കർണാടക; വരാനിരിക്കുന്നത്​ വെറുമൊരു തെരഞ്ഞെടുപ്പല്ല

മേ​യ്​ മാ​സം പ​ത്തി​നാ​ണ്​ ക​ർ​ണാ​ട​ക നി​യ​മ​സ​ഭ തെ​ര​ഞ്ഞെ​ടു​പ്പി​നു​ള്ള നാ​ൾ കു​റി​ച്ചി​രി​ക്കു​ന്ന​ത്. ആ ​സം​സ്​​ഥാ​നം വ​രു​ന്ന അ​ഞ്ചു​വ​ർ​ഷ​ത്തേ​ക്ക്​ ആ​രു ഭ​രി​ക്കു​മെ​ന്ന കാ​ര്യം മാ​ത്ര​മ​ല്ല, ന​മ്മു​ടെ റി​പ്പ​ബ്ലി​ക്കി​​ന്റെ വീ​ണ്ടെ​ടു​പ്പി​നാ​യു​ള്ള പോ​രാ​ട്ട​ത്തി​​ന്റെ ഗ​തി നി​ർ​ണ​യി​ക്കു​ക കൂ​ടി​ച്ചെ​യ്യും ആ ​തെ​ര​ഞ്ഞെ​ടു​പ്പ്. തൊ​ട്ടു​മു​മ്പ് ന​ട​ക്കു​ന്ന നി​യ​മ​സ​ഭ തെ​ര​ഞ്ഞെ​ടു​പ്പു​ക​ളെ പൊ​തു​തെ​ര​ഞ്ഞെ​ടു​പ്പി​​ന്റെ സെ​മി​​ഫൈ​ന​ൽ എ​ന്നു വി​ശേ​ഷി​പ്പി​ക്കു​ന്ന പ​ഴ​ഞ്ച​ൻ പ​റ​ച്ചി​ല​ല്ല​യി​ത്. ഒ​രു തെ​ന്നി​ന്ത്യ​ൻ സം​സ്​​ഥാ​ന​ത്തി​ൽ ന​ട​ക്കു​ന്ന നി​യ​മ​സ​ഭ തെ​ര​ഞ്ഞെ​ടു​പ്പ​ല്ല ലോ​ക്​​സ​ഭ തെ​ര​ഞ്ഞെ​ടു​പ്പിലെ വിധിയെഴുത്ത് എ​പ്ര​കാ​ര​മാ​വും എ​ന്ന്​ തീ​രു​മാ​നി​ക്കു​ക. വ​ട​ക്ക്, പ​ടി​ഞ്ഞാ​റ​ൻ ഇ​ന്ത്യ​യു​ടെ ചി​ന്താ​രീ​തി അ​ള​ക്കാ​നു​ത​കു​ന്ന ബാ​രോ​മീ​റ്റ​റും അ​ല്ല​യി​ത്. മ​ധ്യ​പ്ര​ദേ​ശ്, രാ​ജ​സ്​​ഥാ​ൻ, ച​ത്തി​സ്​​ഗ​ഢ്​ സം​സ്​​ഥാ​ന​ങ്ങ​ളി​ൽ ഡി​സം​ബ​റി​ൽ ന​ട​ക്കാ​നി​രി​ക്കു​ന്ന നി​യ​മ​സ​ഭ തെ​ര​ഞ്ഞെ​ടു​പ്പി​​ന്റെ ഫ​ല​ങ്ങ​ൾ​ ഇ​തി​ലേ​റെ ലോ​ക്​​സ​ഭാ തെ​ര​ഞ്ഞെ​ടു​പ്പി​​ന്റെ സൂ​ച​ക​മാ​യേ​ക്കും. എ​ന്നി​രി​ക്കി​ലും വ​രും വ​ർ​ഷ​ത്തെ രാ​ഷ്​​ട്രീ​യ പാ​ത​യി​ൽ ക​ർ​ണാ​ട​ക​യി​ലെ നി​ർ​ണാ​യ​ക പോ​രാ​ട്ട​ത്തി​ന്​ അ​തി​പ്രാ​ധാ​ന്യ​മു​ണ്ട്.

