വോട്ടുബാങ്ക്​ രാഷ്​ട്രീയവും കോടതി വിധിയും

സ്​ത്രീകൾക്ക്​ പ്രായഭേദമന്യേ ശബരിമലയിൽ പ്രവേശനം അനുവദിച്ച്​​ സുപ്രീംകോടതി പുറപ്പെടുവിച്ച വിധി അപൂർവങ്ങള ിൽ അപൂർവമാണ്. ആരാണ്​ സ്​ത്രീ പ്രവേശനത്തിനുവേണ്ടി കേസ്​ ഫയൽ ചെയ്​തതെന്നും മറ്റുമുള്ള കാര്യങ്ങൾ കൊയ്​ത്തിരിയാൻ മുഖ്യധാരാ മാധ്യമങ്ങൾപോലും പരാജയപ്പെടുന്ന കാഴ്​ച നാം കണ്ടുകൊണ്ടിരിക്കുന്നു. ചതികളിൽ കുടുങ്ങാതെ നടന്നുനീങ്ങിയും അർഥപൂർത്തി വരുത്തിയും മാത്രമേ സത്യം ഒരളവോളം ഗ്രഹിക്കാൻ കഴിയൂവെന്ന അഭൂതപൂർവമായ ഒരവസ്​ഥയിലാണ്​ നാം മലയാളികൾ ഇന്നെത്തിനിൽക്കുന്നത്​. ദത്തശ്രദ്ധമായ നീക്കങ്ങൾ നടത്തിയില്ലെങ്കിൽ ഒരു രണ്ടാം പ്രളയ ഭീഷണിയിൽ നാം നേടിയെടുത്ത സാംസ്​കാരികഭ്യുന്നയങ്ങളൊക്കെ ഒഴുകിയൊഴിഞ്ഞ്​ പോകാനിരിക്കുകയാണ്​. മണ്ണി​​​െൻറ ഗുണം നഷ്​ടപ്പെട്ട അവസ്​ഥയിൽ, പെണ്ണി​​​െൻറ ഗുണം നഷ്​ടപ്പെട്ടു കൊണ്ടിരിക്കുന്ന അവസ്​ഥയിൽ, വിണ്ണി​​​െൻറ മേന്മകളിൽ നമ്മുടെ ദൃഷ്​ടി പതിയേണ്ടിയിരിക്കുന്നു.

സുപ്രീംകോടതി വിധി ഭൂതകാലത്തേക്കും നമ്മുടെ ഭരണഘടന നിർമാണ വേളകളിലേക്കും നമ്മെ കൊണ്ടുചെന്നെത്തിക്കേണ്ടതുണ്ട്​. ഡോ. ബി.ആർ. അംബേദ്​കർക്ക്​ ആധുനിക ഇന്ത്യൻ ജനാധിപത്യത്തി​​​െൻറ പിതാവ്​ എന്ന പേര്​ കൊടുക്കേണ്ടിവരുന്ന സദ്​സന്ദർഭം കൂടിയാണ്​ ഇന്ന്​. അംബേദ്​കർക്ക്​ കേന്ദ്ര നിയമമന്ത്രി എന്ന പദവി രാജിവെക്കേണ്ടിവന്നത്​ ഹൈന്ദവ സ്​ത്രീകളുടെ തുല്യാവകാശത്തിനു വേണ്ടിയായിരുന്നുവെന്നത്​ ഒാർക്കണം. ഇന്ത്യൻ നാഷനൽ കോൺഗ്രസ്​ അത്തരുണത്തിൽ കെട്ടിഘോഷിക്കപ്പെടുന്ന നേതൃത്വ സമുച്ചയങ്ങളിൽ കൊടികുത്തി വാഴു​േമ്പാഴും ഭരണഘടന ശിൽപിക്ക്​ രാജിവെച്ചൊഴിയേണ്ടിവന്നു.
ചരിത്രം എല്ലാറ്റിനും മൂകസാക്ഷിയായിട്ടുണ്ട്​. പ​േക്ഷ, ചരിത്രം എപ്പോഴും മൗനത്തി​​​െൻറ പുറ്റുകളിൽ തന്നെ ഒളിഞ്ഞിരിക്കുമെന്ന്​ ആരും കരുതേണ്ട. തീവ്രവാദ കമ്യൂണിസ്​റ്റുകാർ മുതൽ പാരമ്പര്യവാദികളായ കമ്യൂണിസ്​റ്റുകാർ വരെ ഇതഃപര്യന്തം കൈക്കൊണ്ടിട്ടുള്ള നിലപാടുകളും സമീപനങ്ങളും നിഷ്​കർഷമായി വിശകലന വിധേയമാക്കേണ്ട സന്ദർഭം ഇതല്ലെങ്കിൽ കൂടി നമുക്ക്​ അതെല്ലാം മറന്നുകൂടാ.

