നി​യ​മ​നി​ർ​മാ​ണ സ​ഭ​ക​ളി​ലെ സ്ത്രീസം​വ​ര​ണം

സ്വാ​ത​ന്ത്ര്യ​ത്തി​ന്റെ 75 സം​വ​ത്സ​ര​ങ്ങ​ൾ പി​ന്നി​ട്ട ഇ​ന്ത്യ എ​ന്ന ഭാ​ര​ത​ത്തി​ന്റെ പ​ര​മോ​ന്ന​ത നി​യ​മ​നി​ർ​മാ​ണ സ​ഭ​യാ​യ ലോ​ക്സ​ഭ​യി​ലും സം​സ്ഥാ​ന നി​യ​മ​സ​ഭ​ക​ളി​ലും 33 ശ​ത​മാ​നം വ​നി​താ സം​വ​ര​ണം ഉ​റ​പ്പാ​ക്കു​ന്ന ഭ​ര​ണ​ഘ​ട​ന ഭേ​ദ​ഗ​തി ബി​ൽ, ക​ഴി​ഞ്ഞ ദി​വ​സം ഉ​ദ്ഘാ​ട​നം ചെ​യ്യ​പ്പെ​ട്ട ന​വ​നി​ർ​മി​ത പാ​ർ​ല​മെ​ന്റ് മ​ന്ദി​ര​ത്തി​ലെ പ്ര​ഥ​മ സ​മ്മേ​ള​ന​ത്തി​ൽ അ​വ​ത​രി​പ്പി​ക്ക​പ്പെ​ട്ടി​രി​ക്കു​ക​യാ​ണ്. വ​നി​താ സം​വ​ര​ണം ന​ട​പ്പാ​ക്കാ​ൻ ദൈ​വം ത​ന്നെ സ​വി​ശേ​ഷ​മാ​യി തി​ര​ഞ്ഞെ​ടു​ത്ത​താ​ണെ​ന്ന് പ്ര​ധാ​ന​മ​ന്ത്രി ത​ന്റെ ആ​മു​ഖ പ്ര​സം​ഗ​ത്തി​ൽ അ​വ​കാ​ശ​പ്പെ​ട്ടി​ട്ടു​ണ്ടെ​ങ്കി​ലും 1996ലും 1998​ലും 1999ലും 2008​ലും വ​നി​താ സം​വ​ര​ണ ബി​ൽ പാ​ർ​ല​മെ​ന്റി​ൽ അ​വ​ത​രി​പ്പി​ക്ക​പ്പെ​ട്ടി​രു​ന്നു എ​ന്ന യാ​ഥാ​ർ​ഥ്യം ബാ​ക്കി​നി​ൽ​ക്കു​ന്നു.

2010ലാ​വ​ട്ടെ കോ​ൺ​ഗ്ര​സ്, ബി.​ജെ.​പി, ഇ​ട​തു​പ​ക്ഷ പാ​ർ​ട്ടി​ക​ളു​ടെ പി​ന്തു​ണ​യോ​ടെ രാ​ജ്യ​സ​ഭ അ​ത് പാ​സാ​ക്കു​ക​കൂ​ടി ചെ​യ്തു. എ​ന്നാ​ൽ, 13 വ​ർ​ഷ​ങ്ങ​ൾ പി​ന്നി​ട്ട​പ്പോ​ഴും ലോ​ക്സ​ഭ അ​ത് പാ​സാ​ക്കു​ക​യു​ണ്ടാ​യി​ല്ല. വ​നി​താ സം​വ​ര​ണ​ത്തി​ൽ ഒ.​ബി.​സി​ക്ക് പ്ര​ത്യേ​ക സം​വ​ര​ണം വ്യ​വ​സ്ഥ ചെ​യ്യ​ണ​മെ​ന്ന് എ​സ്.​പി, ആ​ർ.​ജെ.​ഡി, ബി.​എ​സ്.