ഇ​ന്ത്യ​ക്കു​വേ​ണ്ടി ഇ​ൻ​ഡ്യ ചെ​യ്യേ​ണ്ട​ത്

പ്ര​തി​പ​ക്ഷ ഐ​ക്യ​ത്തി​നു​വേ​ണ്ടി മാ​ത്ര​മു​ള്ള അ​ഭ്യാ​സ​മാ​യി ഒ​തു​ങ്ങി​യി​ല്ലെ​ങ്കി​ൽ ഇ​ൻ​ഡ്യ​ മുന്നണിയു രൂ​പ​വ​ത്ക​ര​ണം 2024ൽ ​ഇ​ന്ത്യ​ക്ക് ഒ​രു വ​ഴി​ത്തി​രി​വാ​യേ​ക്കാം. തെ​ര​ഞ്ഞെ​ടു​പ്പി​ന് മു​മ്പോ ശേ​ഷ​മോ രൂ​പ​പ്പെ​ടു​ന്ന സ​ഖ്യ​ങ്ങ​ളെ​പ്പോ​ലെ - തെ​ര​ഞ്ഞെ​ടു​പ്പി​ൽ വോ​ട്ടു​ക​ൾ സ്വ​രൂ​പി​ക്കാ​നോ അ​ല്ലെ​ങ്കി​ൽ തെ​ര​ഞ്ഞെ​ടു​പ്പി​നു​ശേ​ഷം സീ​റ്റു​ക​ൾ ഒ​ന്നി​പ്പി​ക്കാ​നോ സാ​ധി​ക്കും എ​ന്ന​ത് ഇ​ൻ​ഡ്യ രൂ​പ​വ​ത്ക​ര​ണ​ത്തി​ന്റെ അ​ധി​ക​നേ​ട്ടം ത​ന്നെ​യാ​ണ്. എ​ന്നാ​ൽ, ഇ​ന്ത്യ എ​ന്ന ആ​ശ​യ​ത്തെ​ത്ത​ന്നെ ആ​വി​ഷ്‌​ക​രി​ക്കാ​നും പ്ര​യോ​ജ​ന​പ്പെ​ടു​ത്താ​തെ കി​ട​ക്കു​ന്ന മു​ഴു​വ​ൻ ഊ​ർ​ജ​ങ്ങ​ളെ​യും സം​യോ​ജി​പ്പി​ക്കാ​നും സാ​ധി​ച്ചാ​ൽ, അ​ടി​ത്ത​ട്ടി​ലു​ള്ള മ​നു​ഷ്യ​രു​ടെ അ​ഭി​ലാ​ഷ​ങ്ങ​ളെ അ​തു​വ​ഴി ജ്വ​ലി​പ്പി​ക്കു​ക​യാ​ണെ​ങ്കി​ൽ, “ജു​ഡേ​ഗ ഭാ​ര​ത്, ജീ​തേ​ഗ” (ഒ​രു​മി​ക്കും, ഇ​ന്ത്യ വി​ജ​യി​ക്കും) എ​ന്ന മു​ദ്രാ​വാ​ക്യ​ത്തി​ന​നു​സാ​ര​മാ​യി നീ​ങ്ങു​ക​യാ​ണെ​ങ്കി​ൽ ഇ​ൻ​ഡ്യ വ​ലി​യൊ​രു മാ​റ്റം ത​ന്നെ സൃ​ഷ്ടി​ക്കും.

ഇ​ൻ​ഡ്യ​യു​ടെ ആ​ദ്യ ര​ണ്ട് ചു​വ​ടു​ക​ളും ശ​രി​യാ​യ ദി​ശ​യി​ലാ​ണ്. പ്ര​ത്യ​ക്ഷ​ത്തി​ൽ കാ​ണു​ന്ന​ത്ര നി​രാ​ശ​ജ​ന​ക​മ​ല്ല പ്ര​ധാ​ന പ്ര​തി​പ​ക്ഷ പാ​ർ​ട്ടി​ക​ളെ​ന്നും അ​വ​ർ​ക്ക് ഒ​രു​മി​ച്ച് ഇ​രി​ക്കാ​ൻ മാ​ത്ര​മ​ല്ല, ഏ​കോ​പി​ത പ്ര​വ​ർ​ത്ത​ന​ങ്ങ​ൾ​ക്ക് തു​ട​ക്ക​മി​ടാ​ൻ സാ​ധി​ക്കു​മെ​ന്നും ജൂ​ൺ 23ന് ​പ​ട്‌​ന​യി​ൽ ന​ട​ന്ന സ​മ്മേ​ള​നം കാ​ണി​ച്ചു​ത​ന്നു.

