ക​ശ്മീ​രി​ലെ വ​ലി​യ പി​ഴ

2500ൽ​പ​രം വ​രു​ന്ന സു​ര​ക്ഷാ​സേ​ന​യു​ടെ വാ​ഹ​ന​വ്യൂ​ഹ​ത്തി​നി​ട​യി​ലേ​ക്ക്, മു​ട്ടി​നു മു​ട്ടി​നു സൈ​നി​ക ​ർ കാ​വ​ലു​ള്ള ദേ​ശീ​യ​പാ​ത​യി​ലേ​ക്ക്, വ​ലി​യ തോ​തി​ൽ സ്ഫോ​ട​ക​വ​സ്തു​ക്ക​ൾ നി​റ​ച്ച വാ​ഹ​ന​ത്തി​ൽ, ഒ​റ ്റ​ക്കൊ​രു 22കാ​ര​ൻ ഇ​ടി​ച്ചു​ക​യ​റി ന​ട​ത്തി​യ സ്ഫോ​ട​നം സൃ​ഷ്​​ടി​ച്ച വ​ലി​യ ന​ടു​ക്ക​ത്തിെ​ൻ​റ​യും ദു ​രൂ​ഹ സം​ശ​യ​ങ്ങ​ളു​ടെ​യും ന​ടു​വി​ലാ​ണ് രാ​ജ്യം. പാ​ർ​ല​മെ​ൻ​റ് സ​മ്മേ​ള​നം പി​രി​ഞ്ഞ് ലോ​ക്സ​ഭ തെ​ര​ഞ്ഞ െ​ടു​പ്പ്​ തീ​യ​തി പ്ര​ഖ്യാ​പ​ന​ത്തി​ലേ​ക്ക് എ​ല്ലാ​വ​രും ഉ​റ്റു​നോ​ക്കു​ന്ന സ​മ​യ​മാ​ണ് ഭീ​ക​രാ​ക്ര​മ​ ണ​ത്തി​ന് തി​ര​ഞ്ഞെ​ടു​ക്ക​പ്പെ​ട്ട​ത്. കേ​ന്ദ്ര സ​ർ​ക്കാ​റും സൈ​നി​ക, ര​ഹ​സ്യാ​ന്വേ​ഷ​ണ സ​ജ്ജീ​ക​ര​ണ​ങ്ങ ​ളും പ്ര​തി​ക്കൂ​ട്ടി​ലാ​ണ്. ഇ​ത്ത​ര​മൊ​രു സ്ഫോ​ട​ന​ത്തി​ന്​ ര​ണ്ടു കാ​ര്യ​ങ്ങ​ൾ കൂ​ടി​യേ തീ​രൂ: വ്യ​ക്ത ​മാ​യ ആ​സൂ​ത്ര​ണം വേ​ണം. അ​ക്ഷ​ന്ത​വ്യ​മാ​യ നോ​ട്ട​പ്പി​ഴ​വ് സം​ഭ​വി​ക്ക​ണം. ര​ണ്ടി​നു​മി​ട​യി​ൽ പൊ​ലി​ഞ ്ഞ​ത് 40 സി.​ആ​ർ.​പി.​എ​ഫ് ജ​വാ​ന്മാ​രു​ടെ ജീ​വ​നാ​ണ്.

