Begin typing your search above and press return to search.
exit_to_app
exit_to_app
Homechevron_rightOpinionchevron_rightArticleschevron_rightസി.പി.എമ്മിന്‍റെ...

സി.പി.എമ്മിന്‍റെ ജമാഅ​ത്ത്​ ഫോബിയ

text_fields
bookmark_border
സി.പി.എമ്മിന്‍റെ ജമാഅ​ത്ത്​ ഫോബിയ
cancel
camera_altമുഖ്യമന്ത്രി പിണറായി വിജയൻ ജമാഅത്തെ ഇസ്​ലാമി കേരള അമീർ എം.​െഎ. അബ്​ദുൽ അസീസുമായി സംഭാഷണത്തിൽ

അനുദിനം ആപത്​കരമായി പടരുന്ന കോവിഡ്-19 പൂർവാധികം ഗുരുതരമായ പതനത്തിലെത്തിയാൽ നീട്ടിവെക്കേണ്ടിവരുമോ എന്ന സന്ദേഹം പ്രസക്തമാണെങ്കിലും സാമാന്യധാരണപ്രകാരം ഇക്കൊല്ലം ഒക്​ടോബറിൽ കേരളത്തിലെ തദ്ദേശസ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ്​ നടക്കും. ഇലക്​ഷൻ പ്രചാരണം വലിയ അളവിൽ ഡിജിറ്റൽ പ്ലാറ്റ്​ഫോമിലേക്ക്​ മാറാനുള്ള സാധ്യത കണക്കിലെടുത്ത്​ രംഗം കൈയടക്കാനുള്ള മു​ന്നൊരുക്കങ്ങളിലാണ്​ രാഷ്​ട്രീയ പാർട്ടികൾ, വിശിഷ്യ മുഖ്യ ഭരണകക്ഷിയായ സി.പി.എം. ഒപ്പം തെരഞ്ഞെടുപ്പ്​ കാമ്പയിനിൽ ഉയർത്താനുള്ള ഇഷ്യൂകൾ കണ്ടെത്താനുള്ള നീക്കങ്ങളും നടക്കുന്നു. കോവിഡ്​-19നെ പ്രതിരോധിക്കുന്നതിൽ, ആരോഗ്യരംഗത്ത്​ മു​േമ്പ വികസിതരാജ്യങ്ങളോടൊപ്പമെത്തിയ കേരളം കൈവരിച്ച നേട്ടത്തി​​െൻറ ക്രെഡിറ്റ്​ മുഴുവൻ ഭരണനേട്ടമായി അവതരിപ്പിച്ച്​ മെച്ചപ്പെട്ട പ്രതിച്ഛായയുമായി പഞ്ചായത്ത്​-നഗരസഭ തെരഞ്ഞെടുപ്പിനെ നേരിടാനാണ്​ ഇടതുമുന്നണിയുടെ പരിപാടി.

പക്ഷേ, കോവിഡ്​കാല നിയന്ത്രണങ്ങൾമൂലം സാമാന്യജീവിത സ്​തംഭനം വലിയ മാറ്റമില്ലാതെ തുടരുന്നതിൽ അസ്വസ്ഥരായ ജനങ്ങൾ കോവിഡി​​െൻറ വ്യാപ്​തി അനിയന്ത്രിതമായിത്തീർന്നാൽ എങ്ങനെ പ്രതികരിക്കുമെന്ന ആശങ്ക സി.പി.എമ്മി​നുണ്ട്​. പ്രവാസികളുടെ തിരിച്ചുവരവ്​ പരമാവധി നിയന്ത്രിക്കാനുള്ള പിണറായി സർക്കാറി​​െൻറ തന്ത്രപരമായ നീക്കങ്ങൾ സ്വന്തം പ്രതിച്ഛായ പരിരക്ഷിക്കാനാണെന്ന വ്യാഖ്യാനമുണ്ട്​. ചാർ​ട്ടേഡ്​ ഫ്ലൈറ്റുകളധികവും യു.ഡി.എഫ്​ അനുകൂല സംഘടനകളുടെ വകയാണെന്ന വസ്​തുതയും രാഷ്​ട്രീയ ലാഭചേത കണക്കുകൂട്ടലി​​െൻറ ഫലമാണെന്ന അഭ്യൂഹങ്ങളും പ്രചരിക്കുന്നു. കെ.പി.സി.സി പ്രസിഡൻറ്​ മുല്ലപ്പള്ളി രാമചന്ദ്ര​​െൻറ വിവാദപരമായ പദപ്രയോഗങ്ങളെ നിശിതമായി വിമർ​ശിക്കെ 'ജീവൻവെച്ച്​ രാഷ്​ട്രീയം കളിക്കരുത്'​ എന്ന്​ മുഖ്യമന്ത്രി നൽകിയ താക്കീത്​ അന്തിമ വിശകലനത്തിൽ അദ്ദേഹത്തിനുകൂടി ബാധകമാണെന്ന്​ ജനങ്ങൾ കരുതേണ്ടിവരുന്നതാണ്​ സാഹചര്യം.

യു.ഡി.എഫിനെ പ്രത്യാക്രമിക്കാൻ പൊടുന്നനെ സി.പി.എമ്മിന്​ ലഭിച്ച പ്രചാരണായുധമാണ്​ 'മുസ്​ലിം തീവ്രവാദി സംഘടനകളു'മായുള്ള യു.ഡി.എഫി​​െൻറ സഖ്യനീക്കം. പഞ്ചായത്ത്​-നഗരസഭ ​തെരഞ്ഞെടുപ്പിൽ കഴിഞ്ഞതവണ എൽ.ഡി.എഫ്​ പരീക്ഷിച്ച മുസ്​ലിം സംഘടനകളുമായുള്ള പരോക്ഷ ധാരണ ഇത്തവണ പയറ്റിയാലെന്തെന്ന്​ യു.ഡി.എഫ്​ ആലോചിക്കുന്നുണ്ടെന്നും അതി​​െൻറ ഭാഗമായി മുസ്​ലിംലീഗ്​ വെൽ​െഫയർ പാർട്ടിയുമായി ധാരണയിലേർപ്പെടാനുള്ള ചർച്ചകൾ പുരോഗമിക്കുകയാണെന്നും വാർത്തകൾ വന്നു. മുസ്​ലിംലീഗ്​ നേതാവ്​ പി.കെ. കുഞ്ഞാലിക്കുട്ടി എം.പിയും ജനറൽ സെക്രട്ടറി കെ.പി.എ. മജീദും അത്​ സ്ഥിരീകരിച്ചു. ഉടനെ അതിൽ കയറിപ്പിടിച്ച്​ എളമരം കരീം എം.പിയും സി.പി.എം സംസ്ഥാന സെക്രട്ടറി കോടിയേരി ബാലകൃഷ്​ണനും വെൽ​െഫയർ പാർട്ടി, എസ്.ഡി.പി.​െഎ മുതലായ മുസ്​ലിം തീവ്രവാദി സംഘടനകളുമായി മുസ്​ലിംലീഗ്​ സംഖ്യമുണ്ടാക്കാന​ുള്ള ശ്രമത്തിലാണെന്നും ഇത്​ കോ​ൺഗ്രസി​​​െൻറകൂടി മൗനാനുവാദത്തോടെയാണെന്നും ആരോപിച്ചു.

