Begin typing your search above and press return to search.
exit_to_app
exit_to_app
Homechevron_rightOpinionchevron_rightOpen Forumchevron_rightകേരളം...

കേരളം ചവിട്ടിത്താഴ്​ത്തപ്പെടാതിരിക്കാൻ...

text_fields
bookmark_border
kerala social crisis
cancel

1970 ക​ളു​ടെ തു​ട​ക്ക​ത്തി​ൽ സൈ​ല​ൻ​റ്​​വാ​ലി ​ജ​ല​വൈ​ദ്യു​തി പ​ദ്ധ​തി​ക്കെ​തി​രെ, 1990 ക​ളി​ൽ കാ​സ​ർ​കോ​ട്​ പെ​രി​ങ്ങോം ആ​ണ​വ​നി​ല​യ​ത്തി​നെ​തി​രെ, മാ​വൂ​ർ ഗ്വാ​ളി​യോ​ർ റ​യോ​ൺ​സ്​ ചാ​ലി​യാ​ർ ന​ദി​ക്ക​ര​യി​ൽ സൃ​ഷ്​​ടി​ച്ച വി​ഷ​മാ​ലി​ന്യ​ത്തി​നെ​തി​രെ, 2000 ൽ ​പാ​ല​ക്കാ​ട്​ പ്ലാ​ച്ചി​മ​ട​യി​ൽ കൊ​ക്ക​കോ​ള ക​മ്പ​നി​യു​ടെ ഭൂ​ഗ​ർ​ഭ ജ​ല ചൂ​ഷ​ണ​ത്തി​നെ​തി​രെ, കാ​സ​ർ​കോ​ട് എ​ൻ​ഡോ​സ​ൾ​ഫാ​ൻ കീ​ട​നാ​ശി​നി ത​ളി​ക്കു​ന്ന​തി​നെ​തി​രെ എ​ന്നി​ങ്ങ​നെ വി​വി​ധ കാ​ല​ങ്ങ​ളി​ൽ ന​ട​ന്ന സ​മ​ര​ങ്ങ​ൾ കേ​ര​ള​ത്തി​ൽ വി​ക​സ​ന​ത്തെ​യും പ​രി​സ്ഥി​തി​യെ​യും സം​ബ​ന്ധി​ച്ച്​ നി​ർ​ണാ​യ​ക സം​വാ​ദ​ങ്ങ​ൾ​ക്ക്​ തു​ട​ക്ക​മി​ട്ടി​രു​ന്നു. പ​ശ്ചി​മ​ഘ​ട്ട മ​ല​നി​ര​ക​ളു​ടെ സം​ര​ക്ഷ​ണാ​ർ​ഥ​മു​ള്ള മാ​ധ​വ്​ ഗാ​ഡ്​​ഗി​ൽ ക​മ്മി​റ്റി ശി​പാ​ർ​ശ​ക​ൾ​ക്കെ​തി​രാ​യി ന​ട​ന്ന സ​മ​ര​ങ്ങ​ളെ​യും അ​തി​നൊ​പ്പം വാ​യി​ക്കാം.

ഭ​ര​ണ​കൂ​ട​വും പൗ​ര​ന്മാ​രും രാ​ഷ്​​ട്രീ​യ പാ​ർ​ട്ടി​ക​ളും (പ്ര​ത്യേ​കി​ച്ച്​ മു​ഖ്യ​ധാ​ര ഇ​ട​തു​​പ​ക്ഷം) ത​മ്മി​ലും അ​വ​​ക്കു​ള്ളി​ലെ​യും വൈ​രു​ധ്യ​ങ്ങ​ൾ പു​റ​ത്ത്​ കൊ​ണ്ടു​വ​ന്ന​വ​യാ​യി​രു​ന്നു ഈ ​സം​വാ​ദ​ങ്ങ​ൾ. ഒ​രു​ പ​തി​റ്റാ​ണ്ടി​ന​ടു​ത്താ​കു​​മ്പോ​ൾ ര​ണ്ട് പ​ദ്ധ​തി​ക​ളെ ചൊ​ല്ലി​യു​ള്ള​ സം​വാ​ദ​ങ്ങ​ൾ വി​ക​സ​ന​ത്തെ വീ​ണ്ടും കേ​ര​ള സ​മൂ​ഹ​ത്തി​​ന്റെ കേ​ന്ദ്ര​ബി​ന്ദു​വി​ലേ​ക്ക്​ കൊ​ണ്ടു​വ​ന്നി​രി​ക്കു​ക​യാ​ണ്. കാ​സ​ർ​കോ​ട്​- തി​രു​വ​ന​ന്ത​പു​രം അ​തി​വേ​ഗ റെ​യി​ൽ​പ​ദ്ധ​തി​യാ​യ കെ-​റെ​യി​ലും കേ​ര​ള​ത്തി​ന്റെ തെ​ക്കേ അ​റ്റ​ത്ത്​ നി​ർ​മാ​ണ​മാ​രം​ഭി​ച്ച വി​ഴി​ഞ്ഞം അ​ദാ​നി പോ​ർ​ട്​​സ്​ ആ​ൻ​ഡ്​ ഇ​ക്ക​ണോ​മി​ക്​ സോ​ൺ ലി​മി​റ്റ​ഡു​മാ​ണ്​ അ​വ. ഇ​വ​യി​ൽ ആ​ദ്യ​ത്തേ​ത്​ പ​ദ്ധ​തി പ്ര​ഖ്യാ​പ​ന​ത്തി​ലും സം​സ്ഥാ​ന സ​ർ​ക്കാ​റി​​ന്റെ ചി​ല ഉ​ട​ന്ത​ടി​ചാ​ട്ട​വും ഒ​ഴി​ച്ചാ​ൽ കേ​ന്ദ്രാ​നു​മ​തി ല​ഭി​ക്കാ​ത്ത അ​മൂ​ർ​ത്ത സാ​ഹ​ച​ര്യ​ത്തി​ലാ​ണ്. പ​ക്ഷേ, വി​ഴി​ഞ്ഞ​ത്ത്​ പ​ദ്ധ​തി നി​ർ​മാ​ണം യ​ഥാ​ർ​ഥ്യ​മാ​ണ്. കെ-​റെ​യി​ൽ, വി​ഴി​ഞ്ഞം വി​ഷ​യ​ങ്ങ​ളി​ൽ ക​ക്ഷി​രാ​ഷ്​​ട്രീ​യ​ത്തി​ൽ ഉ​ണ്ടാ​യ വേ​ർ​തി​രി​വ്​ വ്യ​ത്യ​സ്​​ത​മാ​ണെ​ങ്കി​ലും കേ​ര​ള​ത്തി​​ന്റെ ഭൂ​മി​ശാ​സ്​​ത്രം മാ​റ്റി​യെ​ഴു​താ​നും പാ​രി​സ്ഥി​തി​ക മേ​ഖ​ല​യി​ലും സ​മ്പ​ദ്​​വ്യ​വ​സ്ഥ​യി​ലും ആ​ഘാ​ത​ങ്ങ​ൾ സൃ​ഷ്​​ടി​ക്കാ​നും പ്രാ​പ്​​തി​യു​ള്ള ര​ണ്ട്​ പ​ദ്ധ​തി​ക​ൾ​ക്കെ​തി​രാ​യും വ്യ​തി​രി​ക്ത സ്വ​ഭാ​വ സ​വി​ശേ​ഷ​ത​യു​ള്ള അ​തി​ശ​ക്ത പ്ര​തി​ഷേ​ധ സ​മ​ര​മാ​ണ്​ അ​ത​ത്​ മ​ണ്ഡ​ല​ങ്ങ​ളി​ൽ അ​ര​ങ്ങേ​റു​ന്ന​ത്.

മുന്നണികൾക്ക് ഒരേ സ്വരം

വ​ൻ​കി​ട അ​ടി​സ്ഥാ​ന സൗ​ക​ര്യ വി​ക​സ​ന​ങ്ങ​ളാ​ണ്​ കേ​ര​ള​ത്തി​ന്​ അ​ഭി​കാ​മ്യം എ​ന്ന​തി​ൽ ര​ണ്ട്​ പ​ക്ഷ​മി​ല്ലാ​ത്ത മു​ന്ന​ണി​ക​ളാ​ണ്​ എ​ൽ.​ഡി.​എ​ഫും യു.​ഡി.​എ​ഫും. സം​സ്ഥാ​ന വോ​ട്ട്​ ബാ​ങ്ക്​ രാ​ഷ്​​ട്രീ​യ​ത്തി​ൽ ഇ​നി​യും ഇ​ടം ല​ഭി​ച്ചി​ട്ടി​ല്ലെ​ങ്കി​ലും സം​സ്ഥാ​ന ബി.​ജെ.​പി​യു​ടെ നി​ല​പാ​ടും ഭി​ന്ന​മ​ല്ല. ഭ​ര​ണ​ത്തി​ലാ​ണോ പ്ര​തി​പ​ക്ഷ​ത്താ​ണോ എ​ന്ന നേ​ർ​രേ​ഖ​യാ​ണ്​ പ​ല​പ്പോ​ഴും എ​തി​ർ​പ്പും പി​ന്തു​ണ​യും നി​ർ​ണ​യി​ക്കു​ന്ന​തി​ലെ പ്ര​ധാ​ന​ഘ​ട​കം. ഒ​ാരോ പ്ര​ദേ​ശ​ത്തി​ന്റെ​യും ജൈ​വ, മാ​ന​വി​ക, പാ​രി​സ്ഥി​തി​ക സൂ​ചി​ക​ക​ൾ​ക്ക്​ അ​നു​സ​രി​ച്ച്​ വി​ക​സ​ന​ത്തെ കു​റി​ച്ചു​ള്ള സ​ങ്ക​ൽ​പ​ങ്ങ​ൾ ഇ​ന്ന്​ വ​ള​രെ മാ​റി​യി​ട്ടു​ണ്ടെ​ങ്കി​ലും അ​വ ഉ​ൾ​ക്കൊ​ള്ളാ​നും സ്വ​യം മാ​റാ​നും കേ​ര​ള​ത്തി​ലെ മു​ഖ്യ​ധാ​ര രാ​ഷ്​​ട്രീ​യ​വും പൊ​തു​സ​മൂ​ഹ​വും ഇ​നി​യും ത​യാ​റാ​യി​ട്ടി​ല്ല. ഒ​രു ഉ​പ​ഭോ​ക്​​തൃ സം​സ്ഥാ​ന​മാ​യ കേ​ര​ള​ത്തി​​ന്റെ സ​മ്പ​ദ് വ്യ​വ​സ്ഥ പു​തി​യ ദേ​ശീ​യ സാ​ഹ​ച​ര്യ​ത്തി​ൽ ഫെ​ഡ​റ​ലി​സ​ത്തെ അ​ട്ടി​മ​റി​ച്ച്​ കൂ​ടു​ത​ൽ കേ​ന്ദ്രീ​കൃ​ത​മാ​വു​ന്ന ച​ട്ട​ക്കൂ​ടി​ൽ സ്​​തം​ഭി​ച്ച്​ നി​ൽ​ക്കു​ക​യാ​ണ്. ആ​ളോ​ഹ​രി ക​ട​വും സം​സ്ഥാ​ന​ത്തി​​ന്റെ ക​ട​മെ​ടു​പ്പും വെ​ല്ലു​വി​ളി നേ​രി​ടു​ന്നു. കേ​ന്ദ്ര​ത്തി​ൽ നി​ന്നു​ള്ള ധ​ന​സ​ഹാ​യ​വും ചു​രു​ങ്ങി. പ​ടി​ഞ്ഞാ​റ​ൻ ഏ​ഷ്യ​ൻ ​രാ​ജ്യ​ങ്ങ​ളി​ലെ സം​ഭ​വ​വി​കാ​സ​ങ്ങ​ളെ തു​ട​ർ​ന്ന്​ കേ​ര​ള​ത്തി​ന്​ ന​ടു​നി​വ​ർ​ന്ന്​ നി​ൽ​ക്കാ​ൻ സ​ഹാ​യി​ച്ചി​രു​ന്ന remittance economyയും ​വ​റ്റി​വ​ര​ളു​ന്നു. ഈ ​വെ​ല്ലു​വി​ളി​യെ മ​റി​ക​ട​ക്കു​ന്ന​തി​ന്​ കൂ​ടി​യാ​ണ്​ വി​ദേ​ശ വാ​യ്​​പ​യു​ടെ അ​ടി​സ്ഥാ​ന​ത്തി​ലു​ള്ള വ​ൻ​കി​ട അ​ടി​സ്ഥാ​ന സൗ​ക​ര്യ വി​ക​സ​ന പ​ദ്ധ​തി​ക​ൾ ഭ​ര​ണ​കൂ​ടം അ​വ​ത​രി​പ്പി​ക്കു​ന്ന​ത്. കെ-​റെ​യി​ലും വി​ഴി​ഞ്ഞം അ​ന്താ​രാ​ഷ്​​ട്ര ക​ണ്ടെ​യ്​​ന​ർ ട്രാ​ൻ​സ്​​ഷി​പ്മെൻറ്​ തു​റ​മു​ഖ​വും ഇ​തി​ന്റെ ഭാ​ഗ​മാ​ണ്. കെ-​റെ​യി​ൽ പ​ദ്ധ​തി​യെ ഇ​ന്ന്​ എ​തി​ർ​ക്കു​ന്ന​വ​രും അ​നു​കൂ​ലി​ക്കു​ന്ന​വ​രും ത​മ്മി​ലെ അ​ഭി​പ്രാ​യ വ്യ​ത്യാ​സം ന​ട​പ്പാ​ക്കു​ന്ന​തി​ലെ ​ചി​ല പോ​രാ​യ്​​മ​ക​ളി​ൽ അ​ധി​ഷ്​​ഠി​ത​മാ​ണ്. ഭ​ര​ണം ഒ​ന്ന്​ മാ​റി​യാ​ൽ അ​ഡ്​​ജ​സ്​​റ്റ്​ ചെ​യ്യാ​വു​ന്ന ചെ​റി​യ അ​ഭി​പ്രാ​യ വ്യ​ത്യാ​സം. പ​ക്ഷേ ഈ ​വ​ള​യ​ത്തി​ന്​​ പു​റ​ത്ത്​ വി​ക​സ​ന​ത്തെ കു​റി​ച്ച് നി​ല​നി​ൽ​ക്കു​ന്ന സ​ങ്ക​ൽ​പ​ങ്ങ​ൾ മാ​റു​ന്നു​വെ​ന്ന യാ​ഥാ​ർ​ഥ്യ​ത്തെ അ​ഭി​മു​ഖീ​ക​രി​ക്കാ​ൻ ​ഇ​വ​ർ ത​യാ​റാ​വു​ന്നി​ല്ല എ​ന്നി​ട​ത്താ​ണ്​ ഭ​ര​ണ​കൂ​ട- രാ​ഷ്​​ട്രീ​യ നേ​തൃ​ത്വ​വും സ​മൂ​ഹ​വും ത​മ്മി​ലെ വൈ​രു​ധ്യ​ങ്ങ​ൾ ഉ​രു​ത്തി​രി​യു​ന്ന​ത്. കാ​ലാ​വ​സ്ഥ വ്യ​തി​യാ​നം, ഭൂ​മി​ശാ​സ്​​ത്ര പ്ര​ത്യേ​ക​ത, ക​ര​യി​ലെ ജൈ​വ ആ​വാ​സ​വ്യ​വ​സ്ഥ, ക​ട​ൽ ആ​വാ​സ​വ്യ​വ​സ്ഥ എ​ന്നി​വ പ​രി​ഗ​ണി​ക്കാ​തെ വി​ക​സ​ന​പ​ദ്ധ​തി​ക​ൾ ആ​സൂ​ത്ര​ണം ചെ​യ്യാ​ൻ ക​ഴി​യി​ല്ലെ​ന്ന യാ​ഥാ​ർ​ഥ്യ​ത്തെ അം​ഗീ​ക​രി​ച്ച്​ മാ​ത്ര​മെ വി​ക​സ​നം ആ​സൂ​ത്ര​ണം ചെ​യ്യാ​ൻ ക​ഴി​യൂ​വെ​ന്ന സ​ന്ദി​ഗ്​​ധ​ഘ​ട്ട​ത്തി​ലാ​ണ്​ മ​റ്റ്​ ദേ​ശ​വാ​സി​ക​ളെ​യും പോ​ലെ കേ​ര​ളീ​യ​രും ഇ​ന്ന്. മി​ന്ന​ൽ പ്ര​ള​യം, ഉ​രു​ൾ​പൊ​ട്ട​ൽ മ​ല​യി​ടി​ച്ചി​ൽ, അ​നി​യ​ന്ത്രി​ത തീ​ര​ശോ​ഷ​ണം, തീ​ര​പോ​ഷ​ണം ക​ട​ൽ ജ​ല​നി​ര​പ്പ്​ ഉ​യ​രു​ന്ന​ത്​ എ​ന്നി​വ ന​മ്മു​ടെ ജീ​വി​ത​ത്തി​​​ന്റെ ദൈ​നം​ദി​ന വെ​ല്ലു​വി​ളി​യാ​യി മാ​റി​ക്ക​ഴി​ഞ്ഞു. കേ​ര​ള​ത്തി​​ന്​ മാ​ത്ര​മ​ല്ല ഈ ​ഗ​തി​കേ​ട്. ന​മു​ക്ക്​ മു​മ്പ്​ വ​ൻ​കി​ട അ​ടി​സ്ഥാ​ന സൗ​ക​ര്യ​വും വി​ക​സ​ന പ​ദ്ധ​തി​ക​ളും ന​ട​പ്പാ​ക്കി​യ കേ​ര​ളം പി​ന്തു​ട​രാ​ൻ ആ​ഗ്ര​ഹി​ക്കു​ന്ന പ​ല ന​ഗ​ര​ങ്ങ​ളും ഈ ​കെ​ടു​തി​യു​ടെ ഫ​ലം അ​നു​ഭ​വി​ക്കു​ക​യാ​ണ്. ചെ​ന്നൈ ന​ഗ​ര​ത്തെ വി​ഴു​ങ്ങി​യ വെ​ള്ള​പ്പൊ​ക്ക​ത്തി​ൽ ഇ​ത്​ നാം ​ക​ണ്ടു. ര​ണ്ടാ​ഴ്​​ച മു​മ്പ്​ വെ​ള്ള​ത്തി​ൽ മു​ങ്ങി​യ ബം​ഗ​​ളൂ​രു ന​ഗ​ര​മാ​ണ്​ ഏ​റ്റ​വും ഒ​ടു​വി​ല​ത്തേ​ത്. ഏ​റ്റ​വും സു​ര​ക്ഷി​ത​മാ​യി ക​ണ്ട യെ​മ​ലൂ​രി​ലെ ആ​ഡം​ബ​ര ഗേ​റ്റ​ഡ്​ ക​മ്യൂ​ണി​റ്റി വെ​ള്ള​ത്തി​ന​ടി​യി​ലാ​വു​ക​യും കോ​ടി​ക​ൾ അ​ടു​ത്ത്​ വി​ല മ​തി​ക്കു​ന്ന ആ​ഡം​ബ​ര കാ​റു​ക​ൾ ത​ല​വെ​ള്ള​ത്തി​ൽ മു​ങ്ങി കി​ട​ക്കു​ന്ന​തും ട്രാ​ക്​​ട​റി​ൽ ആ​ളു​ക​ളെ ര​ക്ഷ​പ്പെ​ടു​ത്തി കൊ​ണ്ടു​പോ​കു​ന്ന​തും വൈ​റ​ൽ വി​ഡി​യോ​ക​ളി​ൽ മ​ല​യാ​ളി​ക​ൾ ക​ണ്ട​താ​ണ്. പി​ന്നാ​ലെ​യാ​ണ്​ ​കേ​ര​ള​ത്തി​​ന്റെ സ്വ​ന്തം വ്യാ​വ​സാ​യി​ക ന​ഗ​ര​മാ​യ കൊ​ച്ചി മ​ഴ​വെ​ള്ള​ത്തി​ൽ മു​ങ്ങു​ന്ന​തി​നും സാ​ക്ഷി​യാ​യ​ത്. സ​ർ​ക്കാ​ർ വി​വി​ധ വി​ക​സ​ന​പ​ദ്ധ​തി​ക​ൾ​ക്കാ​യി വി​ദേ​ശ വാ​യ്​​പ തേ​ടു​ന്ന ഏ​ഷ്യ​ൻ ഡെ​വ​ല​പ്​​മെൻറ്​ ബാ​ങ്ക്, ലോ​ക ബാ​ങ്ക്​ പോ​ലു​ള്ള സ്ഥാ​പ​ന​ങ്ങ​ൾ വി​ക​സ​ന​ത്തെ കു​റി​ച്ച്​ നി​ല​നി​ന്ന സ​ങ്ക​ൽ​പ​ങ്ങ​ളി​ൽ നി​ന്ന്​ മാ​റി ചി​ന്തി​ക്കു​ന്ന​തി​​ന്റെ ഉ​ദാ​ഹ​ര​ണ​മാ​ണ്​ ലോ​ക​ബാ​ങ്ക്​ മു​ൻ സീ​നി​യ​ർ വൈ​സ്​ പ്ര​സി​ഡ​ൻ​റ്​ വി​നോ​ദ്​ തോ​മ​സ്​ വി​ഴി​ഞ്ഞം തു​റ​മു​ഖ​പ​ദ്ധ​തി​യെ മു​ൻ​നി​ർ​ത്തി സെ​പ്​​റ്റം​ബ​ർ ആ​ദ്യ​വാ​രം ദ ​ഹി​ന്ദു ദി​ന​പ​ത്ര​ത്തി​ൽ എ​ഴു​തി​യ ലേ​ഖ​നം.

