ദോ​ഹ സ​മ്മി​റ്റ് കൊ​ണ്ടെ​ന്ത് നേ​ടി?

വെടിനിർത്തൽ ച​ർ​ച്ച​ക​ൾ​ക്കാ​യി ദോ​ഹ​യി​ലെ​ത്തി​യ ഹ​മാ​സ് നേ​താ​ക്ക​ളെ വ​ക​വ​രു​ത്താ​നാ​യി സെ​പ്റ്റം​ബ​ർ ഒ​മ്പ​തി​ന് ഇ​സ്രാ​യേ​ൽ ന​ട​ത്തി​യ മി​സൈ​ലാ​ക്ര​മ​ണം ലോ​ക​ത്തെ​യാ​കെ ഞെ​ട്ടി​ച്ച​തോ​​ടൊ​പ്പം ഖ​ത്ത​ർ കൂ​ടി അം​ഗ​മാ​യ അ​റ​ബ് ലീ​ഗ്, ഒ.​ഐ.​സി, ജി.​സി.​സി എ​ന്നീ കൂ​ട്ടാ​യ്മ​ക​ളെ അ​ക്ഷ​രാ​ർ​ഥ​ത്തി​ൽ പി​ടി​ച്ചു​കു​ലു​ക്കി​യ​താ​ണ് പോ​യ​വാ​ര​ത്തി​ലെ സു​പ്ര​ധാ​ന സം​ഭ​വ​വി​കാ​സം. ഇ​സ്രാ​യേ​ലി​ന്റെ ര​ക്ഷാ​ക​ർ​ത്താ​വാ​യ അ​മേ​രി​ക്ക​യു​ടെത​ന്നെ പൂ​ർ​ണ പി​ന്തു​ണ​യോ​ടെ​യും സ​ഹ​ക​ര​ണ​ത്തോ​ടെ​യും ഖ​ത്ത​റി​ൽ തു​ട​ർ​ന്നു​വ​രു​ന്ന വെ​ടി​നി​ർ​ത്ത​ൽ ച​ർ​ച്ച​ക​ൾ നി​ർ​ണാ​യ​ക ഘ​ട്ട​ത്തി​ലെ​ത്താ​ൻ പോ​കു​ന്നു എ​ന്ന് പ്ര​തീ​ക്ഷി​ക്ക​പ്പെ​ട്ട സ​ന്ദ​ർ​ഭ​ത്തി​ലാ​ണ് സ​മാ​ധാ​ന പു​നഃ​സ്ഥാ​പ​ന ശ്ര​മ​ങ്ങ​ൾ​ക്കു​നേ​രെ സ​യ​ണി​സ്റ്റ് രാ​ഷ്ട്രം മി​സൈ​ൽ പ്ര​യോ​ഗി​ച്ച​ത്.

ഹ​മാ​സ് നേ​താ​ക്ക​ളെ​യാ​ണ് ല​ക്ഷ്യ​മി​ട്ട​തെ​ന്ന് ഇ​സ്രാ​യേ​ൽ അ​വ​കാ​ശ​പ്പെ​ടു​ന്നു​ണ്ടെ​ങ്കി​ലും പ്ര​ധാ​ന​മ​ന്ത്രി ബി​​ന്യ​മി​ൻ നെ​ത​ന്യാ​ഹു​വി​ന്റെ തു​ട​ർ​ന്നു​ള്ള ആ​ക്രോ​ശ​ങ്ങ​ൾ യ​ഥാ​ർ​ഥ ഉ​ള്ളി​ലി​രി​പ്പ് സം​ശ​യാ​തീ​ത​മാ​യി അ​നാ​വ​ര​ണം ചെ​യ്യു​ന്ന​താ​ണ്. അ​ത് ഹ​മാ​സി​ന്റെ പൂ​ർ​ണ ഉ​ന്മൂ​ല​നം എ​ന്ന മ​റ​വി​ൽ ഫ​ല​സ്തീ​ൻ എ​ന്ന രാ​ഷ്ട്ര സ​ങ്ക​ൽ​പ​ത്തി​ന്റെത​​ന്നെ നി​ഷേ​ധ​മാ​ണ്. ആ ​ല​ക്ഷ്യ​ത്തി​ലേ​ക്കു​ള്ള ത​കൃ​തി​യാ​യ സൈ​നി​കന​ട​പ​ടി​ക​ളാ​ണ് വെ​സ്റ്റ് ബാ​ങ്കി​ലും ഗ​സ്സ​യി​ലും അ​നു​സ്യൂ​തം ന​ട​ന്നു​കൊ​ണ്ടി​രി​ക്കു​ന്ന​ത്. ബ​ന്ദി​ക​ളെ പൂ​ർ​ണ​മാ​യി വി​ട്ടു​കി​ട്ടാ​നാ​ണ് ത​ങ്ങ​ൾ മധ്യ​സ്ഥ ച​ർ​ച്ച​ക​ൾ​ക്ക് വ​ഴ​ങ്ങു​ന്ന​തെ​ന്ന് സ​യ​ണി​സ്റ്റ് ഭ​ര​ണ​കൂ​ടം