Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightOpinionchevron_rightEditorialchevron_rightതൂ​ത്തു​ക്കു​ടി​യി​ലെ...

തൂ​ത്തു​ക്കു​ടി​യി​ലെ കൂ​ട്ട​ക്കൊ​ല

text_fields
bookmark_border
തൂ​ത്തു​ക്കു​ടി​യി​ലെ കൂ​ട്ട​ക്കൊ​ല
cancel

ത​മി​ഴ്​​നാ​ട്ടി​ലെ തൂ​ത്തു​ക്കു​ടി തു​റ​മു​ഖ​ത്ത്​ 1996 മു​ത​ൽ പ്ര​വ​ർ​ത്തി​ക്കു​ന്ന വേ​ദാ​ന്ത ഗ്രൂ​പ്പി​െ​ൻ​റ സ്​​റ്റെ​ർലൈ​റ്റ്​ കോ​പ്പ​ർ ക​മ്പ​നി​യു​ടെ ലൈസൻസ്​ പുതുക്കരുതെന്നും പു​തി​യ യൂ​നി​റ്റ്​ അ​ട​ച്ചു​പൂ​ട്ട​ണ​മെ​ന്നുമാ​വ​ശ്യ​പ്പെ​ട്ട്​ പ​രി​സ​ര​വാ​സി​ക​ൾ ന​ട​ത്തി​വ​രു​ന്ന പ്ര​തി​ഷേ​ധ സ​മ​ര​ത്തി​െ​ൻ​റ നൂ​റാം ദി​ന​ത്തി​ൽ, മു​ഖ്യ​മ​ന്ത്രി എ​ട​പ്പാ​ടി കെ. ​പ​ള​നി​സ്വാ​മി​യു​ടെ വെ​ളി​പ്പെ​ടു​ത്ത​ൽ പ്ര​കാ​രം 20,000ത്തോ​ളം ജ​ന​ങ്ങ​ൾ പ​െ​ങ്ക​ടു​ത്ത മാ​ർ​ച്ചി​നു​നേ​രെ പൊ​ലീ​സ്​ ന​ട​ത്തി​യ വെ​ടി​വെ​പ്പി​ൽ 11 പേ​ർ കൊ​ല്ല​പ്പെ​ടു​ക​യും 20 പേ​ർ​ക്ക്​ ഗു​രു​ത​ര​മാ​യി പ​രി​ക്കേ​ൽ​ക്കു​ക​യും​ ചെ​യ്​​ത സം​ഭ​വം സം​സ്​​ഥാ​ന​ത്തെ​യാ​കെ പ്ര​ക്ഷു​ബ്​​ധ​മാ​ക്കിയിരിക്കുക​യാ​ണ്. അ​നൗ​ദ്യോ​ഗി​ക റി​പ്പോ​ർ​ട്ടു​ക​ൾ പ്ര​കാ​രം 50,000 വ​രു​ന്ന പ്ര​തി​ഷേ​ധ​ക്കാ​രെ നേ​രി​ടാ​ൻ 2500 പൊ​ലീ​സു​കാ​രെ​യാ​ണ്​ നി​യോ​ഗി​ച്ചി​രു​ന്ന​​ത്. ജ​ന​ക്കൂ​ട്ടം ജി​ല്ല ഭ​ര​ണ​കൂ​ട ആസ്​​ഥാ​ന​ത്തേ​ക്ക്​ നി​രോ​ധനാ​ജ്​​ഞ ലം​ഘി​ച്ച്​ ത​ള്ളി​ക്ക​യ​റു​ക​യും പൊ​ലീ​സ്​ വാ​ഹ​ന​ങ്ങ​ൾ ക​ത്തി​ക്കു​ന്ന​തു​ൾ​പ്പെ​ടെ​യു​ള്ള ന​ശീ​ക​ര​ണ പ്ര​വ​ർ​ത്ത​ന​ങ്ങ​ളി​ലേ​ർ​പ്പെ​ടു​ക​യും ചെ​യ്​​ത​പ്പോ​ൾ ലാ​ത്തി​ച്ചാ​ർ​ജും മ​റ്റ്​ ന​ട​പ​ടി​ക​ളും പ്ര​യോ​ഗി​​െച്ച​​ങ്കി​ലും അ​തൊ​ക്കെ വി​ഫ​ല​മാ​യ​പ്പോ​ഴാ​ണ്​ പൊ​ലീ​സി​ന്​ വെ​ടി​വെ​ക്കേ​ണ്ടി​വ​ന്ന​തെ​ന്നാ​ണ്​ ഒൗ​ദ്യോ​ഗി​ക ഭാ​ഷ്യം. ചൊ​വ്വാ​ഴ്​​ച​യി​ലെ അ​നി​ഷ്​​ട സം​ഭ​വ​ങ്ങ​ൾ ബു​ധ​നാ​ഴ്​​ച​യും തു​ട​ർ​ന്നു. അ​തി​നി​ടെ പു​തി​യ കോ​പ്പ​ർ സ്​​റ്റെ​ർലൈ​റ്റ്​ നി​ർ​മാ​ണ പ്ര​വൃ​ത്തി​ക​ൾ മ​ദ്ര​ാസ്​ ഹൈ​കോ​ട​തി സ്​​റ്റേ ചെ​യ്​​തി​ട്ടു​ണ്ട്. ത​മി​ഴ്​​നാ​ട്ടി​ലെ പ്ര​തി​പ​ക്ഷ​ക​ക്ഷി​ക​ൾ ഒ​ന്ന​ട​ങ്കം വെ​ടി​വെ​പ്പി​നെ അ​പ​ല​പി​ച്ചു, സ്​​റ്റേ​റ്റ്​ ഭീ​ക​ര​ത എ​ന്നാ​ണ്​ സം​ഭ​വ​ത്തെ ​േകാ​ൺ​ഗ്ര​സ്​ അ​ധ്യ​ക്ഷ​ൻ രാ​ഹു​ൽ ഗാ​ന്ധി വി​ശേ​ഷി​പ്പി​ച്ചി​രി​ക്കു​ന്ന​ത്. പ്ര​തി​ഷേ​ധ സ​മ​ര​ത്തി​ന്​, പു​തി​യ രാ​ഷ്​​ട്രീ​യ പാ​ർ​ട്ടി രൂ​പ​വ​ത്​​ക​രി​ക്കാ​നൊ​രു​ങ്ങു​ന്ന സി​നി​മാതാ​രം ര​ജ​നീകാ​ന്തും ന​ട​ൻ ക​മ​ൽ ഹാ​സ​നും പി​ന്തു​ണ പ്ര​ഖ്യാ​പി​ച്ചി​ട്ടു​ണ്ട്.

ഇ​ല​ക്​​േ​​ട്രാ​ണി​ക്​ സ​ർ​ക്യൂ​ട്ട്​ ഘ​ട​ക​ങ്ങ​ൾ, ചെ​മ്പ്​ വ​യ​റു​ക​ൾ, ചെ​മ്പ്​ ക​മ്പി​ക​ൾ, സിങ്ക്​ എ​ന്നി​വ ഉ​ൽ​പാ​ദി​പ്പി​ക്കു​ന്ന സ്​​റ്റെ​ർലൈ​റ്റ്​ ​േകാ​പ്പ​ർ ഇ​ൻ​ഡ​സ്​​ട്രീ​സ്​ (ഇ​ന്ത്യ) എ​ന്ന ക​മ്പ​നി സ​ൾ​ഫ്യൂ​രി​ക്​ ആ​സി​ഡ്, ഫോ​സ്​​ഫേ​ാറിക്​​ ആ​സി​ഡ്​ തു​ട​ങ്ങി​യ രാ​സ​വ​സ്​​തു​ക്ക​ളും നി​ർ​മി​ക്കു​ന്നു. ഇം​ഗ്ല​ണ്ടി​ൽ ക​ഴി​യു​ന്ന ഇ​ന്ത്യ​ൻ വം​ശ​ജ​നാ​യ ശ​ത​കോ​ടീ​ശ്വ​ര​ൻ അ​നി​ൽ അ​ഗ​ർ​വാ​ളി​​െൻറ വേ​ദാ​ന്ത ഗ്രൂ​പ്പി​േ​ൻ​റ​താ​ണ്​ തൂ​ത്തു​ക്കു​ടി​യി​ലെ സ്​​​റ്റെ​ർലൈ​റ്റ്​ വ്യ​വ​സാ​യ​ശാ​ല. 1000 പേ​ർ​ക്ക്​ മു​ഴു​സ​മ​യ ജോ​ലി​യും 2000 പേ​ർ​ക്ക്​ ക​രാ​ർ പ​ണി​ക​ളും പ​രോ​ക്ഷ​മാ​യി 25,000 പേ​ർ​ക്ക്​ തൊ​ഴി​ല​വ​സ​ര​ങ്ങ​ളും ന​ൽ​കു​ന്ന​താ​യി അ​വ​കാ​ശ​പ്പെ​ടു​ന്ന ക​മ്പ​നി​ക്കെ​തി​രെ പ​ക്ഷേ, സ​മീ​പ​വാ​സി​ക​ൾ പ​രാ​തി​പ്പെ​ടാ​ൻ തു​ട​ങ്ങി​യി​ട്ട് കാ​ല​ങ്ങ​ളാ​യി. പ്ലാ​ൻ​റു​ക​ളി​ൽ​നി​ന്ന്​ വി​ഷ​പ്പു​ക ഉ​യ​രു​ന്നു; കാ​ർ​ഷി​ക മേ​ഖ​ല​യി​ലേ​ക്ക്​ പു​റം​ത​ള്ളു​ന്ന ട​ൺ ക​ണ​ക്കി​നു മാ​ലി​ന്യ​ങ്ങ​ൾ അർബുദം മാ​ര​ക​മാ​യി പ​ട​രാ​നും ശ്വാ​സ​കോ​ശ സം​ബ​ന്ധ​മാ​യ രോ​ഗ​ങ്ങ​ൾ​ക്കും ഇ​ട​യാ​ക്കു​ന്നു തു​ട​ങ്ങി​യ ന്യാ​യ​പ​രാ​തി​ക​ളാ​ണ്​ ജ​ന​ങ്ങ​ൾ ഉ​യ​ർ​ത്തു​ന്ന​ത്.

പ്ലാ​ൻ​റി​െ​ൻ​റ പ​രി​സ​ര​ത്തെ ജ​ല​സ്രോ​ത​സ്സു​ക​ൾ മ​ലി​നീ​ക​രി​ക്ക​പ്പെ​ട്ടി​രി​ക്കു​ന്നു. 2013 മാ​ർ​ച്ചി​ൽ പ്ലാ​ൻ​റി​ലു​ണ്ടാ​യ ചോ​ർ​ച്ച​യെ തു​ട​ർ​ന്ന്​ നൂ​റു​ക​ണ​ക്കി​ന്​ പ​രി​സ​രവാ​സി​ക​ൾ​ക്ക്​ ശ്വാ​സ​ത​ട​സ്സ​വും തൊ​ണ്ട​യി​ൽ പ​ഴു​പ്പും മ​റ്റ്​ പ്ര​യാ​സ​ങ്ങ​ളു​മു​ണ്ടാ​യി. ​പ്ര​ശ്​​ന​ത്തി​ലി​ട​പെ​ട്ട ത​മി​ഴ്​​നാ​ട്​ മ​ലി​നീ​ക​ര​ണ ബോ​ർ​ഡ്​, വ്യ​വ​സ്​​ഥ​ക​ൾ ലം​ഘി​ച്ച​താ​യി ക​ണ്ടെ​ത്തി പ്ലാ​ൻ​റ്​ അ​ട​ച്ചു​പൂ​ട്ടാ​ൻ ഉ​ത്ത​ര​വി​​െട്ട​ങ്കി​ലും ദേ​ശീ​യ ഹ​രി​ത ട്രൈ​ബ്യൂ​ണ​ൽ തു​ട​ർ​ന്ന്​ പ്ര​വ​ർ​ത്തി​ക്കാ​ൻ പ​ച്ച​ക്കൊ​ടി കാ​ട്ടു​ക​യാ​യി​രു​ന്നു. 2013ൽ ​എം.​ഡി.​എം.