Top
Begin typing your search above and press return to search.
exit_to_app
exit_to_app
Homechevron_rightOpinionchevron_rightOpen Forumchevron_rightഅർണബ്​ ഗോസ്വാമിയുടെ...

അർണബ്​ ഗോസ്വാമിയുടെ ചാറ്റുകൾ; സർക്കാറിന്‍റെ പൂച്ചാണ്​ പുറത്താകുന്നത്​

text_fields
bookmark_border
Arnab Goswami
cancel
camera_alt

representative image courtesy: The Quint

ടെലിവിഷൻ റേറ്റിങ്​ തട്ടിപ്പ്​ കേസിൽ മുംബൈ പൊലീസ്​ വീണ്ടെടുത്ത വിവാദ വാട്​സാപ്​ ചാറ്റുകളെ കുറിച്ച്​ സർക്കാർ തല അന്വേഷണം വേണമെന്ന ആവശ്യം ശക്​തമായിട്ടും ഭരണകൂടം പ്രതികരിച്ചിട്ടില്ല. മുമ്പ്​ റാഡിയ ടേപ്പുകളിലെന്നപോലെ, വ്യവസായികളും നിയന്ത്രണ ഏജൻസികളും സർക്കാറും തമ്മിലെ അവിഹിത കൂട്ടുകെട്ട്​ തുറന്നുകാട്ടുന്ന ഈ ചാറ്റുകളെ കുറിച്ച്​ ആഴത്തിൽ അന്വേഷണം ഉണ്ടായേ പറ്റൂ.

സൈനിക രഹസ്യങ്ങൾ, സൈനിക ആക്രമണ വിശദാംശങ്ങൾ എന്നിവയുടെ സ്വകാര്യത ലംഘിക്കപ്പെട്ടതു സംബന്ധിച്ചും അസ്വാഭാവിക ചോദ്യങ്ങൾ ഉയരുന്നുണ്ട്​. ബലാകോട്ട്​ വ്യോമാക്രാമണം, ഒരു ജഡ്​ജിയെ 'വിലകൊടുത്തുവാങ്ങൽ', ​ടെലിവിഷൻ റേറ്റിങ് പോയിൻറ്​ തട്ടിപ്പ്​ എന്നിങ്ങനെ പലതും. സ്വതന്ത്രമായി പ്രവർത്തിക്കുന്ന ടെലിവിഷൻ റഗ​ുലേറ്ററി അതോറിറ്റി ​(ട്രായ്​) പോലും പരിക്കേൽക്കാതെ രക്ഷപ്പെടുന്നില്ല. ചാറ്റുകൾ സൂചിപ്പിക്കുന്നതു പ്രകാരം ട്രായിയെയും അർണബ്​ ഗോസ്വാമിയുടെ എതിർചാനലുകളെയും സമ്മർദത്തിലാക്കി കീഴ്​പെടുത്താനുള്ള നീക്കത്തിന്​ ആഭ്യന്തര മന്ത്രിയും പ്രധാനമന്ത്രിയുടെ ഓഫീസും എതിരായിരുന്നില്ല താനും.

ഗൗരവതരമായി ഇടക്ക്​ പറയുന്ന​, ഒരു ജഡ്​ജിയെ വാങ്ങാമെന്ന നിർദേശം കോടതിയലക്ഷ്യമാണ്​. നിരവധി കാർട്ടൂണിസ്​റ്റുകൾ, മാധ്യമ പ്രവർത്തകർ, കൊമേഡിയൻമാർ തുടങ്ങി പലരുടെയും കേസുകളിൽ ശക്​തമായി ഇടപെട്ട സുപ്രീം കോടതി, നിയമ വിദ്യാർഥികൾ, അറ്റോണി ജനറൽ എന്നിവർ ഇൗ വിഷയത്തിലും എത്ര കണ്ട്​ ഇടപെടുന്നു എന്നതും നോക്കി​ക്കാണേണ്ടതുണ്ട്​.

സൈനിക രഹസ്യം ചോർത്തലാണ്​ നടന്നതെന്ന്​ മുൻ പ്രതിരോധ മന്ത്രി എ.കെ ആൻറണി കുറ്റപ്പെടുത്തുന്നു​. ബലാകോട്ടി​െല സൈനിക രഹസ്യം യൂനിഫോമണിഞ്ഞ ഒരു പട്ടാളക്കാരനും ചോർത്തിയതല്ലെന്ന്​ അദ്ദേഹം ഖണ്ഡിതമായി പറയുന്നു. കൂടുതൽ കാബിനറ്റ്​ മന്ത്രിമാർക്കു പോലും അത്തരം വിവരങ്ങൾ നേരത്തെ ലഭിക്കുന്നില്ല. മൂന്നോ നാലോ കാബിനറ്റ്​ മന്ത്രിമാർ, ദേശീയ സുരക്ഷ ഉപദേഷ്​ടാവ്​ (എൻ.എസ്​.എ), മൂന്നോ നാലോ ഉന്നത ഉദ്യോഗസ്​ഥർ എന്നിവർ മാത്രമാണ്​, ആൻറണി പറയുന്നു, ആക്രമണം നേരത്തെ അറിയുന്നത്​.

