Begin typing your search above and press return to search.
exit_to_app
exit_to_app
Homechevron_rightOpinionchevron_rightOpen Forumchevron_rightഅഗ്നിപഥ്; ധനശാസ്ത്രവും...

അഗ്നിപഥ്; ധനശാസ്ത്രവും രാഷ്ട്രീയവും

text_fields
bookmark_border
അഗ്നിപഥ്; ധനശാസ്ത്രവും രാഷ്ട്രീയവും
cancel

രാ​ജ്യ​മൊ​ട്ടു​ക്ക് യു​വാ​ക്ക​ൾ​ക്കി​ട​യി​ൽ ക​ടു​ത്ത നി​രാ​ശ​ബോ​ധം സൃ​ഷ്ടി​ക്കു​ന്ന ഗു​രു​ത​ര പ്ര​ശ്ന​മാ​ണ് തൊ​ഴി​ലി​ല്ലാ​യ്മ​യു​ടെ അ​തി​വേ​ഗ​ത​യി​ലു​ള്ള പെ​രു​പ്പം.

കോ​വി​ഡ് 19 അ​തി​ന്റെ ര​ണ്ടും മൂ​ന്നും ഘ​ട്ട​ങ്ങ​ൾ​കൂ​ടി ക​ട​ക്കു​ക​യും സ​മ്പ​ദ്‍വ്യ​വ​സ്ഥ ലോ​ക്ഡൗ​ണി​ന് വി​ധേ​യ​പ്പെ​ടു​ക​യും ചെ​യ്ത​തോ​ടെ, തൊ​ഴി​ലി​ല്ലാപ്പട​യു​ടെ ദൈ​ർ​ഘ്യം കൂ​ടു​ത​ൽ നീ​ണ്ടു. ന​രേ​ന്ദ്ര മോ​ദി പ്ര​ധാ​ന​മ​ന്ത്രി​സ്ഥാ​ന​ത്തെ​ത്തു​ന്ന​തി​നു​മു​മ്പ് ഇ​ന്ത്യ​യി​ലെ അ​ഭ്യ​സ്ഥ​വി​ദ്യ​രും അ​ല്ലാ​ത്ത​വ​രു​മാ​യ യു​വ​ജ​ന​ങ്ങ​ൾ​ക്ക് ന​ൽ​കി​യൊ​രു വാ​ഗ്ദാ​നം ഇ​ത്ത​ര​മൊ​രു അ​വ​സ​ര​ത്തി​ൽ ഓ​ർ​ത്തെ​ടു​ത്തെ​ങ്കി​ൽ, അ​തി​ൽ എ​ന്താ​ണി​ത്ര അ​സ്വാ​ഭാ​വി​ക​ത? എ​ന്താ​യി​രു​ന്നു ഈ ​വാ​ഗ്ദാ​ന​മെ​ന്നോ? അ​ധി​കാ​ര​ത്തി​ലെ​ത്തി​യാ​ൽ ഉ​ട​ൻ ഓ​രോ വ​ർ​ഷ​വും ര​ണ്ടു​കോ​ടി വീ​തം തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്കു​മെ​ന്ന്. ഈ ​വാ​ഗ്ദാ​നം യാ​ഥാ​ർ​ഥ്യ​മാ​ക്കി​യി​രു​ന്നെ​ങ്കി​ൽ മോ​ദി ഭ​ര​ണം നി​ല​വി​ൽ വ​ന്ന് എ​ട്ടു വ​ർ​ഷം പൂ​ർ​ത്തി​യാ​ക്കു​മ്പോ​ൾ, 16 കോ​ടി പേ​ർ​ക്ക് തൊ​ഴി​ല​വ​സ​ര​ങ്ങ​ൾ ല​ഭി​ക്കു​മാ​യി​രു​ന്നി​ല്ലേ? ഇ​തു ന​ട​ന്നി​ല്ലെ​ന്നു മാ​ത്ര​മ​ല്ല, ദേ​ശീ​യ​ത​ല​ത്തി​ൽ വി​വ​ര​ശേ​ഖ​ര​ണം ന​ട​ത്തു​ന്ന ഔ​ദ്യോ​ഗി​ക ഏ​ജ​ൻ​സി​യാ​യ എ​ൽ.