ശാസ്ത്രമാണ്; വിശ്വസിക്കാം…

ജ​ന​ങ്ങ​ളും സ​മൂ​ഹ​വും ശാ​സ്ത്രാ​ഭി​മു​ഖ്യ​മു​ള്ള​വ​രാ​യി മാ​റേ​ണ്ട ആ​വ​ശ്യ​ക​ത എ​ന്താ​ണ്? അ​ത്ത​ര​മൊ​രു ജ​ന​ത​യി​ൽ​നി​ന്ന്​ രാ​ജ്യം എ​ന്താ​ണ് പ്ര​തീ​ക്ഷി​ക്കേ​ണ്ട​ത്? ശാ​സ്ത്രാ​ഭി​മു​ഖ്യ​മി​ല്ലാ​ത്ത ഒ​രു ജ​ന​ത​ക്ക്​ എ​ങ്ങ​നെ പു​രോ​ഗ​തി ഉ​ണ്ടാ​വാ​നാ​ണ്​? ഈ ​വ​ർ​ഷ​ത്തെ ദേ​ശീ​യ ശാ​സ്ത്ര​ദി​നം തേ​ടു​ന്ന​ത് ഇ​ത്ത​രം ചോ​ദ്യ​ങ്ങ​ൾ​ക്കു​ള്ള ഉ​ത്ത​ര​മാ​ണ്. ‘പൊ​തു​ജ​ന​ത്തി​ന്റെ ശാ​സ്ത്ര​ത്തി​ലു​ള്ള വി​ശ്വാ​സം വ​ർ​ധി​പ്പി​ക്കു​ക’ എ​ന്ന​താ​ണ് ഈ ​വ​ർ​ഷ​ത്തെ ആ​പ്ത​വാ​ക്യം. ന​മ്മു​ടെ ശാ​സ്ത്ര ഗ​വേ​ഷ​ണ സ്ഥാ​പ​ന​ങ്ങ​ളി​ൽ നി​ന്നു​പോ​ലും ശ​രി​യാ​യ ശാ​സ്ത്ര​ത്തെ പ​ടി​യി​റ​ക്കി ക​പ​ട​ശാ​സ്ത്രം മേ​ൽ​ക്കോ​യ്മ നേ​ടു​മ്പോ​ൾ സ​മൂ​ഹ​ത്തെ ശാ​സ്ത്ര​ബോ​ധ​മു​ള്ള​താ​ക്കി മാ​റ്റു​ക മാ​ത്ര​മാ​ണ്​ ഈ ​വി​പ​ത്തി​നെ മ​റി​ക​ട​ക്കാ​നു​ള്ള ഏ​ക മാ​ർ​ഗം. അ​ജ​ണ്ട​ക​ളു​ടെ​യും അ​ന്ധ​വി​ശ്വാ​സ​ങ്ങ​ളു​ടെ​യും ഈ ​കാ​ല​ത്ത്​ ശാ​സ്ത്ര​ത്തി​ലു​ള്ള ജ​ന​ങ്ങ​ളു​ടെ വി​ശ്വാ​സം വ​ള​ർ​ത്തി​യെ​ടു​ത്തെ​ങ്കി​ൽ മാ​ത്ര​മേ ന​മു​ക്ക് കാ​ല​ത്തി​നൊ​പ്പം സ​ഞ്ച​രി​ക്കാ​നും പു​രോ​ഗ​തി കൈ​വ​രി​ക്കാ​നും സാ​ധി​ക്കൂ.

