റ​ഷ്യ​യി​ൽ പി​ന്നെ​യും കു​ലം​കു​ത്തി

ജ​നാ​ധി​പ​ത്യ​വും സ്വാ​ത​ന്ത്ര്യ​വും ക​വ​ർ​ന്ന്​ പൗ​ര​സ​മൂ​ഹ​ത്തി​നു​മേ​ൽ നി​ഷ്ഠു​ര​മാ​യി പി​ടി​മു​റു​ക്കു​ന്ന വി​ദ്യ ചൈ​ന​യി​ൽ നി​ന്നു പ​ഠി​ച്ചെ​ടു​ക്കാ​ൻ റ​ഷ്യ​ൻ പ്ര​സി​ഡ​ന്‍റ്​ വ്ലാ​ദി​മി​ർ പു​ടി​ൻ ഒ​രു​ങ്ങു​ന്ന​താ​യി​രു​ന്നു ക​ഴി​ഞ്ഞ വാ​രാ​ദ്യ​ത്തി​ൽ മോ​സ്​​കോ​യി​ൽ നി​ന്നു​ള്ള വി​ശേ​ഷ​വാ​ർ​ത്ത.

സാ​മ്പ​ത്തി​കം, വി​ദേ​ശ, ആ​ഭ്യ​ന്ത​ര, സാ​മൂ​ഹി​ക ന​യ​നി​ല​പാ​ടു​ക​ൾ, സം​സ്കാ​രം, ക​ല, പ്ര​ത്യ​യ​ശാ​സ്ത്രം ആ​ദി സ​മ​ഗ്ര​മേ​ഖ​ല​ക​ളി​ൽ ചൈ​ന വ​ള​ർ​ന്നു​വി​ക​സി​ക്കു​ക​യും പ്ര​സി​ഡ​ന്‍റ്​ ഷി ​ജി​ൻ​പി​ങ്​ ആ​ജീ​വ​നാ​ന്ത സ​മ​ഗ്രാ​ധി​പ​തി​യാ​യി മാ​റി​യ​തു​മെ​ങ്ങ​നെ​യെ​ന്ന് പ​ഠി​ച്ചു പ​ക​ർ​ത്താ​ൻ ഒ​രു ചി​ന്ത​ഗ​വേ​ഷ​ണ ലാ​ബി​നു ത​ന്നെ പു​ടി​ൻ തു​ട​ക്കം കു​റി​ച്ചു.

ഷി​യു​ടെ​യും ചൈ​ന​യു​ടെ​യും ക​മ്യൂ​ണി​സ്റ്റ്​ സ​മ​ഗ്രാ​ധി​പ​ത്യ​പാ​ഠ​ങ്ങ​ൾ ‘ശാ​സ്ത്രീ​യ​മാ​യി പ്ര​തി​പാ​ദി​ക്കു​ന്ന’ പ​ഠ​ന​ങ്ങ​ൾ റ​ഷ്യ​യി​ലെ ഭ​ര​ണ ഔ​ദ്യോ​ഗി​ക രം​ഗ​ങ്ങ​ളി​ൽ പ്ര​വ​ർ​ത്തി​ക്കു​ന്ന​വ​ർ​ക്കും പാ​ർ​ട്ടി അ​ണി​ക​ൾ​ക്കു​മാ​യി 2025ൽ ​പ്ര​സി​ദ്ധീ​ക​രി​ക്കാ​നും പ്ര​ച​രി​പ്പി​ക്കാ​നും ക​മ്യൂ​ണി​സ്റ്റ്​ റ​ഷ്യ​ക്ക് പ​ദ്ധ​തി​യു​ണ്ട്.

