വയനാട്ടിലെ രാഹുൽ ഗാന്ധി

തെരഞ്ഞെടുപ്പു കാലങ്ങളിൽ പോലും അനക്കമറ്റ്​ ഹതാശരായി കിടന്ന കോൺഗ്രസുകാരെവരെ, ചുരം കയറിയുള്ള രാഹുൽ ഗാന്ധിയ ുടെ വരവ്​ ആവേശത്തിലാക്കിയിട്ടുണ്ട്​. യു.ഡി.എഫിൽ മൊത്തം ആ ഉണർവ്​ പ്രകടമാണ്​. അത്​ കേരളത്തിലെ 20 ലോക്​സഭാ മണ്ഡലങ ്ങളിലും പ്രതിഫലിക്കുമെന്ന്​ കോൺഗ്രസ്​ വിശ്വസിക്കുന്നു. ദക്ഷിണേന്ത്യയെ അകറ്റി നിർത്തുന്ന ബി.ജെ.പിയിൽനിന്ന് ​ വ്യത്യസ്​തമായി ചേർത്തുപിടിക്കുകയാണ്​ തൻറെ സ്​ഥാനാർത്ഥിത്വത്തിലൂടെയെന്ന്​ രാഹുലും പ്രഖ്യാപിച്ചുകഴിഞ്ഞു. സി.പി.എമ്മിനെ ഒന്നും പറയില്ല എന്ന സൗമനസ്യവും രാഹുൽ പ്രകടിപ്പിച്ചിരിക്കുന്നു.

കേരളത്തിൽ കണ്ണുംപൂട്ടി സ്​ഥ ാനാർത്ഥിയെ നി​ർത്തി കോൺഗ്രസുകാർക്ക്​ ജയിപ്പിക്കാൻ പറ്റുന്ന ഒരേയൊരു സീറ്റേയുള്ളു, അത്​ വയനാടാണ്. ആലപ്പുഴയി ൽനിന്ന്​ മാറിയ ശേഷം കെ.സി. വേണ​ുഗോപാൽ പോലും ഒരുവേള ചിന്തിച്ചത്​ ഈ സുരക്ഷിത മണ്ഡലത്തെക്കുറിച്ചാണ്​. ബി.ജെ.പി പ ്രചരിപ്പിക്കുന്നതുപോലെ അത്​ ന്യൂനപക്ഷങ്ങൾക്ക്​ ഭൂരിപക്ഷമുള്ള മണ്ഡലമായതുകൊണ്ടല്ല, ആർക്കും തകർക്കാനാവാത് ത ഭൂരിപക്ഷം യു.ഡി.എഫിനുള്ളതുകൊണ്ടുതന്നെയാണ്​.

തമ്മിൽ തല്ലും പടലപ്പിണക്കവും കാരണം സ്​ഥാനാർത്ഥികളെ പ്രഖ്യ ാപിക്കാൻ യു.ഡി.എഫും ബി.ജെ.പി മുന്നണികളും വൈകിയപ്പോൾ നേരത്തെ സ്​ഥാനാർത്ഥികളെ പ്രഖ്യാപിച്ച്​ അടുക്കും ചിട്ടയു മുള്ള പ്രചാരണ പരിപാടികളിലൂടെ ഏറെ മുന്നിലായിരുന്നു ഇടതുമുന്നണി. സിറ്റിങ്ങ്​ എം.എൽ.എമാരെ തന്നെ അണിനിരത്തി മത്സ രം കടുത്തതാക്കാനും ഒരു ഘട്ടത്തിൽ ചിത്രത്തിൽ തങ്ങൾ മാത്രമേയുള്ളു എന്ന പ്രതീതി സൃഷ്​ടിക്കാനും എൽ.ഡി.എഫിന്​ കഴി ഞ്ഞിരുന്നു. അതിനിടയിൽ കോൺഗ്രസിനുള്ളിലെ ആസ്​ഥാന കാലപരിപാടിയായ ഗ്രൂപ്പിസവും പൊടിപാറി തുടങ്ങിയതാണ്​. ഫാസിസവ ും മോദിയുമൊന്നുമല്ല, ഗ്രൂപ്പാണ്​ തങ്ങൾക്ക്​ പ്രധാനമെന്ന്​ ഓരോ കോൺഗ്രസുകാരനും തെളിയിക്കുകയും ഐ’ ഗ്രൂപ്പ ുകാരുടെ പാരമ്പര്യ സ്വത്തായ വയനാട്ടിൽ എ’ കോൺഗ്രസുകാരനായ ടി. സിദ്ദീഖ്​ പ്രചാരണവും നടത്തിയതാണ്​. അപ്പോളാണ്​ അ വിചാരിതമായ ട്വിസ്​റ്റിൽ രാഹുൽ കാലത്തിലേക്ക്​ വയനാട്​ കടന്നത്​.

