Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightOpinionchevron_rightEditorialchevron_rightമാ​യാ​വ​തി​യു​ടെ...

മാ​യാ​വ​തി​യു​ടെ മ​തം​മാ​റ്റ ഭീ​ഷ​ണി

text_fields
bookmark_border
മാ​യാ​വ​തി​യു​ടെ മ​തം​മാ​റ്റ ഭീ​ഷ​ണി
cancel
ആ​ർ.എ​സ്.​എ​സും ബി.​ജെ.​പി​യും ദ​ലി​ത​ർ​ക്കും പി​ന്നാ​ക്ക​ജാ​തി​ക​ൾ​ക്കും നേ​രെ​യു​ള്ള അ​ത്യാ​ചാ​ര​ങ്ങ​ൾ നി​ർ​ത്താ​നും ചൂ​ഷ​ണം ​അ​വ​സാ​നി​പ്പി​ക്കാ​നും ത​യാ​റാ​യി​ല്ലെ​ങ്കി​ൽ താ​നും അ​നു​യാ​യി​ക​ളും ഹി​ന്ദു​യി​സം വി​ട്ട്​ ബു​ദ്ധി​സം സ്വീ​ക​രി​ക്കു​മെ​ന്ന്​ ഭീ​ഷ​ണി​പ്പെ​ടു​ത്തി​യി​രി​ക്കു​ന്നു ബി.​എ​സ്.​പി മേ​ധാ​വി മാ​യാ​വ​തി. നാ​ഗ്​​പൂ​രി​ലെ ആ​ർ.​എ​സ്.​എ​സ്​ ആ​സ്​​ഥാ​ന​ത്തു​നി​ന്ന്​ ക​ഷ്​​ടി​ച്ച്​ ഒ​രു കി​.മീ​റ്റ​ർ അ​ക​ലെ സം​ഘ​ടി​പ്പി​ക്ക​പ്പെ​ട്ട ബി.​എ​സ്.​പി പ്ര​വ​ർ​ത്ത​കസം​ഗ​മ​ത്തെ അ​ഭി​മു​ഖീ​ക​രി​ക്കു​ക​യാ​യി​രു​ന്ന മാ​യാ​വ​തി, 1935ൽ ​ഡോ. അം​ബേ​ദ്​​ക​ർ ന​ൽ​കി​യ മു​ന്ന​റി​യി​പ്പ്​ ഒാ​ർ​മ​പ്പെ​ടു​ത്തു​ക​യും ചെ​യ്​​തു. താ​ൻ ഒ​രു ഹി​ന്ദു​വാ​യി​ട്ടാ​ണ്​ ജ​നി​ച്ച​തെ​ങ്കി​ലും ഹി​ന്ദു​വാ​യി മ​രി​ക്കാ​ൻ ആ​ഗ്ര​ഹി​ക്കു​ന്നി​ല്ലെ​ന്ന്​ തു​റ​ന്ന​ടി​ച്ച അം​ബേ​ദ്​​ക​ർ ഹി​ന്ദു​മ​ത​ത്തെ പ​രി​ഷ്​​ക​രി​ക്കാ​ൻ അ​തി​െ​ൻ​റ നേ​താ​ക്ക​ൾ​ക്ക്​ 21 വ​ർ​ഷം അ​നു​വ​ദി​ച്ചു. പ​ക്ഷേ, നി​ല​പാ​ടി​ൽ ഒ​രു മാ​റ്റ​വും വ​രു​ത്താ​ൻ അ​വ​ർ ത​യാ​റി​ല്ലാ​തി​രു​ന്ന​തി​നാ​ൽ 1956ൽ ​അ​ദ്ദേ​ഹം നാ​ഗ്​​പൂ​രി​ൽ​വെ​ച്ച്​ ബു​ദ്ധ​മ​തം സ്വീ​ക​രി​ക്കു​ക​യാ​യി​രു​ന്നു​വെ​ന്ന്​ മാ​യാ​വ​തി ചൂ​ണ്ടി​ക്കാ​ട്ടി. അ​തേ മാ​തൃ​ക​യി​ൽ ആ​ർ.​എ​സ്.​എ​സി​നും ബി.​ജെ.​പി​ക്കും ദ​ലി​ത​രോ​ടും പി​ന്നാ​ക്ക ജാ​തി​ക​ളോ​ടു​മു​ള്ള സ​മീ​പ​നം മാ​റ്റാ​ൻ ഒ​ര​വ​സ​രം താ​ൻ ന​ൽ​കു​ക​യാ​ണെ​ന്നും അ​വ​ര​തി​ന്​ സ​ന്ന​ദ്ധ​ര​ല്ലെ​ങ്കി​ൽ ഉ​ചി​ത​മാ​യ സ​മ​യ​ത്ത്​ താ​ൻ ബു​ദ്ധ​മ​തം സ്വീ​ക​രി​ക്കു​മെ​ന്നും മാ​യാ​വ​തി മു​ന്ന​റി​യി​പ്പു ന​ൽ​കി.

