പ്ര​യാ​ഗ് രാ​ജ് ദു​ര​ന്തം: ഉ​ത്ത​ര​വാ​ദി​യാ​ര്?

ഉത്തർ​പ്രദേശിലെ പ്രയാഗ്​രാജിൽ​ (പഴയ അലഹബാദ്​) മ​ഹാ​കും​ഭ​മേ​ള​യിൽ പു​ണ്യ​സ്നാ​ന​ത്തി​നി​ടെ​യു​ണ്ടാ​യ തി​ക്കി​ലും തി​ര​ക്കി​ലും പെ​ട്ട് ഒ​ട്ട​ന​വ​ധി തീ​ർ​ഥാ​ട​ക​ർ മ​രി​ച്ച​താ​യും നി​ര​വ​ധി പേ​ർ​ക്ക് പ​രി​ക്കേ​റ്റ​താ​യു​മു​ള്ള വാ​ർ​ത്ത​ക​ൾ വേ​ദ​ന​യും ആ​ശ​ങ്ക​യു​മു​ണ​ർ​ത്തു​ന്നു. മു​പ്പ​തി​ലേ​റെ പേ​ർ മ​രി​ച്ചെ​ന്നാ​ണ് ഔ​ദ്യോ​ഗി​ക വി​ശ​ദീ​ക​ര​ണ​മെ​ങ്കി​ൽ ആ​ശു​പ​ത്രി മോ​ർ​ച്ച​റി​ക​ളി​ൽ മാ​ത്രം 58 മൃ​ത​ദേ​ഹ​ങ്ങ​ൾ ക​ണ്ട​താ​യും പ​രി​ക്കേ​റ്റ​വ​രി​ൽ പ​ല​രു​ടേ​യും നി​ല ഗു​രു​ത​ര​മാ​ണെ​ന്നും നി​ര​വ​ധി പേ​രെ കാ​ണാ​താ​യ​താ​യും വി​ദേ​ശ-​പ്രാ​ദേ​ശി​ക മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്യു​ന്നു​ണ്ട്. ഗം​ഗ, യ​മു​ന, സ​ര​സ്വ​തി ന​ദി​ക​ളു​ടെ ത്രിവേണി സം​ഗ​മ​സ്ഥാ​നത്ത്​ ന​ട​ത്തു​ന്ന അ​മൃ​ത​സ്നാ​നം മോ​ക്ഷം ന​ൽ​കു​മെ​ന്നാ​ണ് വി​ശ്വാ​സം. വി​ശേ​ഷ ദി​വ​സ​മാ​യ മൗ​നി അ​മാ​വാ​സി​യി​ൽ സ​ന്യാ​സി​മാ​ർ​ക്കൊ​പ്പം പു​ണ്യ​സ്നാ​നം ചെ​യ്യാ​ൻ ഭ​ക്തജ​ന​ങ്ങ​ൾ തി​ര​ക്ക് കൂ​ട്ടി​യ​താ​ണ് ദു​ര​ന്ത​ത്തി​ലേ​ക്ക് ന​യി​ച്ച​തെ​ന്നാ​ണ് പൊ​ലീ​സ് പ​റ​യു​ന്ന​ത്. ജ​ന​ക്കൂ​ട്ട​ത്തി​ന്റെ ത​ള്ള​ലി​ൽ ബാ​രി​ക്കേ​ഡ് ത​ക​രു​ക​യും ഇ​ര​ച്ചു​വ​ന്ന ജ​ന​ക്കൂ​ട്ട​ത്തി​നി​ടെ വീ​ണു​പോ​യ​വ​ർ​ക്ക് ര​ക്ഷ​പ്പെ​ടാ​ൻ ക​ഴിയാതെ വരികയും ചെയ്​തെന്നു അ​ധി​കൃ​ത​ർ വി​ശ​ദീ​ക​രി​ക്കു​ന്നു.

