Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightEditorialchevron_rightഅനിഷേധ്യമായ വിജയം

അനിഷേധ്യമായ വിജയം

text_fields
bookmark_border
അനിഷേധ്യമായ വിജയം
cancel



ചരിത്രത്തിൽ ആദ്യമായി ഭ​ര​ണ​ത്തു​ട​ർ​ച്ച​ക്ക്​ അ​നു​കൂ​ല​മാ​യി കേ​ര​ളം വി​ധി​യെ​ഴു​തി​യി​രി​ക്കു​ന്നു. സം​സ്​​ഥാ​നം നി​ല​വി​ൽ വ​ന്ന​ശേ​ഷം ഒ​ന്നാ​മ​താ​യി ന​ട​ന്ന തെ​ര​ഞ്ഞെ​ടു​പ്പി​ൽ ഭ​ര​ണ​ത്തി​ലേ​റി​യ ഇ​ട​തു​പ​ക്ഷം​ത​ന്നെ ഭ​ര​ണ​ത്തു​ട​ർ​ച്ച​ക്കും തു​ട​ക്ക​മിട്ടത്​ യാ​ദൃ​ച്ഛി​ക​മാ​വാം. അ​ന്ന്​ മാ​ർ​ക്​​സി​സ്​​റ്റാ​ചാ​ര്യ​ൻ ഇ.​എം.​എ​സ്​ ന​മ്പൂ​തി​രി​പ്പാ​ടാ​ണ്​ ഭ​ര​ണ​നേ​തൃ​ത്വ​മേ​റ്റെ​ടു​ത്ത​തെ​ങ്കി​ൽ ഇ​ന്ന്​ സി.​പി.​എ​മ്മി​​​െൻറ സാ​ധാ​ര​ണപ്ര​വ​ർ​ത്ത​ക​നാ​യി രാ​ഷ്​​ട്രീ​യ​ത്തി​ലി​റ​ങ്ങി നി​ര​ന്ത​ര​വും ത്യാ​ഗ​പൂ​ർ​ണ​വു​മാ​യ പാ​ർ​ട്ടി പ്ര​വ​ർ​ത്ത​ന​ങ്ങ​ളി​ലൂ​ടെ ഭ​ര​ണ സാ​ര​ഥ്യ​മേ​റ്റെ​ടു​ത്ത പി​ണ​റാ​യി വി​ജ​യ​നാ​ണ്​ ഈ ​ച​രി​ത്ര​ദൗ​ത്യ​ത്തി​ന്​ ചു​ക്കാ​ൻ പി​ടി​ക്കു​ന്ന​ത്​ എ​ന്ന വ്യ​ത്യാ​സ​മു​ണ്ട്.

ഇ​ന്ത്യ​യു​ടെ ഇ​ത​ര ഭാ​ഗ​ങ്ങ​ളി​ലെ​ല്ലാം ത​ള​രു​ക​യോ ത​ക​രു​ക​യോ ചെ​യ്​​ത ക​മ്യൂണി​സ്​​റ്റ്​ പ്ര​സ്​​ഥാ​ന​ത്തെ കേ​ര​ള​ത്തി​ൽ നി​ർ​ണാ​യ​ക രാ​ഷ്​​ട്രീ​യ​ശ​ക്​​തി​യാ​യും അ​ധി​കാ​ര​കേ​ന്ദ്ര​മാ​യും വ​ള​ർ​ത്തി​യെ​ടു​ത്ത​തി​​​െൻറ ക്രെ​ഡി​റ്റ്​ ഒ​രു വ്യക്തി​ക്ക്​ വ​ക​വെ​ച്ചു​െ​കാ​ടു​ക്കാ​മെ​ങ്കി​ൽ അ​ത്​ നി​ശ്ച​യ​മാ​യും പി​ണ​റാ​യി ഗ്രാ​മ​ത്തി​ലെ സാ​ധാ​ര​ണ ചെ​ത്തു​തൊ​ഴി​ലാ​ളി​യു​െ​ട മ​ക​നാ​യി പി​റ​ന്ന വി​ജ​യ​നാ​യി​രി​ക്കും. അ​ക​ത്തു​നി​ന്നും പു​റ​ത്തു​നി​ന്നു​മു​യ​ർ​ന്ന വെ​ല്ലു​വി​ളി​ക​ളെ നെ​​ഞ്ചൂ​ക്കോ​ടെ നേ​രി​ട്ടു പാ​ർ​ട്ടി​യെ കൈ​പ്പി​ടി​യി​ലൊ​തു​ക്കാ​നും സം​സ്​​ഥാ​നഭ​ര​ണം കൊ​ണ്ടു​ന​ട​ത്താ​ൻ ജ​ന​ങ്ങ​ൾ ന​ൽ​കി​യ വി​ധി അ​വ​രെ തൃ​പ്​​തി​പ്പെ​ടു​ത്തുന്ന വി​ധം നി​ർ​വ​ഹി​ക്കാ​നും സാ​ധി​ച്ച​താ​ണ്​ വി​ജ​യ​​െൻറ വി​ജ​യം.

