ലീഗും വനിതാ പ്രാതിനിധ്യവും

ഖമറുന്നീസ അൻവർ, നൂർബിന റഷീദ്, കെ.പി മറിയുമ്മ

സ്​ത്രീകളുടെ പ്രാതിനിധ്യം കൊണ്ട്​ പ്രശംസ നേടിയ മുസ്​ിംലീഗി​​​െൻറ പുതിയ സംസ്​ഥാന കമ്മിറ്റിയുടെ വലിപ്പം പാർട്ടിയുടെ ചരിത്രമറിയുന്നവരെ വിസ്​മയിപ്പിക്കും. പാർട്ടി അംഗത്വത്തിൽ അഞ്ച്​ ലക്ഷത്തോളം വർധനയുണ്ടാവുകയും ആനുപാതികമായി കൗൺസിലർമാരുടെ എണ്ണം കൂടുകയും​ ചെയ്​തു എന്നത്​ അവകാശ വാദമാണ്​. അത്​ നേതൃപദവിയിൽ ഇത്രത്തോളം നീണ്ട പട്ടിക കടന്നു വരാൻ ഇടയായി എന്ന്​ ന്യായീകരിക്കപ്പെടുന്നത്​ അതിശയോക്​തിപരമായിരിക്കും. പാർട്ടിയുടെ ചരിത്രത്തിൽ ഇന്നേവരെ ഉണ്ടാവാത്ത ജംബോ കമ്മിറ്റി നൽകുന്ന സന്ദേശം മുസ്​ലിംലീഗിനും കോൺഗ്രസ്​ ബാധയേറ്റതി​​​െൻറ ലക്ഷണമാണ്​ എന്നതാണ്​.

അഞ്ച് ​വീതം സഹഭാരവാഹികളുണ്ടായിരുന്ന സ്​ഥാനത്താണ്​ 12 വീതം വൈസ്​പ്രസിഡൻറുമാരും, സെക്രട്ടറിമാരും നിലവിൽ വന്നിരിക്കുന്നത്​. ജില്ലകളിൽ പുതിയ നേതൃത്വത്തിന്​ വഴിമാറി കൊടുത്ത മുതിർന്നവരെ ഇരുത്താൻ വേറെ കസേരയില്ലാത്തതിനാലാണ്​ സഹഭാരവാഹിത്വത്തി​​​െൻറ പട്ടിക വലുതായത്​.പക്ഷെ, കോൺഗ്രസിനെ പോലൊരു ജംബോ കമ്മിറ്റിയുടെ ഭാവി വാളെടുത്തവരെല്ലാം വെളിച്ചപ്പാടുകളാവുന്നതാവും എന്ന്​ വിലയിരുത്തുന്നവരുണ്ട്​. സമസ്​തയെയും, കൊടപ്പനക്കൽ കുടുംബത്തെയും പാർട്ടി ആഭ്യന്തര വേദിയിൽ കടുത്ത ഭാഷയിൽ വിമർശിച്ചവർ പോലും സഹഭാരവാഹിയായി എന്നാണ്​ ചൂണ്ടികാണിക്കപ്പെടുന്നത്​.

ഇ. അഹമ്മദ്​, കുഞ്ഞാലിക്കുട്ടി ഗ്രൂപ്പിസം പിരിമുറുകി നിന്ന കാലഘട്ടത്തിൽ​ പോലും ഭാരവാഹികളുടെ വീതം വെപ്പ്​ അതി​​​െൻറ പരിധി വിട്ടിരുന്നില്ല. ഇപ്പോഴാവ​െട്ട പാർടിയിൽ അങ്ങിനെയൊരു  ഭിന്നചേരി നിലവിലില്ലെന്നാണ്​ പറയുന്നത്​. പക്ഷെ, പരിഗണിക്കേണ്ടവരുടെ എണ്ണവും, ജില്ലകളിൽ അസംതൃപ്​തരായി വേദനിച്ചു നിൽക്കുന്നവരുടെ എണ്ണവും കൂടിയപ്പോൾ അവരെയെല്ലാം ആശ്വസിപ്പിക്കാൻ പദവി നൽകുക എന്ന ഒറ്റമൂലിൽ ഒതുങ്ങേണ്ടി വന്നു. അതാണ്​ ജംബോ കമ്മിറ്റിയായി മാറിയത്​. കോൺഗ്രസും ചെയ്​ത്​ കൊണ്ടിരിക്കുന്നത്​ ഇതൊക്കെ തന്നെയാണ്​.

