Begin typing your search above and press return to search.
exit_to_app
exit_to_app
Homechevron_rightOpinionchevron_rightOpen Forumchevron_rightഹി​ജാ​ബ് നി​രോ​ധ​നം;...

ഹി​ജാ​ബ് നി​രോ​ധ​നം; വി​ദ്യാ​ഭ്യാ​സ നി​ഷേ​ധ​ത്തി​ന്റെ ഒ​രാ​ണ്ട്

text_fields
bookmark_border
ഹി​ജാ​ബ് നി​രോ​ധ​നം; വി​ദ്യാ​ഭ്യാ​സ നി​ഷേ​ധ​ത്തി​ന്റെ ഒ​രാ​ണ്ട്
cancel
കേരള സ്കൂൾ കലോത്സവത്തിൽ കന്നട പ്രസംഗമത്സരത്തിൽ ഒന്നാം സ്ഥാനം നേടിയ ഹഫീഫ കർണാടക ഷിമോഗ സ്വദേശിനിയാണ്. ഹിജാബ് മാറ്റാൻ തയാറല്ലാത്തതിനാൽ കഴിഞ്ഞ അധ്യയന വർഷം പരീക്ഷ എഴുതാൻ അനുവദിച്ചില്ല. തുടർന്നാണ് മലപ്പുറം കരുവാരക്കുണ്ടിലെ സ്കൂളിൽ വീണ്ടും പത്താം ക്ലാസിൽ ചേർന്നത്. അപൂർവം ചില കുട്ടികൾക്ക് ഇത്തരം സൗകര്യം ലഭിവെങ്കിലും ഭൂരിപക്ഷം പെൺകുട്ടികളും പാഠപുസ്തകങ്ങളുടെ ലോകത്തുനിന്ന് പുറത്താക്കപ്പെട്ടിരിക്കുകയാണ്.

ജ​നാ​ധി​പ​ത്യ മ​തേ​ത​ര രാ​ജ്യ​മാ​യ ഇ​ന്ത്യ​യി​ലെ ഒ​രു സം​സ്ഥാ​ന​ത്ത് വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ മു​സ്‍ലിം പെ​ൺ​കു​ട്ടി​ക​ൾ ഹി​ജാ​ബ് ധ​രി​ക്ക​രു​ത് എ​ന്ന തീ​ട്ടൂ​രം ഇ​റ​ങ്ങി​യി​ട്ട് ഒ​രു വ​ർ​ഷം തി​ക​യു​ന്നു. ഈ ​സ​ന്ദ​ർ​ഭ​ത്തി​ൽ പൗ​രാ​വ​കാ​ശ സം​ഘ​ട​ന​യാ​യ പീ​പ്ൾ​സ് യൂ​നി​യ​ൻ ഫോ​ർ സി​വി​ൽ ലി​ബ​ർ​ട്ടീ​സ് (പി.​യു.​സി.​എ​ൽ) ക​ർ​ണാ​ട​ക ഘ​ട​കം പു​റ​ത്തു​വി​ട്ട റി​പ്പോ​ർ​ട്ട് ഒ​രു സ​മു​ദാ​യ​ത്തി​ന് നേ​രെ ന​ട​ന്ന കൈ​യേ​റ്റ​ത്തി​ന്റെ നേ​ർ​ചി​ത്ര​മാ​ണ് അ​ട​യാ​ള​പ്പെ​ടു​ത്തു​ന്ന​ത്.

