വെള്ളം ക​ല​ക്കി മീ​ൻപി​ടി​ക്കാ​നു​ള്ള നീ​ക്കം

08:19 AM
10/10/2018
editorial

പ്ര​സി​ദ്ധ​മാ​യ ശ​ബ​രി​മ​ല ശ്രീ ​അ​യ്യ​പ്പ ക്ഷേ​ത്ര​ത്തി​ൽ പ​തി​റ്റാ​ണ്ടു​ക​ളാ​യി തു​ട​രു​ന്ന സ്​​ത്രീപ്ര​വേ​ശ​ന വി​ല​ക്ക്​ റ​ദ്ദാ​ക്കി​​ക്കൊ​ണ്ടും ഏ​തു​ പ്രാ​യ​ക്കാ​രി​ക​ൾ​ക്കും ക്ഷേ​ത്രാ​ങ്ക​ണ​ത്തി​ൽ പ്ര​വേ​ശ​നാ​നു​മ​തി ന​ൽ​കി​ക്കൊ​ണ്ടും സെ​പ്​​റ്റം​ബ​ർ 28ന്​ ​സു​പ്രീംകോ​ട​തി​യു​ടെ അ​ഞ്ചം​ഗ ബെ​ഞ്ച്​ പു​റ​പ്പെ​ടു​വി​ച്ച വി​ധി പ​ണ്ടോ​റ​യു​ടെ പെ​ട്ടി തു​റ​ന്ന​തു​പോ​ലു​ള്ള സ്​​ഥി​തി​വി​​േശഷ​മാ​ണി​പ്പോ​ൾ കേ​ര​ള​ത്തി​ൽ സൃ​ഷ്​​ടി​ച്ചി​രി​ക്കു​ന്ന​ത്. ആ​ർ​ത്ത​വ​കാ​ല​ത്ത്​ സ്​​ത്രീ​ക​ളു​ടെ ക്ഷേ​ത്ര​പ്ര​വേ​ശ​നം വി​ല​ക്കു​ന്ന​തി​ന്​ പി​ൻ​ബ​ലം ന​ൽ​കു​ന്ന കേ​ര​ള ഹി​ന്ദു ആ​രാ​ധ​നാ​സ്​​ഥ​ല പ്ര​വേ​ശ​ന​ച്ച​ട്ട​ത്തി​െ​ൻ​റ മൂന്ന്​ (ബി) വകുപ്പാണ്​ (മുൻ) ചീഫ്​ ജസ്​റ്റിസ്​ ദീപക്​ മി​ശ്ര അധ്യക്ഷനായ ബെഞ്ച്​ റദ്ദാക്കിയത്​. സ്​ത്രീകളെ വിലക്കുന്ന ലിംഗവിവേചനം ഹിന്ദുമതത്തി​​െൻറ അ​നി​വാ​ര്യ​മാ​യ ആ​ചാ​ര​മ​ല്ലെ​ന്ന്​ വി​ധി​ന്യാ​യ​ത്തി​ൽ ചൂ​ണ്ടി​ക്കാ​ട്ടി​യ കോ​ട​തി സ്​​ത്രീ​ക​ൾ ശ​ബ​രി​മ​ല​യി​ൽ പോ​യ​തു​കൊ​ണ്ട്​ അ​തി​െ​ൻ​റ മൗ​ലി​ക സ്വ​ഭാ​വ​ത്തി​ന്​ മാ​റ്റം​വ​രി​ല്ലെ​ന്നും നി​രീ​ക്ഷി​ച്ചി​ട്ടു​ണ്ട്. ജ​സ്​​റ്റി​സ്​ ഡി.​വൈ. ച​ന്ദ്ര​ചൂ​ഡാ​വ​െ​ട്ട, സ്​​ത്രീ​ക​ളു​ടെ അ​ന്ത​സ്സ്​ ചോ​ദ്യം​ചെ​യ്യു​ന്ന ഏ​തു മ​താ​ചാ​ര​വും ഭ​ര​ണ​ഘ​ട​നാ വി​രു​ദ്ധ​മാ​ണെ​ന്നാ​ണ്​ അ​ഭി​പ്രാ​യ​പ്പെ​ട്ട​ത്. ശ​ബ​രി​മ​ല​യി​ലെ ആ​ചാ​ര​ങ്ങ​ൾ ക്ഷേ​ത്ര​ത്തി​ൽ ആ​രാ​ധ​ന ന​ട​ത്താ​നു​ള്ള സ്​​ത്രീ​ക​ളു​ടെ മൗ​ലി​കാ​വ​ക​ാശ​ത്തി​ന്​ വി​ധേ​യ​മാ​യി​രി​ക്ക​ണ​മെ​ന്ന്​ ജ​സ്​​റ്റി​സ്​ ആ​ർ.