ക​ഴി​ഞ്ഞ വ​ർ​ഷം ഫെ​ബ്രു​വ​രി മു​ത​ൽ യു​ക്രെ​യ്​​നി​ൽ ഭീ​ക​രാ​ധി​നി​വേ​ശം തു​ട​രു​ന്ന റ​ഷ്യ​ക്ക്​ സ്വേ​ച്ഛാ​ധി​പ​ത്യ​ത്തി​ന്‍റെ മ​ർ​ദ​ന​പാ​ഠ​ങ്ങ​ൾ ഇ​നി​യെ​ന്തു പ​ഠി​ക്കാ​ൻ എ​ന്ന കൗ​തു​ക​ത്തോ​ടെ​യാ​ണ്​ ലോ​ക​മാ​ധ്യ​മ​ങ്ങ​ൾ ഈ ​വാ​ർ​ത്ത റി​പ്പോ​ർ​ട്ട് ചെ​യ്ത​ത്. എ​ന്നാ​ൽ വാ​ര​മൊ​ടു​ങ്ങു​മ്പോ​ഴേ​ക്കും അ​ട്ടി​മ​റി​യു​ടെ അ​പാ​യ​സൂ​ച​ന​യി​ൽ ഉ​ല​യു​ക​യാ​ണ്​ പു​ടി​ൻ. ആ​ണ​വാ​ക്ര​മ​ണ ഭീ​ഷ​ണി​യ​ട​ക്കം മു​ഴ​ക്കി യു​ക്രെ​യ്​​നി​ലെ ഭീ​ക​ര​യു​ദ്ധ​ത്തി​ൽ​നി​ന്നു ത​രി​മ്പും പി​റ​കോ​ട്ടി​ല്ലെ​ന്ന വ​മ്പി​ൽ നി​ൽ​ക്കു​മ്പോ​ഴാ​ണ്​ പാ​ള​യ​ത്തി​ന​ക​ത്തു​നി​ന്ന് പു​ടി​ൻ പ​റ​ഞ്ഞ​പോ​ലെ പി​റ​കി​ൽ കു​ത്തേ​ൽ​ക്കു​ന്ന​ത്.

യു​ക്രെ​യ്​​ൻ അ​ധീ​ന​പ്പെ​ടു​ത്താ​നാ​യി താ​ൻ ത​ന്നെ തു​റ​ന്നു​വി​ട്ട ഭൂ​ത​മാ​യ ‘വാ​ഗ്ന​ർ’ ആ​ണ്​ ഇ​പ്പോ​ൾ ദ​ക്ഷി​ണ റ​ഷ്യ​ൻ​ന​ഗ​ര​മാ​യ റോ​സ്​​തോ​വോ​ൺ ദോ​ണി​ലെ സൈ​നി​ക ആ​സ്ഥാ​നം പി​ടി​ച്ച്​ വൈ​കാ​തെ രാ​ജ്യ​ത്തി​നു പു​തി​യ പ്ര​സി​ഡ​ന്‍റ് വ​രു​ന്നു എ​ന്ന സ​ന്ദേ​ശ​വു​മാ​യി മോ​സ്​​കോ ല​ക്ഷ്യ​മാ​ക്കി നീ​ങ്ങു​ന്ന​ത്. സെ​ല​ൻ​സ്കി​യെ​യും യു​ക്രെ​യ്​​നെ​യും പാ​ഠം പ​ഠി​പ്പി​ക്കാ​ൻ പു​ടി​ൻ​ത​ന്നെ പാ​ലൂ​ട്ടി വ​ള​ർ​ത്തി​യ കൊ​ടും​ക്രി​മി​ന​ലാ​യ യെ​വ്​​ജെ​നി പ്രി​ഗോ​ഷി​ൻ ആ​ണ്​ റ​ഷ്യ​ക്ക്​ അ​ക​ത്തു​നി​ന്ന് ക​ലാ​പ​ക്കൊ​ടി ഉ​യ​ർ​ത്തി​യി​രി​ക്കു​ന്ന​ത്.

റ​ഷ്യ​യി​ലെ ഭ​ര​ണ​നേ​തൃ​ത്വ​ത്തെ മ​റി​ച്ചി​ടാ​ൻ ഏ​ത​റ്റം വ​രെ​യും പോ​കു​മെ​ന്ന് ഭീ​ഷ​ണി​യു​യ​ർ​ത്തി 25000 വ​രു​ന്ന ചോ​റ്റു​പ​ട്ടാ​ള​വു​മാ​യി മോ​സ്​​കോ മാ​ർ​ച്ചി​ന്​ വ​ട്ടം​കൂ​ട്ടു​ന്ന പ്രി​ഗോ​ഷി​ൻ അ​വ​രു​മാ​യി കൈ​കോ​ർ​ക്കാ​ൻ മു​ഴു​വ​ൻ റ​ഷ്യ​ക്കാ​രോ​ടും ആ​ഹ്വാ​നം ചെ​യ്തി​രി​ക്കു​ന്നു. ച​കി​ത​നാ​യ റ​ഷ്യ​ൻ പ്ര​സി​ഡ​ൻ​റ്​ മോ​സ്​​കോ​യി​ലെ എ​ല്ലാ പ​രി​പാ​ടി​ക​ളും നി​ർ​ത്തി​വെ​ച്ച്​ ശ​നി​യാ​ഴ്ച അ​ടി​യ​ന്ത​ര​മാ​യി രാ​ഷ്ട്ര​ത്തെ അ​ഭി​സം​ബോ​ധ​ന ചെ​യ്തു.