അ​ക്കാ​ദ​മി​ക വ​ർ​ഷ​ത്തി​ന്റെ അ​വ​സാ​ന നാ​ളു​ക​ളി​ലാ​ണ് ഹി​ജാ​ബ് നി​രോ​ധ​നം പ്ര​ഖ്യാ​പി​ക്ക​പ്പെ​ട്ട​ത്. ഫൈ​ന​ൽ പ​രീ​ക്ഷ എ​ഴു​താ​ൻ അ​നു​വ​ദി​ക്ക​ണ​മെ​ന്ന പെ​ൺ​കു​ട്ടി​ക​ളു​ടെ അ​പേ​ക്ഷ​ക​ൾ സ്വീ​ക​രി​ക്കാ​ൻ കൂ​ട്ടാ​ക്കി​യി​ല്ല അ​ധി​കൃ​ത​ർ. പ​ല​യി​ട​ങ്ങ​ളി​ലും അ​ധ്യാ​പ​ക സ​മൂ​ഹ​വും സ​ഹ​പാ​ഠി​ക​ളും ഈ ​പെ​ൺ​കു​ട്ടി​ക​ളെ ഒ​റ്റ​പ്പെ​ടു​ത്താ​ൻ മു​ന്നി​ട്ടി​റ​ങ്ങി എ​ന്ന​താ​ണ് ഏ​റെ സ​ങ്ക​ട​ക​രം.

ഹി​ജാ​ബ് നി​രോ​ധ​ന​ത്തി​ൽ പ്ര​തി​ഷേ​ധി​ച്ച വി​ദ്യാ​ർ​ഥി​നി​ക​ളെ വ്യ​ക്തി​പ​ര​മാ​യി അ​ധി​ക്ഷേ​പി​ക്കാ​നും ആ​ക്ര​മി​ക്കാ​നും ഹി​ന്ദു​ത്വ ആ​ൾ​ക്കൂ​ട്ട​ത്തോ​ടൊ​പ്പം സ്കൂ​ൾ മാ​നേ​ജ്മെൻറും ഉ​ണ്ടാ​യി​രു​ന്നു എ​ന്നാ​ണ് റി​പ്പോ​ർ​ട്ടി​ൽ ചൂ​ണ്ടി​ക്കാ​ണി​ക്കു​ന്ന​ത്. ഹി​ജാ​ബ് ധ​രി​ക്കു​ന്ന വി​ദ്യാ​ർ​ഥി​നി​ക​ൾ​ക്ക് അ​വ​സാ​ന വ​ർ​ഷ പ​രീ​ക്ഷ എ​ഴു​താ​ൻ ക​ഴി​യാ​തെ ഒ​രു വ​ർ​ഷം ന​ഷ്ട​പ്പെ​ടു​ന്ന അ​വ​സ്ഥ​യു​ണ്ടാ​യി.

കോ​ട​തി​ക​ളി​ൽ ന​ട​ക്കു​ന്ന വ്യ​വ​ഹാ​രം നീ​ളു​ന്ന​തി​നാ​ൽ ഹി​ജാ​ബ് നി​രോ​ധ​നം ഇ​പ്പോ​ഴും തു​ട​രു​ന്നു. ആ​യി​ര​ക്ക​ണ​ക്കി​ന് വി​ദ്യാ​ർ​ഥി​നി​ക​ൾ​ക്ക് ര​ണ്ട് അ​ധ്യ​യ​ന വ​ർ​ഷ​ങ്ങ​ളാ​ണ് ന​ഷ്ട​മാ​യ​ത്. ഹി​ജാ​ബ് ധാ​രി​ണി​യാ​യ ഒ​രു പെ​ൺ​കു​ട്ടി​ക്ക് നേ​രെ കാ​വി ഷാ​ൾ ധ​രി​ച്ച സം​ഘ്പ​രി​വാ​ർ ആ​ൺ​കൂ​ട്ടം ജ​യ്ശ്രീ​രാം വി​ളി​ക​ളു​മാ​യി ആ​ക്രോ​ശി​ച്ച​ടു​ക്കു​ന്ന​തി​ന്റെ​യും ഇ​തി​നെ​തി​രെ ത​ക്ബീ​ർ മു​ഴ​ക്കി പെ​ൺ​കു​ട്ടി പ്ര​തി​രോ​ധം തീ​ർ​ത്ത​തി​ന്റെ​യും ദൃ​ശ്യ​ങ്ങ​ൾ ഏ​റെ ച​ർ​ച്ച​യാ​യി​രു​ന്നു.

