Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightEditorialchevron_rightഎ​ൻ​ജി​നീ​യ​റി​ങ്...

എ​ൻ​ജി​നീ​യ​റി​ങ് മേ​ഖ​ല​ക്ക് ആ​രാ​ണ് മ​ണി​കെ​ട്ടു​ക​?

text_fields
bookmark_border
എ​ൻ​ജി​നീ​യ​റി​ങ് മേ​ഖ​ല​ക്ക് ആ​രാ​ണ് മ​ണി​കെ​ട്ടു​ക​?
cancel

രാ​ജ്യ​ത്തിെ​ൻ​റ വി​ക​സ​ന​ത്തെ നി​ർ​ണ​യി​ക്കു​ന്ന​തി​ലും ന​യി​ക്കു​ന്ന​തി​ലും എ​ൻ​ജി​നീ​യ​ർ​മാ​രു​ടെ പ ​ങ്ക് വി​ശ​ദീ​ക​രി​ക്കേ​ണ്ട​തി​ല്ല. അ​വ​രു​ടെ വി​ജ​യ​ക​ഥ​ക​ൾ സ​മൂ​ഹ​ത്തി​ൽ ഏ​റെ​യൊ​ന്നും ആ​ഘോ​ഷി​ക്ക​പ് പെ​ടാ​റി​ല്ല. എ​ന്നാ​ൽ, പ​രാ​ജ​യ​ങ്ങ​ൾ സ​ഗൗ​ര​വം ച​ർ​ച്ചചെ​യ്യ​പ്പെ​ടു​ക​യും ചെ​യ്യും. കാ​ര​ണം, അ​തു​ണ്ടാ​ ക്കു​ന്ന സാ​മൂ​ഹി​ക​വും പാ​രി​സ്ഥി​തി​ക​വു​മാ​യ പ്ര​ത്യാ​ഘാ​ത​ങ്ങ​ൾ അ​ത്ര​മാ​ത്രം ആ​ഴ​വും വ്യാ​പ​ക​ത്വ​ മു​ള്ളതുമാ​ണ്.

ഈ ​ഗൗ​ര​വ​ബോ​ധം എ​ൻ​ജി​നീ​യ​റി​ങ് പ​ഠ​ന മേ​ഖ​ല​യി​ലും ജോ​ലി​ക​ളിലും സം​സ്ഥാ​നം പു​ല​ർ​ത ്തു​ന്നു​ണ്ടോ എ​ന്ന​ന്വേ​ഷി​ച്ചാ​ൽ അ​ത്ര​യൊ​ന്നും ആ​ശാ​വ​ഹ​മ​ല്ല ഉ​ത്ത​രം. പ്ര​ള​യം ര​ണ്ടു ത​വ​ണ ന​മ്മു​ടെ ജീ​വി​ത​ത്തി​ലൂ​ടെ ക​യ​റി​യി​റ​ങ്ങി​പോ​യ​പ്പോ​ൾ ത​ക​ർന്ന​ത് പാ​ത​ക​ളും പാ​ല​ങ്ങ​ളും തു​ട​ങ്ങി നാം ​കാ​ല​ങ്ങ​ളാ​യി തു​ട​രു​ന്ന എ​ല്ലാ നി​ർ​മി​തി​ക​ളു​ടെ​യും മി​ക​വി​നെ കു​റി​ച്ച വി​ശ്വാ​സം കൂ​ടി​യാ​ണ്. വ​ർ​ഷാ​വ​ർ​ഷം റോ​ഡു​ക​ൾ ത​ക​രു​ന്ന​തി​നും കാ​ലാ​വ​സ്ഥ​ക്കോ പ്ര​കൃ​തി​ക്കോ അ​നു​ഗു​ണ​മ​ല്ലാ​ത്ത​തും ദോ​ഷ​ക​ര​വു​മാ​യ കെ​ട്ടി​ട നി​ർ​മി​തി​ക​ൾ അ​നു​സ്യൂ​തം ന​ട​ക്കു​ന്ന​തി​നും അ​ഴി​മ​തി​യെ മാ​ത്രം പ​ഴി​ച്ചാ​ൽ മ​തി​യോ? അ​ത​ല്ല, നി​ർ​മാ​ണാ​സൂ​ത്ര​ണ​ത്തി​ലും സാ​ങ്കേ​തി​ക വി​ദ​ഗ്​ധരു​ടെ കാ​ര്യ​ശേ​ഷി​ക്കു​റ​വി​നും കാ​ര്യ​മാ​യ പ​ങ്കു​ണ്ടോ? എ​ൻ​ജി​നീയ​ർ​മാ​രു​ടെ അ​ല​സ​ത​ക​ളു​ടെ​യും ന​വീ​ക​രി​ക്കാ​ത്ത അ​റി​വു​ക​ളു​ടെ​യും വി​ല​യാ​ണോ പ​ല​പ്പോ​ഴും ഖ​ജ​നാ​വും പൊ​തു​സ​മൂ​ഹ​വും പ്ര​കൃ​തി​യും ഒ​ടു​ക്കേ​ണ്ടി​വ​രു​ന്ന​ത് തു​ട​ങ്ങി​യ ചോ​ദ്യ​ങ്ങ​ൾ ശ​ക്ത​മാ​കു​ക​യാ​ണ്.

