ഒരു ദാവോസ് മാമാങ്കം കൂടി

സ്വി​റ്റ്സ​ർ​ല​ൻ​ഡി​ലെ ദാ​വോ​സി​ൽ ആ​ഗോ​ള രാ​ഷ്ട്രീ​യ നേ​താ​ക്ക​ളും സാ​മ്പ​ത്തി​ക സ്ഥാ​പ​ന പ്ര​തി​നി​ധി​ക​ളും ധ​നി​ക വ്യ​വ​സാ​യി​ക​ളു​മെ​ല്ലാം ഒ​രി​ക്ക​ൽ​കൂ​ടി ഒ​ത്തു​കൂ​ടി സ​മ​കാ​ലി​ക ലോ​ക​ത്തി​ന്റെ രാ​ഷ്ട്രീ​യ-​സാ​മ്പ​ത്തി​ക അ​വ​സ്ഥ​ക​ളും പ്ര​ശ്ന​ങ്ങ​ളും പ​രി​ഹാ​ര​മാ​ർ​ഗ​ങ്ങ​ളും ച​ർ​ച്ച ചെ​യ്തു പി​രി​ഞ്ഞു. ശ​ത​കോ​ടീ​ശ്വ​ര​ന്മാ​രും ലോ​ക​ത്തെ മ​റ്റു വി​ശി​ഷ്ട​രും ചേ​ർ​ന്ന് ലോ​ക​ത്തി​ന്റെ പ്ര​ശ്ന​ങ്ങ​ൾ പ​രി​ഹ​രി​ക്കാ​നെ​ന്ന ഭാ​വ​ത്തി​ൽ കൂ​ടി​യി​രി​ക്കു​ന്ന​തി​നെ​ക്കു​റി​ച്ച്​​ ‘ഫോ​റി​ൻ പോ​ളി​സി’ മാ​ഗ​സി​നി​ലെ മൈ​ക്ക​ൽ ഹെ​ർ​ഷ് നി​രീ​ക്ഷി​ച്ച​തി​ൽ ശ​രി​യു​ണ്ട്. ഈ ​പ്ര​ശ്ന​ങ്ങ​ളൊ​ക്കെ നി​ല​നി​ർ​ത്തി​ക്കൊ​ണ്ടു​പോ​കു​ന്ന യ​ഥാ​ർ​ഥ പ്ര​തി​ക​ളു​ടെ കൂ​ട്ടാ​യ്മ​യെ​ന്നാ​ണ്​ അ​ദ്ദേ​ഹം ദാ​വോ​സ്​ സം​ഗ​മ​ത്തെ വി​ശേ​ഷി​പ്പി​ച്ച​ത്.

60 രാ​ഷ്ട്ര​ത്ത​ല​വ​ന്മാ​രും ആ​ഗോ​ള വ്യ​വ​സാ​യ പ്ര​മു​ഖ​രും സ​ർ​ക്കാ​ർ-​സ​ർ​ക്കാ​റേ​ത​ര പ്ര​തി​നി​ധി​ക​ളും ഉ​ൾ​പ്പെ​ടെ 2800 പ്ര​തി​നി​ധി​ക​ൾ ദാ​വോ​സി​ൽ ഒ​ത്തു​ചേ​രു​മ്പോ​ൾ ഉ​ഭ​യ/​ബ​ഹു ക​ക്ഷി ച​ർ​ച്ച​ക​ൾ ന​ട​ക്കു​ന്ന​തി​ന്‍റെ ഭാ​ഗ​മാ​യി ഒ​ട്ടേ​റെ സാ​മ്പ​ത്തി​ക ക​രാ​റു​ക​ളും ഒ​പ്പി​ടാ​റു​ണ്ട്. തെ​ല​ങ്കാ​ന സ​ർ​ക്കാ​ർ മൊ​ത്തം ഒ​പ്പി​ട്ട 36,500 കോ​ടി രൂ​പ​യു​ടെ വി​ക​സ​ന ക​രാ​റു​ക​ൾ, മ​ഹാ​രാ​ഷ്ട്ര സ​ർ​ക്കാ​ർ ഒ​പ്പി​ട്ട മൂ​ന്ന​ര​ല​ക്ഷം കോ​ടി രൂ​പ​യു​ടെ ക​രാ​റു​ക​ൾ എ​ന്നി​വ ഉ​ദാ​ഹ​ര​ണം.

