Top
Begin typing your search above and press return to search.
keyboard_arrow_down
Login
exit_to_app
exit_to_app
​പൊ​രു​തി​യ​ത്​ നി​യ​മ​വാ​ഴ്​​ച​യു​ടെ വി​ജ​യ​ത്തി​ന്
cancel

പരമോന്നത നീതിപീഠത്തിനു മുന്നിലെ നിയമയുദ്ധത്തിൽ ബാബരി മസ്​ജിദിനുവേണ്ടി വേണ്ടത്ര സാക്ഷ്യങ്ങളും തെളിവുകളുമ ായി അഭിഭാഷകർ സജീവമായി രംഗത്തുണ്ടായിരുന്നു. അതിനാൽ, കോടതിയുടെ തീർപ്പ്​ മസ്​ജിദിന്​ അനുകൂലമായിരിക്കുമെന്നാണ ് പ്രതീക്ഷിച്ചത്​​. ദുഃഖക​രമെന്നു പറയ​െട്ട, സംഭവിച്ചത് മറിച്ചാണ്​​. ഇതുമായി ബന്ധപ്പെട്ട നിയമവ്യവഹാരം തുടങ്ങു ന്ന ആദ്യനാളിൽതന്നെ സുപ്രീംകോടതിയുടെ വിധി എന്തായാലും അത് മാനിക്കുമെന്നും​ അംഗീകരിക്കുമെന്നും മുസ്​ലിംകൾ വ് യക്തമാക്കിയിരുന്നു. അതൊരു പുതിയ കാര്യമല്ല, കേസ്​ തുടങ്ങു​േമ്പാഴും തുടർന്ന്​ ഇൗ വിഷയം ഉയർന്നുവന്ന ഒാരോ ഘട്ട ത്തിലും കേന്ദ്രത്തിൽ ഭരണം മാറിവന്നപ്പോഴുമൊക്കെ അവർ ഇത്​ ആവർത്തിച്ചുകൊണ്ടിരുന്നു​.


അതോടൊപ്പം രാജ ്യത്ത്​ നിയമവാഴ്​ച ഉറപ്പുവരുത്തുന്നത്​ പരമപ്രധാനമാണെന്നും അവർ വ്യക്തമാക്കിയതാണ്. നിയമം വാഴാത്ത നാട്ടിൽ സമാ ധാനപൂർവം നിലനിൽക്കാൻ ആർക്കും കഴിയില്ല. കുഴപ്പവും ശൈഥില്യവും ഇസ്​ലാമിന്​ ഇഷ്​ടമല്ല. അതുകൊണ്ട്​ സമാധാനപൂർവം ന ിയമത്തി​​​​െൻറ പരിധിയിൽനിന്ന്​ തെളിവുകളുടെയും പ്രമാണങ്ങളുടെയും പിൻബലത്തിൽ കോടതിയിൽ വാദങ്ങൾ സമർപ്പിക്കുമ െന്നും തുടർന്ന്​ കോടതിയുടെ വിധി അംഗീകരിക്കുമെന്നുമായിരുന്നു മുസ്​ലിംനിലപാട്​​. ഇപ്പോഴും ഞങ്ങൾ അതിൽതന്നെ ഉറച്ചുനിൽക്കുന്നു.

എന്നാൽ, കോടതിവിധി അംഗീകരിക്കുമെന്ന്​ പറഞ്ഞതിനർഥം മുസ്​ലിംകൾ അതിനോട്​ നൂറുശതമാനം യോജിക്കുന്നു എന്നല്ല. അതിലെ തെറ്റായ കാര്യങ്ങളോട്​ വിയോജിക്കും. അത്​ പ്രകടിപ്പിക്കും. സുപ്രീ​ംകോടതി വിധി ലംഘിക്കാൻ പാടില്ലാത്തതാണ്. അതിന്​ മുസ്​ലിംകൾ ഒരു​െമ്പടുകയില്ല. എന്നാൽ, വിധിന്യായത്തിലെ പോരായ്​മകളും ദൗർബല്യങ്ങളും ചൂണ്ടിക്കാണിക്കാതിരിക്കാനാവില്ല. സുപ്രീംകോടതി സുപ്രീം (പരമോന്നതം) ആണെങ്കിലും തീർത്തും അന്യൂനമോ കുറ്റമറ്റതോ ആണെന്നു പറയാനാവില്ലെന്ന മുൻ ചീഫ്​ ജസ്​റ്റിസ്​ ജെ.എസ്​ വർമയുടെ അഭിപ്രായം പ്രസക്തമാണ്​.

