ഓ​പ​ൺ സർവകലാശാല വി​ദൂ​ര വി​ദ്യാ​ഭ്യാ​സ​ത്തി​ന്റെ അ​ന്ത്യംകു​റി​ക്കു​മോ?

1962 ൽ ​ഡ​ൽ​ഹി സ​ർ​വ​ക​ലാ​ശാ​ല തപാൽ കോ​ഴ്സു​ക​ൾ ആ​രം​ഭി​ക്കു​ന്ന​തോ​ടു​കൂ​ടി​യാ​ണ് രാ​ജ്യ​ത്ത് റെ​ഗു​ല​ർ സർവകലാശാലക​ളി​ലും കോ​ള​ജു​ക​ളി​ലും മാ​ത്രം ഒ​തു​ങ്ങിനി​ന്നി​രു​ന്ന ഉ​ന്ന​ത വി​ദ്യാ​ഭ്യാ​സം സ​മൂ​ഹ​ത്തി​ലെ എ​ല്ലാ വി​ഭാ​ഗം ജ​ന​ങ്ങ​ളി​ലേ​ക്കും എ​ത്തി​ത്തു​ട​ങ്ങി​യ​ത്. 1982ൽ ​ഡോ. ബി.​ആ​ർ. അം​ബേ​ദ്ക​ർ ഓ​പ​ൺ സർവകലാശാലയും 1985ൽ ​ഇ​ന്ദി​ര ഗാ​ന്ധി ദേശീയ ഓ​പ​ൺ സർവകലാശാലയും പ്ര​വ​ർ​ത്ത​ന​മാ​രം​ഭി​ച്ച​തോ​ടെ വി​ദൂ​ര വി​ദ്യാ​ഭ്യാ​സം ത്വ​രി​ത​ഗ​തി​യി​ലാ​ക്കി.

കേ​ര​ള, കാ​ലി​ക്ക​റ്റ്, എം.​ജി, ക​ണ്ണൂ​ർ സർവകലാശാല​ക​ളാ​ണ് നി​ല​വി​ൽ സം​സ്ഥാ​ന​ത്ത് വി​ദൂ​ര വി​ദ്യാ​ഭ്യാ​സ കോ​ഴ്സു​ക​ൾ ന​ട​ത്തി​ക്കൊ​ണ്ടി​രു​ന്ന​ത്. റെ​ഗു​ല​ർ കോ​ള​ജു​ക​ളി​ൽ ​പ്രവേശനം ല​ഭി​ക്കാ​ത്ത​വ​രും സാ​മൂ​ഹി​ക കാ​ര​ണ​ങ്ങ​ളാ​ൽ റെ​ഗു​ല​ർ പ​ഠ​നം സാ​ധി​ക്കാ​ത്ത​വ​രും സ്വാ​ശ്ര​യ സ്ഥാ​പ​ന​ങ്ങ​ളി​ൽ ഭീ​മ​മാ​യ ഫീ​സ് ന​ൽ​കാ​ൻ സാ​ധി​ക്കാ​ത്ത​വ​രു​മാ​യ ല​ക്ഷ​ക്ക​ണ​ക്കി​ന് വി​ദ്യാ​ർ​ഥിക​ളു​ടെ ആ​ശ്ര​യ​വും ആ​ശ്വാ​സ​വു​മാ​ണ് ഈ ​സം​വി​ധാ​നം. 2020ൽ ​കൊ​ല്ലം ആ​സ്ഥാ​ന​മാ​യി ശ്രീ​നാ​രാ​യ​ണ​ഗു​രു ഓ​പൺ സർവകലാശാല വ​ന്ന​തോ​ടു​കൂ​ടി കേ​ര​ള​ത്തി​ൽ സാ​മ്പ്ര​ദാ​യി​ക, പു​തു​ത​ല​മു​റ കോ​ഴ്സു​ക​ൾ കാ​ര്യ​ക്ഷ​മ​വും സ​മ​യ​ബ​ന്ധി​ത​വു​മാ​യി, കു​റ​ഞ്ഞ നി​ര​ക്കി​ൽ പ​ഠി​ക്കാ​നാ​കു​മെ​ന്നും വി​ദൂ​ര വി​ദ്യാ​ഭ്യാ​സ രം​ഗ​ത്ത് ആ​രോ​ഗ്യ​ക​ര​മാ​യ മ​ത്സ​ര​വും സ​മൂ​ഹ​ത്തി​ന് മി​ക​ച്ച വി​ദ്യാ​ഭ്യാ​സം ല​ഭി​ക്കു​മെ​ന്നു​മാ​ണ് ഏ​വ​രും ധ​രി​ച്ചി​രു​ന്ന​ത്. എ​ന്നാ​ൽ, നേ​ർ​വി​പ​രീ​ത​മാ​യാ​ണ് സം​ഭ​വി​ച്ചു​കൊ​ണ്ടി​രി​ക്കു​ന്ന​ത്. ശ്രീ​നാ​രാ​യ​ണ​ഗു​രു ഓ​പ​ൺ സർവകലാശാല നിയമത്തിലെ വ​കു​പ്പു​ക​ൾ പ്ര​കാ​രം സം​സ്ഥാ​ന​ത്തെ മ​റ്റ് സർവകലാശാലക​ളി​ൽ വി​ദൂ​ര വി​ദ്യാ​ഭ്യാ​സ കോ​ഴ്സു​ക​ൾ ന​ട​ത്താൻ പാ​ടി​ല്ല. കേ​ര​ള​ത്തി​ന്റെ അ​യ​ൽ സം​സ്ഥാ​ന​ങ്ങ​ളി​ലെ​ല്ലാം ഓ​പ​ൺ സർവകലാശാലക​ൾ ഉ​ണ്ടെ​ങ്കി​ലും ഇ​തു​പോ​ലൊ​രു വി​ചി​ത്ര നി​ബ​ന്ധ​ന​ക​ൾ അ​വി​ടെ​യെ​ങ്ങു​മി​ല്ല.