ഏ​തൊ​രു ഏ​കാ​ധി​പ​ത്യ ഭ​ര​ണ​കൂ​ട​വും ശാ​സ്ത്ര​ത്തെ എ​ന്നും അ​വ​ഗ​ണി​ച്ചി​ട്ടേ​യു​ള്ളൂ​വെ​ന്ന്​ ച​രി​ത്രം പ​രി​ശോ​ധി​ച്ചാ​ൽ കാ​ണാ​നാ​വും. അ​വ​ഗ​ണി​ച്ചു എ​ന്ന​തി​നേ​ക്കാ​ൾ അ​വ​ർ ഭ​യ​ന്നു എ​ന്ന​താ​വും ശ​രി. ഹി​റ്റ്ല​ർ ക​ല​ക​ളെ പ്രോ​ത്സാ​ഹി​പ്പി​ക്കാ​നും ശാ​സ്ത്ര​പ​ഠ​ന​ത്തെ നി​രു​ത്സാ​ഹ​പ്പെ​ടു​ത്താ​നും ശ്ര​മി​ച്ചു. ക​ല​ക​ളി​ലൂ​ടെ ത​ന്റെ ആ​ശ​യ​ങ്ങ​ൾ ജ​ന​ങ്ങ​ളി​ലേ​ക്ക്​ മെ​ല്ലെ​മെ​ല്ലെ എ​ത്തി​ക്കു​ക​യാ​യി​രു​ന്നു ല​ക്ഷ്യം. ക​ല​ക​ളി​ലൂ​ടെ മ​നു​ഷ്യ​രു​ടെ മൃ​ദു​ല​വി​കാ​ര​ങ്ങ​ളെ നി​യ​ന്ത്രി​ക്കാ​ൻ ക​ഴി​യു​മ്പോ​ൾ ശാ​സ്ത്ര​ത്തി​ലൂ​ടെ വാ​സ്ത​വ​ങ്ങ​ളെ മാ​ത്ര​മേ അ​ടു​ത്ത​റി​യാ​ൻ ക​ഴി​യൂ. ശാ​സ്ത്ര​ത്തെ നി​ഷ്ക​രു​ണം നി​ഷേ​ധി​ക്കു​ക​യും ത​ന്റേ​താ​യ ത​ത്ത്വ​ശാ​സ്ത്ര​ത്തെ ഉ​യ​ർ​ത്തി​പ്പി​ടി​ക്കു​ക​യും ചെ​യ്യു​ന്ന ഭ​ര​ണാ​ധി​കാ​രി​ക​ളു​മു​ണ്ട്. പ്ര​കൃ​തി​ക്ക്​ ചേ​രു​ന്ന​ത​ല്ലെ​ന്ന്​ തെ​ളി​യി​ക്ക​പ്പെ​ട്ട പ്ലാ​സ്റ്റി​ക്​ മാ​ലി​ന്യ​ങ്ങ​ൾ​ക്ക്​ പ​രി​ഹാ​രം കാ​ണാ​ൻ വ​ർ​ഷ​ങ്ങ​ളാ​യി ലോ​ക​രാ​ജ്യ​ങ്ങ​ൾ ശ്ര​മി​ച്ചു​കൊ​ണ്ടി​രി​ക്കു​ക​യാ​ണ്. അ​തി​നി​ട​യി​ലാ​ണ്​ അ​മേ​രി​ക്ക​ൻ പ്ര​സി​ഡ​ന്റ് ഡോ​ണ​ൾ​ഡ് ട്രം​പ്​ പേ​പ്പ​ർ സ്ട്രോ ​ഉ​പ​യോ​ഗം നി​ർ​ത്ത​ലാ​ക്കി പ്ലാ​സ്റ്റി​ക് ഉ​പ​യോ​ഗം പ്രോ​ത്സാ​ഹി​പ്പി​ക്കു​ന്ന​ത്.

സ​മീ​പ​കാ​ല​ത്ത്​ ശാ​സ്ത്ര​ത്തെ മ​റ​ച്ചു​പി​ടി​ച്ചും വ​ക്രീ​ക​രി​ച്ചും ന​മ്മു​ടെ രാ​ജ്യ​ത്ത്​ ന​ട​ക്കു​ന്ന ഇ​ട​പെ​ട​ലു​ക​ൾ​ക്ക്​ പി​ന്നി​ലെ ല​ക്ഷ്യ​വും മ​റ്റൊ​ന്നു​മ​ല്ല.