​എ​സ്.​ഒ​യും ഇ​ന്ത്യ​ൻ സ്റ്റാ​റ്റി​സ്റ്റി​ക്ക​ൽ ഓ​ർ​ഗ​നൈ​സേ​ഷ​നും ത​യാ​റാ​ക്കി​യ തൊ​ഴി​ലി​ല്ലാ​യ്മ സം​ബ​ന്ധ​മാ​യ യ​ഥാ​ർ​ഥ വ​സ്തു​ത​ക​ളും ക​ണ​ക്കു​ക​ളും പൂ​ഴ്ത്തി​വെ​ക്കു​ക​യു​മാ​ണു​ണ്ടാ​യ​ത്. ര​ഹ​സ്യ​മാ​യി മാ​ധ്യ​മ​ങ്ങ​ൾ ചോ​ർ​ത്തി​യെ​ടു​ത്ത ക​ണ​ക്കു​ക​ൾ പ്രകാരം തൊ​ഴി​ലി​ല്ലാ​യ്മ ഇ​പ്പോ​ൾ സ്വാ​ത​ന്ത്ര്യാ​ന​ന്ത​ര കാ​ല​ഘ​ട്ട​ത്തി​ലെ ഏ​റ്റ​വും ഉ​യ​ർ​ന്ന നി​ര​ക്കാ​യ 45 ശ​ത​മാ​നം വ​ർ​ധ​ന​വാ​ണ് രേ​ഖ​പ്പെ​ടു​ത്തി​യി​രി​ക്കു​ന്ന​ത്.

ഔദ്യോഗിക ക​ണ​ക്കു​ക​ള​നു​സ​രി​ച്ചു​ത​ന്നെ സ​ർ​ക്കാ​ർ സ്ഥാ​പ​ന​ങ്ങ​ളി​ൽ മാ​ത്രം എ​ട്ടു​ല​ക്ഷ​ത്തി​ലേ​റെ ഒ​ഴി​വു​ക​ളു​ണ്ട്. അ​വ നി​ക​ത്താ​ൻ സ​ർ​ക്കാ​റി​ന് താ​ൽ​പ​ര്യ​മി​ല്ല​താ​നും. രാ​ഷ്ട്രീ​യ കാ​പ​ട്യ​ത്തി​ന്റെ​യും ഭ​ര​ണ​രം​ഗ​ത്തെ അ​ഴി​മ​തി​യു​ടെ​യും പേ​രി​ൽ കോ​ൺ​ഗ്ര​സ് സ​ർ​ക്കാ​റു​ക​ളെ പ്ര​തി​ക്കൂ​ട്ടി​ൽ നി​ർ​ത്തി അ​ധി​കാ​രം പി​ടി​ച്ച ബി.​ജെ.​പി​യും പാ​ർ​ട്ടി​യു​ടെ അ​നി​ഷേ​ധ്യ നേ​താ​വും ഭ​ര​ണ​ത്തി​ൽ എ​ട്ടാം വ​ർ​ഷം ക​ട​ക്കു​മ്പോ​ൾ ദാ​രി​ദ്ര്യം, പ​ണ​പ്പെ​രു​പ്പം, തൊ​ഴി​ലി​ല്ലാ​യ്മ, രൂ​പ​യു​ടെ മൂ​ല്യ​ത്ത​ക​ർ​ച്ച, സാ​മ്പ​ത്തി​ക അ​സ​മ​ത്വ​ങ്ങ​ൾ, മ​ത​ത്തി​ന്റെ​യും ജാ​തി​ഭേ​ദ​ങ്ങ​ളു​ടെ​യും പേ​രി​ൽ ന​ട​മാ​ടു​ന്ന മാ​ര​ക​മാ​യ ഏ​റ്റു​മു​ട്ട​ലു​ക​ളും ഭ​ര​ണ​കൂ​ട ഭീ​ക​ര​ത​യും സ​ർ​വ​കാ​ല റെ​ക്കോ​ഡി​ലെ​ത്തി​നി​ൽ​ക്കു​ക​യാ​ണ്.