1971 ജ​നു​വ​രി​യി​ൽ സ്വി​റ്റ്​​സ​ർ​ല​ൻ​ഡി​ലെ​ത​ന്നെ ജ​നീ​വ​ക്ക​ടു​ത്ത് ഒ​രു ജ​ർ​മ​ൻ എ​ൻ​ജി​നീ​യ​റാ​യ ക്ലൗ​സ് ഷ്വാ​ബി​ന്റെ നേ​തൃ​ത്വ​ത്തി​ൽ ഒ​രു സ​ർ​ക്കാ​റേ​ത​ര സം​ഘ​ട​ന​യാ​യി നി​ല​വി​ൽ​വ​ന്ന​താ​ണ് ലോ​ക സാ​മ്പ​ത്തി​ക ഫോ​റം (വേ​ൾ​ഡ് ഇ​ക്ക​ണോ​മി​ക് ഫോ​റം-​ഡ​ബ്ല്യു.​ഇ.​എ​ഫ്). വ്യാ​പാ​ര, രാ​ഷ്ട്രീ​യ, അ​ക്കാ​ദ​മി​ക നേ​തൃ​ത്വ​ങ്ങ​ൾ സം​ഗ​മി​ച്ച് ലോ​ക​ത്തി​ന്റെ അ​വ​സ്ഥ മെ​ച്ച​പ്പെ​ടു​ത്താ​നും വ്യാ​പാ​ര-​വ്യ​വ​സാ​യ അ​ജ​ണ്ട​ക​ൾ നി​ർ​ണ​യി​ക്കാ​നും ല​ക്ഷ്യ​മി​ട്ട ഉ​ച്ച​കോ​ടി​ക​ൾ പ​ത്തെ​ണ്ണം ക​ഴി​ഞ്ഞി​ട്ടും ഇ​തു​വ​രെ എ​ത്ര​മാ​ത്രം മു​ന്നോ​ട്ടു​പോ​യി എ​ന്ന് ഓ​രോ വാ​ർ​ഷി​ക സ​മ്മേ​ള​നം ക​ഴി​യു​മ്പോ​ഴും അ​വ​ലോ​ക​നം ചെ​യ്യേ​ണ്ട​താ​ണ്. അ​തി​ലും പ്ര​ധാ​ന​മാ​ണ്​ മേ​ൽ​പ​റ​ഞ്ഞ വ്യ​ത്യ​സ്ത വേ​ദി​ക​ളു​ടെ ഏ​കോ​പി​ച്ച പ്ര​വ​ർ​ത്ത​നം എ​ന്തു​മാ​ത്രം ഫ​ല​പ്ര​ദ​മാ​യി എ​ന്ന​ത്. ഇ​തി​നൊ​ന്നും ഈ ​വ​ർ​ഷ​ത്തെ ദാ​വോ​സ്​ ഉ​ച്ച​കോ​ടി​യും ഉ​ത്ത​രം ന​ൽ​കു​ന്നി​ല്ല.