ലക്ഷ്യം കൊള്ളയടി

ആ​ദി​വാ​സി​ക​ളും ദ​ലി​ത​രും ക​ഴി​ഞ്ഞാ​ൽ സ​മൂ​ഹ​ത്തി​ൽ ഏ​റ്റ​വും അ​ധി​കം പ്രാ​ന്ത​വ​ത്ക​രി​ക്ക​പ്പെ​ട്ട മ​ത്സ്യ​ത്തൊ​ഴി​ലാ​ളി സ​മൂ​ഹ​ത്തി​​ന്റെ ജീ​വ​സ​ന്ധാ​ര​ണ​ത്തി​ന്​ ഭീ​ഷ​ണി ഉ​യ​ർ​ത്തു​ന്ന​താ​ണ്​ വി​ഴി​ഞ്ഞം അ​ദാ​നി വാ​ണി​ജ്യ തു​റ​മു​ഖ​പ​ദ്ധ​തി നി​ർ​മാ​ണം. 2015 ൽ ​ഉ​മ്മ​ൻ​ചാ​ണ്ടി സ​ർ​ക്കാ​റി​​ന്റെ കാ​ല​ത്ത്​ ക​രാ​ർ ഒ​പ്പു​വെ​ക്കു​ന്ന​തി​ന്​ മു​മ്പു​​ത​ന്നെ തി​രു​വ​ന​ന്ത​പു​ര​ത്തെ മ​ത്സ്യ​ത്തൊ​ഴി​ലാ​ളി സ​മൂ​ഹ​വും അ​വ​രെ പ്ര​തി​നി​ധാ​നം ചെ​യ്യു​ന്ന തി​രു​വ​ന​ന്ത​പു​രം ല​ത്തീ​ൻ ക​ത്തോ​ലി​ക്ക അ​തി​രൂ​പ​ത നേ​തൃ​ത്വ​വും സ​മു​ദ്ര സം​ബ​ന്ധി​യാ​യ പ​ഠ​ന​ങ്ങ​ൾ ന​ട​ത്തു​ന്ന ശാ​സ്​​ത്ര​സ​മൂ​ഹ​വും ആ​ശ​ങ്ക പ​ങ്കു​വെ​ച്ചി​രു​ന്നു. പ​ക്ഷേ, പ്രാ​ന്ത​വ​ത്ക​രി​ക്ക​പ്പെ​ട്ട മ​ത്സ്യ​ത്തൊ​ഴി​ലാ​ളി​ക​ളു​ടെ സ്വ​രം വി​ക​സ​ന മു​റ​വി​ളി​യി​ൽ മു​ങ്ങി​പ്പോ​വു​ക​യാ​ണു​ണ്ടാ​യ​ത്. ന​ട​പ്പാ​ക്കു​മെ​ന്ന്​ ആ​ശ​ങ്ക ഉ​യ​ർ​ത്തു​ന്ന കെ-​റെ​യി​ലി​നേ​ക്കാ​ളേ​റെ നി​ർ​മാ​ണം ന​ട​ക്കു​ന്ന ഒ​രു പ​ദ്ധ​തി​യെ​ന്ന നി​ല​യി​ൽ വി​ഴി​ഞ്ഞം തീ​ര​ദേ​ശ​ത്തി​നും കേ​ര​ള​ത്തി​നൊ​ട്ടാ​കെ​യും ഉ​ണ്ടാ​ക്കു​ന്ന വി​നാ​ശ​ങ്ങ​ൾ ക​ണ്ട​റി​യാ​ൻ സാ​ധി​ക്കു​ന്ന​വ​യാ​ണ്. ഒ​രു മാ​സ​ത്തോ​ട​ടു​ക്കു​ന്ന തു​റ​മു​ഖ ക​വാ​ട​ത്തി​ന്​ പു​റ​ത്തെ റി​ലേ ഉ​പ​വാ​സം അ​ട​ക്ക​മു​ള്ള പ്ര​തി​ഷേ​ധ സ​മ​ര​ത്തി​നും പ​ക്ഷേ, സ​മൂ​ഹ​ത്തി​​​ന്റെ മു​ഖ്യ​ധാ​ര​യി​ലേ​ക്ക്​ ഇ​നി​യും എ​ത്തി​​പ്പെ​ടാ​ൻ ക​ഴി​ഞ്ഞി​ട്ടി​ല്ല. പ​ദ്ധ​തി​യെ ത​ള്ളി​പ്പ​റ​യു​ക​യെ​ന്ന​ത്​ എ​ൽ.​ഡി.​എ​ഫി​​നോ യു.​ഡി.​എ​ഫി​നോ ഒ​രു ബാ​ധ്യ​ത​യാ​യി മാ​റി​യി​ട്ടു​മി​ല്ല. ന​രേ​ന്ദ്ര മോ​ദി​യും ഗൗ​തം അ​ദാ​നി​യും ത​മ്മി​ലു​ള്ള അ​ടു​പ്പം കൊ​ണ്ട്​ ത​ന്നെ വി​ഴി​ഞ്ഞം അ​ദാ​നി പോ​ർ​ട്ട്​ പ​ദ്ധ​തി ബി.​ജെ.​പി​ക്കും അ​ത്ര​മേ​ൽ പ്രി​യ​പ്പെ​ട്ട​താ​ണ്. ബി.​ജെ.