ആ​ഗോ​ള സ​മ്പ​ദ് വ്യ​വ​സ്ഥ​യാ​കെ​ത്ത​ന്നെ പ​ണ​പ്പെ​രു​പ്പ​ത്തി​ന്റെ​യും തൊ​ഴി​ലി​ല്ലാ​യ്മ​യു​ടെ​യും നി​ക്ഷേ​പ​ത്ത​ക​ർ​ച്ച​യു​ടെ​യും പ്ര​തി​സ​ന്ധി​ക​ളി​ലാ​ണെ​ന്നി​രി​ക്കെ, ആ​ഗോ​ളീ​ക​ര​ണ​ത്തി​ന്റെ പ്ര​ത്യാ​ഘാ​ത​മെ​ന്ന നി​ല​യി​ൽ ഇ​ന്ത്യ​ക്കും ഇ​തി​ന്റെ​യെ​ല്ലാം ഭാ​രം പേ​റേ​ണ്ട​താ​യി വ​ന്നി​രി​ക്കു​ക​യാ​ണ്. മോ​ദി​ഭ​ര​ണ​കൂ​ട​ത്തി​ന്റെ ല​ക്ഷ്യം തെ​റ്റി​യ ഡി​മോ​ണി​റ്റൈ​സേ​ഷ​നും ജി.​എ​സ്.​ടി പ​രി​ഷ്കാ​ര​വും രാ​ജ്യ​ത്തി​ന്റെ ആ​ഭ്യ​ന്ത​ര സ​മ്പ​ദ്‍വ്യ​വ​സ്ഥ​യെ ത​ക​ർ​ച്ച​യി​ലേ​ക്കെ​ടു​ത്തെ​റി​ഞ്ഞി​രി​ക്കു​ക​യാ​ണ്. ആ​ഭ്യ​ന്ത​ര രാ​ഷ്ട്രീ​യ, സാ​മ്പ​ത്തി​ക, സാ​മൂ​ഹി​ക പ്ര​തി​സ​ന്ധി​ക​ളി​ൽ​നി​ന്ന് ജ​ന​ശ്ര​ദ്ധ തി​രി​ച്ചു​വി​ടാ​ൻ ഏ​കാ​ധി​പ​ത്യ, ഫാ​ഷി​സ്റ്റ് ഭ​ര​ണാ​ധി​കാ​രി​ക​ൾ പ​ല​വി​ധ അ​ട​വു​ക​ളും പ​യ​റ്റി​യ​തി​ന്റെ അ​നു​ഭ​വ​ങ്ങ​ൾ ച​രി​ത്ര​ത്തി​ന്റെ ഏ​ടു​ക​ൾ പ​ര​തി​യാ​ൽ ധാ​രാ​ളം ക​ണ്ടെ​ത്താ​നാ​കും. അ​ധി​കാ​ര​ത്തി​ൽ തു​ട​രു​ന്ന​തി​നു​വേ​ണ്ടി​മാ​ത്രം ജ​നാ​ധി​പ​ത്യ​ത്തി​ന്റെ​യും മ​ത​നി​ര​പേ​ക്ഷ​ത​യു​ടെ​യും പേ​രി​ൽ ആ​വ​ർ​ത്തി​ച്ച് ആ​ണ​യി​ടു​ന്ന പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും സം​ഘ്പ​രി​വാ​റും സ്വ​ന്തം പ​രാ​ജ​യ​ങ്ങ​ൾ മൂ​ടി​വെ​ക്കാ​നു​ള്ള ആ​യു​ധ​മെ​ന്ന നി​ല​യി​ൽ പു​റ​ത്തെ​ടു​ത്ത​താ​ണ് അ​ഗ്നി​പ​ഥ് പ​ദ്ധ​തി.

