Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightOpen Forumchevron_rightപിറക്കാത്ത ‘ജിയോ’...

പിറക്കാത്ത ‘ജിയോ’ ശ്രേഷ്​ഠമാകു​േമ്പാൾ

text_fields
bookmark_border
പിറക്കാത്ത ‘ജിയോ’ ശ്രേഷ്​ഠമാകു​േമ്പാൾ
cancel

വിദ്യാഭ്യാസം വ്യവസായമല്ല. ആയിരിക്കരുത്​. ഇന്ത്യയുടെ സാമ്പത്തിക നാഡീവ്യൂഹം നിയന്ത്രിക്കുന്ന കോർപറേറ്റ്​ ഭീമൻ റിലയൻസ്​ ഉന്നത വിദ്യാഭ്യാസ സ്​ഥാപനം നടത്തുന്നത്​ ആ സങ്കൽപത്തിന്​ വിര​ുദ്ധമാണെന്ന്​ പറഞ്ഞുകൂടാ. വിദ്യാഭ്യാസ മുന്നേറ്റത്തിൽ സർക്കാറി​​​െൻറയും സ്വകാര്യമേഖലയുടെ പങ്കാളിത്തം കൂടിയേ കഴിയൂ. അത്​ ഇതിനകം തന്നെ നമ്മുടെ രീതിയുമാണ്​. വിദ്യാഭ്യാസത്തിൽ സ്വകാര്യ പങ്കാളിത്തം അനുവദിക്കു​േമ്പാൾ തന്നെ, അതി​​​െൻറ ഗുണമേന്മയും പ്രാപ്യതയും നിലനിർത്തുകയാണ്​ വേണ്ടതെന്നാണ്​ പൊതുകാഴ്​ചപ്പാട്. റിലയൻസി​​​െൻറ സംരംഭമായ 'ജിയോ' ഇൻസ്​റ്റിറ്റ്യൂട്ടിന്​ ശ്രേഷ്ഠപദവി നൽകാനുള്ള കേന്ദ്ര മാനവശേഷി വികസന മന്ത്രാലയത്തി​​​െൻറ തീരുമാനം വിമർശിക്കപ്പെടുന്നത്​ ഇതൊന്നും കൊണ്ടല്ല. ആ ഇൻസ്​റ്റിറ്റ്യൂട്ട്​ ഇപ്പോൾ കടലാസിൽ മാത്രമാണ്. 

ambani-modi nita
മുകേഷ് അംബാനി, നരേന്ദ്ര മോദി, നിത അംബാനി
 


അത്തരമൊരു സ്​ഥാപനം ശ്രേഷ്​ഠമായി മാറുന്നതെങ്ങനെ? തുടങ്ങുന്നത്​ റിലയൻസ്​ ആയതു കൊ​ണ്ട്​, അതു ശ്രേഷ്ഠമായി മാറുമോ? ഒരു വിദ്യാഭ്യാസ സ്​ഥാപനം ശ്രേഷ്​ഠമായി തീരുന്നത്​ അതി​​​െൻറ പ്രവർത്തന പാരമ്പര്യം മുൻനിർത്തിയാണ്​. അക്കാദമിക മികവു മുൻനിർത്തിയാണ്​. വർഷങ്ങളുടെ പ്രവർത്തനം കൊണ്ട്​ കി​േട്ടണ്ട അത്തരമൊരു പദവി, പിറക്കുന്നതിനും മു​േമ്പ 'ജിയോ' ഇൻസ്​റ്റിറ്റ്യൂട്ടിന്​ താലത്തിൽ വെച്ചു നൽകിയ തീരുമാനത്തിൽ കോർപറേറ്റ്​ -സർക്കാർ ഒത്തുകളിയാണ്​ പ്രതിഫലിക്കുന്നത്​. റിലയൻസി​​​െൻറ ഉദരത്തിലുള്ള കുഞ്ഞ്​ ശ്രേഷ്​ഠനാകുമെന്ന്​ സർക്കാർ എങ്ങനെ ഉറപ്പിച്ചു? ശ്രേഷ്​ഠപദവി മുൻകൂട്ടി നൽകിയ ഒരു സ്വകാര്യ സ്​ഥാപനത്തിന്​, അതി​​​െൻറ ലേബലിൽ വിദ്യാർഥികളിൽ നിന്ന്​ തരംപോലെ തലവരി ഇൗടാക്കാമെന്ന്​ ആർക്കാണ്​ അറിഞ്ഞു കൂടാത്തത്​? ഡൽഹിയിലെ ജവഹർലാൽ നെഹ്​റു സർവകലാശാല പോലെ അക്കാദമിക പാരമ്പര്യമുള്ള കലാലയങ്ങളെ പിന്തള്ളി, 'ജിയോ'യെ ശ്രേഷ്​ഠമാക്കുന്ന തലതിരിഞ്ഞ വിദ്യാഭ്യാസ രീതിയാണ്​ സർക്കാർ നടപ്പാക്കുന്നത്​. 
                                            