ഓ​പ​റേ​ഷ​ൻ താമരക്കുമപ്പുറം

ബി.​ജെ.​പി​യെ സം​ബ​ന്ധി​ച്ചി​ട​​ത്തോ​ളം അ​ധി​കാ​ര​ത്തി​ലും സാ​ധു​ത​യി​ലും അ​വ​രു​ടെ അ​ധീ​ശ​ത്വം ഉ​റ​പ്പി​ക്കാ​നു​ള്ള പോ​രാ​ട്ട​മാ​ണ​ത്. അ​വ​രു​ടെ ലോ​ക്​​സ​ഭ​യി​ലെ എ​ണ്ണ​ക്ക​ണ​ക്കി​ലും ക​ർ​ണാ​ട​ക​ക്ക്​ വ​ലി​യ പ്രാ​ധാ​ന്യ​മു​ണ്ട്. രാജ്യത്തെ മ​റ്റ്​ സ്വാ​ധീ​ന മേ​ഖ​ല​ക​ളി​ലെ​ല്ലാം പാ​ർ​ട്ടി പ​ര​മാ​വ​ധി വ​ള​ർ​ച്ച കൈ​വ​രി​ച്ചി​രി​ക്കു​ന്നു എ​ന്ന​തി​നാ​ൽ 2019ൽ ​വി​ജ​യി​ച്ച സീ​റ്റി​​ന്റെ പ​കു​തി​യെ​ങ്കി​ലും ന​ഷ്​​ട​പ്പെ​ട്ടാ​ൽ അ​ത്​ നി​ക​ത്താ​ൻ മ​റ്റൊ​രി​ട​മി​ല്ല. അ​തു​കൊ​ണ്ടു​ത​ന്നെ ക​ർ​ണാ​ട​ക​യി​ൽ അ​വ​ർ​ക്ക്​ നേ​ട്ട​മു​റ​പ്പി​ച്ചേ തീ​രൂ.

അ​ഴി​മ​തി​ക്കാ​ർ എ​ന്ന ചീ​ത്ത​പ്പേ​രും ഭ​ര​ണ​വി​രു​ദ്ധ​വി​കാ​ര​വും​ നി​ല​നി​ൽ​ക്കു​ന്ന സാ​ഹ​ച​ര്യ​ത്തി​ൽ ഭ​ര​ണം നി​ല​നി​ർ​ത്ത​ൽ ബി.​ജെ.​പി​ക്ക്​ ദു​ഷ്​​ക​രം ത​ന്നെ​യാ​ണ്. സ​ർ​ക്കാ​ർ ധ​ന​സ​ഹാ​യ​മു​ള്ള ഏ​ത്​ പ​ശ്ചാ​ത്ത​ല വി​ക​സ​ന പ​ദ്ധ​തി​ക്കും 40​ ശ​ത​മാ​നം ക​മീ​ഷ​ൻ ന​ൽ​കേ​ണ്ടി വ​രു​ന്നു​വെ​ന്ന്​ ചൂ​ണ്ടി​ക്കാ​ട്ടി ‘40 പെ​ർ​സ​ൻ​റ്​’ സ​ർ​ക്കാ​ർ എ​ന്ന പേ​രി​ൽ ക​രാ​റു​കാ​രു​ടെ കൂ​ട്ടാ​യ്​​മ ന​ട​ത്തി​യ പ്ര​ചാ​ര​ണം ഏ​റെ ജ​ന​ശ്ര​ദ്ധ നേ​ടി​യി​രു​ന്നു. സ​ർ​ക്കാ​റി​നെ പൊ​തു​ജ​നം എ​വ്വി​ധം പ​രി​താ​പ​ക​ര​മാ​യാ​ണ്​ നോ​ക്കി​ക്കാ​ണു​ന്ന​തെ​ന്ന്​ വ്യ​ക്​​ത​മാ​ക്കു​ന്ന​താ​യി​രു​ന്നു ആ ​പ്ര​ചാ​ര​ണം. എ​ന്നാ​ൽ, പ്ര​തി​ച്ഛാ​യ പ്ര​ശ്​​ന​ങ്ങ​ളെ​യെ​ല്ലാം വി​ദ​ഗ്​​ധ​മാ​യ സോ​ഷ്യ​ൽ എ​ൻ​ജി​നീ​യ​റി​ങ്ങി​ലൂ​ടെ​യും ധ്രു​വീ​ക​ര​ണ​ത്തി​ലൂ​ടെ​യും സാ​മ്പ​ത്തി​ക പി​ൻ​ബ​ലം വ​ഴി​യും മ​റി​ക​ട​ക്കാ​നാ​കു​മെ​ന്ന്​ പാ​ർ​ട്ടി​ക്ക്​ വി​ശ്വാ​സ​മു​ണ്ട്. തെ​ര​ഞ്ഞെ​ടു​പ്പ്​ പ്ര​ഖ്യാ​പി​ക്ക​പ്പെ​ടു​ന്ന​തി​ന്​ മു​മ്പാ​യി ഏ​ഴു​ത​വ​ണ​യാ​ണ്​ പ്ര​ധാ​ന പ്ര​ചാ​ര​ക​നാ​യ പ്ര​ധാ​ന​മ​ന്ത്രി സം​സ്​​ഥാ​നം സ​ന്ദ​ർ​ശി​ച്ച​ത്. സം​സ്​​ഥാ​നം പ​ല​കു​റി ഭ​രി​ച്ചു​വെ​ന്നി​രി​ക്കി​ലും ഒ​രു ത​വ​ണ​പോ​ലും മി​ക​ച്ച രീ​തി​യി​ലെ ഭൂ​രി​പ​ക്ഷം അ​വ​ർ​ക്ക്​ ഇ​വി​ടെ ഉ​ണ്ടാ​യി​ട്ടി​ല്ല. ഇ​ക്ക​ഴി​ഞ്ഞ ത​വ​ണ പോ​ലും ഓ​പ​റേ​ഷ​ൻ താ​മ​ര വ​ഴി​യാ​ണ്​ ഇ​വി​ടെ ഭ​ര​ണ​ത്തി​ലേ​ക്ക്​ വ​ഴി ക​ണ്ടെ​ത്തി​യ​ത്. വ​ട​ക്കെ ഇ​ന്ത്യ​ൻ ഇ​റ​ക്കു​മ​തി​പ്പാ​ർ​ട്ടി എ​ന്ന പേ​ര്​ മാ​റ്റി​യെ​ടു​ക്കു​ന്ന​തി​ന്​ തെ​ന്നി​ന്ത്യ​യി​ലേ​ക്കു​ള്ള ക​വാ​ട​മാ​യാ​ണ്​ പാ​ർ​ട്ടി ക​ർ​ണാ​ട​ക​യെ കാ​ണു​ന്ന​ത്.

