തി​ര​വി​ഴു​ങ്ങു​ന്ന ജീ​വ​നും ജീ​വി​ത​വും

ആ​റാ​ട്ടു​പു​ഴ​യി​ലെ ഹോ​ട്ട​ൽ വ്യാ​പാ​രി അ​മാ​നു​ല്ല പ​റ​യു​ന്ന​ത് കേ​ൾ​ക്കു​ക.‘‘15 വ​യ​സ്സു​ള്ള​പ്പോ​ൾ പി​താ​വി​നൊ​പ്പം ന​ഗ​ര​ത്തി​ലെ ഹോ​ട്ട​ലി​ൽ എ​ത്തി​യ​താ​ണ്. പ​ടി​ഞ്ഞാ​റു ഭാ​ഗ​ത്തേ​ക്ക് ഏ​റെ​നേ​രം ന​ട​ന്നാ​ണ് അ​ന്ന്​ ക​ട​ൽ കാ​ണാ​ൻ​പോ​യി​രു​ന്ന​ത്. ഇ​പ്പോ​ൾ ഹോ​ട്ട​ലി​നു പി​ന്നി​ലേ​ക്ക് ആ​ഞ്ഞ​ടി​ക്കു​ക​യാ​ണ് തി​ര. നൂ​റി​ലേ​റെ വീ​ടു​ക​ളും കാ​ർ​ത്തി​ക, സാ​യാ​ഹ്ന എ​ന്നീ തി​യ​റ്റ​റു​ക​ളും പ​ള്ളി​യും സ്വ​കാ​ര്യ ആ​ശു​പ​ത്രി​യു​ടെ ക്വാ​ർ​ട്ടേ​ഴ്സു​മെ​ല്ലാം പ്ര​വ​ർ​ത്തി​ച്ച ഭാ​ഗ​ങ്ങ​ൾ ക​ട​ലെ​ടു​ത്തു​ക​ഴി​ഞ്ഞു. ര​ണ്ടു​മാ​സം മു​മ്പ് ഹോ​ട്ട​ലി​ന്റെ അ​ടു​ക്ക​ള​യും തി​ര​യ​ടി​യി​ൽ ത​ക​ർ​ന്നു’’- എ​ത്ര​കാ​ലം ഹോ​ട്ട​ലും ഈ ​സ്​​ഥാ​പ​ന​ങ്ങ​ളു​മൊ​ക്കെ അ​വ​ശേ​ഷി​ക്കു​മെ​ന്ന കാ​ര്യ​ത്തി​ൽ ഒ​രു​റ​പ്പു​മി​ല്ലെ​ന്നും 53കാ​ര​നാ​യ അ​ദ്ദേ​ഹം നെ​ടു​വീ​ർ​പ്പി​ടു​ന്നു. ക​രി​ങ്ക​ൽ ഭി​ത്തി​യും ടെ​ട്രാ​പോ​ഡു​മെ​ല്ലാം ഉ​ണ്ടെ​ങ്കി​ലും തീ​രം അ​ടി​ച്ചു​ക​യ​റു​ന്ന​താ​ണ് ആ​ല​പ്പു​ഴ​യു​ടെ സ​ങ്ക​ടം.

തൃ​ശൂ​ർ എ​റി​യാ​ട് ബീ​ച്ചി​ലെ മൊ​യ്തു പ​റ​യു​ന്ന​ത് ഇ​ങ്ങ​നെ: ‘‘ക​ല്ലി​ട്ട​ശേ​ഷ​മാ​ണ് ക​ട​ലി​ത്ര​യും വ​ഷ​ളാ​യ​ത്. ക​ല്ലി​ട്ടു പോ​യ​ശേ​ഷം ഒ​രു പ​ണി​യും ഇ​വി​ടെ ന​ട​ത്തി​യി​ല്ല. മ​ണ​ൽ​നി​റ​ച്ച തു​ണി​ബാ​ഗി​ലാ​ണ് എ​റി​യാ​ട്ടെ ക​ട​ൽ സം​ര​ക്ഷ​ണം. ക​ട​ൽ ക​യ​റി ഇ​വി​ടെ​യു​ള്ള​വ​രെ​ല്ലാം വീ​ടൊ​ഴി​യു​ക​യാ​ണ്​​’’.