രാ​ജ്യ​ര​ക്ഷാ മേ​ഖ​ല​യി​ലെ ജീ​വ​ന​ക്കാ​രി​ൽ യു​വ​ത്വം ഉ​റ​പ്പു​വ​രു​ത്താ​നും കൂ​ടു​ത​ൽ യു​വാ​ക്ക​ൾ​ക്ക് വി​വി​ധ സാ​യു​ധ​സേ​ന വി​ഭാ​ഗ​ങ്ങ​ളി​ൽ തൊ​ഴി​ല​വ​സ​ര​ങ്ങ​ൾ ന​ൽ​കാ​നും സൈ​നി​ക​സേ​വ​ന തു​റ​ക​ളി​ൽ പ​രി​ശീ​ല​നം ന​ൽ​കാ​നും താ​ൽ​ക്കാ​ലി​കാ​ടി​സ്ഥാ​ന​ത്തി​ലെ​ങ്കി​ലും തൊ​ഴി​ലി​ല്ലാ​യ്മ​യു​ടെ ഗൗ​ര​വ സ്വ​ഭാ​വ​ത്തി​ൽ അ​യ​വു​വ​രു​ത്താ​നും ല​ക്ഷ്യ​മി​ട്ടാ​ണ് ​പു​തി​യ പ​ദ്ധ​തി എ​ന്ന​താ​ണ് എ​തി​ർ​ക്കു​ന്ന​വ​ർ​ക്കു​ള്ള മ​റു​പ​ടി​യാ​യി സ​ർ​ക്കാ​ർ വ​ക്താ​ക്ക​ൾ പ​റ​യു​ന്ന​ത്. പ​ദ്ധ​തി​യു​ടെ താ​ൽ​ക്കാ​ലി​ക സ്വ​ഭാ​വം ത​ന്നെ​യാ​ണ് തൊ​ഴി​ൽ തേ​ടി വ​ർ​ഷ​ങ്ങ​ളോ​ളം കാ​ത്തി​രി​ക്കു​ന്ന അ​ഭ്യ​സ്ത​വി​ദ്യ​രും അ​ല്ലാ​ത്ത​വ​രു​മാ​യ ല​ക്ഷ​ക്ക​ണ​ക്കി​ന് യു​വാ​ക്ക​ളെ പ്ര​കോ​പി​പ്പി​ക്കു​ക​യും അ​ക്ര​മ​ത്തി​ലേ​ക്കു ന​യി​ക്കു​ക​യും ചെ​യ്തി​ട്ടു​ള്ള​ത്. ഔ​ദ്യോ​ഗി​ക ഏ​ജ​ൻ​സി​ക​ളും ദേ​ശീ​യ മു​ഖ്യ​ധാ​രാ മാ​ധ്യ​മ​ങ്ങ​ളും റി​പ്പോ​ർ​ട്ട് ചെ​യ്തി​രി​ക്കു​ന്ന​ത് യു​വാ​ക്ക​ളു​ടെ പ്ര​തി​ഷേ​ധ​ത്തി​നു​പി​ന്നി​ൽ പ​ര​പ്രേ​ര​ണ ഇ​ല്ലെ​ന്നും സ്വ​യ​മേ​വ പൊ​ട്ടി​പ്പു​റ​പ്പെ​ട്ട ഭ​യാ​ശ​ങ്ക​ക​ളു​ടെ സ്വാ​ഭാ​വി​ക പ്ര​തി​ഫ​ല​ന​മാ​യി​രു​ന്നു പ്ര​ക്ഷോ​ഭ​ങ്ങ​ൾ എ​ന്നു​മാ​ണ്. കേ​ന്ദ്ര​ഭ​ര​ണ​കൂ​ട​ത്തെ രാ​ഷ്ട്രീ​യ​മാ​യി എ​തി​ർ​ക്കാ​ൻ കോ​പ്പു​കൂ​ട്ടി​നി​ന്നി​രു​ന്ന പ്ര​തി​പ​ക്ഷ പാ​ർ​ട്ടി​ക​ൾ ഈ ​സാ​ധ്യ​ത മ​ന​സ്സി​ലാ​ക്കി രം​ഗ​ത്തു​വ​ന്ന​ത് ഏ​റെ വൈ​കി​യാ​ണ്.