സുപ്രീംകോടതി വിധി തുല്യത എന്ന സങ്കൽപത്തിൽ നിന്നാണ്​, സമൂഹിക നീതി എന്ന പ്രഭവ കേന്ദ്രത്തിൽ നിന്നാണ്​, സാഹോദര്യം എന്ന വിശാല കാഴ്​ചപ്പാടിൽ നിന്നാണ്​ ഉടലെടുത്തിട്ടുള്ളതെന്ന്​ ഉൽപതിഷ്​ണുക്കളായ എല്ലാവർക്കും സംശയിക്കാതെ സ്വീകരിക്കാവുന്ന ഒരു കാര്യമാണ്​. എന്നാൽ, എക്കാലത്തും തുല്യത എന്ന കാഴ്​ചപ്പാടിനെ അടിമുടി എതിർത്ത ഇന്ത്യൻ ശക്തി ബ്രാഹ്​മണിക്കൽ ഹൈന്ദവതയാണെന്ന്​ ഇനിയും മനസ്സിലാക്കാത്തവർ എന്നാണ്​ അതു മനസ്സിലാക്കുക?
വിശ്വാസങ്ങളുടെ പ്രശ്​നം എപ്പോഴും പാടിക്കൊണ്ടിരിക്കു​ന്നവർ വിശ്വാസികളല്ല, അന്ധവിശ്വാസികളാണ്​. വിശ്വാസം കപടമാകു​േമ്പാൾ അന്ധവിശ്വാസമാകുന്നു. അന്ധവിശ്വാസം പകർച്ചവ്യാധിപോലെ കേരളത്തിൽ പടർന്നു പന്തലിച്ചത്​ ഇ​േന്നാ ഇന്നലെയോ അല്ല. അതി​​​െൻറയൊക്കെ വേരുകൾ ചൂഴ്​​െന്നടുത്താൽ എത്രയെത്ര കപടബിംബങ്ങളാണ്​ നിലംപതിക്കുക എന്നത്​ നാം കാണാനിരിക്കുന്ന ചരിത്രത്തി​​​െൻറ വൻ സ്​ഫോടനങ്ങൾ ആയിരിക്കും. അതിൽ ഇടതുപക്ഷം കൈക്കൊണ്ട നിഷേധാത്മക നയങ്ങളുടെ പങ്ക്​ ചെറുതല്ല. ഇത്തരുണത്തിൽ അത്​ വിടർത്തുന്നത്​ ഉചിതവുമല്ല. ഭഗവദ്​ഗീതയുമായി പോപ്പിനെ കാണാൻ പോയത്​ മുതൽ ശബരിമല തീർഥാടകർക്ക്​ സൗകര്യം ഒരുക്കിയതു മുതൽ പെരുന്നാൾ സംഗമങ്ങളിൽ ഉന്മാദിച്ചതു മുതൽ സ്വന്തം തറവാട്​ ക്ഷേത്രങ്ങൾ നവീകരിച്ച്​ ഭജനമിരുന്നതു വരെയുള്ള നാൾവഴികൾ ഭാവിയിൽ വിസ്​തരിക്കപ്പെടും.

1917ൽ റഷ്യയിൽ വിപ്ലവം നടക്കു​േമ്പാൾ ഗുരുവായൂർ അമ്പലനടയിൽ ഉണ്ണിയായ ശങ്കരൻ നമ്പൂതിരിപ്പാട്​ ഭജനമിരിക്കുകയായിരുന്നു. പ​േക്ഷ, ഗുരുവായൂർ ക്ഷേത്രപ്രവേശനത്തിനും വൈക്കം സത്യഗ്രഹത്തിനും അടുക്കളയിൽനിന്ന്​ അരങ്ങത്തേക്കുള്ള നാടകത്തിൽ വേഷംകെട്ടുന്നതിനും അമാന്തം കാണിക്കത്തക്ക രീതിയിൽ അൽപനല്ലായിരുന്നു ഇ.എം. ശങ്കരൻ നമ്പൂതിരിപ്പാട്​. എന്നാൽ, ദാമോദർ ധർമാനന്ദ്​ കൊസാംബിയുടെയോ രാഹുൽ സംകൃത്യായ​​​െൻറയോ എന്തിന്​ കെ. ദാമോദര​​​െൻറയെങ്കിലും ഒരു ഗ്രന്ഥം റോമിലേക്ക്​ കൊണ്ടുപോയിരുന്നെങ്കിൽ നാം എത്രമേൽ വാഴ്​ത്തപ്പെടുമായിരുന്നുവെന്ന്​ ഒാർത്തുനോക്കണം. ആരാണ്​ ഇൗ കൊടുംകൈക്ക്​ വളം നൽകി പറഞ്ഞയച്ചതെന്നും ഒാർക്കണം. പൊൻകുന്നം വർക്കി മുതൽ മുണ്ടശ്ശേരി വരെ പിറന്നതും മരിച്ചതുമായ കേരളത്തിൽ നവജാത കമ്യൂണിസ്​റ്റ്​ കുട്ടികൾ തൊടുത്തുവിട്ട വിനകൾ ചില്ലറയൊന്നുമല്ല.