എന്തായാലും സീറ്റ്​ മോഹത്തിൻറെ പല്ലക്ക് ​ കാട്ടിലെറിഞ്ഞ്​ ദേശീയ പ്രസിഡൻറിനായി സിദ്ദീഖ്​ തന്നെ പരിത്യാഗിയാകുകയും വയനാട്​ സീറ്റിൽ രാഹുൽ നോമിനേഷൻ കൊ ടുത്ത്​ റോഡ്​ ഷോ​യോടെ പ്രചാരണം തുടങ്ങുകയും ചെയ്​തുകഴിഞ്ഞു. ഇടതുപക്ഷത്തിനെതിരെ താനൊന്നും പറയില്ലെന്ന്​ രാഹുൽ പ്രഖ്യാപിച്ചു കഴിഞ്ഞെങ്കിലും പക്ഷേ, ഇടിവെട്ടിയത്​ ഇടതുപക്ഷത്തിൻെറ നെഞ്ചത്താണ്​. ഒരു ലോഡ്​ വിമർശനങ്ങ ളാണ്​ ഇടതുപക്ഷം രാഹുലിൻെറ സ്​ഥാനാർത്ഥിത്വത്തിനെതിരെ നിരത്തിയിരിക്കുന്നത്​. അതിൽ പലതും കഴമ്പില്ലാത്തതാണെന് നും പരാജയ ഭീതിയിൽ ഇടതുപക്ഷം പുലമ്പുന്നതാണെന്നും കോൺഗ്രസ്​ നേതാക്കൾ പറയുന്നുണ്ട്​.

സുരക്ഷിത മണ്ഡലം
അമേത്തി മണ്ഡലം സുരക്ഷിതമല്ലെന്ന തോന്നലിൽനിന്നാണ്​ വയനാട്ടിലെത്തിയതെന്നതാണ്​ ഇടതുപക്ഷം ഉന്നയിക്കുന്ന ആരോപണങ്ങളിൽ ഒന്ന്​. ബി.ജെ.പി ദേശീയ തലത്തിൽ ഈ പ്രചാരണം ഏറ്റുപിടിച്ചുകഴിഞ്ഞു. എന്താണ്​ ഈ ആരോപണത്തിനു പിന്നിലെ യാഥാർത്ഥ്യം..?