ദ​ലി​ത്​^​പി​ന്നാ​ക്ക ജാ​തി​ക​ളു​ടെ പ​ക്ഷ​ത്തു​നി​ന്ന്​ സ​വ​ർ​ണ​രു​ടെ മേ​ധാ​വി​ത്വ മ​നോ​ഭാ​വ​ത്തി​നും മു​ഷ്​​കി​നു​മെ​തി​രെ ഇ​ത്ത​ര​മൊ​രു ഭീ​ഷ​ണി പു​തി​യ​ത​ല്ല. ഭ​ര​ണ​ഘ​ട​ന​ശി​ൽ​പി ബാ​ബാ സാ​​േഹബ്​ അം​ബേ​ദ്​​ക​ർ​ക്കു​ശേ​ഷം പ​ല​രും ഇ​ത്ത​ര​മൊ​രു ഭീ​ഷ​ണി പ്ര​യോ​ഗി​ച്ചുനോ​ക്കു​ക​യും ചി​ല​പ്പോ​ൾ മ​തം മാ​റു​ക​യും ചെ​യ്​​തി​ട്ടു​ണ്ട്. ഏ​റ്റ​വും കോ​ളി​ള​ക്കം സൃ​ഷ്​​ടി​ച്ച സം​ഭ​വ​മാ​യി​രു​ന്ന​ല്ലോ പ​തി​റ്റാ​ണ്ടു​ക​ൾ​ക്കു​മു​മ്പ്​ ത​മി​ഴ്​​നാ​ട്ടി​ലെ മീ​നാ​ക്ഷി​പു​രം ഒ​ന്ന​ട​ങ്കം ഇ​സ്​​ലാ​മി​ലേ​ക്ക്​ പ​രി​വ​ർ​ത്ത​നം ചെ​യ്​​ത്​ ഗ്രാ​മ​ത്തി​ന്​ റ​ഹ്​​മ​ത്ത്​​ ന​ഗ​ർ എ​ന്ന്​ പു​ന​ർ​നാ​മ​ക​ര​ണം ചെ​യ്​​ത​ത്. അ​ന്ന്​ വി.​എ​ച്ച്.​പി​യും സം​ഘ്​​പ​രി​വാ​റും തെ​റ്റി​ദ്ധ​രി​പ്പി​ക്കാ​ൻ ശ്ര​മി​ച്ച​പോ​ലെ അ​ധഃ​സ്​​ഥി​ത വി​ഭാ​ഗ​ത്തി​െ​ൻ​റ ദാ​രി​ദ്ര്യം ചൂ​ഷ​ണംചെ​യ്​​ത്​ മു​സ്​​ലിം​ക​ൾ പ​ണ​മി​റ​ക്കി ക​ളി​ച്ച ക​ളി​യാ​യി​രു​ന്നി​ല്ല അ​ത്. മേ​ൽ​ജാ​തി​ക്കാ​രു​ടെ സാ​മൂ​ഹി​ക ബ​ഹി​ഷ്​​ക​ര​ണ​വും അ​യി​ത്ത​വും ഉ​ച്ച​നീ​ച​ത്വ​വും സ​ഹി​ക്കാ​നാ​വാ​തെ ഡോ​ക്​​ട​ർ​മാ​രും എ​ൻ​ജി​നീ​യ​ർ​മാ​രും സ​ർ​ക്കാ​ർ ഉ​ദ്യോ​ഗ​സ്​​ഥ​രു​മെ​ല്ലാം അ​ട​ങ്ങി​യ താ​ഴ്​​ന്നജാ​തി​ക്കാ​ർ സ​മ​ത്വ​ത്തി​​​െൻറ മ​ത​മാ​യ ഇ​സ്​​ലാ​മി​ലേ​ക്ക്​ പ​ര​സ്യ​മാ​യി​ത്ത​ന്നെ പ്ര​വേ​ശി​ക്കു​ക​യാ​യി​രു​ന്നു. ഉ​ട​നെ സ​ർ​ക്കാ​റും ഹൈ​ന്ദ​വ സം​ഘ​ട​ന​ക​ളും ഉ​ണ​ർ​ന്നെ​ഴു​ന്നേ​റ്റ്​ വി​ക​സ​ന ​പ്ര​വ​ർ​ത്ത​ന​ങ്ങ​ൾ ത്വ​രി​ത​പ്പെ​ടു​ത്തി​യും പ​ണം യ​േ​ഥ​ഷ്​​ടം വാ​രി​യെ​റി​ഞ്ഞും പു​റ​മെ ഭീ​ഷ​ണി​പ്പെ​ടു​ത്തി​യു​മൊ​ക്കെ ഗ്രാ​മീ​ണ​രെ ഘ​ർ​വാ​പ​സി​യാ​ക്കാ​ൻ കി​ണ​ഞ്ഞു ശ്ര​മി​ച്ചു​വെ​ങ്കി​ലും യ​ത്​​നം സ​ഫ​ല​മാ​യി​ല്ല. പി​ന്നീ​ടും ദ​ലി​ത​രും മ​റ്റു പി​ന്നാ​ക്ക ജാ​തി​ക​ളും തി​ങ്ങി​ത്താ​മ​സി​ക്കു​ന്ന പ്ര​ദേ​ശ​ങ്ങ​ൾ അ​വി​ക​സി​ത​ത്വ​ത്തി​നും അ​വ​ഗ​ണ​ന​ക്കു​മെ​തി​രെ മ​ത​പ​രി​വ​ർ​ത്ത​ന ഭീ​ഷ​ണി മു​ഴ​ക്കി​യ സം​ഭ​വ​ങ്ങ​ൾ പ​ലേ​ട​ത്തും ഉ​ണ്ടാ​യി​ട്ടു​ണ്ട്. ബു​ദ്ധ​മ​ത​ത്തി​ലേ​ക്ക്​  കൂ​ട്ടാ​യി ചേ​ക്കേ​റി​യ അ​നു​ഭ​വ​ങ്ങ​ളു​മു​ണ്ട്. പ​ക്ഷേ, ബു​ദ്ധ​മ​ത​ത്തി​ലേ​ക്കു​ള്ള മാ​റ്റം സ​വ​ർ​ണ മേ​ധാ​വി​ക​ളും സം​ഘ​ട​ന​ക​ളും അ​ത്ര ഗൗ​ര​വ​മാ​യി വീ​ക്ഷി​ക്കു​ന്നി​െ​ല്ല​ന്ന​താ​ണ്​ വ​സ്​​തു​ത. കാ​ര​ണം, അ​വ​രു​ടെ ദൃ​ഷ്​​ടി​യി​ൽ ബു​ദ്ധ​മ​തം ഭാ​ര​തീ​യ​മാ​ണ്. ത​ത്ത്വ​ത്തി​ൽ അ​ഹിം​സ​യാ​ണ്​ ബു​ദ്ധ​മ​തം ഉ​ദ്​​ഘോ​ഷി​ക്കു​ന്ന​തെ​ങ്കി​ലും മ​റ്റ്​ ഏതു​ സ​മു​ദാ​യ​ങ്ങ​ളി​ലു​മെ​ന്ന​പോ​ലെ ബു​ദ്ധി​സ്​​റ്റു​ക​ളി​ലു​മു​ണ്ട്​ ഹിം​സ​യോ​ടാ​ഭി​മു​ഖ്യം പു​ല​ർ​ത്തു​ന്ന​വ​ർ. ശ്രീ​ല​ങ്ക​യി​ലും മ്യാ​ന്മ​റി​ലു​മൊ​ക്കെ ബു​ദ്ധഭി​ക്ഷു​ക്ക​ൾ ക്രൂ​ര​മാ​യ ഹിം​സ​യു​ടെ മാ​ർ​ഗ​ത്തി​ൽ ബ​ഹു​ദൂ​രം മു​ന്നോ​ട്ടു​പോ​യ​ത്​ ലോ​കം​ക​ണ്ടു. ച​രി​ത്ര​ത്തി​ലെ ഒ​രുഘ​ട്ട​ത്തി​ൽ പു​രാ​ത​ന ഹൈ​ന്ദ​വ മേ​ധാ​വി​ക​ളും രാ​ജാ​ക്ക​ന്മാ​രും ബു​ദ്ധ​മ​ത​ത്തെ ഇ​ന്ത്യ​യി​ൽ​നി​ന്ന്​ നാ​ടു​ക​ട​ത്തി; ഇ​ന്ത്യ​യി​ൽ​ ബു​ദ്ധി​സ്​​റ്റു​ക​ളു​ടെ എ​ണ്ണം ഇ​ന്ന്​ ഒ​രു ശ​ത​മാ​ന​ത്തി​ലും താ​ഴെ​യാ​ണെ​ന്ന​ത്​ സ​ത്യ​മാ​ണെ​ങ്കി​ലും ബു​ദ്ധ​മ​ത​ത്തി​െ​ൻ​റ നേ​രെ പ​ഴ​യ വ​ി​രോ​ധ​മോ അ​സ​ഹി​ഷ്​​ണു​ത​യോ ഹി​ന്ദു​ത്വ​ശ​ക്​​തി​ക​ൾ​ക്കി​ല്ല. റോ​ഹി​ങ്ക്യ​ൻ മു​സ്​​ലിം​ക​ളെ ആ​ബാ​ല​വൃ​ദ്ധം  പു​റ​ത്താ​ക്കി​യ മ്യാ​ന്മ​റി​െ​ൻ​റ ന​ട​പ​ടി​ക്കെ​തി​രെ മോ​ദി സ​ർ​ക്കാ​ർ ഒ​ര​ക്ഷ​രം ഉ​രിയാ​ടി​യി​ല്ല​ല്ലോ. അ​തി​നാ​ൽ, ബി.​എ​സ്.​പി അ​ധ്യ​ക്ഷ മാ​യാ​വ​തി​യും അ​നു​യാ​യി​ക​ളും ബു​ദ്ധ​മ​ത​ത്തി​ലേ​ക്കു പ​രി​വ​ർ​ത്ത​നം ചെ​യ്യു​ന്ന​താ​യി പ്ര​ഖ്യാ​പി​ച്ചാ​ലും ഇ​ന്ന​ത്തെ സ​ാഹച​ര്യ​ത്തി​ൽ അത്​ വ​ലി​യ കോ​ളി​ള​ക്ക​മൊ​ന്നും ഉ​ള​വാ​ക്കി​ല്ല. ക്രി​സ്​​തു​മ​ത​ത്തി​ലേ​ക്കോ ഇ​സ്​​ലാ​മി​ലേ​ക്കോ പ​രി​വ​ർ​ത്ത​നം ചെ​യ്യു​മെ​ന്നാ​ണ്​ ഭീ​ഷ​ണി​യെ​ങ്കി​ൽ ചി​ത്രം മാ​റും.

