Top
Begin typing your search above and press return to search.
keyboard_arrow_down
Login
exit_to_app
exit_to_app
ബിഹാർ: ഉവൈസിയും മായാവതിയും മുസ്​ലിം-ദലിത്​ വോട്ടുകൾ ഭിന്നിപ്പിക്കു​​​േമ്പാൾ സംഭവിക്കുന്നത്​...
cancel
camera_alt

ഘടകകക്ഷി നേതാക്കൾ ബിഹാറിലെ മൂന്നാം മുന്നണി പ്രഖ്യാപന വേളയിൽ

Homechevron_rightOpinionchevron_rightOpen Forumchevron_rightബിഹാർ: ഉവൈസിയും...

ബിഹാർ: ഉവൈസിയും മായാവതിയും മുസ്​ലിം-ദലിത്​ വോട്ടുകൾ ഭിന്നിപ്പിക്കു​​​േമ്പാൾ സംഭവിക്കുന്നത്​...

text_fields
bookmark_border

സദുദ്ദീൻ ഉവൈസിയുടെ ഓൾ ഇന്ത്യ മജ്​ലിസെ ഇത്തിഹാദുൽ മുസ്​ലിമീനും (എ.ഐ.എം.ഐ.എം) മായാവതിയുടെ ബഹുജൻ സമാജ്​വാദി പാർട്ടി (ബി.എസ്​.പി) യും മുൻകൈയെടുത്ത്​ ബിഹാറിൽ രൂപവത്​കരിച്ച പുതിയ മുന്നണി ലക്ഷ്യമിടുന്നത്​ മുസ്​ലിം, ദളിത്​ വോട്ടുകളുടെ ഏകീകരണം. ഉപേന്ദ്ര കുശ്​വാഹയുടെ രാഷ്​ട്രീയ ലോക്​ സമതാ പാർട്ടി (ആർ.എൽ.എസ്​.പി), ദേവേന്ദ്ര യാദവി​െൻറ സമാജ്​​വാദി ജനതാദൾ, ജനതന്ത്രിക്​ പാർട്ടി എന്നിവയാണ്​ മുന്നണിയിലെ മറ്റു കക്ഷികൾ. ഗ്രാൻഡ്​ ഡെമോക്രാറ്റിക്​ സെക്യുലർ ഫ്രണ്ട്​ (മഹാ ജനാധിപത്യ മതേതര മുന്നണി) എന്നാണ്​ കഴിഞ്ഞ ദിവസം പ്രഖ്യാപിക്കപ്പെട്ട കൂട്ടായ്​മയുടെ പേര്​. കുശ്​വാഹയെ മുഖ്യമന്ത്രി സ്​ഥാനാർഥിയായി ഉയർത്തിക്കാട്ടിയാണ്​ മുന്നണി രംഗത്തിറങ്ങിയിട്ടുള്ളത്​.

'അരികുവത്​കരിക്കപ്പെട്ടവരോടുള്ള ഐക്യദാർഢ്യം' ആണ്​ മുന്നണിയുടെ പ്രഖ്യാപിത നയമെന്നാണ്​ ഘടക കക്ഷികളുടെ വിശദീകരണം. 'ദലിതുകളും മുസ്​ലിംകളുമാണ്​ സമൂഹത്തിലെ ഏറ്റവും അവഗണിക്കപ്പെട്ട രണ്ടു വിഭാഗക്കാർ. എല്ലാ പിന്നാക്ക വിഭാഗങ്ങളും ഞങ്ങൾക്ക്​ പിന്തുണ നൽകുമെന്നാണ്​ പ്രതീക്ഷ. സംസ്​ഥാനത്തെ എല്ലാ മതേതര വിശ്വാസികളും ഞങ്ങൾക്കൊപ്പം നിൽക്കുമെന്ന്​ കരുതുന്നു. ' -ബി.എസ്​.പി നേതാവ്​ സുധീന്ദ്ര ഭദോരിയ 'ദ പ്രിൻറി'നോട്​ പറഞ്ഞു.

എ.ഐ.എം.ഐ.എം കുറച്ചു കാലമായി 'ദലിത്​-മുസ്​ലിം' ഐക്യത്തെക്കുറിച്ച്​ പറയുന്നു. 2019 ലോക്​സഭ തെരഞ്ഞെടുപ്പിൽ മഹാരാഷ്​ട്രയിൽ ​പ്രകാശ്​ അംബേദ്​കറുടെ വഞ്ചിത്​ ബഹുജൻ അഗാദിയുമായി ​ചേർന്നാണ്​ എ.ഐ.എം.ഐ.എം മത്സരിച്ചത്​. എന്നാൽ, ഈ കൂട്ടുകെട്ടിന്​ ​േവാട്ടർമാരെ കാര്യമായി സ്വാധീനിക്കാൻ കഴിഞ്ഞില്ല. അതോടെ, പിന്നീട്​ നടന്ന നിയമസഭ തെരഞ്ഞെടുപ്പിൽ ഇരുപാർട്ടികളും വെ​േവ്വേറെയാണ്​ മത്സരിച്ചത്​.

