Begin typing your search above and press return to search.
exit_to_app
exit_to_app
Homechevron_rightOpinionchevron_rightEditorialchevron_rightമനുഷ്യത്വം...

മനുഷ്യത്വം കുരിശേറു​മ്പോൾ

text_fields
bookmark_border
Stanswami
cancel


''എ​ട്ടു​മാ​സം മു​മ്പ്​ എ​നി​ക്ക്​ സ്വ​ന്ത​മാ​യി തി​ന്നാ​മാ​യി​രു​ന്നു. കു​റ​ച്ചൊ​ക്കെ എ​ഴു​താ​നും ന​ട​ക്കാ​നും സ്വ​യം കു​ളി​ക്കാ​നും ക​ഴി​ഞ്ഞി​രു​ന്നു. എ​ന്നാ​ൽ, ഇൗ ​ശേ​ഷി​യൊ​ക്കെ ഒ​ന്നി​നു പി​റ​കെ ഒ​ന്നാ​യി മാ​ഞ്ഞു​പോ​കു​ന്നു. ജ​യി​ൽ​വാ​സം എ​ഴു​ത്തും ന​ട​ത്ത​വു​മൊ​ക്കെ അ​വ​സാ​നി​പ്പി​ച്ചു. ഇ​പ്പോ​ൾ ആ​രെ​ങ്കി​ലും വാ​രി​ത്ത​ന്നി​ട്ടു​വേ​ണം തി​ന്നാ​ൻ. എ​െൻറ നി​ല അ​റു​വ​ഷ​ളാ​ണെ​ന്ന കാ​ര്യം പ​രി​ഗ​ണി​ക്ക​​ണം. ഇ​ക്ക​ണ​ക്കി​നു പോ​യാ​ൽ ഞാ​ൻ വൈ​കാ​തെ മ​രി​ക്കും. ജാ​മ്യം ന​ൽ​കു​ന്നി​ല്ലെ​ങ്കി​ൽ ഇ​നി​യും എ​ന്നെ ആ​ശു​പ​ത്രി​യി​ലേ​ക്ക്​ കെ​ട്ടി​െ​യ​ടു​ക്കേ​ണ്ട. ജ​യി​ലി​ൽ കി​ട​ന്നു മ​രി​ച്ചോ​ളാം'' -കേ​ൾ​വി ഏ​താ​ണ്ട്​ പൂ​ർ​ണ​മാ​യി ന​ഷ്​​ട​പ്പെ​ട്ട്, കാ​ഴ്​​ച മ​ങ്ങി, പാ​ർ​കി​ൻ​സ​ൺ​സ്​ ബാ​ധി​ച്ച്​ ഇ​രു​കൈ​യും വി​റ​യാ​ർ​ന്നു, പ​ല​വ​ട്ടം ജ​യി​ലി​ൽ കു​ഴ​ഞ്ഞു​വീ​ണ എ​ൺ​പ​ത്തി​നാ​ലു​കാ​ര​നാ​യ ഒ​രു വ​യോ​വൃ​ദ്ധ​ൻ ജ​നാ​ധി​പ​ത്യ​രാ​ഷ്​​ട്ര​ത്തി​ലെ നീ​തി​പീ​ഠ​ത്തി​നു ​മു​മ്പി​ൽ കെ​ഞ്ചി​നോ​ക്കി. ഇ​ൗ​ശോ​സ​ഭ​യി​ലെ വ​ന്ദ്യ​​വ​യോ​ധി​ക​നാ​യ ആ ​പു​രോ​ഹി​ത​ന്​ ഒ​ര​പേ​ക്ഷ​യേ ഉ​ണ്ടാ​യി​രു​ന്നു​ള്ളൂ, മ​ര​ണ​മെ​ത്തു​ന്ന നേ​ര​ത്ത്​ ഇ​ത്ര​ടം സേ​വി​ച്ച സ്വ​ന്ത​ക്കാ​രു​ടെ അ​രി​കി​ൽ ഇ​ത്തി​രി​​നേ​രം ഇ​രി​ക്കാ​ൻ ഒ​രു ഇ​ട​ക്കാ​ല ജാ​മ്യം.