അ​തി​നു പി​ന്നി​ലെ ശ​ക്തി​ക​ൾ മാ​പ്പ​ർ​ഹി​ക്കു​ന്നി​ല്ല. ചാ​വേ​ർ ജ​യ്​​ശെ മു​ഹ​മ്മ​ദു​കാ​ര​നാ​ണെ​ന്ന് സ​ർ​ക്കാ​ർ ഉ​റ​പ്പി​ച്ചു. അ​വ​ർ ആ​ക്ര​മ​ണ​ത്തിെ​ൻ​റ ഉ​ത്ത​ര​വാ​ദി​ത്തം ഏ​റ്റെ​ടു​ത്ത​തും ആ​ക്ര​മ​ണം ന​ട​ത്തു​മെ​ന്ന ഭീ​ഷ​ണി മു​ഴ​ക്കി​യ വി​ഡി​യോ​യു​മാ​ണ് തെ​ളി​വ്. മ​റി​ച്ച്, ന​മ്മു​ടെ അ​ന്വേ​ഷ​ണ ന​ട​പ​ടി​ക​ളി​ലൂ​ടെ ക​ണ്ടെ​ത്തി​യ​ത​ല്ല. ആ ​ഭീ​ക​ര​സം​ഘ​ട​ന​യെ പ്രോ​ത്സാ​ഹി​പ്പി​ക്കു​ന്ന പാ​കി​സ്താ​നെ ലോ​കം ഒ​റ്റ​പ്പെ​ടു​ത്താ​ൻ തീ​വ്ര ന​യ​ത​ന്ത്ര ശ്ര​മ​ങ്ങ​ൾ തീ​വ്രം. പാ​കി​സ്താ​നെ പാ​ഠം പ​ഠി​പ്പി​ക്കാ​ൻ പോ​ർ​വി​ളി; പ​ട​യൊ​രു​ക്കം. എ​ന്നാ​ൽ, വ്യ​ക്ത​മാ​യ തെ​ളി​വു​ക​ളൊ​ന്നു​മി​ല്ലാ​ത്ത ആ​രോ​പ​ണ​മാ​ണ് ഇ​ന്ത്യ ഉ​ന്ന​യി​ക്കു​ന്ന​തെ​ന്ന് ചൂ​ണ്ടി​ക്കാ​ട്ടി സ്വ​ന്തം പ​ങ്ക് അ​നാ​യാ​സം പാ​കി​സ്താ​ൻ നി​ഷേ​ധി​ക്കു​ന്നു. മു​ൻ​കാ​ല​ത്ത് സം​ഭ​വി​ച്ച​പോ​ലെ ദി​വ​സ​ങ്ങ​ൾ ക​ഴി​യുേ​മ്പാ​ൾ കോ​ലാ​ഹ​ലം അ​ട​ങ്ങു​മോ, അ​ത​ല്ല തി​രി​ച്ച​ടി​യു​ണ്ടെ​ങ്കി​ൽ ഏ​തു​വി​ധ​ത്തി​ലാ​വും എ​ന്ന് അ​റി​യാ​നി​രി​ക്കു​ന്ന​തേ​യു​ള്ളൂ. ലോ​ക്സ​ഭ തെ​ര​ഞ്ഞെ​ടു​പ്പു കാ​ല​ത്ത് തീ​വ്ര​ദേ​ശീ​യ​ത ഇ​ള​ക്കി​വി​ടാ​നു​ള്ള അ​വ​സ​രം ബി.​ജെ.​പി പാ​ഴാ​ക്കാ​ൻ ഇ​ട​യി​ല്ലെ​ന്നാ​ണ്, ക​ർ​ഫ്യൂ ഏ​ർ​പ്പെ​ടു​ത്തേ​ണ്ടി​വ​ന്ന ജ​മ്മു സാ​ഹ​ച​ര്യ​ങ്ങ​ൾ പ​റ​ഞ്ഞു​ത​രു​ന്ന​ത്.