സംഘടനാ ​തെരഞ്ഞെടുപ്പ്​ ജനാധിപത്യപരമായി താഴെ തട്ടിൽ നിർവഹിച്ചു എന്നത്​ മുസ്​ലിംലീഗി​ന്​ അഭിമാനിക്കാവുന്നതാണ്​. മെമ്പർഷിപ്പ്​ കാമ്പയിനിലൂടെ നിലവിൽ വന്ന ബൂത്ത്​തല ഘടന തൊട്ട്​ ജില്ലാതലം വരെ റി​േട്ടണിംങ്ങ്​ ഒാഫീസർമാരെ നിയമിച്ചാണ്​ ലീഗ്​ പുതിയ കൗൺസിലർമാരെയും ജില്ലാ, മണ്​ഡലം, പഞ്ചായത്ത്​ നേതൃത്വത്തെയും തെരഞ്ഞെടുത്തത്​. പക്ഷെ, സംസ്​ഥാന സെക്രട്ടറിയേറ്റിലേക്കും, ഭാരവാഹിത്വത്തിലേക്കും അതൊന്നും വേണ്ടി വന്നില്ല എന്നത്​ വേറെ കാര്യം. ഭാരവാഹികളുടെ പട്ടിക അവതരിപ്പിക്കുമെന്നും അത്​ തക്​ബീർ ചൊല്ലി അംഗീകരിക്കണമെന്നുമായിരുന്നു കൗൺസിൽ​ യോഗത്തിൽ അധ്യക്ഷ വേദിയിൽ നിന്നുള്ള അഭ്യർഥന. ഇൗ ഒരാഹ്വാനത്തിൽ, താഴെതട്ടിൽ അത് ​വരെയും പാലിച്ചുപോന്ന തെരഞ്ഞെടുപ്പ്​ നടപടി ചട്ടങ്ങളെല്ലാം പുകമറയായി തീർന്നു. കൗൺസിലിനും സെക്രട്ടറിയേറ്റിനും ഇടയിൽ വർക്കിംങ്​ കമ്മിറ്റി ​എന്നൊരു സംവിധാനം കൂടി ഉണ്ട്​. അത്​ നിശ്​ചയിക്കാതെയാണ്​ കൗൺസിൽ പിരിഞ്ഞത്​ എന്നതും ശ്രദ്ധേയമാണ്​. ജില്ലാ ഭാരവാഹികളുമായി കൂടിയാലോചിച്ച്​ വർക്കിങ്ങ്​ കമ്മിറ്റിയെ ഇനി ‘നിയോഗിക്കുക’ യാവും നേതൃത്വത്തി​​​െൻറ അടുത്ത ചുവട്​ വെപ്പ്​.