ഇപ്പോൾ ഇല്ലെങ്കിൽ ഇനിയില്ല

കോ​ൺ​ഗ്ര​സി​നെ സം​ബ​ന്ധി​ച്ചി​ട​ത്തോ​ളം പാ​ർ​ട്ടി​ക്ക്​ ഇ​പ്പോ​ഴും വേ​രോ​ട്ട​മു​ള്ള, നേ​താ​ക്ക​ൾ​ക്ക്​ ഉ​റ​ച്ച അ​നു​യാ​യി​വൃ​ന്ദ​ങ്ങ​ളു​ള്ള രാ​ജ്യ​ത്തെ ചു​രു​ക്കം ചി​ല സം​സ്​​ഥാ​ന​ങ്ങ​ളി​ലൊ​ന്നാ​ണ്​ ക​ർ​ണാ​ട​ക. പാ​ർ​ട്ടി​യു​ടെ പു​തി​യ അ​ഖി​ലേ​ന്ത്യ പ്ര​സി​ഡ​ൻ​റി​​ന്റെ നാ​ട്​ എ​ന്ന നി​ല​യി​ൽ ഈ ​തെ​ര​ഞ്ഞെ​ടു​പ്പി​ൽ വി​ജ​യം അ​വ​ർ​ക്ക്​ അ​ഭി​മാ​ന​പ്ര​ശ്​​നം കൂ​ടി​യാ​ണ്. ദു​ർ​ബ​ല​രാ​യ സം​സ്​​ഥാ​ന നേ​താ​ക്ക​ളു​ള്ള ബി.​ജെ.​പി​യെ ഇ​വി​ടെ തോ​ൽ​പി​ക്കാ​നാ​കു​ന്നി​ല്ലെ​ങ്കി​ൽ രാ​ജ്യ​ത്ത്​ എ​വി​ടെ​യെ​ങ്കി​ലും രാ​ഷ്​​ട്രീ​യ അ​ടി​ത്ത​റ വീ​ണ്ടെ​ടു​ക്കാ​ൻ കോ​ൺ​ഗ്ര​സി​നാ​കു​മോ എ​ന്ന കാ​ര്യം സം​ശ​യ​ക​ര​മാ​ണ്. അടിയന്തരാവസ്ഥക്ക് ശേഷം പോലും കൂടെ നിന്ന സംസ്ഥാനത്ത് ഒ​രു ലോ​ക്​​സ​ഭാ സീ​റ്റ്​ എ​ന്ന അ​വ​സ്​​ഥ​യി​ൽ കാ​ര്യ​മാ​യ മാ​റ്റം വ​രു​ത്താ​ൻ അ​വ​ർ​ക്കാ​യി​ല്ലെ​ങ്കി​ൽ രാ​ജ്യ​ത്ത്​ വീ​ണ്ടും ഉ​യി​ർ​പ്പ്​ ന​ട​ത്തു​മെ​ന്ന കോ​ൺ​ഗ്ര​സി​​ന്റെ അ​വ​കാ​ശ​വാ​ദ​ത്തി​നും പ്ര​സ​ക്​​തി​യി​ല്ലാ​തെ​യാ​വും. ഭാ​ര​ത്​ ജോ​ഡോ യാ​ത്ര​യു​ടെ പ​ങ്കാ​ളി​ത്ത​വും വി​ജ​യ​വു​മെ​ല്ലാം ച​ർ​ച്ച ചെ​യ്യ​പ്പെ​ടു​​മ്പോ​ൾ ആ ​പി​ന്തു​ണ വോ​ട്ടാ​യി മാ​റു​മോ എ​ന്ന സു​പ്ര​ധാ​ന ചോ​ദ്യം ഉ​യ​ർ​ന്നു​വ​ന്നി​രു​ന്നു. യാ​ത്ര ഉ​യ​ർ​ത്തി​വി​ട്ട വി​കാ​രം നി​ല​നി​ർ​ത്താ​നും യാ​ത്ര​ക്ക്​ നേ​തൃ​ത്വം ന​ൽ​കി​യ അ​തേ മി​ക​വോ​ടെ തെ​ര​ഞ്ഞെ​ടു​പ്പ്​ പ്ര​ചാ​ര​ണ​ങ്ങ​ൾ ന​യി​ക്കാ​നും രാ​ഹു​ൽ ഗാ​ന്ധി​ക്ക്​ ക​ഴി​യു​മോ എ​ന്ന സം​ശ​യ​വും. വ​ട​ക്കു​കി​ഴ​ക്ക​ൻ സം​സ്ഥാ​ന​ങ്ങ​ളി​ലെ തെ​ര​ഞ്ഞെ​ടു​പ്പു​ക​ളെ അ​തി​​ന്റെ ഉ​ര​ക​ല്ലാ​യി കാ​ണാ​ൻ ക​ഴി​യു​മാ​യി​രു​ന്നി​ല്ല. എ​ന്നാ​ൽ, ‘മോ​ദാ​നി’​ക്കെ​തി​രെ രാ​ഹു​ൽ ഗാ​ന്ധി പ​ര​സ്യ​മാ​യ ആ​ക്ര​മ​ണം തു​ട​ങ്ങു​ക​യും സൂ​റ​ത്ത്​ കോ​ട​തി വി​ധി​യെ​ത്തു​ട​ർ​ന്ന്​ അ​യോ​ഗ്യ​നാ​ക്ക​പ്പെ​ടു​ക​യും ചെ​യ്​​ത ശേ​ഷം ന​ട​ക്കു​ന്ന ക​ർ​ണാ​ട​ക തെ​ര​ഞ്ഞെ​ടു​പ്പ്​ കൃ​ത്യ​ത​യാ​ർ​ന്ന ഒ​രു പോ​ർ​ക്ക​ളം ത​ന്നെ​യാ​ണ്.