എ​ന്നാ​ൽ, നീ​തി​പീ​ഠം ക​ണ്ണു​തു​റ​ക്കാ​ൻ പി​ന്നെ​യും സ​മ​യം നീ​ണ്ടു -ഒ​ന്ന​ര മാ​സം. ഒ​ടു​വി​ൽ തി​ങ്ക​ളാ​ഴ്​​ച ഉ​ച്ച​ക്ക്​ 2.30ന്​​ ​ഇ​ട​ക്കാ​ല ജാ​മ്യാ​പേ​ക്ഷ പ​രി​ഗ​ണി​ക്കും മു​േ​മ്പ സ്​​റ്റാ​ൻ സ്വാ​മി മ​രി​ച്ചു. മും​ബൈ ​േഹാ​ളി ഫാ​മി​ലി ആ​ശു​പ​ത്രി​യി​ലെ ഡോ. ​ഡി​സൂ​സ​യു​ടെ വെ​ളി​പ്പെ​ടു​ത്ത​ലി​നു മു​മ്പി​ൽ കോ​ട​തി ഉ​പ​ചാ​ര​പൂ​ർ​വം അ​നു​ശോ​ച​നം മൊ​ഴി​ഞ്ഞു: ''അ​ദ്ദേ​ഹ​ത്തി​െൻറ മ​ര​ണ​വി​വ​ര​ത്തി​ൽ സ​ങ്ക​ട​മു​ണ്ട്. ഞ​ങ്ങ​ൾ ഞെ​ട്ടി​പ്പോ​യി''. ആ​ദ്യ​നാ​ളി​ലേ അ​ദ്ദേ​ഹ​ത്തി​െൻറ ആ​ശു​പ​ത്രി​പ്ര​വേ​ശ​ന​ത്തി​നു ഞ​ങ്ങ​ൾ ഉ​ത്ത​ര​വി​ട്ടു എ​ന്നു കോ​ട​തി സ​മാ​ശ്വാ​സ​വും പ്ര​ക​ടി​പ്പി​ച്ചു. ബോം​ബെ ഹൈ​കോ​ട​തി​ക്ക്​ അ​ങ്ങ​നെ നേ​രി​യ ആ​ശ്വാ​സ​മാ​കാം. എ​ന്നാ​ൽ, ജ​നാ​ധി​പ​ത്യ​രാ​ജ്യ​ത്തെ​യും അ​തി​െൻറ സം​വി​ധാ​ന​ങ്ങ​ളെ​യും വി​ശ്വ​സി​ച്ചു​പോ​രു​ന്ന പൗ​ര​സ​ഞ്ച​യ​ത്തി​ന്​ അ​തി​നാ​വി​ല്ല. ജ​ന​സേ​വ​ന​ത്തി​നു ജീ​വി​തം ഉ​രു​ക്കി​ത്തീ​ർ​ത്ത ഒ​രു വൃ​ദ്ധ​പാ​തി​രി​യോ​ട്​ ഇ​ത്ര മ​നു​ഷ്യ​പ്പ​റ്റി​ല്ലാ​തെ പെ​രു​മാ​റാ​ൻ ഒ​രു രാ​ജ്യ​ത്തി​ന്​ എ​ങ്ങ​നെ ക​ഴി​യു​ന്നു​വെ​ന്ന ആ​ധി അ​വ​രി​ലേ​ക്കു പ​ട​ർ​ത്തു​ന്ന ആ​ശ​ങ്ക അ​ത്ര നി​സ്സാ​ര​മ​ല്ല.

സ്​​റ്റാ​ൻ സ്വാ​മി ​ചെ​യ്​​ത തെ​റ്റ്​ എ​ന്താ​ണ്? ​മോ​ദി ഗ​വ​ൺ​മെൻറി​നെ സാ​യു​ധ​പ്ര​വ​ർ​ത്ത​ന​ത്തി​ലൂ​ടെ അ​ട്ടി​മ​റി​ക്കാ​നും പ്ര​ധാ​ന​മ​ന്ത്രി​യെ അ​പാ​യ​പ്പെ​ടു​ത്താ​നും ശ്ര​മി​ച്ചു എ​ന്നാ​ണ്​ യു.​എ.​പി.​എ ചു​മ​ത്തി അ​ദ്ദേ​ഹ​​ത്തെ ത​ട​വി​ലി​ടാ​ൻ​ ദേ​ശീ​യ അ​ന്വേ​ഷ​ണ ഏ​ജ​ൻ​സി പ​റ​ഞ്ഞ ന്യാ​യം. തെ​ളി​വെ​ന്താ​ണ്​? 2017 ഡി​സം​ബ​ർ 31ന്​ ​മ​ഹാ​രാ​ഷ്​​ട്ര​യി​ലെ പു​ണെ ശ​നി​വാ​ർ​വാ​ഡ കോ​ട്ട​യി​ൽ ന​ട​ന്ന ഭീ​മ​കൊ​റേ​ഗാ​വ്​ യു​ദ്ധ​ത്തി​െൻറ ഇ​രു​നൂ​റാം വാ​ർ​ഷി​കാ​ഘോ​ഷ​മാ​യ എ​ൽ​ഗാ​ർ പ​രി​ഷ​ത്തി​െൻറ മു​ഖ്യ സൂ​ത്ര​ധാ​ര​നാ​യ​ത്രേ. 1818 ജ​നു​വ​രി ഒ​ന്നി​ന്​ കൊ​റേ​ഗാ​വി​ൽ ന​ട​ന്ന മേ​ൽ​ജാ​തി​ക്കാ​രാ​യ പേ​ഷ്വാ​മാ​ർ​ക്കെ​തി​രെ മ​ഹ​ർ വി​ഭാ​ഗ​ക്കാ​രാ​യ ദ​ലി​ത്​​സൈ​നി​ക​ർ കൂ​ടി ചേ​ർ​ന്ന്​ ന​ട​ത്തി​യ യു​ദ്ധ​വി​ജ​യ​ത്തി​െൻറ ഇ​രു​നൂ​റാം വാ​ർ​ഷി​കം 250ഒാ​ളം ഇ​ട​ത്, അം​ബേ​ദ്​​ക​റി​സ്​​റ്റ്​ സ​ന്ന​ദ്ധ​സം​ഘ​ട​ന​ക​ളു​ടെ സം​യു​ക്താ​ഭി​മു​ഖ്യ​ത്തി​ൽ ന​ട​ത്തി​യ​താ​യി​രു​ന്നു എ​ൽ​ഗാ​ർ പ​രി​ഷ​ത്.

