ആം ആദ്മി പാർട്ടി, ശഹീൻ ബാഗിൽ നിങ്ങൾക്ക് തെറ്റിയിരിക്കുന്നു

പ്രതിഷേധ സമരങ്ങളെ ഭീകരമുദ്ര ചാർത്താനും വഴികൾ പലതുണ്ട്​. എന്നാലും, ഷഹീൻബാഗ്​ സമരങ്ങളെ ലക്ഷ്യം വെക്കുന്നത്​ തീർച്ചയായും ജുഗുപ്​സാവഹമാണ്​. ആം ആദ്​മി പാർട്ടി വക്​താവും എം.എൽ.എയുമായ സൗരഭ്​ ഭരദ്വാജി​െൻറ വകയായിരുന്നു ഇതിൽ ഒടുവിലത്തേത്​. ഡൽഹി തെരഞ്ഞെടുപ്പിനെ വർഗീയവത്കരിക്കാൻ ബി.ജെ.പി ആസൂത്രണം ചെയ്​ത പ്രക്ഷോഭമെന്നായിരുന്നു, ശഹീൻബാഗ്​ സമര നേതാക്കളെന്ന്​ സ്വയം വിശേഷിപ്പിച്ച ചിലയാളുകൾക്ക്​ ബി.ജെ.പി അംഗത്വം നൽകിയതിനു പിന്നാലെ അദ്ദേഹത്തി​െൻറ പ്രതികരണം. ''യഥാർഥത്തിൽ, ജനാധിപത്യത്തോട്​ ഒപ്പംനിൽക്കുന്ന ചിലരും അവിടെ പോയിരുന്നു, ജനാധിപത്യത്തിനു വേണ്ടിയാണിതെന്നു തന്നെയാണ്​ അവർ വിശ്വസിച്ചത്​, പക്ഷേ, അവർ വഞ്ചിക്കപ്പെടുകയായിരുന്നു. ഹഹീൻബാഗ്​ സമരം ബി.ജെ.പി പദ്ധതിയിട്ടതായിരുന്നു''.

ശഹീൻബാഗ്​ വിഷയത്തിൽ ബി.ജെ.പിയുടെ കാപട്യത്തെ ആക്രമിക്കാൻ ശ്രമിച്ച്​ അവരുടെ പാളയത്തിൽ ചെന്നു​ചാടുകയെന്ന വൈരുധ്യം. ബി.ജെ.പിയിൽ ചേർന്നത്​ ആരൊക്കെയെന്ന്​ പ്രദേശത്തെ സഹപ്രവർത്തകനായ സ്വന്തം എം.എൽ.എയോട്​ ചോദിച്ചാൽ അറിയാമായിരുന്നു. അവർ സമരനായകരല്ലെന്നു മാത്രമല്ല, പന്തലിന്‍റെ പരിസരത്തുപോലും എത്തിനോക്കാത്ത ചിലരാണെന്ന്​.

ഒരു ജനകീയ സമരത്തിന്‍റെ ഉപോൽപന്നമായ എ.എ.പിയുടെ വക്​താവായ ഭരദ്വാജും സഹപ്രവർത്തകരും അവരുടെ രാഷ്​ട്രീയ ജനിതകഘടനയിൽ ഉൾചേർന്നുനിൽക്കേണ്ട ചില പാഠങ്ങൾ മറന്നുപോകുന്നുണ്ട്. അതായത്​, സ്വന്തം അനുഭവങ്ങളുടെ മ​ൂശയിൽ രൂപമെടുത്ത മുദ്രാവാക്യം ഉറക്കെവിളിക്കുന്ന പ്രസ്​ഥാനത്തിൽ പങ്കുചേരുന്ന ജനാവലിയുടെ സ്വാഭാവികമായ പങ്ക്​ എന്താകുമെന്ന്​. അഴിമതി വിരുദ്ധ പ്രസ്​ഥാനവും ലോക്​പാൽ ബില്ലിനായുള്ള മുദ്രാവാക്യവുമായിരുന്നു ഡൽഹിയിലെയും രാജ്യം മുഴുക്കെയുമുള്ള ആയിരങ്ങളെ രാംലീല മൈതാനിയിലെ അനിശ്​ചിതകാല സമരപ്പന്തലിലെത്തിച്ചത്​. കുപ്രസിദ്ധനായ കപിൽ മിശ്രയുൾപെടെ ബി.ജെ.പിയിലെ പലരും 'ആപി'ൽ ചേർന്നിരുന്നു.