ജൂ​ലൈ 17, 18 തീ​യ​തി​ക​ളി​ൽ ന​ട​ന്ന ബം​ഗ​ളൂ​രു മീ​റ്റി​ങ്ങി​ലാ​വ​ട്ടെ നേ​രി​യ അ​ഭി​പ്രാ​യ വ്യ​ത്യാ​സ​ങ്ങ​ൾ മാ​റ്റി​വെ​ച്ച്, ഒ​രു സ​മ​വാ​യ പ്ര​സ്താ​വ​ന വി​ക​സി​പ്പി​ക്കാ​നും സ​ഖ്യ​ത്തി​ന് പു​തി​യ പേ​ര് ക​ണ്ടെ​ത്താ​നു​മു​ള്ള അ​വ​രു​ടെ കൂ​ട്ടാ​യ ക​ഴി​വ് പ്ര​ക​ട​മാ​യി. മൃ​ത്യാ​സ​ന്ന​മാ​യി​ക്കി​ട​ന്നി​രു​ന്ന എ​ൻ.​ഡി.​എ​യെ പു​ന​രു​ജ്ജീ​വി​പ്പി​ക്കാ​ൻ ബി.​ജെ.​പി തി​ര​ക്കി​ട്ട് ന​ട​ത്തി​യ ശ്ര​മ​ങ്ങ​ളും പ്ര​ധാ​ന​മ​ന്ത്രി​യു​ടെ പ്ര​തി​ക​ര​ണ​വും ഭ​ര​ണ​ക​ക്ഷി​യു​ടെ ബേ​ജാ​റ് വ്യ​ക്ത​മാ​ക്കു​ന്നു. അ​തൊ​രു ന​ല്ല ല​ക്ഷ​ണ​മാ​ണ്.

ഇ​ന്ത്യ​ൻ നാ​ഷ​ന​ൽ ഡെ​വ​ല​പ്മെ​ന്റ് ഇ​ൻ​ക്ലൂ​സി​വ് അ​ല​യ​ൻ​സ് എ​ന്ന നീ​ണ്ട പൂ​ർ​ണ​രൂ​പം മ​റ​ന്നേ​ക്കൂ- ഇ​ൻ​ഡ്യ എ​ന്ന ആ ​പേ​ര്, അ​ത്യു​ജ്ജ്വ​ല​മാ​യി. ദീ​ർ​ഘ​കാ​ല​ത്തി​നി​ടെ ആ​ശ​യ വി​നി​മ​യ​ത്തി​ന് പ്ര​തി​പ​ക്ഷം ന​ട​ത്തി​യ മി​ക​ച്ച ശ്ര​മ​ങ്ങ​ളി​ലൊ​ന്നാ​ണി​ത്. ഇ​ന്ത്യ എ​ന്ന ആ​ശ​യ​ത്തി​ന്റെ വീ​ണ്ടെ​ടു​പ്പി​നെ പ്ര​തീ​ക​വ​ത്ക​രി​ക്കു​ന്ന​തി​നൊ​പ്പം ബി.​​ജെ.​പി​യെ​യും അ​വ​രു​ടെ മാ​ധ്യ​മ സ​ഭാം​ഗ​ങ്ങ​ളെ​യും വി​ഷ​മ​വൃ​ത്ത​ത്തി​ലാ​ക്കു​ക​യും ചെ​യ്യു​ന്നു.

ബി.​ജെ.​പി പാ​ള​യ​ത്തി​ൽ​നി​ന്നു​ള്ള ആ​ദ്യ പ്ര​തി​ക​ര​ണ​ത്തി​ൽ അ​തി​ന്റെ അ​സ്വാ​ര​സ്യം പ്ര​ക​ട​മാ​ണ്. ക​യ്ച്ചി​ട്ട് ഇ​റ​ക്കാ​നും വ​യ്യ, മ​ധു​രി​ച്ചി​ട്ട് തു​പ്പാ​നും ക​ഴി​യി​ല്ല എ​ന്നു പ​റ​യു​ന്ന അ​വ​സ്ഥ​യു​ണ്ട് അ​വ​ർ​ക്ക്. സ്റ്റാ​ർ​ട്ട് അ​പ് ഇ​ന്ത്യ, മേ​ക്ക് ഇ​ൻ ഇ​ന്ത്യ, സ്കി​ൽ ഇ​ന്ത്യ, ഡി​ജി​റ്റ​ൽ ഇ​ന്ത്യ തു​ട​ങ്ങി​യ​വ അ​ഭി​മാ​ന പ​ദ്ധ​തി​ക​ളാ​യി മു​ന്നോ​ട്ടു​വെ​ച്ച ബി.​ജെ.​പി​ക്ക് ‘ഇ​ന്ത്യ’ ഉ​പേ​ക്ഷി​ക്കാ​ൻ ക​ഴി​യി​ല്ല - ഇ​ന്ത്യ vs ഭാ​ര​ത് ദ്വ​ന്ദ്വ​വു​മാ​യി യു​വ​ത​ല​മു​റ​യെ സ​മീ​പി​ക്കാ​ൻ ക​ഴി​യി​ല്ല എ​ന്ന് മോ​ദി​ക്ക് ന​ന്നാ​യി അ​റി​യാം.

