Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightOpinionchevron_rightOpen Forumchevron_rightകഫീൽ ഖാൻ...

കഫീൽ ഖാൻ ദേശസുരക്ഷക്ക്​ ഭീഷണിയല്ല; യു.പി സർക്കാർ അങ്ങനെ പറയുന്നുവെങ്കിലും

text_fields
bookmark_border
കഫീൽ ഖാൻ ദേശസുരക്ഷക്ക്​ ഭീഷണിയല്ല; യു.പി സർക്കാർ അങ്ങനെ പറയുന്നുവെങ്കിലും
cancel

മെഡിക്കൽ വീഴ്​ച ആരോപിച്ച്​ ജോലിയിൽനിന്ന്​ പുറത്തുനിർത്തി രണ്ടു വർഷം കഴിഞ്ഞ്​- അതി​ൽ ഒമ്പതു മാസവും ജയിലഴിക ളിലായിരുന്നു- കഴിഞ്ഞ സെപ്​റ്റംബറിലാണ്​ ഡോ. കഫീൽ ഖാനെ സർക്കാർ നിയോഗിച്ച അന്വേഷണ സമിതി കുറ്റമുക്​തനാക്കുന്നത ്​. പക്ഷേ, പ്രശ്​നങ്ങൾ അവിടെ അവസാനിച്ചില്ലെന്ന്​ വ്യക്​തമാക്കുന്നതായിരുന്നു ഫെബ്രുവരി 13ന്​ ദേശീയ സുരക്ഷ നിയമ ം ചുമത്തി ശിശുരോഗ വിദഗ്​ധനും മുൻ ലക്​ചററുമായ 40 കാരനെ ഉത്തർ പ്രദേശ്​ സർക്കാർ വീണ്ടും അഴിക്കുള്ളിലാക്കിയത്​.


സർക്കാറിനെ വിമർശിച്ച്​ നടത്തിയ പ്രഭാഷണത്തി​​​െൻറ പേരിൽ അലിഗഢ്​ കോടതി ഫെബ്രുവരി 10ന്​ ജാമ്യം അനുവദിച്ച് ​ ദിവസങ്ങൾക്കുള്ളിലായിരുന്നു വീണ്ടും വേട്ടയാടൽ. ദേശ സുരക്ഷ നിയമം ‘ദേശ സുരക്ഷ’യെ നിർവചിക്കുന്നില്ല. പക്ഷേ, ഇൗ വ കുപ്പ്​ ഉപയോഗിച്ച്​ ഏതെല്ലാം സാഹചര്യങ്ങളിൽ ആളുകളെ തടവിലാക്കാം എന്നത്​ നിയമം​ വ്യക്​താക്കുന്നുണ്ട്​​.
ന ിയമത്തി​​​െൻറ 3(2) വകുപ്പ്​ പ്രകാരം- ഡോ. കഫീൽ ഖാനെതിരെ ചുമത്തിയത്​ ഇൗ വകുപ്പാണ്​- രാജ്യ സുരക്ഷക്കോ, പൊതുജന ജീവി തത്തിനോ, അവശ്യ സേവനങ്ങൾ ലഭ്യമാക്കുന്നതിനോ അപായകരമാവുംവിധം പ്രവർത്തിക്കാൻ സാധ്യത കണക്കിലെടുത്ത്​ മുൻകരുതല ായി കസ്​റ്റഡിയിലെടുക്കാം.

ആരോപണങ്ങൾ
അലിഗഢ്​ ജില്ലാ മജിസ്​ട്രേറ ്റ്​ പുറപ്പെടുവിച്ച കസ്​റ്റഡി ഉത്തരവിൽ രണ്ടു തരത്തിൽ അദ്ദേഹം പൊതുജന ജീവിതത്തെ അപായപ്പെടുത്തുമെന്ന്​ ചൂണ്ട ിക്കാട്ടുന്നു:
1. പൗരത്വ നിയമത്തിനും കേന്ദ്ര ആഭ്യന്തര മന്ത്രി അമിത്​ ഷാക്കുമെതിരെ പ്രസ്​താവനയിറക്കുക വഴി, അ ലിഗഢ്​ മുസ്​ലിം യൂനിവേഴ്​സിറ്റി ഗെയ്​റ്റിൽ ധർണയിരിക്കാൻ വിദ്യാർഥികൾക്ക്​ പ്രേരണ നൽകി.
2. അതിനു പിന്നാലെ ഡി സംബർ 15ന്​ വാഴ്​സിറ്റിയിൽ നടന്ന സംഘർഷത്തിന്​ കാരണക്കാരനായി.

