ഇർഫാൻ ഖാൻ: തുറുകണ്ണിലൊളിപ്പിച്ച നടനാതിശയം

ഇർഫാൻ ഖാൻ അഭിനയിക്കു​മ്പോൾ അയാൾക്കുമുന്നിൽ ഏത്​ ദിശയിലാണ്​ സംവിധായകൻ ക്യാമറ ഒളിപ്പിച്ചുവെച്ചിരിക്കുന്നത െന്ന്​ ഒരുനേരം നമ്മൾ അതിശയിച്ചുപോകും. അങ്ങനെയൊരു ക്യാമറ അയാളുടെ ചലനങ്ങൾ പകർത്തിയെടുക്കാൻ അവിടെ എവിടെയെങ്ക ിലും കറങ്ങിക്കൊണ്ടിരിക്കുന്നുവെന്നോ അതെല്ലാം നിയന്ത്രിച്ച്​ ആരൊക്കെയോ ചുറ്റിലുമുണ്ടെന്നോ അയാൾ അനുഭവ പ്പെടുത്താറുമില്ല.

വേഷമിട്ടിരി ക്കുന്ന കഥാപാത്രത്തിലേക്ക്​ സ്വയം കടന്നുപോകുകയും തന്നെത്തന്നെ ഏറ്റവും സ്വാഭാവികമായി മറന്നുപോവുകയും ചെയ് യുമ്പോൾ കഥാപാത്രത്തിനും ഡയലോഗിനുമിടയിലെ മൗനങ്ങളിൽ നാമിതുവരെ പരിചയപ്പെട്ടിട്ടില്ലാത്ത അഭിനയത്തി​​​​െൻറ മറിമായങ്ങൾ കണ്ട്​ അമ്പരന്നുപോകുന്നു. അതിസങ്കീർണമായ കഥാപാത്രങ്ങളുടെ ഉൾക്കനങ്ങൾ തിരശീലയിലേക്ക്​ ഒപ്പിവെക്ക ാൻ ഇനി സാഹബ് സാദെ ഇർഫാൻ അലിഖാൻ എന്ന നടനാതിശയമില്ല. വർഷങ്ങളായി അലട്ടിയിരുന്ന ന്യൂറോ എൻഡോക്രൈൻ ട്യൂമറിനോടുള്ള പോരാട്ടത്തിൽ ഇർഫാൻ ഖാൻ തോൽവി സമ്മതിച്ചു. അതും വെറും 54ാമത്തെ വയസ്സിൽ. നാല്​ നാളുകൾക്ക്​ മുമ്പ്​ ജയ്​പൂരിൽ അന് തരിച്ച മാതാവ്​ സെയ്​ദാ ബീഗത്തെ നേരിൽ കാണാൻ പോലുമാവാതെയാണ്​ ഇർഫാൻറെ മടക്കം.

ഏറ്റവും തിളക്കമുള്ള ബോളിവുഡിൽ താരമായി ഉയർ ന്നു നിൽക്കാൻ പോന്ന എല്ലാമുണ്ടായിരുന്നു സാഹബ് സാദെ ഇർഫാൻ അലിഖാനിൽ. പക്ഷേ, ഒരു താരത്തിൻറെ പരിവേഷത്തിൽ ഒതുങ്ങു ന്നതിൽ ഇർഫാന്​ താൽപര്യമില്ലായിരുന്നു. എത്ര നിസ്സാരമായ വേഷത്തിൽ പോലും അഭിനയിക്കാൻ ഒരു നിമിഷാർധമെങ്കിലുമുണ്ടാവുമെന്ന്​ അയാൾക്കുറപ്പുണ്ടായിരുന്നു. ആദ്യ സിനിമയായ 'സലാം ബോംബേ'യിലെ രണ്ടോ മൂന്നോ സീനുകളിൽ മാത്രമായിരുന്നുവെങ്കിൽ, അംഗീകാരങ്ങൾ നേടിയ ശേഷവും അത്തരം ചെറിയ വേഷങ്ങളിൽ പ്രത്യക്ഷപ്പെടാൻ ഇർഫാന്​ മടിയില്ലായിരുന്നു. 15 സെക്കൻഡുകൾ കൊണ്ട്​ മിന്നിമറയുന്ന പരസ്യ ചിത്രത്തിൽ പോലും അഭിനയത്തിൻറെ അതിസ്വാഭാവികതയെ ചേർത്തുവെച്ചൊരാൾ. പഴയ ഹചിൻറെയും പുതിയ സിസ്​ക എൽ.ഇ.ഡിയുടെയും പരസ്യത്തിൽ അതു കാണാം.