144 വ​ർ​ഷ​ത്തി​ൽ ഒ​രി​ക്ക​ൽ ന​ട​ക്കു​ന്ന മ​ഹാ​കും​ഭ​മേ​ള​യാ​യി​രു​ന്നു ഇ​ത്ത​വ​ണ​ത്തേ​ത്. അ​തി​നാ​ൽ ത​ന്നെ രാ​ജ്യ​മെ​മ്പാ​ടും​നി​ന്ന് ഭ​ക്ത​ർ എ​ത്തു​ക​യും ചെ​യ്തി​രു​ന്നു. പു​തുകാല ഇ​ന്ത്യ​യി​ൽ മ​ത ച​ട​ങ്ങു​ക​ൾ​ക്ക്, ആ​ഘോ​ഷ​ങ്ങ​ൾ​ക്ക് പ്ര​സ​ക്തി കൂ​ടി വ​രു​ന്ന​തി​നാ​ൽ ഇ​ത്ത​വ​ണ യു.പി ഗവൺമെന്‍റ്​ മേളയുടെ പൂർണനടത്തിപ്പുകാരായി മുന്നോട്ടുവന്നു. സ​ജ്ജീ​ക​ര​ണ​ങ്ങ​ൾ സം​ബ​ന്ധി​ച്ച് വ​ലി​യ അ​വ​കാ​ശ​വാ​ദ​ങ്ങ​ളാ​ണ് യോഗി ആദിത്യനാഥ്​ ഭ​ര​ണ​കൂ​ടം ന​ട​ത്തി​യി​രു​ന്ന​ത്. എ​ന്നാ​ൽ, അ​വ​കാ​ശ വാ​ദം മു​ഴ​ക്കാ​ൻ കാ​ണി​ച്ച ആ​വേ​ശം സൗ​ക​ര്യ​ങ്ങ​ൾ യ​ഥാ​വി​ധി ഒ​രു​ക്കു​ന്ന​തി​ൽ ഉ​ണ്ടാ​യി​ല്ല എ​ന്നു വ്യാപകമായ ആക്ഷേപമുയർന്നിരിക്കുകയാണിപ്പോൾ. കോ​ടി​ക്ക​ണ​ക്കി​ന് ഭ​ക്ത​ജ​ന​ങ്ങ​ൾ സം​ഗ​മ​ത്തി​നെ​ത്തു​മെ​ന്ന​റിയിച്ച അധികൃതർ പക്ഷേ, അ​തി​ന​നു​സ​രി​ച്ച സു​ര​ക്ഷാ ക്ര​മീ​ക​ര​ണ​ങ്ങ​ൾ ഒ​രു​ക്കു​ന്ന​തി​ലും ജ​ന​ക്കൂ​ട്ട​ത്തെ നി​യ​ന്ത്രി​ക്കു​ന്ന​തി​ലും പ​രാ​ജ​യ​പ്പെ​ട്ട​താ​ണ് ദു​ര​ന്തകാ​ര​ണ​മെ​ന്ന് വി​മ​ർ​ശ​ന​മു​യ​ർ​ന്നു ക​ഴി​ഞ്ഞു.

തി​ര​ക്ക് നി​യ​ന്ത്രി​ക്കാ​ൻ സം​വി​ധാ​ന​ങ്ങ​ൾ ഉ​ണ്ടാ​യി​രു​ന്നി​ല്ലെ​ന്നും പ​രി​ക്കേ​റ്റ​വ​രെ ആ​ശു​പ​ത്രി​യി​ലെ​ത്തി​ക്കാ​ൻ ഏ​റെ സ​മ​യ​മെ​ടു​ത്തെന്നും ദൃ​ക്സാ​ക്ഷി​ക​ൾ പ​റ​യു​ന്നു​ണ്ട്. തീ​ർ​ഥാ​ട​ക​രെ വി.​ഐ.​പി​ക​ളും അ​ല്ലാ​ത്ത​വ​രും ആ​യി തി​രി​ച്ച​താ​ണ് അ​പ​ക​ട​ത്തി​ലേ​ക്ക് വ​ഴി​വെ​ച്ച​തി​നു​ള്ള പ്ര​ധാ​ന കാ​ര​ണ​മാ​യി ചൂ​ണ്ടി​ക്കാ​ട്ട​പ്പെ​ടു​ന്ന​ത്. ഗം​ഗാ ന​ദി കു​റു​കെ ക​ട​ക്കു​ന്ന​തി​ന് സ്ഥാ​പി​ച്ച താ​ൽ​ക്കാ​ലി​ക പാ​ല​ങ്ങ​ൾ വ​ലി​യൊ​രു ശ​ത​മാ​നം വി.