2024? പ്ര​തി​പ​ക്ഷം ലോ​ക്സ​ഭ തെ​ര​ഞ്ഞെ​ടു​പ്പ്​ എ​ന്ന വ​ലി​യ ചോ​ദ്യ​ത്തി​നു​മു​ന്നി​ൽ

ഫൈ​ന​ലി​ലേ​ക്ക്​ നീ​ങ്ങാ​ൻ ഊ​ർ​ജ​വും ആ​ത്മ​വി​ശ്വാ​സ​വും സ​മാ​ഹ​രി​ക്കേ​ണ്ടി​യി​രു​ന്ന സെ​മി​ഫൈ​ന​ലാ​ണ്​ ക​ഴി​ഞ്ഞ​ത്. ഭ​ര​ണ​വി​രു​ദ്ധ വി​കാ​ര​ങ്ങ​ൾ​ക്കു​മേ​ൽ വ​ർ​ഗീ​യ മേ​മ്പൊ​ടി വി​ത​റി സ്​​കോ​ർ ചെ​യ്യാ​ൻ ബി.​ജെ.​പി​ക്ക്​ ഒരി​ക്ക​ൽ​ക്കൂ​ടി ക​ഴി​ഞ്ഞു

ന്യൂ​ഡ​ൽ​ഹി: നി​യ​മ​സ​ഭ തെ​ര​ഞ്ഞെ​ടു​പ്പു ഫ​ല​ങ്ങ​ൾ പു​റ​ത്തു വ​ന്ന​പ്പോ​ൾ പ്ര​തി​പ​ക്ഷം 2024 എ​ന്ന വ​ലി​യ ചോ​ദ്യ​ത്തി​നു മു​ന്നി​ലാ​യി. മോ​ദി പ്ര​താ​പ​കാ​ല​ത്ത്​ ശ​ക്​​ത​മാ​യ ബ​ദ​ൽ മു​ന്നേ​റ്റ​മു​ണ്ടെ​ന്ന്​ ജ​ന​ത്തെ ബോ​ധ്യ​പ്പെ​ടു​ത്താ​ൻ കോ​ൺ​ഗ്ര​സി​ന്​ ക​ഴി​ഞ്ഞി​ല്ല. തെ​ന്നി​ന്ത്യ​ൻ കു​ളി​ര്​ പ്ര​തി​പ​ക്ഷ​ത്തി​ന്​ ന​ൽ​കു​ന്ന സ​മാ​ശ്വാ​സ​ത്തി​ന​പ്പു​റം, ഹി​ന്ദി ഹൃ​ദ​യ​ഭൂ​മി​യി​ൽ കൂ​ടു​ത​ൽ ഉ​യ​ര​ത്തി​ൽ ബി.​ജെ.​പി കാ​വി​ക്കൊ​ടി പാ​റി​ച്ചു.

ഫൈ​ന​ലി​ലേ​ക്ക്​ നീ​ങ്ങാ​ൻ ഊ​ർ​ജ​വും ആ​ത്മ​വി​ശ്വാ​സ​വും സ​മാ​ഹ​രി​ക്കേ​ണ്ടി​യി​രു​ന്ന സെ​മി​ഫൈ​ന​ലാ​ണ്​ ക​ഴി​ഞ്ഞ​ത്. ഭ​ര​ണ​വി​രു​ദ്ധ വി​കാ​ര​ങ്ങ​ൾ​ക്കു​മേ​ൽ വ​ർ​ഗീ​യ മേ​മ്പൊ​ടി വി​ത​റി സ്​​കോ​ർ ചെ​യ്യാ​ൻ ബി.​ജെ.​പി​ക്ക്​ വീ​ണ്ടു​മൊ​രി​ക്ക​ൽ​ക്കൂ​ടി ക​ഴി​ഞ്ഞു.

മോ​ദി-​​അ​മി​ത് ​ഷാ​മാ​രു​ടെ ഉ​ഗ്ര​ശാ​സ​ന​ത്തി​നു​കീ​ഴി​ലു​ള്ള ബി.​ജെ.​പി​യു​ടെ അ​ധി​കാ​ര​വും പ​ണ​ക്ക​രു​ത്തും മാ​ത്ര​മ​ല്ല, കോ​ൺ​​ഗ്ര​സി​ന്‍റെ തൊ​ഴു​ത്തി​ൽ​കു​ത്തും പാ​ർ​ട്ടി സം​വി​ധാ​ന​ത്തി​ന്‍റെ പോ​രാ​യ്മ​യും അ​തി​ന്​ ആ​ക്കം​കൂ​ട്ടി. തെ​ര​ഞ്ഞെ​ടു​പ്പു ന​ട​ന്ന എ​ല്ലാ സം​സ്ഥാ​ന​ങ്ങ​ളി​ലും പൊ​തു​വേ കോ​ൺ​ഗ്ര​സി​ന്​ അ​നു​കൂ​ല​മാ​യ നി​ന്ന സാ​ഹ​ച​ര്യ​ങ്ങ​ളാ​ണ്​ ഇ​തി​നി​ട​യി​ൽ അ​ട്ടി​മ​റി​ഞ്ഞ​ത്.

‘ഇ​ൻ​ഡ്യ’ പ്ര​സ്ഥാ​നം തു​ട​ക്ക​ത്തി​ലെ ആ​വേ​ശം ചോ​ർ​ന്ന്, നി​യ​മ​സ​ഭ തെ​ര​ഞ്ഞെ​ടു​പ്പു​ക​ൾ​ക്കു​ശേ​ഷം ഊ​ർ​ജം സ​മാ​ഹ​രി​ക്കാ​ൻ കാ​ത്തു നി​ൽ​ക്കു​ക​യാ​യി​രു​ന്നു. എ​ന്നാ​ൽ, ബി.​ജെ.​പി​​യോ​ടു​ള്ള പോ​രാ​ട്ട​ത്തി​ൽ ര​ണ്ടു സം​സ്ഥാ​ന​ങ്ങ​ളി​ലെ ഭ​ര​ണം ന​ഷ്ട​പ്പെ​ട്ട കോ​ൺ​ഗ്ര​സി​നെ മു​ന്നി​ൽ നി​ർ​ത്താ​ൻ സ​മ്മ​ത​മ​ല്ലാ​ത്ത പ്ര​തി​പ​ക്ഷ പാ​ർ​ട്ടി​ക​ളു​ടെ മ​നോ​ഭാ​വം കൂ​ട്ടാ​യ്മ​യു​ടെ മു​ന്നോ​ട്ടു​പോ​ക്കി​ൽ പ്ര​ധാ​ന ഘ​ട​ക​മാ​വും.

നി​യ​മ​സ​ഭ തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സ്​ അ​ടു​പ്പി​​ച്ചി​ല്ലെ​ന്ന പ​രാ​തി പ​ല​ർ​ക്കും ഇ​പ്പോ​ൾ ത​ന്നെ​യു​ണ്ട്. ലോ​ക്സ​ഭ തെ​ര​ഞ്ഞെ​ടു​പ്പി​ൽ ന​ട​പ്പാ​ക്കി​യെ​ടു​ക്കേ​ണ്ട സീ​റ്റു​ധാ​ര​ണ​ക​ളു​ടെ പ്രാ​ഥ​മി​ക പ​രീ​ക്ഷ​ണ​മാ​യി നി​യ​മ​സ​ഭ തെ​ര​ഞ്ഞെ​ടു​പ്പി​നെ കാ​ണാ​ൻ കോ​ൺ​ഗ്ര​സ്​ കൂ​ട്ടാ​ക്കി​യി​രു​ന്നു​മി​ല്ല.