ഇൗ വിധിന്യായത്തിൽ വളരെയേറെ പിഴവുകളും ദൗർബല്യങ്ങളുമുണ്ട്​. അതിൽ മുസ്​ലിംകളുടെ പല വാദമുഖങ്ങളും ചരിത്രവസ്​തുതകളും കോടതി പിന്തുണച്ചു. ഉദാഹരണത്തിന്​, വിധിന്യായത്തിൽ പറയുന്ന മർമപ്രധാനമായ വിഷയങ്ങളിൽ ഏറ്റവും പ്രധാനപ്പെട്ടത്​ ബാബരി മസ്​ജിദ്​,​ ക്ഷേത്രം തകർത്താണ്​ നിർമിച്ചത്​ എന്നതിന്​ തെളിവി​െല്ലന്നതാണ്​. ഏതോ കെട്ടിടത്തി​​​​െൻറ അവശിഷ്​ടങ്ങൾക്കുമേലാണ്​ പള്ളി നിർമിച്ചതെന്നും അത്​ ഇസ്​ലാമിക പാരമ്പര്യത്തിലുള്ള കെട്ടിടമല്ലെന്നും പറയു​േമ്പാഴും അത്​ ഹിന്ദു കെട്ടിടമാണെന്നു പറയാനും തെളിവ്​ ലഭിച്ചിട്ടില്ല. അത്​ 12ാം നൂറ്റാണ്ടിലെ കെട്ടിടമായിരുന്നു എന്നാണ്​ അനുമാനം. ബാബരി മസ്​ജിദ്​ പണിതതാക​െട്ട, പതിനാറാം നൂറ്റാണ്ടിലും. എന്നാൽ, ഇൗ കാലയളവിനിടയിൽ എന്താണ്​ നടന്നതെന്നതിന്​ ഒരു തെളിവും ചരിത്രരേഖയും ലഭ്യമായിട്ടില്ല. ഇത്​ വളരെ സുപ്രധാനമായ നിഗമനമാണ്​. ഇത്​ വർഗീയവാദികൾക്കും ഫാഷിസ്​റ്റുകൾക്കുമുള്ള ചുട്ട മറുപടിയാണ്​. ഇക്കാര്യം​ രാജ്യത്തെ ജനങ്ങളുടെ മുമ്പാകെ വിശദീകരിക്ക​െപ്പടേണ്ടതുണ്ട്. 1949ൽ മസ്​ജിദിനകത്ത്​ വിഗ്രഹങ്ങൾ പ്രതിഷ്​ഠിച്ചത്​ തീർത്തും തെറ്റും ആരാധനാലയത്തെ അശുദ്ധമാക്കുന്നതുമായിപ്പോയെന്ന്​ കോടതി നിരീക്ഷിച്ചു. 1992ൽ മസ്​ജിദ്​ തകർത്തതും ഹീനമായ കുറ്റകൃത്യമാണെന്ന്​ കോടതി അഭിപ്രായപ്പെട്ടു. റിലീജിയസ്​ പ്ലേസസ്​ ഒാഫ്​ വേർഷിപ്​ ആക്​ട്​ 1991ൽ പാർലമ​​​െൻറ്​ അംഗീകരിച്ചതാണ്​. ഇതനുസരിച്ച്​ ഇന്ത്യയിലെ എല്ലാ ആരാധനാലയങ്ങൾക്കും 1947ലെ തൽസ്​ഥിതി വകവെച്ചുനൽകുകയാണ്​ ചെയ്​തത്​. അന്ന്​ പള്ളിയും ക്ഷേത്രവും ചർച്ചും മറ്റുമായ ആരാധനാലയങ്ങളായി നിലകൊണ്ടത്​ അതേപടി നിലനിൽക്കുമെന്നും അതിനു മാറ്റമൊന്നും വരുത്താനാവില്ലെന്നുമായിരുന്നു പ്രസ്​തുത നിയമം. കോടതിയിൽ കേസ്​ നിലവിലുള്ളതിനാൽ ബാബരി മസ്​ജിദിനെ ഇതിൽ നിന്നൊഴിവാക്കിയിരുന്നു. പാർലമ​​​െൻറ്​ പാസാക്കിയ ഇൗ നിയമം സുപ്രീംകോടതി പല ഘട്ടങ്ങളിലും ഉയർത്തിപ്പിടിക്കുകയും അതിന്​ കൂടുതൽ കരുത്ത്​ പകരുകയും ചെയ്​തു. അതിനാൽ കാശി പോലുള്ള ഇടങ്ങളിലെ ആരാധനാലയങ്ങൾക്കുമേൽ അവകാശവാദം ഉന്നയിക്കുന്നത്​ സുപ്രീംകോടതി തടയുകയും ചെയ്​തതാണ്​. ഇക്കാര്യവും ​രാജ്യത്തെ ജനങ്ങളുടെ മുമ്പാകെ മുസ്​ലിംകൾ വെക്കുകയാണ്​.