കാ​ലാ​വ​സ്ഥ വ്യ​തി​യാ​നം, ആ​ഗോ​ള​താ​പ​നം, മാ​ലി​ന്യ സം​സ്ക​ര​ണം എ​ന്നി​ങ്ങ​നെ മ​നു​ഷ്യ​ർ അ​ഭി​മു​ഖീ​ക​രി​ക്കു​ന്ന അ​സം​ഖ്യം പ്ര​ശ്ന​ങ്ങ​ൾ ലോ​ക​ത്തു​ണ്ട്. അ​വ​യെ ശാ​സ്ത്രീ​യ​മാ​യി സ​മീ​പി​ക്കു​ക​യും പ​രി​ഹാ​രം സാ​ധ്യ​മാ​ക്കു​ക​യും ചെ​യ്യേ​ണ്ടി​ട​ത്താ​ണ്​ ക​ഴി​ഞ്ഞ കു​റെ​യേ​റെ വ​ർ​ഷ​ങ്ങ​ളാ​യി കൃ​ത്യ​മാ​യ ഇ​ട​വേ​ള​ക​ളി​ൽ ഗോ​മൂ​ത്ര​ത്തി​ന്റെ പ്ര​ത്യേ​ക​ത​ക​ളും അ​വ​യു​ടെ അ​പാ​ര​മാ​യ ആ​ന്റി​മൈ​ക്രോ​ബി​യ​ൽ ശേ​ഷി​യും പു​ഷ്പ​ക​വി​മാ​ന​ത്തി​ന്റെ മ​ഹ​ത്വ​വു​മൊ​ക്കെ ച​ർ​ച്ച​ചെ​യ്തു​കൊ​ണ്ടി​രി​ക്കു​ന്ന​ത്. അ​ടു​ത്തി​ടെ ഇ​ന്ത്യ​യി​ലെ ഏ​റ്റ​വും പ്ര​ശ​സ്ത​മാ​യ ഐ.​ഐ.​ടി​യി​ലെ ഡ​യ​റ​ക്ട​ർ ഗോ​മൂ​ത്രം ഔ​ഷ​ധ​മാ​ണെ​ന്ന്​ പൊ​തു​വേ​ദി​യി​ൽ പ്ര​സം​ഗി​ച്ച​ത്​ അ​ശാ​സ്ത്രീ​യ ചി​ന്താ​ഗ​തി​ക​ൾ എ​ത്ര​മാ​ത്രം ആ​ഴ​ത്തി​ൽ ന​മ്മു​ടെ സ​മൂ​ഹ​ത്തി​ൽ വേ​രോ​ടി​യി​രി​ക്കു​ന്നു എ​ന്ന​തി​​ന്റെ കൃ​ത്യ​മാ​യ തെ​ളി​വാ​ണ്.

ഒ​രു അ​ടി​സ്ഥാ​ന​വു​മി​ല്ലാ​ത്ത കാ​ര്യ​ങ്ങ​ളാ​ണ് ശാ​സ്​​ത്രം എ​ന്ന വ്യാ​ജേ​ന ഇ​ന്ന്​ സ​മൂ​ഹ മാ​ധ്യ​മ​ങ്ങ​ളി​ലൂ​ടെ ബോ​ധ​പൂ​ർ​വം പ്ര​ച​രി​പ്പി​ക്കു​ന്ന​ത്. കു​റ​ച്ചു​കാ​ലം​മു​മ്പ്​ ‘വാ​ട്സ്​ ആ​പ്​ സ​ർ​വ​ക​ലാ​ശാ​ല’​ക​ളി​ൽ ഒ​രു വി​ഡി​യോ വൈ​റ​ലാ​യി​രു​ന്നു. കു​റ​ച്ചു ശു​ദ്ധ​ജ​ല​ത്തി​ൽ നാം ​മു​റി​വി​നു പു​ര​ട്ടു​ന്ന മ​രു​ന്നാ​യ ബെ​റ്റ​ഡി​ൻ (Betadine) ക​ല​ക്കു​ക​യും അ​ത് ബ്രൗ​ൺ നി​റ​മാ​കു​ക​യും ചെ​യ്യു​ന്നു. (ബെ​റ്റ​ഡി​ൻ തൊ​ലി​പ്പു​റ​ത്തു മാ​ത്രം പു​ര​ട്ടാ​നു​ള്ള​താ​ണ്, ശ​രീ​ര​ത്തി​ന്റെ ഉ​ള്ളി​ൽ എ​ത്തി​യാ​ൽ അ​വ വി​ഷം​പോ​ലെ പ്ര​വ​ർ​ത്തി​ക്കും). കു​റ​ച്ചു ഗോ​മൂ​ത്രം അ​തി​ലേ​ക്ക് ​ചേ​ർ​ക്കു​മ്പോ​ൾ ലാ​യ​നി നി​റ​മി​ല്ലാ​താ​യി മാ​റു​ന്നു. ഗോ​മൂ​ത്രം ശ​രീ​ര​ത്തി​ലെ വി​ഷാം​ശ​ത്തെ ഇ​ല്ലാ​താ​ക്കു​ന്ന​താ​യി ജ​ന​ങ്ങ​ളെ തെ​റ്റി​ദ്ധ​രി​പ്പി​ക്കാ​നാ​ണ്​ ഈ ​വി​ഡി​യോ പ്ര​ച​രി​പ്പി​ച്ചി​രു​ന്ന​ത്.

