ന​വോ​ത്ഥാ​ന​ത്തി​ന്റെ ഊ​ട്ടു​പു​ര​യി​ൽ വേ​വു​ന്ന​ത്

◆ അ​ങ്കം ഒന്ന്

ഞാ​ൻ ഇ​ന്ന​ലെ ഒ​രു സ്വ​പ്‍നം ക​ണ്ടു. സം​സ്ഥാ​ന സ്കൂ​ൾ ക​ലോ​ത്സ​വ വേ​ദി​യി​ലെ പാ​ച​ക ചു​മ​ത​ല വ​ർ​ഷ​ങ്ങ​ളാ​യി നി​ർ​വ​ഹി​ച്ചു വ​രു​ന്ന ക​രാ​റു​കാ​ര​നി​ൽ നി​ന്ന് മാ​റി നാ​ട്ടി​ലെ ചെ​റു​പ്പ​ക്കാ​രു​ടെ ഒ​രു കൂ​ട്ടാ​യ്മ​ക്ക് ല​ഭി​ക്കു​ന്നു. സ്ഥി​രം ക​രാ​റെ​ടു​ക്കു​ന്ന​യാ​ളു​ടെ ക​മ്പ​നി ന​ൽ​കി​യ ക്വ​ട്ടേ​ഷ​നി​ലേ​തി​നേ​ക്കാ​ൾ കു​റ​ഞ്ഞ തു​ക​യാ​ണ്, യു​വ​ജ​ന കൂ​ട്ടാ​യ്മ ക്വാ​ട്ട് ചെ​യ്ത​ത്. ദ​ലി​ത് സ​മൂ​ഹ​ത്തി​ൽ നി​ന്നു​ള്ള പാ​ച​ക​വി​ദ​ഗ്ധ​നാ​യ കു​ഞ്ഞി​ക്ക​ണ്ണ​നെ​യാ​ണ് അ​വ​ർ പാ​ച​ക​മേ​ധാ​വി​യാ​യി നി​യ​മി​ക്കു​ന്ന​ത്.

ഒ​രു ദ​ലി​ത​ൻ ക​ലോ​ത്സ​വ പാ​ച​കം ഏ​റ്റെ​ടു​ത്ത വി​വ​രം വ​ലി​യ പ്രാ​ധാ​ന്യ​ത്തോ​ടെ​യാ​ണ് മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്യു​ന്ന​ത്. നാ​ട്ടി​ലെ ദ​ലി​ത് കു​ടും​ബ​ങ്ങ​ളി​ലെ​യും അ​ത്യാ​വ​ശ്യം ചി​ല ഈ​ഴ​വ-​പി​ന്നാ​ക്ക വീ​ടു​ക​ളി​ലെ​യും ആ​വ​ശ്യ​ങ്ങ​ൾ​ക്ക് വേ​ണ്ടി ന​ല്ല വി​ഭ​വ​ങ്ങ​ൾ ഒ​രു​ക്കു​ന്ന​യാ​ളാ​ണ് കു​ഞ്ഞി​ക്ക​ണ്ണ​ൻ. ന​ല്ല വെ​റൈ​റ്റി ഭ​ക്ഷ​ണം ന​ല്ല സ്വാ​ദി​ലും വൃ​ത്തി​യി​ലും ഉ​ണ്ടാ​ക്കു​ന്ന അ​ദ്ദേ​ഹ​ത്തി​ന്റെ സ​ദ്യ​ക്ക് നാ​ട്ടി​ൽ പ​ല​യി​ട​ത്തും ന​ല്ല ഡി​മാ​ൻ​ഡാ​ണ്.