ന​ല്ല ഒ​രു പേ​രു​ണ്ട് എ​ന്ന​തു​കൊ​ണ്ട് ഭാ​വി മു​ഴു​വ​ൻ ശോ​ഭ​ന​മാ​യി എ​ന്ന് ഉ​റ​പ്പി​ക്കാ​നൊ​ന്നു​മാ​വി​ല്ല. പ്രാ​രം​ഭ നേ​ട്ട​ത്തെ ഉ​പ​യോ​ഗ​പ്പെ​ടു​ത്തി എ​ങ്ങ​നെ കെ​ട്ടി​പ്പ​ടു​ക്കു​ന്നു എ​ന്ന​തി​നെ ആ​ശ്ര​യി​ച്ചി​രി​ക്കു​ന്നു പു​തി​യ സ​ഖ്യ​ത്തി​ന്റെ സാ​ധ്യ​ത​ക​ൾ. പ്ര​തി​പ​ക്ഷ ഐ​ക്യ​ത്തി​ന്റെ​യോ വോ​ട്ട് സ​മാ​ഹ​ര​ണ​ത്തി​ന്റെ​യോ സീ​റ്റു​ക​ളു​ടെ സം​യോ​ജ​ന​ത്തി​ന്റെ​യോ പ​ഴ​യ ക​ണ്ണാ​ടി​യി​ലൂ​ടെ ഇ​ൻ​ഡ്യ​യെ കാ​ണ​രു​ത്; മ​റി​ച്ച് പു​തി​യ രാ​ഷ്ട്രീ​യ ഐ​ക്യം പ്ര​ത്യാ​ശ​യു​ടെ​യും തെ​രു​വു​ക​ളു​ടെ​യും സം​യോ​ജ​ന​മാ​വ​ണം.

വോ​ട്ട് സം​യോ​ജ​നം

ര​ണ്ടു​വ​ർ​ഷം മു​മ്പ് പ്ര​തി​പ​ക്ഷ ഐ​ക്യ​ത്തി​നാ​യി ന​ട​ന്ന അ​പ​ക്വ​മാ​യ ചി​ല നീ​ക്ക​ങ്ങ​ളോ​ട് പ്ര​തി​ക​രി​ച്ച് പ​ഴ​യ​മ​ട്ടി​ലു​ള്ള പ്ര​തി​പ​ക്ഷ ഐ​ക്യം ഒ​രു അ​ല​സ​മാ​യ ആ​ശ​യ​മാ​ണെ​ന്ന് ഞാ​ൻ എ​ഴു​തി​യി​രു​ന്നു. പ്ര​മു​ഖ പ്ര​തി​പ​ക്ഷ ക​ക്ഷി​ക​ളു​ടെ തെ​ര​ഞ്ഞെ​ടു​പ്പി​ന് മു​മ്പു​ള്ള ഒ​രു മ​ഹാ​സ​ഖ്യം

