‘ബിബി’യില്ലാത്ത ഇസ്രായേൽ?

മാസങ്ങൾക്കിടെ അനിശ്​ചിതത്വം ആവർത്തിച്ച്​ തെരഞ്ഞെടുപ്പ്​ ഫലം വീണ്ടുമെത്തിയതോടെ​ സ്വപ്​നങ്ങളുടെ സ്വർഗത്ത ിലാണ്​ ‘കിങ്​ ബിബി’യെന്ന്​ അടുപ്പക്കാർ വിളിക്കുന്ന ബിൻയമിൻ നെതന്യാഹു. നാലു മാസം മുമ്പ്​ കിട്ടിയ സീറ്റുകൾ പോ ലും ലഭിക്കാതെ, അഞ്ചിലൊന്ന്​ വോട്ടു കുറഞ്ഞ്,​ അടുപ്പക്കാർക്കും വേണ്ടാത്തവനായി രണ്ടാം തെരഞ്ഞെടുപ്പ്​ ഫലത്തേ ാടെ നെതന്യാഹു മാറിയിരിക്കുന്നു. തുടർച്ചയായ അഞ്ചാം തവണയെന്ന റെക്കോഡുമായി ഒരിക്കലൂടെ അധികാരത്തിലെത്തണമെങ്കി ൽ ആർക്കെതിരെ വോട്ടുപിടിച്ചോ അവർക്കു മുന്നിൽ കൈകൂപ്പി പിന്തുണ യാചിക്കണം. അവരാക​ട്ടെ, നെതന്യാഹുവി​​​െൻറ പാർട ്ടിയാകാം, നെതന്യാഹു വേണ്ടെന്ന്​ പരസ്യമാക്കിയവരും. ഇസ്രായേൽ രാഷ്​ട്രീയത്തിൽ തീവ്ര വലതുപക്ഷത്തിന്​ ഇത്ര വലിയ അ ടി സമീപകാലത്ത്​ ആദ്യമാണ്​. പശ്​ചിമേഷ്യയിലെ പാശ്​ചാത്യ ദത്തുശക്​തിയായ ഇസ്രായേലിൽ നെതന്യാഹുവി​​​െൻറ കാലം കഴി ഞ്ഞോ?

വോട്ടുപിടിത്തത്തിലെ ശുദ്ധ വംശീയത
37 വർഷമായി ഇസ്രായേൽ രാഷ്​ട്രീയത്തിലെ ബിഗ്​ബ്രദർ സാന്നിധ ്യമാണ്​ നെതന്യാഹു. 1996ൽ ആദ്യമായി പ്രധാനമന്ത്രി പദത്തിലെത്തുകയും ഇടവേളക്കു ശേഷം 2009ൽ തിരിച്ചെത്തി തുടർച്ചയായി നാ ലു തവണ അധികാരം നിലനിർത്തുകയും ചെയ്​ത ചാണക്യൻ. പേരിൽ ലിബറൽ ഉണ്ടെങ്കിലും ഒട്ടും ലിബറൽ അല്ലാത്ത ലിക്കുഡ്​ ലിബറൽ പ ാർട്ടിയുടെ അധ്യക്ഷൻ. കടുത്ത അറബ്​ വിരുദ്ധത വിളമ്പുന്ന തീവ്ര വലതുപക്ഷ ജൂത സംഘടനകളെ രാഷ്​ട്രീയ സഖ്യത്തിൽ ചേർത് ത്​ വിഭാഗീയതയുടെ സുൽത്താനായി അധികാരം നിലനിർത്തിപ്പോരുന്നയാൾ.

ഇത്തവണയും വലിയ മാറ്റങ്ങളൊന്നുമുണ്ടായിരുന്നില്ല, ‘ബിബി’ ​പ്രചാരണ ചേരുവകളിൽ. തെരഞ്ഞെടുപ്പ്​ ചട്ടങ്ങൾക്ക്​ പുല്ലുവില കൽപിച്ച്​ ‘ഒന്നുകിൽ നമുക്കൊപ്പം, അല്ലെങ്കിൽ ശത്രുവി​െനാപ്പം’ എന്ന പഴയ ബുഷ്​ മുദ്രാവാക്യം പൊടിത​ട്ടിയെടുത്തു. വെസ്​റ്റ്​ ബാങ്കി​​​െൻറ ഭാഗമായ ജോർഡൻ താഴ്​വര ഇസ്രായേലി​​​െൻറ ഭാഗമാക്കുമെന്ന്​ വേദികളിലുടനീളം പ്രസംഗിച്ചു നടന്നു, ജൂത വിരുദ്ധമെന്ന്​ ആരോപിച്ച്​​ രാജ്യത്തെ ഏറ്റവും പ്രചാരമുള്ള ടെലിവിഷൻ ചാനലിനെതിരെ ബഹിഷ്​കരണത്തിന്​ ആഹ്വാനം ചെയ്​തു, അറബികൾ കൂട്ടമായി ബൂത്തിലേക്ക്​ പ്രവഹിക്കുകയാണെന്നും അവർ ‘ന​മ്മെ’ നിഷ്​കാസനം ചെയ്യാനാണ്​ ഇറങ്ങി​യതെന്നും വോ​ട്ടെടുപ്പി​​​െൻറ അഞ്ചുനാൾ മുമ്പ്​ ഔദ്യോഗിക ഫേസ്​ബുക്ക്​ പേജ്​വഴി വിദ്വേഷം വിളമ്പി... വോട്ടിനു വേണ്ടി ഇത്ര​േയറെ സമൂഹത്തെ വിഭജിക്കാനും സാമൂഹികാന്തരീക്ഷം നശിപ്പിക്കാനും ‘മിസ്​റ്റർ സെക്യൂരിറ്റി’ എന്നു കൂടി വിളിപ്പേരുള്ള ബിബിക്കല്ലാതെ ആർക്കു സാധിക്കും?

അഞ്ചിലൊന്നു മാത്രം ജനസംഖ്യയുള്ള അറബികൾക്ക്​ കടുത്ത വംശീയത നിലനിൽക്കുന്ന ഇസ്രായേൽ രാഷ്ട്രീയത്തെ എത്രകണ്ട്​ നിർണയിക്കാനാകുമെന്ന്​ അറിഞ്ഞു തന്നെയായിരുന്നു അറബികൾക്കെതിരെ ആർപ്പുവിളികൾ. പക്ഷേ, വെറുപ്പ്​ മാത്രം വെച്ചുനീട്ടുന്ന ഭാഷ മടുത്തവർ ലിക്കുഡിനെ കൈവിട്ടു. 31 സീറ്റുമായി രണ്ടാം സ്​ഥാനത്തായ പാർട്ടി നയിക്കുന്ന സഖ്യത്തിന്​ 54 സീറ്റ്​ ലഭിച്ചെങ്കിലും കേവല ഭൂരിപക്ഷമായ 61 സീറ്റ്​ തരപ്പെടുത്താൻ തടസ്സങ്ങളേറെ. മറുവശത്ത്​, മുഴുവൻ ഇസ്രായേലികളെയും ഉൾക്കൊള്ളണമെന്ന മധ്യവാദവുമായി എത്തിയ ബ്ലൂ ആൻറ്​ വൈറ്റ്​ സഖ്യം വലിയ മുന്നേറ്റമുണ്ടാക്കി. മുൻ സൈനിക മേധാവി കൂടിയായ ബെന്നി ഗാൻറ്​സ്​ നയിക്കുന്ന ബ്ലൂ ആൻറ്​ വൈറ്റ്​ മാത്രം 33 സീറ്റ്​ നേടി. കഴിഞ്ഞ ഏപ്രിലിലെ നേട്ടങ്ങൾ തുടർന്ന സഖ്യം 44 സീറ്റുകൾ സ്വന്തമാക്കി. അയ്​മൻ ഔദ നയിക്കുന്ന അറബികളുടെ സഖ്യമായ അറബ്​ ജോയിൻറ്​ ലിസ്​റ്റ്​ 13 സീറ്റുകളുമായി വലിയ മൂന്നാ​മത്തെ കൂട്ടുകെട്ടായി.

‘ബിബി’ യുഗം: അവസാനത്തി​​​െൻറ നാന്ദി?
നിരവധി അഴിമതിക്കേസുകൾ വേട്ടയാടുന്ന നെതന്യാഹുവിന്​ അധികാരം പിടിക്കാൻ ഇനിയുമുണ്ട്​ സാധ്യതകൾ. കേവല ഭൂരിപക്ഷം അൽപ സാധ്യത മാത്രമായ ഇസ്രായേലിൽ അധികാരത്തിലേക്ക്​ വാതിലുകൾ തുറന്നു കിടക്കുന്നുണ്ട്​. ഭരണം പിടിക്കാൻ എന്തു വിട്ടുവീഴ്​ചക്കും തയാറാണെന്ന്​ ‘ബിബി’ പ്രഖ്യാപിച്ചത്​ ഇതുകണ്ടു തന്നെയാണുതാനും. ബ്ലൂ ആൻറ്​ വൈറ്റിനെ കൂട്ടുപിടിച്ച്​ ഭരണം രൂപവത്​കരിക്കാൻ ഒരുക്കമാണെന്ന നിർദേശമാണ്​ അതിലൊന്ന്​. അതുപക്ഷേ, സംഭവിക്കാൻ സാധ്യത കുറവാണ്​. പ്രധാനമന്ത്രിയായി ത​ന്നെ ക്ഷണിക്കുമെന്നാണ്​ കരുതുന്നതെന്ന്​ ബ്ലൂ ആൻറ്​ വൈറ്റ്​ നേതാവ്​ ഗാൻറ്​സ്​ പ്രതീക്ഷ പറഞ്ഞത്​ രണ്ടു വലിയ കക്ഷികൾ തമ്മിലെ അഭിപ്രായ വിത്യാസത്തിലേക്ക്​ സൂചന നൽകുന്നു. എന്നു മാത്രമല്ല, ഏറ്റവും വലിയ ഒറ്റക്കക്ഷിക്കു തന്നെയാകും പ്രസിഡൻറി​​​െൻറ ആദ്യ ക്ഷണമെത്തുക.

