റിപ്പബ്ലിക്കിന്റെ ഹൃദയ സംഹിത

ച​രി​ത്ര​പ്ര​സി​ദ്ധ​മാ​യ ആ ​പ്ര​സം​ഗ​ത്തി​നും ന​മ്മു​ടെ ഭ​ര​ണ​ഘ​ട​ന​ക്കും 75 വ​യ​സ്സ് പി​ന്നി​ടു​മ്പോ​ൾ ചോ​ദ്യം ഇ​താ​ണ്: ഇ​പ്പോ​ൾ ന​മ്മു​ടെ കൈ​വ​ശ​മു​ള്ള ഭ​ര​ണ​ഘ​ട​ന​യു​ടെ സ്വ​ഭാ​വം എ​ന്താ​ണ്? അ​ത് ന​ല്ല​താ​ണോ മോ​ശ​മാ​ണോ?

ന​മു​ക്ക് ര​ണ്ട് ഭ​ര​ണ​ഘ​ട​ന​യു​ണ്ട്: ന​ല്ല ഭ​ര​ണ​ഘ​ട​ന​യും മോ​ശം ഭ​ര​ണ​ഘ​ട​ന​യും. ര​ണ്ടി​ന്റെ​യും ഉ​ള്ള​ട​ക്കം ഒ​ന്നു​ത​ന്നെ​യാ​ണെ​ങ്കി​ലും ന​ല്ല​തും മോ​ശ​വും നി​ശ്ച​യി​ക്ക​പ്പെ​ടു​ന്ന​ത് അ​ത് കൈ​കാ​ര്യം ചെ​യ്യു​ന്ന ഭ​ര​ണ​കൂ​ട​വും അ​തി​നെ ന​യി​ക്കു​ന്ന പ്ര​ത്യ​യ​ശാ​സ്ത്ര​വു​മാ​ണ്. ഭ​ര​ണ​ഘ​ട​നാ​ശി​ൽ​പി ഡോ. ​ബി.​ആ​ർ. അം​ബേ​ദ്ക​ർ ആ ​നി​യ​മ​സം​ഹി​ത രാ​ജ്യ​ത്തി​ന് സ​മ​ർ​പ്പി​ച്ചു​കൊ​ണ്ട് ന​ട​ത്തി​യ പ്ര​ഭാ​ഷ​ണ​ത്തി​ൽ നി​രീ​ക്ഷി​ച്ച കാ​ര്യ​മാ​ണി​ത്. ച​രി​ത്ര​പ്ര​സി​ദ്ധ​മാ​യ ആ ​പ്ര​സം​ഗ​ത്തി​നും ന​മ്മു​ടെ ഭ​ര​ണ​ഘ​ട​ന​ക്കും 75 വ​യ​സ്സ് പി​ന്നി​ടു​മ്പോ​ൾ ചോ​ദ്യം ഇ​താ​ണ്: ഇ​പ്പോ​ൾ ന​മ്മു​ടെ കൈ​വ​ശ​മു​ള്ള ഭ​ര​ണ​ഘ​ട​ന​യു​ടെ സ്വ​ഭാ​വം എ​ന്താ​ണ്? അ​ത് ന​ല്ല​താ​ണോ മോ​ശ​മാ​ണോ?