ചെറിയ പദ്ധതി പോലും വാർത്താസമ്മേളനം വിളിച്ച്​ അറിയിക്കുന്നയാളാണ്​ മാനവശേഷി വികസന മന്ത്രി പ്രകാശ്​ ജാവ്​ദേക്കർ. എന്നാൽ, രാജ്യത്തെ ആറ്​ ഉന്നത വിദ്യാഭ്യാസ സ്​ഥാപനങ്ങൾക്ക്​ ശ്രേഷ്​ഠപദവി നൽകുന്ന കാര്യം, അവർക്ക്​ 1000 കോടി രൂപ ​ അനുവദിക്കുന്ന കാര്യം ട്വിറ്ററിൽ ട്വീറ്റുചെയ്യുക മാത്രമാണ്​ ചെയ്​തത്​. രാത്രി വൈകി മന്ത്രാലയത്തി​​​െൻറ വെബ്​സൈറ്റിൽ പത്രകുറിപ്പും പ്രസിദ്ധീകരിച്ചു. 

prakash-javadekkar
കേന്ദ്രമന്ത്രി പ്രകാശ് ജാവദേക്കർ
 


ശ്രേഷ്ഠപദവിക്കുള്ള മാനദണ്ഡം
വ്യത്യസ്​ഥ പഠനമേഖലകളെ സംയോജിപ്പിച്ച പഠനശാഖ വേണം, ആവിര്‍ഭാവ സാങ്കേതികവിദ്യകളിൽ ഗവേഷണം നടക്കണം, സ്വദേശികളും വിദേശികളുമായ അധ്യാപകരും കുട്ടികളും വേണം, ലോകോത്തര സ്ഥാപനങ്ങളോടു കിടപിടിക്കുന്ന ഭൗതിക സൗകര്യങ്ങളുണ്ടാവണം തുടങ്ങിയവയാണ്​ യൂണിവേഴ്​സിറ്റി ഗ്രാൻറ്​ കമീഷൻ (യു.ജി.സി) ചട്ടം അനുസരിച്ച്​ ശ്രേഷ്​ഠപദവി നൽകുന്നതിന്​ മുന്നോട്ടു​െവക്കുന്ന മാനദണ്ഡങ്ങളിൽ ചിലത്​. ഈ ഗുണങ്ങള്‍ മുന്‍നിര്‍ത്തി  ഇന്ത്യന്‍ ഇന്‍സ്​റ്റിറ്റ്യൂട്ട്​ ഓഫ് സയൻസ്​ ബാംഗ്ലൂര്‍,  ഇന്ത്യൻ ഇൻസ്​റ്റിറ്റ്യൂട്ട്​ ഒാഫ്​ ടെക്​നോളജി ഡൽഹി, ഇന്ത്യൻ ഇൻസ്​റ്റിറ്റ്യൂട്ട്​ ഒാഫ്​ ടെക്​നോളജി ബോ​ംബെ എന്നീ മൂന്ന്​ സർക്കാർ സ്​ഥാപനങ്ങളെ തെരഞ്ഞെടുത്തു. കൂടാതെ 1964ൽ രാജസ്​ഥാനിലെ പിലനയിൽ സ്​ഥാപിച്ച ബിർല ഗ്രൂപ്പി​​​െൻറ ഇൻസ്​റ്റിറ്റ്യൂട്ട്​ ഒാഫ്​ ടെക്​നോളജി ആൻഡ്​ സയൻസ്, 1953ൽ സ്​ഥാപിച്ച മണിപ്പാൽ അക്കാദമി ഒാഫ്​ ഹയർ എഡ്യൂ​​​േക്കഷൻ സ്​ഥാപനങ്ങളും. ഇതിനോടപ്പമാണ്​ ബി.ജെ.പിയുടെ സ്വന്തക്കാരായ മുകേഷ്​ അംബാനിയുടേയും നിത അംബാനയിയുടേയും പിറക്കാത്ത സ്​ഥാപനമായ 'ജിയോ' ഇൻസ്​റ്റിറ്റ്യൂട്ടും ഉൾപ്പെടുന്നത്​.

