മുഖ്യമന്ത്രി സ്ഥാനാർഥിയില്ലാതെ ഹിമാചലിൽ ഭരണം പിടിച്ച് കോൺഗ്രസ്

ന്യൂ​ഡ​ൽ​ഹി: ഹി​മാ​ച​ലി​ൽ ആ​റു​ത​വ​ണ മു​ഖ്യ​മ​ന്ത്രി​യാ​യി​രു​ന്ന വീ​ർ​ഭ​ദ്ര​സി​ങ്ങി​ന്‍റെ മ​ര​ണ​ത്തോ​ടെ നാ​ഥ​നി​ല്ലാ​താ​യ കോ​ൺ​ഗ്ര​സ്​ ഇ​ത്ത​വ​ണ മു​ഖ്യ​മ​ന്ത്രി സ്ഥാ​നാ​ർ​ഥി ഇ​ല്ലാ​തെ​യാ​യി​രു​ന്നു തെ​ര​ഞ്ഞെ​ടു​പ്പി​നെ നേ​രി​ട്ട​ത്. സ​ർ​ക്കാ​ർ ജീ​വ​ന​ക്കാ​രു​ടെ പ​ഴ​യ പെ​ന്‍ഷ​ന്‍ സ്‌​കീം പു​നഃ​സ്ഥാ​പി​ക്കു​ന്ന​തു​ സം​ബ​ന്ധി​ച്ചും സേ​ന​യി​ൽ ജോ​ലി സ്വ​പ്നം കാ​ണു​ന്ന യു​വാ​ക്ക​ൾ​ക്കി​ട​യി​ൽ അ​ഗ്​​നി​പ​ഥ് പ​ദ്ധ​തി​ക്കെ​തി​രാ​യ വി​കാ​രം ഉ​യ​ർ​ത്തി​യും വോ​ട്ടു​പി​ടി​ക്കാ​ൻ കോ​ൺ​ഗ്ര​സി​ന്​ സാ​ധി​ച്ചു.

സം​സ്ഥാ​ന​ത്തി​ന്‍റെ ചു​മ​ത​ല​യു​ണ്ടാ​യി​രു​ന്ന എ.​ഐ.​സി.​സി ജ​ന​റ​ൽ സെ​ക്ര​ട്ട​റി പ്രി​യ​ങ്ക ഗാ​ന്ധി​യു​ടെ​യും ഛത്തീ​സ്​​ഗ​ഢ്​ മു​ഖ്യ​മ​ന്ത്രി ഭൂ​പേ​ഷ്​ ഭാ​​ഘേ​ലി​ന്‍റെ​യും നേ​തൃ​ത്വ​ത്തി​ൽ പാ​ർ​ട്ടി​ക്കു​ള്ളി​ലെ ക​ല​ഹം താ​ൽ​ക്കാ​ലി​ക​മാ​യെ​ങ്കി​ലും തു​ട​ക്ക​ത്തി​ൽ ത​ന്നെ പി​ടി​ച്ചു​നി​ർ​ത്താ​നാ​യ​തും നേ​ട്ട​മാ​യി.

ക​ഴി​ഞ്ഞ​വ​ർ​ഷം ഒ​ക്​​​ടോ​ബ​റി​ൽ നാ​ലു​ മ​ണ്ഡ​ല​ങ്ങ​ളി​ലെ ഉ​പ​തെ​ര​ഞ്ഞെ​ടു​പ്പ്​ വി​ജ​യ​വും കോ​ൺ​ഗ്ര​സി​ന്​ അ​നു​കൂ​ല​മാ​യി​രു​ന്നു. ഹി​മാ​ച​ൽ ഫ​ല​ത്തി​നു പി​ന്നാ​ലെ രാ​ഹു​ൽ ഗാ​ന്ധി​ക്കും പ്രി​യ​ങ്ക ഗാ​ന്ധി​ക്കും കോ​ൺ​ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ ന​ന്ദി പ​റ​ഞ്ഞു.

ജ​ന​ഹി​തം അം​ഗീ​ക​രി​ക്കു​ന്ന​താ​യി മു​ഖ്യ​മ​ന്ത്രി ജ​യ്റാം ഠാ​കു​ർ പ​റ​ഞ്ഞു. മാ​ൻ​ഡി ജി​ല്ല​യി​ലെ സെ​റാ​ജി​ൽ ഠാ​കു​ർ വി​ജ​യി​ച്ചെ​ങ്കി​ലും മ​ന്ത്രി​മാ​രാ​യ സു​രേ​ഷ് ഭ​ര​ദ്വാ​ജ്, രാം​ലാ​ൽ മാ​ർ​ഖ​ണ്ഡ, സു​ർ​വീ​ൻ ചൗ​ധ​രി എ​ന്നി​വ​ർ പ​രാ​ജ​യ​പ്പെ​ട്ടു. പ്ര​തി​പ​ക്ഷ നേ​താ​വ് കോ​ൺ​ഗ്ര​സി​ലെ മു​കേ​ഷ് അ​ഗ്നി​ഹോ​ത്രി ഹ​രോ​ളി​യി​ൽ​നി​ന്നും കോ​ൺ​ഗ്ര​സ് മു​ൻ സം​സ്ഥാ​ന അ​ധ്യ​ക്ഷ​ൻ കു​ൽ​ദീ​പ് രാ​ത്തോ​ർ തി​യോ​ഗി​ൽ നി​ന്നും ജ​യി​ച്ചു. മു​ൻ​മ​ന്ത്രി സു​ധീ​ർ ശ​ർ​മ ധ​രം​ശാ​ല​യി​ൽ​നി​ന്നും ജ​യി​ച്ചു.