അതേ, ക​ഴി​ഞ്ഞ​ത​വ​ണ ഇ​ട​തു​പ​ക്ഷ ജ​നാ​ധി​പ​ത്യ മു​ന്ന​ണി​ക്ക്​ ല​ഭി​ച്ച 91 സീ​റ്റു​ക​ൾ ഇ​ത്ത​വ​ണ 98 ആ​യി വ​ർ​ധി​പ്പി​ക്കാ​നും ഭ​ര​ണ​ത്തു​ട​ർ​ച്ച ഉ​റ​പ്പാ​ണെ​ന്ന ആത്മ​വി​ശ്വാ​സ​ത്തെ സാ​ക്ഷാ​ത്ക​രി​ക്കാ​നും സാ​ധി​ച്ച​തി​െൻറ പി​ന്നി​ൽ ക്യാ​പ്​​റ്റ​ൻ എ​ന്ന​്​ അനു​യാ​യി​ക​ൾ വി​ളി​ച്ച പി​ണ​റാ​യി ത​ന്നെ​യാ​ണെ​ന്ന്​ വ​ക​വെ​ച്ചു​കൊ​ടു​ക്കാ​തെ വ​യ്യ. പ്ര​തി​പ​ക്ഷ​ത്തെ​യോ കേ​ന്ദ്ര ഭ​ര​ണ​കൂ​ട​ത്തെ​യോ ഭ​യ​ക്കാ​തെ, എ​ന്നാ​ൽ, ജ​ന​ങ്ങ​ളാ​ണ്​ ത​ങ്ങ​ൾ​ക്ക്​ ഒ​ര​വ​സ​രം കൂ​ടി ഈ ​അ​തീ​വ സ​ന്ദിഗ്​ദ്ധ​ഘ​ട്ട​ത്തി​ൽ ന​ൽ​കി​യ​തെ​ന്ന സ​ത്യം വി​സ്​​മ​രി​ക്കാ​തെ അ​വ​രു​ടെ പ്ര​തീ​ക്ഷ​ക​ൾ​ക്ക​നു​ഗു​ണ​മാ​യി സം​സ്​​ഥാ​ന ഭ​ര​ണം മു​ന്നോ​ട്ടു​ന​യി​ക്കാ​നു​ള്ള ചു​മ​ത​ല ഇ​ട​തു​മു​ന്ന​ണി നേ​തൃ​ത്വ​ത്തി​നും മു​ഖ്യ​മ​ന്ത്രി​ക്കു​മു​ണ്ടെ​ന്ന്​ ഓ​ർ​മി​പ്പി​ക്കേ​ണ്ട​തി​ല്ല.