തൊ​ഴി​ലി​ല്ലാ​യ്മ​യി​ൽ​നി​ന്ന് ഗ്രാ​മീ​ണ ജ​ന​ത​ക്ക് ഒ​രു പ​രി​ധി​വ​രെ​യെ​ങ്കി​ലും ആ​ശ്വാ​സ​മേ​കാ​ൻ മു​ൻ യു.​പി.​എ സ​ർ​ക്കാ​ർ തു​ട​ങ്ങി​വെ​ച്ച മ​ഹാ​ത്മാ​ഗാ​ന്ധി ദേ​ശീ​യ ഗ്രാ​മീ​ണ തൊ​ഴി​ലു​റ​പ്പു പ​ദ്ധ​തി​യു​ടെ ഒ​രു ന​ഗ​ര​മേ​ഖ​ലാ പ​തി​പ്പാ​യി സ്ഥി​രം ജോ​ലി​യും സ്ഥി​ര വ​രു​മാ​ന​വും സ്വ​സ്ഥ​മാ​യ കു​ടും​ബ​ജീ​വി​ത​വും പ്ര​തീ​ക്ഷി​ച്ചി​രു​ന്ന യു​വാ​ക്ക​ൾ​ക്ക് അ​ഗ്നി​പ​ഥി​നെ തോ​ന്നി​ച്ചെ​ങ്കി​ലും അ​തി​​ശ​യി​ക്കേ​ണ്ട​തി​ല്ല. മാ​ത്ര​മ​ല്ല, ഇ​ത്ത​ര​മൊ​രു യു​ക്തി​ര​ഹി​ത​മാ​യ ധാ​ര​ണ​യാ​ണ് ഔ​ദ്യോ​ഗി​ക വ​ക്താ​ക്ക​ളു​ടെ വി​ശ​ദീ​ക​ര​ണ​ങ്ങ​ളി​ൽ​നി​ന്ന് ല​ഭി​ച്ചി​രു​ന്ന​തും. 2022ൽ ​ഈ പ​ദ്ധ​തി ആ​രം​ഭി​ക്കു​ന്ന​പ​ക്ഷം 46,000 പേ​ർ​ക്ക് പു​തി​യ തൊ​ഴി​ല​വ​സ​ര​ങ്ങ​ൾ തു​റ​ന്നു​കി​ട്ടു​മെ​ന്നും നി​യ​മ​നം ഏ​റ്റ​വു​മു​യ​ർ​ന്ന തോ​തി​ലെ​ത്തു​ന്ന​തോ​ടെ ഇ​ത് പ്ര​തി​വ​ർ​ഷം 1,50,000 വ​രെ​യാ​യി വ​ർ​ധി​ക്കു​മെ​ന്നു​മാ​ണ് അ​വ​കാ​ശ​പ്പെ​ടു​ന്ന​ത്. അ​തേ അ​വ​സ​ര​ത്തി​ൽ പൂ​ർ​ണ​മാ​യോ ഭാ​ഗി​ക​മാ​യോ തൊ​ഴി​ലി​ല്ലാ​പ്പട​യി​ൽ അ​ണി​ചേ​രു​ക ചു​രു​ങ്ങി​യ​ത് ദ​ശ​ല​ക്ഷ​ങ്ങ​ളാ​ണ്. തൊ​ഴി​ലി​ല്ലാ​യ്മ പൂ​ർ​ണ​മാ​യ അ​ർ​ഥ​ത്തി​ൽ പ​രി​ഹ​രി​ക്ക​ണ​മെ​ന്നു​ണ്ടെ​ങ്കി​ൽ ഓ​രോ മാ​സ​വും ചു​രു​ങ്ങി​യ​ത് 15 ല​ക്ഷം വീ​തം പു​തി​യ തൊ​ഴി​ല​വ​സ​ര​ങ്ങ​ൾ ക​ണ്ടെ​ത്തേ​ണ്ടി​വ​രും. അ​താ​യ​ത്, പൂ​ർ​ണ​ത​യി​ലെ​ത്തി​യ അ​ഗ്നി​പ​ഥ് ല​ക്ഷ്യ​മി​ടു​ന്ന​തി​ന്റെ എ​ത്ര​യോ മ​ട​ങ്ങ്.