എ​ൻ​ജി​നീ​യേ​ഴ്സ് ദി​നാ​ച​ര​ണം ഉ​ദ്ഘാ​ട​നം ചെ​യ്തു​ കോ​ഴി​ക്കോ​ട് യു.​എ​ൽ സൈ​ബ​ർ പാ​ർ​ക്കി​ൽ ‘മെട്രോ മാൻ’ ഇ. ​ശ്രീ​ധ​ര​ൻ മു​ന്നോ​ട്ടു​വെ​ച്ച ആ​ശ​യ​ങ്ങ​ളും മു​ന്ന​റി​യി​പ്പു​ക​ളും ഇ​ത്ത​രം അ​ന്വേ​ഷ​ണ​ങ്ങ​ളു​ടെ ഉ​ത്ത​ര​ത്തി​ലേ​ക്ക് വെ​ളി​ച്ചം വീ​ശു​ന്ന​താ​ണ്. എ​ൻ​ജി​നീ​യ​റി​ങ് മേ​ഖ​ല​യി​ൽ മൂ​ല്യ​ങ്ങ​ളും ധാ​ർ​മി​കത​യും വ​ള​രെ പ്രാ​ധാ​ന്യ​മ​ർ​ഹി​ക്കു​ന്നുവെന്നും പ​ല പാ​ളി​ച്ച​ക​ളും സം​ഭ​വി​ക്കു​ന്ന​ത് എ​ൻ​ജി​നീ​യ​ർ​മാ​ർ ജോ​ലി​യി​ൽ ധാ​ർ​മി​ക​ത പാ​ലി​ക്കാ​ത്ത​തു​കൊ​ണ്ടാ​ണെന്നും അ​ദ്ദേ​ഹം പ​റ​യു​ന്നു. പാ​ലാ​രി​വ​ട്ടം, മും​ബൈ, ഡ​ൽ​ഹി, കൊ​ൽ​ക്ക​ത്ത എ​ന്നി​വ​ിട​ങ്ങ​ളി​ൽ ത​ക​ർ​ന്ന പാ​ല​ങ്ങ​ൾ ജോ​ലി​യി​ൽ മൂ​ല്യ​ങ്ങ​ൾ ഉ​യ​ർ​ത്തി​പ്പി​ടി​ച്ച് പ്ര​വ​ർ​ത്തി​ക്കാ​ത്ത​തിെ​ൻ​റ ​ഫ​ല​മാ​ണ്. രാ​ജ്യ​ത്ത് പ്ര​തി​വ​ർ​ഷം റോ​ഡ് അ​പ​ക​ട​ങ്ങ​ളി​ൽ ഒ​ന്ന​ര ല​ക്ഷം പേ​ർ മ​രി​ക്കു​ന്ന​തിെ​ൻ​റ കാ​ര​ണം മോ​ശം എ​ൻ​ജി​നീ​യറി​ങ്ങാണ്​. ദേ​ശീ​യ സ​ർ​വേ പ്ര​കാ​രം എ​ൻ​ജി​നീയ​ർ​മാ​രി​ൽ 20 ശ​ത​മാ​നം േപ​ർ മാ​ത്ര​മേ ജോ​ലി​ക്ക് യോ​ഗ്യ​രാ​യ​വ​രു​ള്ളൂവെന്ന്​ അദ്ദേഹം തുറന്നുപറയുന്നു. രാ​ജ്യ​ത്ത് എ​ൻ​ജി​നീയ​ർ​മാ​രു​ടെ ഗു​ണ​നി​ല​വാ​രം അ​ള​ക്കു​ന്ന​തി​ന് ഒ​രു സം​വി​ധാ​ന​വും നി​ല​വി​ലി​ല്ല. ആ​വ​ർ​ത്തി​ക്കു​ന്ന തെ​റ്റു​ക​ൾ പി​ടി​ക്കു​ന്ന​തി​ന് നി​യ​മ​പ​ര​മാ​യ സം​വി​ധാ​ന​ങ്ങ​ളു​മി​ല്ല.