ഇ​തി​നു​പി​ന്നി​ലെ ശാ​സ്ത്രം എ​ട്ടാം ക്ലാ​സി​ൽ പ​ഠി​ക്കു​ന്ന കു​ട്ടി​ക​ൾ​ക്കു​പോ​ലും അ​റി​യാ​വു​ന്ന​താ​ണ്. ഗോ​മൂ​ത്ര​ത്തി​ൽ മാ​ത്ര​മ​ല്ല, മ​നു​ഷ്യ​രു​ടേ​തു​ൾ​പ്പെ​ടെ ഏ​തൊ​രു സ​സ്ത​നി​യു​ടെ​യും മൂ​ത്ര​ത്തി​ൽ അ​ട​ങ്ങി​യി​രി​ക്കു​ന്ന രാ​സ​വ​സ്തു​വാ​ണ് സോ​ഡി​യം ത​യോ​സ​ൾ​ഫേ​റ്റ്. ബെ​റ്റ​ഡി​നി​ലു​ള്ള പോ​വി​ഡോ​ൺ അ​യോ​ഡൈ​ഡി​ൽ ട്രൈ ​അ​യോ​ഡൈ​ഡ് അ​യോ​ൺ അ​ട​ങ്ങി​യി​രി​ക്കു​ന്നു. ഇ​താ​ണ് ആ ​ലാ​യ​നി​ക്ക്​ ബ്രൗ​ൺ നി​റം ന​ൽ​കു​ന്ന​ത്. മൂ​ത്രം ചേ​ർ​ക്കു​മ്പോ​ൾ അ​തി​ലെ സോ​ഡി​യം ത​യോ​സ​ൾ​ഫേ​റ്റ്​ ട്രൈ ​അ​യോ​ഡൈ​ഡ് അ​യോ​ണു​മാ​യി ക​ല​ർ​ന്ന്​ നി​റ​മി​ല്ലാ​ത്ത അ​വ​സ്ഥ ഉ​ണ്ടാ​കു​ന്നു. മ​നു​ഷ്യ​​ന്റെ​യോ കു​ര​ങ്ങി​ന്റെ​യോ ചെ​ന്നാ​യി​യു​​ടെ​യോ മൂ​ത്രം ചേ​ർ​ത്താ​ലും സം​ഭ​വി​ക്കാ​വു​ന്ന ഒ​രു രാ​സ​പ്ര​വ​ർ​ത്ത​ന​ത്തെ​യാ​ണ്​ ഗോ​മൂ​ത്ര​ത്തി​ന്റെ സി​ദ്ധൗ​ഷ​ധ ശ​ക്​​തി​യാ​യി അ​വ​ത​രി​പ്പി​ക്കു​ന്ന​ത്.