2014ൽ മോദി തരംഗത്തിൽ ഉത്തർ പ്രദേശിൽ ബി.ജെ.പി തൂത്ത​ുവാരിയപ്പോൾ പോലും ഉലയാതെ നിന്ന മണ്ഡലങ്ങളാണ്​ അമേത്തിയും റായ്​ബറേലിയും. 1,07903 വോട്ടിൻെറ ഭൂരിപക്ഷത്തിലായിരുന്നു ബി.ജെ.പിയുടെ സ്​മൃതി ഇറാനിയെ രാഹുൽ അമേതിയിൽ പരാജയപ്പെടുത്തിയത്​. ചില കണക്കുകൾ കൂടി പരിശോധിക്കുക. 2009ൽ ഇതേ മണ്ഡലത്തിൽ രാഹുൽ ബി.ജെ.പിയെ തോൽപ്പിച്ചത്​ 3,70198 വോട്ടിനാണ്​. 2004ൽ 2,90853 വോട്ടിനായിരുന്നു​ ജയം. 199ൽ അമേത്തിയിൽ സോണിയ ഗാന്ധിയായിരുന്നു മത്സരിച്ചത്​. ബി.ജെ.പിയെ സോണിയ തോൽപ്പിച്ചത്​ 3,00012 വോട്ടിനായിരുന്നു. അടിയന്തിരാവസ്​ഥയ്​ക്ക്​ ശേഷം നടന്ന തെരഞ്ഞെടുപ്പിൽ 1977ൽ സഞ്​ജയ്​ ഗാന്ധിയെ ഭാരതീയ ലോക്​ദൾ സ്​ഥാനാർഥി രവീന്ദ്ര പ്രതാപ്​ സിങ്ങ്​ 75,844 വോട്ടിനും 1998ൽ ബി.ജെ.പി​യിലെ സഞ്​ജയ്​ സിങ്ങ്​ കോൺഗ്രസിൻെറ ക്യാപ്​റ്റൻ സതീശ്​ ശർമയെ 23,270 വോട്ടിനും തോൽപ്പിച്ചതൊഴിച്ചാൽ എക്കാലവും കോൺഗ്രസിൻെറ കുടുംബസ്വത്തായ മണ്ഡലമാണ്​ അമേതി.

രാഹുൽ ഗാന്ധിയടക്കം 34 സ്​ഥാനാർത്ഥികളാണ്​ അമേതിയിൽ 2014ൽ മത്സരിച്ചത്​. രാഹുലിന്​ കിട്ടിയത്​ 408651 വോട്ടായിരുന്നു. നോട്ടയടക്കം മറ്റ്​ 34 സ്​ഥാനാർഥികൾ നേടിയ വോട്ട്​ 465974 ആണ്​. അതായത്​, രാഹുലിന്​ കിട്ടിയതിനെക്കാൾ 57323 വോട്ടുകൾ അധികമാണ്​ മറ്റ്​ സ്​ഥാനാർത്ഥികൾ എല്ലാവരും ചേർന്ന്​ പിടിച്ചത്​. (യു.പിയിൽ ബി.ജെ.പി തൂത്തുവാരിയ മിക്ക മണ്ഡലങ്ങളിലും എതിർ സ്​ഥാനാർത്ഥികൾക്ക്​ കിട്ടിയ വോട്ടിൻെറ അവസ്​ഥയും ഇതുതന്നെയാണ്​. മാത്രമല്ല, ചില മണ്ഡലങ്ങളിൽ എസ്​.പി - ബി.എസ്​.പി സ്​ഥാനാർത്ഥികൾക്ക്​ മാത്രം കിട്ടിയ വോട്ടുകൾ ജയിച്ച ബി.ജെ.പി സ്​ഥാനാർത്ഥികൾക്ക്​ കിട്ടിയതിനെക്കാൾ കൂടുതലാണ്​...)