ബി.​ജെ.​പി​യെ പ​രാ​ജ​യ​പ്പെ​ടു​ത്താ​ൻ ആ​വ​ശ്യ​മോ പ​ര്യാ​പ്ത​മോ ആ​ണെ​ന്ന അ​നു​മാ​ന​ത്തി​ലെ തെ​റ്റു​ക​ളെ ആ ​ലേ​ഖ​ന​ത്തി​ൽ ചൂ​ണ്ടി​ക്കാ​ട്ടി​യി​രു​ന്നു. അ​തി​ലെ പ​ല വാ​ദ​ങ്ങ​ളും ഇ​പ്പോ​ഴും പ്ര​സ​ക്ത​മാ​ണ്. പ്ര​തി​പ​ക്ഷ പാ​ർ​ട്ടി​ക​ളു​ടെ അ​നൈ​ക്യം മൂ​ലം വോ​ട്ടു​ക​ൾ ഭി​ന്നി​ച്ചു​പോ​കു​ന്ന​ത​ല്ല ബി.​ജെ.​പി​യു​ടെ തെ​ര​ഞ്ഞെ​ടു​പ്പ് വി​ജ​യ​ങ്ങ​ളു​ടെ മു​ഖ്യ കാ​ര​ണം. പ്ര​ബ​ല​മാ​യി​രു​ന്ന കോ​ൺ​ഗ്ര​സി​നെ​തി​രെ പ്ര​വ​ർ​ത്തി​ച്ച പ്ര​തി​പ​ക്ഷ ഐ​ക്യ സൂ​ചി​ക​യു​ടെ പ​ഴ​ഞ്ച​ൻ യു​ക്തി ഇ​നി ഫ​ലി​ക്കി​ല്ല. ഇ​ന്ത്യ​യു​ടെ തെ​ര​ഞ്ഞെ​ടു​പ്പ് ഭൂ​മി​ശാ​സ്ത്ര​മാ​ണ് അ​തി​നു കാ​ര​ണം. ബി.​ജെ.​പി ഇ​പ്പോ​ഴും ഒ​രു പ്ര​ധാ​ന ശ​ക്തി​യ​ല്ലാ​ത്ത നി​ര​വ​ധി സം​സ്ഥാ​ന​ങ്ങ​ൾ (കേ​ര​ളം, പ​ഞ്ചാ​ബ്, ത​മി​ഴ്‌​നാ​ട്, തെ​ല​ങ്കാ​ന, ആ​ന്ധ്രാ​പ്ര​ദേ​ശ്) ഉ​ണ്ട്, അ​തി​നാ​ൽ അ​വ​ർ​ക്കെ​തി​രെ മു​ഴു​വ​ൻ പ്ര​തി​പ​ക്ഷ​ത്തെ​യും ഒ​ന്നി​പ്പി​ക്കു​ന്ന​ത് അ​ർ​ഥ​ശൂ​ന്യ​മാ​ണ്. പി​ന്നെ പ​ശ്ചി​മ ബം​ഗാ​ൾ, ഛത്തി​സ്ഗ​ഢ്, ഒ​ഡി​ഷ തു​ട​ങ്ങി​യ സം​സ്ഥാ​ന​ങ്ങ​ളി​ൽ പ്ര​ബ​ല​രാ​യ ബി.​ജെ.​പി ഇ​ത​ര പാ​ർ​ട്ടി​ക്ക് സ​ഖ്യ പ​ങ്കാ​ളി​യു​ടെ ആ​വ​ശ്യ​മി​ല്ല. ബി.​ജെ.​പി​യും കോ​ൺ​ഗ്ര​സും നേ​രി​ട്ട് ഏ​റ്റു​മു​ട്ടു​ന്ന, ബി.​ജെ.​പി മോ​ധാ​വി​ത്വം പു​ല​ർ​ത്തു​ന്ന മ​ധ്യ​പ്ര​ദേ​ശ്, ഹി​മാ​ച​ൽ പ്ര​ദേ​ശ്, ഉ​ത്ത​രാ​ഖ​ണ്ഡ്, ഗു​ജ​റാ​ത്ത്, രാ​ജ​സ്ഥാ​ൻ പോ​ലു​ള്ള വി​ശാ​ല പ്ര​ദേ​ശ​ങ്ങ​ളി​ൽ സ​ഖ്യം ചേ​രാ​ൻ വേ​റെ പ്ര​തി​പ​ക്ഷ പാ​ർ​ട്ടി​ക​ളു​മി​ല്ല.

വോ​ട്ട് വി​ഭ​ജ​നം​കൊ​ണ്ട് ബി.​ജെ.​പി​ക്ക് നേ​ട്ട​മു​ണ്ടാ​കു​ന്ന മ​ഹാ​രാ​ഷ്ട്ര, ഝാ​ർ​ഖ​ണ്ഡ്, ബി​ഹാ​ർ, അ​സം പോ​ലു​ള്ള സം​സ്ഥാ​ന​ങ്ങ​ളി​ൽ പ്രാ​ദേ​ശി​ക ത​ല​ത്തി​ൽ പ്ര​തി​പ​ക്ഷ ഐ​ക്യം ഇ​പ്പോ​ൾ​ത​ന്നെ നി​ല​വി​ലു​ണ്ട്. അ​ങ്ങ​നെ വ​രു​മ്പോ​ൾ ഇ​ൻ​ഡ്യ​യി​ലെ പാ​ർ​ട്ടി​ക​ളു​ടെ തെ​ര​ഞ്ഞെ​ടു​പ്പി​നു മു​മ്പു​ള്ള കൂ​ട്ടു​കെ​ട്ടി​ലൂ​ടെ വോ​ട്ട് സം​യോ​ജ​നം കൊ​ണ്ട് വ​ലി​യ മാ​റ്റ​മു​ണ്ടാ​ക്കാ​ൻ സാ​ധി​ക്കു​ന്ന സം​സ്ഥാ​ന​ങ്ങ​ളാ​യി ഡ​ൽ​ഹി​യും യു.​പി​യും മാ​ത്രം അ​വ​ശേ​ഷി​ക്കു​ന്നു. ഈ ​സം​സ്ഥാ​ന​ങ്ങ​ളു​ടെ പ്ര​ത്യേ​ക​ത ക​ണ​ക്കി​ലെ​ടു​ക്കു​മ്പോ​ൾ, ധാ​ര​ണ ച​ർ​ച്ച​ക​ൾ ക​ടു​പ്പ​മേ​റി​യ​തും അ​നി​ശ്ചി​ത​ത്വം നി​റ​ഞ്ഞ​തു​മാ​വും. ഇ​ൻ​ഡ്യ രൂ​പ​വ​ത്ക​ര​ണം വ​ഴി ഇ​വി​ടെ നാ​ട​കീ​യ​മാ​യ ഒ​രു മു​ന്നേ​റ്റം പ്ര​തീ​ക്ഷി​ക്കാ​തി​രി​ക്കു​ന്ന​താ​ണ് ന​ല്ല​ത്. ബി.​ജെ.​പി​ക്കെ​തി​രെ വോ​ട്ടു​ചെ​യ്യാ​നാ​യി ഒ​രു പ്ര​തി​പ​ക്ഷ സം​യു​ക്ത സ്ഥാ​നാ​ർ​ഥി​യെ കാ​ത്തി​രി​ക്കു​ക​യാ​ണ് വോ​ട്ട​ർ​മാ​ർ എ​ന്ന് ക​രു​താ​നാ​വി​ല്ല.