ബാബരി മസ്​ജിദ്​ വിഷയത്തിൽ മുസ്​ലിം സമുദായനേതൃത്വം ഉത്തരവാദിത്തം നിർവഹിച്ചിട്ടുണ്ട്​. മുസ്​ലിം നേതൃത്വം ബാധ്യത നിറവേറ്റിയില്ലെന്ന്​ പലരും സാമൂഹികമാധ്യമങ്ങളിലും മറ്റും പരാതി ഉന്നയിക്കുകയും ​കുറ്റപ്പെടുത്തുകയും ചെയ്യുന്നു​. തുടക്കത്തിലേ ഇതരവിഭാഗവുമായി ചർച്ചചെയ്​ത്​ സന്ധിയിലെത്താമായിരുന്നു, ഒടുവിലും അതുതന്നെയല്ലേ സംഭവിച്ചത്​, ഇതിന്​ ഇത്രയും ദീർഘമായൊരു കാലം നീട്ടിക്കൊണ്ടുപോയത്​ എന്തിന്​ എന്നൊക്കെ പറഞ്ഞ്​ വാട്​സ്​ആപ്പിലും ഫേസ്​ബുക്കിലുമൊക്കെയായി പലരും ആക്ഷേപങ്ങൾ ചൊരിഞ്ഞുകൊണ്ടിരിക്കുന്നു. ഒന്ന്​ ഒാർത്തുനോക്കൂ, എന്തിനായിരുന്നു ഇത്രനാൾ തുടർന്നുവന്ന ഇൗ പോരാട്ടം? രാജ്യത്ത്​ നിയമവാഴ്​ച ഉറപ്പുവരുത്താൻ വേണ്ടിയാണ്​ മുസ്​ലിംകൾ പൊരുതിയത്​. അവർക്കുവേണ്ടി മാത്രമല്ല, രാജ്യത്തെ മുഴുവൻ പൗരന്മാർക്കും വേണ്ടിയായിരുന്നു ആ നിയമയുദ്ധം. ഇതിന്​ ഇന്ത്യക്കാർ മുസ്​ലിം സമുദായത്തോട്​ കടപ്പെട്ടിരിക്കുന്നു. നിയമയുദ്ധത്തിനിടക്കുവെച്ച്​ കേസിലെ മറുകക്ഷിയുമായി സന്ധിശ്രമത്തിനു മുതിർന്നാൽ അത്​ ആൾക്കൂട്ട ആധിപത്യത്തി​​​​െൻറ കൈയൂക്കിനു വഴങ്ങുന്നതിനു തുല്യമാവും. അങ്ങനെ വന്നാൽ ആളെക്കൂട്ടി ആർക്കും എന്തും ചെയ്യാമെന്ന അവസ്​ഥയാണ്​ രാജ്യത്തുണ്ടാവുക. ചെയ്​തത്​ തെറ്റോ ശരിയോ ആവ​െട്ട, സുപ്രീംകോടതി നിയമാനുസൃതമായാണ്​ ചെയ്​തത്​. അതോടെ രാജ്യ​ത്ത്​ നിയമവാഴ്​ച സ്​ഥാപിക്കപ്പെട്ടിരിക്കുന്നു. ഇത്​ രാജ്യത്തെ നീതിന്യായവ്യവസ്​ഥക്ക്​ മുസ്​ലിംകൾ നൽകിയ മഹത്തായ സംഭാവനയാണ്​.