ആ രാത്രിയിലായിരുന്നു, ജാമിഅ മില്ലിയ്യ യൂനിവേഴ്​സിറ്റിയിലെ പൊലീസ്​ നരനായാട്ടിനു പിറകെ അലിഗഢ്​ മുസ്​ലിം യൂനിവേഴ്​സിറ്റിയിലും പൊലീസ് അനുമതിയി തേടാതെ​ അതിക്രമിച്ചുകയറി പൗരത്വനിയമത്തിനെതിരെ സമരമുഖത്തുണ്ടായിരുന്ന വിദ്യാർഥികളെ തല്ലിച്ചതച്ചത്​. നിരവധി വിദ്യാർഥികൾക്കാണ്​ അന്ന്​ പരിക്കേറ്റത്​, ചിലരുടെ നില ഗുരുതരമായിരുന്നു.
ഇൗ സംഭവത്തിൽ കഫീൽ ഖാൻ കുറ്റാരോപിതനല്ല, അന്വേഷണം അദ്ദേഹത്തിനെതിരെ ഉണ്ടായിരുന്നുമില്ല.
വിദ്യാർഥികൾക്കു നേരെ പൊലീസ്​ തേർവാഴ്​ച അലഹബാദ്​ ഹൈക്കോടതി ഉത്തരവു പ്രകാരം ദേശീയ മനുഷ്യാവകാശ കമീഷൻ പരിഗണനയിലുള്ള വിഷയമാണ്​. എന്നിട്ടും, പുതിയ പ്രഥമ വിവര റിപ്പോർട്ട്​ തയാറാക്കി കഫീൽ ഖാനെ പ്രതിയാക്കിയ ഇൗ കേസ്​ എങ്ങനെ പരിഗണന പോലും അർഹിക്കുന്നുവെന്നതാണ്​ ചോദ്യം.

നിയമത്തി​​​െൻറ പഴുതുകൾ
പൊതുജന സുരക്ഷക്ക്​ അടിയന്തര ഭീഷണിയാകുന്ന വിഷയങ്ങളിൽ മാത്രം ചുമത്താവുന്നതാണ്​ ദേശ സുരക്ഷ നിയമം. എ.കെ റോയ്​- കേന്ദ്ര സർക്കാർ കേസിൽ സുപ്രീം കോടതി നിരീക്ഷിക്കുന്നതിങ്ങനെ:
നിയമത്തി​​​െൻറ മൂന്നാം വകുപ്പ്​ അനുശാസിക്കുന്ന മുൻചൊന്ന സങ്കൽപങ്ങളിൽ, അതായത്​- ദേശീയ പ്രതിരോധം, ഇന്ത്യൻ സുരക്ഷ, സർക്കാർ സുരക്ഷ, വിദേശ ശക്​തികളുമായി ഇന്ത്യയുടെ ​ബന്ധം തുടങ്ങിയ വിഷയങ്ങൾക്ക്​ വേണ്ടത്ര നിശ്​ചിത്വമില്ലെന്ന്​ മനസ്സിലാകുന്നു. ആ വിഷയങ്ങളുടെ സ്വഭാവമനുസരിച്ച്​ അവ നിർവചിക്കാൻ പ്രയാസവുമുണ്ട്​. എന്നിരുന്നാലും, വിഷയങ്ങളുടെ അവ്യക്​തത മുൻനിർത്തി മൂന്നാം വകുപ്പിലെ ചട്ടങ്ങൾ അസാധുവാക്കാനാകില്ല.
വിഷയങ്ങൾ നിർവചിക്കപ്പെട്ടില്ലെന്നത്​ പരിഗണിച്ച്​- നിസ്സംശയം അവ കൃത്യമായി നിർവചിക്കപ്പെടുക അസാധ്യവുമാണ്​- വാക്കുകൾ നൽകുന്ന അർഥത്തെക്കാൾ വളരെ ചുരുങ്ങിയ തലത്തിൽ അതിനെ പ്രയോഗവത്​കരിക്കാൻ പ്രത്യേക ​ശ്രദ്ധ കോടതികൾ കാണിക്കണം. ദേശ സുരക്ഷ നിയമം പോലുള്ള കരുതൽ തടങ്കൽ നിയമങ്ങൾ വ്യാഖ്യാനിക്കു​േമ്പാൾ പരമാവധി കുറഞ്ഞ കേസുകളിൽ മാത്രം അവ പ്രയോഗിക്കാവുന്ന വിധമായി ചുരുക്കാൻ ​ജാഗ്രത വേണം. സ്വതന്ത്രമായി വ്യാഖ്യാനിച്ചാൽ വ്യക്​തി സ്വാതന്ത്ര്യത്തിന്​ ദൂരവ്യാപക പ്രത്യാഘാതങ്ങൾ ഉറപ്പുള്ള മൂന്നാം വകുപ്പ്​ പോലുള്ളവ എന്നിട്ടും ഭരണഘടന സാധുതയുള്ളതാകുന്നത്​ ഇൗ അപ്രഖ്യാപിത സാഹചര്യത്തിൽ മാത്രമാണ്​’’.