​എ​ഫ്. ന​രി​മാ​നും വി​ധി​യി​ൽ രേ​ഖ​പ്പെ​ടു​ത്തി​. അ​ഞ്ചം​ഗ​ ബെ​ഞ്ചി​ലെ ഏ​ക വ​നി​ത​യാ​യ ജ​സ്​​റ്റി​സ്​ ഇ​ന്ദു മ​ൽ​ഹോ​ത്ര ഭൂ​രി​പ​ക്ഷ വി​ധി​യോ​ട്​ വി​യോ​ജി​ക്കു​ക​യാ​ണു​ണ്ടാ​യ​ത്. മ​ത​പ​ര​മാ​യി അ​തി​വൈ​കാ​രി​ക​ത​യു​ള്ള വി​ഷ​യ​ങ്ങ​ളി​ൽ കോ​ട​തി ഇ​ട​പെ​ട​രു​തെ​ന്നാ​ണ്​ അ​വ​രു​ടെ വാ​ദം. മ​ത​വി​ഷ​യ​ങ്ങ​ളി​ൽ യു​ക്തി​ക്ക്​ സ്​​ഥാ​ന​മി​ല്ലെ​ന്ന്​ അ​ഭി​പ്രാ​യ​പ്പെ​ട്ട ജ​സ്​​റ്റി​സ്​ ഇ​ന്ദു ബ​ഹു​സ്വ​ര സ​മൂ​ഹ​മാ​യ ഇ​ന്ത്യ​യി​ൽ യു​ക്തി​ര​ഹി​ത​മാ​യ ആ​ചാ​ര​ങ്ങ​ൾ​ക്കു​പോ​ലും സ്വാ​ത​ന്ത്ര്യ​മ​നു​വ​ദി​ക്ക​ണ​ം എ​ന്ന പ​ക്ഷ​ക്കാ​രി​യാ​ണ്. ഇൗ ​വി​ഷ​യം ശ​ബ​ര​ിമ​ല​യി​ൽ മാ​ത്രം ഒ​തു​ങ്ങു​ന്ന​ത​ല്ലെ​ന്നും ദൂ​ര​വ്യാ​പ​ക പ്ര​ത്യാ​ഘാ​ത​മു​ണ്ടാ​കു​മെ​ന്നും കൂ​ടി അ​വ​ർ മു​ന്ന​റി​യി​പ്പ്​ ന​ൽ​കി​യി​ട്ടു​ണ്ട്.

ഇ​ന്ത്യ​ൻ യ​ങ്​ ​േലാ​യേ​ഴ്​​സ്​ അ​സോ​സി​യേ​ഷൻ 2006ൽ ​ന​ൽ​കി​യ ഹ​ര​ജി​യി​ന്മേ​ലാ​ണ്​ സു​പ്രീംകോ​ട​തി​യു​ടെ വി​ധി ഇ​പ്പോ​ൾ വ​ന്നി​രി​ക്കു​ന്ന​ത്. കോ​ട​തി​വി​ധി ഏ​തു​ വി​ധേ​ന​യും മാ​നി​ക്കേ​ണ്ട​തു​ം ന​ട​പ്പാ​ക്കേ​ണ്ട​തു​മാ​ണെ​ന്ന കാ​ര്യ​ത്തി​ൽ സം​ശ​യ​മേ​യി​ല്ല. സ​ർ​ക്കാ​ർ അ​ത​ ന​ട​പ്പാ​ക്കാ​ൻ ബാ​ധ്യ​സ്​​ഥ​വു​മാ​ണ്. ആ ​നി​ല​ക്ക്​ മ​ണ്ഡ​ല​കാ​ലം ആ​സ​ന്ന​മാ​യ ഇൗ​യ​വ​സ​ര​ത്തി​ൽ പ​ര​മോ​ന്ന​ത കോ​ട​തി​യു​ടെ വി​ധി ന​ട​പ്പാ​ക്കാ​നു​ള്ള സം​സ്​​ഥാ​ന സ​ർ​ക്കാ​റി​െ​ൻ​റ തീ​രു​മാ​ന​വും ത​ദ​നു​സൃ​ത​മാ​യി സ്വീ​ക​രി​ക്കു​ന്ന ന​ട​പ​ടി​ക​ളും ചോ​ദ്യം​ചെ​യ്യു​ന്ന​തി​ൽ അ​ർ​ഥ​മി​ല്ല. ഇ​പ്പോ​ൾ ഇൗ ​വി​ധി​യെ എ​തി​ർ​ക്കു​ന്ന ക​ക്ഷി​ക​ളും അ​വ​രാ​യി​രു​ന്നു അ​ധി​കാ​ര​ത്തി​ലെ​ങ്കി​ൽ മ​റി​ച്ചൊ​രു ഒാ​പ്​​ഷ​ൻ അ​വ​രു​ടെ മ​ു​ന്നി​ലു​ണ്ടാ​വു​മാ​യി​രു​ന്നി​ല്ല. ഇ​ട​തു​പ​ക്ഷ സ​ർ​ക്കാ​റാ​യ​തു​കൊ​ണ്ടാ​ണ്​ ഹി​ന്ദു​മ​താ​നു​ഷ്​​ഠാ​ന​ങ്ങ​ളെ​യും ആ​ചാ​ര​ങ്ങ​ളെ​യും ലം​ഘി​ക്കു​ന്ന സ്​​ത്രീ​പ്ര​വേ​ശ​ന​ത്തി​ന്​ പ​ച്ച​ക്കൊ​ടി കാ​ട്ടു​ന്ന​തെ​ന്ന പ്ര​ചാ​ര​ണ​ത്തി​ന്​ പ്ര​സ​ക്തി​യി​ല്ല. ഇ​ട​തു​പ​ക്ഷ സ​ർ​ക്കാ​ർ സു​പ്രീം​കോ​ട​തി​യി​ൽ സ​മ​ർ​പ്പി​ച്ച സ​ത്യ​വാ​ങ്​​മൂ​ല​ത്തി​ൽ ഇ​പ്പോ​ഴ​ത്തെ വി​ധി​ക്ക​നു​കൂ​ല​മാ​യ വ​സ്​​തു​ത​ക​ളാ​ണ്​ ചൂ​ണ്ടി​ക്കാ​ട്ടി​യി​ട്ടു​ള്ള​ത്​ എ​ന്ന​ത്​ ശ​രിത​ന്നെ. ഇ​ട​ത്, ലി​ബ​റ​ൽ, സ്​​ത്രീ​വാ​ദ പ്ര​സ്​​ഥാ​ന​ങ്ങ​ൾ​ക്ക്​ ത​ദ്വി​ഷ​യ​ക​മാ​യി ഭി​ന്ന​മാ​യൊ​രു സ​മീ​പ​നം സ്വീ​ക​രി​ക്കാ​നാ​വി​ല്ലെ​ന്ന്​ സ​മ്മ​തി​ക്കാ​തി​രു​ന്നി​ട്ട്​ കാ​ര്യ​മി​ല്ല. അ​തേ​സ​മ​യം, ഭൂ​രി​പ​ക്ഷ വി​ധി​യോ​ട്​ വി​യോ​ജി​ച്ച ജ​സ്​​റ്റി​സ്​ ഇ​ന്ദു മ​ൽ​ഹോ​ത്ര​യു​ടെ അ​ഭി​പ്രാ​യ​ങ്ങ​​ളാ​ണ്​ ശ​രി എ​ന്ന്​ വി​ശ്വ​സി​ക്കു​ന്ന​വ​ർ മ​റു​ഭാ​ഗ​ത്തു​മു​ണ്ടാ​വാം. അ​വ​ർ​ക്ക്​ ആ കാ​ഴ്​​ച​പ്പാ​ട്​ ഉ​റ​ക്കെ പ​റ​യാ​നും ത​ദ​ടി​സ്​​ഥാ​ന​ത്തി​ൽ ജ​നാ​ഭി​പ്രാ​യം സം​ഘ​ടി​പ്പി​ക്കാ​നും സ്വാ​ത​ന്ത്ര്യ​മു​ണ്ടു​താ​നും. ആ ​സ്വാ​ത​ന്ത്ര്യം അ​വ​ർ സ​മാ​ധാ​ന​പ​ര​മാ​യി ഉ​പ​യോ​ഗി​ക്കു​ന്ന​തി​ലോ വി​ധി പു​നഃ​പ​രി​ശോ​ധി​ക്കാ​നു​ള്ള ഹ​ര​ജി​യു​മാ​യി പ​ര​മോ​ന്ന​ത കോ​ട​തി​യെ സ​മീ​പി​ക്കു​ന്ന​തി​ലോ ഒ​ര​സാം​ഗ​ത്യ​വു​മി​ല്ല. നാ​യ​ർ സ​ർ​വിസ്​ സൊ​സൈ​റ്റി, ദേ​ശീ​യ അ​യ്യ​പ്പ ഭ​ക്ത​ജ​ന വ​നി​ത കൂ​ട്ടാ​യ്​​മ എ​ന്നി​വ​യാ​ണി​പ്പോ​ൾ റി​വ്യൂ ഹ​ര​ജി ഫ​യ​ൽ ചെ​യ്​​തി​രി​ക്കു​ന്ന​ത്. പ​ക്ഷേ, പു​നഃ​പ​രി​ശോ​ധ​ന ഹ​ര​ജി​ക​ൾ അ​ടി​യ​ന്ത​ര പ്രാ​ധാ​ന്യ​ത്തോ​ടെ പ​രി​ഗ​ണി​ക്കേ​ണ്ട​തി​ല്ലെ​ന്ന്​ കോ​ട​തി വ്യ​ക്ത​മാ​ക്കി​യി​രി​ക്കുക​യാ​ണ്.