നി​ല​വി​ൽ രാഷ്​ട്രീ​യ​ക്കാ​രു​ടെ​യും ബ്യൂ​റോ​ക്ര​സി​യു​ടെ​യും താ​ഴെ​യാ​ണ് ചു​മ​ത​ല നി​ർ​വഹ​ണ​ത്തി​ൽ എ​ൻ​ജിനീ​യ​ർ​മാ​രു​ടെ സ്ഥാ​നം. ജ​നാ​ധി​പ​ത്യ​പ​ര​മാ​യും ഭ​ര​ണ​പ​ര​മാ​യും ഇ​തു തെ​റ്റാ​​െണ​ന്ന് പ​റ​യാ​നാ​കി​ല്ല. പക്ഷേ, സാ​ങ്കേ​തി​കവി​ദഗ്​ധ​രെ​ന്ന നി​ല​ക്ക് മു​ക​ളി​ലു​ള്ള​വ​ർ പ​റ​യു​ന്ന​ത് അ​നു​സ​രി​ക്കു​ക​യ​ല്ല, സ്വാ​യ​ത്ത​മാ​ക്കി​യ ശാ​സ്ത്ര​ജ്ഞാ​ന​മു​പ​യോ​ഗി​ച്ച് അ​വ​രെ നേ​ർ​വ​ഴി​ക്ക് ന​യി​ക്കാ​നും തി​രു​ത്താ​നു​മു​ള​ള ക​രു​ത്താ​ർ​ജി​ക്കു​ക​യാ​ണ് വേ​ണ്ട​ത്. ശാ​സ്ത്ര പ​രി​ജ്ഞാ​ന​വും കാ​ലാ​വ​സ്ഥ, സാ​മൂ​ഹി​ക സാ​ഹ​ച​ര്യ​ങ്ങ​ൾ തു​ട​ങ്ങി​യ​വ പ​രി​ഗ​ണി​ക്കു​ന്ന നി​ർ​മാ​ണ​പ​ര​മാ​യ അ​നു​ഭ​വ​ജ്ഞാ​ന​വും തൊ​ഴി​ൽ നൈ​പു​ണ്യ​വും ഉ​ൾ​ച്ചേ​രു​മ്പോ​ഴാ​ണ് ന​ല്ല എ​ൻ​ജി​നീ​യ​ർ ജ​നി​ക്കു​ക. ധാ​ർ​മി​ക​ത​യും സാ​മൂ​ഹി​കപ്ര​തി​ബദ്ധ​ത​യും കൂ​ടി അ​വ​ർ​ക്കു​ണ്ടെ​ങ്കി​ൽ പി​ന്നെ, ഫ​യ​ൽ കു​റി​പ്പു​ക​ൾ മ​റി​ക​ട​ക്കാ​ൻ ഭ​ര​ണനേ​തൃ​ത്വ​ത്തി​നാ​കി​ല്ല. അ​തു​കൊ​ണ്ട്, സി​ല​ബ​സി​ൽ സാ​ങ്കേ​തി​ക​വി​ദ്യാ​ഭ്യാ​സ​ത്തോ​ടൊ​പ്പം മാ​ന​വി​ക, സാ​മൂ​ഹി​ക, ധാ​ർ​മി​ക, പാ​രി​സ്ഥി​തി​ക പാ​ഠ​ങ്ങ​ൾകൂ​ടി ന​ൽ​ക​ണ​മെ​ന്ന ആ​വ​ശ്യം ദീ​ർ​ഘ​കാ​ല​മാ​യി ഉ​യ​രുന്നതാണ്​. ഈ ​വ​ർ​ഷം മു​ത​ൽ ഐ.​ഐ.​ടി മാ​തൃ​ക​യി​ൽ എ​ല്ലാ എ​ൻ​ജി​നീ​യ​റി​ങ് ക​ലാ​ല​യ​ങ്ങ​ളി​ലും ആ​ദ്യവ​ർ​ഷ എ​ൻ​ജി​നീ​യ​റി​ങ് വി​ദ്യാ​ർ​ഥി​ക​ൾ​ക്ക് നി​ർ​ബ​ന്ധ മാ​നവി​കപാ​ഠ​ങ്ങ​ൾ ഉ​ൾ​പ്പെ​ടു​ത്തി​യി​ട്ടു​ണ്ട്. പ​ക്ഷേ, രാ​ജ്യ​ത്തിെ​ൻ​റ വൈ​വി​ധ്യ​ങ്ങ​ളെ​യും പ്ര​കൃ​തി വൈ​ജാ​ത്യ​ങ്ങ​ളെ​യും പ​രി​ഗ​ണി​ക്കും​ വി​ധ​മ​ല്ല നി​ല​വി​ലെ പാ​ഠ്യ​രീ​തി. അ​വ​കൂ​ടി മാ​റ്റിപ്പ​ണി​യു​മ്പോ​ഴേ ശ്രീ​ധ​ര​ൻ സൂ​ചി​പ്പി​ക്കു​ന്ന യോ​ഗ്യ​ത​ക്കു​റ​വി​ന് ശ​രി​യാ​യ പ​രി​ഹാ​ര​മു​ണ്ടാ​കൂ.