ദേശ സുരക്ഷ നിയമമായി മാറിയ ദേശ സുരക്ഷ ഒാർഡിനൻസിലെ വ്യവസ്​ഥകൾ സുപ്രീം കോടതി അംഗീകരിക്കുന്നത്​ ഇങ്ങനെയാണ്​. പൊതുജന സുരക്ഷയുമായി ഒട്ടും ബന്ധിക്കുന്നതല്ല ഖാ​​​െൻറ തടവ്​. പൊതുജന സുരക്ഷക്ക്​ അതിനെക്കാൾ അപകടകാരിയാണ്​ അശ്രദ്ധമായി വാഹനമോടിക്കുന്ന ഒരു ഡ്രൈവർ.
അലിഗഢിലെ ക്രമ സമാധാനം കഫീൽ ഖാ​​​െൻറ പ്രസംഗത്തിനു ശേഷം വഷളായെന്ന്​ പൊലീസ്​ തയാറാക്കിയ പ്രഥമ വിവരാന്വേഷണ റിപ്പോർട്ട്​ പറയുന്നു. എന്നാൽ, അത്തരം പ്രശ്​നങ്ങൾ വല്ലതുമുണ്ടായതിനോ ഇന്ത്യൻ ശിക്ഷാ നിയമത്തിലെ വിദ്വേഷ പ്രസംഗ നിയമങ്ങൾ ലംഘിച്ചതിനോ തെളിവൊന്നും അതിൽ നിരത്തുന്നില്ല. ഇരു സമുദായങ്ങൾ തമ്മിൽ വിദ്വേഷം വളർത്തുകയോ ദേശീയ ഉദ്​ഗ്രഥനത്തെ അപായപ്പെടുത്തുകയോ ചെയ്യു​േമ്പാഴാണ്​ ഇന്ത്യൻ ശിക്ഷാ നിയമപ്രകാരം വിദ്വേഷ പ്രസംഗമാകുന്നത്​.
കസ്​റ്റഡി ഉത്തരവ്​ വായിച്ചാൽ തടവിലിടുന്നതിനെ ന്യായീകരിക്കുന്ന ഒന്നും അതിൽ കാണാനാവില്ല.
കസ്​റ്റഡിയിലെടുക്കുന്ന സമയവും സംശയാസ്​പദമാണ്​. അലിഗഢ്​ മുസ്​ലിം യൂനിവേഴ്​സിറ്റി പ്രഭാഷണത്തിലെ പരാമർശങ്ങളുടെ പേരിൽ ഫെബ്രുവരി 10ന്​ കോടതി അദ്ദേഹത്തിന്​ ജാമ്യം അനുവദിച്ചിരുന്നു. പക്ഷേ, ജാമ്യം ലഭിച്ച്​ റിലീസ്​ വാറൻറ്​​ കൈമാറാൻ മൂന്നു ദിവസമെടുത്തു.
വാറൻറ്​ പുറപ്പെടുവിച്ച ഫെബ്രുവരി 13ന്​ പൊലീസ്​ സൂപ്രണ്ട്​ അലിഗഢ്​ ജില്ലാ മജിസ്​ട്രേറ്റിന്​ ഖാനെ ദേശ സുരക്ഷ നിയമപ്രകാരം കസ്​റ്റഡിയിലെടുക്കാനും അപേക്ഷ സമർപ്പിച്ചു. സ്വീകരിക്കപ്പെടുകയും ചെയ്​തു.