ഏ​തെ​ങ്കി​ലും മ​ത​ത്തി​െ​ൻ​റ അ​ധ്യാ​പ​ന​ങ്ങ​ൾ മാ​ന​വി​ക​ത​ക്കും സാ​മൂ​ഹി​ക നീ​തി​ക്കും ഗു​ണ​ക​ര​മാ​ണെ​ന്ന്​ ബോ​ധ്യ​പ്പെ​ടു​ന്ന​വ​ർ സ​മ്മ​ർ​ദ​മോ പ്ര​ലോ​ഭ​ന​മോ കൂ​ടാ​തെ ആ ​മ​ത​ത്തി​ലേ​ക്ക്​ മാ​റു​ന്ന​ത്​ തി​ക​ച്ചും സ്വാ​ഭാ​വി​ക​വും മ​നു​ഷ്യസ്വാ​ത​ന്ത്ര്യ​ത്തി​െ​ൻ​റ താ​ൽ​പ​ര്യ​വു​മാ​ണ്. എ​ന്നാ​ൽ, ഭൗ​തി​ക താ​ൽ​പ​ര്യ​ങ്ങ​ൾ​ക്കു​വേ​ണ്ടി​യോ ന്യാ​യ​മാ​യ ആ​വ​ശ്യ​ങ്ങ​ൾ​ക്കാ​യിത്തന്നെ​യോ മ​തം​മാ​റ്റ ഭീ​ഷ​ണി ഉ​യ​ർ​ത്തു​ന്ന​ത്​ ന​ല്ല കാ​ര്യ​മ​ല്ല. ക​ടു​ത്ത അ​സ​ഹി​ഷ്​​ണു​ത​യും വി​വേ​ച​ന​വും അ​സമത്വ​വും പൂ​ർ​വാ​ധി​കം ശ​ക്​​തി​യി​ൽ നി​ല​നി​ൽ​ക്കു​ന്ന ഇ​ന്ത്യ​യു​ടെ വ​ർ​ത്ത​മാ​ന​കാ​ല സാ​ഹ​ച​ര്യ​ങ്ങ​ളി​ൽ അ​തി​നെ​തി​രാ​യ പോ​രാ​ട്ടം മ​തം​മാ​റ്റ​ത്തി​ലൂ​ടെ​യോ വൈ​കാ​രി​ക പ്ര​ക്ഷോ​ഭ​ങ്ങ​ളി​ലൂ​ടെ​യോ അ​ല്ല ന​ട​ക്കേ​ണ്ട​ത്; ധീ​ര​മാ​യ ബ​ഹു​ജ​ന മു​ന്നേ​റ്റ​ത്തി​ലൂ​ടെ​യാ​ണ്. അ​റ​ബ്​ വ​സ​ന്ത​ത്ത​ി​െ​ൻ​റ​യും അ​ണ്ണാ​ഹ​സാ​രെ​യു​ടെ അ​ഴി​മ​തിവി​രു​ദ്ധ ജ​ന​കീ​യ സ​മ​​ര​ത്തി​െ​ൻ​റ​യും മാ​തൃ​ക​ക​ൾ ന​മ്മു​ടെ മു​മ്പി​ലു​ണ്ട്. ഭ​ര​ണ​കൂ​ട​ങ്ങ​ളും അ​വ​യു​ടെ പ​ശ്ചാ​ത്ത​ല ശ​ക്​​തി​ക​ളും എ​ന്തു​​വി​ല​കൊ​ടു​ത്തും ജ​ന​കീ​യ സ​മ​ര​ങ്ങ​ളെ അ​ടി​ച്ച​മ​ർ​ത്തു​മെ​ന്ന​ത്​ ശ​രി​യാ​യി​രി​ക്കെ​ത്ത​ന്നെ ത്യാ​ഗ​പൂ​ർ​ണ​മാ​യ സ​ഹ​ന​സ​മ​ര​ങ്ങ​ൾ​ക്ക്​ ബ​ദ​ൽ മാ​ർ​ഗ​ങ്ങ​ൾ ഇ​ല്ല. ദ​ലി​ത്​^​പി​ന്നാ​ക്ക^​ന്യൂ​ന​പ​ക്ഷ സ​മൂ​ഹ​ങ്ങ​ളെ ഒ​റ്റ​ക്കെ​ട്ടാ​യി അ​ണി​നി​ര​ത്തി തു​ല്യ​നീ​തി​ക്കും അ​വ​കാ​ശ​ങ്ങൾക്കും​വേ​ണ്ടി രം​ഗ​ത്തി​റ​ങ്ങാ​ൻ മാ​യാ​വ​തി ത​യാ​റാ​ണെ​ങ്കി​ൽ ഭ​ര​ണ​കൂ​ട ഭീ​ക​ര​ത​യെ​യും സ​വ​ർ​ണ താ​ണ്ഡ​വ​ത്തെ​യും ചെ​റു​ത്തുതോ​ൽ​പി​ക്കാ​നാ​വു​മെ​ന്ന്​ തീ​ർ​ച്ച.
Show Full Article
TAGS:convert buddhism mayawati bjp rss editorial malayalam news 
Next Story