പട്ടാളക്കാരല്ലാത്ത ഇവരിലൊരാളാണ്​ ആക്രമണത്തിന്​ മൂന്നു ദിവസം മുമ്പ്​ അർണബിന്​ വിവരം ചോർത്തി നൽകിയത്​. രാജ്യദ്രോഹമാണ്​ ഈ കുറ്റ​മെന്നും കുറ്റവാളി നിർബന്ധമായും ശിക്ഷിക്കപ്പെടണമെന്നും ആൻറണി കട്ടായം പറയുന്നു. ''ഔദ്യോഗിക രഹസ്യം ചോർത്തുന്നത്​ ക്രിമിനൽ കുറ്റമാണ്​, സൈനിക നീക്കം സംബന്ധിച്ച രഹസ്യങ്ങളാകു​േമ്പാൾ അത്​ രാജ്യദ്രോഹം മാത്രമല്ല, ദേശവിരുദ്ധവുമാണ്​. അവർക്ക്​ ശിക്ഷ ലഭിക്കണം''- അദ്ദേഹം ഇത്ര കൂടി പറയുന്നു.

പുൽവാമ ഭീകരാക്രമണത്തിന്​​ മൂന്നു മണിക്കൂർ മാത്രം കഴിഞ്ഞ്​ ഗോസ്വാമി ആഘോഷപൂർവം ദാസ്​ഗുപ്​തയോട്​ പറയുന്നുണ്ട്​: ''നാം ഭ്രാന്തമായ ജയം നേടിയിരിക്കുന്നു''. ത​െൻറ ടി.വി ചാനലുകളിൽ ആക്രമണത്തി​െൻറ കവറേജാകാം പരാമർശമെക്കിലും പിന്നാമ്പുറത്ത്​ ഭീതിദമായ ചിലതിലേക്കു കൂടി ഞെട്ടിക്കുംവിധം അത്​ വിരൽ ചൂണ്ടുന്നു. ആക്രമണത്തിൽ ഞെട്ടിത്തരിച്ച രാജ്യം കണ്ണീരണിഞ്ഞുനിൽക്കു​േമ്പാൾ ഈ ടെലിവിഷൻ അവതാരകൻ ഇതിൽനിന്ന്​ കൂടുതൽ പേരെ കാഴ്​ചക്കാരായി കിട്ടിയതിൽ അർമാദിക്കുകയായിരുന്നു.

പാകിസ്​താനിലെ ബല​ാക്കോട്ടിൽ വ്യോമാക്രമണത്തി​െൻറ മൂന്നു ദിവസം മുമ്പുതന്നെ എന്തു നടക്കുമെന്ന്​ ഗോസ്വാമി അറിയുന്നുണ്ട്​. ജനം സന്തോഷത്തിലാറാടുംവിധമാകും ആക്രമണമെന്ന്​ ഇയാൾക്ക്​ ഉറപ്പുംലഭിക്കുന്നു. വിഷയത്തിൽ ഗോസ്വാമി മാത്രമല്ല, ചങ്ങാതിയും ഒരേ തീർപ്പിലാണ്​ എത്തുന്നതും. ഭരണകക്ഷി തെരഞ്ഞെടുപ്പ്​ തൂത്തുവാരും, 'വലിയ മനുഷ്യന്​' ആക്രമണം തീർച്ചയായും ഒരു നല്ലകാര്യമാണ്​. ''ജനം അർമാദിക്കുമെ''ന്ന്​ പറയു​േമ്പാൾ വാക്കുപിഴവല്ലെന്ന്​ ഉറപ്പുവരുത്താനും ഗോസ്വാമി കരുതൽ എടുക്കുന്നുണ്ട്​.

ഒരു ലോബീയിസ്​റ്റാക​ട്ടെ, വ്യവസായിയാക​ട്ടെ 'എങ്ങനെയാണ്​ അയാൾക്ക്​ പ്രധാനമന്ത്രിയുടെ പേര്​ പറയാതെവിടാനും ഒപ്പം എതിരാളികളെ ഭീഷണിയുടെ മുനയിൽ നിർത്താനും കഴിയുന്നത്​''- കോൺഗ്രസ്​ വക്​താവ്​ പവൻ ഖേര ചോദിക്കുന്നു. പ്രധാനമന്ത്രിയുമായും അദ്ദേഹത്തി​െൻറ ഓഫീസുമായും തനിക്കുള്ള ഉറ്റ ബന്ധത്തിലുള്ള വിശ്വാസം ഞെട്ടിക്കുന്നതാണ്​''- അദ്ദേഹം പറയുന്നു.