നരേന്ദ്ര മോദിക്ക്​ ഭീഷണിയുയർത്താൻ കഴിഞ്ഞ ഏക നേതാവാണ്​ രാഹുൽ. നിലവാരവും പക്വതയുമുള്ള പ്രകടനത്തിലൂടെ മോദി പ്രഭാവത്തെ പലപ്പോഴും അപ്രസക്​തമാക്കുകവരെ​ ചെയ്​തിട്ടുണ്ട്​ രാഹുൽ. അതുകൊണ്ട്​, എന്തു വിലകൊടുത്തും രാഹുലിനെ തറപറ്റിക്കാൻ ബി.ജെ.പി അമേതിയിൽ കഴിഞ്ഞ അഞ്ചുവർഷക്കാലമായി ആസൂത്രിതമായി പണിയെടുത്തുവരികയാണ്​. സ്​മൃതി ഇറാനിയും ടീമും മണ്ഡലത്തിൽ തമ്പടിച്ചുകിടക്കുകയാണ്​. മണ്ഡലത്തിൽ യാതൊരു വികസന ​പ്രവർത്തനവും നടന്നിട്ടില്ലെന്നത്​ വെറും പ്രചാരണമല്ല. അതിനു കഴിയാത്തവിധം ഒറ്റപ്പെട്ടുപോയിട്ടുണ്ട്​ യു.പിയിൽ അമേതിയും സോണിയയുടെ റായ്​ബറേലിയും.

എസ്​.പി - ബി.​എസ്​.പി കക്ഷികളുടെ രഹസ്യമായ പിന്തുണയും രാഹുലിൻെറ ജയത്തിൽ നിർണായക പങ്കുണ്ട്​. ഇക്കുറി അഖിലേഷിന്​ രാഹുലിനെ കൂടെ കൂട്ടാൻ താൽപര്യമുണ്ടെങ്കിലും മായാവതിക്ക്​ അതിൽ താൽപര്യമില്ലെന്ന്​ മണ്ഡലത്തിൽ നിന്നുള്ള റിപ്പോർട്ടുകൾ സൂചിപ്പിക്കുന്നു. മാത്രവുമല്ല, യു.പിയിൽ ഉയർന്നുവരുന്ന പുതിയ ദലിത്​ പ്രസ്​ഥാനമായ ‘ഭീം ആർമി’ യുടെ നേതാവ്​ ച​ന്ദ്രശേഖർ ആസാദിൻെറ വളർച്ച ഏറ്റവും കൂടുതൽ ബാധിക്കുന്നത്​ മായാവതിയെയാണ്​. ആസാദിന്​ രഹസ്യമായി രാഹുലിൻെറ പിന്തുണയുമുണ്ട്​. അതിനിടയിൽ അമേതി മണ്ഡലക്കാരനായ ബി.എസ്​.പിയുടെ സംസ്​ഥാനത്തെ പ്രധാന നേതാവുതന്നെ ബി.ജെ.പിയിലേക്ക്​ കൂടുമാറുകയും​ ചെയ്​തിരിക്കെ രാഹുൽ അമേതിയിൽ അപകടം മണത്തിട്ടുണ്ട്​ എന്നതാണ്​ വാസ്​തവം.

രണ്ടുമാസം മുമ്പു മ​ുതലേ രാഹുലിനൊരു സുരക്ഷിത മണ്ഡലം അന്വേഷിച്ചുതുടങ്ങിയിരുന്നു എന്നാണ്​ ഡൽഹിയിൽ നിന്നുള്ള റിപ്പോർട്ടുകൾ. രാഹുലിനെപോലൊരാൾക്ക്​ സുരക്ഷിതമായി ജയിക്കാൻ പറ്റുന്ന മണ്ഡലം ഒരു​പക്ഷേ, അമേതിയെക്കാൾ വയനാട്​ തന്നെയാണെന്ന്​ ഈ മണ്ഡലത്തിൻെറ ചരിത്രം പരിശോധിച്ചാൽ മനസ്സിലാകും. അത്​ കോൺഗ്രസുകാരിലുള്ള വിശ്വാസം കൊണ്ടല്ല, കോൺഗ്രസുകാർക്ക്​ കോൺഗ്രസുകാരെക്കാൾ മുസ്​ലിം ലീഗിലുള്ള വിശ്വാസം കൊണ്ടാണ്​...സുരക്ഷിത മണ്ഡലം തേടിയാണ്​ രാഹുൽ ചുരം കയറിയതെന്ന ഇടതു ആരോപണം കഴമ്പില്ലാത്തതല്ല.