കോ​ൺ​ഗ്ര​സ്​ നേ​രി​ടു​ന്ന​ത്​ ബ​ഹു​മു​ഖ വെ​ല്ലു​വി​ളി​ക​ളാ​ണ്. ബി.​ജെ.​പി​യെ കഷ്ടിച്ചൊന്ന്​ തോ​ൽ​പി​ച്ച​തു കൊ​ണ്ടു​മാ​ത്രം കാ​ര്യ​മി​ല്ല. ജ​ന​താ​ദ​ൾ (സെ​ക്കു​ല​ർ) പാ​ർ​ട്ടി​യു​ടെ പ​ഴ​യ ച​രി​ത്രം വെ​ച്ചു​നോ​ക്കു​​മ്പോ​ൾ, ഒ​രു തൂ​ക്കു​ നി​യ​മ​സ​ഭ​യാ​ണ്​ വ​രു​ന്ന​തെ​ങ്കി​ൽ അ​ടു​ത്ത ബി.​ജെ.​പി സ​ർ​ക്കാ​ർ അ​ഥ​വാ ബി.​ജെ.​പി നി​യ​ന്ത്രി​ക്കു​ന്ന ജെ.​ഡി.​എ​സ്​ മു​ഖ്യ​മ​​ന്ത്രി​യു​ള്ള സ​ർ​ക്കാ​ർ രൂ​പ​പ്പെ​ടും എ​ന്നാ​ണ​ർ​ഥം. ജ​ന​താ​ദ​ൾ- ബി.​ജെ.​പി സ​ഹ​ക​ര​ണ മു​ന്ന​ണി സ​ർ​ക്കാ​റോ അ​ത​ല്ലെ​ങ്കി​ൽ മ​റ്റൊ​രു ഓ​പ​റേ​ഷ​ൻ താ​മ​ര​യോ ഉ​ണ്ടാ​കു​ന്ന സാ​ഹ​ച​ര്യം ഒ​ഴി​വാ​ക്ക​ണ​മെ​ങ്കി​ൽ കോ​ൺ​ഗ്ര​സ്​ കൃ​ത്യ​വും വ്യ​ക്​​ത​വു​മാ​യ ഭൂ​രി​പ​ക്ഷം ത​ന്നെ, അ​താ​യ​ത്​ 224 അം​ഗ നി​യ​മ​സ​ഭ​യി​ൽ കു​റ​ഞ്ഞ​ത്​ 125 സീ​റ്റു​ക​ളെ​ങ്കി​ലും നേ​ടി​യേ തീ​രു.

