അ​വ​രെ ​പൊ​രി​വെ​യി​ലി​ൽ നി​ർ​ത്തി​യി​ട്ട് എ​ന്തു വ​നി​ത​ദി​നം?

ആ​ശാ വ​ര്‍ക്ക​ര്‍മാ​രു​ടെ സ​മ​രം ഒ​ത്തു​തീ​ര്‍ക്കു​ക എ​ന്ന​താ​ണ് കേ​ര​ള​ത്തി​ല്‍ ഇ​ത്ത​വ​ണ വ​നി​ത​ദി​ന​ത്തി​ല്‍ ചെ​യ്യേ​ണ്ട പ്ര​ഥ​മ​കാ​ര്യം. അ​വ​ര്‍ ആ​വ​ശ്യ​പ്പെ​ടു​ന്ന​ത് ന്യാ​യ​മാ​യ കാ​ര്യ​ങ്ങ​ളാ​ണ്. വാ​ശി​യും വൈ​രാ​ഗ്യ​വും ഉ​പേ​ക്ഷി​ച്ച് സ​ര്‍ക്കാ​ർ ച​ര്‍ച്ച​ക്ക് ത​യാ​റാ​ക​ണം, മു​ഖ്യ​മ​ന്ത്രി​ത​ന്നെ നേ​രി​ട്ട് ആ​ശാ വ​ര്‍ക്ക​ര്‍മാ​രു​ടെ പ്ര​തി​നി​ധി​ക​ളെ ക​ണ്ടു സം​സാ​രി​ക്ക​ണം. ക​ഴി​യു​ന്ന​ത്ര ആ​നു​കൂ​ല്യ​ങ്ങ​ളും വേ​ത​ന വ​ര്‍ധ​ന​യും ന​ല്‍കു​ക​യാ​ണ് വേ​ണ്ട​ത്. കേ​ര​ള​ത്തി​ലെ ഓ​രോ വ്യ​ക്തി​യെ​യും കു​ടും​ബ​ത്തെ​യും ന​ല്ല പ്ര​വ​ര്‍ത്ത​ന​ത്തി​ലൂ​ടെ ചേ​ര്‍ത്തു​പി​ടി​ച്ച ഒ​രു തൊ​ഴി​ല്‍ മേ​ഖ​ല​യെ, അ​വി​ടെ അ​ഹോ​രാ​ത്രം പ​ണി​യെ​ടു​ക്കു​ന്ന അ​മ്മ​മാ​രെ​യും സ​ഹോ​ദ​രി​മാ​രെ​യും വെ​യി​ല​ത്തും മ​ഴ​യ​ത്തും നി​ര്‍ത്തി​യി​ട്ട് എ​ന്തു വ​നി​ത​ദി​നം?

സ​മ​സ്ത തൊ​ഴി​ല്‍ മേ​ഖ​ല​ക​ളി​ലും സ്ത്രീ ​പ്രാ​തി​നി​ധ്യം കു​റ​ഞ്ഞു​വ​രു​ന്നു​വെ​ന്ന​ത് സ​മൂ​ഹ​വും സ​ര്‍ക്കാ​റും രാ​ഷ്ട്രീ​യ പാ​ര്‍ട്ടി​ക​ളും സാ​മൂ​ഹി​ക സം​ഘ​ട​ന​ക​ളും അ​തി​ഗൗ​ര​വ​മാ​യി കാ​ണേ​ണ്ട വി​ഷ​യ​മാ​ണ്. ജ​ന​സം​ഖ്യ​യി​ല്‍ പു​രു​ഷ​ന്മാ​രെ​ക്കാ​ള്‍ വ​നി​ത​ക​ളു​ള്ള സം​സ്ഥാ​നം, സ്‌​കൂ​ള്‍ പ​ഠ​ന​ത്തി​ലും സാ​ക്ഷ​ര​ത​യി​ലും രാ​ജ്യ​ത്ത് മു​ന്നി​ല്‍. ഉ​ന്ന​ത പ​ഠ​ന​ത്തി​ല്‍ ഏ​റെ മു​ന്നേ​റ്റ​മു​ണ്ടാ​ക്കി. ഇ​താ​ണ് മ​ല​യാ​ളി സ്ത്രീ​യു​ടെ പ്ര​ധാ​ന​നേ​ട്ടം. ആ​രോ​ഗ്യ സ​ര്‍വ​ക​ലാ​ശാ​ല ന​ട​ത്തു​ന്ന എം.