വ​സ്തു​ത​ക​ൾ ഈ ​വി​ധ​ത്തി​ലാ​യി​രി​ക്കെ, പ​ട്ടാ​ള മേ​ധാ​വി​ക​ൾ മാ​ധ്യ​മ​ങ്ങ​ൾ​ക്കു​മു​ന്നി​ൽ നേ​രി​ട്ടെ​ത്തി തൊ​ഴി​ൽ​സാ​ധ്യ​ത​ക​ൾ സൃ​ഷ്ടി​ക്കാ​നു​ള്ള അ​ഗ്നി​പ​ഥി​ന്റെ ശേ​ഷി​യെ​ക്കു​റി​ച്ച് വാ​ചാ​ല​മാ​കു​മ്പോ​ൾ സാ​മാ​ന്യ​ബു​ദ്ധി​യു​ള്ള​വ​ർ പ്ര​തി​ഷേ​ധി​ക്കു​ന്ന​തി​ൽ എ​ന്താ​ണ് തെ​റ്റ്? രാ​ജ്യ​ര​ക്ഷ സൈ​നി​ക മേ​ഖ​ല​ക​ളി​ൽ യു​വാ​ക്ക​ൾ​ക്ക് അ​ധി​ക തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്കു​ന്ന​തി​നു​ള്ള നീ​തീ​ക​ര​ണ​മാ​യി റ​ഷ്യ​ൻ ആ​ക്ര​മ​ണം നേ​രി​ടു​ന്ന​തി​ൽ യു​ക്രെ​യ്ൻ പ്ര​സി​ഡ​ന്റ് സെ​ല​ൻ​സ്കി​ക്കു​ണ്ടാ​യ തി​രി​ച്ച​ടി​ക​ൾ വ​രെ​യാ​ണ് സ​ർ​ക്കാ​ർ, സം​ഘ്പ​രി​വാ​ർ വൃ​ത്ത​ങ്ങ​ൾ ത​ട്ടി​വി​ടു​ന്ന​ത്. ഇ​തി​നി​ടെ, കേ​ന്ദ്ര​മ​ന്ത്രി ബി.​ജെ.​പി​യി​ലെ കി​ഷ​ൻ റെ​ഡ്ഡി​യും ബി.​ജെ.​പി ജ​ന​റ​ൽ സെ​ക്ര​ട്ട​റി വി​ജ​യ് വ​ർ​ഗി​യ​യും ന​ട​ത്തി​യ പ​രാ​മ​ർ​ശ​ങ്ങ​ളും യു​വാ​ക്ക​ളു​ടെ കോ​പ​വും നി​രാ​ശ​യും ആ​ളി​ക്ക​ത്തി​ച്ചു. കി​ഷ​ൻ റെ​ഡ്ഡി​യു​ടെ വാ​ഗ്ദാ​നം, അ​ഗ്നി​പ​ഥി​ന്റെ സേ​വ​ന​കാ​ലാ​വ​ധി അ​വ​സാ​നി​ക്കു​ന്ന​തോ​ടെ, അ​ല​ക്കു​കാ​രു​ടെ​യും ഗാ​ർ​ഹി​ക തൊ​ഴി​ലാ​ളി​ക​ളു​ടെ​യും മാ​ത്ര​മ​ല്ല, ബാ​ർ​ബ​ർ​മാ​രു​ടെ​യും തൊ​ഴി​ലു​ക​ൾ ചെ​യ്ത് അ​ഭ്യ​സ്ത​വി​ദ്യ​രാ​യ​വ​ർ അ​ട​ക്ക​മു​ള്ള യു​വാ​ക്ക​ൾ​ക്ക് ജീ​വി​ത​മാ​ർ​ഗം ക​ണ്ടെ​ത്താ​മ​ല്ലോ എ​ന്നാ​ണ്. വി​ജ​യ് വ​ർ​ഗി​യ​യു​ടെ വ​ക യു​വാ​ക്ക​ൾ​ക്ക് ബി.​ജെ.​പി ഓ​ഫി​സു​ക​ളി​ലെ കാ​വ​ൽ​ക്കാ​രു​ടെ ജോ​ലി​വാ​ഗ്ദാ​ന​വും കി​ട്ടി​. ഇ​ത്ത​രം വാ​ക്കു​ക​ൾ കേ​ൾ​ക്കു​മ്പോ​ൾ ഓ​ർ​മ​യി​ൽ ഓ​ടി​യെ​ത്തു​ന്ന​ത് കൃ​ത്യ​മാ​യൊ​രു ഇം​ഗ്ലീ​ഷ് ഭാ​ഷാ​പ്ര​യോ​ഗ​മാ​ണ് -''ആ​ഡി​ങ് ഇ​ൻ​സ​ൽ​ട്ട് ടു ​ഇ​ൻ​ച്വ​റി''. അ​താ​യ​ത് അ​പ​മാ​ന​ത്തി​നു​പു​റ​മെ പ​രി​ക്കു​കൂ​ടി അ​ടി​ച്ചേ​ൽ​പിക്കു​ക. ഇ​ത്ര​യേ​റെ അ​പ​മാ​ന​ത്തി​നും മാ​ന​ഹാ​നി​ക്കും വി​ധേ​യ​രാ​ക്കാ​ൻ ഇ​ന്ത്യ​യി​ലെ അ​ഭ്യ​സ്ത​വി​ദ്യ​രാ​യ യു​വ​ത​ല​മു​റ എ​ന്ത് അ​പ​രാ​ധ​മാ​ണ് ചെ​യ്ത​ത് ?