സീ​റ്റു​ക​ളു​ടെ സം​യോ​ജ​നം

സീ​റ്റ് സ​മാ​ഹ​ര​ണ​ത്തി​ന്റെ വെ​ല്ലു​വി​ളി താ​ര​ത​മ്യേ​ന ല​ളി​ത​വും ന​മ്മു​ടെ തെ​ര​ഞ്ഞെ​ടു​പ്പ് ഭൂ​മി​ശാ​സ്ത്ര പ്ര​കാ​രം കൂ​ടു​ത​ൽ പ്ര​സ​ക്ത​വു​മാ​ണ്. വ്യ​ത്യ​സ്‌​ത പാ​ർ​ട്ടി​ക​ൾ അ​വ​രു​ടെ മേ​ഖ​ല​യി​ൽ സ്വ​ന്തം നി​ല​യി​ൽ സീ​റ്റു​ക​ൾ നേ​ടു​ക​യും പി​ന്നീ​ട് സ​ർ​ക്കാ​ർ രൂ​പ​വ​ത്ക​രി​ക്കാ​ൻ തെ​ര​ഞ്ഞെ​ടു​പ്പി​നു​ശേ​ഷം സ​ഖ്യ​മു​ണ്ടാ​ക്കു​ക​യും ചെ​യ്യു​ന്നു. 2004ലെ ​പൊ​തു തെ​ര​ഞ്ഞെ​ടു​പ്പി​നു​ശേ​ഷം യു.​പി.​എ -1 രൂ​പ​വ​ത്കൃ​ത​മാ​യ​ത് ഈ ​മാ​തൃ​ക​യി​ലാ​ണ്.

ഇ​ൻ​ഡ്യ പോ​ലൊ​രു പ്രീ-​പോ​ൾ സ​ഖ്യം രൂ​പ​വ​ത്ക​രി​ക്കു​ന്ന​ത് തെ​ര​ഞ്ഞെ​ടു​പ്പി​ന് ശേ​ഷ​മു​ള്ള സീ​റ്റ് സ​മാ​ഹ​ര​ണ​ത്തി​ന് സ​ഹാ​യി​ക്കും. എ​ന്നാ​ൽ, സ​ർ​ക്കാ​ർ രൂ​പ​വ​ത്ക​ര​ണ​ത്തി​ന് അ​മി​ത ഊ​ന്ന​ൽ ന​ൽ​കു​ന്ന​ത് വി​പ​രീ​ത ഫ​ല​മു​ണ്ടാ​ക്കും. ഈ ​കൂ​ട്ടു​കെ​ട്ട് അ​വ​സ​ര​വാ​ദ​പ​ര​മാ​ണെ​ന്നും ഒ​രു വ്യ​ക്തി​യെ പു​റ​ത്താ​ക്കാ​ൻ പ്ര​തി​പ​ക്ഷം ഒ​ത്തു​ചേ​ർ​ന്നു​വെ​ന്നു​മു​ള്ള പ്ര​ചാ​ര​ണം ബി.​ജെ.​പി ന​ട​ത്തി​യേ​ക്കും.

എ​ന്താ​യാ​ലും, 2024ലെ ​തെ​ര​ഞ്ഞെ​ടു​പ്പി​ന് ശേ​ഷ​മു​ള്ള സാ​ഹ​ച​ര്യം ഇ​പ്പോ​ൾ പ്ര​വ​ചി​ക്കു​ന്ന​ത് ഏ​റെ നേ​ര​ത്തെ ആ​യി​പ്പോ​കും. ബം​ഗ​ളൂ​രു​വി​ൽ യോ​ഗം ചേ​ർ​ന്ന 26 ക​ക്ഷി​ക​ളും പു​തു​താ​യി പു​ന​രു​ജ്ജീ​വി​പ്പി​ച്ച എ​ൻ.​ഡി.​എ​യി​ൽ കാ​ണു​ന്ന 39 പാ​ർ​ട്ടി​ക​ളും എ​വി​ടെ നി​ൽ​ക്കു​മെ​ന്ന കാ​ര്യം അ​ന്തി​മ ക​ണ​ക്ക് ല​ഭി​ക്കു​ന്ന​തു​വ​രെ ന​മു​ക്ക് ഉ​റ​പ്പി​ക്കാ​നാ​വി​ല്ല. അ​തു​കൊ​ണ്ടു​ത​ന്നെ ഇ​ൻ​ഡ്യ​യു​ടെ മൂ​ല്യം പ​ര​മ്പ​രാ​ഗ​ത തെ​ര​ഞ്ഞെ​ടു​പ്പ് സ​ഖ്യ​ങ്ങ​ളു​ടെ ക​ണ​ക്കു കൊ​ണ്ട് ക​ണ്ടെ​ത്താ​നാ​വി​ല്ല.