ഇ​നി​യു​മൊ​രു ആ​ഭ്യ​ന്ത​ര​യു​ദ്ധം അ​നു​വ​ദി​ക്കു​ക​യി​ല്ലെ​ന്നും രാ​ജ്യ​ത്തെ​യും ജ​ന​ത​യെ​യും സം​ര​ക്ഷി​ക്കു​മെ​ന്നും പ്ര​തി​ജ്ഞ ചെ​യ്ത പു​ടി​ൻ, കൊ​ടും ച​തി​യ​ന്മാ​രെ വെ​റു​തെ വി​ടു​ക​യി​ല്ലെ​ന്നു ഭീ​ഷ​ണി മു​ഴ​ക്കു​ന്നു​മു​ണ്ട്. ഇ​ങ്ങ​നെ​യൊ​ക്കെ​യാ​ണെ​ങ്കി​ലും പാ​പാ​യു​ടെ സ്വ​ന്തം പ്രി​ഗോ​ഷി​ന്‍റെ പ​രാ​ക്ര​മ​ങ്ങ​ൾ എ​വി​ടെ​യെ​ത്തും എ​ന്ന്​ ഒ​രു നി​ശ്ച​യ​വു​മി​ല്ലാ​തെ കു​ഴ​ങ്ങു​ക​യാ​ണ്​ മോ​സ്​​കോ.

പു​ടി​ന്‍റെ സ്വ​ന്തം വി​ള​മ്പു​കാ​ര​ൻ

ആ​രാ​ണീ പ്രി​ഗോ​ഷി​ൻ? സെ​ന്‍റ്​ പീ​റ്റേ​ഴ്​​സ്​​ബ​ർ​ഗു​കാ​ര​നാ​യ പു​ടി​ന്‍റെ സ്വ​ന്തം നാ​ട്ടു​കാ​ര​ൻ. പു​ടി​നേ​ക്കാ​ൾ ആ​റു​വ​യ​സ്സ്​ കു​റ​വ്. സോ​വി​യ​റ്റ്​ യൂ​നി​യ​ന്‍റെ അ​വ​സാ​ന​നാ​ളു​ക​ളി​ൽ പു​ടി​ൻ ചാ​ര​വി​ഭാ​ഗ​മാ​യ കെ.​ജി.​ബി​യി​ൽ വ​ള​രു​മ്പോ​ൾ പ്രി​ഗോ​ഷി​ൻ പ​തി​മൂ​ന്നു കൊ​ല്ലം മോ​ഷ​ണ​ത്തി​നും ക​വ​ർ​ച്ച​ക്കും ശി​ക്ഷ​യ​നു​ഭ​വി​ച്ച്​ ജ​യി​ലി​ലാ​യി​രു​ന്നു. പു​റ​ത്തി​റ​ങ്ങു​മ്പോ​ൾ ബ്ര​ഷ്​​നേ​വ്​ യു​ഗ​വും ​പെ​രി​​സ്​​ട്രോ​യി​ക്ക​യു​മൊ​ക്കെ ന​ഷ്ട​മാ​യി​രു​ന്നു.

ജ​യി​ൽ​മോ​ചി​ത​നാ​യ ശേ​ഷം മോ​സ്​​കോ​യി​ൽ ​ഹോ​ട്ട്​​ഡോ​ഗ്​ വി​ൽ​പ​ന തു​ട​ങ്ങി. ക്ര​മേ​ണ വ​ള​ർ​ന്നു ന​ഗ​ര​ത്തി​ലെ പേ​രു​കേ​ട്ട ഫാ​ൻ​സി റ​സ്​​​റ്റാ​റ​ന്‍റു​ക​ളി​ലേ​ക്ക്. ക​ഥ​യ​റി​യാ​വു​ന്ന പു​ടി​ൻ പ്രി​ഗോ​ഷി​ന്‍റെ രു​ചി​ക്കൂ​ട്ടു​ക​ളു​ടെ കൊ​തി​യ​നാ​യി. ‘‘ഒ​രു കി​യോ​സ്കി​ൽ നി​ന്നു ഞാ​നൊ​രു ബി​സി​ന​സ്​ ശൃം​ഖ​ല പ​ണി​തു​യ​ർ​ത്തി​യ​ത്​ പു​ടി​ൻ ക​ണ്ട​റി​ഞ്ഞ​താ​ണ്.