പദ്ധതി പ്രഖ്യാപിച്ചത്​ രണ്ടു വർഷം മുമ്പ്​ 
2016 -17 ബജറ്റ്​ പ്രസംഗത്തിൽ ധനമന്ത്രി അരു​ൺ ജെയ്​റ്റ് ലിരാജ്യത്തെ മികച്ച 20 ഉന്നത വിദ്യാലയങ്ങളെ ​േ​ലാകോത്തര നിലവാരത്തിലേക്ക്​ ഉയർത്തുമെന്ന്​ പ്രഖ്യാപിക്കുകയും ഫണ്ട്​ അനുവദിക്കുകയും ചെയ്​തു. 10 സർക്കാർ സ്​ഥാപനങ്ങളേയും 10 സ്വകര്യ സ്​ഥാപനങ്ങളേയും ആണ്​ തെരഞ്ഞെടുക്കുക എന്നതിൽ കൂടുതൽ വിവരം ബജറ്റ്​ പ്രസംഗത്തിൽ ഉണ്ടായിരുന്നില്ല. ഇതി​​​െൻറ തുടർച്ചയായി എട്ടുമാസങ്ങൾക്ക്​ മുമ്പാണ്​ മുഖ്യ തെരഞ്ഞെടുപ്പു കമീഷണറായിരുന്ന എൻ. ഗോപാലസ്വാമി അധ്യക്ഷനും വിദ്യാഭ്യാസ വിദഗ്​ധരായ രേണു ​ഖ​േട്ടാർ, തരുൺ ഖന്ന എന്നിവരടങ്ങുന്ന സമിതി ശ്രേഷ്​ഠപദവി നൽകുന്നതിന്​ സ്​ഥാപനങ്ങളിൽ നിന്ന്​ ​അപേക്ഷ ക്ഷണിച്ചത്​. രാജ്യത്തെ പ്രമുഖ സ്​ഥാപനങ്ങളായ ഡൽഹി സർവകലാശാല, ജെ.എൻ.യു തുടങ്ങി കേന്ദ്ര സർവകലാശാലകളും വിവിധ ​​െഎ​.​െഎ.​എമ്മുകൾ, ​െഎ​.​െഎ.ടികൾ എന്നിവയിൽ നിന്നടക്കം 114 അപേക്ഷകളാണ്​ ലഭിച്ചത്​. ആദ്യം 20 സ്​ഥാപനങ്ങളെ തെരഞ്ഞെടുത്തു. പിന്നീട്​ ശ്രേഷ്ഠപദവിക്ക്​ മാത്രം ഗുണങ്ങളുള്ള 20 വിദ്യാഭ്യാസ സ്ഥാപനങ്ങള്‍ രാജ്യത്തില്ലെന്ന് ചൂണ്ടിക്കാട്ടി ആറായി ചുരുക്കുകയായിരുന്നു​. 

n-gopala-swami
എൻ. ഗോപാലസ്വാമി
 


ന്യായീകരിച്ച്​ സർക്കാർ 
'ജിയോ' ഇൻസ്​റ്റിറ്റ്യൂട്ടിന്​ ​ശ്രേഷ്​ഠപരിഗണന നൽകിയതിന്​ വിവാദമായപ്പോൾ ന്യായീകരിച്ചും തിരുത്തിയും പ്രകാശ്​ ജാവ്​ദേക്കറും ഉന്നത വിദ്യാഭ്യാസ സെക്രട്ടറി ആർ. സുബ്രമണ്യനും രംഗത്തുവന്നു. സോഷ്യൽ മീഡിയയിൽ കാര്യമറിയാതെയുള്ള പ്രചാരണമാണ്​ വിവാദമാകാൻ കാരണമെന്നാണ്​ മന്ത്രി പറയുന്നത്​. നിർദിഷ്​ട വിഭാഗത്തിലാണ്​ 'ജിയോ'യെ തെരഞ്ഞെടുത്തത്​. ലോകത്തോര നിലവാരത്തിലുള്ള സ്​ഥാപനത്തിനു വേണ്ടിയുള്ള മുതൽമുടക്ക്​ കണക്കിലെടുത്താണ്​ പദവി നൽകിയത്​. ഫണ്ട്​ സ്വകര്യ സ്​ഥാപനങ്ങൾക്ക്​ നൽകില്ല. നവി മു​ംബൈക്കടുത്ത്​ 'ജിയോ' ഇൻസ്​റ്റിറ്റ്യൂട്ടിനായി 800 ഏക്കർ സ്​ഥലം റിലയൻസ്​ ഏറ്റെടുത്തിട്ടുണ്ട്​. യു.ജി.സി ചട്ടം 6.1 ഉപവകുപ്പ്​ പ്രകാരമാണ്​ ജി​േയാ ഇൻസ്​റ്റിറ്റ്യൂട്ടിനെ ഉൾപ്പെടുത്തിയത്​ എന്നും മന്ത്രാലയം പറയുന്നു. എന്നാൽ, 'ജിയോ' ഇൻസ്​റ്റിറ്റ്യൂട്ടിനെ ഉൾപ്പെടുത്താൻ 2017ൽ യു.ജി.സി ചട്ടം 6.1ഉപവകുപ്പൽ ഭേദഗതി വരുത്തുകയായിരുന്നു​െവന്ന്​ വിദ്യാഭ്യാസ വിദഗ്​ധരും ചൂണ്ടിക്കാട്ടുന്നു. 