മുസ്​ലിംകൾ എല്ലാ കാര്യവും ദൈവത്തെ ഭരമേൽപിക്കുന്ന വിശ്വാസികളാണ്​. ഇസ്​ലാമികദർശനത്തി​​​​െൻറ അടിസ്​ഥാനഘടകങ്ങളിലൊന്നാണത്​. എന്നാൽ, ദൈവത്തിന്​ എല്ലാം വി​േട്ടച്ചു നിഷ്​ക്രിയമായിരിക്കുകയല്ല. കാര്യങ്ങൾ ദൈവത്തെ ഭരമേൽപിക്കാൻ രണ്ട്​ ഉപാധികളുണ്ട്​. ഒന്നാമതായി, മനുഷ്യരെന്ന നിലക്ക്​ സാധ്യമായത്​ പരമാവധി ചെയ്​തുതീർക്കുക. പ്രവാചകൻ മുഹമ്മദ്​ നബി പറഞ്ഞു: ‘‘ഒട്ടകത്തെ കെട്ടിയിട്ടശേഷം ദൈവസഹായത്തിൽ ഭരമേൽപിക്കുക.’’ ബാബരി മസ്​ജിദ്​ വിഷയത്തിൽ മുസ്​ലിംകൾ അവർക്കാവുന്നതി​​​​െൻറ പരമാവധി ചെയ്​തു. ഹൈകോടതി മുതൽ സുപ്രീംകോടതി വരെ പോയി. രാജ്യത്തെ പ്രഗല്​ഭരായ നിയമജ്ഞരുടെയും അഭിഭാഷകരുടെയും സേവനം പ്രയോജനപ്പെടുത്തി. മാധ്യമങ്ങൾക്കു മുന്നിൽ, രാജ്യത്തെ ജനങ്ങൾക്കു മുന്നിൽ എല്ലാം തങ്ങളുടെ കേസ്​ എത്തിച്ചു. വിവിധ ഘട്ടങ്ങളിൽ അനുരഞ്​ജന ചർച്ചകൾക്ക്​ ശ്രമിച്ചു. അവയോരോന്നും നിഷ്​ഫലമാകു​േമ്പാഴും ഇച്ഛാശക്തിയോടെ ഉറച്ചുനിന്ന്​ അല്ലാഹുവി​​​​െൻറ ഭവനം സംരക്ഷിക്കുന്നതിനുവേണ്ടി അവസാനത്തെ അറ്റം വരെ മുന്നോട്ടുപോയി. ദൈവത്തിനു സ്​തുതി. ഇക്കാര്യത്തിൽ മുസ്​ലിം സമൂഹം ഇന്ത്യൻ സാധ്യതയിൽനിന്നു അവർക്ക്​ ആവുന്നത്രയും ചെയ്​തിട്ടുണ്ട്​. അങ്ങേയറ്റം പരിശ്രമിച്ചതിനൊടുവിൽ കിട്ടുന്ന ഫലമെന്താണോ അത്​ യാഥാർഥ്യമായി അംഗീകരിച്ച്​ വിധിയെ ദൈവത്തിനു വിടുകയാണ്​ ഭരമേൽപിക്കലി​​​​െൻറ രണ്ടാമത്തെ ഉപാധി. ദൈവം നല്ലതേ ചെയ്യൂ എന്നാണ്​ മുസ്​ലിംകളുടെ വിശ്വാസം. അവ​​​​െൻറ തീരുമാനത്തിൽ എന്തെങ്കിലും നന്മ ഉണ്ടാവാതിരിക്കില്ല. പ്രത്യക്ഷത്തിൽ ദോഷമാണെന്നു തോന്നുന്നതുപോലും പിന്നീട്​ നന്മയായി ഭവിച്ചേക്കാം. അതിനാൽ ദൈവത്തിൽ​ പ്രതീക്ഷ പുലർത്താം.