അ​ദ്ദേ​ഹ​ത്തി​ന്‍റെ ഏ​ത്​ അ​തി​ഥി​​യെ​യും സ്വീ​ക​രി​ക്കാ​ൻ ഞാ​ൻ റെ​ഡി​യാ​ണ്, അ​വ​ർ എ​ന്‍റേ​തു കൂ​ടി​യാ​ണ്​’’-​ഒ​രു അ​ഭി​മു​ഖ​ത്തി​ൽ അ​ദ്ദേ​ഹം പ​റ​ഞ്ഞു. അ​ന്നൊ​രി​ക്ക​ൽ ഫ്ര​ഞ്ച്​ പ്ര​സി​ഡ​ന്‍റ്​ ജാ​ക്വി​സ്​ ഷി​റാ​ക്​ മോ​സ്​​കോ​യി​ൽ വ​ന്ന​പ്പോ​ൾ കൊ​ണ്ടു​പോ​യ​ത്​ പ്രി​ഗോ​ഷി​ന്‍റെ റ​സ്​​റ്റാ​റ​ന്‍റി​ലേ​ക്കാ​ണ്.

പു​ടി​നു​മാ​യു​ള്ള ആ ​പ​രി​ച​യ​ത്തി​ലൂ​ടെ​യാ​ണ്​ അ​ദ്ദേ​ഹ​ത്തി​ന്‍റെ കോ​ൺ​കോ​ഡ്​ ക​മ്പ​നി സ്കൂ​ളു​ക​ളി​ലെ ഉ​ച്ച​യൂ​ണി​നും സൈ​നി​ക ക്യാ​മ്പു​ക​ളി​ലെ കേ​റ്റ​റി​ങ്​ സ​ർ​വി​സി​നു​മൊ​ക്കെ​യു​ള്ള ക​രാ​ർ കൈ​വ​ശ​പ്പെ​ടു​ത്തു​ന്ന​ത്. ​ക്രെം​ലി​ൻ കൊ​ട്ടാ​ര​ത്തി​ലെ വെ​ച്ചു​വി​ള​മ്പും വൈ​കാ​തെ കൈ​ക്ക​ലാ​ക്കി. അ​മേ​രി​ക്ക​ൻ പ്ര​സി​ഡ​ന്‍റ്​ ജോ​ർ​ജ്​ ഡ​ബ്ല്യു. ബു​ഷി​നു വി​രു​ന്നൊ​രു​ക്കി​യ​തി​ൽ പി​ന്നെ ‘പു​ടി​ന്‍റെ ഷെ​ഫ്​’ എ​ന്ന ചെ​ല്ല​പ്പേ​രും കി​ട്ടി.

ഭ​ക്ഷ​ണ​വി​ത​ര​ണ​ത്തി​ൽനി​ന്ന് ദസൈ​നി​ക വി​ത​ര​ണ​ത്തി​ലേ​ക്ക്​

2014ലെ ​ഒ​രു വേ​ന​ലി​ൽ മോ​സ്ക്​​വാ ന​ദി​ക്ക​ര​യി​ലു​ള്ള ​റ​ഷ്യ​ൻ പ്ര​തി​രോ​ധ​മ​ന്ത്രാ​ല​യ ആ​സ്ഥാ​ന​ത്ത്​ സീ​നി​യ​ർ ഉ​ദ്യോ​ഗ​സ്ഥ​ർ പ്രി​ഗോ​ഷി​നു​മാ​യി കൂ​ടി​ക്കാ​ഴ്ച​ക്കെ​ത്തി, മേ​ലാ​വി​ൽ നി​ന്നു​ള്ള നി​ർ​ദേ​ശ​പ്ര​കാ​രം. ഷെ​ഫി​നു വെ​ച്ചു​വി​ള​മ്പാ​ൻ ച​ർ​ച്ച​യെ​ന്തി​ന് എ​ന്ന മ​ട്ടി​ലെ​ത്തി​യ ഉ​ദ്യോ​ഗ​സ്ഥ​രു​ടെ മു​ന്നി​ൽ വി​ചി​ത്ര​മാ​യൊ​രു ആ​വ​ശ്യ​മാ​ണ്​ അ​ദ്ദേ​ഹം ഉ​ന്ന​യി​ച്ച​ത്. സൈ​നി​കാ​വ​ശ്യ​ത്തി​ലേ​ക്ക്​ കു​റേ വ​ള​ന്റി​യ​ർ​മാ​രെ പ​രി​ശീ​ലി​പ്പി​ക്കാ​നു​ള്ള കേ​ന്ദ്രം തു​ട​ങ്ങാ​ൻ ത​നി​ക്ക് പ്ര​തി​രോ​ധ​വ​കു​പ്പ് ഭൂ​മി അ​നു​വ​ദി​ക്ക​ണം.