വിശ്വാസത്തിൽ കുടുങ്ങിക്കിടക്കുന്ന മാലോകർ ഒരു കാര്യം ഒാർക്കണം. സതി ഒരു ആചാരം ആയിരുന്നില്ലേ? മാറ്​ നികുതി ഒരു ആചാരം ആയിരുന്നില്ലേ? തീണ്ടലും അസ്​പൃശ്യതയും ഒരനാചാരമായിരുന്നില്ലേ? മാറ്റിയതും വിശ്വാസികൾ തന്നെയായിരുന്നു. അവർ കപടവിശ്വാസികളും അന്ധവിശ്വാസികളും ആയിരുന്നില്ല എന്നേ ഉള്ളൂ. സ്വന്തം മാറ്​ ചെത്തിമുറിച്ച്​ നികുതിപ്പാട്ടയിൽ നിക്ഷേപിച്ച്​ നങ്ങേലി പിടഞ്ഞുപിടഞ്ഞാണ്​ മരിച്ചത്​. അടിയും ഇടിയുംകൊണ്ടാണ്​ അവർണർക്ക്​ ക്ഷേത്രപ്രവേശനം നേടാൻ കഴിഞ്ഞത്​. അവർണർക്ക്​ പ്രതിഷ്​ഠ നടത്താൻ ആചാര സമിതി ഉണ്ടായിരുന്നോ? ആരാണ്​ ഇൗഴവ ശിവനെ പ്രതിഷ്​ഠിച്ചത്​? ശ്രീനാരായണ ഗുരു. പിന്നീടെന്താണ്​ പ്രതിഷ്​ഠിച്ചത്​? കണ്ണാടി. ദയവ്​ ചെയ്​തു ചങ്ങാതിമാരില്ലാത്തവ​േര കണ്ണാടി നോക്കൂ.

മാതാപിതാ ഗുരു എന്നതാണല്ലോ നമ്മുടെ ആപ്​തവാക്യം. തീണ്ടാരിയാകുന്ന അമ്മക്ക്​ പിറന്ന മക്കൾ തന്നെയല്ലേ നാം? അക്കാരണംകൊണ്ട്​ സംസ്​കാരമുള്ള ആർക്കെങ്കിലും അമ്മ അശുദ്ധിയാകുമോ? പത്തു മുതൽ അമ്പതു വർഷം വരെയുള്ള കൃത്യമായ കാലയളവിൽ മാത്ര​േമ സ്​ത്രീകൾ ‘അശുദ്ധി’യുള്ളവരാക്കപ്പെടുന്നുവെന്നത്​ തെറ്റാണെന്ന്​ അറിയിക്കാൻ ശാസ്​ത്രം പഠിക്കേണ്ടതുണ്ടോ? സ്വന്തം മുരിങ്ങാച്ചുവട്ടിൽ അൽപം വിശ്രമിച്ചാൽ പോരേ?
മറ്റൊന്നു ഭൂരിപക്ഷത്തി​​​െൻറ പ്രശ്​നം. ചരിത്രത്തി​​​െൻറ വീഥികളിൽ എപ്പോഴാണ്​ ഭൂരിപക്ഷം പുരോഗമനത്തി​​​െൻറ പാതയിൽ നിർണായക ഘടകമായിത്തീരുന്നത്​? നാം 47ഉം ശേഷം ഭാഗവും കണ്ടവരാണല്ലോ? സ്വാതന്ത്ര്യസമരത്തിൽ എത്ര ശതമാനം ജനങ്ങൾ പങ്കാളികളായി? പ്രത്യേകിച്ചും സവർണർ? മാപ്പിളലഹള പോലെ അത്രയേറെ ആളുകൾ കൊല്ലപ്പെട്ടതും തുറുങ്കിലടക്കപ്പെട്ടതും കാണാതായതും പലായനവീഥികളിൽ മറഞ്ഞവരും കേരളത്തിൽ മറ്റൊരു സമരത്തി​​​െൻറ ദൃശ്യമാണോ? ആരായിരുന്നു അവരെ അടിച്ചമർത്തിയ ടെയിൽ എൻഡ്​? എം.എസ്​.പി എന്ന കിരാത പൊലീസ്​ സംഘത്തിൽ മലയാളികൾ അല്ലാത്തവർ എത്ര പേർ ഉണ്ടായിരുന്നു? എം.എസ്​.പി ബറ്റാലിയൻ സേനയുടെ ജാതി തിരിച്ചുള്ള കണക്ക്​ അൽപം ബോധ്യമുള്ള ഏതു സവർണ​​​െൻറയും മുട്ടുമടക്കിക്കും.