​പി ക​ക്ഷി​ക​ൾ ശ​ഠി​ച്ച​താ​ണ് പു​റ​മേ​ക്കു​പ​റ​ഞ്ഞ കാ​ര​ണം. പു​തു​താ​യി നി​യ​മ​മ​ന്ത്രി അ​ർ​ജു​ൻ റാം ​മേ​ഘ് വാ​ൾ അ​വ​ത​രി​പ്പി​ച്ച ബി​ല്ലി​ലും മ​റ്റു പി​ന്നാ​ക്ക സ​മു​ദാ​യ​ക്കാ​രു​ടെ സം​വ​ര​ണ​ത്തെ​ക്കു​റി​ച്ച് പ​രാ​മ​ർ​ശ​മി​ല്ല. എ​ങ്കി​ലും പ്ര​ധാ​ന ക​ക്ഷി​ക​ളെ​ല്ലാം പി​ന്തു​ണ കാ​ലേ​ക്കൂ​ട്ടി പ്ര​ഖ്യാ​പി​ച്ചി​രി​ക്കെ, 2024ലെ ​തെ​ര​ഞ്ഞെ​ടു​പ്പ് മു​ന്നി​ൽ​ക്ക​​ണ്ട് പൊ​ടു​ന്ന​നെ കൊ​ണ്ടു​വ​ന്ന ഈ ​ഭ​ര​ണ​ഘ​ട​നാ ഭേ​ദ​ഗ​തി പാ​ർ​ല​മെ​ന്റ് ഏ​ക​ക​ണ്ഠ​മാ​യ​ല്ലെ​ങ്കി​ൽ വ​ൻ ഭൂ​രി​പ​ക്ഷ​ത്തോ​ടെ പാ​സാ​ക്കു​മെ​ന്നാ​ണ് പ്ര​തീ​ക്ഷി​ക്കേ​ണ്ട​ത്; അ​ടു​ത്ത ലോ​ക്സ​ഭ തെരഞ്ഞെടുപ്പി​ൽ അ​ത് ന​ട​പ്പാ​യി​ല്ലെ​ങ്കി​ലും.

ആ​ഗോ​ള​ത​ല​ത്തി​ൽ നി​യ​മ​നി​ർ​മാ​ണ സ​ഭ​ക​ളി​ലെ സ്ത്രീ ​പ്രാ​തി​നി​ധ്യം 25.8 ശ​ത​മാ​ന​മാ​യി​രി​ക്കെ, വെ​റും 14.4 ശ​ത​മാ​ന​വു​മാ​യി 148ാമ​താ​ണ് ഇ​ന്ത്യ​യു​ടെ സ്ഥാ​നം. 543 അം​ഗ പാ​ർ​ല​മെ​ന്റി​ൽ 78 വ​നി​ത​ക​ളേ തെ​ര​ഞ്ഞെ​ടു​ക്ക​പ്പെ​ട്ടി​ട്ടു​ള്ളൂ. നി​ശ്ച​യ​മാ​യും എ​ന്നോ തി​രു​ത്ത​പ്പെ​ടേ​ണ്ട അ​നീ​തി​യാ​ണ്, ജ​ന​സം​ഖ്യ​യി​ൽ പാ​തി​യോ​ളം വ​രു​ന്ന സ്ത്രീ​സ​മൂ​ഹ​ത്തോ​ട് രാ​ജ്യം അ​നു​വ​ർ​ത്തി​ച്ച​ത് എ​ന്ന​തി​ന് കൂ​ടു​ത​ൽ തെ​ളി​വു​ക​ൾ വേ​ണ്ട. സാ​ധാ​ര​ണ പ​റ​യാ​റു​ള്ള പു​രു​ഷ മേ​ധാ​വി​ത്വ​മാ​ണ് ഈ ​വി​വേ​ച​ന​ത്തി​ന്റെ പി​ന്നി​ലെ​ന്ന​ത് സ​ത്യ​മാ​ണെ​ങ്കി​ലും ന​മ്മു​ടെ രാ​ജ്യ​ത്തി​ന്റെ സാ​മൂ​ഹി​ക, സാം​സ്കാ​രി​ക, രാ​ഷ്ട്രീ​യ സാ​ഹ​ച​ര്യ​ങ്ങ​ൾ​ക്ക് ഈ ​അ​വ​സ്ഥാ​വി​ശേ​ഷ​ത്തി​ൽ പ്ര​ധാ​ന പ​ങ്കു​ണ്ട്. സ്ത്രീ ​അ​മ്മ​യാ​ണ്, ഭാ​ര​തം ന​മ്മു​ടെ മാ​തൃ​രാ​ജ്യ​മാ​ണ്, മാ​തൃ​പാ​ദ​ങ്ങ​ൾ​ക്ക​ടി​യി​ലാ​ണ് സ്വ​ർ​ഗം എ​ന്നൊ​ക്കെ പ്ര​ഘോ​ഷി​ക്കാ​ൻ ന​മു​ക്ക് നാ​വു​ക​ളേ​റെ​യു​ണ്ടെ​ങ്കി​ലും മാ​താ​വ്, പ​ത്നി, പു​ത്രി, സ​ഹോ​ദ​രി എ​ന്നീ നി​ല​ക​ളി​ലൊ​ന്നും സ്ത്രീ​ക്ക് മാ​നു​ഷി​ക പ​രി​ഗ​ണ​ന ന​ൽ​കാ​ൻ​പോ​ലും ന​മ്മു​ടെ സ​മൂ​ഹ​ത്തി​ന് സാ​മാ​ന്യ​മാ​യി സാ​ധി​ച്ചി​രു​ന്നി​ല്ല. മാ​ന്യ​വും സു​ര​ക്ഷി​ത​വു​മാ​യ ജീ​വി​താ​ന്ത​രീ​ക്ഷം വ​നി​ത​ക​ൾ​ക്ക് ഒ​രു​ക്കു​ന്ന​തി​ലോ സ്ത്രീ​വി​ദ്യാ​ഭ്യാ​സം അ​ർ​ഹ​മാം​വി​ധം സാ​ർ​വ​ത്രി​ക​മാ​ക്കു​ന്ന​തി​ലോ സ്ത്രീ​ശാ​ക്തീ​ക​ര​ണം നാ​നാ ജീ​വി​ത​രം​ഗ​ങ്ങ​ളി​ൽ ന​ട​പ്പാ​ക്കു​ന്ന​തി​നോ കോ​ള​നി​വാ​ഴ്ച​യി​ൽ​നി​ന്ന് മോ​ച​നം നേ​ടി മു​ക്കാ​ൽ നൂ​റ്റാ​ണ്ടി​നു​ശേ​ഷ​വും നാം ​ല​ക്ഷ്യം ക​ണ്ടി​ല്ലെ​ന്ന് സ​മ്മ​തി​ക്കു​ന്ന​താ​ണ് യാ​ഥാ​ർ​ഥ്യ​ബോ​ധം. വി​ദ്യാ​ഭ്യാ​സ​ത്തി​ലും ക​ലാ​സാ​ഹി​ത്യ സാം​സ്കാ​രി​ക മേ​ഖ​ല​ക​ളി​ലും ഒ​രു പ​രി​ധി​വ​രെ രാ​ഷ്ട്രീ​യ​ത്തി​ലും പ്ര​ത്യാ​ശ​ജ​ന​ക​മാ​യ മാ​റ്റ​ങ്ങ​ൾ വ​ന്നി​ട്ടു​ണ്ടെ​ന്ന​ത് ശ​രി​യാ​ണ്. വി​ശി​ഷ്യാ വി​ദ്യാ​ഭ്യാ​സ മേ​ഖ​ല​ക​ളി​ൽ ആ​ൺ​കു​ട്ടി​ക​ളേ​ക്കാ​ൾ മി​ടു​ക്കി​ക​ൾ ക​ഴി​വ് തെ​ളി​യി​ക്കു​ന്നു​ണ്ടെ​ന്ന​തും അ​ഭി​മാ​ന​ക​രം ത​ന്നെ. സ്ത്രീ ​അ​ബ​ല​യും പു​രു​ഷ​ന്റെ കൈ​ത്താ​ങ്ങി​ൽ ജീ​വി​ക്കേ​ണ്ട​വ​ളു​മാ​ണെ​ന്ന ചി​ര​കാ​ല മി​ഥ്യാ​ധാ​ര​ണ​ക​ൾ തി​രു​ത്ത​പ്പെ​ട്ടു​തു​ട​ങ്ങി​യി​ട്ടു​ണ്ട്. സം​തൃ​പ്തി​ക്ക് വ​ക​ന​ൽ​കു​ന്ന ഈ ​മാ​റ്റം ത്വ​ര​പ്പെ​ടു​ത്താ​ൻ സ​ഹാ​യ​ക​മാ​വും നി​യ​മ​നി​ർ​മാ​ണ സ​ഭ​ക​ളി​ലെ വ​ർ​ധി​ത സ്ത്രീ​പ്രാ​തി​നി​ധ്യം എ​ന്ന ശു​ഭ​പ്ര​തീ​ക്ഷ ക​ര​ണീ​യം​ത​ന്നെ.