റ​ഷ്യ​ക്ക്​ യു​ദ്ധാ​വ​ശ്യ​ത്തി​ന് ഉ​പ​യോ​ഗി​ക്കാ​വു​ന്ന ഈ ​ക​രാ​ർ സൈ​നി​ക​ർ​ക്കു പ​ക്ഷേ, സൈ​ന്യ​വു​മാ​യി ഔ​ദ്യോ​ഗി​ക ബ​ന്ധ​മൊ​ന്നു​മു​ണ്ടാ​വി​ല്ല’’. ഉ​ദ്യോ​ഗ​സ്ഥ​ർ മു​റു​മു​റു​ത്ത​പ്പോ​ൾ ​പ്രി​ഗോ​ഷി​ന്‍റെ സ്വ​രം ക​ടു​ത്തു: ‘‘ഇ​ത്​ അ​ഭ്യ​ർ​ഥ​ന​യ​ല്ല, പാ​പാ(​പു​ടി​ൻ)​യു​ടെ ആ​ജ്ഞ​യാ​ണ്’’. അ​വി​ടെ​യാ​യി​രു​ന്നു പു​ടി​ന്‍റെ സ്വ​കാ​ര്യ കൂ​ലി​പ്പ​ട്ടാ​ള​മാ​യ വാ​ഗ്ന​റി​ന്‍റെ തു​ട​ക്കം.

റ​ഷ്യ​യു​ടെ നേ​രി​ട്ടു​ള്ള അ​ധി​നി​വേ​ശ​ങ്ങ​ളി​ൽ, പു​ടി​ൻ പി​ന്തു​ണ​ക്കു​ന്ന സി​റി​യ​യി​ലെ​യും ലി​ബി​യ​യി​ലെ​യും സ്വേ​ച്ഛാ​ധി​പ​തി​ക​ളു​ടെ തേ​ർ​വാ​ഴ്ച​ക​ളി​ൽ, അ​ര ഡ​സ​നോ​ളം ആ​ഫ്രി​ക്ക​ൻ രാ​ജ്യ​ങ്ങ​ളി​ലെ സൈ​നി​ക ഓ​​പ​റേ​ഷ​നു​ക​ളി​ൽ രാ​ജ്യ​ത്തി​ന്‍റെ സൈ​നി​ക​ർ​ക്കൊ​പ്പം ഈ ​ഗു​ണ്ടാ​പ്പ​ട്ടാ​ളം സ​ജീ​വ​മാ​യി പ​​ങ്കു​കൊ​ണ്ടു.

സി​റി​യ​യി​ൽ ബ​ശ്ശാ​റു​ൽ അ​സ​ദി​നെ സ​ഹാ​യി​ക്കാ​ൻ പു​ടി​ൻ സേ​ന​യെ അ​യ​ക്കു​മ്പോ​ൾ ഭ​ക്ഷ​ണ​ക്ക​രാ​ർ നേ​ടി കേ​റ്റ​റി​ങ് സ​ർ​വി​സും ഒ​പ്പം വാ​ഗ്ന​റി​​ന്‍റെ ഒ​ളി​പ്പ​ട്ടാ​ള സേ​വ​ന​വും ഡ​മ​സ്ക​സി​ലെ​ത്തി. ആ​ളു​ക​ളെ ക​ഴു​ത്ത​റു​ത്തും അം​ഗ​വി​ഹീ​ന​രാ​ക്കി​യും അ​തു വി​ഡി​യോ സ​ന്ദേ​ശ​ങ്ങ​ളാ​യി പ്ര​ച​രി​പ്പി​ച്ചും അ​വ​ർ കു​പ്ര​സി​ദ്ധി നേ​ടി.