പ​ക്ഷേ, യാ​ഥാ​സ്ഥി​തി​ക​രാ​യ ചി​ല​ർ (പു​രോ​ഗ​മ​ന കു​പ്പാ​യ​മി​ട്ട​വ​ര​ട​ക്കം!) കു​ഞ്ഞി​ക്ക​ണ്ണ​ൻ ഭ​ക്ഷ​ണ​മു​ണ്ടാ​ക്കു​ന്ന വി​രു​ന്നു​ക​ളി​ലെ​ത്തി​യാ​ൽ നെഞ്ചെരിപ്പിനെ​യും കൊ​ള​സ്ട്രോ​ളി​നെ​യും കു​റ്റം പ​റ​ഞ്ഞ് സ​ദ്യ ക​ഴി​ക്കാ​തെ മു​ങ്ങും! അ​ത​വി​ടെ നി​ൽ​ക്ക​ട്ടെ.

എ​ല്ലാ ഒ​രു​ക്ക​ങ്ങ​ളും പൂ​ർ​ത്തി​യാ​ക്കി കൗ​മാ​ര ക​ലോ​ത്സ​വം ആ​രം​ഭി​ച്ചു. പാ​ച​ക​പ്പു​ര​യു​ടെ മു​റ്റ​ത്ത് ഓ​ബി വാ​നു​ക​ളു​ടെ നി​ര. പാ​ച​ക​ത്തി​ന് നേ​തൃ​ത്വം ന​ൽ​കു​ന്ന ദ​ലി​ത​നാ​യ കു​ഞ്ഞി​ക്ക​ണ്ണ​ൻ മു​റി​ക്കൈ​യ​ൻ ഷ​ർ​ട്ടു​മി​ട്ട് പാ​യ​സ​മി​ള​ക്കു​ന്ന ചി​ത്ര​ങ്ങ​ൾ എ​യ​റി​ൽ, ലൈ​വ് ടെ​ലി​ക്കാ​സ്റ്റ്, മു​ട്ട​ൻ ഇ​ന്റ​ർ​വ്യൂ​ക​ൾ...

ആ​ദ്യ ദി​വ​സം​ത​ന്നെ ഭ​ക്ഷ​ണ​ശാ​ല​യി​ലേ​ക്ക് ആ​ളു​ക​ൾ ഇ​ര​ച്ചു ക​യ​റു​ന്നു. കു​ഞ്ഞി​ക്ക​ണ്ണ​ന്റെ പു​തി​യ പാ​യ​സം രു​ചി​ച്ചു​നോ​ക്കാ​ൻ എ​ത്തു​ന്ന​വ​രി​ൽ വ​ലി​യൊ​രു പ​ങ്കും നാ​ട്ടി​ലെ മേ​ൽ​ജാ​തി​ക്കാ​രും പു​രോ​ഗ​മ​ന​വാ​ദി​ക​ളു​മാ​ണ് (എ​നി​ക്ക​തി​ൽ അ​തി​ശ​യ​മൊ​ന്നും തോ​ന്നി​യി​ല്ല! എ​ന്റെ ന​വോ​ത്ഥാ​ന കേ​ര​ള​ത്തി​ൽ മ​റി​ച്ചെ​ന്ത് സം​ഭ​വി​ക്കാ​ൻ!?).

ഈ ​നി​ല​യി​ൽ തി​ര​ക്ക് വ​ർ​ധി​ച്ചാ​ൽ ജ​ന​ക്കൂ​ട്ട​ത്തെ നി​യ​ന്ത്രി​ക്കാ​ൻ പൊ​ലീ​സ് ഇ​ട​പെ​ടേ​ണ്ടി​വ​രു​മെ​ന്ന് ഒ​രു വ​യ​ർ​ല​സ് സ​ന്ദേ​ശം കേ​ട്ടു​കൊ​ണ്ട് ഞാ​ൻ ക​ണ്ണു തു​റ​ക്കു​ന്നു.

◆ അ​ങ്കം രണ്ട്

ഇ​ത് സ്വ​പ്ന​മ​ല്ല, ശ​രി​ക്കും ന​ട​ന്ന കാ​ര്യം, വ​ർ​ഷ​ങ്ങ​ൾ​ക്ക് മു​ന്നേ സം​ഭ​വി​ച്ച​ത്.