സം​സ്​​ഥാ​ന​ത്തി​​ന്‍റെ വി​ക​സ​ന​ത്തി​നും ജ​ന​കീ​യ പ്ര​ശ്​​ന​ങ്ങ​ളു​ടെ പ​രി​ഹാ​ര​ത്തി​നും ഭ​ര​ണ​ത്തു​ട​ർ​ച്ച എ​ന്ന മു​ദ്രാ​വാ​ക്യ​വും ആ​വ​ശ്യ​വു​മാ​യി​രു​ന്ന ഈ ​തെ​ര​ഞ്ഞെ​ടു​പ്പി​ൽ ഇ​ട​തു​മു​ന്ന​ണി ജ​ന​ങ്ങ​ളു​ടെ മു​ന്നി​ൽ​വെ​ച്ച​ത്. വി​ക​സ​ന​ത്തി​നു​ള്ള പ​ണം എ​വി​ട​ന്ന്​ ല​ഭി​ക്കു​മെ​ന്ന സം​ശ​യ​ത്തി​ന്​ കി​ഫ്​​ബി​യി​ലൂ​ടെ എ​ന്നാ​ണ്​ വി​ശ​ദീ​ക​രി​ക്ക​പ്പെ​ട്ട​ത്. കേ​വ​ലം ഉ​ട്ടോപ്യൻ വാഗ്​​ദാ​ന​ങ്ങ​ള​ല്ല ത​ങ്ങ​ൾ ജ​ന​ങ്ങ​ൾ​ക്ക്​ മു​ന്നി​ൽ നി​ര​ത്തു​ന്ന​തെ​ന്ന്​ അ​വ​രെ വി​ശ്വ​സി​പ്പി​ക്കാ​ൻ പാ​ക​ത്തി​ൽ ക​ഴി​ഞ്ഞ അ​ഞ്ചു​വ​ർ​ഷം ന​ട​പ്പി​ൽ​വ​രു​ത്തി​യ വി​വി​ധ പ​ദ്ധ​തി​ക​ൾ എ​ടു​ത്തു​കാ​ട്ടാ​നും സ​ർ​ക്കാ​റി​ന്​ ക​ഴി​ഞ്ഞു.

അ​തി​ലു​പ​രി സം​സ്​​ഥാ​ന​ത്തി​​​െൻറ ന​​ട്ടെ​ല്ലൊട​ിച്ച ര​ണ്ട്​ മ​ഹാപ്ര​ള​യ​ങ്ങ​ളു​ടെ​യും ഒ​ടു​വി​ല​ത്തെ കോ​വി​ഡ്​ മ​ഹാ​മാ​രി​യു​ടെ​യും കെ​ടു​തി​ക​ളെ നേ​രി​ടു​ന്ന​തി​ൽ സ​ർ​ക്കാ​ർ കാ​ണി​ച്ച കാ​ര്യ​ക്ഷ​മ​ത​യും ഊ​ർ​ജ​സ്വ​ല​ത​യും ജ​ന​ങ്ങ​ളു​ടെ വി​ശ്വാ​സം നേ​ടി​യെ​ടു​ക്കു​ക​യു​ണ്ടാ​യി. സ​ർ​ക്കാ​ർ ഉ​ദാ​ര​മാ​യി വീ​ടു​ക​ളി​ലെ​ത്തി​ച്ച കി​റ്റു​ക​ളും ക്ഷേ​മ പെ​ൻ​ഷ​നും ആ ​വി​ശ്വാ​സ​ത്തെ ദൃ​ഢീ​ക​രി​ച്ചു. അ​തോ​ടൊ​പ്പം കേ​ര​ള​ത്തി​ലെ രാ​ഷ്​​ട്രീ​യ സാ​മു​ദാ​യി​ക ഘ​ട​ന ന​ന്നാ​യി പ​ഠി​ച്ച്​ അ​വ​​സ​രോ​ചി​ത ത​ന്ത്ര​ങ്ങ​ൾ ആ​വി​ഷ്​​ക​രി​ക്കാ​നും എ​ൽ.​ഡി.​എ​ഫ്​ മി​ടു​ക്കു​കാ​ട്ടി. ത​ദ്വിഷ​യ​ക​മാ​യി ഉ​യ​ർ​ന്നു​വ​ന്ന എ​തി​ർ​പ്പു​ക​ളെ പൂ​ർ​ണ​മാ​യ​ി അവ​ഗ​ണി​ക്കു​ക​യാ​യി​രു​ന്നു സി.പി.എം.