അ​വ​കാ​ശ​പ്പെ​ടു​ന്നു​ണ്ടെ​ങ്കി​ലും സ്വ​ന്തം ജ​ന​ത​യെ തെ​റ്റി​ദ്ധ​രി​പ്പി​ച്ച് കൂ​ടെ നി​ർ​ത്തു​ന്ന​തി​ൽ ക​വി​ഞ്ഞ ഒ​രാ​ത്മാ​ർ​ഥ​ത​യും നെ​ത​ന്യാ​ഹു​വി​നും കൂ​ട്ടാ​ളി​ക​ൾ​ക്കു​മി​ല്ലെ​ന്ന് സാ​മാ​ന്യ​ബു​ദ്ധി​ക്ക് ഇ​തി​ന​കം ബോ​ധ്യ​പ്പെ​ട്ടു​ക​ഴി​ഞ്ഞ​താ​ണ്. ഏ​റ്റ​വും ഒ​ടു​വി​ല​ത്തെ ദോ​ഹ ആ​ക്ര​മ​ണം അ​ക്കാ​ര്യം സ്ഥി​രീ​ക​രി​ക്കു​ക​യും ചെ​യ്യു​ന്നു.

ആ​ക്ര​മ​ണം അ​മേ​രി​ക്ക​യു​ടെ അ​നു​വാ​ദ​ത്തോ​ടെ​യ​ല്ല എ​ന്ന് നെ​ത​ന്യാ​ഹു​വും ഡോണൾ​ഡ് ട്രം​പും പ​ര​സ്യപ്ര​സ്താ​വ​ന ന​ട​ത്തി​യി​ട്ടു​ണ്ടെ​ങ്കി​ലും ലോ​ക​ത്ത് മ​റ്റാ​രും അ​തു മു​ഖ​വി​ല​യ്ക്കെ​ടു​ക്കാ​നി​ട​യി​ല്ല. കാ​ര​ണം സെ​പ്റ്റം​ബ​ർ 12ന് ​സൗ​ദി അ​റേ​ബ്യ​യും ഫ്രാ​ൻ​സും മു​ൻ​കൈ​യെ​ടു​ത്ത് ഫ​ല​സ്തീ​ൻ-​ഇ​സ്രാ​യേ​ൽ ദ്വി​രാ​ഷ്​​ട്ര ഫോ​ർ​മു​ല ഐ​ക്യ​രാ​ഷ്ട്ര ജ​ന​റ​ൽ അ​സം​ബ്ലി​യി​ൽ അ​വ​ത​രി​പ്പി​ച്ച​പ്പോ​ൾ അ​മേ​രി​ക്ക അ​തി​നെ​തി​രെ വോ​ട്ടു​ചെ​യ്ത​തി​ൽ ​നി​ന്നുത​ന്നെ ആ ​രാ​ജ്യം ഇ​തഃ​പ​ര്യ​ന്തം പ്ര​ശ്ന​പ​രി​ഹാ​ര​ത്തി​നാ​യി മു​ന്നോ​ട്ടു​വെ​ച്ച ദ്വി​രാ​ഷ്​​ട്ര ഫോ​ർ​മു​ല​യി​ൽ​നി​ന്ന് ട്രം​പി​ന്റെ അ​മേ​രി​ക്ക പി​ന്മാ​റി എ​ന്ന സ​​ന്ദേ​ശ​മാ​ണ് ലോ​ക​ത്തി​ന് ന​ൽ​കു​ന്ന​ത്. എ​ന്നു​വെ​ച്ചാ​ൽ ഹ​മാ​സി​നെ ഉ​ന്മൂ​ല​നം ചെ​യ്യു​ക എ​ന്ന പ്ര​ഖ്യാ​പി​ത ല​ക്ഷ്യ​ത്തി​ൽ പ​രി​മി​ത​മ​ല്ല, അ​യ​ൽ​രാ​ജ്യ​ങ്ങ​ളാ​യ സി​റി​യ, ​ജോ​ർ​ഡ​ൻ, ലബ​നാ​ൻ എ​ന്നീ രാ​ജ്യ​ങ്ങ​ളും അ​റേ​ബ്യ​യി​ലെ മു​ൻ ജൂ​ത​ഗോ​ത്ര​ങ്ങ​ൾ താ​മ​സി​ച്ചു​വ​ന്ന പ്ര​ദേ​ശ​ങ്ങ​ളും ഉ​ൾ​പ്പെ​ടു​ന്ന വി​ശാ​ല ഇ​സ്രാ​യേ​ൽ പ​ദ്ധ​തി​യാ​ണ് യു.​എ​സി​​ന്റെ പൂ​ർ​ണ അ​റി​വോ​ടെ​യും പി​ന്തു​ണ​യോ​ടെ​യും ജൂ​ത​രാ​ഷ്ട്രം ന​ട​പ്പാ​ക്കാ​ൻ ല​ക്ഷ്യ​മി​ടു​ന്ന​തെ​ന്ന് ക​രു​താ​തെ വ​യ്യ.

