​രു കാ​ല​ത്ത് സ​യ​ൻ​സ്​ ഗ്രൂ​പ്പു​ക​ളി​ൽ പ്ര​വേ​ശ​നം ല​ഭി​ക്കു​ക അ​ത്ര എ​ളു​പ്പ​മാ​യി​രു​ന്നി​ല്ല. ഉ​യ​ർ​ന്ന േഗ്ര​ഡ് ല​ഭി​ച്ച​വ​ർ​ക്ക് മാ​ത്ര​മാ​യി​രു​ന്നു പ്ര​വേ​ശ​നം ല​ഭി​ച്ചി​രു​ന്ന​ത്. മെ​ഡി​ക്ക​ൽ, എ​ൻ​ജി​നീ​യ​റി​ങ്​ പ്ര​വേ​ശ​ന​മാ​യി​രു​ന്നു വി​ദ്യാ​ർ​ഥി​ക​ളു​ടെ​യും ര​ക്ഷി​താ​ക്ക​ളു​ടെ​യും ല​ക്ഷ്യം.

എ​ന്നാ​ൽ, ഇ​ന്ന് സം​സ്​​ഥാ​ന​ത്തി​ന​ക​ത്തും പു​റ​ത്തും നി​ര​വ​ധി ഡെ​ൻ​റ​ൽ, എ​ൻ​ജി​നീ​യ​റി​ങ്​ കോ​ള​ജു​ക​ൾ അ​ട​ച്ചു പൂ​ട്ട​ൽ ഭീ​ഷ​ണി​യി​ലാ​ണ്. നൂ​റു ക​ണ​ക്കി​ന് സീ​റ്റു​ക​ൾ സ​യ​ൻ​സ്​ ഗ്രൂ​പ്പു​ക​ളി​ൽ വി​ദ്യാ​ർ​ഥി​ക​ളെ ല​ഭി​ക്കാ​തെ ഒ​ഴി​ഞ്ഞു കി​ട​ക്കു​ക പ​തി​വാ​യി​ട്ടു​ണ്ട്. ബാ​ച്ചു​ക​ളും സീ​റ്റു​ക​ളും കു​റ​ഞ്ഞ കോ​മേ​ഴ്സ്, ഹ്യു​മാ​നി​റ്റീ​സ്​ വി​ഭാ​ഗ​ങ്ങ​ളി​ൽ പ്ര​വേ​ശ​ന​ത്തി​ര​ക്ക് ക​ടു​ത്ത​താ​ണ്. അ​വി​ടെ ഉ​യ​ർ​ന്ന േഗ്ര​ഡ് ല​ഭി​ച്ച​വ​ർ​ക്ക് മാ​ത്ര​മാ​ണ് ഏ​ക​ജാ​ല​ക​ത്തി​ൽ പ്ര​വേ​ശ​നം ല​ഭി​ക്കു​ന്ന​ത്.
 

സം​സ്​​ഥാ​നാ​ടി​സ്​​ഥാ​ന​ത്തി​ൽ ഹ​യ​ർ​സെ​ക്ക​ൻ​ഡ​റി, വി.​എ​ച്ച്.​എ​സ്.​ഇ, പോ​ളി​ടെ​ക്നി​ക്, ഐ.​ടി.​ഐ എ​ന്നി​വി​ട​ങ്ങ​ളി​ലെ തു​ട​ർ​പ​ഠ​ന സീ​റ്റു​ക​ളു​ടെ എ​ണ്ണ​വും എ​സ്.​എ​സ്.​എ​ൽ.​സി വി​ജ​യി​ക​ളു​ടെ എ​ണ്ണ​വും ഏ​റ​ക്കു​റെ സ​മ​മാ​ണ്. എ​ന്നാ​ൽ, തൃ​ശൂ​ർ മു​ത​ൽ കാ​സ​ർ​​കോ​ട്​ വ​രെ​യു​ള്ള ജി​ല്ല​ക​ളി​ലെ പ്ല​സ്​​വ​ൺ അ​പേ​ക്ഷ​ക​രു​ടെ എ​ണ്ണ​വും തു​ട​ർ​പ​ഠ​ന​സൗ​ക​ര്യ​ങ്ങ​ളും ത​മ്മി​ലു​ള്ള അ​ന്ത​രം അ​ത്ര ചെ​റു​ത​ല്ല. സം​സ്​​ഥാ​ന​ത്ത് ചി​ല ജി​ല്ല​ക​ളി​ൽ എ​സ്.​എ​സ്.​എ​ൽ.​സി വി​ജ​യി​ക​ളെ​ക്കാ​ൾ തു​ട​ർ​പ​ഠ​ന സൗ​ക​ര്യ​ങ്ങ​ൾ ഹ​യ​ർ​സെ​ക്ക​ൻ​ഡ​റി ത​ല​ത്തി​ൽ ല​ഭ്യ​മാ​ണ്. വ​ട​ക്ക​ൻ ജി​ല്ല​ക​ളി​ൽ വി​ദ്യാ​ർ​ഥി​ക​ളും ര​ക്ഷി​താ​ക്ക​ളും ആ​ഴ്ച​ക​ളോ​ളം സീ​റ്റി​നാ​യി നെ​ട്ടോ​ട്ട​മോ​ടേ​ണ്ട അ​വ​സ്​​ഥ​യാ​ണ് ഇ​ന്നും.