ഇ​ത​ത്ര​യും ഇ​പ്പോ​ഴ​ത്തെ സാ​ഹ​ച​ര്യ​മാ​ണ്. പ​ക്ഷേ, ക​ശ്മീ​ർ നി​ത്യം ചോ​ര​യൊ​ലി​പ്പി​ക്കു​ന്ന​തി​ന് സ​മാ​ധാ​നം പ​റ​യേ​ണ്ട​ത് ആ​രാ​ണ്? അ​ധി​നി​വേ​ശ​ത്തിെ​ൻ​റ​യും കൊ​ല​യു​ടെ​യും താ​ഴ്വ​ര​യാ​ണ് ഇ​ന്ന് ക​ശ്മീ​ർ. താ​ഴ്വ​ര​യെ അ​ട​ക്കി​വാ​ഴു​ന്ന​ത് ഭ​ര​ണ​കൂ​ട​ത്തോ​ടു​ള്ള വി​ശ്വാ​സ​രാ​ഹി​ത്യ​മാ​ണ്. നാ​ടി​നോ​ടു​ള്ള കൂ​റും മ​മ​ത​യും വെ​ടി​ഞ്ഞ്, സ്വ​ന്തം രാ​ജ്യ​ത്തെ ശ​ത്രു​വാ​യി​ക്ക​ണ്ട്, ഭീ​ക​ര​സം​ഘ​ട​ന​ക​ളി​ലേ​ക്കും തീ​വ്ര​ചി​ന്താ​ഗ​തി​യി​ലേ​ക്കും ക​ശ്മീ​രി യു​വാ​ക്ക​ൾ ആ​ക​ർ​ഷി​ക്ക​പ്പെ​ടു​ന്ന സാ​ഹ​ച​ര്യം രൂ​പ​പ്പെ​ട്ട​തിെ​ൻ​റ ഉ​ത്ത​ര​വാ​ദി​ത്തം ആ​ർ​ക്കാ​ണ്? അ​ടി​ച്ച​മ​ർ​ത്ത​ലിെ​ൻ​റ​യും വ​ർ​ഗീ​യ രാ​ഷ്​​ട്രീ​യ​ത്തിെ​ൻ​റ​യും ന​യം അ​ഞ്ചു വ​ർ​ഷ​മാ​യി ന​ട​പ്പാ​ക്കു​ന്ന മോ​ദി​സ​ർ​ക്കാ​ർ ക​ശ്മീ​രി​നെ വ​ല്ലാ​ത്ത ദു​ര​വ​സ്ഥ​യി​ലേ​ക്കാ​ണ് ത​ള്ളി​വി​ട്ടി​രി​ക്കു​ന്ന​ത്. സ്വാ​ത​ന്ത്ര്യം കി​ട്ടി ഏ​ഴു പ​തി​റ്റാ​ണ്ട്​ പി​ന്നി​ട്ടു​ക​ഴി​ഞ്ഞി​ട്ടും ക​ശ്മീ​ർ ന​യം ഒ​രു ദു​ര​ന്ത​മാ​യി തു​ട​രു​ന്ന കു​റ്റ​ത്തി​ൽ​നി​ന്ന് ദീ​ർ​ഘ​കാ​ലം ഭ​രി​ച്ച കോ​ൺ​ഗ്ര​സി​നോ ക​ശ്മീ​രി​ലെ മു​ഖ്യ​ധാ​രാ പാ​ർ​ട്ടി​ക​ൾ​ക്കോ ഒ​ഴി​ഞ്ഞു​മാ​റാ​നാ​വി​ല്ല. എ​ന്നാ​ൽ, ക​ഴി​ഞ്ഞ വ​ർ​ഷ​ങ്ങ​ളി​ൽ ക​ശ്മീ​രി​ക​ൾ​ക്കി​ട​യി​ൽ വ​ർ​ധി​ച്ച വി​ശ്വാ​സ​രാ​ഹി​ത്യം അ​ങ്ങേ​യ​റ്റം ആ​ശ​ങ്ക​ജ​ന​ക​മാ​ണ്. ക​ശ്മീ​രി​നെ വീ​ണ്ടെ​ടു​ക്കാ​ൻ ഇ​നി എ​ത്ര​ത്തോ​ളം ക​ഴി​യു​മെ​ന്ന വ​ലി​യ ചോ​ദ്യ​മാ​ണ് എ​ല്ലാ​വ​ർ​ക്കും മു​ന്നി​ൽ.