​ബി.​ബി.​എ​സ് മു​ത​ല്‍ പാ​രാ​മെ​ഡി​ക്ക​ല്‍ കോ​ഴ്‌​സു​ക​ള്‍ വ​രെ​യു​ള്ള വൈ​ദ്യ​ശാ​സ്ത്ര പ​ഠ​ന കോ​ഴ്‌​സു​ക​ളു​ടെ നി​ല​കൂ​ടി സാ​മ്പ​ത്തി​ക അ​വ​ലോ​ക​ന റി​പ്പോ​ര്‍ട്ടി​ല്‍ കാ​ണാ​നി​ട​യാ​യി. ആ​കെ വി​ദ്യാ​ര്‍ഥി​ക​ളി​ല്‍ മൂ​ന്നി​ല്‍ ര​ണ്ടും പെ​ണ്‍കു​ട്ടി​ക​ള്‍! എ​ന്തൊ​രു അ​ഭി​മാ​ന​ക​ര​മാ​യ നേ​ട്ട​മാ​ണി​ത്. ബി​രു​ദാ​ന​ന്ത​ര ബി​രു​ദ കോ​ഴ്‌​സു​ക​ളി​ലും ഗ​വേ​ഷ​ണ രം​ഗ​ത്തും സ്ത്രീ​ക​ളു​ടെ എ​ണ്ണം വ​ര്‍ധി​ച്ചു​വ​രു​ക​യാ​ണ്.

ഇ​ങ്ങ​നെ​യൊ​ക്കെ​യാ​യി​ട്ടും തൊ​ഴി​ല്‍രം​ഗ​ത്ത് സ്ത്രീ ​പ്രാ​തി​നി​ധ്യം കു​റ​യു​ന്നെ​ങ്കി​ല്‍ അ​ത് സൂ​ക്ഷ്മ​മാ​യി വി​ശ​ക​ല​നം ചെ​യ്യ​പ്പെ​ട​ണം. അ​ത് സാ​മൂ​ഹി​ക​വും സാ​മ്പ​ത്തി​ക​വു​മാ​യി വ​ലി​യ പ്ര​ത്യാ​ഘാ​ത​ങ്ങ​ള്‍ സൃ​ഷ്ടി​ക്കു​ന്ന ഒ​ന്നാ​ണ്. തൊ​ഴി​ലെ​ടു​ക്കു​ന്നി​ല്ലെ​ങ്കി​ല്‍ വ​രു​മാ​ന​മി​ല്ല, വീ​ടി​ന് പു​റ​ത്തെ ലോ​ക​വു​മാ​യി ബ​ന്ധ​മി​ല്ല, സ്വാ​ത​ന്ത്ര്യം കു​റ​യും, സ​മൂ​ഹ​ത്തി​ന്റെ സൃ​ഷ്ടി​യി​ല്‍ പ​ങ്കാ​ളി​ക​ളാ​കാ​തെ ഒ​റ്റ​പ്പെ​ട്ടു​പോ​കും. അ​ത് വ്യ​ക്തി​പ​ര​മാ​യ തി​രി​ച്ച​ടി​യും സ​മൂ​ഹ​ത്തി​ന്റെ പി​റ​കോ​ട്ടു​ള്ള പോ​ക്കു​മാ​യി മാ​റും. പ​ര​മ്പ​രാ​ഗ​ത മേ​ഖ​ല​ക​ളാ​യ അ​ധ്യാ​പ​നം, ന​ഴ്‌​സി​ങ് തു​ട​ങ്ങി​യ​വ​ക്ക് പു​റ​ത്ത് എ​ന്തെ​ല്ലാം പ​ഠി​ക്കാ​നും പ്ര​വ​ര്‍ത്തി​ക്കാ​നും സ്ത്രീ​ക്ക് ക​ഴി​യു​ന്നു? എ​ന്താ​ണ് തൊ​ഴി​ല്‍ ചെ​യ്യു​ന്ന​തി​ല്‍നി​ന്ന് വ​നി​ത​ളെ പി​ന്നോ​ട്ട​ടി​ക്കു​ന്ന​ത്?