മു​ൻ മു​ഖ്യ​മ​ന്ത്രി വീ​ര​ഭ​ദ്ര സി​ങ്ങി​ന്റെ മ​ക​നും കോ​ൺ​ഗ്ര​സ് സി​റ്റി​ങ് എം.​എ​ൽ.​എ​യു​മാ​യ വി​ക്ര​മാ​ദി​ത്യ സി​ങ് ഷിം​ല റൂ​റ​ൽ സീ​റ്റ് നി​ല​നി​ർ​ത്തി. ബി.​ജെ.​പി​യി​ലെ ര​വി കു​മാ​ർ മേ​ത്ത​യെ 13,860 വോ​ട്ടു​ക​ൾ​ക്കാ​ണ് സി​ങ് പ​രാ​ജ​യ​പ്പെ​ടു​ത്തി​യ​ത്.

വി​ജ​യം ഉ​റ​പ്പാ​യ​തോ​ടെ കോ​ൺ​ഗ്ര​സ് പു​തി​യ എം.​എ​ൽ.​എ​മാ​രു​ടെ യോ​ഗം ച​ണ്ഡി​ഗ​ഢി​ൽ വി​ളി​ച്ചു. തെ​ര​ഞ്ഞെ​ടു​പ്പി​ൽ വാ​ഗ്ദാ​നം​ചെ​യ്ത പ​ത്തു കാ​ര്യ​ങ്ങ​ൾ ന​ട​പ്പാ​ക്കാ​ൻ സാ​ധ്യ​മാ​യ​തെ​ല്ലാം ചെ​യ്യു​മെ​ന്ന് ഹി​മാ​ച​ൽ ചു​മ​ത​ല​യു​ള്ള എ.​ഐ.​സി.​സി പ്ര​തി​നി​ധി രാ​ജീ​വ് ശു​ക്ല പ​റ​ഞ്ഞു.

ന​വം​ബ​ർ 12ന് ​ന​ട​ന്ന തെ​ര​ഞ്ഞെ​ടു​പ്പി​ൽ 76.44 ശ​ത​മാ​ന​മാ​യി​രു​ന്നു പോ​ളി​ങ്. മൊ​ത്തം 412 സ്ഥാ​നാ​ർ​ഥി​ക​ൾ മ​ത്സ​ര രം​ഗ​ത്തു​ണ്ടാ​യി​രു​ന്നു. ഇ​തി​ൽ 24 പേ​ർ വ​നി​ത​ക​ളും 99പേ​ർ സ്വ​ത​ന്ത്ര​രും ആ​യി​രു​ന്നു. ബി.​ജെ.​പി​യും കോ​ൺ​ഗ്ര​സും എ​ല്ലാ മ​ണ്ഡ​ല​ങ്ങ​ളി​ലും സ്ഥാ​നാ​ർ​ഥി​ക​ളെ നി​ർ​ത്തി​യ​പ്പോ​ൾ 'ആ​പ്'67 മ​ണ്ഡ​ല​ങ്ങ​ളി​ലും ബി.​എ​സ്.​പി 53 ഇ​ട​ങ്ങ​ളി​ലും സി.​പി.​എം 11 സീ​റ്റി​ലും മ​ത്സ​രി​ച്ചു. 2017 തെ​ര​ഞ്ഞെ​ടു​പ്പി​ൽ ബി.​ജെ.​പി 44 സീ​റ്റാ​ണ് നേ​ടി​യ​ത്. കോ​ൺ​ഗ്ര​സ് 21 ഉം ​സി.​പി.​എം ഒ​രു സീ​റ്റും നേ​ടി​യി​രു​ന്നു. ര​ണ്ട് സ്വ​ത​ന്ത്ര​രും ജ​യി​ക്കു​ക​യു​ണ്ടാ​യി.

വി​ല​ക്ക​യ​റ്റം, തൊ​ഴി​ലി​ല്ലാ​യ്മ, പ​ഴ​യ പെ​ൻ​ഷ​ൻ പ​ദ്ധ​തി തു​ട​ങ്ങി​യ കാ​ര്യ​ങ്ങ​ളാ​ണ് കോ​ൺ​ഗ്ര​സ് തെ​ര​ഞ്ഞെ​ടു​പ്പി​ൽ ഉ​യ​ർ​ത്തി​യ​ത്. വ​നി​ത​ക​ളെ​യും യു​വാ​ക്ക​ളെ​യും കേ​ന്ദ്രീ​ക​രി​ച്ചാ​യി​രു​ന്നു ബി.​ജെ.​പി കാ​മ്പ​യി​ൻ.