തുറിച്ച കണ്ണുകളിലെ അതിസൂക്ഷ്​മ ചലനങ്ങളിലൂടെ ഇർഫാൻ വെള്ളിത്തിര കീഴടക്കാൻ എത്തിയത്​ ടെലിവിഷന്‍റെ ചതുരവടിവിലൂടെയായിരുന്നു. ജയ്​പൂരിലെ പഷ്​തൂൺ മുസ്​ലിം കുടുംബത്തിൽ ജനിച്ച ഇർഫാൻ ഖാൻറെ മാതാവ്​ സയേദ ബീഗം ടോങ്കിലെ നവാബ്​ കുടുംബാംഗവും കവയിത്രിയുമായിരുന്നു. കുടുംബം നടത്തിയിരുന്ന ടയർ ബിസിനസിലൊന്നും താൽപര്യമില്ലാതെ അഭിനയം പഠിക്കാൻ നാഷനൽ സ്​കൂൾ ഓഫ്​ ഡ്രാമയിൽ 1984ൽ അദ്ദേഹം ചേർന്നു. ദൂരദർശൻ സീരിയലുകളിലൂടെയായിരുന്നു ഇർഫാൻറെ തുടക്കം. ചാണക്യൻ, ഭാരത്​ ഏക്​ ഖോജ്, ബനേഗീ അപ്​നീ ബാത്​, ചന്ദ്രകാന്ത​ തുടങ്ങിയ സീരിയലുകളിൽ വേഷമിട്ട 1988ൽ മീര നായർ സംവിധാനം ചെയ്​ത 'സലാം ബോംബേ'യിലെ ചെറുവേഷത്തിലൂടെ വെളളിത്തിരയിൽ കാലെടുത്തുവെച്ചു.

ഉള്ളിലേക്കമർന്ന ഉന്മാദം
'സലാം ബോംബേ'യിൽ നാനാ പടേക്കർ അവതരിപ്പിച്ച കൂട്ടിക്കൊടുപ്പുകാരൻറെ സഹായിയായി മൂന്നോ നാലോ സീനുകളിൽ മാത്രമായിരുന്നു വേഷം. ഒരിക്കൽ നാനാ പടേക്കറോട്​ ഒരഭിമുഖത്തിൽ 'സിനിമക്കാരനായില്ലായിരുന്നെങ്കിൽ മറ്റാരാകുമായിരുന്നു..?' എന്ന ചോദ്യത്തിന്​ 'ക്രിക്കറ്റ്​ കളിക്കാരൻ' എന്നാണ്​ മറുപടി നൽകിയത്​. ആദ്യകാലങ്ങളിൽ നാനാ പടേക്കറുടെ അഭിനയത്തിൻറെ തുടർച്ചയാണോ എന്നു തോന്നിപ്പിച്ചിരുന്ന ഇർഫാൻ ഖാനും ഒര​ുപക്ഷേ, അങ്ങനെയൊരു മറുപടിയായിരിക്കണം പറയാനുണ്ടാവുക. സിനിമയിൽ എത്തിയില്ലായിരുന്നുവെങ്കിൽ തീർച്ചയായും ക്രിക്കറ്റ്​ തന്നെയാകുമായിരുന്നു ഇർഫാൻറെയും തട്ടകം. ഒരിക്കൽ സി.കെ. നായിഡു ക്രിക്കറ്റ്​ ടൂർണമ​​​െൻറിൽ സെലക്ഷൻ കിട്ടിയിരുന്നു ഇർഫാന്​.