അ​തോ​ടൊ​പ്പം വേ​ത​ന​ത്തി​ലെ വി​വേ​ച​നം​കൂ​ടി നോ​ക്കു​ക. കെ​ട്ടി​ട​ത്തൊ​ഴി​ൽ രം​ഗ​ത്ത് പു​രു​ഷ​ന് ആ​യി​രം രൂ​പ​യാ​ണ് ല​ഭി​ക്കു​ന്ന​തെ​ങ്കി​ൽ അ​തേ ജോ​ലി​യെ​ടു​ക്കു​ന്ന വ​നി​ത​ക്ക് കി​ട്ടു​ന്ന​ത് 700 രൂ​പ. വ​ലി​യൊ​രു ഐ.​ടി സ്ഥാ​പ​ന​ത്തി​ലെ ടീം ​ലീ​ഡ​ര്‍മാ​രാ​യ സ്ത്രീ​ക്കും പു​രു​ഷ​നും ര​ണ്ട് ശ​മ്പ​ളം. ഇ​ത് കേ​ര​ള​ത്തി​ലും ന​മ്മു​ടെ രാ​ജ്യ​ത്തും മാ​ത്ര​മ​ല്ല, ലോ​ക​ത്തെ​മ്പാ​ടു​മു​ള്ള അ​വ​സ്ഥ​യാ​ണ്. ഇ​ത് മാ​റ​ണ്ടേ? വേ​ണ​മെ​ന്ന് പ​റ​ഞ്ഞൊ​ഴി​യും മു​മ്പ്, ന​മ്മ​ള്‍ പൊ​തു​പ്ര​വ​ര്‍ത്ത​ക​ര്‍, രാ​ഷ്ട്രീ​യ പ്ര​വ​ര്‍ത്ത​ക​ര്‍, ട്രേ​ഡ് യൂ​നി​യ​നു​ക​ള്‍ ഇ​തി​നാ​യി കൃ​ത്യ​മാ​യി ഇ​ട​പെ​ടു​ക​യും പോ​രാ​ടു​ക​യും വേ​ണം.

ഇ​നി തൊ​ഴി​ലി​ട​ത്തി​ലെ സ​മ​ത്വം, അ​വ​സ​ര​ങ്ങ​ള്‍- ഡോ​ക്ട​റേ​റ്റു​ള്ള ഉ​ന്ന​ത യോ​ഗ്യ​ത​യു​ള്ള​വ​രോ സെ​യി​ല്‍സ് രം​ഗ​ത്തെ തൊ​ഴി​ലാ​ളി​യോ അ​ധ്യാ​പി​ക​യോ ന​ഴ്‌​സോ ആ​രു​മാ​ക​ട്ടെ, അ​വ​രെ തു​ല്യ​രാ​യി കാ​ണാ​ന്‍ പു​രു​ഷ​ന്മാ​രാ​യ സ​ഹ​പ്ര​വ​ര്‍ത്ത​ക​ര്‍ക്ക് പ്ര​ത്യേ​കി​ച്ച് തൊ​ഴി​ലു​ട​മ​ക​ള്‍ക്കും മാ​നേ​ജ്‌​മെ​ന്റു​ക​ള്‍ക്കും പു​രു​ഷ സ​ഹ​പ്ര​വ​ര്‍ത്ത​ക​ര്‍ക്കും അ​ത്ര എ​ളു​പ്പ​മ​ല്ല. കി​ട്ടി​യ അ​വ​സ​ര​ത്തി​ല്‍ പ​ദ​വി​യും വേ​ത​ന​വും കു​റ​ക്കും, അ​വ​സ​ര​ങ്ങ​ള്‍ നി​ഷേ​ധി​ക്കും, ന​യ​തീ​രു​മാ​ന​ങ്ങ​ള്‍ എ​ടു​ക്കു​ന്ന എ​ല്ലാ വേ​ദി​ക​ളി​ല്‍നി​ന്നും ഒ​ഴി​വാ​ക്കും. പ​ണി​യെ​ടു​ക്കി​ല്ല, ടീം ​പ്ലേ​യ​റാ​വി​ല്ല, ലോ​ക വീ​ക്ഷ​ണം പോ​രാ എ​ന്നൊ​ക്കെ പ​റ​ഞ്ഞാ​വും ഈ ​തി​ര​സ്ക​ര​ണം. യ​ഥാ​ര്‍ഥ​ത്തി​ലോ അ​വ​ര്‍ ന​മ്മെ​ക്കാ​ള്‍ എ​ത്ര മി​ക​ച്ച വ്യ​ക്തി​യും പ്ര​ഫ​ഷ​ന​ലു​മാ​ണെ​ന്ന തി​രി​ച്ച​റി​വ് സൃ​ഷ്ടി​ക്കു​ന്ന ഭ​യ​വും അ​പ​ക​ര്‍ഷ​ബോ​ധ​വു​മാ​ണ് ഇ​തി​ന് പി​ന്നി​ല്‍. ക​ര്‍ക്ക​ശ​മാ​യ തൊ​ഴി​ല്‍നി​യ​മ​ങ്ങ​ളും ഇ​ട​പെ​ട​ലു​ക​ളും ആ​വ​ശ്യ​മാ​ണ്. സം​ഘ​ടി​ത ശ​ക്തി​യാ​യി സ്ത്രീ ​തൊ​ഴി​ലാ​ളി​ക​ള്‍ മാ​റു​ക​യും വേ​ണം.

