ഞാ​ൻ ഖ​ബ​റി​നു​ള്ളി​ലാ​ണെ​ന്ന് തോ​ന്നി​പ്പോ​യി

ഇ​സ്രാ​യേ​ലും ഹ​മാ​സും ത​മ്മി​ലെ വെ​ടി​നി​ർ​ത്ത​ൽ ഉ​ട​മ്പ​ടി പ്ര​കാ​രം ത​ട​വ​റ​യി​ൽ നി​ന്ന് മോ​ച​നം ല​ഭി​ച്ച ഫ​ല​സ്തീ​ൻ മു​ന്നേ​റ്റ​ത്തി​ന്റെ ഐ​തി​ഹാ​സി​ക പോ​രാ​ളി ഖാ​ലി​ദ ജ​റാ​ർ തി​രി​ച്ച​റി​യാ​ൻ പ​റ്റാ​ത്ത​ത്ര ക്ഷീ​ണി​ത​യും അ​വ​ശ​യു​മാ​യി​രു​ന്നു. ഏ​കാ​ന്ത ത​ട​വി​ൽ നേ​രി​ടേ​ണ്ടി​വ​ന്ന അ​ടി​ച്ച​മ​ർ​ത്ത​ലു​ക​ളു​ടെ അ​ട​യാ​ള​ങ്ങ​ൾ ആ ​മു​ഖ​ത്തു​ണ്ടാ​യി​രു​ന്നു.

‘‘ഞാ​ൻ ഏ​കാ​ന്ത ത​ട​വി​ലാ​യി​രു​ന്നു, ഇ​പ്പോ​ഴെ​നി​ക്ക് സം​സാ​രി​ക്കാ​ൻ വ​യ്യ’’- കേ​ൾ​ക്കാ​ൻ കാ​ത്തു​നി​ന്ന മാ​ധ്യ​മ പ്ര​വ​ർ​ത്ത​ക​രോ​ട് ക്ഷ​മാ​പ​ണ സ്വ​ര​ത്തി​ൽ ഇ​ത്ര​മാ​ത്രം പ​റ​ഞ്ഞാ​ണ് ഞാ​യ​റാ​ഴ്ച അ​വ​ർ കു​ടും​ബ​ത്തി​നൊ​പ്പം പോ​യ​ത്. എ​ന്നാ​ൽ, ഒ​രു ദി​വ​സം ക​ഴി​ഞ്ഞ് കാ​ണാ​നാ​യ​ത് എ​ന്ന​ത്തേ​യും പോ​ലെ ക​രു​ത്ത​യാ​യ ഖാ​ലി​ദ​യെ​യാ​ണ്. ഏ​കാ​ന്ത ത​ട​വി​ന്റെ ക​ടു​പ്പ​വും പൊ​ടി​യും തൂ​ത്തു​തു​ട​ച്ച് അ​തി​​ക്ര​മ​ങ്ങ​ളു​ടെ​യും ക്രൂ​ര​ത​യു​ടെ​യും അ​നു​ഭ​വ​ങ്ങ​ൾ തു​റ​ന്നു​പ​റ​യാ​ൻ അ​വ​ർ മു​ന്നോ​ട്ടു​വ​ന്നു. ഉ​ട​മ്പ​ടി​പ്ര​കാ​രം മോ​ചി​ത​രാ​ക്ക​പ്പെ​ട്ട 69 ഫ​ല​സ്തീ​നി ത​ട​വു​കാ​രി​ക​ളി​ൽ ഉ​മ്മ​മാ​രു​ണ്ട്, മാ​ധ്യ​മ​പ്ര​വ​ർ​ത്ത​ക​രു​ണ്ട്, സ​ർ​വ​ക​ലാ​ശാ​ല വി​ദ്യാ​ർ​ഥി​നി​ക​ളു​ണ്ട്, മു​റി​വേ​റ്റ സ്ത്രീ​ക​ളു​ണ്ട്...

ഹ​മാ​സ് കൈ​മാ​റി​യ മൂ​ന്ന് ഇ​സ്രാ​യേ​ലി വ​നി​താ ബ​ന്ദി​ക​ളു​ടെ മു​ഖ​ത്ത് സ​ന്തോ​ഷ​വും പു​ഞ്ചി​രി​യു​മാ​ണ് നി​റ​ഞ്ഞു​നി​ന്നി​രു​ന്ന​തെ​ങ്കി​ൽ വേ​ദ​ന​യാ​ലും ക്ഷീ​ണ​ത്താ​ലും വി​ള​റി വി​വ​ർ​ണ​മാ​യി​രു​ന്നു ഇ​വ​രു​ടെ മു​ഖ​ങ്ങ​ൾ.