ഏറ്റവുമൊടുവിൽ സി.പി.എം സംസ്ഥാന സെക്ര​േട്ടറിയറ്റ്​ പുറത്തിറക്കിയ പ്രസ്​താവനയിൽ പറയുന്നതിങ്ങനെ: ''വെൽ​െഫയർ പാർട്ടി, എസ്​.ഡി.പി.ഐ ഉൾപ്പെടെയുള്ള തീവ്രവാദ സംഘടനകളുമായി സഖ്യത്തിനൊരുങ്ങുന്ന മുസ്​ലിംലീഗി​​െൻറ തീരുമാനം മതനിരപേക്ഷ രാഷ്​ട്രീയത്തിനോടുള്ള വെല്ലുവിളിയാണ്​. തദ്ദേശ തെരഞ്ഞെടുപ്പിൽ എൽ.ഡി.എഫിനെ നേരിടാനുള്ള ശക്തി യു.ഡി.എഫിനില്ല എന്ന തിരിച്ചറിവാണ്​ തീരുമാനത്തി​​െൻറ പിന്നിൽ. ഈ നീക്കം കോൺഗ്രസ്​ നേതൃത്വത്തി​​െൻറ മൗനാനുവാദത്തോടെയാണ്. ഭൂരിപക്ഷ വർഗീയത വളർത്താൻ കേന്ദ്രസർക്കാർതന്നെ മുന്നോട്ടുവരു​േമ്പാൾ മതനിരപേക്ഷനിര ശക്തി​െപ്പടേണ്ടത്​ അനിവാര്യമാണ്​.എന്നാൽ, കമ്യൂണിസ്​റ്റ്​ വിരുദ്ധ രാഷ്​ട്രീയം മാത്രം മുൻനിർത്തി പ്രവർത്തിക്കുന്ന യു.ഡി.എഫ്​ വർഗീയശക്തികളോട്​ സന്ധിചെയ്യാനൊരുങ്ങുന്നത്​ ആത്മഹത്യാപരമാണ്​. ഇസ്​ലാമിക രാഷ്​ട്രമെന്ന നിലപാടാണ്​ ജമാഅത്തെ ഇസ്​ലാമി പിന്തുടരുന്നത്​. ഇത്​ ഭൂരിപക്ഷ വർഗീയതയെ പ്രോത്സാഹിപ്പിക്കുന്നതുമാണ്​. അതുകൊണ്ടുതന്നെ മുസ്​ലിംലീഗി​​െൻറ നടപടി സമുദായതാൽപര്യത്തിന്​ എതിരാണെന്ന്​ മുസ്​ലിം ജനവിഭാഗം തിരിച്ചറിയണം'' (ദേശാഭിമാനി, 2020 ജൂൺ 21).

മനസ്സിലാവുന്നിടത്തോളം, വരാനിരിക്കുന്ന ത​ദ്ദേശ തെരഞ്ഞെടുപ്പിൽ വെൽ​െഫയർ പാർട്ടി മുൻ തെരഞ്ഞെടുപ്പുകളിലെല്ലാം സി.പി.എമ്മും മറ്റു​ പാർട്ടികളും ചെയ്​തപോലെ പ്രാദേശിക നീക്കുപോക്കുകളിലേർപ്പെടാൻ ആലോചനകൾ നടത്തുന്നുണ്ട്​. മുക്കം നഗരസഭയിലെ 20ാം വാർഡിലെ സമ്മതിദായകനായ എനിക്ക്​ അറിയാവുന്ന സത്യമുണ്ട്​. കഴിഞ്ഞ തെരഞ്ഞെടുപ്പിൽ സി.പി.എം, വെൽ​െഫയർ പാർട്ടിയുമായി ഉണ്ടാക്കിയ ധാരണയുടെ അടിസ്ഥാനത്തിലാണ്​ മത്സരിച്ചത്​. വെൽ​െഫയർ പാർട്ടിയുടെ രണ്ടു സജീവ പ്രവർത്തകരും പാർട്ടി പിന്താങ്ങിയ രണ്ടു സ്വതന്ത്ര സ്ഥാനാർഥികളും നഗരസഭാംഗങ്ങളായത്​ ഇവ്വിധമാണ്​. എൽ.ഡി.എഫിന്​ നഗരസഭ ഭരിക്കാനായതും ഈ ധാരണയുടെ അടിസ്ഥാനത്തിൽതന്നെ​.