വീ​ട​ക​ങ്ങ​ളി​ലാ​ണ്, പ​ല​പ്പോ​ഴും ഏ​റ്റ​വും അ​ടു​ത്ത മ​നു​ഷ്യ​രി​ല്‍നി​ന്നാ​ണ് സ്ത്രീ ​ഏ​റ്റ​വും വ​ലി​യ സു​ര​ക്ഷ​ഭീ​ഷ​ണി നേ​രി​ടു​ന്ന​ത്. ഡൊ​മ​സ്റ്റി​ക് വ​യ​ല​ന്‍സ്, അ​ടു​ത്ത ബ​ന്ധ​ങ്ങ​ളി​ലെ ടോ​ക്‌​സി​സി​റ്റി, ബ​ന്ധ​ങ്ങ​ളു​ടെ ത​ക​ര്‍ച്ച, ല​ഹ​രി വ്യാ​പ​നം തു​ട​ങ്ങി സാ​മ്പ​ത്തി​ക പ്ര​ശ്‌​ന​ങ്ങ​ള്‍ വ​രെ ഇ​തി​ന് വ​ഴി​വെ​ക്കും. പൊ​തു​വി​ട​ങ്ങ​ളി​ലെ അ​ര​ക്ഷി​താ​വ​സ്ഥ​യും വ​യ​ല​ന്‍സും വേ​റൊ​രു ത​ല​ത്തി​ലെ​ത്തി​ക്ക​ഴി​ഞ്ഞു. തൊ​ഴി​ലി​ട​ങ്ങ​ളും പ​ല​പ്പോ​ഴും ഉ​പ​ദ്ര​വ​കാ​രി​ക​ളു​ടെ വി​ഹാ​ര കേ​ന്ദ്ര​ങ്ങ​ളാ​കു​ന്നു. സൈ​ബ​റി​ട​ത്തെ ചൂ​ഷ​ണ​വും ഷെ​യി​മി​ങ്ങും ക​ട​ന്നു​ക​യ​റ്റ​വും പ​റ​യാ​വു​ന്ന​തി​ലും അ​പ്പു​റ​മാ​ണ്. കൃ​ത്യ​മാ​യ റി​പ്പോ​ര്‍ട്ടി​ങ്, പൊ​ലീ​സി​ന്റെ​യും നി​യ​മ സം​വി​ധാ​ന​ത്തി​ന്റെ​യും ഇ​ട​പെ​ട​ല്‍ എ​ന്നി​വ ഉ​റ​പ്പാ​ക്കു​ക​യും അ​തോ​ടൊ​പ്പം പ​രാ​തി​ക്കാ​രി​യാ​യ വ​നി​ത​ക്ക് പ​രാ​തി ന​ല്‍ക​ല്‍ മു​ത​ല്‍ നി​യ​മ പോ​രാ​ട്ടം വ​രെ​യു​ള്ള​വ മു​ന്നോ​ട്ട് കൊ​ണ്ടു​പോ​കാ​നു​ള്ള സ​ഹാ​യം ഉ​റ​പ്പാ​ക്കു​ക​യും വേ​ണം.