ലോ​ക​സ​മാ​ധാ​ന​ത്തി​നുത​ന്നെ ഭീ​ഷ​ണി​യാ​യ ഈ ​സ​യ​ണി​സ്റ്റ് നീ​ക്ക​ത്തി​ന്റെ ആ​ഴ​വും വ്യാ​പ്തി​യും ബോ​ധ്യ​പ്പെ​ട്ട​തി​ന്റെ ഫ​ല​മാ​ണ് തി​ങ്ക​ളാ​ഴ്ച ദോ​ഹ​യി​ൽ സ​മ്മേ​ളി​ച്ച ഇ​സ്‍ലാ​മി​ക രാ​ജ്യ കൂ​ട്ടാ​യ്മ​യു​ടെ​യും അ​റ​ബ് ലീ​ഗി​ന്റെ​യും സം​യു​ക്ത ഉ​ച്ച​കോ​ടി എ​ന്ന് പ​റ​യാ​നാ​വി​ല്ല. എ​ങ്കി​ലും ഇ​ന്തോ​നേ​ഷ്യ, മ​ലേ​ഷ്യ, തു​ർ​ക്കി, ഇ​റാ​ൻ, പാ​കി​സ്താ​ൻ, ഈ​ജി​പ്ത്, ജി.​സി.​സി എ​ന്നി​വ​യ​ട​ക്കം അ​റു​പ​തോ​ളം രാ​ജ്യ​ങ്ങ​ളു​ടെ ഭ​ര​ണാ​ധി​കാ​രി​ക​ൾ ഖ​ത്ത​ർ അ​മീ​റി​ന്റെ ക്ഷ​ണ​പ്ര​കാ​രം ദോ​ഹ​യി​ൽ സ​മ്മേ​ളി​ച്ച് സു​വി​ശ​ദ​മാ​യ ച​ർ​ച്ച​ക​ൾ​ക്കൊ​ടു​വി​ൽ പു​റ​പ്പെ​ടു​വി​ച്ച ക​മ്യൂ​ണി​ക്കെ​യി​ൽ ഗൗ​ര​വ​പ്പെ​ട്ട ചി​ല കാ​ര്യ​ങ്ങ​ൾ ലോ​ക​ത്തി​ന്റെ ശ്ര​ദ്ധ​യി​ൽ കൊ​ണ്ടു​വ​ന്നി​രി​ക്കു​ന്നു. അ​റ​ബ് പ്ര​ദേ​ശ​ങ്ങ​ൾ ഘ​ട്ടംഘ​ട്ട​മാ​യി പി​ടി​ച്ചെ​ടു​ത്ത​ശേ​ഷം ഇ​സ്രാ​യേ​ലി​ന്റെ ഭാ​ഗ​മാ​ക്കുക​യും അ​തിനെ​പ്പ​റ്റി പി​ന്നീ​ടു​യ​രു​ന്ന അ​വ​കാ​ശ​വാ​ദ​ങ്ങ​ളാ​കെ ത​ള്ളി​ക്ക​ള​യു​ക​യും ചെ​യ്യു​ന്ന ഇ​സ്രാ​യേ​ൽ പ​ദ്ധ​തി​യെ പ്ര​തി​രോ​ധി​ക്ക​ണ​മെ​ന്ന് അ​തി​ൽ എ​ടു​ത്തു​പ​റ​യു​ന്നു​ണ്ട്.