200 യൂ​നി​റ്റ്​ സൗ​ജ​ന്യ വൈ​ദ്യു​തി ന​ൽ​കു​ന്ന ഗൃ​ഹ​​ജ്യോ​തി, കു​ടും​ബ​നാ​ഥ​ക​ൾ​ക്ക്​ പ്ര​തി​മാ​സം 2000 രൂ​പ വീ​തം ന​ൽ​കു​ന്ന ഗൃ​ഹ​ല​ക്ഷ്​​മി, ബി.​പി.​എ​ൽ കാ​ർ​ഡു​ട​മ​ക​ൾ​ക്ക്​ പ്ര​തി​മാ​സം 10 കി​ലോ അ​രി ന​ൽ​കു​ന്ന അ​ന്ന​ഭാ​ഗ്യ, ബി​രു​ദ​ധാ​രി​ക​ളാ​യ തൊ​ഴി​ൽ ര​ഹി​ത​ർ​ക്ക്​ പ്ര​തി​മാ​സം 3000 രൂ​പ വീ​തം ന​ൽ​കു​ന്ന യു​വ​നി​ധി എ​ന്നി​ങ്ങ​നെ ശ്ര​ദ്ധാ​പൂ​ർ​വം തി​ര​ഞ്ഞെ​ടു​ത്ത നാ​ല്​ തെ​ര​ഞ്ഞെ​ടു​പ്പ്​ വാ​ഗ്​​ദാ​ന​ങ്ങ​ൾ പ്ര​ഖ്യാ​പി​ച്ച്​ പ്ര​ചാ​ര​ണ​ത്തു​ട​ക്കം കോ​ൺ​ഗ്ര​സ്​ ന​ല്ല​രീ​തി​യി​ലാ​ക്കി​യി​ട്ടു​ണ്ട്. കാ​ർ​ഷി​കോ​ൽ​പ​ന്ന​ങ്ങ​ൾ​ക്ക്​ മി​നി​മം താ​ങ്ങു​വി​ല ഉ​റ​പ്പാ​ക്ക​ൽ ഉ​ൾ​പ്പെ​ടെ ക​ർ​ഷ​ക​ർ​ക്കു​വേ​ണ്ടി​യും ഒ​രു പ​ദ്ധ​തി ഇ​തി​നൊ​പ്പം ചേ​ർ​ക്കാ​മാ​യി​രു​ന്നു. സം​സ്​​ഥാ​ന​ത്തെ ര​ണ്ട് പ്ര​ബ​ല സ​മു​ദാ​യ​ങ്ങ​ളാ​യ ലിം​ഗാ​യ​ത്തു​ക​ൾ​ക്കും വൊ​ക്ക​ലി​ഗ​ക​ൾ​ക്കും ര​ണ്ടു​ശ​ത​മാ​നം അ​ധി​ക സം​വ​ര​ണം ഏ​ർ​പ്പെ​ടു​ത്തി​യ ബി.​ജെ.​പി​യു​ടെ അ​വ​സാ​ന നി​മി​ഷ​ത്തെ ന​ട​പ​ടി​​യോ​ട്​ ഫ​ല​പ്ര​ദ​മാ​യി പ്ര​തി​ക​രി​ക്കാ​നു​ള്ള വ​ഴി​ക​ളും അ​വ​ർ ക​ണ്ടെ​ത്ത​ണം. ക​ർ​ണാ​ട​ക​യു​ടെ സാ​മൂ​ഹി​ക പി​ര​മി​ഡി​​ന്റെ അ​ടി​ഭാ​ഗ​ത്ത്​ മൂ​ന്നി​ൽ ര​ണ്ട്​ വ​രു​ന്ന മ​റ്റു​പി​ന്നാ​ക്ക വി​ഭാ​ഗ​ങ്ങ​ൾ, പ​ട്ടി​ക​ജാ​തി-​വ​ർ​ഗ​ങ്ങ​ൾ, ന്യൂ​ന​പ​ക്ഷ​ങ്ങ​ൾ എ​ന്നി​വ​യെ ഫ​ല​പ്ര​ദ​മാ​യി ഒ​രു​മി​ച്ചു​ചേ​ർ​ക്കാ​ൻ അ​വ​ർ​ക്ക്​ ക​ഴി​യ​ണം. ജെ.​ഡി.​എ​സ്, മ​ജ്​ ലി​സ്, എ​സ്.​ഡി.​പി.​ഐ എ​ന്നീ പാ​ർ​ട്ടി​ക​ളി​ലേ​ക്കും വോ​ട്ട്​ വീ​തി​​ക്ക​പ്പെ​​ട്ടേ​ക്കാ​വു​ന്ന, തെ​ര​ഞ്ഞെ​ടു​ത്ത​യ​ച്ച കോ​ൺ​ഗ്ര​സ്​ എം.​എ​ൽ.​എ​മാ​ർ ബി.​​ജെ.​പി​യി​ലേ​ക്ക്​ ചേ​ക്കേ​റു​ന്ന​തി​ൽ അ​തൃ​പ്​​തി സൂ​ക്ഷി​ക്കു​ന്ന മു​സ്‍ലിം സ​മു​ദാ​യ​ത്തി​​ന്റെ പി​ന്തു​ണ​യെ വി​ല​കു​റ​ച്ച്​ കാ​ണു​ക​യു​മ​രു​ത്. പാ​ർ​ട്ടി​യു​ടെ ആ​ഭ്യ​ന്ത​ര സം​ഘ​ർ​ഷ​ങ്ങ​ളും കോ​ൺ​ഗ്ര​സ്​ പ​രി​ഹ​രി​ച്ചേ തീ​രു. ഭാ​ര​ത്​ ജോ​ഡോ യാ​ത്ര​യു​ടെ നേ​ട്ട​ങ്ങ​ളെ സം​ര​ക്ഷി​ച്ചു​നി​ർ​ത്തു​ന്ന​തി​ന്​ രാ​ഹു​ൽ ഗാ​ന്ധി ഫ​ല​പ്ര​ദ​മാ​യി ഇ​ട​പെ​ടു​ക​ത​ന്നെ വേ​ണം.