തൊട്ടടുത്ത ​കൊടിയത്തൂർ പഞ്ചായത്തി​ലുമുണ്ടായി ഇൗ നീക്കുപോക്ക്​. യു.ഡി.എഫി​​െൻറ കുത്തക എന്നുപറയാവുന്ന കൊടിയത്തൂർ പഞ്ചായത്ത്​ വൻ ഭൂരിപക്ഷത്തോടെ ഇടതുഭരണത്തിലെത്തിയത്​ തന്മൂലമാണ്​. മറ്റു പഞ്ചായത്ത്​-നഗരസഭകളിലുമുണ്ടായി ഇത്തരം ധാരണകൾ. കോടിയേരിയോ എളമരം കരീമോ പാർട്ടി സെ​ക്ര​േട്ടറിയറ്റോ ഈ സത്യം നിഷേധിക്കാൻ ധൈര്യപ്പെടുമോ? അഞ്ചുകൊല്ലം മുമ്പ്​ വെൽ​െഫയർ പാർട്ടിയുമായി ജമാഅത്തെ ഇസ്​ലാമിക്ക്​ ബന്ധമുണ്ടായിരുന്നില്ല എന്നാണോ? അതല്ലെങ്കിൽ ജമാഅത്തെ ഇസ്​ലാമി അന്ന്​ 'ഇന്ത്യയെ ഇസ്​ലാമിക രാഷ്​ട്രമാക്കാനാണ്​ ശ്രമിക്കുന്നതെ'ന്ന്​ സി.പി.എം അറിയാതെ പോയതാണോ? അതുമല്ലെങ്കിൽ ധാരണ സി.പി.എമ്മുമായിട്ടാണെങ്കിൽ ഭൂരിപക്ഷവർഗീയതയെ വളർത്തുകയില്ല എന്നാണോ?

ഇപ്പറഞ്ഞത്​ ലോക്കൽ ബോഡീസ്​ ഇലക്​ഷ​​െൻറ കാര്യം. സാക്ഷാൽ നിയമസഭയിലേക്കും ലോക്​സ​ഭയിലേക്കുമുള്ള പോളിസിപ്രധാനമായ തെരഞ്ഞെടുപ്പുകളിലെ ഗതകാലാനുഭവങ്ങൾ എന്തായിരുന്നു? 2009ലെ പാർലമ​െൻറ്​ തെരഞ്ഞെടുപ്പിൽ പിണറായി വിജയനും കോടിയേരി ബാലകൃഷ്​ണനുമൊക്കെ ജമാഅത്തെ ഇസ്​ലാമി നേതാക്കളെ കണ്ട്​ വിശദമായി ചർച്ചകൾ നടത്തുകയും ഫാഷിസ്​റ്റ്​ ശക്തികൾ അധികാരത്തിൽ വരാതിരിക്കാൻ ജമാഅത്തി​​െൻറ പിന്തുണ നേടുകയും ചെയ്​തിരുന്നു. അതുപ്രകാരം സി.പി.എം സ്ഥാനാർഥികളിൽ പലരെയും ജമാഅത്ത്​ പിന്തുണക്കുകയും ചെയ്​തു. അതേ തെരഞ്ഞെടുപ്പ്​ വേളയിൽതന്നെ ഡൽഹിയിലെ സി.പി.എം ആസ്ഥാനമായ എ.കെ.ജി ഭവനിൽവെച്ച്​ ഇന്നത്തെ വെൽ​െഫയർ പാർട്ടിയ​ുടെ അഖിലേന്ത്യ അധ്യക്ഷൻ എസ്​.ക്യു.ആർ. ഇല്യാസ്​, ജമാഅത്തി​​െൻറ അന്നത്തെ അഖിലേന്ത്യ ഉപാധ്യക്ഷൻ പ്രഫ. കെ.എ. സിദ്ദീഖ്​ ഹസൻ എന്നിവർ സി.പി.എം പോളിറ്റ്​ ബ്യൂറോ അംഗം എസ്​. രാമചന്ദ്രൻ പിള്ളയുമായി സവിസ്​തരം ചർച്ചകൾ നടത്തി.

പാർട്ടിയുടെ കൊൽക്കത്ത കോൺഗ്രസ്​ അംഗീകരിച്ച രാഷ്​ട്രീയപ്രമേയത്തിനെതിരാവില്ലേ 'മതരാഷ്​ട്രവാദികളായ' ജമാഅത്തെ ഇസ്​ലാമിയുമായി ബന്ധം സ്ഥാപിക്കുന്നത്​ എന്ന്​ ചർച്ചകൾക്ക്​ ദൃക്​സാക്ഷിയായ ഞാൻ ചോദിച്ചപ്പോൾ നിഷേധാർഥത്തിലാണ്​ എസ്​.ആർ.പി പ്രതികരിച്ചത്​. കേരള നിയമസഭയിലേക്കു നടന്ന പല തെരഞ്ഞെടുപ്പുകളിലും ഇത്തരം പിന്തുണതേടൽ സി.പി.എമ്മി​​െൻറ ഭാഗത്തുനിന്നുണ്ടാവുകയും എളമരം കരീമടക്കം ചർച്ചകൾക്ക്​ മുൻകൈയെടുക്കുകയും ചെയ്​തിട്ടുണ്ട്. ഇതൊന്നും ജനങ്ങളറിയില്ല, ഓർക്കില്ല എന്ന ധൈര്യംകൊണ്ടാവണം ആയിരംവട്ടം ആവർത്തിച്ച മതരാഷ്​​ട്രവാദം, ഇസ്​ലാമികഭരണംപോലുള്ള ആരോപണങ്ങൾ വീണ്ടുംവീണ്ടും തരംപോലെ എടുത്തുപെരുമാറുന്നത്​.