സുഹൃത്ത്​ പാർഥോ ദാസ്​ഗുപ്​തയുമായി നേരത്തെയുള്ളൊരു സംഭാഷണത്തിൽ 2019ലെ തെരഞ്ഞെടുപ്പിൽ ബി.ജെ.പി ഭൂരിപക്ഷം നേടില്ലെന്ന്​ അദ്ദേഹം പറയുന്നുണ്ട്​. ലോക്​സഭയി​േലക്ക്​ 235, 245 സീറ്റുകളേ ബി.ജെ.പിക്ക്​ നേടാനാകൂ എന്നും പറയുന്നു. അതുകൊണ്ടാണ്​, സുപ്രധാനമായ ചിലത്​ പദ്ധതിയിട്ടതായി ദാസ്​ഗുപ്​തയോട്​ പറയുന്നത്​, അത്​ ജനത്തെ അത്യാവേശത്തിലാക്കുമെന്നും പറയുന്നു. സംഭവത്തോടെ ഭരണകക്ഷി തെരഞ്ഞെടുപ്പ്​ തൂത്തുവാരുന്ന സ്​ഥിതി സംഭവിക്കുമെന്നും ദാസ്​ഗുപ്​ത മനസ്സിലാക്കുന്നു. കരുതലി​െൻറ ഭാവം സ്വീകരിക്കുന്ന ഗോസ്വാമി 'ഇത്​ ഇൗ സീസണിൽ വലിയ മനുഷ്യന്​ ഗുണകരമാകും' എന്നും പറയുന്നു. ബി.ജെ.പി 301 സീറ്റുമായി വിജയം വരിച്ചു.

പുൽവാമ ഭീകരാക്രമണത്തിന്​ തൊട്ടുടൻ, കോൺഗ്രസും മറ്റു പ്രതിപക്ഷ കക്ഷികളും ഏപ്രിൽ- മേയ്​ മാസം നടക്കുന്ന തെരഞ്ഞെടുപ്പി​െൻറ ​പ്രചാരണനടപടികൾ നിർത്തിവെച്ചു. ഉത്തർ പ്രദേശിൽ എ​.ഐ.സി.സി ജനറൽ സെക്രട്ടറി പ്രിയങ്ക വധ്ര നിശ്​ചയിച്ച വാർത്താ​സമ്മേളനവും ഉപേക്ഷിച്ചു. എല്ലാ രാഷ്​ട്രീയ പരിപാടികളും അടിയന്തരമായി അവസാനിപ്പിക്കുകയാണെന്നും സർക്കാറിനൊപ്പം നിലയുറപ്പിക്കാനാണ്​ ഇപ്പോൾ തീരുമാനമെന്നും​ രാഹുൽ ഗാന്ധി ട്വിറ്ററിൽ കുറിച്ചു. 14 ദിവസം പൊതുവേദികളിൽ കോൺഗ്രസ്​ നേതൃത്വം രാഷ്ട്രീയ പ്രഭാഷണങ്ങളും നിർത്തിവെച്ചു.

നേരെ മറിച്ച്​, ബി.ജെ.പി ഇരട്ടി വീര്യത്തോടെ കാര്യങ്ങൾ ഊർജിതമാക്കുന്ന തിരക്കിലായിരുന്നു. തെരുവുകൾ നിറഞ്ഞ്​ ദേശഭക്​തി ഗാനങ്ങൾ അത്യുച്ചത്തിൽ മുഴക്കി മോ​ട്ടോർ സൈക്കിൾ റാലികളുടെ ബഹളം. രാജ്യത്തെ കവലകളിൽ മുഴുക്കെ പാകിസ്​താന്​ മുന്നറിയിപ്പ്​ നൽകി ബി.ജെ.പി നേതാക്കളുടെ പട. പ്രതികാരത്തിനായി മുഴങ്ങിയ വാചാടാപോങ്ങൾ. ഭീകരാക്രമണത്തിൽ കൊല്ലപ്പെട്ട ജവാന്മാർക്ക്​ പാർട്ടി വക സംസ്​കാര ചടങ്ങുകൾ. നരേ​ന്ദ്ര മോദിയും അമിത്​ ഷായും റാലികളിൽ അത്യാവേശത്തോടെ സംസാരിക്കുന്നതും തകൃതി. ബലാകോട്ട്​ ആക്രമണത്തിന്​ രണ്ടാഴ്​ച കഴിഞ്ഞ്​, ഗുജറാത്തിലെ ശ്രോതാക്കളോടായി പ്രധാനമന്ത്രിയ​ുടെ വാക്കുകൾ ഇങ്ങനെ: ''തുമേ ഖൂഷ്​, ദേശ്​ ഖൂഷ്​'' (നിങ്ങൾക്ക്​ സന്തോഷം, രാജ്യത്തിന്​ സന്തോഷം).