റാ​മ​ല്ല​യി​ൽ ഒ​രു​കൂ​ട്ടം മാ​ധ്യ​മ പ്ര​വ​ർ​ത്ത​ക​രോ​ട് സം​സാ​രി​ക്ക​വേ, ജീ​വി​ച്ചി​രി​ക്കു​ന്നു​വെ​ന്ന ല​ക്ഷ​ണം പോ​ലു​മി​ല്ലാ​തെ താ​ൻ താ​ണ്ടി​യ ത​ട​വ​റ​ദി​ന​ങ്ങ​ളു​ടെ ഏ​ക​ദേ​ശ ചി​ത്രം അ​വ​ർ വി​വ​രി​ച്ചു.

‘‘ഇ​ടു​ങ്ങി​യ, ശ്വാ​സം​മു​ട്ടു​ന്ന ഒ​രു സെ​ല്ലി​നു​ള്ളി​ലാ​ണ് എ​ന്നെ അ​ട​ച്ചി​ട്ടി​രു​ന്ന​ത്. ഈ ​കു​ടു​സ്സു​മു​റി​യോ​ട് ചേ​ർ​ന്നാ​യി​രു​ന്നു കു​ളി​മു​റി​യും. ഒ​ന്നി​നും കൊ​ള്ളാ​ത്ത ആ​ഹാ​ര​വും അ​രു​ചി ക​ല​ർ​ന്ന വെ​ള്ള​വു​മാ​ണ് ല​ഭി​ച്ചി​രു​ന്ന​ത്. രോ​ഗ​ങ്ങ​ൾ​ക്ക് ചി​കി​ത്സ​യോ മ​രു​ന്നോ ഇ​ല്ല. ചു​രു​ക്കി​പ്പ​റ​ഞ്ഞാ​ൽ ഖ​ബ​റി​ന​ക​ത്താ​ണ് ഞാ​നെ​ന്ന് തോ​ന്നി​പ്പോ​യി​രു​ന്നു’’- ഖാ​ലി​ദ പ​റ​യു​ന്നു.

ആ​ദ്യ​മാ​യ​ല്ല അ​വ​ർ ത​ട​വി​ലാ​ക്ക​പ്പെ​ടു​ന്ന​ത്. ഇ​ത് അ​ഞ്ചാ​മ​ത്തെ ത​വ​ണ​യാ​ണ്; ഇ​ക്കു​റി​യാ​യി​രു​ന്നു ഏ​റ്റ​വും ക​ഠി​നം. ത​ട​വ​റ​യി​ലെ സാ​ഹ​ച​ര്യ​ങ്ങ​ൾ മാ​ത്ര​മ​ല്ല, ജ​യി​ല​ർ​മാ​രും ക്രൂ​ര​ന്മാ​രാ​യി​രു​ന്നു.

2023 ഡി​സം​ബ​ർ 23ന് ​വീ​ട്ടി​ൽ​നി​ന്ന് പി​ടി​ച്ചു കൊ​ണ്ടു​പോ​യ ഖാ​ലി​ദ​ക്കു​മേ​ൽ കു​റ്റം ചു​മ​ത്തി​യി​രു​ന്നി​ല്ല, അ​തു​കൊ​ണ്ടു​ത​ന്നെ വി​ചാ​ര​ണ​യു​മു​ണ്ടാ​യി​ല്ല. ഫ​ല​സ്തീ​നി​യ​ൻ പോ​രാ​ട്ട​ത്തി​ന്റെ പ്ര​തീ​ക​മാ​യി അ​റി​യ​പ്പെ​ടു​ന്ന അ​വ​രെ നി​ശ്ശ​ബ്ദ​യാ​ക്കാ​നാ​കും എ​ന്നാ​വും ഇ​ത്ത​ര​മൊ​രു ന​ട​പ​ടി കൊ​ണ്ട് ഇ​സ്രാ​യേ​ൽ ല​ക്ഷ്യം​വെ​ച്ചി​ട്ടു​ണ്ടാ​വു​ക.

