​ഫേസ്​ബുക്കോ ഫേക്ക്​ബുക്കോ ?

സമാനതകളില്ലാത്ത പ്രതിസന്ധിയാണ്​ ഫേസ്​ബുക്ക്​ നിലവിൽ അഭിമുഖീകരിക്കുന്നത്​. അഞ്ച്​ കോടി ഉപയോക്​താക്കളുടെ വിവരങ്ങൾ ചോർന്നതിലുടെ വ്യക്​തിഗത വിവരങ്ങളുടെ സുരക്ഷിതത്വം ഒരിക്കൽ കൂടി ചോദ്യചിഹ്​നമാവുകയാണ്​​.വാട്​സ്​ ആപ്​ സഹസ്ഥാപകൻ ബ്രയൻ ആക്​ടൺ ഫേസ്​ബുക്ക്​ ഡിലീറ്റ്​ ചെയ്യണമെന്ന മുന്നറിയിപ്പ്​ നൽകി കഴിഞ്ഞു. ഒാഹരി വിപണിയിൽ മാത്രം കഴിഞ്ഞ ദിവസം മാത്രം ഫേസ്​ബുക്കിന്​ ഉണ്ടായ നഷ്​ടം 40 മില്യൺ ഡോളറാണ്​. കേവലം സാമ്പത്തിക നഷ്​ടത്തിനുമപ്പുറം ഫേസ്​ബുക്കി​​​​െൻറ വിശ്വാസ്യതക്ക്​ ഏറ്റ വലിയ തിരിച്ചടി കൂടിയാണിത്​. ഫേസ്​ബുക്കിനെ ശത്രുപക്ഷത്ത്​ കാണുന്ന പല സർക്കാറുകൾക്കും കമ്പനിക്കെതിരെ കൂടുതൽ ശക്​തിയോടെ നീങ്ങാൻ പുതിയ സംഭവവികാസങ്ങൾ കരുത്ത്​ പകരും.

2016ലെ അമേരിക്കൻ പ്രസിഡൻറ്​ തെരഞ്ഞെടുപ്പിൽ റഷ്യ ഫേസ്​ബുക്കിനെ അവരുടെ  ആവശ്യങ്ങൾക്കായി ഉപയോഗിച്ചു എന്നാണ്​ ആദ്യം പുറത്ത്​ വന്ന വാർത്തകൾ. വെറും ഭ്രാന്തമായ ആശയമെന്ന്​ പറഞ്ഞ്​ അത്തരം വാർത്തകളെ നിഷേധിക്കുകയായിരുന്നു ഫേസ്​ബുക്ക്​ സ്ഥാപകൻ മാർക്ക്​ സക്കർബർഗ്​. വ്യാജ വിവരങ്ങൾ ഫേസ്​ബുക്കിലുടെ പ്രചരിക്കുന്നത്​ തടയാൻ കർശന നടപടി സ്വീകരിക്കുമെന്നും അന്ന്​ സക്കർബർഗ്​ അറിയിച്ചു.

എന്നാൽ പിന്നീട്​ ചാനൽ 4 ന്യൂസ്​, ഒബ്​സർവർ, ന്യൂയോർക്ക്​ ടൈംസ്​ തുടങ്ങിയ മാധ്യമങ്ങളിലെ റിപ്പോർട്ടുകൾ പുറത്ത്​ വന്നതോടെയാണ്​ ഫേസ്​ബുക്കി​​​​െൻറ സുരക്ഷിതത്വത്തെ കുറിച്ച്​ വ്യാപകമായ ചോദ്യങ്ങളുയർന്നത്​. ഏകദേശം അഞ്ച്​ കോടിയിൽപ്പരം ആളുകളുടെ വിവരങ്ങൾ ഫേസ്​ബുക്കിൽ നിന്ന്​  ചോർന്നുവെന്ന വാർത്ത പുറത്ത്​ വന്നതോടെ  കാര്യങ്ങൾ അത്ര ശുഭകരമല്ലെന്ന്​ വ്യക്​തമാകാൻ തുടങ്ങി​.

 ഫേസ്​ബുക്ക്​ ആപ്പുകളും അതിലെ സുരക്ഷ വീഴ്​ചയും

സ്വന്തം ഭാവി, വിവാഹ തിയതി, പങ്കാളികളെ കുറിച്ചുള്ള വിവരങ്ങൾ ഇങ്ങനെ നിരവധി കാര്യങ്ങൾ രസകരമായി പ്രവചിക്കുന്ന ആപ്പുകൾ ഫേസ്​ബുക്കിലുണ്ട്​. ഇൗ ആപുകൾ ഉ​പയോഗിക്കുന്നതിന്​ മുമ്പായി ഉപയോക്​താകൾ സമ്മതപത്രം നൽകണം​. ഇതിൽ ഫേസ്​ബുക്കിലെ ഇത്തരം ആപ്പുകൾ ഉപയോഗിക്കു​േമ്പാൾ നമ്മുടെയും സുഹൃത്തുക്കളുടെയും പ്രൊഫൈൽ വിവരങ്ങൾ ആപി​​​​െൻറ ഉടമക്ക്​ ലഭ്യമാവും. ഇൗ വിവരങ്ങൾ ചോർത്തി അത്​ മറിച്ച്​ വിറ്റാണ്​ അമേരിക്കൻ തെരഞ്ഞെടുപ്പിനെ വരെ സ്വാധീനിച്ചത്​.