വി​ഷ​യം: ഗു​രു​വാ​യൂ​ർ ക്ഷേ​ത്ര​ത്തി​ലെ പ്ര​സാ​ദ ഊ​ട്ടാ​ണ്.

പ്ര​സാ​ദ ഊ​ട്ട് തു​ട​ങ്ങി​യ കാ​ലം മു​ത​ൽ ഇ​ല​യി​ലാ​ണ് വി​ത​ര​ണം. വാ​ഴ​യു​ടെ കൂ​മ്പി​ൽ ഉ​ണ്ടാ​കു​ന്ന ന​ല്ല തൂ​ശ​നി​ല​യി​ൽ. മാ​ലി​ന്യ​മാ​യി വ​ലി​ച്ചെ​റി​യു​ന്ന ഇ​ല​യും ഭ​ക്ഷ​ണാ​വ​ശി​ഷ്ട​ങ്ങ​ളും ഗു​രു​വാ​യൂ​ർ ന​ഗ​ര​സ​ഭ​യാ​ണ് എ​ടു​ത്തു കൊ​ണ്ടു​പോ​യി സം​സ്ക​രി​ക്കേ​ണ്ട​ത്. ഇ​ത് ന​ഗ​ര​സ​ഭ​ക്ക് വ​ലി​യ ബാ​ധ്യ​ത​യാ​യി തീ​ർ​ന്ന ഒ​രു ഘ​ട്ട​ത്തി​ൽ, ഇ​ല​ക്ക് പ​ക​രം സ്റ്റീ​ൽ പ്ലേ​റ്റി​ൽ പ്ര​സാ​ദ ഊ​ട്ട് ന​ൽ​കു​ന്ന​തി​നെ കു​റി​ച്ച് ന​ഗ​ര​സ​ഭ കൗ​ൺ​സി​ൽ ച​ർ​ച്ച ചെ​യ്യു​ന്നു.

അ​മൃ​ത്സ​റി​ലെ സു​വ​ർ​ണ​ക്ഷേ​ത്ര​ത്തി​ൽ ദിവസേന ല​ക്ഷ​ക്ക​ണ​ക്കി​ന് പേ​ർ​ക്ക് സ്റ്റീ​ൽ പ്ലേ​റ്റി​ലും ഗ്ലാ​സി​ലു​മാ​യി ആ​ഹാ​ര വി​ത​ര​ണം ന​ട​ത്തു​ന്ന​ത​ട​ക്ക​മു​ള്ള ചി​ല മാ​തൃ​ക​ക​ൾ ആ ​ച​ർ​ച്ച​ക്ക് ക​രു​ത്തേ​കി. ആ​വ​ശ്യ​ത്തി​നു​ള്ള പ്ലേ​റ്റ് വാ​ങ്ങി ന​ൽ​കാ​മെ​ന്നും ന​ഗ​ര​സ​ഭ തീ​രു​മാ​ന​മെ​ടു​ക്കു​ന്നു. വി​ഷ​യം ഗു​രു​വാ​യൂ​ർ ദേ​വ​സ്വം ബോ​ർ​ഡി​നെ അ​റി​യി​ക്കു​ന്നു. ഇ​ക്കാ​ര്യ​ങ്ങ​ളെ​ല്ലാം മാ​ധ്യ​മ​ങ്ങ​ളി​ലൂ​ടെ നാം ​അ​റി​ഞ്ഞ​താ​ണ്.