രാ​ജ്യ​ത്തി​ലെ ജ​യി​ലു​ക​ളി​ൽ​നി​ന്ന് ക്രി​മി​ന​ൽ പ​രി​ച​യ​​മു​ള്ള​വ​രെ നേ​രി​ട്ടു തി​ര​ഞ്ഞെ​ടു​ക്കു​ക​യാ​യി​രു​ന്നു പ്രി​ഗോ​ഷി​ന്‍റെ രീ​തി. ആ​ദ്യ​മൊ​ക്കെ വാ​ഗ്ന​റി​ന്‍റെ ഉ​ട​മ​സ്​​ഥാ​വ​കാ​ശം നി​ഷേ​ധി​ച്ചെ​ങ്കി​ലും പി​ന്നീ​ട്​ അ​ര​ല​ക്ഷ​ത്തി​ലേ​റെ വ​രു​ന്ന ത​ന്‍റെ സ്വ​കാ​ര്യ സൈ​ന്യ​ത്തി​നു മു​ന്നി​ൽ റ​ഷ്യ​ൻ​സേ​ന നി​ഷ്പ്ര​ഭ​മാ​ണ്​ എ​ന്ന അ​വ​കാ​ശ​വാ​ദ​ങ്ങ​ളു​ടെ വി​ഡി​യോ പ്ര​ചാ​ര​ണ​വു​മാ​യി അ​ദ്ദേ​ഹം രം​ഗ​ത്തെ​ത്തി​യ​ത്​ സ്വാ​ഭാ​വി​ക​മാ​യും പ്ര​തി​രോ​ധ വ​കു​പ്പി​നെ ചൊ​ടി​പ്പി​ച്ചു. അ​വ​രു​മാ​യു​ള്ള വി​യോ​ജി​പ്പ്​ വ​ള​ർ​ന്നാ​ണ്​ പ്രി​ഗോ​ഷി​ൻ ‘വി​മ​ത നേ​താ​വാ’​യി മാ​റു​ന്ന​ത്.

സ​മാ​ന്ത​ര യു​ദ്ധ​മ​ന്ത്രാ​ല​യം ത​ന്നെ

യു​ക്രെ​യ്ൻ അ​തി​ർ​ത്തി​ക​ളി​ൽ സ്വ​കാ​ര്യ സൈ​നി​ക പ​രി​ശീ​ല​ന​കേ​ന്ദ്ര​ങ്ങ​ളും പ്ര​തി​രോ​ധാ​വ​ശ്യ​ങ്ങ​ൾ​ക്കു​ള്ള ബി​സി​ന​സ്​ സെ​ന്‍റ​റു​ക​ളും തു​ട​ങ്ങി മു​ന്നോ​ട്ടു​പോ​യ പാ​പാ​യു​ടെ സ്വ​ന്തം കൂ​ട്ടു​കാ​ര​ൻ ഒ​രു സ​മാ​ന്ത​ര പ്ര​തി​രോ​ധ​മ​ന്ത്രാ​ല​യം ത​ന്നെ സൃ​ഷ്ടി​ച്ചു എ​ന്നു​പ​റ​യാം. സ്വ​ദേ​ശ​ത്തെ​യും വി​ദേ​ശ​ത്തെ​യും രാ​ഷ്ട്രീ​യ ന​യ​നി​ല​പാ​ടു​ക​ളി​ൽ ഇ​ട​പെ​ടു​ന്ന വ്യ​വ​സ്ഥാ​പി​ത ഇ​ന്‍റ​ർ​നെ​റ്റ്​ ട്രോ​ളു​ക​ളു​ടെ ഫാ​ക്ട​റി (​ട്രോ​ൾ ഫാം) ​വി​ക​സി​പ്പി​ച്ചെ​ടു​ത്തു.