മ​റി​ച്ച് 2024ലെ ​തെ​ര​ഞ്ഞെ​ടു​പ്പ് സ​മ​വാ​ക്യം മാ​റ്റാ​നു​ള്ള അ​തി​ന്റെ സാ​ധ്യ​ത​യി​ലും ആ​ശ​യ വി​നി​മ​യ​ത്തി​ലൂ​ടെ​യും മ​ണ്ണി​ലി​റ​ങ്ങി പ്ര​വ​ർ​ത്തി​ച്ചും ജ​ന​ങ്ങ​ളു​ടെ​യും അ​വ​രു​ടെ പ്ര​തീ​ക്ഷ​ക​ളു​ടെ​യും സം​യോ​ജ​ന​ത്തി​ലൂ​ടെ വോ​ട്ട​ർ​മാ​രി​ലേ​ക്ക് കൈ​മാ​റാ​ൻ ക​ഴി​യു​ന്ന സ​ന്ദേ​ശ​ത്തി​ലു​മാ​ണ്.

തെ​രു​വി​ലെ സം​യോ​ജ​നം

ഇ​ൻ​ഡ്യ​യു​ടെ ഭാ​ഗ​മാ​യ 26 പാ​ർ​ട്ടി​ക​ൾ പു​റ​പ്പെ​ടു​വി​ച്ച ആ​ദ്യ സം​യു​ക്ത പ്ര​സ്താ​വ​ന സ്വേ​ച്ഛാ​ധി​പ​ത്യ രാ​ഷ്ട്രീ​യം (ഭ​ര​ണ​ഘ​ട​ന, ഫെ​ഡ​റ​ലി​സം, ജ​നാ​ധി​പ​ത്യ അ​വ​കാ​ശ​ങ്ങ​ൾ, രാ​ഷ്ട്രീ​യ എ​തി​ർ​പ്പ് എ​ന്നി​വ​ക്കെ​തി​രാ​യ ക​ട​ന്നു​ക​യ​റ്റം), സാ​മൂ​ഹി​ക ബ​ഹി​ഷ്‌​ക​ര​ണം (ന്യൂ​ന​പ​ക്ഷ​ങ്ങ​ൾ​ക്കും മ​റ്റ് സാ​മൂ​ഹി​ക​മാ​യി പാ​ർ​ശ്വ​വ​ത്ക​രി​ക്ക​പ്പെ​ട്ട വി​ഭാ​ഗ​ങ്ങ​ൾ​ക്കും എ​തി​രാ​യ വി​ദ്വേ​ഷ​വും അ​ക്ര​മ​വും മ​ണി​പ്പൂ​രി​ലെ ദു​ര​ന്ത​വും), സാ​മ്പ​ത്തി​ക പ്ര​തി​സ​ന്ധി (വി​ല​ക്ക​യ​റ്റം, തൊ​ഴി​ലി​ല്ലാ​യ്മ, ച​ങ്ങാ​ത്ത മു​ത​ലാ​ളി​ത്തം, ദേ​ശീ​യ ആ​സ്തി​ക​ളു​ടെ വി​ൽ​പ​ന​യും ക​ർ​ഷ​ക​രു​ടെ അ​വ​സ്ഥ​യും) തു​ട​ങ്ങി അ​വ​ർ ചെ​റു​ക്കാ​ൻ ല​ക്ഷ്യ​മി​ടു​ന്ന നി​ല​വി​ലെ ഭ​ര​ണ​സം​വി​ധാ​ന​ത്തി​ന്റെ നി​ര​വ​ധി പ്ര​ശ്‌​ന​ങ്ങ​ൾ രേ​ഖ​പ്പെ​ടു​ത്തി​യി​രി​ക്കു​ന്നു.