ബലാകോട്ട്​ വ്യോമാക്രമണം തന്നെയും വൻവിവാദങ്ങൾക്ക്​ തിരികൊളുത്തിയിരുന്നു. ഫെബ്രുവരി 26ന്​ പുലർച്ചെയാണ്​ ഇന്ത്യൻ വ്യോമസേന വിമാനങ്ങൾ നിയന്ത്രണ രേഖക്കരികെ ബലാകോട്ടിനോട്​ ചേർന്ന്​ ബോംബുകൾ വർഷിക്കുന്നത്​. ആക്രമണം ആദ്യം സ്​ഥിരീകരിക്കുന്നത്​ പാകിസ്​താനായിരുന്നു. പക്ഷേ, ആളപായമില്ലെന്നും കുറെ മരങ്ങളും ജീവനുള്ള ഒരു കാക്കയും അപകടത്തിൽ പെ​ട്ടെന്നും കൂടി അവർ പറഞ്ഞു.

കേന്ദ്ര സർക്കാർ വിശദീകരണം പക്ഷേ, ബല​ാക്കോട്ടിലെ ഭീകര ക്യാമ്പുകൾ ആക്രമിക്കപ്പെ​ട്ടെന്നായിരുന്നു. 300 ഭീകരർ കൊല്ലപ്പെട്ടതായി കേന്ദ്ര മന്ത്രിമാരും ബി.ജെ.പി നേതാക്കളും അവകാശപ്പെട്ടു. ഇന്ത്യൻ വ്യോമസേന മേധാവി ബി.എസ്​ ധനോവ പ്രഖ്യാപിച്ചത്​ എത്ര പേർ മരിച്ചെന്നു പറയൽ വ്യോമസേനയുടെ പണിയല്ലെന്നായിരുന്നു. ബലാകോട്ടിലെ ഭീകര ക്യാമ്പായിരുന്നു കൃത്യമായ ലക്ഷ്യമെന്ന്​ വ്യോമസേന വൃത്തങ്ങൾ വ്യക്​തമാക്കി. ''അതൊരു മലനിരയിലായിരുന്നു. പരിസരത്ത്​ സിവിലിയൻമാർ ഇല്ലായിരുന്നു. അതിനാൽ, സിവിലിയൻ മരണത്തിന്​ സാധ്യത തീരെ ഇല്ലായിരുന്നു. മദ്​റസ അല്ലാത്തതിനാൽ കുട്ടികളും ഉണ്ടാകില്ല. കുറെയേറെ ഭീകരർ മാത്രമായിരുന്നു അവിടെ ഉണ്ടായിരുന്നത്''- എയർ മാർഷൽ ഹരി കുമാറിനെ ഉദ്ധരിച്ച്​ ദി പ്രിൻറ്​ റിപ്പോർട്ട്​ ചെയ്​തു.

പ്രഥമ ഘട്ട പ്ലാനിങ്ങിൽ നാല്​ ഓഫീസർമാർ മാത്രമായിരുന്നു പങ്കാളികളെന്നും അതിൽ വ്യോമസേന മേധാവി ധനോവക്കൊപ്പം താനും ഉണ്ടായിരുന്നതായി എയർ മാർഷൽ കുമാർ പറയുന്നു. പ്രധാനമന്ത്രി, ആഭ്യന്തര മന്ത്രി, ദേശീയ സുരക്ഷ ഉപദേഷ്​ടാവ്​, പ്രതിരോധ മന്ത്രി എന്നിവരും ആക്രമണം അറിഞ്ഞതായി കരുതുന്നു. ആസ്​ട്രേലിയൻ സ്​ട്രറ്റീജിക്​ പോളിസി ഇൻസ്​റ്റിറ്റ്യൂട്ടിലെ നഥാൻ റൂസർ നടത്തിയ ഉപഗ്രഹ വിവര അപഗ്രഥനത്തിലെ തീർപ്​ ഇങ്ങനെ: ''കാര്യമാത്ര നാശനഷ്​ടങ്ങൾ സംഭവിച്ചതിന്​ വ്യക്​തമായ തെളിവുകളില്ല. അതിനാൽ, ആക്ര​മണത്തെ കുറിച്ച്​ ഇന്ത്യൻ അവകാശ വാദങ്ങളിൽ കഴമ്പുണ്ടെന്ന്​ പറയാനാകില്ല''. വേൾഡ്​വ്യൂ-2 ഉപഗ്രഹം നൽകിയ ചിത്രങ്ങൾ​ വെച്ച്​ ഇൻസ്​റ്റിറ്റ്യൂട്ട്​ നടത്തിയ പഠനത്തിൽ 'ലക്ഷ്യം പിഴച്ചെന്നും' പറയുന്നു.