2019-20 അ​ധ്യ​യ​ന വ​ർ​ഷം കേ​ര​ള​ത്തി​ൽ നാല് റെ​ഗു​ല​ർ സർവകലാശാലക​ളി​ലു​മാ​യി 90,000ത്തോ​ളം വി​ദ്യാ​ർ​ഥിക​ളാ​ണ് വി​ദൂ​ര​ വി​ദ്യാ​ഭ്യാ​സ കോ​ഴ്സു​ക​ൾ​ക്ക് പ്ര​വേ​ശ​നം നേ​ടി​യി​രു​ന്ന​ത്. 2022-23 ആ​യ​പ്പോ​ഴേ​ക്ക് ഇ​ത് 40,000ത്തോ​ളം ആ​യി കു​റ​ഞ്ഞു. 2022-23 അ​ധ്യ​യ​ന വ​ർ​ഷം ശ്രീ​നാ​രാ​യ​ണ​ഗു​രു ഓ​പ​ൺ സർവകലാശാലയി​ൽ പ്ര​വേ​ശ​നം നേ​ടി​യ വി​ദ്യാ​ർ​ഥി​ക​ളു​ടെ എ​ണ്ണം 6000ത്തോ​ളം മാ​ത്ര​മാ​ണ്. നാ​ളി​തു​വ​രെ വി​ദൂ​ര പ​ഠ​ന​ത്തി​ന് കേ​ര​ള​ത്തി​ലെ സ​ർ​വക​ലാ​ശാ​ല​ക​ളെ ആ​ശ്ര​യി​ച്ചി​രു​ന്ന വി​ദ്യാ​ർ​ഥി സ​മൂ​ഹം അ​യ​ൽ സം​സ്ഥാ​ന​ങ്ങ​ളി​ലെ വി​ദൂ​ര വി​ദ്യാ​ഭ്യാ​സ സം​വി​ധാ​ന​ത്തെ ആ​ശ്ര​യി​ക്കാ​ൻ തു​ട​ങ്ങി​യിരി​ക്കു​ന്നു.