അ​ഗ്നി​പ​ഥി​ന് സ​മാ​ന​മാ​യ റി​ക്രൂ​ട്ട്മെ​ന്റ് ന​ട​പ​ടി​ക​ൾ നി​ര​വ​ധി ലോ​ക​രാ​ജ്യ​ങ്ങ​ൾ ഇ​തി​നു​മു​മ്പും സ്വീ​ക​രി​ച്ചി​ട്ടു​ണ്ടെ​ന്ന മു​ട്ടാ​യു​ക്തി​യാ​ണ് മോ​ദി സ​ർ​ക്കാ​റി​ന്റെ​യും അ​വ​രു​ടെ ഭ​ക്ത​രു​ടെ​യും മ​റ്റൊ​രു വാ​ദം. നി​ര​വ​ധി രാ​ജ്യ​ങ്ങ​ൾ സൈ​നി​ക​സേ​വ​ന​ത്തി​നാ​യി ര​ണ്ടു​വ​ർ​ഷ​ത്തേ​ക്ക് യു​വാ​ക്ക​ളെ നി​യോ​ഗി​ച്ചി​ട്ടു​ണ്ടെ​ന്നും പ​റ​യു​ന്നു. ഉ​ത്ത​ര​കൊ​റി​യ, റ​ഷ്യ, ചൈ​ന എ​ന്നീ ഏ​കാ​ധി​പ​ത്യ ഭ​ര​ണ​കൂ​ട​ങ്ങ​ൾ മു​ത​ൽ, സിം​ഗ​പ്പൂ​ർ, സ്വി​റ്റ്സ​ർ​ല​ൻ​ഡ്, ഇ​സ്രാ​യേ​ൽ തു​ട​ങ്ങി​യ ചെ​റി​യ ഭ​ര​ണ​കൂ​ട​ങ്ങ​ൾ വ​രെ സ​മാ​ന​മാ​യ നി​യ​മ​ന​മാ​തൃ​ക​ക​ൾ ന​ട​പ്പാ​ക്കി​യി​ട്ടു​ണ്ട​ത്രെ! നി​ർ​ബ​ന്ധി​ത സൈ​നി​ക​സേ​വ​ന​ങ്ങ​ൾ ന​ട​പ്പാ​ക്കു​ന്ന​തി​ൽ ചൂ​ണ്ടി​ക്കാ​ണി​ക്ക​പ്പെ​ടു​ന്ന ഏ​തെ​ങ്കി​ലും ഒ​രു രാ​ജ്യം, അ​ക്ഷ​രാ​ർ​ഥ​ത്തി​ൽ ജ​നാ​ധി​പ​ത്യ ഭ​ര​ണ​ക്ര​മ​മാ​ണോ പി​ന്തു​ട​രു​ന്ന​തെ​ന്നു കൂ​ടി ഇ​ക്കൂ​ട്ട​ർ ബോ​ധ്യ​പ്പെ​ടു​ത്തി​യാ​ൽ ന​ന്നാ​യി​രു​ന്നു.