പൗ​ര​സ​മൂ​ഹ​ത്തെ സം​ബ​ന്ധി​ച്ചി​ട​ത്തോ​ള​വും ഈ ​തെ​ര​ഞ്ഞെ​ടു​പ്പ്​ ഒ​രു പ​രീ​ക്ഷ​ണ​മാ​യി​രി​ക്കും. വ​രാ​നി​രി​ക്കു​ന്ന തെ​ര​ഞ്ഞെ​ടു​പ്പു​ക​ളി​ൽ ബി.​ജെ.​പി​യു​ടെ പ​രാ​ജ​യം ഉ​റ​പ്പാ​ക്കാ​ൻ ക​ർ​ഷ​ക​ർ, ദ​ലി​ത​ർ, ന്യൂ​ന​പ​ക്ഷ​ങ്ങ​ൾ, ജ​നാ​ധി​പ​ത്യ മ​തേ​ത​ര സം​ഘ​ട​ന​ക​ൾ, ബു​ദ്ധി​ജീ​വി​ക​ൾ എ​ന്നി​വ​ര​ട​ങ്ങു​ന്ന വ​ലി​യൊ​രു വി​ഭാ​ഗം പൗ​ര​സ​മൂ​ഹ കൂ​ട്ടാ​യ്​​മ​ക​ൾ എ​ദ്ദേ​ലു ക​ർ​ണാ​ട​ക (ക​ർ​ണാ​ട​ക​മേ ഉ​ണ​രൂ) എ​ന്ന ബാ​ന​റി​നു​കീ​ഴി​ൽ ആ​ദ്യ​മാ​യി ഒ​ത്തു​ചേ​രു​ക​യാ​ണ്​ (ഞാ​ൻ ഉ​ൾ​പ്പെ​ടു​ന്ന ഭാ​ര​ത് ജോ​ഡോ അ​ഭി​യാ​നും സ്വ​രാ​ജ് ഇ​ന്ത്യ​യും ഇ​തി​​ൽ ഭാ​ഗ​മാ​കു​ന്നു​ണ്ട്​). ഇ​താ​ദ്യ​മാ​യി, ഈ ​സം​ഘ​ട​ന​ക​ൾ കേ​വ​ലം പ്ര​സ്താ​വ​ന​ക​ൾ ഇ​റ​ക്കു​ന്ന​തി​നും കു​റ​ച്ച് പൊ​തു​യോ​ഗ​ങ്ങ​ൾ സം​ഘ​ടി​പ്പി​ക്കു​ന്ന​തി​നും അ​പ്പു​റ​ത്തേ​ക്ക് പോ​കാ​ൻ തീ​രു​മാ​നി​ച്ചി​രി​ക്കു​ക​യാ​ണ്. നി​യോ​ജ​ക മ​ണ്ഡ​ല​ങ്ങ​ളി​ൽ ജാ​ഗ്ര​താ​സം​ഘ​ങ്ങ​ളെ നി​യോ​ഗി​ക്കു​ന്ന​തി​നും യ​ഥാ​ർ​ഥ പ്ര​ശ്‌​ന​ങ്ങ​ളെ​ക്കു​റി​ച്ച് ജ​ന​ങ്ങ​ളോ​ട് സം​സാ​രി​ക്കു​ന്ന​തി​നും ആ​ർ.​എ​സ്.​എ​സ്-​ബി.​ജെ.