ഏറ്റെടുത്ത്​ സോഷ്യൽ മീഡിയ 
പിറക്കാത്ത 'ജിയോ' ഇൻസ്​റ്റിറ്റ്യൂട്ടിന്​ ശ്രേഷ്​ഠപദവി നൽകിയത്​ സോഷ്യൽ മീഡിയ ഏറ്റെടുത്ത​േതാടെ സർക്കാർ പ്രതിരോധത്തിലാവുകയായിരുന്നു. 'ജിയോ' ഇൻസ്​റ്റിറ്റ്യൂട്ടി​​​െൻറ സ്​ഥലവും മറ്റു വിവരും തെരഞ്ഞുള്ള ട്വീറ്റുകൾ ട്വിറ്ററിൽ തരംഗമായി. സർക്കാറി​െനതിരെ വ്യാപക പരിഹാസ കാമ്പയിനുകളാണ്​ വിവിധ സോഷ്യൽ മീഡിയകളിൽ നടക്കുന്നത്​. സർക്കാർ തീരുമാനത്തെ രൂക്ഷമായി വിമർശിച്ച്​ കോൺഗ്രസും സി.പി.എമ്മും രംഗത്തുവന്നു. ബി.ജെ.പി സർക്കാർ മുകേഷ്​ അ​ംബാനിയുടേയും നിത അംബാനിയുടേയും സ്വന്തക്കാരെന്ന്​ ആവർത്തിച്ചു തെളിയിക്കുകയാണെന്ന്​ കോൺഗ്രസ്​ കുറ്റപ്പെടുത്തി. പൊതുമേഖലയിലെ വിദ്യാഭ്യാസ സ്​ഥാപനങ്ങളെ തഴഞ്ഞ്​ കോർപറേറ്റ്​ സ്​ഥാപനങ്ങളെ വഴിവിട്ട്​ പ്രോൽസാഹിപ്പിക്കുന്ന സർക്കാറി​​​െൻറ നീക്കത്തി​​​െൻറ ഭാഗമാണിതെന്ന്​ സി.പി.എം പോളിറ്റ്​ ബ്യൂറോയും പ്രതികരിച്ചു. 

Mukesh-Akash-Ambani
മുകേഷ് അംബാനിയും കുടുംബവും
 


റിലയൻസ്​ വാഗ്​ദാനം 
പൂണെ കേന്ദ്രമായി 'ജിയോ' സർവകലാശാല എന്ന പേരിൽ ലോകോത്തര സ്​ഥാപനമാണ്​ ലക്ഷ്യം. നവി മുംബൈയിൽ ഇതിനായി സ്​ഥലം കണ്ടെത്തിയിട്ടുണ്ട്​. 9,500 കോടി രൂപയാണ്​ മുതൽ മുടക്കുന്നത്​. സ്വയംഭരണാധികാരമുള്ള സർവകലാശാല എന്ന നിലയിൽ നൂതന വിദ്യാഭ്യാസ സ​മ്പ്രദായങ്ങൾ ഉ​ൾപ്പെടെ പലതരം കോഴ്​സുകളും ഉണ്ടാകുമെന്നും റിലയൻസ്​ വാഗ്​ദാനം നൽകുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:narendra modireliancemukesh ambanibjp govtReliance FoundationMalayalam ArticleJio InstituteInstitutions of Eminence
News Summary - Reliance Foundation's Jio Institute, to be ‘institutions of eminence’ -malayalam article
Next Story