എ​ന്നാ​ൽ, പ്ലേ​റ്റ് വേ​ണ്ട, ഇ​ല ത​ന്നെ മ​തി​യെ​ന്ന് ഗു​രു​വാ​യൂ​ർ ദേ​വ​സ്വം ബോ​ർ​ഡ് തീ​രു​മാ​ന​മെ​ടു​ക്കു​ന്നു. അ​തോ​ടെ ചി​ല കാ​ര്യ​ങ്ങ​ൾ​ക്ക് ഒ​ന്നു​കൂ​ടി വ്യ​ക്ത​ത കി​ട്ടി. പ​ന്തി​ഭോ​ജ​നം ന​ട​ന്ന ഈ ​നാ​ട്ടി​ൽ ഗു​രു​വാ​യൂ​ർ ദേ​വ​സ്വ​ത്തി​ന്റെ പ്ര​സാ​ദ ഊ​ട്ടി​ൽ നി​ന്ന് ആ​രെ​യും ഒ​ഴി​വാ​ക്കി നി​ർ​ത്താ​ൻ ക​ഴി​യി​ല്ല.

വ​രി​യി​ൽ നി​ൽ​ക്കു​ന്ന നാ​യാ​ടി​ക്കും ന​മ്പൂ​തി​രി​ക്കും ഒ​രേ പ​ന്തി​യി​ൽ ആ​ഹാ​രം വി​ത​ര​ണം ചെ​യ്യു​ന്നു. വി​ത​ര​ണം വാ​ഴ​യി​ല​യി​ലാ​ണെ​ന്ന് മാ​ത്രം. പ്ര​സാ​ദ ഊ​ട്ട് സ്റ്റീ​ൽ പ്ലേ​റ്റി​ൽ ആ​യാ​ൽ ഇ​വി​ടെ എ​ന്ത് സം​ഭ​വി​ക്കും?! എ​ല്ലാ​വ​രും ക​ഴി​ക്കു​ന്ന പ്ലേ​റ്റ് എ​ത്ര വൃ​ത്തി​യാ​യി ക​ഴു​കി​യാ​ലും, ദ​ലി​ത​ർ ക​ഴി​ച്ച പാ​ത്ര​ത്തി​ൽ ഊ​ണ് ക​ഴി​ക്കാ​ൻ ചി​ല​ർ​ക്ക് ‘വ​ലി​യ’ ബു​ദ്ധി​മു​ട്ടാ​ണ്. ഇ​ല​യി​ൽ ത​ന്നെ പ്ര​സാ​ദം മ​തി എ​ന്ന തീ​രു​മാ​ന​ത്തി​ന്റെ യു​ക്തി എ​ന്താ​ണെ​ന്ന​റി​യാ​ൻ, സാ​മാ​ന്യ​ബോ​ധ​മു​ള്ള ആ​ർ​ക്കും ബു​ദ്ധി​മു​ട്ട് ഉ​ണ്ടാ​യി​ല്ല!

◆ അ​ങ്കം മൂന്ന്

സം​സ്ഥാ​ന സ്‌​കൂ​ൾ ക​ലോ​ത്സ​വം കോ​ഴി​ക്കോ​ട് ഭം​ഗി​യാ​യി അ​വ​സാ​നി​ച്ചി​രി​ക്കു​ന്നു. ക​ലോ​ത്സ​വ​ത്തി​ന്റെ ഉ​ദ്ഘാ​ട​ന​ത്തോ​ട​നു​ബ​ന്ധി​ച്ച് അ​ര​ങ്ങേ​റി​യ സ്വാ​ഗ​ത​ഗാ​ന​ത്തി​ലെ ‘തീ​വ്ര​വാ​ദി’​യെ​ക്കു​റി​ച്ചു​ള്ള ച​ർ​ച്ച​ക​ൾ അ​വ​സാ​നി​ച്ചി​ട്ടി​ല്ല.

കോ​ഴി​ക്കോ​ട് പേ​രാ​മ്പ്ര മാ​താ ക​ലാ​സ​മി​തി ഒ​രു​ക്കി​യ സം​ഗീ​ത ശി​ൽ​പ​ത്തി​ൽ ഇ​ന്ത്യ​ൻ ​സൈ​ന്യം പി​ടി​കൂ​ടു​ന്ന തീ​വ്ര​വാ​ദി ‘ക​ഫി​യ്യ’ ധ​രി​ച്ചെ​ത്തി​യ​ത് അ​ബ​ദ്ധ​മോ, നോ​ട്ട​ക്കു​റ​വി​ൽ സം​ഭ​വി​ച്ച പാ​ക​പ്പി​ഴ​യോ ആ​ണെ​ന്ന് വി​ശ്വ​സി​ക്കാ​നാ​വി​ല്ല. അ​ത്ര​മാ​ത്രം ശ​ക്ത​വും ഭീ​ക​ര​വു​മാ​ണ് ന​മു​ക്കി​ട​യി​ൽ നി​ല​നി​ൽ​ക്കു​ന്ന പൊ​തു​ബോ​ധം.

ന​മ്മു​ടെ വി​ദ്യാ​ഭ്യാ​സ മേ​ഖ​ല​യി​ലും പാ​ഠ​പു​സ്ത​ക​ങ്ങ​ളി​ലും നേ​ര​ത്തേ ത​ന്നെ ഇ​ത്ത​രം സ​ന്ദ​ർ​ഭ​ങ്ങ​ൾ ഉ​ണ്ടാ​യി​ട്ടു​ണ്ട്. പ​ഴ​യ പാ​ഠ​പു​സ്ത​ക​ത്തി​ലെ ‘പാ​വ ക​ള്ള​നെ പി​ടി​ച്ച ക​ഥ’ പ​ല​രും ഓ​ർ​മി​ക്കു​ന്നു​ണ്ടാ​വും.

വീ​ട്ടി​ൽ മോ​ഷ്ടി​ക്കാ​ൻ ക​യ​റി​യ ക​ള്ള​ൻ മു​റി​യി​ൽ ഇ​രു​ട്ട​ത്ത് കി​ട​ക്കു​ന്ന പാ​വ​യെ അ​റി​യാ​തെ ച​വി​ട്ടി പോ​കു​ന്നു. പാ​വ​യു​ടെ പീ​പ്പി ഒ​ച്ച​വെ​ക്കു​ന്നു. ശ​ബ്ദം കേ​ട്ട് എ​ഴു​ന്നേ​ൽ​ക്കു​ന്ന വീ​ട്ടു​കാ​ർ ക​ള്ള​നെ പി​ടി​ക്കു​ന്നു- ഇ​താ​ണ് ക​ഥ. എ​ൽ.​പി ക്ലാ​സി​​ലെ ഈ ​പാ​ഠ​ഭാ​ഗ​ത്തോ​ടൊ​പ്പം ഒ​രു സ്റ്റീ​രി​യോ​ടൈ​പ് മു​സ്‍ലിം വേ​ഷ​ത്തിലാണ് ക​ള്ള​നെ ചി​ത്രീ​ക​രി​ക്ക​പ്പെ​ടു​ന്ന​ത്.

അ​ക്കാ​ല​ത്ത് ത​ന്നെ ഉ​ണ്ടാ​യി​രു​ന്ന പാ​ഠ​പു​സ്ത​ക​ങ്ങ​ളി​ൽ ഒ​ന്നി​ൽ അ​മ്മു​വി​ന്റെ പ്രി​യ​പ്പെ​ട്ട ആ​ട്ടി​ൻ​കു​ട്ടി​യെ ഇ​റ​ച്ചി​ക്കാ​യി വാ​ങ്ങി​ക്കൊ​ണ്ടു പോ​കു​ന്ന അ​റ​വു​കാ​ര​ന്റെ ചി​ത്ര​മു​ണ്ട്. ക​ള്ളി​മു​ണ്ടും പ​ച്ച ബെ​ൽ​റ്റും മു​റി​ക്കൈ​യ​ൻ ബ​നി​യ​നും കൈ​ത്ത​ണ്ട​യി​ലെ ക​റു​ത്ത ച​ര​ടി​ൽ കോ​ർ​ത്ത ഏ​ല​സ്സും ധ​രി​ച്ച ഒ​രാ​ളെ വ​ര​ച്ചു​ചേ​ർ​ക്കാ​ൻ ആ​ർ​ക്കും ഒ​രു പ്ര​യാ​സ​വും ഉ​ണ്ടാ​യി​രു​ന്നി​ല്ല.