അ​ഞ്ചു വ​ർ​ഷ​ത്തി​നി​ട​യി​ൽ തീ​വ്ര​വാ​ദ​വും ഭീ​ക​ര​ത​യും ക​ശ്മീ​രി​ൽ പ​ല​മ​ട​ങ്ങ് വ​ർ​ധി​ച്ചി​രി​ക്കു​ന്നു. 2013ൽ ​ഭീ​ക​ര​ത​യു​മാ​യി ബ​ന്ധ​പ്പെ​ട്ട് ക​ശ്മീ​രി​ലു​ണ്ടാ​യ സം​ഭ​വ​ങ്ങ​ൾ 170 ആ​യി​രു​ന്നെ​ങ്കി​ൽ 2018 ആ​യ​പ്പോ​ൾ അ​ത് 614 ആ​യി വ​ർ​ധി​ച്ചു. തീ​വ്ര​വാ​ദ​ത്തി​ലേ​ക്ക് യു​വാ​ക്ക​ൾ തി​രി​യു​ന്ന സം​ഭ​വ​ങ്ങ​ൾ 16ൽ​നി​ന്ന് 191 ആ​യി പെ​രു​കി. ഇ​ത്ത​ര​ത്തി​ൽ തീ​വ്ര​വാ​ദം വ​ള​ർ​ന്ന​ത് 2016ൽ ​തെ​ക്ക​ൻ ക​ശ്മീ​രി​ൽ ഹി​സ്ബു​ൽ മു​ജാ​ഹി​ദീ​ൻ യു​വ​നേ​താ​വ് ബു​ർ​ഹാ​ൻ വാ​നി​യെ സൈ​ന്യം ഏ​റ്റു​മു​ട്ട​ലി​ൽ വ​ധി​ച്ച​തോ​ടെ​യാ​ണ്. ചെ​റു​പ്പ​ക്കാ​ർ സൈ​ന്യ​ത്തിെ​ൻ​റ തോ​ക്കി​നു മു​ന്നി​ൽ പി​ട​ഞ്ഞു​വീ​ഴു​ന്ന​തി​നെ​തി​രാ​യ ക​ശ്മീ​രി​ക​ളു​ടെ രോ​ഷം അ​ണ​പൊ​ട്ടി. അ​തി​നെ ബു​ള്ള​റ്റും പെ​ല്ല​റ്റും അ​റ​സ്​​റ്റും അ​ടി​ച്ചൊ​തു​ക്ക​ലു​മാ​യി നേ​രി​ടു​ക​യാ​ണ് കേ​ന്ദ്രം ചെ​യ്ത​ത്. ക​ശ്മീ​രി​ൽ ഉ​രു​ക്കു​മു​ഷ്​​ടി ന​യം ചെ​ല​വാ​കി​ല്ല, സാ​ന്ത്വ​ന​ത്തിെ​ൻ​റ​യും സം​ഭാ​ഷ​ണ​ത്തിെ​ൻ​റ​യും വ​ഴി​യാ​ണ് വേ​ണ്ട​തെ​ന്ന ആ​ത്മാ​ർ​ഥ​മാ​യ ഉ​പ​ദേ​ശ​ങ്ങ​ൾ സ​ർ​ക്കാ​ർ വ​ക​വെ​ച്ചി​ല്ല. സൈ​നി​ക​മാ​യ പ​രി​ഹാ​ര​ത്തി​നാ​ണ് അ​ന്നും ഇ​ന്നും സ​ർ​ക്കാ​ർ ശ്ര​മി​ച്ചു​കൊ​ണ്ടേ​യി​രി​ക്കു​ന്ന​ത്. അ​ത് വി​ഘ​ട​ന​ശ​ക്തി​ക​ൾ​ക്ക് പു​തി​യ അ​വ​സ​ര​ങ്ങ​ൾ ന​ൽ​കി.

മാ​ര​ക​മാ​ണ് സ​ർ​ക്കാ​റിെ​ൻ​റ ക​ശ്മീ​ർ ന​യം. യ​ഥാ​ർ​ഥ​ത്തി​ൽ ക​ശ്മീ​ർ കാ​ര്യ​ത്തി​ൽ േമാ​ദി​സ​ർ​ക്കാ​റി​ന് വ്യ​ക്ത​മാ​യ ന​യം​ത​ന്നെ​യു​ണ്ടോ? ക​ശ്മീ​ർ ഒ​രു രാ​ഷ്​​ട്രീ​യ​പ്ര​ശ്ന​മാ​യി ബി.​ജെ.