കേ​ര​ള​ത്തി​ൽ വി​ദൂ​ര വി​ദ്യാ​ഭ്യാ​സ മേ​ഖ​ല​യി​ലെ പി​ന്നോ​ട്ട​ടി ഏ​റ്റ​വും കൂ​ടു​ത​ൽ ബാ​ധി​ക്കു​ക മ​ല​ബാ​ർ മേ​ഖ​ല​യെ ആ​യി​രി​ക്കും. സ​ർ​ക്കാ​റു​ക​ളു​ടെ മ​ല​ബാ​ർ വി​വേ​ച​നം കാ​ര​ണം ഹ​യ​ർ​ സെ​ക്ക​ൻ​ഡ​റി സ്കൂ​ളു​ക​ൾപോ​ലെത​ന്നെ സ​ർ​ക്കാ​ർ എ​യ്ഡ​ഡ് കോ​ളജു​ക​ളു​ടെ എ​ണ്ണ​ത്തി​ന്റെ കാ​ര്യ​ത്തി​ലും അ​പ​ര്യാ​പ്ത​ത നി​ല​നി​ൽ​ക്കു​ന്നു. തൃ​ശൂ​ർ, പാ​ല​ക്കാ​ട്, മ​ല​പ്പു​റം, കോ​ഴി​ക്കോ​ട് ജി​ല്ല​ക​ളി​ൽനി​ന്ന് ഇ​ത്ത​വ​ണ പ്ല​സ് ടു ​വി​ജ​യി​ച്ച​ത് 1,37,981 വി​ദ്യാ​ർ​ഥി​ക​ളാ​ണ്. എ​ന്നാ​ൽ, ഉ​ന്ന​ത വി​ദ്യാ​ഭ്യാ​സ​ത്തി​ന് മ​ല​ബാ​ർ മേ​ഖ​ല​യി​ലു​ള്ള​ത് കേ​വ​ലം 34 സ​ർ​ക്കാ​ർ കോ​ളജു​ക​ളും 46 എ​യ്​ഡ​ഡ് കോ​ള​ജു​ക​ളും 167 സ്വാ​ശ്ര​യ കോ​ള​ജു​ക​ളു​മാ​ണ്. ഇ​വി​ടങ്ങ​ളി​ൽ മൊ​ത്തം ആ​ർ​ട്സ്, കോ​മേ​ഴ്സ് വി​ഷ​യ​ങ്ങ​ളി​ൽ 12,287 സീ​റ്റു​ക​ളും, സ​യ​ൻ​സ് വി​ഷ​യ​ങ്ങ​ളി​ൽ 7046 സീ​റ്റു​ക​ളു​മാ​ണുള്ള​ത്. ബാ​ക്കി​വ​രു​ന്ന വി​ദ്യാ​ർ​ഥിക​ൾ ആ​ശ്ര​യി​ച്ചി​രു​ന്ന​ത് വി​ദൂ​ര വി​ദ്യാ​ഭ്യാ​സ​ത്തെ ആ​യി​രു​ന്നു. അ​തി​ൽത​ന്നെ ന​ല്ലൊ​രു ശ​ത​മാ​നം കാ​ലി​ക്ക​റ്റി​ലും.

വി​ദൂ​ര വി​ദ്യാ​ഭ്യാ​സ​ത്തി​ന്റെ കു​ത്ത​ക​വ​ത്കര​ണം യാ​ഥാ​ർ​ഥ്യമാ​വു​ന്ന​തോ​ടുകൂ​ടി വി​ദ്യാ​ർ​ഥിക​ൾ​ക്ക് സ്വ​ന്തം അ​ഭി​രു​ചി​ക്കും താൽപര്യ​ത്തി​നും അ​നു​സ​രി​ച്ച് സർവകലാശാലയും കോ​ഴ്സും തി​ര​ഞ്ഞെ​ടു​ക്കാ​നു​ള്ള അ​വ​സ​ര​മാ​ണ് നി​ഷേ​ധി​ക്ക​പ്പെ​ടു​ന്ന​ത്. അ​തി​നു​ള്ള ഏ​റ്റ​വും വ​ലി​യ തെ​ളി​വാ​ണ് ഇ​പ്രാ​വ​ശ്യം കാ​ലി​ക്ക​റ്റ് സർവകലാശാലയി​ൽ ബി.​എ പൊ​ളി​റ്റി​ക്ക​ൽ സ​യ​ൻ​സി​നുണ്ടാ​യ വി​ദ്യാ​ർ​ഥി ബാ​ഹു​ല്യം. ക​ഴി​ഞ്ഞ​ വ​ർ​ഷം ഏ​ക​ദേ​ശം 600ഓ​ളം വി​ദ്യാ​ർ​ഥി​കളാ​യി​രു​ന്നു പൊ​ളി​റ്റി​ക്ക​ൽ സ​യ​ൻ​സി​ൽ ​ പ്രവേശനം നേ​ടി​യി​രു​ന്ന​ത്. എ​ന്നാ​ൽ, ഇ​പ്രാ​വ​ശ്യം ഇ​ത് ര​ണ്ടാ​യി​ര​ത്തി​ന് മു​ക​ളി​ലാ​ണ്. കാ​ര​ണം ഇ​ഷ്ടവി​ഷ​യ​ങ്ങ​ളാ​യി​രു​ന്ന സോ​ഷ്യോ​ള​ജി, ഇം​ഗ്ലീ​ഷ്, ഹി​സ്റ്റ​റി, ഇ​ക്ക​ണോ​മി​ക്സ് എ​ന്നി​വ ഓ​പൺ സർവകലാശാലയു​ടെ കു​ത്ത​ക ആ​ക്കി​യ​തി​നാ​ൽ വി​ദ്യാ​ർ​ഥി​ക​ൾ പൊ​ളി​റ്റി​ക്ക​ൽ സ​യ​ൻ​സ് എ​ടു​ക്കാ​ൻ നി​ർ​ബ​ന്ധി​ത​രാ​യി.