ഫ്രാ​േങ്കാക്കെതിരായുള്ള പെൺവിശ്വാസികളുടെ സഹനവീഥികളിൽ എത്ര പേർ എന്തെല്ലാം നിലപാടുകളാണ്​ സ്വീകരിച്ചത്​? അഭയ കേസ്​, ചേകന്നൂർ മൗലവി കേസ്​, ജോസഫ്​ വെട്ടുകേസ്​ ഇതിലൊക്കെ കേരളക്കാർ എങ്ങനെയാണ്​ പ്രതികരിച്ചത്​? തുടരാനാവാത്തിടത്തല്ല വിരാമമിടുന്നത്​.

നാം സത്യസന്ധരാകേണ്ടതുണ്ട്​. അതോടൊപ്പം തന്നെ യാഥാർഥ്യബോധം ഉള്ളവരും ആകേണ്ടതുണ്ട്​. കേരളത്തിൽ ഒരിക്കലും ഒരു ഗുജറാത്ത്​ ആവർത്തിച്ചുകൂടാ. വംശഹത്യയുടെ കരുനീക്കങ്ങൾ വ്യത്യസ്​തവും വിഭിന്നവുമാണ്. ഹീനശക്തികളുടെ നിഗൂഢ മുന്നൊരുക്കം സൂക്ഷ്​മനിരീക്ഷണം ചെയ്യാൻ കഴിയാത്ത നമ്മുടെ അവസ്​ഥയിൽ നമുക്ക്​ പരിതപിക്കുകയെങ്കിലും വേണം. സത്യം ന്യൂനപക്ഷത്തിൽ ഒളിച്ചിരിക്കുന്നുവെന്നും പരിതപിക്കാത്തവരെ ഭ്രാന്തൻ പട്ടിയെപ്പോലെ അടിച്ചുകൊല്ലണമെന്നും പറഞ്ഞതു മാവോസേതുങ്ങാണ്​. അതും നാം ഇപ്പോൾ ചെയ്യണമെന്നില്ല.

കേരളം ഒരു കുരുതിക്കളമായിക്കൂടാ എന്നു നാം ദൃഢനിശ്ചയം ചെയ്യണം. അയവുള്ള, ദീർഘദൃഷ്​ടിയുള്ള അടവും തന്ത്രവും നമുക്ക്​ ആവിഷ്​കരിക്കാൻ കഴിയണം. ഫാഷിസത്തെ ചെറുക്കാൻ ​െഎക്യമുന്നണി എന്ന ആശയത്തിന്​ ഉരുവം കൊടുത്ത ദിമി​ത്രോവിനെയെങ്കിലും സ്​മരിക്കണം. കയറിയിരുന്ന ഇടങ്ങളിൽനിന്നു പറ്റിക്കൂടിയ മാലിന്യ ചിന്തകൾ കഴുകിക്കളയണം. വിടുവായത്തം പുലമ്പുന്നതെങ്കിലും തൽക്കാലം നിർത്തണം. ഉച്ചരിക്കപ്പെടുന്ന വാക്കുകൾ കേൾവിക്കാരിൽ സൃഷ്​ടിക്കുന്ന അപകടസൂചനകൾ ചെറുതല്ല. കാരണം ഒന്നും പ്രത്യയശാസ്​ത്ര മുക്തമല്ല. ശരീരഭാഷ പോലും.