ദേ​ശീ​യ​ത​ല​ത്തി​ലെ കൂ​ട്ടാ​യ പ്ര​വ​ർ​ത്ത​ന​ത്തി​ന് കു​റ​ച്ച് വി​ഷ​യ​ങ്ങ​ൾ​ക്ക് മു​ൻ​ഗ​ണ​ന ന​ൽ​കു​ക എ​ന്ന​താ​ണ് ഇ​പ്പോ​ൾ ഇ​ൻ​ഡ്യ​യു​ടെ യ​ഥാ​ർ​ഥ വെ​ല്ലു​വി​ളി. 2024നു​മു​മ്പ് രാ​ജ്യ​വ്യാ​പ​ക​മാ​യി എ​ന്തെ​ങ്കി​ലും ച​ല​ന​ങ്ങ​ൾ ഉ​ണ്ടാ​യി​ല്ലെ​ങ്കി​ൽ ഇ​തൊ​ന്നും ലോ​ക്സ​ഭ തെ​ര​ഞ്ഞെ​ടു​പ്പി​ൽ പ്ര​ധാ​ന വി​ഷ​യ​ങ്ങ​ളാ​വി​ല്ല.

പ്ര​തി​പ​ക്ഷ നേ​താ​ക്ക​ളെ​യും സ​ർ​ക്കാ​റു​ക​ളെ​യും ഇ​ര​ക​ളാ​ക്കു​ന്ന​തി​നെ​തി​രാ​യ പ്ര​തി​ഷേ​ധം സാ​ധു​ത​യു​ള്ള​താ​ണെ​ങ്കി​ലും സ്വ​ന്തം താ​ൽ​പ​ര്യ​ങ്ങ​ൾ സം​ര​ക്ഷി​ക്കു​ന്ന​തി​നു​ള്ള പ്ര​വ​ർ​ത്ത​ന​ങ്ങ​ളാ​യി മു​ദ്ര​കു​ത്തി എ​ളു​പ്പ​ത്തി​ൽ താ​റ​ടി​ക്ക​പ്പെ​ട്ടേ​ക്കാം. വി​ല​ക്ക​യ​റ്റ​വും തൊ​ഴി​ലി​ല്ലാ​യ്മ​യു​മാ​ണ് ഒ​രു രാ​ജ്യ​വ്യാ​പ​ക മു​ന്നേ​റ്റ​ത്തി​ന് ഏ​റ്റ​വും അ​നു​യോ​ജ്യ​മാ​യ പ്ര​ശ്ന​ങ്ങ​ൾ. ക​ർ​ഷ​ക പ്ര​സ്ഥാ​ന​ങ്ങ​ളു​മാ​യി ഒ​ത്തു​ചേ​ർ​ന്നു​ള്ള പ്ര​വ​ർ​ത്ത​ന​ങ്ങ​ൾ ഗ്രാ​മ​ഗ്രാ​മാ​ന്ത​ര​ങ്ങ​ളി​ൽ എ​ത്തി​ക്കാ​നും സാ​ധി​ക്കും.

നി​ല​വി​ൽ അ​ൽ​പം പി​ന്ത​ള്ള​പ്പെ​ട്ടി​രി​ക്കു​ന്ന വി​ഷ​യ​മാ​യ ‘മോ​ദാ​നി’​ക്ക് നേ​രെ​യാ​കാം ഏ​റ്റ​വും മൂ​ർ​ച്ച​യു​ള്ള ആ​ക്ര​മ​ണം. തെ​രു​വി​ലെ ഊ​ർ​ജ​സ്വ​ല​മാ​യ പോ​രാ​ട്ട​ത്തി​ന്, ഒ​രു രാ​ഷ്ട്രീ​യ പാ​ർ​ട്ടി​ക​ളു​ടെ കൂ​ട്ടാ​യ്മ എ​ന്ന​തി​നു​പ​രി​യാ​യി രാ​ഷ്ട്രീ​യ വ​ല​യ​ത്തി​ന് പു​റ​ത്തു​ള്ള പ്ര​ക്ഷോ​ഭ​ങ്ങ​ളെ​യും പ്ര​സ്ഥാ​ന​ങ്ങ​ളെ​യും ജ​ന​കീ​യ സം​ഘ​ട​ന​ക​ളെ​യും ഇ​ൻ​ഡ്യ ഒ​രു​മി​ച്ചു​കൊ​ണ്ടു​വ​രേ​ണ്ട​തു​ണ്ട്. 2024ന് ​മു​ന്നോ​ടി​യാ​യി സീ​റ്റ് ഒ​ത്തു​തീ​ർ​പ്പു​ക​ളേ​ക്കാ​ൾ ന​മു​ക്ക് അ​ത്യാ​വ​ശ്യം നി​ല​ത്ത് കാ​ലൂ​ന്നി​നി​ന്നു​ള്ള തെ​രു​വ് സം​യോ​ജ​ന​മാ​ണ്.

പ്ര​ത്യാ​ശ​ക​ളു​ടെ സം​യോ​ജ​നം

എ​ല്ലാ​റ്റി​നു​മു​പ​രി​യാ​യി, ഇ​ൻ​ഡ്യ​യി​ൽ​നി​ന്ന് ന​മു​ക്കു​വേ​ണ്ട​ത് പ്ര​തീ​ക്ഷ​യു​ടെ പു​ന​രു​ജ്ജീ​വ​ന​മാ​ണ്. ഇ​ന്ത്യ കൂ​ടു​ത​ൽ മി​ക​ച്ച​ത് അ​ർ​ഹി​ക്കു​ന്നു, ഒ​രു ബ​ദ​ൽ സാ​ധ്യ​മാ​ണ് എ​ന്ന സ്ഥി​രീ​ക​ര​ണം.