ലിക്കുഡ്​ സഖ്യത്തിനൊപ്പം മുൻ പ്രതിരോധ മന്ത്രി അവിഗ്​ദോർ ലീബർമാ​​​െൻറ കക്ഷി ചേരാനുള്ള സാധ്യത നിലനിൽക്കുന്നു. പക്ഷേ, തീവ്ര ജൂത കക്ഷികളെ കൂട്ടരുതെന്ന അദ്ദേഹത്തി​​​െൻറ നിർദേശം ‘ബിബി’ സഹിക്ക​ുമോ എന്നറിയില്ല. അറബ്​ സംഘടനകൾ ബ്ലൂ ആൻറ്​ വൈറ്റിന്​ പിന്തുണ നൽകാൻ ഒരുക്കമാണ്​. 57 സീറ്റേ അപ്പോഴും ബ്ലൂ ആൻറ്​ വൈറ്റിനുണ്ടാകൂ- നാല്​ സീറ്റ്​ കുറവ്​. അറബികൾ ആദ്യമായി മന്ത്രിസഭയിലെത്തുന്നത്​ ശരാശരി ഇസ്രായേലി ഭയക്കുന്നതിനാൽ ഇതിന്​ സാധ്യത കുറവാണ്​.

ബെന്നി ഗാന്‍റ്സ്

അടുത്ത ബുധനാഴ്​ച ഔദ്യോഗിക ഫല പ്രഖ്യാപനം വരുംമുമ്പ്​ പ്രശ്​നം പരിഹരിച്ച്​ പുതിയ സർക്കാർ രൂപവത്​കരണത്തിനാണ്​ കൊണ്ടു പിടിച്ച ശ്രമങ്ങൾ. അഴിമതിക്കേസുകൾ മാത്രമല്ല, വിശ്വാസ ലംഘന പരാതികളും ഒന്നിനു പിറകെ ഒന്നായി നെതന്യാഹുവിനെ കാത്തു കിടക്കുന്നുണ്ടെന്നത്​ വലിയ വെല്ലുവിളിയാകും​. അടുത്ത മാസം അന്തിമ വാദം നടക്കുന്ന ഒരു കേസിൽ നെതന്യാഹു നേരിട്ട്​ ഹാജരാകണം. ഇതിൽ പ്രതി ചേർക്കണോ എന്നത്​ അ​റ്റോണി ജനറൽ തീരുമാനിക്കും.

അറബ്​ ശക്​തിയുടെ തിരിച്ചുവരവ്​
സമീപകാല ഇസ്രായേൽ രാഷ്​ട്രീയത്തിലെ വൻ കുതിപ്പാണ്​ അയ്​മൻ ഔദയുടെ ജോയിൻറ്​ ലിസ്​റ്റ്​ ഇത്തവണ നേടിയിരിക്കുന്നത്​. 21 ശതമാനം ജനസംഖ്യയുള്ള അറബികളിൽ 80 ശതമാനവും ഇത്തവണ സഖ്യത്തിനു കീഴിലുള്ള കക്ഷികൾക്ക്​ വോട്ടു നൽകിയെന്നാണ്​ കണക്കുകൂട്ടുന്നത്​. ആദ്യ രണ്ടു കക്ഷികൾ ചേർന്ന്​ ഭരണത്തിലേറിയാൽ ഔദ പ്രതി​പക്ഷ നേതാവാകും. മന്ത്രിസഭയിൽ എത്തില്ലെങ്കിലും ഇ​സ്രായേൽ രാഷ്​ട്രത്തി​​​െൻറ ചരിത്രത്തിലാദ്യമായി ചാര സംഘടന മൊസാദി​​​െൻറ മാസാന്ത ബ്രീഫിങ്​ ഔദക്കു കൂടി ലഭിക്കും. ലോക നേതാക്കളെ കാണാനും അവസരമുണ്ടാകും. ഇത്​ ഫലസ്​തീനികൾക്കെതിരായ കൊടിയ അനീതികൾ ലോകത്തിനു മുന്നിലെത്തിക്കാൻ അവസരമൊരുക്കും. ഈ സാധ്യത മുന്നിൽ കണ്ട്​ അവശേഷിച്ച സംഘടനകൾ ചേർന്ന്​ പ്രതിപക്ഷമാകാനും ഔദയുടെ വഴി മുടക്കാനും സാധ്യത തള്ളിക്കളയാനാകില്ല.