​പി കൂ​ട്ടു​കെ​ട്ടി​ന്റെ നു​ണ​ക​ൾ പൊ​ളി​ച്ചു​കാ​ട്ടു​ന്ന​തി​നു​മു​ള്ള പ​ദ്ധ​തി​യാ​ണ് അ​വ​ർ ത​യാ​റാ​ക്കി​യി​രി​ക്കു​ന്ന​ത്. ബി.​ജെ.​പി​യെ എ​തി​ർ​ക്കാ​ൻ മാ​ത്ര​മ​ല്ല, പ​രാ​ജ​യം ഉ​റ​പ്പാ​ക്കാ​ൻ ഏ​റ്റ​വും മി​ക​ച്ച സ്ഥാ​നാ​ർ​ഥി​യെ പി​ന്തു​ണ​ക്കാ​നും അ​വ​ർ തീ​രു​മാ​നി​ച്ചി​രി​ക്കു​ന്നു.

മേ​യ്​ മാ​സം 13ന്​ ​ന​മ്മ​ൾ കാ​ണാ​നി​രി​ക്കു​ന്ന​ത്​ വെ​റു​മൊ​രു തെ​ര​ഞ്ഞെ​ടു​പ്പ്​ ഫ​ലം മാ​ത്ര​മാ​വി​ല്ല. വെ​റു​പ്പി​​ന്റെ​യും നു​ണ​ക​ളു​ടെ​യും ജ​ന​കീ​യ​വ​ത്​​ക​ര​ണം ന​ട​ത്തു​ന്ന നി​ല​വി​ലെ ഭ​ര​ണ​ക്ര​മ​ത്തി​നു​കീ​ഴി​ൽ ഒ​രു തെ​ര​ഞ്ഞെ​ടു​പ്പും കേ​വ​ലം ഒ​രു തെ​ര​ഞ്ഞെ​ടു​പ്പ​ല്ല. മ​താ​ന്ധ​ത​യു​ടെ രാ​ഷ്ട്രീ​യ​ത്തെ ക​ർ​ണാ​ട​കം ശ​ക്​​ത​മാ​യി നി​രാ​ക​രി​ക്കു​ക​യാ​ണെ​ങ്കി​ൽ, അ​ത് 2024ലേ​ക്കു​ള്ള ന​ല്ല രാ​ഷ്ട്രീ​യ​ത്തി​ന് വ​ഴി​തു​റ​ക്കും. ക​ർ​ണാ​ട​ക​യി​ൽ ബി.​​​ജെ.​പി തോ​ൽ​പി​ക്ക​പ്പെ​ട്ടാ​ൽ തെ​ന്നി​ന്ത്യ​യി​ൽ​നി​ന്നു​ള്ള അ​വ​രു​ടെ ഒ​ഴി​ഞ്ഞു​പോ​ക്കി​നും അ​ത്​ തു​ട​ക്ക​മി​ടും. എ​ല്ലാ​റ്റി​നു​മു​പ​രി​യാ​യി, ബി.​ജെ.​പി​യു​ടെ പ​രാ​ജ​യം ജ​നാ​ധി​പ​ത്യ ഇ​ട​ങ്ങ​ൾ വീ​ണ്ടെ​ടു​ക്കാ​നു​ള്ള തെ​രു​വി​ലെ രാ​ഷ്ട്രീ​യ പോ​രാ​ട്ട​ങ്ങ​ൾ​ക്ക്​ ക​രു​ത്തു​പ​ക​രു​ക ത​ന്നെ ചെ​യ്യും.