കി​ണ​റ്റി​ൽ ക​ണ്ട ച​ന്ദ്ര​ബിം​ബ​ത്തെ പാ​താ​ള​ക്ക​ര​ണ്ടി ഉ​പ​യോ​ഗി​ച്ച് കോ​രി​യെ​ടു​ക്കാ​ൻ നോ​ക്കു​ന്ന ‘മ​ണ്ട​ൻ ഡേ​വി​ഡും’, അ​ധ്യാ​പ​ക​നോ​ട് നി​ര​ന്ത​രം സം​ശ​യ​ങ്ങ​ൾ ചോ​ദി​ക്കു​ന്ന ‘മി​ടു​ക്ക​ൻ മ​നോ​ജും’ ഒ​രു കാ​ല​ത്ത് ന​മ്മു​ടെ പാ​ഠ​പു​സ്ത​ക​ങ്ങ​ളു​ടെ ഭാ​ഗ​മാ​യി​രു​ന്നു.

1996-97 കാ​ല​ഘ​ട്ട​ത്തി​ൽ നി​ല​വി​ൽ വ​ന്ന ഡി.​പി.​ഇ.​പി (അ​തൊ​രു പാ​ഠ്യ​പ​ദ്ധ​തി​യാ​യി​രു​ന്നി​ല്ല,ഒ​രു പ്രോ​ജ​ക്ട് മാ​ത്ര​മാ​യി​രു​ന്നു. എ​ങ്കി​ലും ആ ​പേ​രി​ലാ​ണ് ആ ​കാ​ല​ത്തു​ണ്ടാ​യ പാ​ഠ്യ​പ​ദ്ധ​തി പ​രി​ഷ്ക​ര​ണം ഇ​ന്നും അ​റി​യ​പ്പെ​ടു​ന്ന​ത്)-​പൂ​ത്തി​രി- നാ​ലാം ക്ലാ​സി​ലെ മ​ല​യാ​ളം പാ​ഠ​പു​സ്ത​ക​ത്തി​ൽ ഒ​രു തെ​ങ്ങു​ക​യ​റ്റ തൊ​ഴി​ലാ​ളി​യെ കേ​ന്ദ്രീ​ക​രി​ച്ച് ചെ​റു​ങ്ങോ​ര​ൻ എ​ന്നൊ​രു ക​ഥ ഉ​ണ്ടാ​യി​രു​ന്നു.

മ​ല​യാ​ള സ്‌​കൂ​ൾ വി​ദ്യാ​ഭ്യാ​സ ച​രി​ത്ര​ത്തി​ൽ ഒ​രു ദ​ലി​ത് ക​ഥാ​പാ​ത്രം ‘നാ​യ​ക​നാ​യി’ വ​രു​ന്ന ആ​ദ്യ​ത്തെ​യും അ​വ​സാ​ന​ത്തെ​യും ക​ഥ അ​താ​യി​രു​ന്നു എ​ന്നാ​ണ് എ​ന്റെ തോ​ന്ന​ൽ (ച​രി​ത്ര​പു​രു​ഷ​ന്മാ​രാ​യ ഡോ.​ബി.​ആ​ർ. അം​ബേ​ദ്ക​റെ​യും മ​ഹാ​ത്മ അ​യ്യ​ൻ​കാ​ളി​യെ കു​റി​ച്ചും ഭാ​ഗി​ക​മാ​യ പാ​ഠ​ങ്ങ​ൾ ഉ​ണ്ടാ​യി​രു​ന്നു​വെ​ന്ന​ത് മ​റ​ക്കു​ന്നി​ല്ല).