അ​വ​ളെ അ​വ​ർ ഇ​പ്പോ​ഴും ഭ​യ​ക്കു​ന്നു

സ​ദാ സു​സ്മേ​ര​വ​ദ​ന​യാ​യി മാ​ത്രം കാ​ണ​പ്പെ​ടാ​റു​ള്ള ഹെ​ബ്രോ​ൺ സ​ർ​വ​ക​ലാ​ശാ​ല വി​ദ്യാ​ർ​ഥി​നി ജെ​നി​ൻ അം​റ് റെ​ഡ് ക്രോ​സ് ക​മ്മി​റ്റി​യു​ടെ ബ​സി​ൽ നി​ന്നി​റ​ങ്ങി​യ​തും കു​ടും​ബ​ത്തെ പ​ര​താ​ൻ തു​ട​ങ്ങി. പി​താ​വി​നെ ദൂ​രെ​നി​ന്ന് ക​ണ്ട​തും അ​വ​ൾ അ​ദ്ദേ​ഹ​ത്തി​ന്റെ കൈ​ക​ളി​ലേ​ക്ക് പ​റ​ന്നെ​ത്തി. ഒ​രു അ​പ​രാ​ധ​വും ചെ​യ്യാ​തെ ആ​യു​സ്സി​ന്റെ 14 മാ​സം ത​ട​ങ്ക​ലി​ൽ ഹോ​മി​ക്കേ​ണ്ടി​വ​ന്ന​തി​ന്റെ വേ​ദ​ന​യും പ​ര​വേ​ശ​വു​മെ​ല്ലാം ആ ​മു​ഖ​ത്ത് എ​ഴു​തി​വെ​ച്ചി​ട്ടു​ണ്ടാ​യി​രു​ന്നു. ത​ള​ർ​ച്ച മു​റ്റി​യ​തെ​ങ്കി​ലും ശാ​ന്ത​ത ന​ഷ്ട​മാ​വാ​ത്ത ശ​ബ്ദ​ത്തി​ൽ അ​വ​ർ പ​റ​ഞ്ഞു: ജ​യി​ലി​ല​ട​ക്ക​പ്പെ​ട്ട നേ​ര​ത്തു​ള്ള​തി​ന് സ​മാ​ന​മാ​യ ക്രൂ​ര​മാ​യ ന​ട​പ​ടി​ക്ര​മ​ങ്ങ​ൾ മോ​ച​ന​വേ​ള​യി​ലും ആ​വ​ർ​ത്തി​ക്ക​പ്പെ​ട്ടു​വെ​ന്ന്. ഡാ​മ​ൺ ജ​യി​ലി​ൽ നി​ന്ന് ഓ​ഫ​ർ ജ​യി​ലി​ലേ​ക്ക് മാ​റ്റി​യ സ​ന്ദ​ർ​ഭ​ത്തി​ൽ താ​നും മ​റ്റു ത​ട​വു​കാ​രി​ക​ളും മ​ർ​ദ​ന​ത്തി​നും അ​പ​മാ​ന​ത്തി​നും വി​ധേ​യ​മാ​ക്ക​പ്പെ​ട്ടെ​ന്ന്. ഞ​ങ്ങ​ളെ​ല്ലാം കൊ​ടി​യ അ​പ​മാ​ന​ത്തി​നും അ​വ​ഹേ​ള​ന​ത്തി​നും ഇ​ര​യാ​യി. പ​രി​ശോ​ധ​ന ന​ട​പ​ടി​ക്ര​മ​ങ്ങ​ൾ​ക്കെ​ന്ന വ്യാ​ജേ​ന അ​വ​ർ ഞ​ങ്ങ​ളെ ദീ​ർ​ഘ​നേ​രം ത​ണു​ത്ത സ്ഥ​ല​ത്ത് പാ​ർ​പ്പി​ച്ചു. ന​ൽ​കി​യ ഭ​ക്ഷ​ണ​ത്തെ ഭ​ക്ഷ​ണം എ​ന്ന് വി​ളി​ക്കാ​ൻ ക​ഴി​യി​ല്ല-​കു​റ​ച്ച് ധാ​ന്യ​ങ്ങ​ൾ, പാ​കം ചെ​യ്യാ​ത്ത അ​രി, ഉ​പ്പി​ല്ലാ​ത്ത സൂ​പ്പ്, തു​രു​മ്പു രു​ചി​യു​ള്ള വെ​ള്ളം. ഇ​തു​ക​ഴി​ച്ചാ​ണ് ഞ​ങ്ങ​ൾ ക​ഴി​ഞ്ഞ​ത്. അ​ധി​നി​വി​ഷ്ട വെ​സ്റ്റ്ബാ​ങ്കി​ൽ ഏ​റ്റ​വും ദു​രി​തം നി​റ​ഞ്ഞ ന​ഗ​ര​ത്തി​ന്റെ പേ​ര് പേ​റു​ന്ന ജെ​നി​ൻ ജ​യി​ൽ സ്ത്രീ​ക​ളു​ടെ അ​ടി​സ്ഥാ​ന അ​വ​കാ​ശ​ങ്ങ​ളും വ്യ​ക്തി​പ​ര​മാ​യ അ​ന്ത​സ്സും ഹ​നി​ക്കു​ന്ന അ​തി ക്രൂ​ര​മാ​യ ഇ​ട​മാ​ണ്- അ​വ​ർ തു​ട​ർ​ന്നു.