അവർക്ക് നിയമസഭയിലേക്ക്​ ടിക്കറ്റ്​ ലഭിക്കുകയും ചെയ്​തു. ഷീല ദീക്ഷിത്​ നയിച്ച ഡൽഹി സർക്കാറിനെ അസ്​ഥിരപ്പെടുത്താൻ ബി.ജെ.പി ലക്ഷ്യമിട്ട സമരമായിരുന്നു അതെന്ന്​ ഇതി​െൻറ പേരിൽ മാത്രം നമുക്ക്​ പറയാനൊക്കുമോ? അങ്ങനെയൊരു ആ​​േരാപണം 'ആപി'​െൻറ പിറവിക്കും ആ പ്രസ്​ഥാനത്തിനും എത്രകണ്ട്​ അപമാനകരവും അസംബന്ധവുമാണോ അതിനു സമാനമാണ്​ ശഹീൻബാഗ്​ ​സമരക്കാരെ ബി.ജെ.പിയുടെ കരുക്കളെന്ന്​ മുദ്രകുത്തുന്നതും.

അല്ല, ശഹീൻബാഗ്​ സമരം ബി.ജെ.പി ആസൂത്രിതമായിരുന്നില്ല. ഒരിക്കലും അങ്ങനെയാകാൻ തരമില്ല. പൗരത്വ ഭേദഗതി നിയമം പാസാക്കിയതും തൊട്ടുപിറകെ സി.എ.എ, എൻ.പി.ആർ, എൻ.ആർ.സി എന്നിവക്ക്​ അമിത്​ഷാ പ്രഖ്യാപിച്ച സമയക്രമവും ഒരു സമൂഹത്തി​െൻറ ഉള്ളിൽ സൃഷ്​ടിച്ച ആഴത്തിലുള്ള ആധിയുടെ പ്രതിഫലനമായിരുന്നു ഇൗ സമര​െമന്ന്​ പ്രതിഷേധവുമായി അകന്ന ബന്ധമുള്ളവർക്കു പോലും അറിയും.

ശഹീൻബാഗിൽ കുത്തിയിരിപ്പ്​ നടത്തിയ ധീരരായ വനിതകൾ ദശലക്ഷക്കണക്കിന്​ പേരുടെ ഹൃദയത്തിലേക്കാണ്​ കൂടുകെട്ടിയത്​. ജാമിഅ മില്ലിയ്യ യൂനിവേഴ്​സിറ്റിയിലെ അടിച്ചമർത്തലിനെതിരെ ആരംഭിച്ച സമരം അങ്ങനെയാണ്​ രാജ്യം പതിറ്റാണ്ടുകൾക്കിടെ കണ്ട വനിതകളുടെ ഏറ്റവും വലിയ സമരമായതും രാജ്യം മുഴുക്കെ അലയൊലികൾ സൃഷ്​ടിച്ചതും. ഇന്ത്യയുടെ ഭരണഘടനയെ കാത്തിരിക്കുന്ന വിധിയുമായി ബന്ധപ്പെട്ടതാണ്​ തങ്ങളുടെ തുല്യാവകാശമുള്ള പൗരത്വമെന്ന തിരിച്ചറിവിൽനിന്നായിരുന്നു ആളുകളുടെ, വിശിഷ്യാ വനിതകളുടെ കൂട്ടമായ ഒഴുക്ക്​. ഒാരോ കേന്ദ്രത്തിലും ദേശീയ പതാക ഉയർന്നുപാറി. ഇവിടെ എത്തിയ യുവാക്കൾ ഭരണഘടനയുടെ പകർപ്പിനായി പരതിനടന്നു.