ഡി.​പി.​ഇ.​പി കാ​ല​ത്തു​ണ്ടാ​യ വി​വാ​ദ​ങ്ങ​ളെ തു​ട​ർ​ന്ന് അ​ന്ന് പ​രി​ഷ്ക​രി​ച്ച പാ​ഠ്യ​പ​ദ്ധ​തി​യെ​ക്കു​റി​ച്ച് പ​ഠി​ക്കു​ന്ന​തി​നു​വേ​ണ്ടി ഒ​രു ക​മ്മി​റ്റി​യെ സ​ർ​ക്കാ​ർ നി​യ​മി​ച്ചു. വി​ശ​ദ പ​രി​ശോ​ധ​ന​ക്ക് ശേ​ഷം പ്ര​ഫ.​എ​സ്. ഗു​പ്ത​ൻ നാ​യ​ർ, പ്ര​ഫ.​ബി. ഹൃ​ദ​യ​കു​മാ​രി ടീ​ച്ച​ർ തു​ട​ങ്ങി​യ​വ​ർ ഉ​ൾ​പ്പെ​ട്ട ക​മ്മി​റ്റി​യു​ടെ തീ​രു​മാ​ന​ങ്ങ​ളി​​ലൊ​ന്ന് ‘ചെ​റു​ങ്ങോ​ര​ൻ’ എ​ന്ന പാ​ഠം കു​ട്ടി​ക​ളെ പ​ഠി​പ്പി​ക്കേ​ണ്ട​തി​ല്ല! അ​ത് പാ​ഠ​പു​സ്ത​ക​ത്തി​ൽ നി​ന്ന് ഒ​ഴി​വാ​ക്ക​ണം എ​ന്നാ​യി​രു​ന്നു.

ആ ​പാ​ഠ​ഭാ​ഗം ഭാ​ഷ പ​ഠി​പ്പി​ക്കാ​ൻ കൊ​ള്ളി​ല്ലെ​ന്നും മ​ര​ത്തി​ൽ നി​ന്ന് ത​ത്ത​യെ പി​ടി​ക്കു​ന്ന​ത് പ​രി​സ്ഥി​തി അ​വ​ബോ​ധ​ത്തി​ന് ദോ​ഷ​മാ​ണെ​ന്നു​മു​ള്ള വി​മ​ർ​ശ​ന​ങ്ങ​ളാ​ണ് അ​വ​ർ ഉ​ന്ന​യി​ച്ച​ത്.

കൃ​ത്യ​മാ​യ രാ​ഷ്ട്രീ​യ ബോ​ധ​ത്തോ​ടെ ചെ​റു​ങ്ങോ​ര​നെ​ന്ന ദ​ലി​ത​നെ പാ​ഠ​പു​സ്ത​ക​ത്തി​ൽ ഉ​ൾ​പ്പെ​ടു​ത്തി​യ ക​രി​ക്കു​ലം ക​മ്മി​റ്റി, പാ​ഠ​പു​സ്ത​ക നി​ർ​മാ​താ​ക്ക​ൾ - ഇ​വ​രെ​ല്ലാം ചേ​ർ​ന്ന് തീ​രു​മാ​നി​ച്ചു; ആ ​പാ​ഠ​ഭാ​ഗം ത​ൽ​ക്കാ​ലം ഒ​ഴി​വാ​ക്കേ​ണ്ട​തി​ല്ല! ന​മ്മു​ടെ കു​ട്ടി​ക​ൾ തു​ട​ർ​ന്നും അ​ത് പ​ഠി​ക്ക​ട്ടെ. അ​ടു​ത്ത പാ​ഠ്യ​പ​ദ്ധ​തി പ​രി​ഷ്ക​ര​ണം വ​രെ കു​ട്ടി​ക​ൾ ചെ​റു​ങ്ങോ​ര​ൻ തു​ട​ർ​ന്നും പ​ഠി​ച്ചു എ​ന്നു​ള്ള​ത് ച​രി​ത്രം.