ലോ​ക​ത്തെ ഏ​റ്റ​വും ശ​ക്ത​മാ​യ ഭ​ര​ണ​ഘ​ട​ന​ക​ളി​ലൊ​ന്നാ​ണ് ന​മ്മു​ടേ​ത്. 75 വ​ർ​ഷ​ത്തെ ആ​യു​സ്സ് എ​ന്ന​ത് ഭ​ര​ണ​ഘ​ട​ന​യെ സം​ബ​ന്ധി​ച്ച് ഒ​ട്ടും ചെ​റു​ത​ല്ല; ഒ​രു പു​രു​ഷാ​യു​സ്സി​നി​ടെ, അ​യ​ൽ രാ​ജ്യ​ങ്ങ​ളി​ൽ ചി​ല​തി​ൽ അ​ര​ഡ​സ​ൻ ഭ​ര​ണ​ഘ​ട​ന​ക​ൾ വ​രെ എ​ഴു​ത​പ്പെ​ട്ടു​വെ​ന്ന​റി​യു​​മ്പോ​ഴാ​ണ്, മു​ക്കാ​ൽ നൂ​റ്റാ​ണ്ടി​ന്റെ ക​രു​ത്ത് ബോ​ധ്യ​പ്പെ​ടു​ക. ബ​ഹു​ത്വ​ത്തി​ന്റെ പ​റു​ദീ​സ​യാ​യ ഈ ​രാ​ജ്യ​ത്തി​ന്റെ നാ​നാ​ത്വ​ങ്ങ​ളെ അം​ഗീ​ക​രി​ച്ചും ഉ​ൾ​ക്കൊ​ണ്ടു​മാ​ണ് അ​ത് ത​യാ​റാ​ക്ക​പ്പെ​ട്ട​ത്. അ​തി​നാ​യി, പ്ര​ത്യേ​ക അ​സം​ബ്ലി​ത​ന്നെ​യു​ണ്ടാ​ക്കി. നി​യ​മ​വി​ദ​ഗ്ധ​രു​ടെ​യും രാ​ഷ്ട്ര​ത​ന്ത്ര​ജ്ഞ​രു​ടെ​യും ആ ​നി​ര ബ​ഹു​സ്വ​ര ഇ​ന്ത്യ​യു​ടെ ആ​ത്മ​വി​നെ സ​ർ​ഗാ​ത്മ​ക​മാ​യും പ്രാ​യോ​ഗി​ക​മാ​യും ആ​വി​ഷ്ക​രി​ച്ച​പ്പോ​ഴാ​ണ് ന​മു​ക്ക് മ​ഹ​ത്താ​യൊ​രു ഭ​ര​ണ​ഘ​ട​ന യാ​ഥാ​ർ​ഥ്യ​മാ​യ​ത്. തു​ട​ക്ക​ത്തി​ൽ അ​തൊ​രു ‘ന​ല്ല’ ഭ​ര​ണ​ഘ​ട​ന​യാ​യി​രു​ന്നു; ആ​ദ്യ ആ​റ​ര പ​തി​റ്റാ​ണ്ടി​ന്റെ ച​രി​ത്ര​ത്തി​ൽ അ​പൂ​ർ​വം സ​ന്ദ​ർ​ഭ​ങ്ങ​ളി​ൽ മാ​ത്ര​മാ​ണ് അ​ത് ‘ചീ​ത്ത’​യാ​യി അ​നു​ഭ​വ​പ്പെ​ട്ട​ത്. അ​തേ ഭ​ര​ണ​ഘ​ട​ന​യു​ടെ ക​രു​ത്തി​ൽ ആ ​പ്ര​സി​സ​ന്ധി​ക​ളെ നാം ​അ​തി​ജീ​വി​ക്കു​ക​യും ചെ​യ്തു. പ​ക്ഷേ, ഹി​ന്ദു​ത്വ ഫാ​ഷി​സ​ത്തി​ന്റെ പു​തി​യ കാ​ല​ത്ത് ന​മ്മു​ടെ ഭ​ര​ണ​ഘ​ട​ന നി​ത്യ പ​രീ​ക്ഷ​ണ​ങ്ങ​ൾ നേ​രി​ട്ടു​​കൊ​ണ്ടി​രി​ക്കു​ന്നു; ഈ ​അ​നി​ശ്ചി​ത​ത്വ​ങ്ങ​ളെ രാ​ജ്യ​വും റി​പ്പ​ബ്ലി​ക്കും എ​ങ്ങ​നെ​യാ​കും അ​തി​ജീ​വി​ക്കു​ക?

ഭ​ര​ണ​ഘ​ട​നാ അ​സം​ബ്ലി​യു​ടെ ദി​ന​ങ്ങ​ൾ

ലോ​ക​ത്തി​ലെ ഏ​റ്റ​വും വ​ലി​യ ജ​നാ​ധി​പ​ത്യം എ​ന്ന്​ വി​ശേ​ഷി​ക്ക​പ്പെ​ടു​ന്ന രാ​ജ്യ​ത്തി​ന്​ ആ ​പ​ദ​വി അ​ർ​ഹ​മാ​ക്കി​യ ഭ​ര​ണ​ഘ​ട​ന എ​ഴു​തി​ത്ത​യാ​റാ​ക്ക​ൽ ഒ​ട്ടും ല​ളി​ത​മാ​യി​രു​ന്നി​ല്ല. ഏ​ക​ദേ​ശം മൂ​ന്നു​വ​ർ​ഷം കൊ​ണ്ടാ​ണ്​ ഭ​ഗീ​ര​ഥ​യ​​ത്ന​ത്തി​ലൂ​ടെ ഭ​ര​ണ​ഘ​ട​ന എ​ഴു​തി പൂ​ർ​ത്തി​യാ​ക്കി​യ​ത്.