ബലാകോട്ട്​ ആക്രമണത്തെ ചുറ്റിപ്പറ്റിയുള്ള ദുരൂഹതകൾ ഇപ്പോഴും നിലനിൽക്കുന്നു. 20 ഓ 200 ഓ ഭീകരർ കൊല്ലപ്പെട്ടിരുന്നുവെങ്കിൽ പാകിസ്​താന്​ വാർത്ത ഒളിച്ചുവെക്കാനാകി​ല്ലായിരുന്നു. ഭീകര സംഘടനകൾ പ്രതികാരത്തിന്​ മുറവിളി കൂട്ടുമായിരുന്നു. പക്ഷേ, ഒന്നും കേട്ടില്ല. എന്നുവെച്ചാൽ, യഥാർഥ നാശനഷ്​ടം വരുത്തുന്നതിലുപരി നിർണായക തെരഞ്ഞെടുപ്പിൽ സ്വന്തം നാട്ടിൽ പൊതുജനാഭിപ്രായത്തെ സ്വാധീനിക്കാൻ ലക്ഷ്യമിട്ടുള്ള എന്തോ ആയിരുന്നിരിക്കണം.

പരിഹാസ്യമായ കാട്ടിക്കൂട്ടൽ ആയിരുന്നുവെന്ന്​ പറയാനും തെളിവില്ലെങ്കിലും അത്​ ഒരു ദുരന്തത്തിലാണ്​ കലാശിച്ചത്​. ഫെബ്രുവരി 27ന്​ പാക്​ യുദ്ധ വിമാനങ്ങൾ അതിർത്തി കടന്ന്​ ഇന്ത്യയിലെത്തി. പക്ഷേ, 'അവയെ തുരത്തുകയായിരുന്നു'. അതിനിടെ, ഒരു വ്യോമസേന ഹെലികോപ്​റ്റർ വെടിവെച്ചു വീഴ്​ത്തപ്പെട്ടു. ഇന്ത്യൻ സേന കരയിൽനിന്നു നടത്തിയ നീക്കത്തിൽ ലക്ഷ്യം തെറ്റിയായിരുന്നു സംഭവമെന്നാണ്​ ആരോപണം. ഒപ്പം, പാക്​ വിമാനങ്ങളെ പിന്തുടർന്ന ഒരു ഇന്ത്യൻ വിമാനം പാകിസ്​താൻ മണ്ണിൽ വെടിയേറ്റുവീണു. വിങ്​ കമാൻഡർ അഭിനന്ദൻ വർധമാൻ തടവുകാരനായി പാക്​ സൈനിക പിടിയിൽ കുടുങ്ങി. മോചനമാകുന്നത്​ 60 മണിക്കൂർ കഴിഞ്ഞും.

ബല​ാകോട്ട്​, പുൽവാമ, ടി.ആർ.പി എന്നിവയെ കുറിച്ച്​ ആശങ്കപ്പെടുത്തുന്ന ചോദ്യങ്ങൾ പലതുണ്ട്​. സംവിധാനങ്ങളുടെ പ്രവൃത്തി സംബന്ധിച്ച്​ പഠിച്ച്​ പ്രവർത്തനം മെച്ചപ്പെടുത്താൻ വഴികൾ നി​ർദേശിക്കാൻ സംയുക്​ത പാർലമെൻററി സമിതിയെ കൊണ്ട്​ അന്വേഷണമാണ്​ ആവശ്യം.

അർണബ്​ ഗോസ്വാമിയുടെ വാട്​സാപ്​ ചാറ്റുകൾ

ഫെബ്രുവരി 23, 2019
അർണബ്​ ഗോസ്വാമി: മറ്റൊരു കുറിപ്പ്​, കാര്യമായി വലിയ ചിലത്​ സംഭവിക്കും.
പി.ഡി.ജി: ദാവൂദ്​
എ.ജി: അല്ല, സാർ. പാകിസ്​താൻ. കാര്യമാത്രമായ ചിലത്​ ഇത്തവണ നടക്കും.
പി.ഡി.ജി: നല്ലത്​.
എ.ജി: ഈ സമയത്ത്​ വലിയ മനുഷ്യന്​ അത്​ നന്നാകും.
പി.ഡി.ജി: അ​േതാടെ അദ്ദേഹം തെരഞ്ഞെടുപ്പ്​ തൂത്തുവാരും.. ആക്രമണമാണോ? അതല്ല, അതിലേറെ വലുതോ?
എ.ജി: സാധാരണ ആക്രമണത്തെക്കാൾ വലുത്​. അതേ സമയം, കശ്​മീർ വിഷയത്തിലും സുപ്രധാനമായ ചിലത്​. പാക്​ വിഷയത്തിൽ ജനം അത്യാവേശത്തിലാകുന്ന ആക്രമണം നടത്താനാകുമെന്ന്​ സർക്കാർ വിശ്വാസത്തിലാണ്​. പറഞ്ഞ വാക്കുകൾ അതേപടി.
പി.ഡി.ജി: ഉം.... കശ്​മീർ (സന്ദർശനത്തിന്​) ക്ഷണമുണ്ട്​. പോകണോ?
എ.ജി: മാർച്ച്​ രണ്ടിന്​ സുഷമ ഒ.ഐ.സിക്ക്​ പോകുന്നുണ്ട്​. എന്നുവെച്ചാൽ, അതുവരെ മറ്റൊന്നില്ല.
(ബലാകോട്ട്​ ആക്രമണം നടക്കുന്നത്​ ഫെബ്രുവരി 26നാണ്​).

