Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightOpen Forumchevron_rightഅവരുടെ സങ്കടം...

അവരുടെ സങ്കടം എനിക്കറിയാം, ഞാനും അന്തർ സംസ്​ഥാന തൊഴിലാളിയാണ്​

text_fields
bookmark_border
sonu-sood
cancel
camera_alt????? ?????

ഈ മുംബൈ മഹാനഗരത്തിൽ അന്തർ സംസ്​ഥാന തൊഴ​ിലാളിയായി ജീവിതം കരുപ്പിടിപ്പിക്കാൻ വന്നു ചേർന്നയാളാണ്​ ഞാൻ. ഇപ്പോൾ ഈ ദുരിതകാലത്ത്​ അന്തർ സംസ്​ഥാന തൊഴ​ിലാളികളെ വീടുകളിലെത്തിക്കുന്നതിന്​ എന്നെക്കൊണ്ട്​ കഴിയുന്ന സഹായം ചെയ്യാൻ മുതിർന്നത്,​ അവരുടെ വേദനകൾ അറിയാൻ കഴിയുന്ന ഒരാളാണെന്നതു കൊണ്ടാണ്​. രാഷ്​ട്രീയം ഉൾപെടെ മറ്റൊരു താൽപര്യവും അതിനു പിന്നിലില്ല. രാഷ്​ട്രീയത്തോട്​ പ്രതിപത്തിയില്ലാത്തയാളാണ്​ ഞാൻ. ചെയ്​തതൊക്കെ അന്തർ സംസ്​ഥാന തൊഴിലാളികളോടുള്ള സ്​നേഹം കൊണ്ടു മാത്രമാണ്​. അവരെ കുടുംബത്തോടൊപ്പം തിരിച്ചെത്തിക്കുകയെന്നതു മാത്രമാണ്​ ഞാൻ ആഗ്രഹിച്ചത്​.

അവസാനത്തെ തൊഴിലാളിയും വീടണയുന്നതുവരെ പ്രവർത്തനം തുടരണമെന്നാണ്​ ഞാൻ ആഗ്രഹിക്കുന്നത്​. മുഴുവൻ കരു​ത്തോടെ ആ യാത്ര തുടരണം. ഈ മഹാമാരിക്കാലത്ത്​ ആരും വീ​ട്ടിലല്ലാത്തതു കൊണ്ട്​ ബുദ്ധിമുട്ടരുത്​. എല്ലാവരെയും വീടുകളിൽ സുരക്ഷിതമായി എത്തിക്കുന്നതിനുള്ള പ്രയത്​നങ്ങളാണ്​ നടത്തുന്നത്​.

sonu-sood

ബാന്ദ്ര ടെർമിനസിൽ കഴിഞ്ഞ ദിവസം ​അന്തർ സംസ്​ഥാന തൊഴിലാളികളെ കാണാ​െനത്തിയ എന്നെ െറയിൽവേ പ്രൊട്ടക്​ഷൻ ഫോഴ്​സ്​ തടഞ്ഞു നിർത്തിയിരുന്നു. ഇതാദ്യമാണ്​ അവരെന്നെ തടയുന്നത്​. അവ​െര കുറ്റം പറയാനാവില്ല. 2000-2500 തൊഴിലാളികൾ എന്നെ കാണാൻ ആവേശപൂർവം കാത്തിരിക്കുന്ന സാഹചര്യത്തിൽ കാര്യങ്ങൾ നിയന്ത്രിക്കാൻ കഴിയാതെ പോകു​മെന്ന്​ അവർ കരുതിയിരിക്കാം. വ്യക്​തിപരമായി തൊഴിലാളികളെ കാണാൻ പാടില്ലെന്ന്​ അവരറിയിച്ചു. നടപടിക്രമങ്ങൾ എനിക്ക്​ മനസിലാവുകയും ഞാനത്​ അനുസരിക്കുകയും ചെയ്​തു.