മത്സരം ആർക്കെതിരെ...?
ബി.ജെ.പിയെ തറപറ്റിക്കുക എന്ന ലക്ഷ്യത്തിന്​ വയനാട്ടിലെ രാഹുലിൻെറ മത്സരം ഗ​ുണം​ ചെയ്യില്ല എന്നതാണ്​ മറ്റൊരു ഇടത്​ ആരോപണം. സി.പി.എമ്മിനെ താനൊന്നും പറയില്ല എന്ന്​ രാഹുലിൻെറ പ്രസ്​താവ​നയെ മാന്യതയായും മര്യാദയായും വിലയിരുത്തുകയും പുകഴ്​ത്തുകയും ചെയ്യുന്നുണ്ട്​. വാസ്​തവത്തിൽ ആലങ്കാരിക ഭംഗിക്ക്​ അങ്ങനെ പറയാമെന്നല്ലാതെ മത്സരത്തിൽ അങ്ങനെയൊരു കീഴ്​വഴക്കം സാധ്യവുമല്ല.

രാഹുൽ പറഞ്ഞില്ലെങ്കിലും ഇടതുപക്ഷം പറയുക തന്നെ ചെയ്യും. രാഹുലും ബി.ജെ.പിയും മറുപടി പറയാൻ ഒരേപോലെ ബാധ്യസ്​ഥമാവുന്ന ചോദ്യങ്ങളായിരിക്കുമത്​.

രാജ്യത്തെ ജനങ്ങളെ വഴിയാധാരമാക്കിയ, സാമ്പത്തിക വളർ​ച്ചയെ തകിടം മറിച്ച നോട്ട്​ നിരോധനത്തിന്​ എന്തു പരിഹാരക്രിയയാണ്​ എന്നത്​ ഇടതുപക്ഷം ചോദിക്കാവുന്ന ചോദ്യമാണ്​. കോൺഗ്രസ്​ സർക്കാറിൻെറ കാലത്താണ്​ പെട്രോൾ വില നിയന്ത്രണാധികാരം എണ്ണണക്കമ്പനികൾക്ക്​ പതിച്ചു നൽകിയത്​. മോദി സർക്കാർ ഡീസലിൻെറയും വിലനിയന്ത്രണാധികാരം കമ്പനി ഭരണത്തിൻ കീഴിലാക്കുകയായിരുന്നു. തങ്ങൾ അധികാരത്തിൽ വന്നാൽ എന്തായിരിക്കുമെന്ന്​ രാഹുൽ ഇതുവരെ ഒന്നും പറഞ്ഞിട്ടില്ല. മികച്ച ഒരു പ്രകടനപത്രികയാണ്​ കോൺഗ്രസിൻെറത്​ എന്ന്​ സമ്മതിക്കുമ്പോൾ തന്നെ അതിൽ ബോധപൂർവം മൗനം പാലിച്ച കാര്യങ്ങളിൽ ഇടതുപക്ഷം ചേദ്യങ്ങൾ ഉന്നയിക്കുകയാണ്​ വേണ്ടത്​.. അല്ലാതെ, ‘രാഹുൽ വന്നേ ..’എന്ന്​ നിലവിളിക്കുകയല്ല.

ആധാർ, ഡിജിറ്റൽ നയം, ബാങ്കിങ്​ നയം, കോർപറേറ്റുകളുടെ കടം തുടങ്ങിയ ഒ​ട്ടേറെ വിഷയങ്ങളിൽ കോൺഗ്രസിനോട്​ ചോദ്യങ്ങൾ ഉന്നയിക്കേണ്ടിവരും..