​കെ നേ​താ​വ്​ വൈ​കോ ഗോ​പാ​ല​സ്വാ​മി സ​മ​ർ​പ്പി​ച്ച ഹ​ര​ജി​യെ​ത്തു​ട​ർ​ന്ന്​ സു​പ്രീം​േ​കാ​ട​തി വ​ർ​ഷ​ങ്ങ​ളാ​യി തു​ട​രു​ന്ന മ​ലി​നീ​ക​ര​ണ​ത്തി​െ​ൻ​റ പേ​രി​ൽ 100 കോ​ടി രൂ​പ പി​ഴ​യ​ട​ക്കാ​ൻ ഉ​ത്ത​ര​വി​ട്ടി​രു​ന്നെ​ങ്കി​ലും സ്​​റ്റെ​ർ​ലൈ​റ്റ്​ മു​ത​ലാ​ളി​മാ​ർ ത​ങ്ങ​ൾ മ​ലി​നീ​ക​ര​ണ നി​യ​ന്ത്ര​ണ വ്യ​വ​സ്​​ഥ​ക​ൾ പൂ​ർ​ണ​മാ​യി പാ​ലി​ക്കു​ന്നു​​ണ്ടെ​ന്ന്​ അ​വ​കാ​ശ​പ്പെ​ട്ട്​ ത​ടി​യൂ​രു​ക​യാ​യി​രു​ന്നു. അ​തേ​സ​മ​യം, ക​ഴി​ഞ്ഞ അ​ഞ്ചു​വ​ർ​ഷ​മാ​യി സ്​​റ്റെ​​ർ​ലൈ​റ്റ്​ ആ​യി​ര​ക്ക​ണ​ക്കി​ന്​ ട​ൺ ഖ​ര മാ​ലി​ന്യ​ങ്ങ​ളാ​ണ്​ അ​ന​ധി​കൃ​ത​മാ​യി പു​റ​ത്തു​വി​ടു​ന്ന​തെ​ന്ന്​ ത​മി​ഴ്​​നാ​ട്​ പൊ​ലൂ​ഷ​ൻ ക​ൺ​േ​​ട്രാ​ൾ ബോ​ർ​ഡ്​ ചൂ​ണ്ടി​ക്കാ​ട്ടു​ന്നു.​ വേ​ദാ​ന്ത ഗ്രൂ​പ്​ ആ​ഫ്രി​ക്ക​യി​ൽ പ്ര​വ​ർ​ത്തി​പ്പി​ക്കു​ന്ന രാ​സ​വ​സ്​​തു നി​ർ​മാ​ണ​ശാ​ല​ക​ൾ​ക്കെ​തി​രെ​യും ത​ദ്ദേ​ശവാ​സി​ക​ൾ​​ക്ക്​ ഇതേ പ​രാ​തി​യു​ണ്ടെ​ന്ന​ത്​ ശ്ര​ദ്ധേ​യ​മാ​ണ്.

ചു​രു​ക്ക​ത്തി​ൽ കോ​ർ​പ​റേ​റ്റ്​ ഭീ​മ​ന്മാ​ർ സ​മ്പ​ത്ത്​ വാ​രി​ക്കൂ​ട്ടാ​നു​ള്ള മ​ത്സ​ര​ത്തി​ൽ സാ​ധാ​ര​ണ മ​നു​ഷ്യ​രു​ടെ ജീ​വ​നും ആ​രോ​ഗ്യ​ത്തി​നും നി​ല​നി​ൽ​പി​നും പു​ല്ലു​വി​ലപോ​ലും ക​ൽ​പി​ക്കാ​ത്ത അ​നേ​ക​മ​നേ​കം സം​ഭ​വ​ങ്ങ​ളു​ടെ ത​നി​യാ​വ​ർ​ത്ത​ന​മാ​ണ്​ തൂ​ത്തു​ക്കു​ടി​യി​ലും അ​ര​ങ്ങേ​റു​ന്ന​ത്. പ​തി​റ്റാ​ണ്ടു​ക​ളോ​ളം ശ​ത​േ​കാ​ടീ​ശ്വ​ര​ൻ ബി​ർ​ള​യു​ടെ ഗ്രാ​സിം പ​ൾ​പ്പ്​ ഫാ​ക്​​ട​റി മാ​വൂ​രി​ലും പ​രി​സ​ര​ങ്ങ​ളി​ലും തു​ട​ർ​ന്ന