2016ൽ ​ഡോ​ണ​ൾ​ഡ്​ ട്രം​പ്​ വി​ജ​യി​ച്ച അ​മേ​രി​ക്ക​ൻ തെ​ര​ഞ്ഞെ​ടു​പ്പി​ലെ റ​ഷ്യ​ൻ ഇ​ട​പെ​ട​ൽ ആ​രോ​പ​ണ​ത്തി​ൽ പ്ര​തി​ക്കൂ​ട്ടി​ലാ​യ​വ​രി​ൽ ​പ്രി​ഗോ​ഷി​ന്‍റെ കോ​ൺ​കോ​ഡ്​ ക​മ്പ​നി​യു​മു​ണ്ടാ​യി​രു​ന്നു. ട്രം​പി​ന്‍റെ സ്ഥാ​നാ​ർ​ഥി​ത്വം ഉ​റ​പ്പി​ക്കു​ന്ന​തി​നു ഫേ​സ്​​ബു​ക്ക്, ട്വി​റ്റ​ർ പ്രൊ​ഫൈ​ലു​ക​ൾ ഉ​പ​യോ​ഗ​പ്പെ​ടു​ത്തി. ഫേ​ക്​ ​പ്രൊ​ഫൈ​ലു​ക​ളി​ൽ നി​ന്ന് ട്രം​പ്​ അ​നു​കൂ​ല പ്ര​ചാ​ര​ണ​ങ്ങ​ൾ അ​ഴി​ച്ചു​വി​ടു​ക​യും ചെ​യ്​​തു.

അ​തേ​ക്കു​റി​ച്ച് പ്രി​ഗോ​ഷി​ൻ പി​ന്നീ​ട്​ വ്യ​ക്ത​മാ​ക്കി​യ​ത്​ ഇ​ങ്ങ​നെ: ‘‘മാ​ന്യ​രേ, ഞ​ങ്ങ​ൾ ഇ​ട​പെ​ട്ടു, ഇ​പ്പോ​ഴും ഇ​ട​പെ​ടു​ന്നു, ഇ​നി​യും ഇ​ട​പെ​ടും. സൂ​ക്ഷ്മ​ത​യോ​ടെ, സം​ക്ഷി​പ്ത​മാ​യി, ഞ​ങ്ങ​ളു​ടേ​താ​യ ശ​സ്ത്ര​ക്രി​യ രീ​തി​ക​ളി​ലൂ​ടെ. പി​ൻ​പോ​യ​ന്‍റ്​ ഓ​പ​റേ​ഷ​നു​ക​ളാ​ണ്​ ഞ​ങ്ങ​ൾ​ക്കു പ​ഥ്യം. വൃ​ക്ക​ക​ൾ ര​ണ്ടും ക​ര​ളും ഒ​റ്റ​യ​ടി​ക്ക് എ​ങ്ങ​നെ പി​ഴു​തു​നീ​ക്ക​ണ​മെ​ന്ന് ഞ​ങ്ങ​ൾ​ക്ക​റി​യാം’’.

സോ​റ​സി​ൽനി​ന്ന് ബ്രൂ​ട്ട​സി​ലേ​ക്ക്​

എ​തി​ർ​പ്പു​ക​ളെ​യും എ​തി​രാ​ളി​ക​ളെ​യും എ​ങ്ങ​നെ നേ​രി​ട​ണ​മെ​ന്ന ക​മ്യൂ​ണി​സ്റ്റ് സ​മ​ഗ്രാ​ധി​പ​ത്യ​പാ​ഠ​ങ്ങ​ളി​ലും പു​ടി​ന്​ ശി​ഷ്യ​പ്പെ​ട്ടി​രി​ക്കു​ന്നു പ്രി​ഗോ​ഷി​ൻ. സി​റി​യ​യി​ൽ നി​ന്നു​ള്ള ക​ഴു​ത്ത​റ​പ്പ​ൻ വി​ഡി​യോ സ​ന്ദേ​ശ​ങ്ങ​ളി​ലൂ​ടെ ​ഒ​റി​ജി​ന​ൽ സൈ​ന്യ​ത്തെ വെ​ല്ലാ​നു​ള്ള വാ​ഗ്ന​റി​ന്‍റെ കെ​ൽ​പു തെ​ളി​യി​ച്ച അ​ദ്ദേ​ഹം സ്വ​ദേ​ശ​ത്ത്​ ത​ന്‍റെ പി​റ​കെ കൂ​ടി​യ മാ​ധ്യ​മ​പ്ര​വ​ർ​ത്ത​ക​രെ​യും ക​മ്യൂ​ണി​സ്റ്റ്​ മു​റ​യി​ൽ ത​ന്നെ നേ​രി​ട്ടു.