ഇനിയും വല്ല ശ്രമത്തിനും സാധ്യതയുണ്ടോ എന്ന കാര്യം അഭിഭാഷകർ പരിശോധിക്കും. പുനഃപരിശോധന ഹരജിയുടെ സാധ്യത ആരായുന്നുണ്ട്​. അതിനവസരമുണ്ടെങ്കിൽ ഹരജിയുമായി മുന്നോട്ടുപോകും. അങ്ങനെ നിയമത്തി​​​​െൻറ വരുതിയിൽ നിന്നു ആവുന്നതെല്ലാം ചെയ്യും.

പ്രത്യക്ഷത്തിൽ താൽക്കാലിക ദോഷമോ നഷ്​ടമോ എന്നു തോന്നിയ പല കാര്യങ്ങളും കാലാന്തരേണ ഗുണമായി ഭവിച്ച അനുഭവങ്ങൾ പൂർവകാല ചരിത്രത്തിൽ നിന്നു മുസ്​ലിംകൾ പഠിച്ചെടുക്കുന്നുണ്ട്​. രാജ്യത്തെ മുഴുവൻ ജനങ്ങളെയും ദൈവത്തി​​​​െൻറ സൃഷ്​ടികളും സഹജാതരുമായി കണ്ട്​ സാഹോദര്യത്തിലും മാനവികതയിലും അധിഷ്​ഠിതമായ ബന്ധം വളർത്തിയെടുക്കാനുള്ള ശ്രമം​ മുസ്​ലിംകൾ തുടരും.
ഇതര സമുദായക്കാർക്കിടയിലുള്ള തെറ്റിദ്ധാരണകൾ മാറ്റിയെടുക്കുകയും അവരുടെ മനസ്സിലെ വിദ്വേഷത്തി​​​​െൻറ വിഷബീജങ്ങ​ളെ നീക്കിക്കളയുകയും അവരുടെ ഹൃദയങ്ങൾ ജയിച്ചടക്കുകയുമാണ്​ അവർക്ക്​ ചെയ്യാനുള്ളത്. ഇൗ ദൗത്യ നിർവഹണത്തിലൂടെ ഇതല്ല, ഇതുപോലുള്ള ഒരു നൂറ്​ പ്രശ്​നങ്ങൾക്കു പരിഹാരം കാണാൻ കഴിയും.

നീണ്ട യാത്രക്കിടയിൽ വരുന്ന ചെറിയൊരു മാർഗതടസ്സമാണിപ്പോൾ മുന്നിലുള്ളത്​. അത്​ നീക്കംചെയ്യാനുള്ള ശ്രമം നടക്കേണ്ടതുതന്നെ. എന്നാൽ, ആ പ്രതിബന്ധങ്ങളിലുടക്കി ഉലഞ്ഞുപോകരുത്​. ന്യായത്തിലും ധർമത്തിലും സത്യത്തിലുമുള്ള അണയാത്ത പ്രതീക്ഷയോടെ, സമുദായത്തി​​​​െൻറയും രാജ്യത്തി​​​​െൻറയും സർവതോമുഖമായ പു​രോഗതിയ​ിലേക്ക്​, ക്ഷേമത്തിലേക്ക്​ ഉത്സാഹത്തോടെ മുന്നേറുക.

Show Full Article
TAGS:Babari verdict syed saadat ullah hussaini Malayalam Article 
Next Story