​പി, സം​ഘ്പ​രി​വാ​ർ കേ​ന്ദ്ര​ങ്ങ​ളി​ൽ നി​ന്ന്​ സ​മ​ര​ത്തി​ന്​ നേ​തൃ​ത്വം ന​ൽ​കു​ന്ന തി​രു​വ​ന​ന്ത​പു​രം ല​ത്തീ​ൻ അ​തി​രൂ​പ​ത​ക്കെ​തി​രെ ക​ടു​ത്ത വ​ർ​ഗീ​യ ആ​ക്ഷേ​പ​മാ​ണ്​ പ്ര​ച​രി​പ്പി​ക്കു​ന്ന​ത്. മു​സ്​​ലിം സ​മൂ​ഹ​ത്തി​ൽ നി​ന്നു​ള്ള പി​ന്തു​ണ സ​മ​ര​ത്തി​ന്​ ല​ഭി​ച്ച​തോ​ടെ അ​തും വ​ർ​ഗീ​യ​ത​ക്ക്​ ആ​യു​ധ​മാ​ക്കാ​ൻ ബി.​ജെ.​പി ശ്ര​മി​ക്കു​ന്നു.

കേ​ര​ളം പോ​ലെ ക​ര, ക​ട​ൽ ആ​വാ​സ​വ്യ​വ​സ്ഥ നി​ർ​ണാ​യ​ക പ​രി​സ്ഥി​തി സ​ന്തു​ലി​താ​വ​സ്ഥ അ​ട്ടി​മ​റി​ക്ക​പ്പെ​ടു​മെ​ന്ന്​ തി​ക​ഞ്ഞ ബോ​ധ്യ​മു​ള്ള​പ്പോ​ഴും വ​ൻ​കി​ട അ​ടി​സ്ഥാ​ന സൗ​ക​ര്യ വി​ക​സ​ന പ​ദ്ധ​തി​ക​ളു​ടെ മ​റ​വി​ൽ ഇ​ട​ത്, വ​ല​ത്​ ഭ​ര​ണ​വ​ർ​ഗം എ​ങ്ങ​നെ​യാ​ണ് പൊ​തു ഖ​ജ​നാ​വ്​ കൊ​ള്ള​യ​ടി​ക്കു​ക​യും ​ ​ കോ​ർ​പ​റേ​റ്റ്​ താ​ൽ​പ​ര്യം സം​ര​ക്ഷി​ക്കു​ക​യും ത​ദ്ദേ​ശ ജ​ന​വി​ഭാ​ഗ​ങ്ങ​ളെ കു​ടി​യൊ​ഴി​പ്പി​ക്കു​ക​യും ചെ​യ്യു​ന്ന​ത്​ എ​ന്ന​തി​​ന്റെ കൃ​ത്യ​മാ​യ ഉ​ദാ​ഹ​ര​ണ​വും കൂ​ടി​യാ​ണ്​ വി​ഴി​ഞ്ഞം

ക​ട​ലി​ൽ 130.91 ഏ​ക്ക​റും ക​ര​യി​ൽ 220.28 ഏ​ക്ക​റു​മാ​യി ആ​കെ 351.19 ഏ​ക്ക​ർ പ്ര​ദേ​ശ​ത്ത്​​ 7,525 കോ​ടി രൂ​പ ചെ​ല​വി​ൽ നി​ർ​മി​ക്കു​ന്ന പ​ദ്ധ​തി​യാ​ണ്​ വി​ഴി​ഞ്ഞം അ​ദാ​നി വാ​ണി​ജ്യ തു​റ​മു​ഖം. കം​പ്​​ട്രോ​ള​ർ ആ​ൻ​ഡ് ഓ​ഡി​റ്റ​ർ ജ​ന​റ​ൽ 2017 ൽ ​ക​രാ​ർ വ്യ​വ​സ്ഥ​ക​ളി​ൽ പ​ല​തും സം​സ്ഥാ​ന താ​ൽ​പ​ര്യ വി​രു​ദ്ധ​മാ​ണെ​ന്നും അ​ദാ​നി​ക്ക്​ കോ​ടി​ക​ളു​ടെ അ​ധി​ക വ​രു​മാ​നം ല​ഭി​ക്കു​ന്ന​തി​ന്​ ഇ​ട​യാ​ക്കു​മെ​ന്നും​ ചൂ​ണ്ടി​ക്കാ​ട്ടി​യി​രു​ന്നു. സ​ർ​ക്കാ​ർ നി​യോ​ഗി​ച്ച ജ​സ്​​റ്റി​സ്​ സി.​എ​ൻ. രാ​മ​ച​ന്ദ്ര​ൻ ജു​ഡീ​ഷ്യ​ൽ ക​മീ​ഷ​ൻ ക​ണ്ടെ​ത്തി​യ- സം​സ്​​ഥാ​ന​ത്തി​​ന്റെ ആ​സ്​​തി​ക​ൾ പ​ണ​യം വെ​ക്കാ​ൻ അ​ദാ​നി​ക്ക്​ അ​നു​മ​തി ന​ൽ​കി​യ​ത്, ​സാ​ധാ​ര​ണ നി​ല​ക്ക്​ ക​രാ​ർ അ​വ​സാ​നി​ച്ച്​ തു​റ​മു​ഖം കൈ​മാ​റു​​മ്പോ​ഴും അ​ദാ​നി​ക്ക്​ ടെ​ർ​മി​നേ​ഷ​ൻ ഫീ​സാ​യി കോ​ടി​ക​ൾ ന​ൽ​കു​ന്ന