അന്തർ സംസ്​ഥാന തൊഴിലാളികളുടെ വികാരം എനിക്ക്​ നന്നായി മനസ്സിലാകും. പഞ്ചാബിലെ മോഗയിൽ നിന്ന്​ തൊഴ​ിലാളിയായി മുംബൈയിലെത്തിയയാളാണ്​ ഞാനും. അവിടുന്ന്​ ഒരു ദിവസം ട്രെയിൻ കയറി ഞാൻ ഇവിടെയെത്തുകയായിരുന്നു. അതിനുശേഷമാണ്​ 'ദബാങ്ങും' 'ജോധ അക്​ബറും' ​േപാലുള്ള സിനിമകളിൽ ഞാൻ അഭിനയിച്ചത്​. ഓരോരുത്തരും മഹാനഗരങ്ങളിലെത്തുന്നത്​ മെച്ചപ്പെട്ട ജീവിതം സാധ്യമാകുന്ന രീതിയിലുള്ള വലിയ സ്വപ്​നങ്ങളും മനസിൽ പേറിയാണ്​.
sonu-sood
അന്തർ സംസ്​ഥാന തൊഴിലാളികളുടെ നിലവിലെ സാഹചര്യങ്ങളെ സഹാനുഭൂതിയോടെയാണ്​ ഞാൻ നോക്കിക്കണ്ടത്​. നൂറുകണക്കിന്​ കിലോമീറ്ററുകൾ അകലെയുള്ള വീടുകളിലേക്ക്​ അവർ കാൽനടയായി സഞ്ചരിക്ക​ുന്നത്​ ഹൃദയഭേദകമായ കാഴ്​ചയായിരുന്നു. നടന്നും സൈക്കിളോടിച്ചും ട്രക്കുകളിൽ തൂങ്ങിയാടിയുമൊക്കെയായിരുന്നു വിദൂരദേശങ്ങളിലെ വീടുകളിലേക്കുള്ള അവരുടെ യാത്ര. ചിലർ ആ യാത്രക്കിടയിൽ വിശപ്പു കൊണ്ടും തളർന്ന്​ കുഴഞ്ഞു വീണുമൊക്കെ മരിച്ചു. അവരുടെ യാതനകൾ ഒരു നടനാകാനുള്ള എ​​െൻറ ശ്രമങ്ങളെ ഓർമിപ്പിച്ചു. ലക്ഷ്യത്തിലേക്കുള്ള എ​​െൻറ തുടക്കകാലം കഠിനമായിരുന്നു. ആ തൊഴിലാളികളെ കാണു​േമ്പാൾ സ്വപ്​നങ്ങളിലേക്കുള്ള എ​​െൻറ യാത്രയാണ്​ ഓർമകളിലെത്തുന്നത്​.

മെയ്​ ഒമ്പതിന്​ സുഹൃത്ത്​ നിതി ഗോയലിനൊപ്പം അന്തർ സംസ്​ഥാന തൊ​ഴിലാളികൾക്ക്​ ഭക്ഷണം വിതരണം ചെയ്​തു കൊണ്ടിരിക്കു​േമ്പാഴാണ്​ അവർ മുംബൈയിൽ നിന്ന്​ കാൽനടയായി നാട്ടി​േലക്ക്​ മടങ്ങുന്നതായ വാർത്തയറിഞ്ഞത്​. കർണാടകയിലെ വീട്ടിലേക്ക്​ മടങ്ങുന്ന വിവരം ഒരുകൂട്ടം തൊഴ​ിലാളികൾ തന്നെയാണ്​ എന്നോട്​ പറഞ്ഞത്​. നമ്മുടെ വീടും ഓഫിസുകളും റോഡുകളുമൊ​െക്ക ഉണ്ടായത് അവർ കാരണമാണ്​. എന്നിട്ട്​ അവരെ നമ്മൾ ഈവിധം അവഗണിക്കുന്നത്​ എന്തു കൊണ്ടാണെന്ന ചിന്ത എന്നിൽ ശക്​തമായിരുന്നു.
sonu-sood
ജീവിതം തന്നെ മുൾമുനയിൽ നിർത്തി അവർ വീട്ടിലേക്ക്​ മടങ്ങുന്ന കാഴ്​ചകൾ എനിക്ക്​ ഉറക്കമില്ലാത്ത രാത്രികളാണ്​ സമ്മാനിച്ചത്​. മുന്നോട്ടുവന്ന്​ എ​െന്തങ്കിലും ചെയ്യണമെന്ന തോന്നൽ ശക്​തമായത്​ അതോടെയാണ്​. രണ്ടു ദിവസത്തിനകം വിവിധ സംസ്​ഥാന അധികൃതരിൽ നിന്ന്​ അനുമതി ലഭ്യമാക്കി 300 പേർക്ക്​ ആദ്യബാച്ച്​ ബസുകൾ സംഘടിപ്പിച്ചു. അവരുടെ വൈദ്യപരിശോധനകൾ നടത്തി. അതിനു​േശഷം തൊഴിലാളികളെ വീടുകളിലേക്ക്​ യാത്രയയച്ചപ്പോൾ ഏറെ സന്തോഷം തോന്നി. പിന്നീട്​ അതു തുടർന്നു കൊണ്ടേയിരുന്നു. രാജ്യത്തി​​െൻറ വിവിധ ഭാഗങ്ങളിൽ നിന്ന്​ തൊഴിലാളികളുടെ അഭ്യർഥനകൾ പ്രവഹിക്കുകയായിരുന്നു.