ഇ​ത്ര​യു​മാ​ണ്​ സം​ഭ​വ​ഗ​തി​യെ​ങ്കി​ൽ ഉ​ത്​​ക​ണ്​​ഠ​ക്ക​്​ അവ​കാ​ശ​മി​ല്ലാ​യി​രു​ന്നു. എ​ന്നാ​ൽ, അ​തി​ന​പ്പു​റം പോ​യി 2019ലെ ​പൊ​തു​തെ​ര​ഞ്ഞെ​ടു​പ്പ്​ മു​ന്നി​ൽ ക​ണ്ട്​ വെ​ള്ളം ക​ല​ക്കാ​നും മീ​ൻ​പി​ടി​ക്കാ​നും രം​ഗ​ത്തി​റ​ങ്ങി​യ മു​ഖ്യ രാ​ഷ്​​ട്രീ​യ പാ​ർ​ട്ടി​ക​ളു​ടെ പു​റ​പ്പാ​ടാ​ണ്​ പ്ര​ശ്​​നം സൃ​ഷ്​​ടി​ക്കു​ന്ന​ത്. വി​വി​ധ ഹൈ​ന്ദ​വ സം​ഘ​ട​ന​ക​ളു​ടെ കൂ​ട്ടാ​യ്​​മ സം​ഘ്​​പ​രി​വാ​റി​െ​ൻ​റ പ്ര​ത്യ​ക്ഷ പി​ന്തു​ണ​യോ​ടെ വ​ൻ പ്ര​ക്ഷോ​ഭ​ത്തി​ന്​ തി​രി​കൊ​ളു​ത്താ​നു​ള്ള തീ​വ്ര​ശ്ര​മ​ത്തി​ലാ​ണ്​ ഏ​ർ​പ്പെ​ട്ടി​രി​ക്കു​ന്ന​ത്. ബാ​ഹ്യ​മാ​യി അ​വ​രു​ടെ പോ​രാ​ട്ടം ഇ​ട​തു​മു​ന്ന​ണി സ​ർ​ക്കാ​റി​നോ​ടാ​ണെ​ങ്കി​ലും ഫ​ല​ത്തി​ൽ അ​തി​െ​ൻ​റ കു​ന്ത​മു​ന പ​ര​മോ​ന്ന​ത കോ​ട​തി​യു​ടെ വി​ധി​യു​ടെ നേ​രെ​യാ​ണ്​ തി​രി​ച്ചു​വെ​ച്ചി​രി​ക്കു​ന്ന​ത്​ എ​ന്ന്​ മ​ന​സ്സി​ലാ​ക്കാ​ൻ ബു​ദ്ധി​മു​ട്ടി​ല്ല. ജ​നാ​ധി​പ​ത്യ​ത്തി​ലോ മ​ത​നി​ര​പേ​ക്ഷ​ത​യി​ലോ സ്വ​ത​ന്ത്ര ജു​ഡീ​ഷ്യ​റി​യി​ലോ വി​ശ്വ​സി​ക്കാ​ത്ത​വ​ർ​ക്ക്​ എ​ന്തു​മാ​വാം എ​ന്ന സ്​​ഥി​തി​വി​ശേ​ഷം തി​ക​ച്ചും ആ​പ​ത്​​ക​ര​വും വി​നാ​ശ​ക​ര​വു​മാ​ണ്. സം​ഘ​്​പ​രി​വാ​റി​െ​ൻ​റ ദേ​ശീ​യ​നേ​തൃ​ത്വം സു​പ്രീം​കോ​ട​തി വി​ധി​ക്കെ​തി​രെ ഒ​ര​ക്ഷ​രം മൊ​ഴി​യാ​തി​രി​ക്കെ സം​സ്​​ഥാ​ന നേ​തൃ​ത്വ​ത്തി​െ​ൻ​റ അ​തി​സാ​ഹ​സ​ത്തി​ന്​ ക​ടി​ഞ്ഞാ​ണി​ട്ടി​ല്ലെ​ങ്കി​ൽ ക​ടു​ത്ത ജാ​തി​ക്ക​ല​ഹംപോ​ലും പൊ​ട്ടി​പ്പു​റ​പ്പെ​ടു​ന്ന സാ​ഹ​ച​ര്യ​മു​ണ്ട്. ഇ​പ്പോ​ൾത​ന്നെ എ​സ്.