വ്യ​വ​സ്ഥ, മ​ത്സ​രാ​ധി​ഷ്ഠി​ത ടെ​ൻ​ഡ​ർ വി​ളി​ക്കാ​ത്ത​ത്, സ​ർ​ക്കാ​ർ ഏ​റ്റെ​ടു​ക്കു​ന്ന ഭൂ​മി അ​ട​ക്കം പ​ണ​യം​വെ​ക്കാ​നു​ള്ള വ്യ​വ​സ്ഥ ക​രാ​റി​​ന്റെ ഭാ​ഗ​മാ​യി പി​ന്നീ​ട്​ തി​രു​കി​ക്ക​യ​റ്റി​യ​ത്​ അ​ട​ക്ക​മു​ള്ള- ക്ര​മ​വി​രു​ദ്ധ ന​ട​പ​ടി​ക​ൾ എ​ങ്ങ​നെ​യാ​ണ്​ കോ​ർ​പ​റേ​റ്റ്, രാ​ഷ്​​ട്രീ​യ അ​വി​ശു​ദ്ധ ബ​ന്ധം ഉ​ട​ലെ​ടു​ക്കു​ന്ന​തെ​ന്ന്​ വ​ര​ച്ച്​ കാ​ട്ടു​ന്ന​താ​ണ്. ഈ ​പ​ദ്ധ​തി​ക്കാ​യാ​ണ്​ ക​ക്ഷി ഭേ​ദ​മെ​ന്യേ എ​ല്ലാ രാ​ഷ്​​ട്രീ​യ നേ​തൃ​ത്വ​വും ഒ​ന്നി​ച്ച്​ നി​ൽ​ക്കു​ന്ന​തും.

തീരത്തെ തീറെഴുതുമ്പോൾ

കാ​ലാ​വ​സ്ഥ വ്യ​തി​യാ​നം ഏ​റ്റ​വും അ​ധി​കം ബാ​ധി​ക്കു​ന്ന പ്ര​ദേ​ശ​മാ​യി കേ​ര​ളം ഇ​ന്ന്​ മാ​റി​ക്ക​ഴി​ഞ്ഞു. അ​തി​ന്റെ ഭാ​ഗ​മാ​യ തീ​ര​ശോ​ഷ​ണം, ക​ട​ലേ​റ്റം, മ​ല​യി​ടി​ച്ചി​ൽ എ​ന്നി​വ​ക്ക്​ വി​ഴി​ഞ്ഞം പ​ദ്ധ​തി നി​ർ​മാ​ണ​വു​മാ​യി നേ​രി​ട്ടാ​ണ്​ ബ​ന്ധ​മു​ള്ള​ത്. അ​തി​നെ പ​ദ്ധ​തി​യു​മാ​യി ബ​ന്ധ​മി​ല്ലെ​ന്ന്​ ത​ള്ളു​ക​യും ക​രാ​ർ ക​മ്പ​നി​ക്കാ​യി വേ​ണ്ടി മാ​ത്രം പ​ഠ​നം ന​ട​ത്തു​ക​യും പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​യു​ടെ അ​റി​വി​നെ ത​ള്ളു​ക​യും ചെ​യ്യു​ന്ന​തി​ലൂ​ടെ കേ​ര​ള​ത്തെ തീ​റെ​ഴു​തി കൊ​ടു​ക്കു​ക​യാ​ണ്​ സ​ർ​ക്കാ​ർ. പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​യു​ടെ പ​ണി​യി​ട​വും കു​ടി​കി​ട​പ്പും ക​ട​ലും ക​ട​ലോ​ര​പ്ര​ദേ​ശ​വു​മാ​ണ്. അ​ത്​ ഭ​ര​ണ​കൂ​ടം പ​ണ​യം​വെ​ച്ച​തി​നെ​തി​രെ​യാ​ണ്​ അ​വ​ർ സ​മ​ര മു​ഖ​ത്തു​ള്ള​തും. പ്ര​ള​യ കാ​ല​ത്ത്​ ത​ങ്ങ​ളെ സു​ര​ക്ഷി​ത സ്ഥാ​ന​ങ്ങ​ളി​ലെ​ത്തി​ക്കാ​ൻ കു​നി​ഞ്ഞ്​ മൂ​ള​വെ​ള്ള​ത്തി​ൽ ഇ​രു​ന്ന്​ മു​തു​ക്​ കാ​ണി​ച്ചു കൊ​ടു​ത്ത പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി സ​മൂ​ഹ​ത്തി​​ന്റെ രോ​ദ​ന​മാ​ണ്​ വി​ഴി​ഞ്ഞ​ത്​ ഉ​യ​രു​ന്ന​ത്. അ​ടു​ത്ത കാ​ല​ത്ത്​ ന​ട​ന്ന ഗാ​ഡ്​​ഗി​ൽ ക​മ്മി​റ്റി