സോഷ്യൽ മീഡിയയിലൂടെയും ഹെൽപ്​ലൈൻ നമ്പറുകളിലൂടെയും വരുന്ന അപേക്ഷകളുമായി ബന്ധപ്പെട്ട നടപടികളിൽ സുഹൃത്തുക്കളും കുടുംബവും സഹായവുമായി കൂടെയുണ്ടായിരുന്നു. വിവിധ സംസ്​ഥാനങ്ങളിൽ നിന്ന്​ ആളുകൾ ഞാനുമായി ബന്ധപ്പെടാൻ തുടങ്ങി. ആളുകൾ എന്നിൽ വിശ്വാസമർപ്പിച്ച്​ സഹായത്തിനായി സന്ദേശങ്ങൾ അയച്ചു കൊണ്ടിരുന്നു. മിക്കവരും കണ്ണീരോടെയാണ്​ അവരുടെ അവസ്​ഥ വിശദീകരിച്ചത്​. അത്ര​യേറെ മോശം സാഹചര്യങ്ങളിലായിരുന്നു അവർ. എ​​െൻറ ശ്രദ്ധ മുഴുവൻ പിന്നീട്​ അതിലായി. താഴേത്തട്ട്​ മുതൽ ഉന്നതതലം വ​െരയുള്ള ഒരുപാട്​ പേരുമായി സംസാരിച്ചു. പൊലീസും മെഡിക്കൽ ഡിപാർട്​മ​െൻറുമടക്കം എല്ലാവരും അനുമതികൾ ലഭ്യമാക്കി. എന്നെ ബന്ധപ്പെട്ടാൽ വീട്ടിലെത്താൻ കഴിയുമെന്ന അവരു​െട വിശ്വാസം സംരക്ഷിക്കേണ്ടതുണ്ടായിരുന്നു. അതു കൊണ്ടാണ്​ ഈ പ്രവർത്തനത്തിൽ ഞാൻ സജീവമായതതും യാത്ര സാധ്യമാക്കുമെന്ന്​ ഉറപ്പുകൊടുത്തതും.
sonu-sood
അനുമതികൾ നേടിയെടുക്കുക എന്നതായിരുന്നു മുന്നിലുള്ള ഏറ്റവും വലിയ വെല്ലുവിളി. എല്ലാരെയും ബോധ്യപ്പെടുത്തുകയെന്നത്​ എളുപ്പമുള്ള കാര്യമല്ല. ചിലർ എളുപ്പം പ്രതികരിക്കു​േമ്പാൾ ചിലർ സാവകാശമെടുക്കും. തമിഴ്​നാട്​, ആന്ധ്രപ്രദേശ്​, തെലങ്കാന എന്നിവിടങ്ങളിൽ ഉള്ളവരെയെല്ലാം സഹായിക്കേണ്ടതുണ്ടായിരുന്നു. എന്നാൽ, മഹാരാഷ്​ട്രയിൽ നിന്നുള്ളവരെ തങ്ങൾ സ്വീകരിക്കില്ലെന്ന നിലപാടിലായിരുന്നു തെലങ്കാന.

മനുഷ്യോപകാരപരമായ ഈ പ്രവർത്തനംവരെ സാമൂഹിക മാധ്യമങ്ങളിൽ തമാശക്കും ട്രോളുകൾക്കും ആളുകൾ ഉപയോഗിക്കുന്നുണ്ട്​. വീടണയാനുള്ള അപേക്ഷകൾക്കൊപ്പം രസകരമായ മറ്റ്​ അപേക്ഷകളും എനിക്ക്​ ലഭിച്ചിരുന്നു. കാമുകിയെ കാണാനുള്ള സൗകര്യം ഒരുക്കണമെന്നായിരുന്നു ഒരു അപേക്ഷയു​ടെ ഉള്ളടക്കം. മറ്റൊരാൾക്ക്​ വേണ്ടത്​ മദ്യം എത്തിച്ചുനൽകുകയായിരുന്നു. അതെല്ലാം ഞാൻ ചിരിയോടെ ആസ്വദിച്ചു.
sonu-sood
ഈ സാമൂഹിക പ്രവർത്തനങ്ങൾക്ക്​ പ്രചോദനം പകർന്നത്​ മാതാപിതാക്കൾ​ സരോജ്​ സൂദും ശക്​തിയുമാണ്​. എ​​െൻറ താരപരിവേഷം, കാര്യങ്ങൾ പെ​െട്ടന്ന്​ നടന്നുകിട്ടാൻ ഉപയോഗിക്കുന്നുവെന്നു മാത്രം. തങ്ങളെക്കൊണ്ട്​ ആവുന്നവിധം മറ്റുള്ളവരെ സഹായിക്കാൻ എല്ലാവരും മുന്നോട്ടുവരണം. ഓരോ അടുക്കളയും തങ്ങൾക്ക്​ പുറത്തുള്ള ഒരാൾക്ക്​ കൂടി ഭക്ഷണമൊരുക്ക​ട്ടെ. രാജ്യത്ത്​ വിശന്നു കൊണ്ട്​ ഒരാളും ഉറങ്ങരുത്​. വീടില്ലാതെ ആരും തെരുവിൽ അലയുകയുമരുത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:bollywood actormigrant labourersactor sonu soodMalayakam Article
Next Story