“രാ​ജ്യ​ത്തി​ന് ഒ​രു ബ​ദ​ൽ രാ​ഷ്ട്രീ​യ, സാ​മൂ​ഹി​ക, സാ​മ്പ​ത്തി​ക അ​ജ​ണ്ട ഉ​റ​പ്പാ​ക്കു​മെ​ന്ന് ഞ​ങ്ങ​ൾ പ്ര​തി​ജ്ഞ ചെ​യ്യു​ന്നു. കൂ​ടി​യാ​ലോ​ച​ന​ക​ളും പ​ങ്കാ​ളി​ത്ത​വു​മു​ള്ള ജ​നാ​ധി​പ​ത്യ രീ​തി​യി​ലേ​ക്ക് ഭ​ര​ണ​ത്തി​ന്റെ സാ​രാം​ശ​വും ശൈ​ലി​യും മാ​റ്റു​മെ​ന്ന് ഞ​ങ്ങ​ൾ വാ​ഗ്ദാ​നം ചെ​യ്യു​ന്നു.’’ എ​ന്ന സം​യു​ക്ത പ്ര​സ്താ​വ​ന​യി​ലെ വ​രി​ക​ൾ ഈ ​ദി​ശ​യി​ലേ​ക്ക് വി​ര​ൽ​ചൂ​ണ്ടു​ന്നു​ണ്ട്.

പ്ര​ത്യാ​ശ വ​ള​ർ​ത്തു​ന്ന​തി​ന് തീ​ർ​ച്ച​യാ​യും ഒ​രു ബ​ദ​ൽ അ​ജ​ണ്ട അ​നി​വാ​ര്യ​മാ​ണ്. എ​ന്നാ​ൽ, ആ ​അ​ജ​ണ്ട​യു​ടെ ആ​ത്മാ​ർ​ഥ​ത​യി​ലും സാ​ധ്യ​ത​യി​ലും വി​ശ്വാ​സ​മു​റ​ക്കു​മ്പോ​ൾ മാ​ത്ര​മേ അ​ത് ജ​ന​ങ്ങ​ളു​ടെ ഉ​ള്ളി​ൽ പ​തി​യാ​ൻ തു​ട​ങ്ങു​ക​യു​ള്ളൂ. പ്ര​തി​പ​ക്ഷ​ത്തു​ള്ള​വ​യ​ട​ക്കം ഒ​ട്ടു​മി​ക്ക മു​ഖ്യ​ധാ​രാ പാ​ർ​ട്ടി​ക​ളോ​ടും ജ​ന​ങ്ങ​ൾ​ക്കു​ള്ള വി​ശ്വാ​സ​രാ​ഹി​ത്യം ക​ണ​ക്കി​ലെ​ടു​ക്കു​മ്പോ​ൾ അ​ത് അ​ത്ര എ​ളു​പ്പ​മാ​യി​രി​ക്കി​ല്ല.

സ​ർ​ക്കാ​റി​​ന്റെ കൊ​ട്ടാ​ര മാ​ധ്യ​മ​ങ്ങ​ൾ അ​നു​ദി​നം പ്ര​ച​രി​പ്പി​ക്കു​ന്ന നു​ണ​ക​ളെ​യും വി​ദ്വേ​ഷ​ത്തെ​യും ചെ​റു​ക്കാ​ൻ പ്രാ​പ്തി​യു​ള്ള ശ​ക്ത​വും ക്രി​യാ​ത്മ​ക​വു​മാ​യ ഒ​രു ആ​ശ​യ​വി​നി​മ​യ സം​വി​ധാ​ന​വും ആ​വ​ശ്യ​മാ​ണ്. ഇ​ന്ത്യ​യു​ടെ പ്ര​തീ​കാ​ത്മ​ക​ത സ്വ​ന്ത​മാ​ക്കു​ക എ​ന്ന​ത് ഇ​ന്ത്യ​യു​ടെ ഹൃ​ദ​യം സ്വ​ന്ത​മാ​ക്കു​ന്ന​തി​നു​ള്ള ആ​ദ്യ​പ​ടി മാ​ത്ര​മാ​യി​രി​ക്കും.

(പ്ര​മു​ഖ തെ​ര​ഞ്ഞെ​ടു​പ്പ്​ വി​ശ​ക​ല​ന വി​ദ​ഗ്​​ധ​നും ആ​ക്​​ടി​വി​സ്​​റ്റു​മാ​യ ലേ​ഖ​ക​ൻ theprint.inൽ ​ എ​ഴു​തി​യ​ത്)