നിയമവിരുദ്ധമായി തങ്ങളൊന്നും ചെയ്​തിട്ടില്ലെന്നും ഫേസ്​ബുക്കി​​​​െൻറ ബിസിനസ്​ മോഡൽ നടപ്പാക്കുക മാത്രമാണ്​ ചെയ്​തതെന്നുമാണ്​ വിവാദത്തിൽ ഉൾപ്പെട്ട കോഗ​​​​െൻറ അഭിപ്രായം. വിവരങ്ങൾ ചോർത്തിയിട്ടില്ലെന്ന്​ ​ഇയാൾ വാദിക്കുന്നു. എന്നാൽ ആപിലുടെ ഒരു വ്യക്​തിയുടെ ന്യൂസ്​ ഫീഡിലേക്ക്​ കടന്നു​ചെന്ന്​ അവരുടെ ഇഷ്​ടാനിഷ്​ടങ്ങൾ മനസിലാക്കി അതിനനുസരിച്ച്​ ഫീഡുകൾ നൽകുന്നത്​ ഡാറ്റ ചോർത്തലി​​​​െൻറ പരിധിയിൽ വരുമെന്നാണ്​ മറുവാദം. സാമ്പത്തിക നേട്ടങ്ങൾക്കായാണ്​ വൻതോതിലുള്ള ഡാറ്റ ചോർത്തുന്നതെന്നും സംഭവത്തി​​​​െൻറ ഗൗരവം വർധിപ്പിക്കുന്നു.

ഇൻറർനെറ്റിൽ അടിസ്ഥാനപരമായ ഒരു തത്വമുണ്ട്​. നിങ്ങൾ ഉൽപന്നമാവ​ു​േമ്പാഴാണ്​ ഇൻറർ​നെറ്റിൽ നിന്നും പലതും സൗജന്യമായി ലഭിക്കുകയെന്നതാണ്​ അടിസ്ഥാനപരമായ ഇൻറർനെറ്റ്​ തത്വം. ഇതേ തത്വം തന്നെയാണ്​ അമേരിക്കൻ തെരഞ്ഞെടുപ്പിലും  ഫേസ്​ബുക്ക്​ ആപുകൾ നടപ്പിലാക്കിയത്​. സൗജന്യമായി ആളുകളുടെ ഭാവി അവർക്ക്​ പറഞ്ഞുകൊടുത്ത ആപുകൾ വ്യക്​തിഗത വിവരങ്ങൾ സമർഥമായി വിറ്റു. 

 

കൗതുകത്തിനായെങ്കിലും ഒാരോ തവണ ഇത്തരം ആപുകൾ ഉപയോഗിക്കു​േമ്പാൾ നമ്മുടെ  വ്യക്​തിഗത വിവരങ്ങളാണ്​ ഡിജിറ്റൽ ക​േമ്പാളത്തിലെ വിൽപന ചരക്കാവുന്നത്​ . നാല്​ ചുമരുകളുടെ സുരക്ഷിതത്വത്തിൽ ഉപയോഗിക്കുന്ന ഫേസ്​ബുക്ക്​ ഒട്ടും സുരക്ഷിതമല്ലെന്ന തിരിച്ചറിവ്​ കൂടിയാണ്​ അമേരിക്കയിലെ സംഭവവികാസങ്ങളിലുടെ വെളിപ്പെടുന്നത്​​.

മൈതാനപ്രസംഗങ്ങളിലും ജാഥകളിലും ഒതുങ്ങി നിന്ന രാഷ്​ട്രീയ പ്രവർത്തനം ഇന്ന്​ ​ഇൻറർനെറ്റിലാണ്​ നടക്കുന്നത്​. അതിന്​ മുഖ്യപങ്കുവഹിക്കുന്നതാവ​െട്ട ഫേസ്​ബുക്ക്​ പോലു​ള്ള സാമൂഹ്യ മാധ്യമങ്ങളും. ഫേസ്​ബുക്കിലെ ഏല്ലാ ആപുകളിലും പോയി തലയിടാതിരിക്കുകയാണ്​ ഡാറ്റ ചോർച്ച തടയുന്നതിനുള്ള ഒരു പോംവഴി. നാം നിരുപദ്രവമെന്ന്​ വിചാരിക്കുന്ന ആപുകളിലുടെയാവും അവർ നമ്മുടെ വ്യക്​തിഗത വിവരങ്ങൾ ചോർത്തുക. 

പുതിയ സംഭവവികാസങ്ങൾ ഇന്ത്യൻ രാഷ്​ട്രയീയത്തില അലയൊലികൾ ഉയർത്തുന്നുണ്ട്​. ​അമേരിക്കയിൽ ഫേസ്​ബുക്ക്​ വിവരങ്ങൾ ചോർത്തിയ ബ്രിട്ടീഷ്​ ഏജൻസിക്ക്​ കോൺഗ്രസുമായി ബന്ധമുണ്ടെന്നായിരുന്നു ബി.ജെ.പിയുടെ ആരോപണം. വരും ദിവസങ്ങളിലും ആഗോള രാഷ്​ട്രീയത്തിലും ഇന്ത്യൻ രാഷ്​ട്രീയത്തിലും ചർച്ചയാവുമെന്നുറപ്പ്​.