മ​റു​വ​ശ​ത്ത്​ സ്വ​ത​സി​ദ്ധ​മാ​യ ദൗ​ർ​ബ​ല്യ​ങ്ങ​ൾ അ​വ​സാ​ന നി​മി​ഷം​വ​രെ യു.​ഡി.​എ​ഫി​നെ വേ​ട്ട​യാ​ടി. ഫ​ല​പ്ര​ദ​മാ​യ നേ​തൃ​ത്വ​ത്തി​​​െൻറ അ​ഭാ​വം മു​ഖ്യ പ്ര​തി​പ​ക്ഷ പാ​ർ​ട്ടി​യാ​യ കോ​ൺ​ഗ്ര​സി​നെ വ​ല​ച്ചു. ഇ​ട​തു ത​ന്ത്ര​ങ്ങ​ളെ ഫ​ല​പ്ര​ദ​മാ​യി പ്ര​ത​ിരോ​ധി​ക്കു​ന്ന​തി​ലും പ​രാ​ജ​യ​മാ​യി​രു​ന്നു ഫ​ലം. മു​ൻ തെ​ര​ഞ്ഞെ​ടു​പ്പു​ക​ളി​ൽ​നി​ന്ന്​ വ്യ​ത്യ​സ്​​ത​മാ​യി സാ​മാ​ന്യം ഭേ​ദ​പ്പെ​ട്ട ഒ​രു സ്​​ഥാ​നാ​ർ​ഥിപ്പട്ടി​ക പു​റ​ത്തി​റ​ക്കാ​ൻ കോ​ൺ​ഗ്ര​സി​ന്​ സാ​ധി​ച്ചു​വെ​ങ്കി​ലും ചില സീ​റ്റു​ക​ളി​ലെ അ​നി​ശ്ചി​ത​ത്വ​വും വ​ടം​വ​ലി​ക​ളും യ​ഥാ​സ​മ​യം അ​വ​സാ​നി​പ്പി​ക്കാ​ൻ ക​ഴി​ഞ്ഞി​ല്ല.

അ​ധി​കാ​ര​ര​ഹി​ത​മാ​യ പാ​ർ​ട്ടി​ക്കും മു​ന്ന​ണി​ക്കും ഇ​ല​ക്​​ഷ​ൻ ഫ​ണ്ട്​ ഗു​രു​ത​ര പ്ര​ശ്​​ന​മാ​യി അ​വ​ശേ​ഷി​ക്കു​ക​യും ചെ​യ്​​തു. ജ​ന​കീ​യ ത​ല​ത്തി​ൽ പ്ര​ചാ​ര​ണ പ്ര​വ​ർ​ത്ത​ന​ങ്ങ​ളു​ടെ അ​ഭാ​വം മു​ഴ​ച്ചു​കാ​ണാ​മാ​യി​രു​ന്നു. ഈ ​കാ​ര​ണ​ങ്ങ​ളെ​ല്ലാം ചേ​ർ​ന്നു അ​ച്ച​ട​ക്ക​വും കെ​ട്ടു​റ​പ്പും ന​ഷ്​​ട​മാ​യ മു​ന്ന​ണി​യു​ടെ വി​ജ​യ​സാ​ധ്യ​ത തു​ട​ക്ക​ത്തി​ലെ തീ​ർ​ത്തും മ​ങ്ങി​യി​രു​ന്നു. പോ​ളി​ങ്ങിന്​ മു​മ്പും പി​മ്പും ന​ട​ന്ന സ​ർ​വേ​ക​ൾ ഒ​രു​പോ​ലെ നേ​രി​യ പ​രാ​ജ​യം മു​ത​ൽ ക​ന​ത്ത തി​രി​ച്ച​ടി​വ​രെ യു.​ഡി.​എ​ഫി​ന്​ പ്ര​വ​ചി​ച്ചു. അ​തേ ഫ​ല​ങ്ങ​ളാ​ണി​പ്പോ​ൾ പു​റ​ത്തു​വ​ന്നി​രി​ക്കു​ന്ന​ത്. ഒ​രു കാ​ര​ണ​വ​ശാ​ലും ഭ​ര​ണ​ത്തു​ട​ർ​ച്ച കേ​ര​ള​ത്തി​ൽ ആ​ശാ​സ്യ​മാ​വി​െ​ല്ല​ന്ന്​ തീ​രു​മാ​നി​ച്ചവർക്കും ര​ക്ഷി​ക്കാ​ൻ ക​ഴി​യു​ന്ന​താ​യി​രു​ന്നി​ല്ല യു.​ഡി.​എ​ഫി​െൻറ ദു​ർ​ഗ​തി. മ​ഹാ കൊ​ട്ടി​ഘോ​​ഷ​ത്തോ​ടെ ഇ​ട​തു​മു​ന്ന​ണി ആ​ന​യി​ച്ചു​കൊ​ണ്ടു​വ​ന്ന കേ​ര​ള കോ​ൺ​ഗ്ര​സ്​ മാ​ണി​ഗ്രൂപ്​ സു​പ്രീ​മോ ജോ​സ്​ കെ. ​മാ​ണി​യു​ടെ​യും മ​ന്ത്രി മേഴ്​​സി​ക്കു​ട്ടിയമ്മ​യു​ടെ​യും തോ​ൽ​വി​പോ​ലു​ള്ള തി​രി​ച്ച​ടി​ക​ൾ ചൂ​ണ്ടി​ക്കാ​ട്ടി ആ​ശ്വാ​സം കൊ​ള്ളാ​നാ​വും ത​ൽ​ക്കാ​ലം യു.​ഡി.​എ​ഫി​െൻറ മ​നോ​ഗ​തി.