സുപ്രീംകോടതി വിധി നടപ്പാക്കാൻ വൈമുഖ്യം കാണിക്കാൻ അന്തസ്സുള്ള ഒരു സർക്കാറിനും സാധ്യമല്ല. നാം കേരളീയർ 1950കളിൽ തന്നെ വിമോചന സമരം കണ്ടവരല്ലേ? പ​േക്ഷ, വേണ്ടുന്നിടത്ത്​ വിട്ടുവീഴ്​ചകൾ ചെയ്​തു തത്ത്വദീക്ഷയോടെ കാര്യങ്ങൾ നിർവഹിക്കാൻ കഴിയണം. അത്തരം ഒരു പ്രാപ്​തി മലയാളിക്കുണ്ടോ എന്നതാണ്​ നവലോകം ഉറ്റുനോക്കുന്നത്. ആർജിതാവബോധത്തി​​​െൻറ അന്ത്യസന്ധിയാണോ ഇപ്പോൾ നാം അഭിമുഖീകരിക്കുന്ന പ്രതിസന്ധി?
മനുഷ്യർക്ക്​ ഭയക്കാനെന്തുള്ളൂ? ചരിത്രത്തി​​​െൻറ ചോരച്ചാലുകളിൽനിന്നും ഇരുണ്ട ഗർത്തങ്ങളിൽനിന്നും ജനത സ്വന്തം ശക്തിയിൽ പുനരുജ്ജീവനം ചെയ്​തതിന്​ ചരിത്രമുണ്ട്​. ഞായറാഴ്​ച കൂട്ടായ്​മയിൽ തുടങ്ങിയ കോൺഗ്രസ്​ പിന്നീട്​ മഹാത്മാഗാന്ധിയിലൂടെ ഇന്ത്യൻ ജനതയുടെ ഹൃദയങ്ങളിൽ കുടിപാർത്തിട്ടുണ്ട്​.അധികാരത്തി​​​െൻറ ആഹ്ലാധിക്യത്തിൽ അസ്​ക്യതയേശാതെ മരണത്തിന്​ കീഴടങ്ങിയിട്ടുണ്ട്​. ജനങ്ങൾക്ക്​ വേണ്ടിയുള്ള മരണം ജീവിതമാണ്​. അതിനാൽ ശരിയായ കാര്യങ്ങൾ പറയാൻ ആരും ഒട്ടും മടിക്കേണ്ടതില്ല.

പ​േക്ഷ, ഒരു പ്രസ്​ഥാനമാകു​േമ്പാൾ ഒരു ജനതയുടെ സദ്​ രാഷ്​ട്രീയ വികാരത്തെയാണ്​ ഉത്തേജിപ്പിക്കേണ്ടതും നയിക്കേണ്ടതും. തൊലിപ്പുറ വികാരത്തെയല്ല. പ്രസ്​തുത ബാധ്യസ്​ഥത നിറവേറ്റാൻ തങ്ങൾക്കുള്ളിൽ ശക്തിയില്ലെങ്കിൽ ഒട്ടും ലജ്ജിക്കാതെ കേരളത്തിലെ എല്ലാ ഇടതുപക്ഷ ശക്തികളെയും കേന്ദ്രങ്ങളെയും ആശയങ്ങളെയും വ്യക്​തികളെയും കൈകോർത്തു പിടിച്ച്​ ഒന്നായി മുന്നേറാൻ കഴിയണം. ചരിത്രം എന്തു വിധിക്കുന്നുവെന്നതു വളരെ പ്രധാനമായ കാര്യംതന്നെയാണ്​. ഒപ്പംതന്നെ പ്രധാനമാണ്​ നിലപാടുകളും നടപടികളും. ആകാശത്ത്​ ഉരുണ്ടുകൂടിയ ചാര ഭീകരതയെ സരളമായി നേരിടാൻ കഴിഞ്ഞില്ലെങ്കിൽ രണ്ടാമതൊരു പ്രളയ ഭീഷണിയിൽ നാം മുങ്ങിയൊടുങ്ങു​േമ്പാൾ ധനംകൊണ്ടോ ചലഞ്ചുകൾ കൊണ്ടോ നമുക്ക്​ രക്ഷാശക്തികളായ മുക്കുവക്കരങ്ങളെ അഭയസ്​ഥാനത്ത്​ വെക്കാൻ കഴിയണമെന്നില്ല.
ഞാൻ ഒരു അശുഭ വിശ്വാസിയാണ്​. കാരണം, ഞാൻ ശുഭം കൊതിക്കുന്നു.