​എ​ൻ.​ഡി.​പി സു​പ്രീ​മോ വെ​ള്ളാ​പ്പ​ള്ളി ന​ടേ​ശ​ൻ സ​വ​ർ​ണ ജാ​തി​ക്കാ​രു​ടെ പ്ര​ക്ഷോ​ഭ​ത്തി​നു​നേ​രെ നി​റ​യൊ​ഴി​ച്ചു​ക​ഴി​ഞ്ഞു. ഹൈ​ന്ദ​വ​രി​ലെ ഭൂ​രി​പ​ക്ഷം വ​രു​ന്ന ഇൗ​ഴ​വ​ർ പി​ന്തു​ണ​ച്ചി​ല്ലെ​ങ്കി​ൽ പ്ര​ക്ഷോ​ഭം കേ​വ​ലം നാ​യ​ർ, ന​മ്പൂ​തി​രി കോ​ലാ​ഹ​ലം മാ​ത്ര​മാ​യി ക​ലാ​ശി​ക്കും. ഒ​പ്പം​ത​ന്നെ എ​ൽ.​ഡി.​എ​ഫി​നെ പ്ര​തി​ക്കൂ​ട്ടി​ൽ ക​യ​റ്റി സ​വ​ർ​ണ വോ​ട്ടു​ക​ൾ പ​ങ്കി​ടാ​നു​ള്ള യു.​ഡി.​എ​ഫ്​ നീ​ക്ക​ങ്ങ​ളും അ​വ​ർ മു​ഖ്യ​ശ​ത്രു​ക്ക​ളാ​യി ചി​ത്രീ​ക​രി​ക്കു​ന്ന ഫാ​ഷി​സ്​​റ്റു​ക​ളെ​യ​ല്ലേ ഫ​ല​ത്തി​ൽ സ​ഹാ​യി​ക്കു​ക എ​ന്ന​വ​ർ ആ​ലോ​ചി​ക്ക​ണം. ശബരിമല ​സം​വാ​ദം മു​ന്നാ​ക്ക-​പി​ന്നാ​ക്ക ജാ​തി സ്​​പ​ർ​ധ​യാ​യി രൂ​പാ​ന്ത​ര​പ്പെ​ട്ടാ​ൽ അ​തി​ന്​ ന​ൽ​കേ​ണ്ടി​വ​രു​ന്ന വി​ല ചെ​റു​താ​യി​രി​ക്കി​ല്ല. നി​യ​മ​പ​ര​വും ധാ​ർ​മി​ക​വു​മാ​യ പോ​രാ​ട്ടം എ​പ്പോ​ഴും ഏ​തു​കാ​ര്യ​ത്തി​ലും ന്യാ​യീ​ക​രി​ക്ക​പ്പെ​ടാം. നി​യ​മ​വാ​ഴ്​​ച​യെ വെ​ല്ലു​വി​ളി​ച്ചു​കൊ​ണ്ടു​ള്ള കൈ​വി​ട്ട ക​ളി ആ​രു​ടെ ഭാ​ഗ​ത്തു​നി​ന്നാ​യാ​ലും ചെ​റു​ത്തു​തോ​ൽ​പി​ച്ചേ മ​തി​യാ​വൂ. 

Loading...
COMMENTS