league-victory

​സംഘടനാ തെരഞ്ഞെടുപ്പ്​ ജനാധിപത്യപരമായി നിർവഹിച്ചുവെങ്കിലും പലേടത്തും അതുമായി ബന്​ധപ്പെട്ട്​ ഉയർന്ന പരാതികൾ നിരവധി സംസ്​ഥാന നേതൃത്വത്തിന്​ മുന്നിലെത്തിയിട്ടുണ്ട്​. കോഴിക്കോട്​ ജില്ലയിൽ നിന്ന്​ ഒരു മണ്​ഡലം കമ്മിറ്റിയിൽ നിന്ന്​ തർക്കം​ കോടതി കയറുമെന്ന മുന്നറിയപ്പോടെയാണ്​ സംസ്​ഥാന നേതൃത്വത്തിന്​ പരാതി വന്നത്​. ബാഫഖിതങ്ങൾ മുതൽ സി.എച്ച്​ മുഹമ്മദ്​കോയവരെയുള്ള പ്രമുഖ സാരഥികളുടെ ജില്ലയായ കോഴിക്കോട്​ നിന്ന്​ ഇക്കുറി പി.കെ.കെ.ബാവയെ ട്രഷറർ സ്​ഥാനത്ത്​ നിന്ന്​ മാറ്റി 12 സഹഭാരവാഹികളി​ലൊരാളാക്കി​.മുഖ്യസ്​ഥാനങ്ങളിൽ മൂന്നാമതായ ട്രഷറർ പദവിയിൽ നിന്ന്​ ബാവയെ മാറ്റി ചെർക്കളം അബ്​ദുല്ലയെ ഏൽപിച്ചത്​ കാസർകോ​െട്ട സമവായത്തി​​​െൻറ തുടർച്ചയാണ്​. കാസർകോട്ടു നിന്ന്​ ഹമീദലി ശംനാട്​ മുമ്പ്​ സംസ്​ഥാന ട്രഷറർ ആയിരുന്നു എന്ന ന്യായം അതിനുണ്ട്​. പക്ഷെ, പി.കെ.കെ.ബാവയെ 12 പേരിൽ ഒരാളാക്കിയതി​​​െൻറ ന്യായം കോഴി​ക്കോട്​ ജില്ലയിൽ പുകയാതിരിക്കില്ല. സെ​ക്രട്ടറിയേറ്റിൽ സ്​ത്രീകളെയും,ദലിതരെയും, യുവാക്കളെയും എല്ലാം പരിഗണിച്ചപ്പോൾ പാർട്ടിക്ക്​ സാമ്പത്തിക കരുത്ത്​ പകരുന്ന കെ.എം.സി.സി.യുടെ പ്രാതിനിധ്യം വേണ്ടത്ര ഉണ്ടായിട്ടില്ല എന്ന പരിഭവവും ഉയരുന്നുണ്ട്​.

വനിതാ സാന്നിധ്യം: സമസ്​തയുടെ നിലപാട്​ എന്താവും? 
​മൂന്ന്​ വനിതകളെ സംസ്​ഥാന സെക്രട്ടറിയേറ്റിൽ ഉൾപ്പെടുത്തിയത്​ പാർട്ടിയിലെ സുന്നി വിഭാഗം എങ്ങിനെ കണ്ടറിയണം. തദ്ദേശ തെരഞ്ഞെടുപ്പിൽ വനിതാ​ സംവരണം ചെയ്​തപ്പോൾ തന്നെ സ്​ത്രീകൾക്ക്​ മൽസരിക്കാൻ മുസ്​ലിംലീഗിന്​ അവരുടെ ആത്​മീയ നേതൃത്വത്തിൽ നിന്ന്​ മൗനാനുവാദം പോലും കിട്ടിയിരുന്നില്ല. പക്ഷെ, ഒരു രാഷ്​ട്രീയ പ്രസ്​ഥാനം എന്ന വസ്​തു മുന്നിൽ വെച്ച്​ ലീഗ്​ അന്നത്​ തരണം ചെയ്​തു. പക്ഷെ,തദ്ദേശ സ്​ഥാപനങ്ങളിലെ ആദ്യ സംവരണ സീറ്റുകളിൽ മുസ്​ലിംലീഗിലെ സലഫി സ്​ത്രീകളാണ്​ അന്ന്​ പഞ്ചായത്തുകളിൽ ഏറെ കടന്നു വന്നത്​.

പിന്നീടത്​ മാറി.സമസ്​ത അനുവാദം നൽകാതെ തന്നെ ഒറ്റപ്പെട്ട സുന്നി വനിതകൾ പഞ്ചായത്തുകളിൽ കടന്നു വന്നു. വനിതാലീഗിനെ പാർട്ടി ശാഖകൾ​ ​തോറും ശക്​തിപ്പെടുത്താൻ തീരുമാനിച്ചു ​മുന്നോട്ട്​ പോയത്​ അതിന്​ ശേഷമാണ്​. കഴിവുള്ള സ്​ത്രീകളെ രംഗത്ത്​ കൊണ്ടുവരാനുള്ള ​ശ്രമമാണ്​ ഇതിന്​ ശേഷം നടന്നത്​. എം.എസ്​.എഫ്​.ആവ​െട്ട ഏതാനും വർഷം മുമ്പ്​ ​പെൺകുട്ടികളെ അണിനിരത്തി പ്രകടനം നടത്തി പുതിയ പാത വെട്ടി. കമ്മ്യൂണിസ്​റ്റുകളും​ കോൺഗ്രസുകാര​ും മറ്റ്​ പാർട്ടിക്കാരും സ്​ത്രീകളെ പ്രകടനങ്ങളിൽ അണിനിരത്തുന്നത്​ പോലെ തങ്ങൾക്കാവില്ല എന്ന്​ ലീഗ്​ ഇപ്പോഴും വിശ്വസിക്കുന്നു.