ആ​ഗോ​ള​ത​ല​ത്തി​ലു​ള്ള പ​രീ​ക്ഷ​ണ​ങ്ങ​ൾ പ​രി​ശോ​ധ​നാ വി​ധേ​യ​മാ​ക്കു​മ്പോ​ൾ, മോ​ദി​സ​ർ​ക്കാ​ർ വി​ഭാ​വ​നം ചെ​യ്ത് ന​ട​പ്പാ​ക്കാ​നാ​രം​ഭി​ച്ചി​രി​ക്കു​ന്ന അ​ഗ്നി​പ​ഥ് പ​ദ്ധ​തി ബി.​ജെ.​പി​യു​ടെ നേ​തൃ​ത്വ​ത്തി​ലു​ള്ള സ​ർ​ക്കാ​റി​ന്റെ ക​ഴി​ഞ്ഞ എ​ട്ടു വ​ർ​ഷ​ക്കാ​ല​ത്തി​നി​ട​യി​ലെ ഫാ​ഷി​സ്റ്റ് സ്വ​ഭാ​വ​മു​ള്ള​താ​ണെ​ന്ന വി​ശേ​ഷ​ണ​ത്തി​ന​പ്പു​റ​മു​ള്ള സ്ഥി​തി​വി​ശേ​ഷ​ത്തി​ലേ​ക്കാ​ണ് രാ​ജ്യ​ത്തെ ജ​നാ​ധി​പ​ത്യ വ്യ​വ​സ്ഥ​യെ കൊ​ണ്ടെ​ത്തി​ച്ചി​രി​ക്കു​ന്ന​തെ​ന്ന് വ്യ​ക്ത​മാ​കു​ന്നു. ഡീ​മോ​ണി​റ്റൈ​സേ​ഷ​ൻ മു​ത​ൽ വി​വാ​ദ കാ​ർ​ഷി​ക നി​യ​മ​ങ്ങ​ൾ വ​രെ ന​രേ​ന്ദ്ര മോ​ദി സ​ർ​ക്കാ​റി​ന്റെ താ​ളം തെ​റ്റി​യ സാ​മ്പ​ത്തി​ക പ​രി​ഷ്കാ​ര​ങ്ങ​ളും, മഹാമാരിയും ഉ​യ​ർ​ത്തി​യ സാ​മ്പ​ത്തി​ക പ്ര​തി​സ​ന്ധി​ക​ൾ അ​തി​ഗു​രു​ത​ര​വും അ​സ​ഹ​നീ​യ​വു​മാ​യ പ​ത​ന​ത്തി​ലാ​ണ് ഇ​ന്ത്യ​യി​ലെ സാ​ധാ​ര​ണ​ക്കാ​രെ കൊ​ണ്ടെ​ത്തി​ച്ച​ത്. ഈ ​ഘ​ട്ട​ത്തി​ലും നി​ര​വ​ധി യു​വാ​ക്ക​ൾ​ക്ക് പ്ര​തീ​ക്ഷ അവശേഷിപ്പിച്ചി​രു​ന്ന​ത് സാ​മ്പ​ത്തി​ക സു​ര​ക്ഷ​യും സാ​മൂ​ഹി​ക പ​ദ​വി​യും ഉ​റ​പ്പാ​ണെ​ന്നു ക​രു​ത​പ്പെ​ട്ടി​രു​ന്ന രാ​ജ്യ​ര​ക്ഷ സേ​വ​ന മേ​ഖ​ല​ക​ളാ​യി​രു​ന്നു. അ​ഗ്നി​പ​ഥ് എ​ന്ന പ​ദ്ധ​തി ഉ​രു​ളാ​ൻ തു​ട​ങ്ങി​യ​തോ​ടെ ആ പ്ര​തീ​ക്ഷ​യും അ​സ്ഥാ​ന​ത്താ​യി.

ഇ​തി​നെ​ല്ലാം​പു​റ​മെ, സം​ഘ്പ​രി​വാ​ർ ശ​ക്തി​ക​ൾ​ക്കു​വേ​ണ്ടി ഒ​രു വി​ഭാ​ഗം യു​വ​ജ​ന​ങ്ങ​ളെ ആ​യു​ധ​പ​രി​ശീ​ല​നം സി​ദ്ധി​ച്ച​വ​രാ​യി രം​ഗ​ത്തി​റ​ക്കു​ക എ​ന്ന​താ​ണ് ഈ ​പ​ദ്ധ​തി​യു​ടെ ആ​ത്യ​ന്തി​ക ല​ക്ഷ്യ​മെ​ന്ന ആ​ശ​ങ്ക​യും ത​ള്ളി​ക്ക​ള​യാ​നാ​വി​ല്ല; കേ​ന്ദ്ര​ത്തി​ൽ ഭ​ര​ണം കൈ​യാ​ളു​ന്ന സ​ർ​ക്കാ​റി​ന്റെ ഇ​തു​വ​രെ​യു​ള്ള ചെ​യ്തി​ക​ൾ വെ​ച്ചു​നോ​ക്കു​മ്പോ​ൾ വി​ശേ​ഷി​ച്ചും.

Show Full Article
TAGS:Agnipath 
News Summary - agnipath; Finance and Politics
Next Story