1946 മേ​​യ് 16നാ​ണ്​ ഭ​​ര​​ണ​​ഘ​​ട​​നാ അ​​സം​​ബ്ലി​​യു​​ടെ ഘ​​ട​​ന​​യും മ​റ്റും കാ​​ബി​​ന​​റ്റ് മി​​ഷ​​ൻ വി​​ശ​​ദീ​​ക​​രി​​ക്കു​​ന്ന​ത്. ജൂ​ലൈ​യി​ൽ ഭ​​ര​​ണ​​ഘ​​ട​​നാ അ​​സം​​ബ്ലി​​യി​​ലേ​​ക്കു​​ള്ള തെ​​ര​​ഞ്ഞെ​​ടു​​പ്പ് പൂ​​ർ​​ത്തി​യാ​യി.

അ​​വി​​ഭ​​ക്ത ബ്രി​​ട്ടീ​​ഷ് ഇ​​ന്ത്യ​​യി​​ൽ നി​​ന്ന് 296 പേ​രെ​യും 20 സ്വ​​ത​​ന്ത്ര ഇ​​ന്ത്യ​​ൻ സം​​സ്ഥാ​​ന​​ങ്ങ​​ളി​​ൽ നി​​ന്ന് 93 പേ​രെ​യും അം​ഗ​ങ്ങ​ളാ​യി തെ​​ര​​ഞ്ഞെ​​ടു​​ത്തു.15 പേ​ർ സ്​​ത്രീ​ക​ൾ. ഇ​തി​ൽ മ​ല​യാ​ളി​യാ​യ ദാ​ക്ഷാ​യ​ണി വേ​ലാ​യു​ധ​നാ​യി​രു​ന്നു ഏ​ക ദ​ലി​ത്​ അം​ഗം. ജൂ​​ലൈ 11ന്​ ​ബി.​​എ​​ൻ. റാ​​വു​വി​നെ ഭ​​ര​​ണ​​ഘ​​ട​​നാ അ​​സം​​ബ്ലി​​യു​​ടെ ഉ​​പ​​ദേ​​ഷ്ടാ​​വാ​യി നി​​യ​​മി​​ച്ചു.

1946 ഡി​​സം​​ബ​​ർ ഒ​മ്പ​തി​ന്​ ഭ​​ര​​ണ​​ഘ​​ട​​നാ അ​​സം​​ബ്ലി​ രൂ​​പ​വ​ത്ക​രി​ച്ചു. കോ​ൺ​സ്റ്റി​റ്റ്യു​വ​ന്റ് അ​സം​ബ്ലി​യു​ടെ ആ​ദ്യ​യോ​ഗം അ​ന്നാ​ണ്​ ചേ​ർ​ന്ന​ത്. കോ​ൺ​ഗ്ര​സ് നേ​താ​ക്ക​ളാ​യ നെ​ഹ്റു​വും പ​ട്ടേ​ലും സ​ഭ​യി​ൽ ആ​ദ്യ നി​ര​യി​ൽ ഇ​രു​ന്നു. എ​ന്നാ​ൽ, പ്ര​​ത്യേ​​ക രാ​ജ്യം ആ​വ​ശ്യ​പ്പെ​ട്ട്​ മു​​സ്‍ലിം ലീ​​ഗ് യോ​​ഗം ബ​​ഹി​​ഷ്ക​​രി​​ച്ചു. ര​ണ്ട്​ ദി​വ​സ​ങ്ങ​ൾ​ക്കു​ശേ​ഷം ഡോ. ​രാ​​ജേ​​ന്ദ്ര പ്ര​​സാ​​ദി​നെ അ​സം​ബ്ലി​യു​ടെ അ​ധ്യ​ക്ഷ​നാ​യി നി​യ​മി​ച്ചു. ഹ​​രേ​​ന്ദ്ര കു​​മാ​​ർ മു​​ഖ​​ർ​​ജി ഉ​പാ​ധ്യ​ക്ഷ​ൻ. ആ​​കെ 389 അം​​ഗ​​ങ്ങ​​ൾ, വി​​ഭ​​ജ​​ന​​ത്തി​​നു​​ശേ​​ഷം അം​ഗ​ങ്ങ​ളു​ടെ എ​ണ്ണം 299 ആ​​യി കു​​റ​​ഞ്ഞു.