ഗുരുതര വീഴ്ചകൾ
മഥുര ജയിലിൽ നരകയാതനക അനുഭവിക്കുകയാണ്​ കഫീൽ ഖാൻ. ജയിലിൽ അദ്ദേഹത്തി​​​െൻറ സുരക്ഷയിൽ ആശങ്ക അറിയിച്ച്​ ഭാര്യ ശബിസ്​ത ഖാൻ അടുത്തിടെ രംഗത്തെത്തിയിരുന്നു. മറ്റു തടവുകാരിൽനിന്ന്​ മാറ്റിപാർപിക്കാൻ ഉത്തരവിടാനാവശ്യപ്പെട്ട്​ അലഹബാദ്​ ഹൈക്കോടതി ചീഫ്​ ജസ്​റ്റീസിന്​ അവർ കത്തെഴുതുകയും ചെയ്​തു.
നേരത്തെ, പൊലീസ്​ സൂപ്രണ്ട്​ അപേക്ഷ നൽകിയത്, കഫീൽ ഖാൻ പുറത്തുവന്ന ശേഷവും ‘പ്രകോപനപരമായ’ പ്രസംഗം തുടരുമെന്ന്​​ പ്രാദേശിക രഹസ്യാന്വേഷണ വിഭാഗം നൽകിയ വിവരങ്ങൾ പ്രകാരമായിരുന്നു. എവിടെനിന്നാകും ഇൗ വിവരം അവർക്ക്​ ലഭിച്ചതെന്ന്​ ഇന്നും ചുരുളഴിയാത്ത നിഗൂഢത.
ഇത്തരം രഹസ്യവിവരങ്ങൾ പൊതുവെ സംഘടന മെംബർമാരിൽനിന്നാണ്​ പ്രാദേശിക രഹസ്യാന്വേഷണ വിഭാഗത്തിന്​ ലഭിക്കാറ്​. പക്ഷേ, കഫീൽ ഖാൻ ഒരു സംഘടനയിലൂം അംഗമല്ല.
ജാമ്യ ഉത്തരവ്​ മറികടക്കാൻ ദേശ സുരക്ഷ നിയമം ചുമത്തുന്നത്​ പ്രത്യേകമായി സുപ്രീം കോടതി അരുതെന്ന്​ പറഞ്ഞതുമാണ്​.

രമേഷ്​ യാദവ്​- എറ്റ ജില്ലാ മജിസ്​ട്രേറ്റ്​ കേസിൽ സുപ്രീം കോടതി വ്യക്​തമാക്കുന്നു: ‘സാഹചര്യം പരിഗണിച്ചാൽ, കസ്​റ്റഡിയിലെടുത്ത അധികാരികൾക്ക്​ ഇയാൾ ജാമ്യത്തിലിറങ്ങിയ ശേഷവും അതേ സ്​ഥലത്ത്​ ക്രിമിനൽ പ്രവർത്തനങ്ങൾ തുടരുമെന്ന സന്ദേഹമുള്ളതിനാലാണ്​ വീണ്ടും കസ്​റ്റഡിയിലെടുക്കാനുള്ള ഉത്തരവ്​ നൽകിയതെന്ന്​ വ്യക്​തം’
എന്നാൽ, അധികാരികളുടെ സന്ദേഹം ന്യായമാണെങ്കിൽ ജാമ്യാപേക്ഷയാണ്​ എതിർക്കപ്പെടേണ്ടത്​. ജാമ്യം നൽകി കഴിഞ്ഞാൽ ഇതിനെതിരെ സമീപിക്കേണ്ടത്​ ഉയർന്ന കോടതിയെയും. തടവു പ്രതി ജാമ്യം നേടുമെന്ന്​ കണ്ടുമാത്രം ദേശ സുരക്ഷ നിയമപ്രകാരം വീണ്ടും കസ്​റ്റഡിയിലെടുക്കാൻ ഉത്തരവിറക്കാൻ പാടില്ല’’.
ഇത്​ പരിഗണിച്ചാൽ, കഫീൽ ഖാനെതിരായ ഉത്തരവ്​ റദ്ദാക്കപ്പെടണം.

വിവർത്തനം: കെ.പി മൻസൂർ അലി

Show Full Article
TAGS:Kafeel Khan up government Malayalam Article 
Next Story