ദലിത്​-മുസ്​ലിം വോട്ടുകൾ നേടാൻ മുന്നണിക്ക്​ കഴിയുമോ?

ദലിത്​-മുസ്​ലിം വോട്ടുകൾ വലിയ അളവിൽ പെട്ടിയിലാക്കാമെന്ന ബി.എസ്​.പി, എ.ഐ.എം.ഐ.എം കക്ഷികളുടെ മോഹം അത്രയെളുപ്പം നടക്കാനിടയില്ല. ദലിതുകളുടെയും മുസ്​ലിംകളുടെയും വോട്ട്​ ലക്ഷ്യമിട്ടാണ്​ രാഷ്​ട്രീയ ജനതാ ദളും (ആർ.ജെ.ഡി) ലോക്​ ജനശക്​തിയും പാർട്ടി (എൽ.ജെ.പി) പരമ്പരാഗതമായി ​ഗോദയിലിറങ്ങുന്നത്​. ബിഹാറിൽ വർഷങ്ങളായി പ്രവർത്തിക്കുന്ന കക്ഷികളും കൂടിയാണിവ.


മായാവതി

'ദലിത്​ രാഷ്​ട്രീയം അത്ര ശക്​തമല്ലാത്ത ബിഹാറിൽ ബി.എസ്​.പിക്ക്​ അടിത്തറയൊന്നുമില്ല. രാംവിലാസ്​ പാസ്വാൻ അത്രയേറെ ശ്രമിച്ചിട്ടും എൽ.ജെ.പിക്കുപോലും ദലിത്​ പാർട്ടിയെന്ന രീതിയിലേക്ക്​ വളരാൻ കഴിഞ്ഞിട്ടില്ല. എൽ.ജെ.പിയെ കൂടെക്കൂട്ടാൻ കഴിഞ്ഞിരുന്നെങ്കിൽ മൂന്നാം മുന്നണിക്ക്​ പ്രാധാന്യമുണ്ടാകുമായിരുന്നു. അവരില്ലെങ്കിൽ, കുറച്ചു സീറ്റുകളിൽ ആർ.ജെ.ഡിയുടെ വഴിമുടക്കികളാകാമെന്നല്ലാ​തെ മൂന്നാം മുന്നണിക്ക്​ നിർണായക റോളൊന്നുമുണ്ടാകില്ല.' -സെൻറർ ഫോർ ​പോളിസി ആൻഡ്​ റിസർച്ചിൽ ഗവേഷകനായ അസിം അലി നിരീക്ഷിക്കുന്നു. മുന്നണിയിലെ വലിയ കക്ഷിയായ ആർ.എൽ.എസ്​.പിക്ക്​ വോട്ടുശേഖരിച്ചുനൽകാനുള്ള അടിത്തറയൊന്നും ബിഹാറിൽ ബി.എസ്​.പിക്കും എ.ഐ.എം.ഐ.എമ്മിനും ഇല്ലെന്നും അലി ചൂണ്ടിക്കാട്ടുന്നു. എൻ.ഡി.എയിലേക്ക്​ കൂടുമാറാൻ മടിയില്ലാത്തവരാകും ആർ.എൽ.എസ്​.പിയുടെ എം.എൽ.എമാരെന്ന തിരിച്ചറിവുള്ളതിനാൽ, ആർ.ജെ.ഡിയെ വിട്ട്​ ആർ.എൽ.എസ്​.പിയെ പുൽകാൻ മുസ്​ലിം വോട്ടർമാർ മടിക്കുമെന്നും അദ്ദേഹം പറയുന്നു.

2015ലെ കനത്ത തോൽവി

മൂന്നാം മുന്നണിയെലാക്കെ രൂപവത്​കരിച്ച്​ ഇക്കുറി രംഗത്തിറങ്ങുന്ന ബി.എസ്​.പിക്കും എ.ഐ.എം.ഐ.എമ്മിനും 2015ലെ ബിഹാർ നിയമസഭ തെരഞ്ഞെടുപ്പ്​ നൽകിയത്​ കനത്ത തിരിച്ചടിയാണ്​. മഹാ സഖ്യത്തിൽ മത്സരിക്കാതെ ഒറ്റക്കു പോരാടാനിറങ്ങി 243 മണ്ഡലങ്ങളിലും സ്വന്തം സ്​ഥാനാർഥിയെ മത്സരിപ്പിച്ച ബി.എസ്​.പിക്ക്​ ഒന്നിൽപോലും ജയിക്കാനായില്ല. ആറും സീറ്റിൽ മത്സരിച്ച എ.ഐ.എം.ഐ.എമ്മി​െൻറ അവസ്​ഥയും അതുതന്നെയായിരുന്നു. മൊത്തം പോൾ ചെയ്​ത ​വോട്ടിൽ കേവലം 0.2 ശതമാനമാണ്​ എ.ഐ.എം.ഐ.എമ്മിന്​ കിട്ടിയത്​. ബി.എസ്​.പിക്ക്​ രണ്ടു ശതമാനവും.