ഇ​പ്പോ​ഴ​ത്തെ തോ​ൽ​വി​കൊ​ണ്ട് പ്ര​തി​പ​ക്ഷ​ത്തി​ന്‍റെ വീ​ര്യം ചോ​ര​ണ​മെ​ന്നി​ല്ല. ഐ​ക്യ​ബോ​ധം ശ​ക്​​തി​പ്പെ​ടാ​നും അ​തു വ​ഴി​വെ​ച്ചേ​ക്കാം. ബി.​ജെ.​പി​യെ അ​ധി​കാ​ര​ത്തി​ന്​ പു​റ​ത്താ​ക്കി​യേ മ​തി​യാ​വൂ എ​ന്ന ചി​ന്ത​യാ​ണ്​ ഇ​ൻ​ഡ്യ​യെ​ന്ന പൊ​തു​വേ​ദി​യു​ടെ പി​റ​വി​ക്ക്​ കാ​ര​ണം.

സെ​മി​ഫൈ​ന​ൽ തോ​ൽ​വി ഈ ​ചി​ന്ത​ക്ക്​ ആ​ക്കം പ​ക​രാ​നും മ​തി. ഇ​ൻ​ഡ്യ​യി​ലെ ര​ണ്ടു ഡ​സ​ൻ പാ​ർ​ട്ടി​ക​ളി​ൽ മ​റു​ക​ണ്ടം ചാ​ടാ​നും പി​ന്നാ​ക്കം പോ​കാ​നും സാ​ധ്യ​ത​യു​ള്ള​വ​ർ വി​ര​ളം. പ​ക്ഷേ, സീ​റ്റു ധാ​ര​ണ​ക​ളും മോ​ദി​ക്കെ​തി​രെ അ​വ​ത​രി​പ്പി​ക്കേ​ണ്ട നേ​തൃ​മു​ഖം, സീ​റ്റു​ധാ​ര​ണ, നി​ല​പാ​ടു​ക​ൾ എ​ന്നി​വ​യു​ടെ കാ​ര്യ​ത്തി​ലു​ള്ള അ​വ്യ​ക്​​ത​ത​ക​ൾ വോ​ട്ട​ർ​ക്ക്​ സ​മ്മാ​നി​ക്കു​ന്ന​ത്​ ആ​ശ​യ​ക്കു​ഴ​പ്പ​മാ​ണ്.

ബി.​ജെ.​പി ത​ൽ​ക്കാ​ലം അ​തി​ജീ​വി​ച്ച​ത്​ വ​ലി​യൊ​രു പ്ര​തി​സ​ന്ധി​യാ​ണ്. ബി​ഹാ​ർ കൈ​വി​ട്ട്​ ക​ർ​ണാ​ട​ക​ത്തി​ലും ഹി​മാ​ച​ൽ പ്ര​ദേ​ശി​ലും തോ​റ്റു​നി​ൽ​ക്കേ, മ​ധ്യ​പ്ര​ദേ​ശ്​ ന​ഷ്ട​പ്പെ​ടു​ന്ന​ത്​ ബി.​ജെ.​പി​യു​ടെ ലോ​ക്സ​ഭ തെ​ര​ഞ്ഞെ​ടു​പ്പു സാ​ധ്യ​ത​ക​ൾ​ക്കു​മേ​ൽ ക​രി​നി​ഴ​ൽ വീ​ഴ്​​ത്തി​യേ​നെ.

അ​വി​ടെ നാ​ലാ​മൂ​ഴം നേ​ടു​ക മാ​ത്ര​മ​ല്ല, കോ​ൺ​ഗ്ര​സി​ൽ​നി​ന്ന്​ രാ​ജ​സ്ഥാ​നും ഛത്തി​സ്​​ഗ​ഢും പി​ടി​ച്ചെ​ടു​ക്കു​ക കൂ​ടി ചെ​യ്ത​തോ​ടെ കി​ട്ടി​യ​ത്​ ഒ​രു വെ​ടി​ക്ക്​ മൂ​ന്നു​പ​ക്ഷി. ഹി​ന്ദി മേ​ഖ​ല ബി.​ജെ.​പി​യേ​ക്കാ​ൾ മോ​ദി​ക്കൊ​പ്പ​മാ​ണെ​ന്ന്​ സെ​മി​ഫൈ​ന​ൽ തെ​ളി​യി​ച്ചു. എ​ന്നാ​ൽ, വി​വി​ധ തെ​ക്കേ ഇ​ന്ത്യ​ൻ സം​സ്ഥാ​ന​ങ്ങ​ളി​ലൊ​ന്നു പോ​ലും കൂ​ടെ​യി​ല്ലെ​ന്ന അ​ല​ട്ട​ൽ ബാ​ക്കി.