ദ​ലി​ത്, പി​ന്നാ​ക്ക​ശാ​ക്തീ​ക​ര​ണം വെ​ളി​പ്പെ​ടു​ത്തി​യ പ​രി​പാ​ടി​യി​ൽ അ​സ്വ​സ്​​ഥ​രാ​യ സം​ഘ്​​പ​രി​വാ​ർ കാ​ര്യ​ങ്ങ​ൾ സം​ഘ​ർ​ഷ​ത്തി​ലെ​ത്തി​ച്ചു. എ​ന്നാ​ൽ, കേ​സ്​ ക​റ​ങ്ങി​ത്തി​രി​ഞ്ഞ്​ എ​ത്തി​യ​ത്​ ദ​ലി​ത്​ യു​ദ്ധ​വി​ജ​യാ​ഘോ​ഷം സം​ഘ​ടി​പ്പി​ച്ച​വ​ർ​ക്കെ​തി​രെ. മാ​വോ​വാ​ദി​ക​ളാ​ണ്​ സം​ഭ​വ​ത്തി​നു പി​റ​കി​ലെ​ന്ന്​ ആ​രോ​പി​ച്ചു ആ​രം​ഭി​ച്ച ഭ​ര​ണ​കൂ​ട വേ​ട്ട പ​തി​ന​ഞ്ചോ​ളം ആ​ക്​​ടി​വി​സ്​​റ്റു​ക​ളു​ടെ അ​റ​സ്​​റ്റി​ലേ​ക്കും ത​ട​വി​ലേ​ക്കും എ​ത്തി. 2018 ജൂ​ൺ ആ​റി​ന്​ പു​ണെ പൊ​ലീ​സ്​ ആ​ദ്യ അ​ഞ്ചു​പേ​രെ അ​റ​സ്​​റ്റു ചെ​യ്​​ത​ത്, രാ​ജ്യ​ത്തെ അ​സ്​​ഥി​ര​പ്പെ​ടു​ത്താ​നും രാ​ജീ​വ്​ ഗാ​ന്ധി മോ​ഡ​ലി​ൽ ന​രേ​ന്ദ്ര മോ​ദി​യെ കൊ​ല​പ്പെ​ടു​ത്താ​നും പ​ദ്ധ​തി​യി​ട്ടു എ​ന്നു 'ക​ണ്ടെ​ത്തി'​യാ​ണ്. തെ​ര​ഞ്ഞെ​ടു​പ്പി​ൽ മ​ഹാ​രാ​ഷ്​​ട്ര​യി​ൽ ഭ​ര​ണം മാ​റി​യ​തോ​ടെ കേ​സ്​ പു​നഃ​പ​രി​ശോ​ധി​ക്കാ​ൻ ആ​വ​ശ്യ​പ്പെ​ട്ട്​ സ​ഖ്യ​ക​ക്ഷി നേ​താ​വ്​ ശ​ര​ദ്​ പ​വാ​ർ മു​ഖ്യ​മ​ന്ത്രി ഉ​ദ്ധ​വ്​ താ​ക്ക​റെ​ക്ക്​ ക​ത്തെ​ഴു​തി. എ​ന്നാ​ൽ പി​റ്റേ​ന്നാ​ൾ ത​െ​ന്ന പു​ണെ പൊ​ലീ​സ്​ അ​ന്വേ​ഷ​ണം എ​ൻ.​െ​എ.​എ​ക്ക്​ കൈ​മാ​റി. അ​തോ​ടെ കേ​സി​െൻറ ഗ​തി​മാ​റി.

രാ​ജ്യ​ത്തി​നെ​തി​രെ യു​ദ്ധം പ്ര​ഖ്യാ​പി​ച്ച ഭീ​ക​ര​രാ​യ​തി​നാ​ൽ പി​ന്നെ അ​വ​ർ മ​നു​ഷ്യാ​വ​കാ​ശ​ങ്ങ​ൾ​പോ​ലും അ​ർ​ഹി​ക്കു​ന്നി​ല്ലെ​ന്നാ​യി. അ​വ​ർ​ക്കെ​തി​രാ​യ ഗൂ​ഢാ​ലോ​ച​ന തെ​ളി​വു​ക​ൾ ​ൈ​സ​ബ​ർ ​കൃ​ത്രി​മ​ങ്ങ​ളി​ലൂ​ടെ കെ​ട്ടി​യേ​ൽ​പി​ക്ക​പ്പെ​ട്ട​താ​ണെ​ന്ന വി​ദ​ഗ്​​ധ​രു​ടെ ക​ണ്ടെ​ത്ത​ലൊ​ന്നും എ​ൻ.