1946 ഡി​​സം​​ബ​​ർ 13ന്​ ​ഭ​ര​ണ​ഘ​ട​നാ അ​സം​ബ്ലി​യി​ൽ ജ​​വ​​ഹ​​ർ​​ലാ​​ൽ നെ​​ഹ്‌​​റു ഭ​​ര​​ണ​​ഘ​​ട​​ന​​യു​​ടെ അ​​ടി​​സ്ഥാ​​ന ത​​ത്ത്വ​​ങ്ങ​​ൾ വി​​ശ​​ദീ​​ക​​രി​ച്ചു.​ ഒ​​രു ‘ല​​ക്ഷ്യ പ്ര​​മേ​​യം’ ഉ​ജ്ജ്വ​ല​മാ​യ ഭാ​ഷ​യി​ൽ അ​​വ​​ത​​രി​​പ്പി​​ച്ചു.

1947 ഫെ​​ബ്രു​​വ​​രി 27ന്​ ​മൗ​​ലി​​കാ​​വ​​കാ​​ശ​​ങ്ങ​​ൾ​​ക്കാ​​യു​​ള്ള ഉ​​പ​​സ​​മി​​തി​​യു​​ടെ ആ​​ദ്യ യോ​​ഗം ചേ​ർ​ന്നു. ഹ​​ൻ​​സ മേ​​ത്ത​​യും അ​​മൃ​​ത് കൗ​​റും ഉ​ൾ​പ്പെ​ടെ ഈ ​​ഉ​​പ​​സ​​മി​​തി​​യി​​ൽ12 അം​​ഗ​​ങ്ങ​ൾ.

1947 ഏ​​പ്രി​​ൽ ഒ​ന്നി​ന്​ മൗ​​ലി​​കാ​​വ​​കാ​​ശ​​ങ്ങ​​ൾ​​ക്കാ​​യു​​ള്ള ഉ​​പ​​സ​​മി​​തി​​യു​​ടെ റി​​പ്പോ​​ർ​​ട്ട് ഉ​​പ​​ദേ​​ശ​​ക സ​​മി​​തി​​ക്ക് സ​​മ​​ർ​​പ്പി​​ച്ചു. ആ ​വ​ർ​ഷം ജൂ​ലൈ 22ന്​ ​ദേ​​ശീ​​യ​പ​​താ​​ക അം​​ഗീ​​ക​​രി​​ച്ചു. ആ​ഗ​സ്​​റ്റ്​ 15ന്​ ​സ്വാ​ത​ന്ത്ര്യം നേ​ടി​യ​തോ​ടെ ഭ​ര​ണ​ഘ​ട​ന ത​യാ​റാ​ക്ക​ൽ ന​ട​പ​ടി​ക​ൾ വേ​ഗ​ത്തി​ലാ​യി.

ആ​ഗ​​സ്റ്റ് 29ന്​ ​ഡോ. ​ബി.​ആ​​ർ. അം​​ബേ​​ദ്ക​​ർ ചെ​​യ​​ർ​​മാ​​നാ​​യി ഡ്രാ​​ഫ്റ്റി​ങ് ക​​മ്മി​​റ്റി​​യെ നി​​യ​​മി​​ച്ചു. കെ.​​എം. മു​​ൻ​​ഷി, മു​​ഹ​​മ്മ​​ദ് സാ​​ദു​​ല, അ​​ല്ലാ​​ഡി കൃ​​ഷ്ണ​​സ്വാ​​മി അ​​യ്യ​​ർ, ഗോ​​പാ​​ല സ്വാ​​മി അ​​യ്യ​​ങ്കാ​​ർ, എ​​ൻ. മാ​​ധ​​വ റാ​​വു, ടി.​​ടി. കൃ​​ഷ്ണ​​മാ​​ചാ​​രി എ​ന്നി​വ​രാ​യി​രു​ന്നു ക​​മ്മി​​റ്റി​​യി​​ലെ മ​​റ്റ് അം​​ഗ​​ങ്ങ​​ൾ. ഇ​തി​ൽ മാ​ധ​വ​റാ​വു അ​​സു​​ഖം കാ​​ര​​ണം രാ​​ജി​​വെ​​ച്ചു. 1949 ന​​വം​​ബ​​ർ 26ന്​ ‘​ഇ​​ന്ത്യ​​ൻ ഭ​​ര​​ണ​​ഘ​​ട​​ന’ സ​​ഭ പാ​സാ​ക്കി. 1950 ജ​​നു​​വ​​രി 24ന്​ ​ഭ​​ര​​ണ​​ഘ​​ട​​നാ അ​​സം​​ബ്ലി​​യു​​ടെ അ​​വ​​സാ​​ന യോ​​ഗം ചേ​ർ​ന്നു.