ജി​യോ​ട്യൂ​ബ് പ​ദ്ധ​തി ന​ട​പ്പാ​ക്കി​യ​തി​ലെ പി​ഴ​വാ​ണ് പൂ​ന്തു​റ​യി​ലെ ജ​യ​ൻ തി​ല്ല​നോ​യി ചൂ​ണ്ടി​ക്കാ​ട്ടു​ന്ന​ത്. തീ​ര​വാ​സി​ക​ളു​ടെ ആ​ശ​ങ്ക​യും പ​രി​ഭ​വ​വു​മാ​ണ് മൂ​വ​രും പ​ങ്കു​വെ​ച്ച​ത്.

പാ​ളി​പ്പോ​യ ജി​യോ​ട്യൂ​ബ്

ക​രി​ങ്ക​ൽ​ഭി​ത്തി​യു​ടെ അ​ത്ര​യും പ​ണ​ച്ചെ​ല​വു​ള്ള പ​ദ്ധ​തി​യാ​ണ് ജി​യോ​ട്യൂ​ബ് പ​ദ്ധ​തി. ക​ല്ലി​നു​പ​ക​രം പ്രോ​ത്സാ​ഹി​പ്പി​ക്കേ​ണ്ട പ​ദ്ധ​തി​യാ​ണ്. പ​ക്ഷേ, ആ ​വ​ഴി​ക്ക് കു​റേ പ​ണം പോ​​യെ​ന്ന​ല്ലാ​തെ ഫ​ല​മേ​തു​മു​ണ്ടാ​യി​ല്ലെ​ന്ന​താ​ണ് ചെ​ല്ലാ​ന​ത്തെ അ​നു​ഭ​വം. 2018ൽ ​പ​ദ്ധ​തി​ക്കാ​യി 18 കോ​ടി​യാ​ണ് അ​നു​വ​ദി​ച്ച​ത്. പ​ദ്ധ​തി പൂ​ർ​ത്തി​യാ​യി​ല്ലെ​ന്ന് മാ​ത്ര​മ​ല്ല, സ​മ്പൂ​ർ​ണ പ​രാ​ജ​യ​വു​മാ​യി. പൂ​ന്തു​റ മു​ത​ൽ വ​ലി​യ​തു​റ വ​രെ ജി​യോ​ട്യൂ​ബ് ഉ​പ​യോ​ഗി​ച്ച് ഓ​ഫ് ഷോ​ർ ബ്രേ​ക്ക് വാ​ട്ട​ർ നി​ർ​മി​ക്കു​ന്ന​തി​ന് 150 കോ​ടി​യാ​ണ് കി​ഫ്ബി വ​ക​യി​രു​ത്തി​യ​ത്. പൂ​ന്തു​റ​യി​ലെ 700 മീ​റ്റ​റി​ന് മാ​ത്രം 19 കോ​ടി. ആ​ദ്യ ഘ​ട്ട​ത്തി​ൽ പൂ​ന്തു​റ തീ​ര​ത്തു​നി​ന്ന് 125 മീ​റ്റ​ർ ഉ​ള്ളി​ൽ തീ​ര​ക്ക​ട​ലി​ൽ 700 മീ​റ്റ​ർ നീ​ള​ത്തി​ലാ​ണ് ജി​യോ​ട്യൂ​ബ് സ്ഥാ​പി​ക്കു​ന്ന​ത്. ക​ട​ലി​ന്റെ അ​ടി​ത്ത​ട്ടി​ൽ 15 മീ​റ്റ​ർ വ്യാ​സ​മു​ള്ള സി​ന്ത​റ്റി​ക് ജി​യോ​ട്യൂ​ബു​ക​ളി​ൽ മ​ണ​ൽ നി​റ​ച്ച് മൂ​ന്ന് ത​ട്ടു​ക​ളാ​യി സ്ഥാ​പി​ക്കു​ന്ന​താ​ണ് പ​ദ്ധ​തി. മൂ​ന്നു ട്യൂ​ബു​ക​ൾ ഇ​തി​ന​കം സ്ഥാ​പി​ച്ചു. അ​വ സ്ഥാ​പി​ച്ച സ​മ​യ​ത്ത് വേ​ലി​യേ​റ്റം കു​റ​ഞ്ഞു​വെ​ന്ന​ല്ലാ​തെ അ​ത് ക​ട​ലി​ലു​ണ്ടോ എ​ന്ന ല​ക്ഷ​ണം പോ​ലും ഇ​പ്പോ​ഴി​ല്ലെ​ന്ന് നാ​ട്ടു​കാ​ർ പ​റ​യു​ന്നു.