ഭരണഘട​നയെ കുറിച്ച വാക്കുകൾക്കും ചർച്ചകൾക്കും അവർ ചെവിയോർത്തു. ഒാരോ ദിനവും നടന്ന എണ്ണമറ്റ പ്രഭാഷണങ്ങളിൽ മതേതരത്വം, ജനാധിപത്യം, തുല്യപൗരത്വാവകാശങ്ങൾ തുടങ്ങിയ പദങ്ങളായി കൂടുതൽ ഉയർന്നുകേട്ടത്​. ശഹീൻബാഗ്​ മോഡലി​െൻറ പേരിൽ രാജ്യത്തി​െൻറ വിവിധ ഭാഗങ്ങളിൽ ഒരേ സമയം ഉയർന്നത്​ 100ലധികം സമരപ്പന്തലുകൾ.

മറ്റൊരു സവിശേഷത, ഇതിനെ ഒരു ഹിന്ദു-മുസ്​ലിം വിഷയമാക്കി മാറ്റിയെടുക്കാൻ മതമൗലികവാദികൾ നിരന്തര ശ്രമവുമായി മുന്നിൽനിന്നിട്ടും വേദികളിലെവിടെയും മതധ്രുവീകരണത്തെ പ്രോൽസാഹിപ്പിക്കുന്ന വാക്കുകൾ ഉയരുന്നില്ലെന്ന്​ ശഹീൻബാഗ്​ വനിതകൾ ഉറപ്പാക്കി. ഒരു പ്രഭാഷകൻ 'സമുദായത്തെ ഒന്നിപ്പിക്കുന്നതിനെ' കുറിച്ച്​ സംസാരിച്ചയുടൻ ഇൗ സ്​ത്രീകൾ ഇടപെടുന്നത്​ ഞാൻ നേരിട്ട്​ സാക്ഷിയായതാണ്​. 'ഇത്​ എല്ലാ ഇന്ത്യക്കാർക്കുമുള്ളതാണ്​, ഒരു സമുദായത്തിന്​ മാത്രമല്ല' എന്നായിരുന്നു അവരുടെ തിരുത്ത്​. ഹിന്ദുത്വ വലതുപക്ഷത്തെ വനിതകൾ വിഷം വമിച്ച്​ രാഷ്​ട്രീയ ശ്രേണിയിൽ ഉയരങ്ങൾ കീഴടക്കുന്നത്​​ നാം കാണുന്നതാണ്​. മുസ്​ലിം മതമൗലിക സംഘടനകളിലും ഇതി​െൻറ ആവർത്തനം കാണാം.മറിച്ച്​, പൂർണമായി മതേതര, ജനാധിപത്യ, സമാധാന മാർഗങ്ങളിൽ വിശ്വസിച്ച മുസ്​ലിം വനിതകൾക്കായിരുന്നു ഇവിടെ നേതൃത്വം.

എ.​െഎ.ഡി.ഡബ്ല്യു.എയിലെ സഹപ്രവർത്തകർക്കൊപ്പം പലവട്ടം ഞാൻ ​െഎക്യദാർഢ്യവുമായി സമരപ്പന്തലിലെത്തിയിട്ടുണ്ട്​. സമരം തുടങ്ങിയ ആദ്യ നാളുകളിൽതന്നെയായിരുന്നു ആദ്യ സന്ദർശനം. പ്രദേശത്തെ വനിതകൾ ധീരമായി നേതൃത്വമേറ്റെടുക്കുന്ന വലിയ വിപ്ലവത്തിനാണ്​ ഞങ്ങൾ അവിടെ സാക്ഷിയായത്​. രാഷ്​ട്രീയ രംഗത്തുള്ള ഞങ്ങളെ പോലുള്ളവർക്ക്​ ഇത്​ വിശ്വസിക്കാൻ ശരിക്കും പ്രയാസമുണ്ടാക്കും.