സ​ർ​ക്കാ​ർ ജോ​ലി​യി​ൽ ക​യ​റി​ക്ക​ഴി​ഞ്ഞാ​ൽ പി​ന്നീ​ട് കാ​ലാ​നു​സൃ​ത​മാ​യ പ​രി​ശീ​ല​ന​ങ്ങ​ളോ ന​വീ​ക​ര​ണ പ​ദ്ധ​തി​ക​ളോ എൻജിനീയർമാ​ർ​ക്ക് നി​ർ​ബ​ന്ധ​മ​ല്ല. ലോ​ക​ത്താ​ക​ട്ടെ, ക്രി​യാ​ത്മ​ക​മാ​യ പു​തി​യ പ​രീ​ക്ഷ​ണ​ങ്ങ​ളും ക​ണ്ടെ​ത്ത​ലു​ക​ളും അ​നു​സ്യൂ​തം ന​ട​ന്നു​കൊ​ണ്ടി​രി​ക്കു​ന്നു. പ​ഠി​ച്ച സി​ദ്ധാ​ന്ത​ങ്ങ​ൾ കാ​ല​ഹ​ര​ണ​പ്പെ​ട്ട വി​വ​രം പോ​ലു​മ​റി​യാ​തെ​യാ​ണ് പു​തി​യ പാ​ല​ങ്ങ​ളു​ടെ​യും റോ​ഡു​ക​ളു​ടേ​യും നി​ർ​മാ​ണ​ത്തി​ന് പലരും നേ​തൃ​ത്വം വ​ഹി​ക്കു​ന്ന​ത്. സ്വ​യം ന​വീ​ക​രി​ക്കാ​ത്ത എ​ൻ​ജിനീ​യ​ർ​മാ​ർ വി​ക​സ​ന​ത്തിെ​ൻ​റ വ​ഴി​മു​ട​ക്കി​ക​ളും പൊ​തുസ​മൂ​ഹ​ത്തിെ​ൻ​റ​യും പ്ര​കൃ​തി​യു​ടേ​യും ശ​ത്രു​ക്ക​ളു​മാ​ണ്. കാ​ലി​ക​മാ​യ പു​തി​യ അ​റി​വും പ​രി​ശീ​ല​ന​വും ന​ൽ​കാ​നു​ള്ള സം​വി​ധാ​നം സ​ർ​ക്കാ​ർ രൂ​പ​പ്പെ​ടു​ത്തി​യാ​ൽ മാ​ത്ര​മേ ഗു​ണ​നി​ല​വാ​ര​മു​ള്ള നി​ർ​മി​തി സം​സ്ഥാ​ന​ത്ത് സം​ഭ​വി​ക്കൂ. പ​രി​ശീ​ല​ന​വും യോ​ഗ്യ​ത​യും ആ​ർ​ജി​ച്ച മേഖലക​ളി​ൽ തന്നെ എൻജിനീയർമാരുടെ നി​യ​മനവും സ്​ഥലംമാറ്റവും ന​ട​ത്താൻ സർക്കാർ കൃ​ത്യ​മാ​യ മാ​ന​ദ​ണ്ഡ​ങ്ങ​ൾ രൂ​പ​പ്പെ​ടുത്തി നിഷ്​കർഷ പുലർത്തണം. സ​മൂ​ഹ​ത്തി​ന് സു​ര​ക്ഷ ന​ൽ​കാ​നു​ള്ള ധാ​ർ​മി​ക ഉ​ത്ത​ര​വാ​ദി​ത്തം വി​സ്മ​രി​ക്കു​ന്ന എ​ൻ​ജി​നീ​യ​ർ​മാ​രെ സ​ർ​ക്കാ​ർ സം​വി​ധാ​ന​ങ്ങ​ളി​ൽനി​ന്ന് പു​റ​ത്തി​രു​ത്തു​വാ​ൻ​കൂ​ടി ക​ഴി​ഞ്ഞാ​ൽ മാ​ത്ര​മേ മെ​ട്രോ​മാ​ൻ മു​ന്നോ​ട്ടു​വെ​ക്കു​ന്ന സു​താ​ര്യ​ത​യും കാ​ര്യ​ക്ഷ​മ​ത​യു​മു​ള്ള എ​ൻ​ജിനീ​യ​റി​ങ് എ​ന്ന ആ​ശ​യ​ത്തി​ന് ത​റ​ക്ക​ല്ലി​ടാ​നാ​കൂ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:editorialmadhyamam editorialengineeringengineer
News Summary - who will control engineering field -opinion
Next Story