എന്നാൽ, 2019ലെ ഉപതെരഞ്ഞെടുപ്പിൽ കിഷൻഗഞ്ച്​ സീറ്റിൽ അട്ടിമറിജയം നേടാൻ എ.ഐ.എം.ഐ.എമ്മിന്​ കഴിഞ്ഞു. 10000ലേറെ വോട്ടുകളുടെ ഭൂരിപക്ഷത്തിനാണ്​ പാർട്ടി സ്​ഥാനാർഥി ഖമറുൽ ഹുദ തെരഞ്ഞെടുക്കപ്പെട്ടത്​.

മൂന്നാംമുന്നണി 'പാര'യാകുന്നതാർക്ക്​?

ജയിക്കാൻ ഒരുതരത്തിലും കഴിയില്ലെങ്കിലും ഇരുമുന്നണികൾക്കും പാരയാകാൻ മൂന്നാം മുന്നണിക്ക്​ കഴിയുമെന്നാണ്​ നിരീക്ഷണം. മുസ്​ലിം-ദലിത്​ വോട്ടുകളിൽ പ്രതീക്ഷയർപ്പിക്കുന്ന ആർ.ജെ.ഡി-കോൺഗ്രസ്​ സഖ്യത്തി​െൻറ വോട്ടുബാങ്കിൽ നേരിയ തോതിലെങ്കിലും വിള്ളൽ വരുത്താൻ പുതിയ മുന്നണിക്ക്​ കഴിഞ്ഞേക്കും. അങ്ങനെ വരു​േമ്പാൾ, ജനതാദൾ (യു)-ബി.ജെ.പി മുന്നണിക്ക്​ ചില സീറ്റുകളിൽ ജയിച്ചുകയറാൻ ഉവൈസിയുടെയും മായാവതിയുടെയും നീക്കം സഹായകരമാകും.


നിതീഷ്​ കുമാർ

അതേസമയം, ജനതാദൾ (യു)വി​െൻറ വോട്ട്​ബാങ്കിലും മൂന്നാം മുന്നണി തിരിച്ചടി നൽകിയേക്കുമെന്ന വിലയിരുത്തലുകളുമുണ്ട്​. നിതീഷ്​ കുമാർ നയിക്കുന്ന ജെ.ഡി.യുവി​െൻറ പരമ്പരാഗത വോട്ട്​ബാങ്ക്​ ദലിത്​ വിഭാഗങ്ങളാണ്​. 'ജെ.ഡി.യു ബിഹാറിലെ ദലിതുകളിൽ വലിയൊരു വിഭാഗത്തി​െൻറ വോട്ട്​ നേടിയാണ്​ വിജയിക്കാറ്​. ഈ വോട്ടുകൾ ഭിന്നിപ്പിക്കാൻ ബി.എസ്​.പിക്ക്​ കഴിഞ്ഞാൽ, ആർ.ജെ.ഡി നയിക്കുന്ന മുന്നണിക്ക്​ അത്​ ഗുണകരമാകും' -രാഷ്​ട്രീയ നിരീക്ഷകനായ ബദ്​രി നാരായൺ വിലയിരുത്തുന്നു. ഏതൊക്കെ മേഖലകളിൽ, എത്രമാത്രം തന്ത്രപരമായി ബി.എസ്​.പിയും എ.ഐ.എം.ഐ.എമ്മും സ്​ഥാനാർഥികളെ നിർത്തുന്നുവെന്നതും ഇതിൽ നിർണായകമാകുമെന്നും ബദ്​രി ചൂണ്ടിക്കാട്ടുന്നു.

മുന്നണിയിൽനിന്നുള്ള സൂചനകളനുസരിച്ച്​, യു.പിയുമായി അതിർത്തി പങ്കിടുന്ന ജില്ലകളിലെ ദലിത്​ ഭൂരിപക്ഷ പോക്കറ്റുകളിലായിരിക്കും ബി.എസ്​.പി മത്സരിക്കുക. സീമാഞ്ചൽ മേഖലയിൽ മുസ്​ലിം വോട്ടർമാർ കൂടുതലുള്ള മേഖലയിലായിരിക്കും എ.ഐ.എം.ഐ.എം ഗോദയിലിറങ്ങുക.

Show Full Article
TAGS:AIMIM BSP Bihar Election Grand Democratic Secular Front 
Next Story