​പി സ​ർ​ക്കാ​ർ കാ​ണു​ന്നി​ല്ല. അ​ടി​ച്ചൊ​തു​ക്കേ​ണ്ട വി​ഷ​യ​മെ​ന്ന മ​ട്ടി​ലാ​ണ് സ​മീ​പ​നം. മോ​ദി​യും അ​മി​ത്​ ഷാ​യും അ​ജി​ത് ഡോ​വ​ലും നി​യ​ന്ത്രി​ക്കു​ന്ന ഭ​ര​ണ​കൂ​ടം, ക​ശ്മീ​രി​നെ വ​ർ​ഗീ​യ രാ​ഷ്​​ട്രീ​യ​ത്തി​െ​ൻ​റ​കൂ​ടി യു​ദ്ധ​ക്ക​ള​മാ​ക്കി മാ​റ്റി. സ​മാ​ധാ​ന​ത്തി​ലേ​ക്ക് ന​ട​ന്നു തു​ട​ങ്ങി​യ ക​ശ്മീ​ർ, സം​ഘ​ർ​ഷ​ത്തി​ലേ​ക്ക് അ​തി​വേ​ഗം തി​രി​ഞ്ഞു​ന​ട​ന്നു. ബ​ഹി​ഷ്ക​ര​ണ ആ​ഹ്വാ​ന​ങ്ങ​ൾ​ക്കി​ട​യി​ലും തെ​ര​ഞ്ഞെ​ടു​പ്പ്​ പ്ര​ക്രി​യ​യി​ൽ താ​ൽ​പ​ര്യ​പൂ​ർ​വം ക​ശ്മീ​രി​ക​ൾ പ​െ​ങ്ക​ടു​ത്ത​തിെ​ൻ​റ വോ​ട്ടു​ശ​ത​മാ​നം ച​രി​ത്ര​രേ​ഖ​യാ​ണ്. അ​വി​ടെ​നി​ന്ന് എ​ത്തി​പ്പെ​ട്ട​ത് എ​വി​ടെ​യാ​ണ്? ബി.​ജെ.​പി^​പി.​ഡി.​പി സ​ഖ്യ​പ​രീ​ക്ഷ​ണം ത​ക​ർ​ന്ന് ഗ​വ​ർ​ണ​ർ ഭ​ര​ണ​ത്തി​ലാ​യ ക​ശ്മീ​രി​ൽ സ​ഖ്യ​ക​ക്ഷി ഭ​ര​ണ​കാ​ല​േ​ത്താ അ​തി​നു​ശേ​ഷ​മോ, അ​ന്ത​രി​ച്ച മു​ൻ മു​ഖ്യ​മ​ന്ത്രി മു​ഫ്തി മു​ഹ​മ്മ​ദ്​ സ​ഇൗ​ദിെ​ൻ​റ മ​ണ്ഡ​ല​ത്തി​ൽ ഉ​പ​തെ​ര​ഞ്ഞെ​ടു​പ്പ്​ ന​ട​ത്താ​ൻ സ​ർ​ക്കാ​റി​നു ക​ഴി​ഞ്ഞി​ല്ല. പു​ൽ​വാ​മ ഭീ​ക​രാ​ക്ര​മ​ണ​ത്തി​നു​ശേ​ഷ​മു​ള്ള സാ​ഹ​ച​ര്യ​ങ്ങ​ളി​ൽ ജ​മ്മു-​ക​ശ്മീ​രി​ലെ ലോ​ക്സ​ഭ തെ​ര​ഞ്ഞെ​ടു​പ്പിെ​ൻ​റ ചി​ത്രം എ​ന്താ​യി​രി​ക്കു​മെ​ന്ന് പ​റ​യാ​റാ​യി​ട്ടി​ല്ല.

പു​ൽ​വാ​മ സം​ഭ​വ​ത്തോ​ടു​ള്ള രാ​ജ്യ​ത്തിെ​ൻ​റ ഒ​റ്റ​ക്കെ​ട്ടാ​യ നി​ല​പാ​ട് സ​ർ​വ​ക​ക്ഷി​യോ​ഗ​ത്തി​ലും അ​തി​നു​മു​മ്പും വ്യ​ക്ത​മാ​ണ്. അ​തി​ന​പ്പു​റം മോ​ദി​സ​ർ​ക്കാ​റി​ന് എ​ന്തൊ​ക്കെ ചെ​യ്യാ​ൻ സാ​ധി​ക്കും? ലോ​ക്സ​ഭ തെ​ര​ഞ്ഞെ​ടു​പ്പ് വ​ലി​യ പ്ര​ക്രി​യ​യാ​യി മു​ന്നി​ൽ നി​ൽ​ക്കു​ന്ന​തി​നി​ട​യി​ൽ കാ​ലാ​വ​ധി പൂ​ർ​ത്തി​യാ​ക്കാ​ൻ പോ​കു​ന്ന മോ​ദി​സ​ർ​ക്കാ​റി​ന് ക​ശ്മീ​ർ വി​ഷ​യ​ത്തി​ൽ ആ​ഭ്യ​ന്ത​ര​മാ​യോ പാ​കി​സ്താ​നെ​തി​രെ ന​യ​ത​ന്ത്ര​പ​ര​മാ​യോ ഭീ​ക​ര​സം​ഘ​ട​ന​ക​ൾ​ക്കെ​തി​രെ സൈ​നി​ക​മാ​യോ വ​ലി​യ ചു​വ​ടു​വെ​പ്പു​ക​ൾ​ക്ക് വ​ലി​യ പ​രി​മി​തി​ക​ൾ ഉ​ണ്ടെ​ന്ന​താ​ണ് യാ​ഥാ​ർ​ഥ്യം. എ​ന്നാ​ൽ, എ​ന്തെ​ങ്കി​ലും കാ​ട്ടി​ക്കൂ​ട്ടാ​തെ പി​ടി​ച്ചു​നി​ൽ​ക്കാ​ൻ ക​ഴി​യു​ക​യു​മി​ല്ല. ഏ​റെ ക​രു​ത​ലോ​ടെ​യ​ല്ലാ​തെ ഇ​നി​യ​ങ്ങോ​ട്ട് ഒ​രു ചു​വ​ടു​പോ​ലും വെ​ക്കാ​ൻ സ​ർ​ക്കാ​റി​ന് ക​ഴി​യി​ല്ല. തെ​ര​ഞ്ഞെ​ടു​പ്പു​ഘ​ട്ട​ത്തി​ൽ തീ​വ്ര​ദേ​ശീ​യ​ത വോ​ട്ടാ​ക്കി മാ​റ്റാ​ൻ ശ്ര​മി​ക്കു​ന്ന​തു​പോ​ലെ​ത​ന്നെ, ന​ട​പ​ടി​ക​ളി​ൽ പി​ഴ​ച്ചാ​ൽ തി​രി​ച്ച​ടി നേ​രി​ടേ​ണ്ടി​വ​രു​മെ​ന്ന പ്ര​ശ്നം മോ​ദി​സ​ർ​ക്കാ​റി​നു മു​ന്നി​ലു​ണ്ട്.

മ​റ്റു പ​ല​തി​ലു​മെ​ന്ന​പോ​ലെ ക​ശ്മീ​ർ വി​ഷ​യ​വും കൂ​ടു​ത​ൽ സ​ങ്കീ​ർ​ണ​മാ​ക്കി​യാ​ണ് മോ​ദി​സ​ർ​ക്കാ​ർ കാ​ലാ​വ​ധി പൂ​ർ​ത്തി​യാ​ക്കു​ന്ന​ത്. വി​ക​സ​ന​വും മെ​ച്ച​പ്പെ​ട്ട ഭ​ര​ണ​വു​മാ​ണ് തു​ട​ക്ക​ത്തി​ൽ ക​ശ്മീ​ർ ജ​ന​ത​ക്കു മു​ന്നി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി വെ​ച്ച വാ​ഗ്ദാ​നം. രാ​ഷ്​​ട്രീ​യ​ലാ​ക്കോ​ടെ​യു​ള്ള നീ​ക്ക​ങ്ങ​ൾ​ക്കി​ട​യി​ൽ അ​തും ന​ട​ന്നി​ല്ല, തീ​വ്ര​വാ​ദ​ത്തെ തോ​ൽ​പി​ക്കാ​നു​മാ​യി​ല്ല. വി​ദ്യാ​സ​മ്പ​ന്ന​രും ന​ല്ല ശ​മ്പ​ളം വാ​ങ്ങു​ന്ന​വ​രും അ​ട​ക്കം സ്വാ​ധീ​നി​ക്ക​പ്പെ​ടു​ന്ന​വി​ധം തീ​വ്ര​വാ​ദം ശ​ക്തി​പ്പെ​ടു​ക​യാ​ണ​ല്ലോ ചെ​യ്ത​ത്. പ​ഴു​ത​ട​ച്ച സു​ര​ക്ഷാ​ക്ര​മീ​ക​ര​ണ​ങ്ങ​ൾ ജ​ന​ങ്ങ​ൾ​ക്കു