2023 ലെ ​ദാ​വോ​സ് ഉ​ച്ച​കോ​ടി​യു​ടെ സ​മ​യ​ത്ത് രൂ​ക്ഷ​മാ​യി​രു​ന്ന യു​ക്രെ​യ്ൻ യു​ദ്ധ​വും ക​ഴി​ഞ്ഞ വ​ർ​ഷാ​വ​സാ​നം പൊ​ട്ടി​പ്പു​റ​പ്പെ​ട്ട ഫ​ല​സ്തീ​ൻ - ഇ​സ്രാ​യേ​ൽ സം​ഘ​ർ​ഷ​വും 2024 ഉ​ച്ച​കോ​ടി ന​ട​ക്കു​മ്പോ​ൾ ലോ​ക​ത്തെ അ​ല​ട്ടു​ന്ന ര​ണ്ടു സം​ഘ​ർ​ഷ​ങ്ങ​ളാ​യി നി​ല​വി​ലു​ണ്ട്. എ​ന്നാ​ൽ, ഫ​ല​സ്തീ​ൻ പ്ര​ശ്‌​ന​ത്തി​ന്​ അ​ന്ത്യം കു​റി​ക്കു​ന്ന എ​ന്തെ​ങ്കി​ലും സ​മീ​പ​ന​രേ​ഖ ദാ​വോ​സ് ച​ർ​ച്ച​ക​ളി​ൽ ഉ​രു​ത്തി​രി​ഞ്ഞി​ട്ടി​ല്ല. യു​ദ്ധ​മെ​ന്ന രാ​ഷ്ട്രീ​യ​സം​ഭ​വം സ്വാ​ധീ​നി​ക്കു​ന്ന സാ​മ്പ​ത്തി​ക മ​ണ്ഡ​ല​ത്തി​ലും അ​ർ​ഥ​വ​ത്താ​യ തു​ട​ക്ക​ങ്ങ​ളു​ണ്ടാ​യി​ല്ല. ഉ​ദാ​ഹ​ര​ണ​മാ​യി ഗ​സ്സ​യി​ലെ വീ​ടു​ക​ൾ പു​ന​ർ​നി​ർ​മി​ക്കാ​ൻ മാ​ത്രം 15 ബി​ല്യ​ൺ ഡോ​ള​ർ വേ​ണ്ടി​വ​രു​മെ​ന്നു ഫ​ല​സ്തീ​ൻ ഇ​ൻ​വെ​സ്റ്റ്മെ​ന്റ് ഫ​ണ്ട് മേ​ധാ​വി ഡോ. ​മു​ഹ​മ്മ​ദ് മു​സ്ത​ഫ പ​റ​ഞ്ഞെ​ങ്കി​ലും, സ്ഥി​രം സ​മാ​ധാ​ന​ത്തി​നു​ള്ള പ​ദ്ധ​തി​ക​ൾ​കൂ​ടി ഉ​ണ്ടെ​ങ്കി​ലേ പു​ന​ർ​നി​ർ​മാ​ണ​ങ്ങ​ൾ​ക്ക് സ​ഹാ​യം വാ​ഗ്ദാ​നം ചെ​യ്യാ​ൻ​ക​ഴി​യൂ എ​ന്ന​നി​ല​പാ​ടാ​ണ് അ​റ​ബ് രാ​ജ്യ​ങ്ങ​ൾ​ത​ന്നെ എ​ടു​ത്ത​ത്. പ​ല പ്ര​തി​നി​ധി​ക​ളും ഇ​ത​ര രാ​ഷ്ട്ര​ങ്ങ​ളി​ൽ​നി​ന്നു​ള്ള​വ​രു​ടെ എ​തി​ർ​പ്പ്​ ഭ​യ​ന്ന്​ യു​ദ്ധ​ത്തെ​ക്കു​റി​ച്ച് സം​സാ​രി​ക്കാ​ൻ വ​ല്ലാ​തെ ശ​ങ്കി​ച്ചു.

അ​തു​കൊ​ണ്ട് യു​ദ്ധം കാ​ര​ണ​മാ​യു​ള്ള ഊ​ർ​ജ-​ഭ​ക്ഷ്യ ദൗ​ർ​ല​ഭ്യ​മോ അ​ത് വ​രു​ത്തു​ന്ന ഭീ​മ​മാ​യ മ​നു​ഷ്യ​വി​ഭ​വ ന​ഷ്ട​മോ ആ ​നി​ല​യി​ൽ​പോ​ലും ദാ​വോ​സി​ന് ച​ർ​ച്ചാ​വി​ഷ​യ​മാ​യി​ല്ല. ഫ​ല​സ്തീ​ൻ വി​ഷ​യ​ത്തി​ൽ​ത​ന്നെ അ​മേ​രി​ക്ക, ഫ​ല​സ്തീ​നും ഇ​സ്രാ​യേ​ലും ര​ണ്ടു രാ​ഷ്ട്ര​ങ്ങ​ളാ​യി ഒ​ന്നി​ച്ച് നി​ല​നി​ൽ​ക്ക​ണ​മെ​ന്ന അ​ഭി​പ്രാ​യം വീ​ണ്ടും കാ​ൽ​പ​നി​ക​ഭാ​വ​ത്തി​ൽ ആ​വ​ർ​ത്തി​ച്ചെ​ന്നു മാ​ത്രം. പ​ക്ഷേ, അ​തി​ന​പ്പു​റം ചെ​യ്യേ​ണ്ട വേ​ദി​ക​ളി​ലാ​ണ് യു.​എ​സ്​ റോ​ൾ നി​ർ​ണാ​യ​ക​മാ​വു​ന്ന​ത്. അ​തി​ന്റെ സൂ​ച​ന​ക​ളും ദാ​വോ​സി​ൽ ദൃ​ശ്യ​മാ​യി​ല്ല.