ജ​യി​ലി​ൽ​നി​ന്ന് മോ​ചി​ത​യാ​യ​തി​ന്റെ പി​റ്റേ​ന്ന്, ഇ​സ്രാ​യേ​ൽ സൈ​ന്യം ജെ​നി​ന്റെ വീ​ട് ആ​ക്ര​മി​ക്കു​ക​യും കു​ടും​ബ​ത്തെ ഭീ​ഷ​ണി​പ്പെ​ടു​ത്തു​ക​യും ചെ​യ്തു. മോ​ച​നം ആ​ഘോ​ഷി​ക്കു​ന്ന എ​ന്തെ​ങ്കി​ലും ല​ക്ഷ​ണം ക​ണ്ടാ​ൽ വീ​ണ്ടും അ​റ​സ്റ്റ് ചെ​യ്യു​മെ​ന്നാ​യി​രു​ന്നു സ​യ​ണി​സ്റ്റ് സേ​ന​യു​ടെ മു​ന്ന​റി​യി​പ്പ്.

എ​ന്റെ ഉ​ള്ളം നു​റു​ങ്ങു​ക​യാ​യി​രു​ന്നു

ത​ട​വു​കാ​രി​ക​ളു​ടെ ദു​ര​വ​സ്ഥ​ക​ൾ​ക്കി​ട​യി​ൽ ഉ​മ്മ​മാ​രു​ടെ ക​ഥ​ക​ൾ വേ​റി​ട്ടു​നി​ൽ​ക്കു​ന്നു. അ​മ്മ​യും മ​ക്ക​ളും ത​മ്മി​ലെ പ​വി​ത്ര​മാ​യ ബ​ന്ധ​ത്തെ​പ്പോ​ലും ഇ​സ്രാ​യേ​ൽ വി​ല​ക​ൽ​പി​ക്കാ​റി​ല്ല എ​ന്ന​തു​ത​ന്നെ കാ​ര​ണം. ജ​യി​ലി​ൽ നി​ന്നി​റ​ങ്ങി​യ​തും മാ​ധ്യ​മ പ്ര​വ​ർ​ത്ത​ക റൂ​ല ഹ​സ്സ​നൈ​ൻ ത​ന്റെ പി​ഞ്ചു​മ​ക​ൾ ഏ​ലി​യ​യെ നെ​ഞ്ചോ​ടു​ചേ​ർ​ക്കു​ന്ന കാ​ഴ്ച ഹൃ​ദ​യ​ഭേ​ദ​ക​മാ​യി​രു​ന്നു. മാ​സം തി​ക​യാ​തെ ജ​നി​ച്ച ഏ​ലി​യ​ക്ക് ഉ​മ്മ​യു​ടെ സാ​ന്നി​ധ്യം ഒ​ഴി​ച്ചു​കൂ​ടാ​നാ​വാ​ത്ത സ​മ​യ​ത്താ​ണ് 2024 മാ​ർ​ച്ചി​ൽ ​ഇ​സ്രാ​യേ​ലി സേ​ന റൂ​ല​യെ പി​ടി​ച്ചു കൊ​ണ്ടു​പോ​കു​ന്ന​ത്. കു​ഞ്ഞു​മോ​ളെ​യോ​ർ​ത്ത് എ​ന്റെ ഉ​ള്ളം നു​റു​ങ്ങു​ക​യാ​യി​രു​ന്നു. അ​വ​ൾ​ക്ക് എ​ന്റെ സാ​മീ​പ്യം വേ​ണ​മെ​ന്ന് എ​നി​ക്ക​റി​യാ​മാ​യി​രു​ന്നു, പ​ക്ഷേ, അ​തി​ലേ​റെ എ​നി​ക്ക് അ​വ​ളെ വേ​ണ​മാ​യി​രു​ന്നു. അ​വ​ളെ​ക്കു​റി​ച്ച് ഓ​ർ​മി​ക്കാ​ത്ത നി​മി​ഷ​ങ്ങ​ളി​ല്ലാ​യി​രു​ന്നു, ആ ​നി​മി​ഷ​ങ്ങ​ളി​ലെ​ല്ലാം ഞാ​ൻ ക​ര​യു​ക​യും ചെ​യ്തു. ക​ടു​ത്ത വൃ​ക്ക​രോ​ഗി​യാ​യ റൂ​ല​ക്ക് ത​ട​വ​റ​യി​ൽ ഒ​രു​വി​ധ വൈ​ദ്യ​പ​രി​ച​ര​ണ​വും ല​ഭി​ച്ചി​ല്ല. ക്ലി​നി​ക്കി​ലേ​ക്ക് മാ​റ്റി പ​രി​ശോ​ധ​ന​യും പ​രി​ച​ര​ണ​വും ന​ൽ​ക​ണ​മെ​ന്ന് പ​ല​വു​രു ആ​വ​ശ്യ​പ്പെ​ട്ടെ​ങ്കി​ലും എ​ല്ലാം അ​വ​ഗ​ണി​ക്ക​പ്പെ​ട്ടു.