സി.പി.എമ്മിനെ തുരത്തുക...
ഒന്നാം യൂ.പി.എ സർക്കാറിന്​ ഏറ്റവും തലവേദന സൃഷ്​ടിച്ചത്​ ഇടതുപാർട്ടികളുടെ എണ്ണമായിരുന്നു. വീണ്ടും ഏറ്റവും വലിയ ഒറ്റക്കക്ഷിയാവുകയോ, കൂട്ടുകക്ഷികളുടെ പിന്തുണയോടെ ഭരിക്കേണ്ടിവരികയോ ചെയ്​താൽ നയങ്ങളെ രാഷ്​ട്രീയമായി ചോദ്യം ചെയ്യാൻ സാധ്യതയുള്ള ഒരേയൊരു കുട്ടരേയുള്ളു അത്​ ഇടതു പാർട്ടികളാണ്​. അവരുടെ അവസാന കച്ചിത്തുരുമ്പായ കേരളത്തിൽ നിന്ന്​ അവരെ തുരത്തുകയോ അവരുടെ ബാർഗയിനിങ്​ പവർ കുറയ്​ക്കുകയോ ചെയ്യുക എന്നതാണ്​ രാഹുലിനെ വയനാട്ടിൽ എത്തിക്കുക വഴി കോൺഗ്രസ്​ ലക്ഷ്യമിടുന്ന രണ്ടാമത്തെ സുപ്രധാന കാര്യം. ഒരു വെടിക്ക്​ രണ്ടു പക്ഷി.
അതുകൊണ്ട്​, ഇടതുപക്ഷം നിലവിളികൾ മാറ്റിവെച്ച്​ രാഷ്​ട്രീയമായാണ്​ രാഹുലിനെ നേരിടേണ്ടത്​..

ബി.ജെ.പിക്കെതിരെ...?
മുഖ്യശത്രുവായ ബി.ജെ.പിക്കെതിരെ മത്സരം കടുപ്പിക്കുകയും ദക്ഷിണേന്ത്യക്കൊപ്പമുണ്ടെന്ന്​ പ്രഖ്യാപിക്കാനുമാണ്​ വയനാട്ടിൽ മത്സരിക്കുന്നതെന്ന രാഹുലിൻെറവാദം ദഹിക്കാൻ അൽപം സമയമെടുക്കും. തിരുവന്തപുരത്തായിരുന്നു രാഹുൽ നോമിനേഷൻ കൊടുത്തതെങ്കിലും സമ്മതിക്കാമായിരുന്നു ഈ വാദം.
അല്ലെങ്കിൽ തൊട്ടപ്പുറത്തെ കർണാടകയിലെങ്കിലും വേണ്ടിയിരുന്നു. മുമ്പ്​ സോണിയ ബെല്ലാരിയിൽ മത്സരിച്ചപ്പോൾ അതിൻെറ നേട്ടം കർണാടകയിലടക്കം ഉണ്ടായതുമാണ്​..

വയനാട്ടിൽ വാഴുമോ...?
രാഹുൽ ഗാന്ധിയോ​ കോൺഗ്രസ്​ നേതാക്കളോ ആശങ്കപ്പെട്ടാലും ശരി അമേതിയിൽ രാഹുൽ തന്നെ ജയിക്കുമെന്നാണ്​ ഞാനുറച്ച്​ വിശ്വസിക്കുന്നത്​. അങ്ങനെ വരു​േമ്പാൾ രാഹുൽ വയനാട്​ തന്നെയായിരിക്കും രാജിവെച്ചൊഴിയുക...
അതായത്​ ആറു മാസത്തിനുള്ളിൽ വയനാട്ടിൽ വീണ്ടും തെരഞ്ഞെടുപ്പ്​ നടക്കുമെന്നുറപ്പ്​. ടി. സിദ്ദീഖും ഉമ്മൻ ചാണ്ടിയും ഒരു വരവുകൂടി വരേണ്ടിവരുമെന്നർത്ഥം...
അതുകൊണ്ട്​ രാഹുലിൻെറ വരവിലെ ഈ ആഘോഷമടങ്ങുമ്പോൾ വയനാട്ടുകാർ പിന്നെയും വയനാട്ടുകാരായി തുടരും...