നാനാ പടേക്കറുടെ എല്ലാ കഥാപാത്രത്തിനും മീതെ പതഞ്ഞൊഴുകുന്ന ഉന്മാദത്തിൻറെ തിരയേറ്റമുണ്ടായിരുന്നു. ഒരിടത്തും തങ്ങിനിൽക്കാത്ത ഒരു കുത്തിയൊഴുക്ക്​. പക്ഷേ, ഇർഫാൻ ഖാനിൽ അതങ്ങനെയായിരുന്നില്ല. ഉള്ളിലേക്കമർന്ന ഉന്മാദത്തിൻറെ പൊടിപ്പുകൾ ആ തുറുകണ്ണുകളിലൂടെ അഭിനയത്തിൻറെ ലാസ്യമായി നേർത്ത സുഗന്ധക്കുപ്പി തുറക്കുന്ന പോലെ പുറത്തേക്ക്​ ഒഴുകി. പലപ്പോഴും ഡയലോഗുകൾക്കിടയിൽ ആലോചനാമഗ്​നനായി തന്നിലേക്ക്​ ഒരു മുങ്ങാംകുഴിയിടൽ. അപ്പോഴും കഥാപാത്രത്ത്രിൽ നിന്ന്​ വേറിട്ടുപോകാത്ത ഒരു കൊളുത്ത്​ അയാൾ സൂക്ഷിച്ചിരുന്നു. ആ അഭിനയ ശൈലി പെ​ട്ടെന്ന്​ സ്വീകരിക്കപ്പെട്ടു. കച്ചവട സിനിമയുടെ ഭാഗമായിരിക്കുമ്പോഴും ഓരോ കാഥാപാത്രങ്ങളെയും അഭിനയത്തിൻറെ മായികതയിൽ തൊട്ടുണർത്താൻ ഇർഫാന്​ കഴിഞ്ഞത്​ ഈ ശൈലി കൊണ്ടായിരുന്നു.

സർവീസിൽ നിന്ന്​ വിരമിക്കാൻ ദിവസങ്ങൾ മാത്രം ശേഷിക്കുന്ന, ഭാര്യ നഷ്​ടപ്പെട്ട സാജൻ ഫെർണാണ്ടസ്​ എന്ന ലഞ്ച്​ബോക്​സിലെ ആ കഥാപാത്രത്തെ ഓർമയില്ലേ. ഉടമസ്​ഥനെ മാറി തന്നിലേക്ക്​ വന്ന ഒരു ഉച്ചഭക്ഷണപാത്രത്തിലെ വിഭവങ്ങളുടെ രുചിയോർത്ത്​ രാത്രി മട്ടുപ്പാവിൽ നിന്ന്​ സിഗരറ്റ്​ പുകയ്​ക്കുന്ന ആ കഥാപാത്രം. പിന്നിട്ട അനുഭവങ്ങളുടെ വൻകടലുകൾ ഒളിപ്പിച്ചുവെച്ച ആ ഭാവം ഇർഫാൻ ഖാനു മാത്രം ഫലിപ്പിക്കാൻ കഴിയുന്ന വേഷമായിരുന്നു.

2013ൽ മികച്ച നടനുള്ള അവാർഡ്​ ലഭിച്ച 'പാൻസിങ്​ തോമർ' എന്ന ചിത്രത്തിലെ വേഷത്തിൽ അസാമാന്യമായ കൈയൊതുക്കമായിരുന്നു ഇർഫാൻ ഖാൻറേത്. ദേശീയ ചാമ്പ്യനായ പാൻസിങ്​ തോമർ എന്ന അത്​ലറ്റിൻറെ യഥാർഥ വിമതജീവിതം തിരശ്ശീലയിൽ എല്ലാ പൂർണതകളോടും കൂടി ഇർഫാൻ പകർന്നുവെച്ചപ്പോൾ മികച്ച നടനെ തെരഞ്ഞെടുക്കാൻ ജൂറിക്ക്​ കഷ്​ടപ്പെടേണ്ടിവന്നില്ല.