‘‘ഞ​ങ്ങ​ളെ​യെ​ല്ലാ​വ​രെ​യും ത​ന്നെ വി​വ​സ്ത്ര​രാ​ക്കി നി​ർ​ത്തി പ​രി​ശോ​ധ​ന ന​ട​ത്തി,എ​ല്ലാ നി​യ​മ​ങ്ങ​ൾ​ക്കും മ​ത​വി​ധി​ക​ൾ​ക്കും പാ​ര​മ്പ​ര്യ​ങ്ങ​ൾ​ക്കും വി​രു​ദ്ധ​മാ​യ ആ ​ന​ട​പ​ടി സ്ത്രീ​ക​ളെ അ​പ​മാ​നി​ക്കു​ക എ​ന്ന ല​ക്ഷ്യം വെ​ച്ച് മാ​ത്ര​മാ​യി​രു​ന്നു’’- അ​വ​ർ പ​റ​ഞ്ഞു.

വേ​ദ​ന​യി​ൽ കു​തി​ർ​ന്ന ഹൃ​ദ​യ​വും പേ​റി​യാ​ണ് ഓ​രോ ത​ട​വു​കാ​രി​യും തി​രി​ച്ചെ​ത്തി​യ​ത്. എ​ന്നി​രി​ക്കി​ലും ഉ​റ്റ​വ​രെ ക​ണ്ട​തും അ​വ​ർ വേ​ദ​ന​ക​ളെ​ല്ലാം മ​റ​ന്ന​തു​പോ​ലെ തോ​ന്നി​ച്ചു, വ​രും​ദി​ന​ങ്ങ​ൾ പ്ര​തീ​ക്ഷ​യും പ്ര​കാ​ശ​വും നി​റ​ഞ്ഞ​താ​വു​മെ​ന്ന് ആ​ശി​ച്ചു. ക്ഷ​മ​യും ഇ​ച്ഛാ​ശ​ക്തി​യും കൂ​ടു​ത​ൽ ദൃ​ഢ​പ്പെ​ടു​ത്തി​യ ഒ​രു പാ​ഠ​ശാ​ല​യു​ടെ ഓ​ർ​മ​യാ​വ​ണം ജ​യി​ൽ​ക്കാ​ല​മെ​ന്ന് അ​വ​രെ​ല്ലാം ആ​ഗ്ര​ഹി​ക്കു​ന്നു.