ലോ​ക​പ്ര​ശ​സ്ത ഇ​ന്ത്യ​ൻ ഭൗ​തി​ക ശാ​സ്ത്ര​ജ്ഞ​ൻ സ​ർ ച​ന്ദ്ര​ശേ​ഖ​ര വെ​ങ്ക​ട​രാ​മ​ൻ (C.V. Raman) 1928ൽ ​പ്ര​സി​ദ്ധ​മാ​യ ‘രാ​മ​ൻ ഇ​ഫ​ക്ട്’ എ​ന്ന ക​ണ്ടു​പി​ടി​ത്തം ന​ട​ത്തി​യ​തി​ന്റെ​യും, 1930ൽ ​അ​ദ്ദേ​ഹം നൊ​ബേ​ൽ പു​ര​സ്കാ​രം നേ​ടി​യ​തി​ന്റെ​യും ഓ​ർ​മ​ക്കാ​യാ​ണ്​ നാ​ഷ​ന​ൽ കൗ​ൺ​സി​ൽ ഫോ​ർ സ​യ​ൻ​സ് ആ​ൻ​ഡ് ടെ​ക്നോ​ള​ജി ക​മ്യൂ​ണി​ക്കേ​ഷ​ൻ (NCSTC) അ​ഭ്യ​ർ​ഥി​ച്ച​തു​പ്ര​കാ​രം 1986 മു​ത​ൽ ഫെ​ബ്രു​വ​രി 28 ദേ​ശീ​യ ശാ​സ്ത്ര​ദി​ന​മാ​യി കേ​ന്ദ്ര സ​ർ​ക്കാ​ർ പ്ര​ഖ്യാ​പി​ച്ച​ത്.

ജ​ല​ത്തി​ലൂ​ടെ​യു​ള്ള വെ​ളി​ച്ച​ത്തി​ന്റെ വി​സ​ര​ണ​വും (Scattering of Light) അ​തു​മൂ​ലം ഉ​ണ്ടാ​കു​ന്ന ക​ട​ലി​ന്റെ നീ​ല​നി​റ​വും രാ​മ​ൻ ഇ​ഫ​ക്ടി​ന്റെ പി​ന്തു​ണ​യോ​ടെ ശാ​സ്ത്രം ഉ​ത്ത​രം ന​ൽ​കു​മ്പോ​ൾ ഈ ​ശാ​സ്ത്ര​ദി​ന​ത്തി​ലും അ​ടി​സ്ഥാ​ന​മി​ല്ലാ​ത്ത​തും സ​ത്യ​മ​ല്ലാ​ത്ത​തു​മാ​യ വി​വി​ധ പ്ര​തി​ഭാ​സ​ങ്ങ​ളും സ​മൂ​ഹ​ത്തി​ൽ ച​ർ​ച്ച ചെ​യ്യ​പ്പെ​ട്ടു​കൊ​ണ്ടി​രി​ക്കു​ന്നു. ഇ​തി​ലൂ​ടെ പു​തി​യ ത​ല​മു​റ പ​തി​യെ​പ്പ​തി​യെ ശാ​സ്ത്ര​ത്തോ​ടും സ​ത്യ​ത്തോ​ടും മു​ഖം​തി​രി​ക്കാ​ൻ തു​ട​ങ്ങി​യെ​ന്നു​വ​രാം. ശാ​സ്ത്ര​ത്തോ​ട് മു​ഖം​തി​രി​ക്കു​ന്നു എ​ന്ന​തി​ന​ർ​ഥം അ​ന്ധ​വി​ശ്വാ​സ​ങ്ങ​ളോ​ട് അ​ടു​ക്കു​ന്നു എ​ന്ന​താ​ണ്. അ​ന്ധ​വി​ശ്വാ​സ​ങ്ങ​ളും അ​നാ​ചാ​ര​ങ്ങ​ളും ന​ട​മാ​ടി​യി​രു​ന്ന ഒ​രു കെ​ട്ട​കാ​ല​ത്തു​നി​ന്ന്​ ശാ​സ്ത്ര​ബോ​ധ​ത്തി​ലൂ​ടെ​യാ​ണ്​ നാ​മി​ന്നു​കാ​ണു​ന്ന എ​ല്ലാ നേ​ട്ട​ങ്ങ​ളും കൈ​വ​രി​ച്ച​ത്.