പുതിയ പ്രകോപനത്തി​​െൻറ പശ്ചാത്തലംകൂടി ഓർമിക്കുന്നത്​ നല്ലതാണ്. 2019ലെ ലോക്​സഭ തെരഞ്ഞെടുപ്പിൽ ഹിന്ദുത്വമുന്നണിയും സെക്കുലർ പാർട്ടികളും നേർക്കുനേരെ ഏറ്റുമുട്ടുകയും മോദി സർക്കാറിന്​ രണ്ടാമൂഴം തരപ്പെടാനുള്ള സാധ്യത തെളിഞ്ഞുവരുകയും ചെയ്​ത സാഹചര്യത്തിൽ പ്രധാന പ്രതിപക്ഷ പാർട്ടിയായ കോൺഗ്രസും ഒപ്പംനിൽക്കുന്ന പാർട്ടികളും ഭൂരിപക്ഷം നേടേണ്ടത്​ ഫാഷിസ്​റ്റ്​ വിരുദ്ധരായ സർവരെ സംബന്ധിച്ചിടത്തോളവും ജീവൽപ്രധാനമായിരുന്നു, വിശിഷ്യ മതന്യൂനപക്ഷങ്ങൾക്ക്​. അതിനാൽ, പിന്തുണ തേടിയ യു.ഡി.എഫി​​െൻറ വിജയത്തിനായി രംഗത്തിറങ്ങാൻ വെൽ​െഫയർ പാർട്ടി തീരുമാനിച്ചു. എൽ.ഡി.എഫാവ​ട്ടെ പിന്തുണ ആവശ്യപ്പെട്ടില്ല. സി.പി.എം ദേശീയതലത്തിൽ പരിഗണനീയമായ മുന്നണിയിൽ അല്ലായിരുന്നുതാനും. അതിനാൽ, വെൽ​െഫയർ പിന്തുണക്കുന്നവരുടെ പട്ടികയിൽ അവരുടെ സ്ഥാനാർഥികൾ സ്ഥലംപിടിച്ചില്ല. ഇലക്​ഷൻ കഴിഞ്ഞ്​ ഫലങ്ങൾ പുറത്തുവന്നപ്പോൾ ഇരുപതിൽ പത്തൊമ്പത്​ മണ്ഡലങ്ങളും യു.ഡി.എഫ്​ തൂത്തുവാരി. കടുത്ത നിരാശയും അമർഷവും പിടികൂടിയ സി.പി.എം മറ്റേത്​ പാർട്ടിയേക്കാളുമേറെ ജമാഅത്തെ ഇസ്​ലാമിയുടെ നേരെയാണ്​ പ്രതികാരബുദ്ധിയോടെ പെരുമാറാൻ തുടങ്ങിയത്​. കാരണങ്ങളുണ്ട്​.