സാ​മൂ​ഹി​ക -ഭ​ര​ണ -സാ​മ്പ​ത്തി​ക -രാ​ഷ്ട്രീ​യ -പാ​രി​സ്ഥി​തി​ക -സാം​സ്‌​കാ​രി​ക മേ​ഖ​ല​ക​ളി​ലെ സ്ത്രീ ​ഇ​ട​പെ​ട​ലു​ക​ള്‍, ശ​ക്ത​മാ​യ നി​ല​പാ​ടു​ക​ള്‍, ഊ​ര്‍ജ​സ്വ​ല​മാ​യ മു​ന്നേ​റ്റ​ങ്ങ​ള്‍ ഈ ​നാ​ടി​ന് ആ​വ​ശ്യ​മാ​ണ്. കൂ​ടു​ത​ല്‍ ഇ​ന്‍ക്ലൂ​സി​വാ​യ (സ​ര്‍വാ​ശ്ലേ​ഷി​യാ​യ) നീ​തി​പൂ​ര്‍വ​ക​മാ​യ, കൃ​ത്യ​ത​യു​ള്ള സാ​മൂ​ഹി​ക ജീ​വി​ത​ത്തി​ന് അ​ത് വ​ഴി​തെ​ളി​ക്കും. ക​സ്തൂ​ര്‍ബ​യും വി​ജ​യ​ല​ക്ഷ്മി പ​ണ്ഡി​റ്റും തു​ട​ങ്ങി ഇ​ന്ദി​രാ ഗാ​ന്ധി​യി​ലൂ​ടെ​യു​ള്ള രാ​ഷ്ട്രീ​യ ഇ​ടം, മേ​ധാ പ​ട്ക​റും സു​ഗ​ത​കു​മാ​രി​യും പോ​ലു​ള്ള​വ​രു​ടെ പാ​രി​സ്ഥി​തി​ക ബോ​ധം, ആ​ശാ​പൂ​ര്‍ണ​ദേ​വി​യും മ​ഹാ​ശ്വേ​താ ദേ​വി​യും മു​ത​ല്‍ അ​രു​ന്ധ​തി റോ​യി​യും ജും​പാ​ലാ​ഹ്‌​രി​യും സാ​റാ ജോ​സ​ഫും എ​ഴു​തി​യി​ട്ട അ​ക്ഷ​ര​ങ്ങ​ളു​ടെ ശ​ക്തി - ഇ​ങ്ങ​നെ തു​ട​ങ്ങി സി​നി​മ​യി​ല്‍, രം​ഗ​ക​ല​ക​ളി​ല്‍, സാ​മൂ​ഹി​ക പ്ര​വ​ര്‍ത്ത​ന​ത്തി​ല്‍, വി​ദ്യാ​ഭ്യാ​സ​ത്തി​ല്‍, സം​ഗീ​ത​ത്തി​ല്‍ എ​ല്ലാം അ​തി​മ​ഹ​ത്താ​യ സ്ത്രീ ​സാ​ന്നി​ധ്യ​വും സ്വ​ത്വ​വു​മു​ണ്ട്. വാ​ക്കു​ക​ള്‍ക്ക് അ​തീ​ത​മാ​ണ് ഇ​ന്ത്യ​ന്‍ സ്ത്രീ​യു​ടെ സ​മ​സ്ത മേ​ഖ​ല​ക​ളി​ലെ​യും നി​ർ​മി​തി​ക​ള്‍. സ്ത്രീ​ക​ൾ ക​ക്ഷി രാ​ഷ്ട്രീ​യ​ത്തി​ലേ​ക്കും ക​ട​ന്നു​വ​ര​ണം, കൂ​ടു​ത​ല്‍ കൂ​ടു​ത​ല്‍. ന​യ രൂ​പ​വ​ത്ക​ര​ണം മു​ത​ല്‍ ഭ​ര​ണ നി​ര്‍വ​ഹ​ണം വ​രെ മി​ക​വു​റ്റ​താ​ക്കാ​ന്‍ അ​ത് വ​ഴി​യൊ​രു​ക്കും.

‘‘ഒ​രു പെ​ണ്‍കു​ട്ടി/​സ്ത്രീ ആ​രാ​ക​ണം? എ​ന്താ​ക​ണം, ആ​രാ​ക​ണ​മെ​ന്ന് അ​വ​ള്‍ ആ​ഗ്ര​ഹി​ക്കു​ന്നു​വോ അ​ത്’’ - ആ ​തി​ര​ഞ്ഞെ​ടു​പ്പി​ന്റെ ആ​ഹ്ലാ​ദ​ത്തി​നും സ്വാ​ത​ന്ത്ര്യ​ത്തി​നു​മൊ​പ്പം നി​ല്‍ക്കാം. അ​താ​ക​ട്ടെ ഈ ​വ​നി​ത​ദി​നം കു​റി​ച്ചി​ടു​ന്ന സ​ന്ദേ​ശം.