ഫെബ്രുവരി 26, 2019
എ.ജി: ആജ്​തകിന്​ അത്​ നഷ്​ടമായി. പി.എമ്മിനെ ഇരുട്ടിലാക്കി.
പി.ഡി.ജി: എന്തുപറ്റി?
എ.ജി: ചാനലി​െൻറ അന്ത്യം. ആജ്​തകിന്​ ഒന്നാം നമ്പർ ആകാനാകില്ല. മോദിയെ ഒരു ദിവസം ഇരുട്ടിൽ നിർത്തി. മോദി...മോദി... മോദി... എല്ലായിടത്തും മോദി.
പി.ഡി.ജി: മറ്റ്​ എല്ലാ സ്​ക്രീനിലും അദ്ദേഹത്തെ ഞാൻ കണ്ടു.
എ.ജി: വ്യാജ പാക്​ പ്രചാരണ വിഡിയോയും അവർ കാണിച്ചു.
പി.ഡി.ജി: സത്യത്തിലും? ആ പാക്​ ജനറലിനെ? 12 ചാനലുകൾക്ക്​ നോട്ടീസ്​ ലഭിച്ചു? ഒരേ വിഷയമാണോ?

ഫെബ്രുവരി 27, 2019
പി.ഡി.ജി: നേരത്തെ നിങ്ങൾ സംസാരിച്ചതു തന്നെയായിരുന്നോ ഇന്നലത്തെ ആക്രമണം? അതോ കൂടുതലെന്തെങ്കിലും വരു​ന്നുണ്ടോ?
എ.ജി: കൂടുതൽ വരുന്നു. ഒരു പാക്​ എഫ്​- 16 തകർന്നുവീണു- ഇന്ത്യയുടെ ഒന്നും.
പി.ഡി.ജി: ചില റിപ്പോർട്ടർമാരെ പ്രത്യേകമായി നി​യോഗിക്കണം-ഇറാഖിൽ സി.എൻ.എൻ പോലെ ഒരു വിപ്ലവമാകും.
എ.ജി: എവിടെയാണ്​ നമ്മുടെ വിമാനം തകർന്നത്​, അവർ ശ്രീനഗർ വിട്ടില്ലല്ലോ, ഞങ്ങൾ ബദ്​ഗാമിൽ നിന്ന്​ ലൈവ്​ നൽകുന്നുമുണ്ട്​.

ആഗസ്​റ്റ്​ 2, 2019
കേന്ദ്ര സർക്കാർ ജമ്മുവിനെ പ്രത്യേക സംസ്​ഥാനമാക്കുന്നു, കശ്​മീറും ലഡാക്കും കേന്ദ്ര ഭരണ പ്രദേശങ്ങളും... എന്നുവെച്ചാൽ, ഇനി ഒരു രാഷ്​ട്രീയ കക്ഷിയും പാടില്ല. ഡൽഹി ആസ്​ഥാനമായി ഗവർണർ ഭരണമാകും ഇനി എ​​െ​ന്നന്നേക്കും. ഒരാഴ്​ചക്കകം ഉത്തരവിറങ്ങും. ഉത്തരവിന്​ രണ്ടു ദിനം മുമ്പ്​ കർഫ്യൂ നടപ്പാക്കും. 370ാം വകുപ്പും 35 എയും റദ്ദാക്കും.
പി.ഡി.ജി: സത്യമാണോ?
എ.ജി: അതേ സാർ.
പി.ഡി.ജി: വലിയ സംഭവമാണ്​.
എ.ജി: വാർത്തകൾ ​ബ്രേക്ക്​ ​നൽകുന്നതിൽ പ്ലാറ്റിനം മാനദണ്​ഡങ്ങളാണ്​ ഞാൻ നിശ്​ചയിചിട്ടുള്ളത്​. ഈ സ്​റ്റോറി ഞങ്ങളുടെതാണ്​. എൻ.എസ്​.എയെയും പ്രധാനമന്ത്രിയുടെ ഓഫീസിനെയും തിങ്കളാഴ്​ച ബന്ധപ്പെടും. (പാർലമെൻറിൽ പ്രഖ്യാപനം വരുന്നത്​ ആഗസ്​റ്റ്​ അഞ്ചിന്​).