ശബരിമലകാര്യത്തിൽ സുപ്രീംകോടതി വിധി നടപ്പാക്കാൻ തുനിഞ്ഞ പിണറായി സർക്കാറിനെതിരെ സംഘ്​പരിവാർ നടത്തിയ രണോത്സുക പ്രക്ഷോഭം ആത്യന്തികമായി ഗുണംചെയ്​തത്​ യു.ഡി.എഫിനാണ്​. നഷ്​ടപ്പെട്ട ഹിന്ദുവോട്ടുകൾ തിരിച്ചുപിടിക്കാൻ, തങ്ങൾ സംഘ്​പരിവാറിനെ മാത്രമല്ല എതിർക്കുന്നത്,​ മുസ്​ലിം ന്യൂനപക്ഷ പാർട്ടികളെയും തുല്യരീതിയിൽ പ്രതിയോഗികളായി കാണുന്നു എന്ന സന്ദേശം ഭൂരിപക്ഷ സമുദായത്തിന്​ നൽകണം. അതിനേറ്റവും ഉരമുള്ള ഇര ജമാഅത്തെ ഇസ്​ലാമിയാണ്​. പൗരത്വനിയമത്തിനെതിരെ ദേശവ്യാപകമായി പ്രക്ഷോഭത്തിനിറങ്ങിയ വിദ്യാർഥി-യുവജന വിഭാഗങ്ങളുടെ ചാലകശക്തികളിലൊന്നായ ജമാഅത്തിനെ ടാർഗറ്റ്​ ചെയ്യുന്നത്​, ഇടതുപക്ഷ ചായ്​വുള്ള മുസ്​ലിം യുവാക്കളെ പിടിച്ചുനിർത്താൻ വഴിയൊരുക്കും എന്നും സി.പി.എം കണക്കുകൂട്ടുന്നു.

കേരളത്തിൽ സ്വാധീനമുള്ള മതസംഘടനകളെ കൂട്ടുപിടിച്ച്​ ജമാഅത്തെ ഇസ്​ലാമിയെ ഒറ്റപ്പെടുത്താനുള്ള ശ്രമം പക്ഷേ, തുടക്കത്തിലേ പാളി. പൗരത്വനിയമത്തിനെതിരായ സമരങ്ങളിൽ ജമാഅത്തിന്​ അയിത്തം കൽപിക്കണമെന്ന മുഖ്യമന്ത്രി ഉൾപ്പെടെയുള്ളവരുടെ നിരന്തരമായ ആഹ്വാനത്തി​​െൻറ പിന്നിലെ ദുഷ്​ടലാക്ക്​ മതസംഘടനകളും തിരിച്ചറിഞ്ഞു. അതിനിടെയാണ്​ കോവിഡ്​-19 പെയ്​തിറങ്ങുന്നത്​. പ്രളയകാലത്തെന്നപോലെ കോവിഡ്​കാലത്തും സർക്കാറുമായി സർവാത്​മനാ സഹകരിച്ചും സ്വന്തമായും ആശ്വാസ പുനരധിവാസ പ്രവർത്തനങ്ങളിലേർപ്പെടുന്ന ഇന്ത്യയിലെ ആദർശ ധാർമിക പ്രസ്ഥാനത്തിനു​നേരെ ചളിവാരിയെറിയാനുള്ള ശ്രമം നഷ്​ട​ക്കച്ചവടമായേ കലാശിക്കൂ എന്ന്​ സി.പി.എം നേതൃത്വം തിരിച്ചറിഞ്ഞാൽ അവർക്ക്​ നല്ലത്​. ഹിന്ദുത്വ തീവ്രവാദം ഫാഷിസമായി രൂപാന്തരപ്പെട്ട്​ ഇന്ത്യയെ മൊത്തം പിടിയിലൊതുക്കുന്ന ദശാസന്ധിയിൽ തത്തുല്യമായ ശക്തികൾ, മുഖ്യ ഇരകളായ മുസ്​ലിം സമുദായത്തിലുമുണ്ടെന്ന്​, തെളിവുകളുടെ കണികപോലുമില്ലാതെ വ്യാജ പ്രചാരണം നടത്തുന്നത്​​ യഥാർഥത്തിൽ സംഘ്​പരിവാറിനെയാണ്​ സഹായിക്കുകയെന്ന്​ സി.പി.എമ്മിന്​ ഇനിയും മനസ്സിലാവുന്നി​ല്ലെങ്കിൽ കാലം അവരെ ബോധ്യപ്പെടുത്തും. അ​ന്നേരം കമ്യൂണിസ്​റ്റുകളായിരിക്കും ഫാഷിസ്​റ്റുകളുടെ മുഖ്യ ഇരകൾ എന്നുമാത്രം.

തയാറാക്കിയത്: എ.ആർ

Show Full Article
TAGS:cpm Jamaat Phobia jamaat islami 
Next Story