‘നി​ഷ്ക​ള​ങ്ക​രാ​യ’ ചി​ല ആ​ളു​ക​ളു​ടെ വി​ദ്യാ​ഭ്യാ​സ​മാ​ണോ വ​ലു​ത് ഹി​ജാ​ബാ​ണോ വ​ലു​ത് എ​ന്ന​തു പോ​ലു​ള്ള ചോ​ദ്യ​ങ്ങ​ളെ ഈ ​പെ​ൺ​കു​ട്ടി​ക​ൾ അ​ഭി​മു​ഖീ​ക​രി​ച്ച​താ​യി റി​പ്പോ​ർ​ട്ടി​ൽ പ​റ​യു​ന്നു​ണ്ട്. ത​ല​യി​ലെ ത​ട്ടം വ​ലി​ച്ചൂ​രാ​ൻ നി​ർ​ബ​ന്ധി​ക്കാ​തെ വി​ദ്യാ​ഭ്യാ​സം നേ​ടാ​ൻ അ​നു​വ​ദി​ക്ക​ണ​മെ​ന്നാ​യി​രു​ന്നു അ​വ​രു​ടെ പ​ക്ഷ​വും അ​പേ​ക്ഷ​യും.

പ​ക്ഷേ, അ​ധി​കൃ​ത​ർ ഒ​രു ദ​യാ​ദാ​ക്ഷി​ണ്യ​വും കാ​ണി​ച്ചി​ല്ല. കേ​ര​ള സം​സ്ഥാ​ന സ്കൂ​ൾ ക​ലോ​ത്സ​വ​ത്തി​ൽ ക​ന്ന​ട ഭാ​ഷാ പ്ര​സം​ഗ​മ​ത്സ​ര​ത്തി​ൽ ഒ​ന്നാം സ്ഥാ​നം നേ​ടി​യ ഹ​ഫീ​ഫ എ​ന്ന പെ​ൺ​കു​ട്ടി ക​ർ​ണാ​ട​ക ഷി​മോ​ഗ സ്വ​ദേ​ശി​നി​യാ​യി​രു​ന്നു. ക​ഴി​ഞ്ഞ അ​ധ്യ​യ​ന വ​ർ​ഷം പ​രീ​ക്ഷ എ​ഴു​താ​ൻ അ​നു​വ​ദി​ക്കാ​ഞ്ഞ​തി​നെ തു​ട​ർ​ന്നാ​ണ് മ​ല​പ്പു​റം ക​രു​വാ​ര​ക്കു​ണ്ടി​ലെ സ്കൂ​ളി​ൽ ഈ ​വ​ർ​ഷം വീ​ണ്ടും പ​ത്താം ക്ലാ​സി​ൽ ചേ​ർ​ന്ന​ത്.

അ​പൂ​ർ​വം ചി​ല കു​ട്ടി​ക​ൾ​ക്ക് ഇ​ത്ത​രം സൗ​ക​ര്യം ല​ഭി​ച്ചു എ​ന്ന​തൊ​ഴി​ച്ച് നി​ർ​ത്തി​യാ​ൽ ഭൂ​രി​പ​ക്ഷം പെ​ൺ​കു​ട്ടി​ക​ളും പാ​ഠ​പു​സ്ത​ക​ങ്ങ​ളു​ടെ ലോ​ക​ത്തു നി​ന്ന് പു​റ​ത്താ​ക്ക​പ്പെ​ട്ടി​രി​ക്കു​ക​യാ​ണ്. മ​ത പൗ​രോ​ഹി​ത്യം മു​സ്‍ലിം സ്ത്രീ​യെ വി​ദ്യാ​ഭ്യാ​സ​ത്തി​ൽ നി​ന്ന് അ​സ​ന്നി​ഹി​ത​മാ​ക്കി​യ ഒ​രു കാ​ല​മു​ണ്ടാ​യി​രു​ന്നു. അ​തി​നെ​തി​രെ മു​സ്‍ലിം ന​വോ​ത്ഥാ​ന മു​ന്നേ​റ്റ​ങ്ങ​ളും ആ​ധു​നി​ക മ​തേ​ത​ര സ​മൂ​ഹ​വും പ്ര​തി​ക​രി​ക്കു​ക​യും ഒ​ര​ർ​ഥ​ത്തി​ൽ പ​ട​ന​യി​ക്കു​ക​യും ചെ​യ്തി​രു​ന്നു.