ചൈ​ന​യെ തു​റി​ച്ചു​നോ​ക്കു​ന്ന സാ​മ്പ​ത്തി​ക മാ​ന്ദ്യ​മാ​ണ് മ​റ്റൊ​രു ച​ർ​ച്ച. ചൈ​നീ​സ് സ​മ്പ​ദ്​​വ്യ​വ​സ്ഥ അ​വ​രു​ടെ ആ​ഭ്യ​ന്ത​ര വി​ഷ​യ​ത്തി​ന​പ്പു​റ​മാ​ണി​ന്ന്. ചൈ​ന​യു​ടെ മേ​ധാ​വി​ത്വം ദു​ർ​ബ​ല​മാ​ക്കാ​ൻ അ​വ​സ​രം പാ​ർ​ത്തി​രി​ക്കു​ന്ന അ​മേ​രി​ക്ക​യും മ​റു​വ​ശ​ത്തു​ണ്ട്. 2023 ൽ ​ചൈ​ന 5.2 ശ​ത​മാ​നം വ​ള​ർ​ച്ച നേ​ടി​യെ​ങ്കി​ലും അ​ത് കോ​വി​ഡ്-​പൂ​ർ​വ വ​ള​ർ​ച്ചാ നി​ര​ക്കി​ന്റെ ഏ​റെ താ​ഴെ​യാ​ണ​ത്രെ.

പാ​ശ്ചാ​ത്യ നി​ക്ഷേ​പ​ക​ർ ഇ​പ്പോ​ൾ ചൈ​ന​യി​ൽ പ​ഴ​യ നി​ക്ഷേ​പ​താ​ൽ​പ​ര്യം കാ​ണി​ക്കു​ന്നി​ല്ല. അ​വ​സ​രം മു​ത​ലെ​ടു​ത്ത്​ ആ ​ഇ​ടം ഇ​ന്ത്യ പി​ടി​ച്ച​ട​ക്കു​ന്ന​താ​യും ചൂ​ണ്ടി​ക്കാ​ണി​ക്ക​പ്പെ​ടു​ന്നു. ലോ​ക സാ​മ്പ​ത്തി​ക ഫോ​റ​ത്തി​ന്റെ സ​ഹ​ക​ര​ണ​ത്തോ​ടെ ഇ​ന്ത്യ ന​ട​പ്പാ​ക്കി​വ​രു​ന്ന ലിം​ഗ​നീ​തി​ക്കാ​യു​ള്ള ന​ട​പ​ടി​ക​ൾ ഉ​ച്ച​കോ​ടി​യു​ടെ പ്ര​ശം​സ പി​ടി​ച്ചു​പ​റ്റു​ക​യു​ണ്ടാ​യി. അ​ന്താ​രാ​ഷ്ട്ര വേ​ദി​ക​ളി​ലെ ഈ ​തി​ള​ക്ക​ത്തി​ന​പ്പു​റം ലിം​ഗ​നീ​തി​യി​ൽ ഇ​ന്ത്യ എ​വി​ടെ​യെ​ന്ന ചോ​ദ്യ​ത്തി​ന്​ നാ​ട്ടു​കാ​രെ​ത​ന്നെ വി​ശ്വ​സി​പ്പി​ക്കാ​വു​ന്ന ഉ​ത്ത​രം ഇ​നി​യും ദൃ​ശ്യ​മാ​യി​ട്ടു​ണ്ടോ എ​ന്നു സം​ശ​യ​മാ​ണ്. അ​ന്താ​രാ​ഷ്ട്ര വി​ഷ​യ​ങ്ങ​ളി​ൽ പ​ര​സ്പ​ര​ധാ​ര​ണ​യും സൗ​ഹൃ​ദ​വും സ​ഹ​ക​ര​ണ​വു​മാ​ണ്​ ദാ​വോ​സ്​ പോ​ലു​ള്ള ഉ​ച്ച​കോ​ടി​ക​ൾ ല​ക്ഷ്യ​മി​ടേ​ണ്ട​ത്. ഇ​ക്കൊ​ല്ല​ത്തെ വേ​ൾ​ഡ് ഇ​ക്ക​ണോ​മി​ക് ഫോ​റ​വും അ​തി​ൽ കാ​ര്യ​മാ​യ എ​ന്തെ​ങ്കി​ലും സം​ഭാ​വ​ന ന​ൽ​കി​യ​താ​യി തെ​ളി​യി​ക്ക​പ്പെ​ട്ടി​ട്ടു വേ​ണം.