രാ​ജ്യ​ങ്ങ​ളു​ടെ പ​ര​മാ​ധി​കാ​ര​ത്തി​നും സു​ര​ക്ഷ​ക്കും ഭ​ദ്ര​ത​ക്കും നേ​രെ ഇ​​സ്രാ​യേ​ൽ ഉ​യ​ർ​ത്തു​ന്ന ഭീ​ഷ​ണി​യും ലം​ഘ​ന​വും അ​ന്താ​രാ​ഷ്ട്ര നി​യ​മ​ങ്ങ​ളു​ടെ​യും പ്ര​സ​ക്ത​മാ​യ പ്ര​മേ​യ​ങ്ങ​ളു​ടെ​യും അ​ടി​സ്ഥാ​ന​ത്തി​ൽ സ​ത്വ​ര ന​ട​പ​ടി​യെ​ടു​ക്ക​ണ​മെ​ന്ന് അ​ത് ലോ​ക​രാ​ഷ്ട്ര​ങ്ങ​ളോ​ടാ​വ​ശ്യ​പ്പെ​ടു​ന്നു. ഫ​ല​സ്തീ​ൻ പ്ര​ശ്ന​ത്തി​ന് സ​മ​ഗ്ര​വും നീ​തി​പൂ​ർ​വ​​വും സു​സ്ഥി​ര​വു​മാ​യ പ​രി​ഹാ​രം കാ​ണാ​തെ മ​ധ്യ​പൗ​ര​സ്ത്യ​ദേ​ശ​ത്ത് സ​മാ​ധാ​നം സ്ഥാ​പി​ത​മാ​വാ​ൻ പോ​വു​ന്നി​ല്ലെ​ന്നും ദോ​ഹ ഉ​ച്ച​കോ​ടി മു​ന്ന​റി​യി​പ്പ് ന​ൽ​കു​ന്നു. ഇ​പ്ര​കാ​രം ഇ​രു​പ​ത്ത​ഞ്ചി​ന സം​യു​ക്ത പ്ര​സ്താ​വ​ന പു​റ​ത്തി​റ​ക്കി​യാ​ണ് അ​റ​ബ്-​മു​സ്‍ലിം സ​മ്മി​റ്റ് സ​മാ​പി​ച്ച​തെ​ങ്കി​ലും ട്രം​പ്-​നെ​ത​ന്യാ​ഹു കൂ​ട്ടു​കെ​ട്ട് അ​തി​നെ​ന്ത് വി​ല ക​ൽ​പി​ക്കു​മെ​ന്ന് കാ​ത്തി​രു​ന്ന് കാ​ണേ​ണ്ട​താ​ണ്.

കൂ​ട്ടാ​യ സാ​യു​ധ പ്ര​തി​രോ​ധ​ത്തെ​ക്കു​റി​ച്ച് ആ​ലോ​ചി​ക്ക​ണ​മെ​ന്ന ആ​വ​ശ്യം ദോ​ഹ സ​മ്മി​റ്റി​ൽ ഉ​യ​ർ​ന്നു​വ​ന്നെ​ങ്കി​ലും അ​തിനെ​ക്കു​റി​ച്ച സൂ​ച​ന സം​യു​ക്ത പ്ര​സ്താ​വ​ന​യി​ലി​ല്ല. ഇ​ന്ന​ത്തെ സ​ങ്കീ​ർ​ണ സാ​ഹ​ച​ര്യ​ത്തി​ൽ അ​തി​ന്റെ പ്രാ​യോ​ഗി​ക​ത ചി​ന്താ​ർ​ഹ​മാ​ണെ​ന്ന​താ​വാം കാ​ര​ണം. എ​ന്നാ​ൽ, തെ​മ്മാ​ടി രാ​ഷ്ട്ര​മാ​യ ഇ​സ്രാ​​യേ​ലി​നെ പ്ര​ത്യ​ക്ഷ​ത്തി​ലോ ​പ​രോ​ക്ഷ​മാ​യോ സ​ഹാ​യി​ക്കു​ന്ന വ​ൻ​കി​ട കോ​ർ​പ​റേ​റ്റു​ക​ളു​ടെ ഉ​ൽ​പ​ന്ന​ങ്ങ​ൾ ബ​ഹി​ഷ്‍ക​രി​ക്കു​ന്ന​തി​നെ​ക്കു​റി​ച്ച് സ​ത്വ​ര​മാ​യി ആ​ലോ​ചി​ക്കാ​നും ന​ട​പ​ടി​ക​ൾ സ്വീ​ക​രി​ക്കാ​നും രാ​ജ്യ​ങ്ങ​ൾ തീ​രു​മാ​നി​ച്ചാ​ൽത​ന്നെ ട്രം​പ്-​നെ​ത​ന്യാ​ഹു ടീം ​ആ​ഭ്യ​ന്ത​ര​രം​ഗ​ത്തു​നി​ന്നു​ള്ള ക​ടു​ത്ത സ​മ്മ​ർ​ദ​ങ്ങ​ൾ മൂ​ലം വീ​ണ്ടു​വി​ചാ​ര​ത്തി​നു ത​യാ​റാ​വേ​ണ്ടി വ​രു​മെ​ന്ന് തീ​ർ​ച്ച.