മ​ലി​നീ​ക​ര​ണ​ത്തി​െ​ൻ​റ ശി​ക്ഷ വേ​ണ്ടു​വോ​ളം അ​നു​ഭ​വി​ച്ച​വ​രാ​ണ്​ ന​മ്മു​ടെ നാ​ട്ടുകാർ. അ​ർ​ബു​ദ​വും ശ്വാ​സ​കോ​ശ രോ​ഗ​ങ്ങ​ളും ഭ​യാ​ന​ക​മാ​യി പെ​രു​കി​യിട്ടും തൊ​ഴി​ല​വ​സ​ര​ങ്ങ​ളു​ടെ മേ​നി പ​റ​ഞ്ഞ്​ ഇ​ട​ത്​-​വ​ല​ത്​ സ​ർ​ക്കാ​റു​ക​ളും തൊ​ഴി​ലാ​ളി യൂ​നി​യ​നു​ക​ളും ബി​ർ​ള​യോ​ടൊ​പ്പം നി​ൽ​ക്കു​ക​യാ​യി​രു​ന്നു. സ​ഹ​ന​ത്തി​െ​ൻ​റ നെ​ല്ലി​പ്പ​ടി​യും ക​ട​ന്ന​പ്പോ​ഴാ​ണ്​ പ​രി​സ​ര​വാ​സി​ക​ൾ ശ​ക്ത​മാ​യ ജ​ന​കീ​യ പ്ര​തി​ഷേ​ധ സ​മ​ര​ത്തി​ലൂ​ടെ ഗ്രാ​സിം പൂ​ട്ടി​ച്ച​ത്. ഇ​ന്നും അ​ത്​ തെ​റ്റാ​യി​പ്പോ​യെ​ന്ന്​ വാ​ദി​ക്കു​ന്ന രാ​ഷ്​​ട്രീ​യ​ക്കാ​രു​ണ്ട്​്​. സാ​ധാ​ര​ണ മ​നു​ഷ്യ​രു​ടെ ജീ​വ​നും ആ​രോ​ഗ്യ​വും അ​വ​രു​ടെ ക​ണ്ണി​ൽ വി​ല​യു​ള്ള വ​സ്​​തു​ക്ക​ളേ​യ​ല്ല. പ്ര​കൃ​തി ക​നി​ഞ്ഞ​രു​ളി​യ വാ​യു​വും വെ​ള്ള​വും കോ​ർ​പ​റേ​റ്റ്​ മു​ത​ലാ​ളി​മാ​ർ​ക്കും ശി​ങ്കി​ടി സ​ർ​ക്കാ​റു​ക​ൾ​ക്കും പ​ണം വാ​രി​ക്കൂ​ട്ടാ​നു​ള്ള ഉ​പാ​ധി​ക​ൾ മാ​ത്രം. അ​ള​മു​ട്ടി​യ​പ്പോ​ൾ പ്ര​ക്ഷോ​ഭ​രം​ഗ​ത്തി​റ​ങ്ങേ​ണ്ടി​വ​ന്ന പ്രദേശവാസികൾ ജീ​വ​ൻകൊ​ടു​ത്തും പ​രി​സ്​​ഥി​തി സം​ര​ക്ഷ​ണ​ത്തി​നി​റ​ങ്ങി​യ ആ​വേ​ശ​ക​ര​മാ​യ മു​ന്നേ​റ്റ​മാ​ണ്​ തൂ​ത്തു​ക്കു​ടി​യി​ൽ കാ​ണാ​നാ​വു​ന്ന​ത്. സു​മ​ന​സ്സു​ക​ളാ​യ സ​ർ​വ മ​നു​ഷ്യ​സ്​​നേ​ഹി​ക​ളും അ​വ​രോ​ടൊ​പ്പം നി​ൽ​ക്കു​കത​ന്നെ ചെ​യ്യും.

Show Full Article
TAGS:madhyamam editorial Thoothukudi Sterlite Protest article malayalam news 
Next Story