പുരുഷന്മാരുടെ പാവകൾ മാത്രമാണ്​ ഇൗ വനിതകളെന്നായിരുന്നു തുടക്കം മുതൽ ബി.ജെ.പിയുടെ പ്രചാരണം. അടുത്തിടെ, ഒരു കോടതി വാദം കേൾക്കലിനിടെ സംഘ്​ പരിവാർ അനുകൂല പരാതിക്കാരൻ വാദിച്ചത്​ സി.എ.എ വിരുദ്ധ പ്രക്ഷോഭങ്ങളിലെ വനിതകൾ, 'ഫലസ്​തീനിൽ പുരുഷന്മാർക്കു മുന്നിൽ നിർത്തപ്പെടുന്ന വനിതകളെയും കുട്ടികളെയും പോലെയാണെ'ന്നായിരുന്നു. കോടതി ഇതിനെതിരെ കടുത്ത ഭാഷയിലാണ്​ പ്രതികരിച്ചത്​, പുരുഷ മേധാവിത്ത ഭാഷക്കെതിരായിരുന്നുവെന്ന്​ മാത്രം.സ്​ത്രീകൾക്ക്​ സ്വതന്ത്രമായി സമരം നയിക്കാനാവുമെന്നത്​ തിരിച്ചറിയാനുള്ള വിമ്മിട്ടമാണ്​ പ്രശ്​നം. 'ആപ്​' വക്​താവും പറഞ്ഞത്​ ഇതേ ചിന്തയുടെ തുടർച്ചയാണെന്നത്​ നിർഭാഗ്യകരമാണ്​.

ശഹീൻബാഗി​െൻറ പേരിൽ ഡൽഹിയിൽ വർഗീയ ധ്രുവീകരണത്തിനായിരുന്നു ബി.ജെ.പി ശ്രമം നടത്തിയത്​. ശഹീൻബാഗിലെ പെണ്ണുങ്ങളു​ം നാട്ടുകാരുമുൾപെട്ട ഡൽഹി ജനത കൂട്ടായാണ്​ ഡൽഹിയിൽ ബി.ജെ.പി കുതിപ്പ്​ ചെറുത്തത്​. വടക്കുകിഴക്കൻ ഡൽഹിയിലെ വർഗീയ കലാപങ്ങളെ​ സി.എ.എ വിരുദ്ധ പ്രതിഷേധങ്ങളുമായി കൂട്ടിക്കെട്ടാൻ ഡൽഹി ​പൊലീസ്​ കഥകൾ മെനയുള്ള തിരക്കിലാണിപ്പോൾ.

ശഹീൻബാഗ്​ യഥാർഥത്തിൽ പ്രതിഷേധത്തി​െൻറ മുഖമായിരുന്നു. ഇൗ സമരത്തിൽ പങ്കാളികളായവരെ തങ്ങളുടെ ദുർവ്യാഖ്യാനങ്ങൾക്കായിരു ദുരുപയോഗിക്കൽ ബി.ജെ.പിക്ക്​ മാത്രം പറഞ്ഞതല്ല. എന്നാലും, ശഹീൻബാഗിലെ വനിതകളെ കുറിച്ച്​ പറഞ്ഞ വാക്കുകൾക്ക്​ ഭരദ്വാജ്​ മാപ്പുപറയണം. ശഹീൻബാഗ്​ പ്രക്ഷോഭത്തെ ലക്ഷ്യമിടാതെതന്നെ ബി.ജെ.പിയുടെ വർഗീയ ഇരട്ടത്താപ്പിന്​ തെളിവുകളേറെയുള്ളതാണ്​.

കടപ്പാട്: ndtv.com