പോ​ക​െ​ട്ട, സൈ​നി​ക​ർ​ക്കു​പോ​ലു​മി​ല്ലാ​ത്ത സ്ഥി​തി​യാ​ണ് പു​ൽ​വാ​മ സം​ഭ​വം വി​ളി​ച്ചു പ​റ​യു​ന്ന​ത്. ശ​ത്രു​ക്ക​ൾ​ക്ക് ശ​ക്ത​മാ​യ മ​റു​പ​ടി​യെ​ന്നൊ​ക്കെ അ​ഞ്ചു കൊ​ല്ല​മാ​യി പ​റ​ഞ്ഞു​കേ​ൾ​ക്കു​ന്ന പ​ല്ല​വി​യാ​ണ്. മി​ന്ന​ലാ​ക്ര​മ​ണ​ത്തിെ​ൻ​റ മേ​നി ന​ടി​ച്ച​ത​ല്ലാ​തെ, പെ​ല്ല​റ്റു​ക​ൾ​കൊ​ണ്ട് സ​മാ​ധാ​ന​മു​ണ്ടാ​ക്കാ​ൻ ശ്ര​മി​ച്ച​ത​ല്ലാ​തെ, സ​ർ​ക്കാ​ർ ഒ​ന്നി​ലും വി​ജ​യി​ച്ചി​ല്ല. ഒ​ട്ടു​മി​ക്ക പാ​ർ​ട്ടി​ക​ളു​ടെ​യും സ​മ്മ​ർ​ദ​ത്തെ തു​ട​ർ​ന്ന് സ​മ​വാ​യ ച​ർ​ച്ച​ക​ൾ​ക്ക് നി​യോ​ഗി​ച്ച മ​ധ്യ​സ്ഥ​ൻ ക​ശ്മീ​ർ ത​ന്നെ ക​ണ്ടി​ട്ട് മാ​സ​ങ്ങ​ളാ​യി.

ക​ശ്മീ​ർ മാ​ത്ര​മ​ല്ല, വ​ട​ക്കു​കി​ഴ​ക്ക​ൻ സം​സ്ഥാ​ന​ങ്ങ​ളും ഇ​ന്ന് സം​ഘ​ർ​ഷ​ഭ​രി​ത​മാ​ണ്. പൗ​ര​ത്വ നി​യ​മ ഭേ​ദ​ഗ​തി ബി​ൽ പാ​ർ​ല​മെ​ൻ​റി​ൽ പാ​സാ​ക്കാ​നു​ള്ള നീ​ക്ക​ങ്ങ​ളാ​ണ് അ​സ​മി​ലും മ​റ്റ് അ​യ​ൽ​പ​ക്ക സം​സ്ഥാ​ന​ങ്ങ​ളി​ലും അ​സ​മാ​ധാ​നം വി​ത​ച്ചി​രി​ക്കു​ന്ന​ത്. വി​ത​ച്ച​ത് കൊ​യ്യാ​തെ ത​ര​മി​ല്ല. അ​തിെ​ൻ​റ കെ​ടു​തി നി​ര​പ​രാ​ധി​ക​ൾ​കൂ​ടി അ​നു​ഭ​വി​ക്കേ​ണ്ടി​വ​രു​ന്നു എ​ന്ന​താ​ണ് ദു​ര​ന്തം. ന​ക്സ​ൽ​സ്വാ​ധീ​ന മേ​ഖ​ല​ക​ളി​ലും ക്രി​യാ​ത്മ​ക​മാ​യി മോ​ദി​സ​ർ​ക്കാ​ർ എ​ന്തെ​ങ്കി​ലും ചെ​യ്ത​തി​നു തെ​ളി​വി​ല്ല. വി​വി​ധ ജ​ന​വി​ഭാ​ഗ​ങ്ങ​ൾ​ക്കി​ട​യി​ലെ അ​ന്യ​താ​ബോ​ധം മാ​റ്റാ​നും സാ​ന്ത്വ​ന​സ്​​പ​ർ​ശം ന​ൽ​കാ​നു​മാ​ണ് ഒ​രു സ​ർ​ക്കാ​ർ ശ്ര​മി​ക്കേ​ണ്ട​ത്. കു​റ​ഞ്ഞ​പ​ക്ഷം, പ്ര​കോ​പ​നം സ​മാ​ധാ​നം ത​രി​ല്ല എ​ന്നെ​ങ്കി​ലും സ​ർ​ക്കാ​റി​നെ നി​യ​ന്ത്രി​ക്കു​ന്ന​വ​ർ മ​ന​സ്സി​ലാ​ക്കി​യി​രു​ന്നെ​ങ്കി​ൽ!