കാ​സ​ർ​കോ​ട്ടെ ബ​ദ​ൽ പ​ദ്ധ​തി

ക​ല്ലി​ട​ൽ പ​ദ്ധ​തി​യു​മാ​യി സ​ർ​ക്കാ​ർ മു​ന്നോ​ട്ടു​പോ​വു​മ്പോ​ൾ ചെ​ല​വു കു​റ​ഞ്ഞ​തും പ​രി​സ്ഥി​തി സൗ​ഹൃ​ദ​വു​മാ​യ ഒ​രു ബ​ദ​ലാ​യാ​ണ് കാ​സ​ർ​കോ​ട് നെ​ല്ലി​ക്കു​ന്ന് തീ​ര​ത്തെ യു.​കെ. യൂ​സ​ഫ് ‘ഇ​ഫ​ക്ട്സ് സീ​വേ​വ് ബ്രേ​ക്കേ​ഴ്സ്’ പ​ദ്ധ​തി മു​ന്നോ​ട്ടു​വെ​ച്ച​ത്. സ​ർ​ക്കാ​ർ അ​നു​മ​തി​യോ​ടെ 100 അ​ടി നീ​ള​ത്തി​ലും 20 അ​ടി വീ​തി​യി​ലും സൗ​ജ​ന്യ​മാ​യി ന​ട​പ്പാ​ക്കി​യ പ​ദ്ധ​തി മ​ന്ത്രി റോ​ഷി അ​ഗ​സ്റ്റി​ന്റെ നേ​തൃ​ത്വ​ത്തി​ൽ ക​ഴി​ഞ്ഞ​വ​ർ​ഷ​മാ​ണ് ഉ​ദ്ഘാ​ട​നം ചെ​യ്ത​ത്.

നാ​ല് വ​ശ​ത്തും കോ​ണ്‍ക്രീ​റ്റ് മ​തി​ലു​ക​ളി​ലാ​യാ​ണ് പ​ദ്ധ​തി. അ​ക​ത്ത് ക​ല്ലു​ക​ൾ നി​റ​ച്ച് അ​തി​നു​മു​ക​ളി​ല്‍ പു​ല്‍ത്ത​കി​ടി ഒ​രു​ക്കി. പ​രീ​ക്ഷ​ണാ​ടി​സ്ഥാ​ന​ത്തി​ല്‍ ന​ട​പ്പാ​ക്കി​യ ഈ ​പ​ദ്ധ​തി ക​ര്‍ണാ​ട​ക​യി​ല്‍ അ​ട​ക്കം വ്യാ​പി​പ്പി​ക്കു​ക​യാ​ണ് ല​ക്ഷ്യം. വ​ലി​യ മു​ത​ൽ​മു​ട​ക്കി​ല്ലാ​ത്ത പ​ദ്ധ​തി​യെ​ന്ന നി​ല​ക്കാ​ണ് സ​ർ​ക്കാ​ർ ഇ​തി​ന് അ​നു​മ​തി ന​ൽ​കി​യ​ത്. എ​ന്നാ​ൽ, ജൂ​ലൈ​യി​ലു​ണ്ടാ​യ രൂ​ക്ഷ​മാ​യ തി​ര​യി​ൽ പ​ദ്ധ​തി​യു​ടെ ഒ​രു​ഭാ​ഗം ത​ക​ർ​ന്നു. ഈ ​ഭാ​ഗം പു​ന​ർ​നി​ർ​മി​ക്കു​മെ​ന്നും തി​ര​യി​ൽ ത​ക​ർ​ന്നു​വെ​ന്ന കാ​ര​ണ​ത്താ​ൽ പ​ദ്ധ​തി പ​രാ​ജ​യ​മെ​ന്ന് പ്ര​ച​രി​പ്പി​ക്കു​ന്ന​ത് ശ​രി​യ​ല്ലെ​ന്നും അ​ദ്ദേ​ഹം പ​റ​യു​ന്നു. പൊ​തു​മ​രാ​മ​ത്ത് വി​ഭാ​ഗം നി​ർ​മി​ച്ച എ​ത്ര റോ​ഡു​ക​ളും പാ​ല​ങ്ങ​ളും ത​ക​ർ​ന്നി​ട്ടു​ണ്ടെ​ന്നും അ​തി​ന​ർ​ഥം ആ ​സ​ങ്ക​ൽ​പം ത​ന്നെ പ​രാ​ജ​യ​മാ​ണോ എ​ന്നും അ​ദ്ദേ​ഹം ചോ​ദി​ക്കു​ന്നു.

(തു​ട​രും)