ആഗസ്​റ്റ്​ 5, 2019
എ.ജി: ഒാപറേഷൻ കശ്​മീർ. ഗ്രൗണ്ട്​ സീറോയിൽനിന്ന്​ ലൈവ്​ അപ്​ഡേറ്റുകൾ. ജമ്മുകശ്​മീരിലുടനീളം 10 റിപ്പോർട്ടർമാർ.
താഴ്​വരയിലെ സ്​ഥിതിഗതികൾ സംബന്ധിച്ച്​ ഏറ്റവും പുതിയ വിവരങ്ങൾ രാവിലെ 6.12 മുതൽ.
പി.ഡി.ജി: മനസ്സിലാകുന്നില്ല- ഉമറി​െൻറയും മഹ്​ബൂബയുടെയും വീടുകൾക്ക്​ മുമ്പിൽ പൊലീസുകാരുടെ എണ്ണം കൂട്ടിക്കൂട്ടിവരുന്നു- വീട്ടുതടങ്കൽ തന്നെയല്ലേ അത്​? ഉദ്യോഗസ്​ഥർ അങ്ങനെ പറയുന്നുണ്ടോ?
എ.ജി: അരിശം പൂക്കുന്ന ദിനമാണിത്​.... അൽപം ആലോചിക്കൂ.
ഉമർ: നാമും ഏകാന്തരാണ്​.
മഹ്​ബൂബ: നമ്മളും ഏകാന്തർ.
അമിത്​ ഷാ: ചിരി വരുന്നില്ലേ? ​
പി.ഡി.ജി: ലോധ ഡിവലപേഴ്​സ്​ വരികയാണ്​... കശ്​മീരി​െൻറ പേര്​ അപ്പർ ഹരിയാന എന്നാക്കുന്നു. പി.ഡി.ജി: ഒരു നിർദേശം മാത്രം.. ഇംഗ്ലീഷ്​ ചാനലിൽ ഹിന്ദി കലർത്തരുത്​. ദക്ഷിണേന്ത്യൻ കാണികൾ ചാനൽ മാറ്റും.
എ.ജി: ശ്രീനഗറിലെത്തിയ ആദ്യ റിപ്പോർട്ടർമാർ 'ഭാരതി'ൽനിന്നായപ്പോൾ... എന്നെ എൻ.എസ്​.എ വിളിച്ച്​ എവിടെനിന്ന്​ വിവരമറിഞ്ഞെന്ന്​ ചോദിച്ചു.. കശ്​മീരി​ലേക്ക്​ പുറപ്പെടുംമുമ്പ്​ ഡോവൽ എന്നെ കണ്ടിരുന്നു.
(നേരത്തെ വിവരമറിഞ്ഞ്​ അത്​ കശ്​മീരിലെ ത​െൻറ റിപ്പോർട്ടർ സംഘത്തിന്​ ഗോസ്വാമി കൈമാറിയെന്ന്​ മനസ്സിലാക്കാം).

ഒക്​ടോബർ 14, 2019
അർണബ്​ ഗോസ്വാമി: പ്രസിഡൻറ്​ സൗരവ്​ ഗാംഗുലി, സെക്രട്ടറി ജയ്​ ഷാ, ട്രഷറർ അരുൺ ധുമാൽ. രജതി​ന്​ അർഹിച്ച പദവി നൽകുന്നു ഇത്​. ഡി.ഡി.സി.എ അഴിമതി കേസിൽ അന്വേഷണം കാത്തിരിക്കുന്നു. അയാളെ കുറിച്ചോ നിലവാരമില്ലാത്ത അയാളുടെ ചാനലി​നെ കുറിച്ചോ ഇനി ആധി വേണ്ട.
പാർഥോദാസ്​ ഗുപ്​ത (പി.ഡി.ജി): പക്ഷേ, ഇപ്പോഴും ഐ.ബി.എഫ്​ ബോർഡിലുണ്ട്​. മുതിർന്ന പലരും ഇപ്പോഴും അദ്ദേഹം ശക്​തനെന്നു തന്നെ കരുതുന്നു.
എ.ജി: അവർ പിന്നീട്​ മനസ്സിലാക്കും. ബി.സി.സി.ഐ ഏറ്റെടുക്കുകയാണെന്ന്​ അയാൾ ​പ്രഖ്യാപിച്ചിരുന്നു. ഒരു വിഡ്​ഢിയെ പോലുണ്ട്​ അയാൾ. ബി.എ.ആർ.സി സംവിധാനവുമായി കളിക്കാൻ ഇനിയും അയാളെ അനുവദിക്കാതിരിക്കണം. ഒരു വഞ്ചകനാണ്​ അയാൾ. ഒരു എം.പി പോലും അയാളെ പരിഗണനക്കെടുക്കുന്നില്ല. പ്രതിഛായ മങ്ങിക്കൊണ്ടിരിക്കുന്ന ഒറ്റച്ചാനൽ മുതലാളി.
പി.ഡി.ജി: ഐ.ബി.എഫ്​ ബോർഡിൽ എന്തിനാകും ഉദയ്​ അയാളെ നിർത്തുന്നത്​?
എ.ജി: ബി.സി.സി.ഐ അധ്യക്ഷനാകുമെന്ന്​ അയാളെ വിശ്വസിപ്പിച്ചിരുന്നു.
(ബി.സി.സി.ഐ തെരഞ്ഞെടുപ്പ്​ നടക്കുന്നത്​ ഒക്​ടോബർ 23ന്​).