പ്ര​ധാ​ന​മ​ന്ത്രി ന​രേ​ന്ദ്ര​മോ​ദി​യും ആ​ഭ്യ​ന്ത​ര​മ​ന്ത്രി അ​മി​ത്​​ഷാ​യും ബി.​ജെ.​പി സം​സ്​​ഥാ​ന​ങ്ങ​ളി​ലെ മു​ഖ്യ​മ​​ന്ത്രി​മാ​രു​മ​ട​ങ്ങു​ന്ന വ​ലി​യൊ​രു കാ​വി​പ്പ​ട കേ​ര​ള​ത്തി​ൽ വ​ന്ന്​ ത​മ്പ​ടി​ച്ചി​ട്ടും ക​റു​ത്ത​തും വെ​ളു​ത്ത​തു​മാ​യ പ​ണം പ്ര​ള​യം​ക​ണ​ക്കെ ഒ​ഴു​ക്കി​യി​ട്ടും നി​യ​മ​സ​ഭ​യി​ൽ നി​ല​വി​ലി​രു​ന്ന സീ​റ്റു​പോ​ലും ന​ഷ്​ട​പ്പെ​ടു​ത്തി​യ ദേ​ശീ​യ പാ​ർ​ട്ടി​ക്ക്​ നേ​രി​ട്ട തി​രി​ച്ച​ടി ആ ​പാ​ർ​ട്ടി​ക്ക്​ മാ​ത്ര​മ​ല്ല, എ​ല്ലാ​വ​ർ​ക്കും പാ​ഠ​മാ​വേ​ണ്ട​താ​ണ്. കേ​ര​ളം തീ​വ്ര ഹി​ന്ദു​ത്വ​ത്തി​ന്​ വ​ള​ക്കൂറു​ള്ള മ​ണ്ണ​ല്ലെ​ന്ന്​ ഒ​രി​ക്ക​ൽ കൂ​ടെ തെ​ളി​ഞ്ഞി​രി​ക്കു​ന്നു. ആ ​പാ​ർ​ട്ടി വോ​ട്ടു മ​റി​ച്ച​തി​നെ​ച്ചൊ​ല്ലി​യു​ള്ള ത​ർ​ക്ക​വി​ത​ർ​ക്ക​ങ്ങ​ളും അ​തി​നാ​ൽ അ​പ്ര​സ​ക്തമാ​യി​ത്തീ​ർ​ന്നി​രി​ക്കു​ന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:madhyamam editorialvictoryldfPinarayi VijayanPinarayi VijayanPinarayi Vijayancpm
News Summary - Undeniable victory
Next Story