അ​യോ​ധ്യ പോ​ലു​ള്ള കാ​വി​യ​ജ​ണ്ട​ക​ൾ മ​ധ്യ​പ്ര​ദേ​ശി​ൽ വ്യ​ക്​​ത​മാ​യ നേ​ട്ടം ബി.​ജെ.​പി​ക്കു ന​ൽ​കി​യ​പ്പോ​ൾ, ജ​ന​ങ്ങ​ളെ ബാ​ധി​ക്കു​ന്ന വി​വി​ധ വി​ഷ​യ​ങ്ങ​ളും സ്വ​ന്തം സ​ർ​ക്കാ​റു​ക​ളു​ടെ ജ​ന​ക്ഷേ​മ പ്ര​വ​ർ​ത്ത​ന​ങ്ങ​ളും പ​റ​ഞ്ഞു ഫ​ലി​പ്പി​ച്ച്​ വോ​ട്ടാ​ക്കി മാ​റ്റാ​ൻ കോ​ൺ​ഗ്ര​സി​ന്​ ക​ഴി​ഞ്ഞി​ല്ല.

എ​ന്നു മാ​ത്ര​മ​ല്ല, മൃ​ദു​ഹി​ന്ദു​ത്വം പ​രീ​ക്ഷി​ക്കു​ക​യു​മാ​യി​രു​ന്നു കോ​ൺ​ഗ്ര​സ്. ഇ​പ്പോ​ഴ​ത്തെ ഫ​ലം ബി.​ജെ.​പി​യു​ടെ അ​ജ​ണ്ട​ക​ൾ​ക്കും പ്ര​തി​പ​ക്ഷ​ത്തി​നു നേ​രെ​യു​ള്ള ആ​ക്ര​മ​ണോ​ത്സു​ക​ത​ക്കും പു​തി​യ പ്രേ​ര​ണ​ക​ൾ ന​ൽ​കു​മെ​ന്ന്​ ക​രു​തു​ന്ന​വ​ർ ഏ​റെ. നി​യ​മ​സ​ഭ തെ​ര​ഞ്ഞെ​ടു​പ്പു ഫ​ല​ങ്ങ​ളു​മാ​യാ​ണ്​ ശീ​ത​കാ​ല പാ​ർ​ല​മെ​ന്‍റ്​ സ​മ്മേ​ള​ന​ത്തി​ലേ​ക്ക്​ ഭ​ര​ണ-​പ്ര​തി​പ​ക്ഷ പാ​ർ​ട്ടി​ക​ൾ എ​ത്തു​ന്ന​ത്.

ബി.​ജെ.​പി​യു​ടെ പു​തി​യ നീ​ക്ക​ങ്ങ​ൾ പാ​ർ​ല​മെ​ന്‍റി​ൽ ദൃ​ശ്യ​മാ​കും. മ​ധ്യ​പ്ര​ദേ​ശി​ലെ പ​രീ​ക്ഷ​ണ വി​ജ​യ​ത്തി​ന്‍റെ പി​ന്നാ​ലെ, ലോ​ക്സ​ഭ തെ​ര​ഞ്ഞെ​ടു​പ്പി​ൽ അ​യോ​ധ്യ അ​ട​ക്ക​മു​ള്ള അ​ജ​ണ്ട​ക​ൾ ശ​ക്​​ത​മാ​യ പ്ര​മേ​യ​മാ​വു​ക​യും ചെ​യ്യും.