എപ്രിൽ നാല്​, 2019
എ.ജി: ബി.ജെ.പി വന്നാൽ രണ്ടു മാസത്തിനകം 'ട്രായ്​'ക്ക്​ പല്ലുംനഖവുമുണ്ടാകില്ല. അവർ എ.എസിനെ കൂട്ടുപിടിച്ചിട്ടുണ്ട്​.
പി.ഡി.ജി: ഇനിയും 'ബാർകി'നെ കുറിച്ച്​ വലിയ വായിൽ പറയാതിരിക്കാൻ 'ട്രായ്​'ക്ക്​ നിർദേശം നൽകാൻ എ.എസിനോട്​ പറയാനാകുമോ?
എ.ജി: ഞാൻ ഒരു സന്ദേശം അയക്കാം... എ.എസി​െൻറ രാഷ്ട്രീയ നീക്കങ്ങൾക്ക്​ എതിരാണ്​ ട്രായ്​ നീക്കമെന്ന്​ പറയാവുന്ന മൂന്ന്​ പോയിൻറുകൾ പറയാനാകുമോ?

ജൂൺ 10, ജൂൺ 20, 2019
എ.ജി: ലാൻഡിങ്​ പേജുകൾ അളവെടുക്കുന്നത്​ നിർത്താൻ സർക്കാർ ഔദ്യോഗികമായി ആവശ്യപ്പെടും. എം.ഐ.ബിയുമായി ഇപ്പോൾ സംസാരിച്ചു. എൻ.ബി.എഫ്​ പ്രഖ്യാപിക്കാൻ ശ്രമിക്കുകയാണ്​. രജതിനെ നിർവീര്യമാക്കും.
പി.ഡി.ജി: അതേ, അതിന്​ മന്ത്രിയുടെ അനുഗ്രഹവുമുണ്ടാകും.
എ.ജി: അത്​ അദ്ദേഹവും പി.എം.ഒയും ചെയ്യും. രണ്ടുപേരോടും പറഞ്ഞിട്ടുണ്ട്​.

മേയ്​ 17, മേയ്​ 25, 2017
എ.ജി: എല്ലാ മന്ത്രിമാരും നമുക്കൊപ്പമാണ്​. ശുദ്ധ ചവറ്​. ബന്ധപ്പെട്ട ഒരാളുമായി ഇന്ന്​ സംസാരിച്ചു. ആർ.എസ്​.പിയോടും.
പി.ഡി.ജി: പക്ഷേ, ​നമുക്ക്​ കോടതി കേസ്​ നഷ്​ടപ്പെടാനാകില്ല.
എ.ജി: നിങ്ങളുടെ കുറിപ്പ്​ ഞാൻ കണ്ടു.
പി.ഡി.ജി: മനു സിങ്​വി നിങ്ങളെ പ്രതിക്കൂട്ടിലാക്കാൻ പരമാവധി ശ്രമിക്കും.
എ.ജി: അയാൾക്ക്​ സാധിക്കില്ല. സന്ദീപ്​ സേഥി രണോത്സുകനാണ്​.
പി.ഡി.ജി: പക്ഷേ അയാളല്ല... ജഡ്​ജിയെ വില കൊടുത്തു വാങ്ങൂ...
(പ്രമുഖ ഹിന്ദി/ഇംഗ്ലീഷ്​ ചാനൽ ഡൽഹി ഹൈക്കോടതിയിൽ നൽകിയ കേസുമായി ബന്ധപ്പെട്ടാണിത്​. ബാർക്​ റേറ്റിങ്​സിൽ കൃത്രിമമായിരുന്നു വിഷയം).

കടപ്പാട്​ : സഞ്​ജുക്ത ബസു
വിവർത്തനം: കെ.പി മൻസൂറലി

Show Full Article
TAGS:Arnab Goswami Republic Day 
Next Story