Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightOpinionchevron_rightEditorialchevron_rightവി​മ​ർ​ശ​ന​ങ്ങ​ളെ...

വി​മ​ർ​ശ​ന​ങ്ങ​ളെ നേ​രി​ടേ​ണ്ട​ത്​ അ​ടി​ച്ചൊ​തു​ക്കി​യ​ല്ല

text_fields
bookmark_border
വി​മ​ർ​ശ​ന​ങ്ങ​ളെ നേ​രി​ടേ​ണ്ട​ത്​ അ​ടി​ച്ചൊ​തു​ക്കി​യ​ല്ല
cancel


തു​ട​ര​ത്തു​ട​രെ രാ​ജ്യ​ത്തെ പ​ര​മോ​ന്ന​ത കോ​ട​തി സ്വാ​ത​ന്ത്ര്യ-ജ​നാ​ധി​പ​ത്യ ​വാ​ദി​ക​ളു​ടെ പ്ര​തി​കൂ​ല നി​രൂ​പ​ണ​ത്തി​ന്​ ഇ​ടം കൊ​ടു​ക്കു​ന്നു എ​ന്ന​ത്​ അ​സ്വാ​​​സ്​​ഥ്യ​ജ​ന​ക​മാ​ണ്. അ​ർ​ണ​ബ്​ ഗോ​സ്വാ​മി എ​ന്ന റി​പ്പ​ബ്ലി​ക്​ ടി.​വി അ​ധി​പ​ന്​ ജാ​മ്യം ന​ൽ​കു​ന്ന​തി​ൽ കാ​ണി​ച്ച അ​സാ​ധാ​ര​ണ​മാ​യ വേ​ഗ​വും താ​ൽ​പ​ര്യ​വു​മാ​ണ്​ ഇ​പ്പോ​ൾ ച​ർ​ച്ചചെ​യ്യ​​പ്പെ​ടു​ന്ന​ത്. ഏ​റ്റ​വു​മൊ​ടു​വി​ൽ അ​റ്റോ​ണി ജ​ന​റ​ൽ കെ.​കെ. വേ​ണു​ഗോ​പാ​ൽ, കു​നാ​ൽ ക​മ്ര എ​ന്ന ഹാ​സ്യ​ക​ലാ​കാ​ര​നെ​തി​രെ കോ​ട​തി​യ​ല​ക്ഷ്യ​ക്കേ​സി​ന്​ ശി​പാ​ർ​ശ ചെ​യ്​​ത​ത്​ അ​മി​താ​വേ​ശ​ത്തി​െ​ൻ​റ പു​തി​യ ഉ​ദാ​ഹ​ര​ണ​മാ​ണ്​; ആ ​ചൂ​ണ്ട​യി​ൽ കോ​ട​തി കൊ​ത്ത​രു​തെ​ന്നാ​ണ്​ ജ​നാ​ധി​പ​ത്യ​വാ​ദി​ക​ൾ പൊ​തു​വെ ആ​വ​ശ്യ​പ്പെ​ട്ടു​കൊ​ണ്ടി​രി​ക്കു​ന്ന​ത്. അ​ർ​ണ​ബി​െ​ൻ​റ കാ​ര്യ​ത്തി​ൽ കോ​ട​തി കാ​ണി​ച്ച അ​മി​താ​വേ​ശം ജു​ഡീ​ഷ്യ​റി​യു​ടെ യ​ശ​സ്സ്​ ഉ​യ​ർ​ത്തു​ന്ന​താ​യി​ട്ടി​ല്ല​ല്ലോ. ഒ​രു ആ​ത്മഹ​ത്യ പ്രേ​ര​ണ​ക്കേ​സി​ൽ അ​ർ​ണ​ബി​നെ​യും വേ​റെ ര​ണ്ടു​പേ​രെ​യും മും​ബൈ പൊ​ലീ​സ്​ അ​റ​സ്​​റ്റ്​ ചെ​യ്​​ത​തി​ന്​ പി​ന്നി​ൽ രാ​ഷ്​​ട്രീ​യ താ​ൽ​പ​ര്യ​മു​ണ്ടാ​വാം. ജാ​മ്യ​ത്തി​നാ​യി സെ​ഷ​ൻ​സ്​ കോ​ട​തി​യെ സ​മീ​പി​ച്ച​തി​െ​ൻ​റ ഫ​ല​മ​റി​യും മു​േമ്പ അ​ർ​ണ​ബ്​ ബോം​ബെ ഹൈ​കോ​ട​തി​യെ സ​മീ​പി​ച്ചു. മു​റ​തെ​റ്റി​ച്ച​തി​നാ​ൽ ഹൈ​കോ​ട​തി ജാ​മ്യാ​പേ​ക്ഷ ത​ള്ളി. ഇ​ത്​ അ​സാ​ധാ​ര​ണ​മ​ല്ല. കീ​ഴ്​​കോ​ട​തി​യി​ൽ​ചെ​ന്ന്​ സ​മ​യം പാ​ഴാ​ക്കാ​ൻ നി​ൽ​ക്കാ​തെ അ​ർ​ണ​ബ്​ ഹൈ​കോ​ട​തി തീ​ർ​പ്പി​നെ ചോ​ദ്യം ചെ​യ്​​ത്​ സു​പ്രീം​കോ​ട​തി​യെ സ​മീ​പി​ക്കു​ന്ന​താ​ണ്​ പി​ന്നെ ക​ണ്ട​ത്. കീ​ഴ്​​കോ​ട​തി കേ​സ്​ കേ​ൾ​ക്കാ​നി​രു​ന്ന സ​മ​യ​ത്ത്​ വ​ന്ന അ​പേ​ക്ഷ സു​പ്രീം​കോ​ട​തി പ​തി​വി​ല്ലാ​ത്ത മ​ട്ടി​ൽ ഉ​ട​നെ​ത്ത​ന്നെ പ​രി​ഗ​ണ​ന​ക്കെ​ടു​ത്തു. അ​തേ​ദി​വ​സം​ത​ന്നെ ഇ​ട​ക്കാ​ല ജാ​മ്യ​വും ന​ൽ​കി. ഇ​ത്​ രാ​ജ്യ​ത്തെ നി​യ​മ​വൃ​ത്ത​ങ്ങ​ളി​ലും ജ​നാ​ധി​പ​ത്യ​വാ​ദി​ക​ളി​ലും അ​മ്പ​ര​പ്പു​ള​വാ​ക്കി​യ​ത്​ ജാ​മ്യം അ​ന്യാ​യ​മാ​യ​തി​നാ​ല​ല്ല; മ​റി​ച്ച്​ സ​മാ​ന​മാ​യ അ​നേ​കം കേ​സു​ക​ളി​ൽ കോ​ട​തി കാ​ണി​ച്ചു​വ​ന്ന ഉ​ദാ​സീ​ന​ത​യു​മാ​യി ഇ​തി​നു​ള്ള വ​ല്ലാ​ത്ത അ​ന്ത​രം തി​രി​ച്ച​റി​ഞ്ഞാ​ണ്.