എ​സ്.​എ​സ്.​എ​ൽ.​സി വി​ജ​യ​ശ​ത​മാ​ന​ത്തി​ൽ ഉ​ണ്ടാ​കു​ന്ന വ​ർ​ധ​ന​വി​നും പ്ല​സ്​​വ​ൺ അ​പേ​ക്ഷ വ​ർ​ധ​ന​വി​നും ആ​നു​പാ​തി​ക​മാ​യ തു​ട​ർ​പ​ഠ​ന​സൗ​ക​ര്യ​ങ്ങ​ൾ ല​ഭ്യ​മെ​ന്ന് ഉ​റ​പ്പു​വ​രു​ത്തേ​ണ്ട​ത് സ​ർ​ക്കാ​റി​െ​ൻ​റ ബാ​ധ്യ​ത​യാ​ണ്. അ​ശാ​സ്​​ത്രീ​യ​മാ​യ മാ​ർ​ജി​നി​ൽ സീ​റ്റ് വ​ർ​ധ​ന പ​രി​ഹാ​ര​മ​ല്ല. സ്​​ഥാ​യി​യാ​യ പ​രി​ഹാ​ര​മാ​ണ് ഉ​ണ്ടാ​കേ​ണ്ട​ത്. ഹ​യ​ർ​സെ​ക്ക​ൻ​ഡ​റി സ്​​പെ​ഷ​ൽ റൂ​ൾ​സി​ന് വി​രു​ദ്ധ​മാ​യ സീ​റ്റ് വ​ർ​ധ​ന ബാ​ലാ​വ​കാ​ശ ലം​ഘ​നം കൂ​ടി​യാ​ണ്. മു​ൻ​വ​ർ​ഷം 15 സീ​റ്റു​ക​ളാ​ണ് മാ​ർ​ജി​ന​ൽ വ​ർ​ധ​ന​യി​ലൂ​ടെ അ​ധി​ക​മാ​യി അ​നു​വ​ദി​ച്ച​ത്. ഹ​യ​ർ​സെ​ക്ക​ൻ​ഡ​റി റൂ​ൾ​സ്​ പ്ര​കാ​രം ഒ​രു ക്ലാ​സി​ൽ പ​ര​മാ​വ​ധി 50 വ​രെ വി​ദ്യാ​ർ​ഥി​ക​ൾ​ക്ക് മാ​ത്ര​മാ​ണ് പ്ര​വേ​ശ​നാ​നു​മ​തി. വി​വി​ധ വി​ദ്യാ​ഭ്യാ​സ​ക​മീ​ഷ​നു​ക​ളും വി​ദ്യാ​ഭ്യാ​സ വി​ച​ക്ഷ​ണ​രും ക്ലാ​സ്​ വി​ദ്യാ​ർ​ഥി​ക​ളു​ടെ എ​ണ്ണം റൂ​ൾ​സ്​ പ്ര​കാ​രം നി​ല​നി​ർ​ത്ത​ണ​മെ​ന്നാ​ണ് അ​ഭി​പ്രാ​യ​പ്പെ​ട്ടി​ട്ടു​ള​ള​ത്. എ​ന്നാ​ൽ, കൗ​മാ​ര​ക്കാ​ർ മാ​ത്രം പ​ഠി​ക്കു​ന്ന ഉ​ന്ന​ത​പ​ഠ​ന ക​വാ​ട​ത്തി​ൽ 65 വി​ദ്യാ​ർ​ഥി​ക​ളെ ഇ​രു​ത്തി​യാ​ണ് ക്ലാ​സ്​ ന​ട​ത്തു​ന്ന​ത്. ഉ​ൾ​ക്കൊ​ള്ളാ​വു​ന്ന​തി​ല​ധി​കം കൗ​മാ​ര വി​ദ്യാ​ർ​ഥി​ക​ളെ പ്ര​വേ​ശി​പ്പി​ക്കു​ന്ന​ത് പ​ഠ​ന​ത്തെ​യും അ​ധ്യാ​പ​ന​ത്തെ​യും ലാ​ബ് പ്ര​വ​ർ​ത്ത​ന​ങ്ങ​ളെ​യും സ​ർ​​വോ​പ​രി അ​ച്ച​ട​ക്ക​ത്തേ​യും തെ​ല്ലൊ​ന്നു​മ​ല്ല ബാ​ധി​ക്കു​ന്ന​ത്. രൂ​ക്ഷ​മാ​യ തു​ട​ർ​പ​ഠ​ന പ്ര​ശ്നം പ​രി​ഹ​രി​ക്ക​ണ​മെ​ന്ന നി​ര​ന്ത​ര ആ​വ​ശ്യം മാ​നി​ച്ച് മു​ൻ സ​ർ​ക്കാ​ർ 2014–15 അ​ധ്യ​യ​ന വ​ർ​ഷ​ത്തി​ൽ സം​സ്​​ഥാ​ന​ത്ത് സ​ർ​ക്കാ​ർ, എ​യ്ഡ​ഡ് വി​വേ​ച​ന​മി​ല്ലാ​തെ പു​തി​യ ഹ​യ​ർ സെ​ക്ക​ൻ​ഡ​റി സ്​​കൂ​ളു​ക​ളും അ​ധി​ക ബാ​ച്ചു​ക​ളും അ​നു​വ​ദി​ച്ചു. എ​ന്നാ​ൽ, പു​തി​യ ഹ​യ​ർ​സെ​ക്ക​ൻ​ഡ​റി​ക​ളി​ൽ മ​തി​യാ​യ കോ​മേ​ഴ്സ്, ഹ്യു​മാ​നി​റ്റീ​സ്​ ബാ​ച്ചു​ക​ളും കോ​ഴ്സു​ക​ളും അ​നു​വ​ദി​ക്കു​ന്ന​തി​നു​പ​ക​രം എ​ല്ലാ പു​തി​യ ഹ​യ​ർ​സെ​ക്ക​ൻ​ഡ​റി​ക​ളി​ലും സ​യ​ൻ​സ്​ ബാ​ച്ചു​ക​ൾ​ക്കൊ​പ്പം കോാ​മേ​ഴ്സ്​ അ​ല്ലെ​ങ്കി​ൽ ഹ്യു​മാ​നി​റ്റീ​സ്​ എ​ന്നി​വ​യി​ൽ ഒ​ന്നു മാ​ത്ര​മാ​ണ് അ​നു​വ​ദി​ച്ച​ത്.  ഒ​രു ഹ​യ​ർ​സെ​ക്ക​ൻ​ഡ​റി സം​വി​ധാ​നം പൂ​ർ​ണ​മാ​ക​ണ​മെ​ങ്കി​ൽ സ​യ​ൻ​സ്, കോ​മേ​ഴ്സ്, ഹ്യു​മാ​നി​റ്റീ​സ്​ എ​ന്നി​വ​യി​ൽ ഓ​രോ ബാ​ച്ച് വീ​ത​മെ​ങ്കി​ലും ഉ​ണ്ടാ​കേ​ണ്ട​താ​ണ്. എ​ങ്കി​ൽ മാ​ത്ര​മേ വി​ദ്യാ​ർ​ഥി​ക​ൾ​ക്ക് അ​വ​രു​ടെ ക​ഴി​വി​നും താ​ൽ​പ​ര്യ​ത്തി​നും യോ​ജി​ച്ച കോ​ഴ്സ്​ തി​ര​ഞ്ഞെ​ടു​ക്കാ​ൻ സാ​ധി​ക്കു​ക​യു​ള്ളൂ. വി​ദ്യാ​ർ​ഥി​ക​ൾ​ക്ക് ഇ​ഷ്​​ട​ഗ്രൂ​പ്പി​ന് അ​പേ​ക്ഷി​ക്കാ​നു​ള്ള അ​വ​സ​രം നി​ഷേ​ധി​ക്ക​പ്പെ​ട്ടു​കൂ​ടാ​ത്ത​താ​ണ്. 2014–15 അ​ധ്യ​യ​ന വ​ർ​ഷ​ത്തി​ൽ അ​നു​വ​ദി​ച്ച ഇ​ത്ത​രം ഹ​യ​ർ​സെ​ക്ക​ൻ​ഡ​റി​ക​ളി​ൽ ആ​വ​ശ്യ​മു​ള്ള അ​ധി​ക ബാ​ച്ചു​ക​ൾ അ​നു​വ​ദി​ച്ച് ഹ​യ​ർ​സെ​ക്ക​ൻ​ഡ​റി സം​വി​ധാ​നം പൂ​ർ​ണ​മാ​ക്കു​ന്ന​തി​ന് സ​ർ​ക്കാ​ർ പ്ര​തി​ജ്ഞാ​ബ​ദ്ധ​മാ​ക​ണം.
●