അ​ദ്ദേ​ഹ​ത്തി​ന്‍റെ വ​ഴി​വി​ട്ട നീ​ക്ക​ങ്ങ​ളെ അ​ന്വേ​ഷി​ച്ച റ​ഷ്യ​ൻ മാ​ധ്യ​മ​മാ​യ ​നൊ​വാ​യ ഗ​സെ​റ്റ​യു​ടെ ഓ​ഫി​സി​നു​മു​ന്നി​ൽ മ​റു​പ​ടി​യാ​യെ​ത്തി​യ​ത്​ ഒ​രു മു​ട്ട​നാ​ടി​ന്‍റെ അ​റു​ത്ത ത​ല. അ​ന്വേ​ഷ​ണം ന​ട​ത്തി​യ മാ​ധ്യ​മ​പ്ര​വ​ർ​ത്ത​ക​ന്​ വീ​ട്ടു​വി​ലാ​സ​ത്തി​ൽ ഒ​രു റീ​ത്തും. വാ​ഗ്ന​റി​ന്‍റെ മ​ധ്യാ​ഫ്രി​ക്ക​ൻ ഓ​പ​റേ​ഷ​നു​ക​ളു​ടെ പി​റ​കെ കൂ​ടി​യ മൂ​ന്നു റ​ഷ്യ​ൻ ജേ​ണ​ലി​സ്റ്റു​ക​ൾ ദു​രൂ​ഹ​സാ​ഹ​ച​ര്യ​ത്തി​ൽ ഒ​രു സ്​​ഫോ​ട​ന​ത്തി​ൽ കൊ​ല്ല​പ്പെ​ട്ടു.

അ​ങ്ങ​നെ ഏ​തു​നി​ല​ക്കും പു​ടി​​നെ വെ​ല്ലാ​നു​ള്ള ക​രു​ത്തി​ന്‍റെ അ​ക​മ്പ​ടി​യു​മാ​യാ​ണ്​ പ്ര​തി​കാ​ര​ദാ​ഹി​യാ​യ പ്രി​ഗോ​ഷി​ന്‍റെ വ​ര​വ്. രാ​ജ്യ​ത്തെ സേ​വി​ച്ച ത​ന്‍റെ കൂ​ലി​പ്പ​ട്ടാ​ള​ത്തി​​ലെ 2000​ പേ​രെ അ​സൂ​യ മൂ​ത്ത റ​ഷ്യ​ൻ​സേ​ന കൊ​ല​പ്പെ​ടു​ത്തി​യ​തി​ന് തി​രി​ച്ച​ടി​യാ​യാ​ണ്​ ​സൈ​നി​ക​കേ​ന്ദ്രം പി​ടി​ച്ച്​ രാ​ജ്യ​ത​ല​സ്ഥാ​ന​ത്തേ​ക്കു​ള്ള ഈ ​വി​മ​ത​പ​ട​നീ​ക്കം. ജോ​ർ​ജ്​ സോ​റ​സി​നോ​ടാ​ണ്​ പു​ടി​ൻ അ​ദ്ദേ​ഹ​ത്തെ ഉ​പ​മി​ച്ച​ത്.

എ​ന്നാ​ൽ സോ​റ​സ്​ അ​ല്ല, ബ്രൂ​ട്ട​സാ​ണ്​ ഇ​ഷ്ട​ൻ എ​ന്നു തി​രി​ച്ച​റി​യാ​ൻ പു​ടി​ൻ അ​ൽ​പം വൈ​കി. അ​തു​​കൊ​ണ്ടാ​ണ്​ ഇ​തൊ​രു കൊ​ടും​ച​തി​യാ​യെ​ന്ന്​ പു​ടി​ൻ പ​രി​ത​പി​ച്ച​ത്. ക​ടു​വ​യും കി​ടു​വ​യും ത​മ്മി​ലെ ഈ ​ഏ​റ്റു​മു​ട്ട​ലി​ൽ ര​ണ്ടു​പേ​ർ​ക്കും പി​ന്തി​രി​യാ​നാ​വി​ല്ല, അ​തു​പോ​ലെ ജ​യി​ക്കാ​നും. ക​മ്യൂ​ണി​സ്റ്റ്​ പാ​ര​മ്പ​ര്യ​മ​നു​സ​രി​ച്ച്​ അ​വ​സാ​ന​ത്തെ ചി​രി ആ​രു​ടേ​താ​യി​രി​ക്കും എ​ന്നേ ഇ​നി അ​റി​യാ​നു​ള്ളൂ.