ജാ​മ്യ​ത്തി​ന്​ അ​ർ​ഹ​ത​യു​ണ്ടെ​ന്ന്​ സു​പ്രീം​കോ​ട​തിത​ന്നെ സ​മ്മ​തി​ച്ചി​ട്ടും സു​ധ ഭ​ര​ദ്വാ​ജ്​ എ​ന്ന അ​ഭി​ഭാ​ഷ​ക​ക്ക്​ കോ​ട​തി ജാ​മ്യം ന​ൽ​കി​യി​ല്ല; ഹൈ​കോ​ട​തി​യെ സ​മീ​പി​ക്കാ​ൻ ഉ​പ​ദേ​ശി​ച്ച്​ അ​വ​രെ മ​ട​ക്കു​ക​യാ​ണ്​ പ​ര​മോ​ന്ന​ത കോ​ട​തി ചെ​യ്​​ത​ത്. സി​ദ്ദീ​ഖ്​ കാ​പ്പ​ൻ എ​ന്ന മ​ല​യാ​ളി ജേ​ണ​ലി​സ്​​റ്റി​നെ യു.​പി പൊ​ലീ​സ്​ ത​ട​വി​ലാ​ക്കി യു.​എ.​പി.​എ ചു​മ​ത്തി​യ​ത്​ ജാ​മ്യം ഉ​ട​നെ ല​ഭി​ക്കാ​തി​രി​ക്കാ​നാ​ണ്. ആ ​ക​രി​നി​യ​മം മ​റ്റു പ​ല​ർ​ക്കു​മെ​തി​രെ അ​ധി​കാ​രി​ക​ൾ ചു​മ​ത്തി​യ​തി​ന്​ പി​ന്നി​ലും കാ​ര​ണം മ​റ്റൊ​ന്നാ​യി​രി​ക്കി​ല്ല. അ​ക്കാ​ര്യം പ​രി​ശോ​ധി​ക്കാ​നു​ള്ള ജാ​ഗ്ര​ത കോ​ട​തി​ക​ൾ കാ​ണി​ക്കാ​തി​രി​ക്കു​േ​മ്പാ​ൾ, വ്യ​ക്തി​സ്വാ​ത​ന്ത്ര്യ​ത്തെ പ​ര​മ​മാ​യി ക​രു​തു​ന്നു എ​ന്ന്​ അ​ർ​ണ​ബി​െ​ൻ​റ കാ​ര്യ​ത്തി​ൽ കോ​ട​തി എ​ടു​ത്ത നി​ല​പാ​ടാ​ണ്​ റ​ദ്ദാ​യി​പ്പോ​കു​ന്ന​ത്. ആ​സി​ഫ്​ സു​ൽ​ത്താ​ൻ എ​ന്ന ക​ശ്​​മീ​രി ജേ​ണ​ലി​സ്​​റ്റി​നെ 2018ൽ ​അ​റ​സ്​​റ്റ്​ ചെ​യ്​​ത​തി​ന്​ പി​ന്നാ​ലെ കീ​ഴ്​​കോ​ട​തി ജാ​മ്യം നി​ഷേ​ധി​ച്ചു. തു​ട​ർ​ന്ന്​ ജാ​മ്യം കി​ട്ടാ​ത്ത ആ​രോ​പ​ണ​ങ്ങ​ൾകൂ​ടി പൊ​ലീ​സ്​ കു​റ്റ​പ​ത്ര​ത്തി​ൽ ചേ​ർ​ത്തു. 800ല​ധി​കം ദി​വ​സ​മാ​യി അ​ദ്ദേ​ഹം ത​ട​ങ്ക​ലി​ലാ​ണ്. മാ​ധ്യ​മ​പ്ര​വ​ർ​ത്ത​ക​ർ​ക്ക്​ പു​റ​മെ ഒ​രു​പാ​ട്​ പൗ​രാ​വ​കാ​ശ പ്ര​വ​ർ​ത്ത​ക​രും രാ​ഷ്​​ട്രീ​യ പ്ര​വ​ർ​ത്ത​ക​രു​മെ​ല്ലാം ഇ​ങ്ങ​നെ ന്യാ​യ​മാ​യി കി​​ട്ടേ​ണ്ട ജാ​മ്യം നി​ഷേ​ധി​ക്ക​പ്പെ​ട്ട്​ ത​ട​ങ്ക​ലി​ൽ തു​ട​രു​ന്നു​ണ്ട്. അ​ർ​ണ​ബി​േ​ൻ​റ​തി​ന്​ സ​മാ​ന​മെ​ന്ന്​ നി​യ​മ​വൃ​ത്ത​ങ്ങ​ൾ പ​റ​യു​ന്ന ക​ബീ​ർ ക​ലാ​മ​ഞ്ച്​ പ്ര​വ​ർ​ത്ത​ക​രാ​യ ര​ണ്ടു​ പേ​രു​ടെ ത​ട​ങ്ക​ൽ ജു​ഡീ​ഷ്യ​ൽ സ​മീ​പ​ന​ത്തി​ലെ വ്യ​ത്യാ​സം വ്യ​ക്തമാ​ക്കു​ന്നു. അ​വ​ർ ജാ​മ്യ​മി​ല്ലാ​തെ കോ​ട​തി​യി​ൽ കേ​സ്​ പ​രി​ഗ​ണ​ന​ക്കെ​ടു​ക്കു​ന്ന​ത്​ കാ​ത്തി​രി​ക്കെ​യാ​ണ്​ അ​ർ​ണ​ബ്​ ആ​റു​ ദി​വ​സം​കൊ​ണ്ട്​ ജാ​മ്യം നേ​ടു​ന്ന​ത്. പൗ​രാ​വ​കാ​ശ പ്ര​ക്ഷോ​ഭ​ത്തി​ൽ സ​മാ​ധാ​ന​പ​ര​മാ​യി പ​​ങ്കെ​ടു​ത്ത ഒ​രു​പാ​ടു​ പേ​ർ അ​ന്യാ​യ ത​ട​ങ്ക​ലി​ലു​ണ്ട്. യു.​എ.​പി.​എ ചു​മ​ത്ത​പ്പെ​ട്ട്, വ്യ​ക്തി​സ്വാ​ത​ന്ത്ര്യം നി​ഷേ​ധി​ക്ക​പ്പെ​ട്ട്, മാ​സ​ങ്ങ​ളാ​യി കൂ​ട്ടി​ല​ട​ക്ക​പ്പെ​ട്ട​വ​ർ. അ​ർ​ണ​ബി​െ​ൻ​റ ജാ​മ്യ​വി​ചാ​ര​ണ​യി​ൽ സു​പ്രീം​കോ​ട​തി ജ​ഡ്​​ജി ച​ന്ദ്ര​ചൂ​ഡ്​ ചോ​ദി​ച്ച​ത്​ 'ഒ​രു ഭ​ര​ണ​ഘ​ട​നാ കോ​ട​തി​യെ​ന്ന നി​ല​ക്ക്​ സു​പ്രീം​കോ​ട​തി വ്യ​ക്തി​സ്വാ​ത​ന്ത്ര്യം സം​ര​ക്ഷി​ക്കു​ന്നി​ല്ലെ​ങ്കി​ൽ പി​ന്നെ ആ​രാ​ണ​ത്​ ചെ​യ്യു​ക?' എ​ന്നാ​ണ്. പ​ക്ഷേ, സ​ത്യ​മോ? ഒ​രു​ഭാ​ഗ​ത്ത്​ കോ​ട​തി ജാ​മ്യം കൊ​ടു​ക്ക​ണോ വേ​ണ്ടേ എ​ന്ന്​ തീ​രു​മാ​നി​ക്കാ​ൻ പൊ​ലീ​സി​ന്​ ക​ഴി​യു​ന്നു. യു.​എ.​പി.​എ ചു​മ​ത്തു​ന്ന​ത്​ ന്യാ​യ​മാ​യ കാ​ര​ണ​ത്തി​നുത​ന്നെ​യോ എ​ന്ന്​ കോ​ട​തി​ക​ൾ ക​ണി​ശ​മാ​യി പ​രി​ശോ​ധി​ക്കാ​ത്തി​ട​ത്തോ​ളം കാ​ലം വ്യ​ക്തി​സ്വാ​ത​ന്ത്ര്യം ആ​ർ​ക്കൊ​ക്കെ​യെ​ന്ന്​ തീ​രു​മാ​നി​ക്കു​ന്ന​ത്​ കോ​ട​തി​യ​ല്ല, പൊ​ലീ​സും ഭ​ര​ണ​കൂ​ട​വു​മാ​ണ്.