മ​റ്റൊ​രു ഗു​രു​ത​ര പ്ര​ശ്ന​മാ​ണ് സ​ർ​ട്ടി​ഫി​ക്ക​റ്റു​ക​ളി​ലെ ‘ഓ​പൺ ചാ​പ്പ’. നാ​ളി​തു​വ​രെ റെ​ഗു​ല​ർ സർവകലാശാല​ക​ളി​ലെ വി​ദൂ​ര/പ്രൈ​വ​റ്റ് ര​ജി​സ്ട്രേ​ഷ​ൻ വി​ദ്യാ​ർ​ഥി​ക​ൾ​ക്കും റെ​ഗു​ല​ർ കോ​ള​ജു​ക​ളി​ലെ വി​ദ്യാ​ർ​ഥിക​ൾ​ക്കും ഒ​രേ ഒ​റി​ജി​ന​ൽ സ​ർ​ട്ടി​ഫി​ക്ക​റ്റു​ക​ളാ​ണ് ന​ൽ​കി​യി​രു​ന്ന​ത് എ​ന്ന​തി​നാ​ൽ തൊഴിൽ വിപണിയിൽ വി​ദൂ​ര വി​ദ്യാ​ർ​ഥിക​ൾ​ക്കും ജോ​ലി അ​വ​സ​രം ല​ഭി​ച്ചി​രു​ന്നു. പ്ര​ത്യേ​കി​ച്ചും വി​ദേ​ശ​രാ​ജ്യ​ങ്ങ​ളി​ൽ. എ​ന്നാ​ൽ, പു​തി​യ സർവകലാശാല​യു​ടെ സ​ർ​ട്ടി​ഫി​ക്ക​റ്റി​ൽ ഓ​പ​ൺ എ​ന്ന ചാ​പ്പ അ​ടി​ക്കു​ന്ന​തോ​ടു​കൂ​ടി മ​ത്സ​രാ​ധി​ഷ്ഠി​ത​മാ​യ തൊഴിൽ വിപണിയിൽനി​ന്ന് ശ്രീ​നാ​രാ​യ​ണ​ഗു​രു ഓ​പൺ സർവകലാശാല വ​ഴി പ​ഠ​നം പൂ​ർ​ത്തി​യാ​ക്കി​യ​വ​ർ ര​ണ്ടാം​കി​ടക്കാരായി പു​റ​ന്ത​ള്ള​പ്പെ​ടു​ക​യും ചെ​യ്യും.

വ​ൻ സാ​മ്പ​ത്തി​ക ബാ​ധ്യ​ത​യാ​ണ് ശ്രീ​നാ​രാ​യ​ണ​ഗു​രു ഓ​പ​ൺ സർവകലാശാല വി​ദ്യാ​ർ​ഥിക​ൾ​ക്കുമേ​ൽ വ​രു​ത്തി​വെ​ച്ചി​രി​ക്കു​ന്ന​ത്. ഉ​ദാ​ഹ​ര​ണ​മാ​യി കാ​ലി​ക്ക​റ്റ് സർവകലാശാല​യി​ൽ ബി.എക്ക് ​ഒ​രു സെ​മ​സ്റ്റ​റി​ന് 1625 രൂ​പയാണെ​ങ്കി​ൽ പു​തി​യ ഓ​പൺ സർവകലാശാലയി​ൽ ഇ​ത് 2760 രൂ​പ​യാ​ണ്.

കാ​ലി​ക്ക​റ്റി​ൽ ബി.​എക്ക് ​ഒ​രു വ​ർ​ഷ​ത്തി​ന് 3020 രൂ​പയാ​ണെ​ങ്കി​ൽ ഓ​പൺ സർവകലാശാലയി​ൽ 6590 രൂ​പ​യാ​ണ്. കാ​ലി​ക്ക​റ്റി​ൽ ബി.​എ പ​ഠ​നം പൂ​ർ​ത്തീ​ക​രി​ക്കാ​ൻ 6270 രൂ​പയാണെങ്കി​ൽ ഓ​പൺ സർവകലാശാലയി​ൽ 17,630 രൂ​പ​യാ​ണ്. കാ​ലി​ക്ക​റ്റി​ൽ ര​ണ്ടു​വ​ർ​ഷ എം.​എ പ​ഠ​ന​ത്തി​ന് 5155 രൂ​പയാണെങ്കി​ൽ പു​തി​യ സർവകലാശാല​യി​ൽ ഇ​ത് 14,770 രൂ​പ​യാ​ണ്.

- പ്ര​സി​ഡ​ന്റ്‌ ക​ൺ​സോ​ർ​ട്യം ഫോ​ർ ഇ​ൻ​ഫ​ർ​മേ​ഷ​ൻ പ്ര​ഫ​ഷ​ന​ൽ​സ്