ഹോളിവുഡിലേക്കുള്ള പാലം
നസറുദ്ദീൻ ഷായ്​ക്ക്​ ശേഷം ലോക സിനിമയ​ുടെ തികവിലേക്ക്​ വളർന്നുകയറിയ ഇന്ത്യൻ നടൻ ഇർഫാൻ ഖാനായിരുന്നു. ആദ്യ സിനിമ 'സലാം ബോ​ംബേ' തന്നെ കാനിലേക്കാണ്​ കയറി ചെന്നത്​. ഇന്ത്യക്കാർക്ക്​ രണ്ട്​ ഒസ്​കാർ സമ്മാനിച്ച ഡാനി ബോയലിൻറെ 'സ്​ലം ഡോഗ്​ മില്യനയർ' എന്ന സിനിമയിലെ ​പൊലീസ്​ ഇൻസ്​പെക്​ടറു​ടെ വേഷവും ആങ്​ ലീയുടെ 'ലൈഫ്​ ഓഫ്​ ​പൈ'യിലെ പൈയുടെ വേഷവും ഇർഫാ​െന ഹോളിവുഡിലും പ്രിയപ്പെട്ടവനാക്കി. 'അമേസിങ്​ സ്​​ൈപഡർമാൻ', 'ജുറാസിക്​ വേൾഡ്​', 'പസിൽ' തുടങ്ങിയ ഹോളിവുഡ്​ ചിത്രങ്ങളിലും ഇർഫാൻ വേഷമിട്ടു. അവസാന കാലത്ത്​ മലയാളി താരങ്ങളായ ദുൽഖർ സൽമാ​നൊപ്പവും (കാർവാൻ), പാർവതി തെരുവോത്തിനൊപ്പവും (ഖരീബ്​ ഖരീബ്​ സിംഗിൾ) ഇർഫാൻ അഭിനയിച്ചു. ജംഗിൾ ബുക്കിൽ ബഗീര എന്ന കരിമ്പുലി സംസാരിച്ചത് ഇർഫാൻ ഖാന്‍റെ ശബ്ദത്തിലൂടെയായിരുന്നു.

ആരാധകഹൃദയങ്ങളിൽ നിറഞ്ഞുനിൽക്കെയാണ്​ 2018 ഫെബ്രുവരിയിൽ താൻ ഗുരുതരമായ അസുഖത്തിൻറെ പിടിയിലായതായി സംശയിക്കുന്നുവെന്ന്​ ഇർഫാൻ ട്വീറ്റ്​ ചെയ്​തത്​. ഏതാനും ദിവസത്തിനു ശേഷം രോഗം സ്​ഥിരീകരിക്കുകയുണ്ടായി. ന്യൂറോ എൻഡോക്രൈൻ ട്യൂമർ എന്ന മാരക രോഗമാണെന്ന്​ ഇർഫാൻ തന്നെ വെളിപ്പെടുത്തി. പിന്നീട്​ ചികിത്സക്കായി ലണ്ടനിലേക്ക്​ പോയി. അതിനുശേഷവും മടങ്ങിയെത്തിയ ഇർഫാൻ 'അംഗ്രേസി മീഡിയം' എന്ന സിനിമയിൽ അഭിനയിച്ചിരുന്നു. വീണ്ടും ചികിത്സക്കായി ലണ്ടനിലേക്ക്​ പോകേണ്ടതായിരുന്നു. അപ്പോഴാണ്​ കോവിഡ്​ ബാധ​യിൽ ലോകം ലോക്​ഡൗണിലേക്ക്​ പോയതും യാത്ര മുടങ്ങിയതും. അതിനിടയിൽ കുടലിന്​ അണുബാധയുണ്ടായതി​നെ തുടർന്ന്​ മുംബൈ അന്ധേരിയിലെ കോകിലബെൻ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലായിരുന്നു.

ഇർഫാൻ ആശുപത്രി കിടക്കയിലായിരിക്കെ ഈ മാസം 25നായിരുന്നു മാതാവ്​ സെയ്​ദാ ബീഗം (95) അന്തരിച്ചത്​. കോവിഡ്​ കാരണം മാതാവി​െന അവസാനമായി ഒരുനോക്ക്​ കാണാൻ പോലും കഴിയാതിരുന്ന ഇർഫാൻ ആശുപത്രി കിടക്കയിൽ കിടന്ന്​ വീഡിയോ കാളിങ്ങിലൂടെയായിരുന്നു മാതാവി​​​​െൻറ ഖബറടക്ക ചടങ്ങുകൾ വീക്ഷിച്ചത്​. മറ്റൊരു സിനിമയുടെ ക്ലൈമാക്​സ്​ പോലെ നാല്​ ദിവസം കഴിഞ്ഞപ്പോൾ ആ മകനും യാത്രയായി.