​െ​എ.​എ​യു​ടെ പ്ര​ത്യേ​ക കോ​ട​തി​യി​ൽ വി​ല​പ്പോ​യി​ല്ല. അ​വ​രി​ൽ രോ​ഗി​യാ​യ​വ​ർ​ക്ക്​ വേ​ണ്ട പ​രി​ച​ര​ണ​​മോ ചി​കി​ത്സ​യോ ല​ഭ്യ​മാ​യി​ല്ല. പാ​ർ​കി​ൻ​സ​ൺ മൂ​ലം കൈ​വി​റ​ക്കു​ന്ന​തി​നാ​ൽ ഗ്ലാ​സ്​ പി​ടി​ക്കാ​ൻ ക​ഴി​യാ​തെ താ​ൻ ഉ​പ​യോ​ഗി​ച്ചി​രു​ന്ന ഒ​രു സ്​​ട്രോ തി​രി​കെ കി​ട്ടാ​ൻ സ്​​റ്റാ​ൻ സ്വാ​മി​ക്ക്​ ഒ​രു മാ​സ​ത്തി​ലേ​റെ നീ​ണ്ട കോ​ട​തി ന​ട​പ​ടി​ക്ര​മ​ത്തി​നു കാ​ത്തി​രി​ക്കേ​ണ്ടി വ​ന്നു. സ്വ​ന്തം വ​കാ​ല​ത്ത്​​നാ​മ​യി​ൽ ഒ​പ്പി​ടാ​നാ​വാ​ത്ത നി​ല​യി​ലാ​ണ്​ സ്വാ​മി എ​ന്നും വി​ചാ​ര​ണ​ത്ത​ട​വു​കാ​രെ മാ​നു​ഷി​ക​പ​രി​ഗ​ണ​ന​യി​ൽ ജാ​മ്യ​ത്തി​ലി​റ​ക്കു​ന്ന​തി​ൽ തെ​റ്റി​ല്ലെ​ന്നും അ​ഭി​ഭാ​ഷ​ക​ൻ വാ​ദി​ച്ചു​നോ​ക്കി. കോ​വി​ഡ്​ കാ​ല​ത്ത്​ ജ​യി​ലു​ക​ളി​ൽ തി​ര​ക്കു​കു​റ​ക്കാ​നു​ള്ള സു​പ്രീം​കോ​ട​തി നി​യ​മി​ച്ച ഉ​ന്ന​താ​ധി​കാ​ര​സ​മി​തി ശി​പാ​ർ​ശ​ക​ൾ ഉ​ദ്ധ​രി​ച്ചു. എ​ന്നാ​ൽ 'മ​ഹാ​മാ​രി ചൂ​ഷ​ണം ചെ​യ്യു​ക​യാ​ണ്​ കു​റ്റാ​രോ​പി​ത​രെ​ന്നും ജ​നാ​ധി​പ​ത്യ​ത്തെ അ​ട്ടി​മ​റി​ക്കാ​ൻ ശ്ര​മി​ച്ച സ്​​റ്റാ​ൻ സ്വാ​മി​യു​ടെ വ്യ​ക്തി​സ്വാ​ത​ന്ത്ര്യ​ത്തേ​ക്കാ​ൾ സ​മൂ​ഹ​ത്തി​െൻറ സം​ഘ​താ​ൽ​പ​ര്യ​മാ​ണ്​ പ്ര​ധാ​ന​മെ​ന്നും' ചൂ​ണ്ടി​ക്കാ​ട്ടി പ്ര​ത്യേ​ക കോ​ട​തി​യി​ൽ ജാ​മ്യ​ത്തി​ന്​ എ​തി​രു​നി​ൽ​ക്കു​ക​യാ​യി​രു​ന്നു എ​ൻ.​െ​എ.​എ. ഇ​ക്ക​ഴി​ഞ്ഞ മേ​യി​ൽ ബോം​ബെ ഹൈ​കോ​ട​തി​യെ സ​മീ​പി​ച്ച ശേ​ഷ​മാ​ണ്​ ആ​ശു​പ​ത്രി​യി​ൽ ചി​കി​ത്സി​ക്കാ​നു​ള്ള സൗ​ക​ര്യ​മൊ​ത്ത​ത്.

ധാ​തു​സ​മ്പു​ഷ്​​ട​മാ​യ ഝാ​ർ​ഖ​ണ്ഡി​ൽ ഖ​നി​ക്കു​ത്ത​ക​ക​ൾ​ക്കു​വേ​ണ്ടി കു​ടി​യി​റ​ക്ക​പ്പെ​ട്ട ആ​ദി​വാ​സി​ക​ളി​ൽ അ​വ​കാ​ശ​ബോ​ധ​മു​ണ്ടാ​ക്കി ചൂ​ഷ​ണ​ത്തി​നെ​തി​െ​​ര സ​മ​ര​സ​ജ്ജ​രാ​ക്കി എ​ന്ന​താ​ണ്​ സ്​​റ്റാ​ൻ സ്വാ​മി ചെ​യ്​​ത പാ​ത​കം. അ​ന്യാ​യ​മാ​യി ജ​യി​ലി​ല​ട​ക്ക​പ്പെ​ട്ട മൂ​വാ​യി​രം ആ​ദി​വാ​സി​ക​ളു​ടെ ക​ഥ 2010ൽ ​ഗ്ര​ന്ഥ​രൂ​പ​ത്തി​ൽ പു​റ​ത്തു​കൊ​ണ്ടു​വ​ന്ന​തോ​ടെ അ​ദ്ദേ​ഹം 'അ​ർ​ബ​ൻ ന​ക്​​സ​ലാ'​യി. വി​മോ​ച​ന ദൈ​വ​ശാ​സ്​​ത്ര​ത്തി​ൽ ആ​കൃ​ഷ്​​ട​നാ​യ അ​ദ്ദേ​ഹ​ത്തി​ന്​​ പ​ക്ഷേ, സ​ഭാ​പി​ന്തു​ണ​പോ​ലും വേ​ണ്ട​ത്ര കി​ട്ടി​യോ എ​ന്നു സം​ശ​യം. ഭ​ര​ണ​കൂ​ടം ഭീ​ക​ര​നാ​യി മു​ദ്ര​കു​ത്തി​യ​പ്പോ​ഴും സ​ഭ സ്വാ​മി​യെ കൈ​വി​ട്ടി​ല്ല. എ​ന്നാ​ൽ പ്ര​ധാ​ന​മ​ന്ത്രി​യെ ക​ണ്ടു സ​മു​ദാ​യ​പ​രി​ദേ​വ​ന​ങ്ങ​ളു​ണ​ർ​ത്തി​യ ക്രൈ​സ്​​ത​വ സ​ഭാ​നേ​താ​ക്ക​ൾ സ്​​റ്റാ​ൻ സ്വാ​മി​യു​ടെ കാ​ര്യ​ത്തി​ൽ ഭ​ര​ണ​കൂ​ട​ഭാ​ഷ്യ​ത്തി​നു വ​ഴ​ങ്ങി മൗ​ന​മാ​ച​രി​ക്കു​ക​യാ​യി​രു​ന്നു. ഭ​ര​ണ​കൂ​ട ഭീ​ക​ര​ത​ക്കി​ര​യാ​കു​ന്ന സാ​ധു​ജ​ന​ത്തി​നും ചൂ​ഷ​ണ​ത്തി​െൻറ ഇ​ര​ക​ൾ​ക്കും വേ​ണ്ടി​ ഇ​റ​ങ്ങി​പ്പു​റ​പ്പെ​ട്ട​തി​െൻറ പേ​രി​ൽ ക്രൂ​ശി​ത​നാ​യ സ്​​റ്റാ​ൻ സ്വാ​മി വി​ജ​യി​ച്ചി​രി​ക്കു​ന്നു. മ​നു​ഷ്യ​പ്പ​റ്റ്​ ഇ​റ്റു​മി​ല്ലാ​തെ അ​ദ്ദേ​ഹ​ത്തെ കു​രി​ശി​ല​യ​ച്ച​വ​ർ അ​േ​മ്പ പ​രാ​ജ​യ​ത്തി​ലു​മാ​ണ്ടിരി​ക്കു​ന്നു.

Show Full Article
TAGS:Stan Swamy Bhima Koregaon 
News Summary - Stan Swamy Bhima Koregaon
Next Story