റി​പ്പോ​ർ​ട്ട്, കെ-​റെ​യി​ൽ എ​ന്നി​വ​ക്കെ​തി​രാ​യ ശ്ര​​ദ്ധേ​യ സ​മ​ര​പ്ര​തി​ഷേ​ധ​ത്തി​ന്​ ല​ഭി​ച്ച സ്വീ​കാ​ര്യ​ത​യും വി​ശ്വാ​സ്യ​ത​യും പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ൾ​ക്ക്​ പൊ​തു​സ​മൂ​ഹ​ത്തി​ൽ നി​ന്ന്​ ല​ഭി​ക്കു​ന്നി​ല്ല​. ഗാ​ഡ്​​ഗി​ൽ ക​മ്മി​റ്റി റി​പ്പോ​ർ​ട്ട്​ ശി​പാ​ർ​ശ​ക്കെ​തി​രാ​യി സ​മ​ര​ത്തി​ന്​ നേ​തൃ​ത്വം ന​ൽ​കി​യ​ത്​ കാ​തോ​ലി​ക്ക സ​ഭ​യാ​യി​രു​ന്നു. ഇ​ന്ന്​ വി​ഴി​ഞ്ഞ​ത്ത്​ പ​രി​സ്ഥി​തി സം​ര​ക്ഷ​ണം ഉ​യ​ർ​ത്തി സ​മ​ര​മു​ഖ​ത്തി​റ​ങ്ങി​യ​തും കാ​തോ​ലി​ക്ക സ​ഭ​യാ​ണെ​ന്ന​തും ശ്ര​ദ്ധേ​യ​മാ​ണ്. ഗാ​ഡ്​​ഗി​ൽ സം​ര​ക്ഷി​ക്കാ​ൻ നി​ർ​ദേ​ശി​ച്ച പ​ശ്ചി​മ​ഘ​ട്ട മ​ല​നി​ര​ക​ളി​ലെ പാ​റ​ക​ളാ​ണ്​ ഇ​ന്ന്​ വി​ഴി​ഞ്ഞം പ​ദ്ധ​തി​ക്കാ​യി പൊ​ട്ടി​ച്ച്​ എ​ത്തി​ക്കു​ന്ന​ത്. ഒ​രു ദ​ശാ​ബ്​​ദ​ത്തി​ന്​ മു​മ്പ്​ ഗാ​ഡ്​​ഗി​ൽ ശി​പാ​ർ​ശ​ക്കെ​തി​രെ പ​രി​സ്ഥി​തി​വി​രു​ദ്ധ സ​മ​രം ന​യി​ച്ച കാ​തോ​ലി​ക്ക സ​ഭ​ക്ക്​ തോ​ളൊ​പ്പം സി.​പി.​എം ഉ​ണ്ടാ​യി​രു​ന്നു. ഇ​ന്ന്​ വി​ഴി​ഞ്ഞം സ​മ​ര​ത്തി​ന്​ കാ​തോ​ലി​ക്ക അ​തി​രൂ​പ​ത​ക​ൾ പി​ന്തു​ണ ന​ൽ​കു​​മ്പോ​ൾ പ​രി​സ്ഥി​തി വി​ഷ​യ​ത്തെ കു​റ​ച്ച്​ കൂ​ടി അ​വ​ധാ​ന​ത​യോ​ടെ കാ​ണാ​ൻ സ​ഭ​ക​ൾ​ക്ക്​ ക​ഴി​യു​മെ​ന്ന പ്ര​ത്യാ​ശ​യാ​ണ്​ സ​മൂ​ഹ​ത്തി​നു​ള്ള​ത്. തെ​റ്റാ​യ പാ​ത​യി​ൽ നി​ങ്ങ​ൾ എ​ത്ര​ദൂ​രം മു​ന്നോ​ട്ട്​ പോ​യാ​ലും തി​രി​ച്ചു​വ​രി​ക എ​ന്ന​ത്​ മാ​ത്ര​മാ​ണ്​ ശ​രി. മൂ​ന്ന​ടി മ​ണ്ണ് മാ​ത്ര​മ​ല്ല മൂ​ന്ന​ടി ക​ട​ൽ കൂ​ടി ചോ​ദി​ച്ചു വ​രു​ന്ന വാ​മ​ന​ന്മാ​രു​ടെ കാ​ല​മാ​ണ് ഇ​ന്ന്. അ​വ​രെ നേ​രി​ടാ​ൻ പ​ര​മ്പ​രാ​ഗ​ത മു​റ​ക​ൾ ഒ​ന്നും​പോ​രാ. ജാ​തി, മ​തം, വ​ർ​ഗം എ​ന്നി​വ​ക്ക​തീ​ത​മാ​യ ഐ​ക്യ​വും സം​വാ​ദ​വു​മാ​ണ് ആ​വ​ശ്യം. അ​ല്ലെ​ങ്കി​ൽ കേ​ര​ളം ക​ട​ലെ​ടു​ക്കും, ഉ​റ​പ്പാ​ണ്. ■

Show Full Article
TAGS:problems kerala 
News Summary - Kerala should not be trampled..
Next Story