ന​മു​ക്കു​ചു​റ്റും കാ​ണു​ന്ന എ​ന്തി​ലും ശാ​സ്ത്ര സ​ത്യ​ങ്ങ​ളു​ണ്ട്. സ​മൂ​ഹ​ത്തെ അ​വ​യു​ടെ കാ​ണാ​ക്കാ​ഴ്ച​ക​ളി​ലേ​ക്കും ഉ​ൾ​ക്കാ​ഴ്ച​ക​ളി​ലേ​ക്കും കൂ​ട്ടി​ക്കൊ​ണ്ടു​പോ​കു​മ്പോ​ഴാ​ണ് നാം ​യ​ഥാ​ർ​ഥ സ​ത്യാ​ന്വേ​ഷ​ക​രും ശാ​സ്ത്രാ​ന്വേ​ഷ​ക​രു​മൊ​ക്കെ ആ​വു​ന്ന​ത്. നാ​ളെ​യു​ടെ വാ​ഗ്ദാ​ന​ങ്ങ​ളാ​യ കു​ട്ടി​ക​ളെ നാം ​അ​ത്ത​ര​ത്തി​ൽ ശാ​സ്ത്ര​ബോ​ധ​മു​ള്ള, ശാ​സ്ത്ര​മൂ​ല്യ​മു​ള്ള ത​ല​മു​റ​യാ​യി വ​ള​ർ​ത്തി​ക്കൊ​ണ്ടു​വ​രേ​ണ്ട​തു​ണ്ട്. അ​തി​നാ​യി സ്കൂ​ളു​ക​ളി​ൽ​നി​ന്നു​ത​ന്നെ തു​ട​ങ്ങ​ണം. സ​മൂ​ഹ​ത്തി​ലെ എ​ല്ലാ വി​ഭാ​ഗ​ങ്ങ​ളി​ലു​ള്ള​വ​ർ​ക്കും ശാ​സ്ത്ര​ബോ​ധം പ​ക​ർ​ന്നു​ന​ൽ​കി​യാ​ൽ മാ​ത്ര​മേ സ​മൂ​ഹ​ത്തി​ലും രാ​ജ്യ​ത്തും പു​രോ​ഗ​തി ഉ​ണ്ടാ​വു​ക​യു​ള്ളൂ. ലോ​കം നി​ർ​മി​ത ബു​ദ്ധി​യി​ലും റോ​ബോ​ട്ടി​ക്സി​ലും മി​ക​വു​നേ​ടു​ക​യും പു​രോ​ഗ​തി​യി​ൽ വ​ൻ​കു​തി​പ്പ്​ ന​ട​ത്തു​ക​യും ചെ​യ്യു​മ്പോ​ഴും ഗോ​മൂ​ത്ര​ത്തി​ന്റെ ഗു​ണ​ഗ​ണ​ങ്ങ​ളി​ലും ആ​ൾ​ദൈ​വ​ങ്ങ​ളു​ടെ മ​ഹ​ത്വ​ത്തി​ലും കൂ​ടോ​ത്ര​ത്തി​ലും ഭ്ര​മി​ച്ചു​കൊ​ണ്ടി​രി​ക്കു​ന്ന ഏ​തൊ​രു സ​മൂ​ഹ​വും എ​ത്തി​ച്ചേ​രു​ക വ​ർ​ഷ​ങ്ങ​ൾ പി​ന്നി​ലാ​യി​രി​ക്കും എ​ന്ന കാ​ര്യ​ത്തി​ൽ ഒ​രു സം​ശ​യ​വു​മി​ല്ല.

(കൊ​ച്ചി സ​ർ​വ​ക​ലാ​ശാ​ല സെ​ന്റ​ർ ഫോ​ർ സ​യ​ൻ​സ് ഇ​ൻ സൊ​സൈ​റ്റി അ​സി. പ്ര​ഫ​സ​റാ​ണ്​ ലേ​ഖ​ക​ൻ)