വനിതാ ലീഗ്​ ഘടന ഒരൽപം സടകുടഞ്ഞ്​ മുന്നേറിയപ്പോഴും പാർട്ടി പ്രകടനങ്ങളിൽ സ്​ത്രീകൾ അണിനിരന്നിട്ടില്ല. സമസ്​തയെ ഭയന്നാണിത്​ എന്ന്​ വിലയിരുത്തപ്പെടുന്നു. ഏറ്റവും ഒടുവിൽ​ കഴിഞ്ഞ നിയമസഭാ തെരഞ്ഞെടുപ്പിൽ ടിക്കറ്റ്​ നൽകണമെന്ന സമർദ്ദം വനിതാ ലീഗിൽ നിന്ന്​ ഉണ്ടായപ്പോഴും സമസ്​ത എന്ന ചാട്ടവാർ കാണിച്ചാണ്​ ഒരുക്കി നിർത്തിയത്​. ഇനിയിപ്പോൾ സെക്രട്ടറിയേറ്റിലേക്ക്​ മൂന്ന്​ വനിതകൾ കടന്നു വന്നതോടെ നിയമസഭയിലേക്കും ​സ്​ത്രീകൾക്ക്​ സീറ്റ്​ നൽകേണ്ടി വരുമെന്ന്​ ഉറപ്പായിരിക്കുന്നു. 

പ​ക്ഷെ പ്രശ്​നം അതൊന്നുമല്ല. സ്​ത്രീകളുടെ പൊതുരംഗ​ത്തെ സാന്നിധ്യത്തെക്കുറിച്ച്​ സമസ്​ത മുസ്​ലിംലീഗി​ന്​ വേണ്ടി പുതിയ ഫത്​വയൊന്നും പുറ​പ്പെടുവിച്ചിട്ടില്ല. കേരളത്തിലെ മഹല്ല്​ കമ്മിറ്റികളിൽ സ്​ത്രീകളെ ഉൾപ്പെടുത്തണമെന്ന ആവശ്യം ചില കോണുകളിൽ ശക്​തമാണ്​. എന്നാൽ,വോട്ടർ പട്ടിക ഉൾപ്പെടുത്തി വാശിയേറിയ വോ​െട്ടടുപ്പ്​ നടന്ന മഹല്ലുകളിൽ പോലും സ്​ത്രീകൾക്ക്​ വോട്ടവകാശം ഇല്ലായിരുന്നു. അതായത്​, സമസ്​തയുടെ ഇൗ വിഷയത്തിലുള്ള നിലപാട്​ പഴയത്​ തന്നെയാണ്​. അത്​ വകവെക്കാതെയുള്ള തീരുമാനം മുസ്​ലിം ലീഗി​​​െൻറ ആർജവത്തി​​​െൻറ തെളിവായി ചൂണ്ടികാണിക്കപ്പെടുന്നുവെങ്കിലും, അത്തരമൊരു തീരുമാന​െമടുക്കുന്നത്​ സമസ്​ത കുടുംബത്തി​​​െൻറ നായക സ്​ഥാനം കൂടി വഹിക്കുന്ന ഹൈദരലി തങ്ങളുടെ അധ്യക്ഷതയിലാണ് എന്നതാണ്​ ശ്രദ്ധേയം. മുജാഹിദ്​ വേദിയിൽ പ​​െങ്കടുത്തതിന്​ യൂത്ത്​ലീഗി​​​െൻറ അധ്യക്ഷനായിട്ട്​ പോലും മുനവ്വറലിയോട്​ വിശദീകരണം ചോദിച്ചവർ, സ്​ത്രീ പങ്കാളിത്ത തീരുമാനത്തി​​​െൻറ അധ്യക്ഷനോട്​ എന്ത്​ സമീപനം സ്വീകരിക്കുമെന്നാണ്​ ചോദ്യം.
 

COMMENTS