മ​റു​ഭാ​ഗ​ത്ത്, ജു​ഡീ​ഷ്യ​റി​യു​ടെ പ്ര​വ​ർ​ത്ത​ന​ത്തി​ൽത​ന്നെ​യും വ്യ​ക്തമാ​യ വി​വേ​ച​നം തു​ട​ർ​ക്ക​ഥ​യാ​കു​ന്നു. ക​ശ്​​മീ​രി​ലെ ചി​ല ഹേ​ബി​യ​സ്​ കോ​ർ​പ​സ്​ ഹ​ര​ജി​ക​ളി​ൽ, നി​സ്സാ​ര കാ​ര​ണ​ങ്ങ​ളു​ടെ പേ​രി​ൽ രാ​ജ്യ​​ദ്രോ​ഹം ചു​മ​ത്തി​യ സം​ഭ​വ​ങ്ങ​ളി​ൽ, സ​ർ​ക്കാ​റി​നെ വി​മ​ർ​ശി​ക്കു​ന്ന വാ​ർ​ത്ത​യും ട്വീ​റ്റും കാ​ര​ണ​മാ​ക്കി വ്യ​ക്തി​ക​ളെ വേ​ട്ട​യാ​ടു​ന്ന വി​ഷ​യ​ങ്ങ​ളി​ൽ - ഇ​തി​ലൊ​ന്നും വ്യക്തി​​സ്വാ​ത​ന്ത്ര്യ​ത്തി​െ​ൻ​റ ഭാ​ഗ​ത്ത​ല്ല ഏ​റെ​യും ജു​ഡീ​ഷ്യ​റി നി​ല​കൊ​ണ്ടു​വ​രു​ന്ന​ത്. ഇ​ക്കാ​ര്യം ചൂ​ണ്ടി​ക്കാ​ട്ടു​ന്ന​ത്​ പ്ര​മു​ഖ ജ​ഡ്​​ജി​മാ​രും നി​യ​മ​ജ്​​ഞ​രും ത​ന്നെ​യാ​ണ്. അ​ർ​ണ​ബി​ന്​ അ​തി​വേ​ഗ​ ജാ​മ്യം ന​ൽ​കി​യ​ത്​ ചൂ​ണ്ടി​ക്കാ​ട്ടി ബാ​ർ അ​സോ​സി​യേ​ഷ​ൻ പ്ര​സി​ഡ​ൻ​റ്​ ദു​ഷ്യ​ന്ത്​​ ദ​വെ ഉ​യ​ർ​ത്തി​യ സം​ശ​യ​ങ്ങ​ൾ വെ​റും തോ​ന്ന​ലു​ക​ള​ല്ല​ല്ലോ. ഇ​ക്കൊ​ല്ലം സു​പ്രീം​കോ​ട​തി പ​രി​ശോ​ധി​ച്ച, അ​ഭി​പ്രാ​യ​സ്വാ​ത​ന്ത്ര്യ​വു​മാ​യി ബ​ന്ധ​പ്പെ​ട്ട 10 കേ​സു​ക​ളി​ൽ ഭ​ര​ണ​കൂ​ട​ത്തി​െ​ൻ​റ വാ​ദ​ത്തി​ന​നു​സ​രി​ച്ചാ​ണ്​ വി​ധി-​അ​നു​കൂ​ല​മാ​യാ​ലും പ്ര​തി​കൂ​ല​മാ​യാ​ലും-​ന​ൽ​ക​​പ്പെ​ട്ട​തെ​ന്ന്​ നി​രീ​ക്ഷ​ക​ർ ചൂ​ണ്ടി​ക്കാ​ട്ടു​ന്നു. ഉ​ദാ​ത്ത​മാ​യ ത​ത്ത്വങ്ങ​ൾ പ​റ​ഞ്ഞാ​ണ്​ അ​ർ​ണ​ബി​ന്​ കോ​ട​തി ജാ​മ്യ​മ​നു​വ​ദി​ച്ച​ത്​-​ന​ല്ല​ത്. പ​ക്ഷേ, പാ​ർ​ക്കി​ൻ​സ​ൺ രോ​ഗം ബാ​ധി​ച്ച 83കാ​ര​ൻ സ്​​റ്റാ​ൻ​സ്വാ​മി​ക്ക്​ കോ​വി​ഡ്​ കാ​ല​ത്തു​പോ​ലും കി​ട്ടാ​ത്ത ജാ​മ്യം, അ​ദ്ദേ​ഹ​ത്തി​ന്​ വെ​ള്ളം കു​ടി​ക്കാ​ൻ സ്​​ട്രോ വേ​ണ​മെ​ന്ന ആ​വ​ശ്യം കോ​ട​തി​യു​ടെ പ​രി​ഗ​ണ​ന​ക്കെ​ത്തി​യ​പ്പോ​ൾ മ​റു​വി​ശ​ദീ​ക​ര​ണം ന​ൽ​കാ​ൻ എ​ൻ.​ഐ.​എ​ക്ക്​ 20 ദി​വ​സം സ​മ​യം ന​ൽ​കി​യ ഔ​ദാ​ര്യം, ശ​യ്യാ​വ​ലം​ബി​യാ​യ 79കാ​ര​ൻ വ​ര​വ​ര​റാ​വു​വി​ന്​ കി​ട്ടാ​ത്ത ജാ​മ്യം, അ​നേ​ക​മാ​ളു​ക​ൾ രാ​ഷ്​​ട്രീ​യ​വും മ​റ്റു​മാ​യ കാ​ര​ണ​ങ്ങ​ളാ​ൽ ത​ട​ങ്ക​ലി​ൽ ക​ഴി​യു​േ​മ്പാ​ഴും അ​ക​ന്ന​ക​ന്നു​പോ​കു​ന്ന ജു​ഡീ​ഷ്യ​ൽ 'സം​ര​ക്ഷ​ണം'-​കോ​ട​തി​യു​ടെ പ്ര​ഖ്യാ​പി​ത ത​ത്ത്വങ്ങ​ളു​മാ​യി ചേ​ർ​ന്നു​പോ​കാ​ത്ത ഇ​ത്ത​രം പ​രി​ഹാ​സ്യ​മാ​യ അ​നു​ഭ​വ​ങ്ങ​ൾ ക​ണ്ട്​ ഈ ​അ​വ​സ്​​ഥ​യെ ക​ളി​യാ​ക്കു​ന്ന ട്വീ​റ്റു​ക​ൾ കു​നാ​ൽ​ ക​മ്ര പോ​സ്​​റ്റ്​ ചെ​യ്​​തു. ('നി​യ​മം ഒ​രു ക​ഴു​ത​യാ​ണ്​' എ​ന്ന്​ ഡി​ക്ക​ൻ​സി​​െൻറ ക​ഥാ​പാ​ത്രം മു​േ​മ്പ പ​റ​ഞ്ഞി​ട്ടു​ള്ള​താ​ണ്). സ്വ​യം തി​രു​ത്താ​ൻ ത​യാ​റാ​വു​ക​യാ​ണ്​ കോ​ട​തി​ ചെ​യ്യേ​ണ്ട​ത്. അ​ല്ലാ​തെ വി​മ​ർ​ശ​ന​ങ്ങ​ളെ കോ​ട​തി​യ​ല​ക്ഷ്യം കാ​ട്ടി ഒ​തു​ക്കാ​നു​ള്ള ശ്ര​മം കോ​ട​തി​യു​ടെ വി​ശ്വാ​സ്യ​ത ത​ക​ർ​ക്കാ​നേ ഉ​പ​ക​രി​ക്കൂ. പ്ര​ശാ​ന്ത്​​ ഭൂ​ഷ​ൺ കേ​സി​ൽ കാ​ണി​ച്ച അ​ബ​ദ്ധം ഇ​തി​ൽ കോ​ട​തി കാ​ണി​ക്കി​ല്ലെ​ന്ന്​ പ്ര​ത്യാ​ശി​ക്കാം.

Show Full Article
TAGS:Supreme Court Human Right activist Arnab Goswami 
Next Story