ന​മ്മു​ടെ ഭാ​ഷാ പാ​ഠ​പു​സ്ത​ക​ങ്ങ​ളു​ടെ ഉ​ള്ള​ട​ക്കം സൂ​ക്ഷ്മ​മാ​യി പ​രി​ശോ​ധി​ച്ചാ​ൽ ന്യൂ​ന​പ​ക്ഷ വി​രു​ദ്ധ​ത​യും സ​വ​ർ​ണ ഹി​ന്ദു​ത്വ പൊ​തു​ബോ​ധ​വും വ​ള​ർ​ത്തി​യെ​ടു​ക്കു​ന്ന​തി​ന് വേ​ണ്ടി നെ​യ്തു​വെ​ച്ചി​രി​ക്കു​ന്ന കൃ​ത്യ​മാ​യ അ​ജ​ണ്ട​ക​ൾ ഇ​നി​യു​മേ​റെ ക​ണ്ടെ​ത്താ​ൻ ക​ഴി​യും.

അ​ടു​ത്ത ക​ലോ​ത്സ​വ ഊ​ട്ടു​പു​ര​യി​ൽ ചി​ക്ക​നും മീ​ൻ വി​ഭ​വ​ങ്ങ​ളും നി​റ​യും എ​ന്നാ​ണ് നാം ​അ​റി​യു​ന്ന​ത്. യ​ഥാ​ർ​ഥ സാ​മൂ​ഹി​ക പ്ര​ശ്ന​ത്തി​ൽ നി​ന്ന് ഭ​ക്ഷ​ണ​പ്പു​ര​യി​ലെ മെ​നു​വി​ലേ​ക്ക് ച​ർ​ച്ച​യെ കൊ​ണ്ടു​പോ​കു​ന്ന​തി​ന് നേ​തൃ​ത്വം ന​ൽ​കി​യ ‘അ​ധി​കാ​ര’ സാം​സ്കാ​രി​ക നേ​താ​ക്ക​ളെ​യും താ​ർ​ക്കി​ക​ ​പ്രമുഖരെ​യും ഈ ​അ​വ​സ​ര​ത്തി​ൽ പ്ര​ത്യേ​കം സ്മ​രി​ക്കു​ന്നു.

പി​ണ​ങ്ങി​പ്പോ​യ പാ​ച​ക​വി​ദ​ഗ്ധ​നെ വീ​ട്ടി​ൽ ചെ​ന്ന് ക്ഷ​ണി​ച്ച്, അ​ദ്ദേ​ഹ​ത്തെ കൊ​ണ്ടു​ത​ന്നെ ചി​ക്ക​ൻ ബി​രി​യാ​ണി ഉ​ണ്ടാ​ക്കി വി​ള​മ്പി​യാ​ലും അ​ടി​സ്ഥാ​ന രാ​ഷ്ട്രീ​യ പ്ര​ശ്ന​ങ്ങ​ളി​ൽ ഒ​രു മാ​റ്റ​വും സം​ഭ​വി​ക്കാ​ൻ പോ​കു​ന്നി​ല്ല. ഭ​ക്ഷ​ണ​ത്തി​ന്റെ മെ​നു​വ​ല്ല ഇ​വി​ടെ വി​ഷ​യം, മ​റി​ച്ച് ഭ​ക്ഷ​ണ​മു​ണ്ടാ​ക്കു​ന്ന ആ​ളു​ടെ ജാ​തി ത​ന്നെ​യാ​ണ് രാ​ഷ്ട്രീ​യ​പ്ര​ശ്നം. അ​ത്ര നി​ഷ്ക​ള​ങ്ക​മ​ല്ല കാ​ര്യ​ങ്ങ​ൾ.

v.manoj101@gmail.com

(ആക്ടിവിസ്റ്റും റിട്ട. അധ്യാപകനുമായ ലേഖകൻ സ്കൂൾ ഉച്ചഭക്ഷണ പരിപാടിയുടെ ദേശീയ റിവ്യൂ മിഷനിൽ സുപ്രീംകോടതി നിയോഗിച്ച പ്രതിനിധിയായിരുന്നു)