ക്ര​മേ​ണ മു​സ്‍ലിം സ്ത്രീ ​സാ​മൂ​ഹി​ക ഇ​ട​ങ്ങ​ളി​ൽ സ​ന്നി​ഹി​ത​യാ​യി തു​ട​ങ്ങി. വി​ദ്യാ​ഭ്യാ​സ സാ​മൂ​ഹി​ക മ​ണ്ഡ​ല​ങ്ങ​ളി​ൽ മു​സ്‍ലിം സ്ത്രീ​ക​ൾ ക​രു​ത്തു​റ്റ മു​ന്നേ​റ്റം ന​ട​ത്തി​വ​രു​ന്ന ഒ​രു കാ​ല​ത്താ​ണ് നാം ​ജീ​വി​ക്കു​ന്ന​ത്. മ​തേ​ത​ര ജ​നാ​ധി​പ​ത്യ ഇ​ന്ത്യ​യു​ടെ വീ​ണ്ടെ​ടു​പ്പി​നു​ള്ള പ്ര​സ്ഥാ​ന​മാ​യി മാ​റി​യ പൗ​ര​ത്വ സ​മ​രം പോ​​ലൊ​രു സ​ചേ​ത​ന​മാ​യ പ്ര​ക്ഷോ​ഭം മു​ന്നി​ൽ നി​ന്ന് ന​യി​ച്ച​ത് മു​സ്‍ലിം സ്ത്രീ​ക​ളും വി​ദ്യാ​ർ​ഥി​നി​ക​ളു​മാ​യി​രു​ന്നു.

അ​വ​ളെ വീ​ണ്ടും അ​രി​കു​വ​ത്ക​രി​ക്കാ​നു​ള്ള നീ​ക്ക​ങ്ങ​ളു​ടെ ഭാ​ഗ​മാ​യി വേ​ണം ഹി​ജാ​ബ് നി​രോ​ധ​നം വ​ഴി​യു​ള്ള വി​ദ്യാ​ഭ്യാ​സ നി​ഷേ​ധ​ത്തെ കാ​ണാ​ൻ. ഹി​ജാ​ബ് നി​രോ​ധ​ന​ത്തി​നെ​തി​രെ ശ​ബ്ദ​മു​യ​ർ​ത്തി​യ വി​ദ്യാ​ർ​ഥി​നി​ക​ളെ വ്യ​ക്തി​പ​ര​മാ​യി അ​ധി​ക്ഷേ​പി​ക്കാ​നും ബ​ഹി​ഷ്ക​രി​ക്കാ​നും ആ​ഹ്വാ​നം ന​ട​ത്തി​യ​താ​യി റി​പ്പോ​ർ​ട്ടി​ൽ കാ​ണാം.

പൗ​രാ​വ​കാ​ശ​ങ്ങ​ൾ നി​ഷേ​ധി​ച്ച് ഒ​രു ജ​ന​ത​യെ അ​പ​ര​വ​ത്ക​രി​ക്കാ​ൻ ഭ​ര​ണ​കൂ​ടം നീ​ക്ക​ങ്ങ​ൾ തു​ട​ര​വെ നീ​തി​പീ​ഠ​ത്തി​ന്റെ ഭ​ര​ണ​ഘ​ട​ന ബെ​ഞ്ചി​ൽ നി​ന്ന് നീ​തി​യും കാ​വ​ലും ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് ജ​നാ​ധി​പ​ത്യ വി​ശ്വാ​സി​ക​ൾ.

Show Full Article
TAGS:education hijab hijab ban 
News Summary - Hijab ban is a form of education denial
Next Story