എ​ന്നാ​ൽ, അ​ധി​കാ​ര രാ​ഷ്ട്രീ​യ​ത്തി​ന്റെ പ​ട​വു​ക​ളി​ൽ പ്ര​തി​കൂ​ല ഘ​ട​ക​ങ്ങ​ളെ വ​ക​ഞ്ഞു​മാ​റ്റി മു​ന്നേ​റ​ണ​മെ​ങ്കി​ൽ പു​രു​ഷ കേ​ന്ദ്രീ​കൃ​ത രാ​ഷ്ട്രീ​യപാ​ർ​ട്ടി​ക​ളു​ടെ ഔ​ദാ​ര്യം കാ​ത്തി​രി​ക്കു​ന്ന​ത് ശു​ദ്ധ ഭോ​ഷ്കാ​വും. ഇ​ന്ദി​ര ഗാ​ന്ധി​യു​ടെ ഉ​രു​ക്കു​മു​ഷ്ഠി​യും ക്യാ​പ്റ്റ​ൻ ല​ക്ഷ്മി​യു​ടെ ആ​ത്മ​ധൈ​ര്യ​വും മേ​ധ പ​ട്ക​ർ, അ​രു​ന്ധ​തി റോ​യി, ടീ​സ്റ്റ സെ​റ്റ​ൽ​വാ​ദ് പോ​ലു​ള്ള ധീ​ര​വ​നി​ത​ക​ളു​ടെ നി​ശ്ച​യ​ദാ​ർ​ഢ്യ​വും വൃ​ന്ദ കാ​രാ​ട്ട്, ആ​നി​രാ​ജ, മ​മ​ത ബാ​ന​ർ​ജി പോ​ലു​ള്ള​വ​രു​ടെ ച​ങ്കൂ​റ്റ​വും സ​ഭ​ക​ളി​ലെ വ​നി​താ പ്ര​തി​നി​ധി​ക​ൾ ആ​ർ​ജി​ക്കേ​ണ്ടി​വ​രും. ഇ​ത്ത​രം വ്യ​ക്തി​ത്വ​ങ്ങ​ളു​ടെ എ​ണ്ണം വി​ര​ലി​ലെ​ണ്ണാ​വു​ന്ന​തി​ൽ പ​രി​മി​ത​പ്പെ​ടു​ന്നു​വെ​ന്ന​ത് ത​ന്നെ​യാ​ണ് വ​ർ​ത്ത​മാ​ന​കാ​ല വെ​ല്ലു​വി​ളി. ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലെ സ്ത്രീസം​വ​ര​ണം പ്രോ​ത്സാ​ഹ​ജ​ന​ക​മാ​യ അ​നു​ഭ​വ​മാ​ണെ​ന്നി​രി​ക്കെ​ത്ത​ന്നെ പ്ര​ബു​ദ്ധ കേ​ര​ള നി​യ​മ​സ​ഭ​യി​ൽ​പോ​ലും വ​നി​താ മെം​ബ​ർ​മാ​രു​ടെ ദ​യ​നീ​യ​മാ​യ എ​ണ്ണ​ച്ചു​രു​ക്കം നി​സ്സാ​ര പ്ര​ശ്ന​മ​ല്ല. നി​ർ​ബ​ന്ധി​ത സം​വ​ര​ണം ഒ​ര​ള​വോ​ളം പ്ര​ശ്ന​പ​രി​ഹാ​ര​മാ​വു​മെ​ന്ന് പ്ര​ത്യാ​ശി​ക്കാ​മെ​ങ്കി​ലും സാ​മൂ​ഹി​ക-രാ​ഷ്ട്രീ​യ രം​ഗ​ങ്ങ​ളി​ലെ പോ​രാ​ട്ട​വീ​ര്യ​മാ​ണ് വ​നി​താ പ്രാ​തി​നി​ധ്യ​ത്തി​ന് ന്യാ​യീ​ക​ര​ണ​മൊ​രു​ക്കു​ക. അ​തു​പോ​ലെ അ​ഴി​മ​തി​യും അ​ധി​കാ​ര ദു​ർ​വി​നി​യോ​ഗ​വും ത​ക​ർ​ത്തു​കൊ​ണ്ടി​രി​ക്കു​ന്ന ദേ​ശീ​യ ജീ​വി​ത​ത്തെ സം​ശു​ദ്ധീ​ക​രി​ക്കു​ക എ​ന്ന ദൗ​ത്യം​കൂ​ടി, പു​രു​ഷ​ന്മാ​രു​ടെ പി​ൻ​സീ​റ്റ് ഡ്രൈ​വ് എ​ന്ന അ​പ​ഖ്യാ​തി​യെ മ​റി​ക​ട​ന്ന് ന​മ്മു​ടെ സ്ത്രീ​പ്ര​തി​നി​ധി​ക​ൾ ഏ​റ്റെ​ടു​ക്കു​ക​യും ചെ​യ്തെ​ങ്കി​ലേ വ​നി​താ സം​വ​ര​ണം സാ​ർ​ഥ​ക​മാ​വൂ.