​ഐ.​പി തീ​ർ​ഥാ​ട​ക​ർ​ക്ക് മാ​ത്ര​മാ​യി ഒ​ഴി​ച്ചി​ടു​ക​യും പ്ര​ധാ​ന റോ​ഡു​ക​ൾ അ​ട​ക്കു​ക​യും ചെ​യ്ത​തോ​ടെ മ​റ്റു പാ​ല​ങ്ങ​ളി​ലും താ​ര​ത​മ്യേ​ന ചെ​റി​യ റോ​ഡു​ക​ളി​ലും വ​ലി​യ തി​ര​ക്കാ​ണ്​ അ​നു​ഭ​വ​പ്പെ​ട്ട​ത്. മൗ​നി അ​മാ​വാ​സി സ്നാ​ന സ​മ​യ​മാ​യ​തോ​ടെ ജ​ന​ക്കൂ​ട്ടം ഈ ​പാ​ല​ങ്ങ​ളി​ലൂ​ടെ​യും റോ​ഡു​ക​ളി​ലൂ​ടെ​യും ഇ​ര​ച്ചെ​ത്തി​യ​തോ​ടെ കാ​ര്യ​ങ്ങ​ൾ കൈ​വി​ട്ടു​പോ​വു​ക​യാ​യി​രു​ന്നു. ഔ​ദ്യോ​ഗി​ക സം​വി​ധാ​ന​ങ്ങ​ൾ വി.​ഐ.​പി​ക​ൾ​ക്ക് പി​റ​കേ ആ​യ​തി​നാ​ൽ സാ​ധാ​ര​ണ​ക്കാ​രാ​യ ഭ​ക്തജ​ന​ങ്ങ​ൾ​ക്ക് സൗ​ക​ര്യ​മോ, സു​ര​ക്ഷ​യോ ഒ​രു​ക്കു​ന്ന​തി​ന് വേ​ണ്ട​ത്ര ശ്ര​ദ്ധ ഉ​ണ്ടാ​യ​തു​മി​ല്ല. ദു​ര​ന്ത​ത്തെ തു​ട​ർ​ന്ന് വി.​വി.​ഐ.​പി പാ​സു​ക​ൾ റ​ദ്ദാ​ക്കാ​നും വാ​ഹ​ന ഗ​താ​ഗ​തം നി​യ​ന്ത്രി​ക്കാ​നും കു​ടു​ത​ൽ പ​രി​ച​യ​സ​മ്പ​ന്ന​രാ​യ ഉ​ദ്യോ​ഗ​സ്ഥ​രെ മേ​ള ന​ട​ത്തി​പ്പി​ന് നി​യോ​ഗി​ക്കാ​നും ഉ​ത്ത​ർ​​പ്ര​ദേ​ശ് സ​ർ​ക്കാ​ർ ത​യാ​റാ​യി​ട്ടു​ണ്ട്. ഇ​തി​ലൂ​ടെ, സം​വി​ധാ​ന​ങ്ങ​ൾ വേ​ണ്ട വി​ധ​മാ​യി​രു​ന്നി​ല്ല എ​ന്ന​ത് അ​ധി​കൃ​ത​ർ​ത​ന്നെ സ​മ്മ​തി​ച്ചി​രി​ക്കു​ക​യാ​ണ്. ദു​ര​ന്തം സം​ഭ​വി​ച്ച ശേ​ഷം മാ​ത്രം ച​ടു​ല​മാ​വു​ന്ന സം​വി​ധാ​ന​ങ്ങ​ളെ വി​ശ്വ​സി​ക്കാ​നാ​വി​ല്ല.

കും​ഭ​മേ​ള​ക​ളി​ലും സ​മാ​ന​മാ​യ മ​തചടങ്ങുകളിലും അ​പ​ക​ട​ങ്ങ​ളും ദു​ര​ന്ത​ങ്ങ​ളും ജീ​വ​മൃ​ത്യു​വും രാ​ജ്യ​ത്തും ലോ​ക​ത്തു​ത​ന്നെ​യും ആ​ദ്യ​ത്തേ​ത​ല്ല. കും​ഭ​മേ​ള​യി​ൽ​ത​ന്നെ ഇ​തി​നു മു​മ്പ് സ​മാ​ന​മാ​യ ചെ​റു​തും വ​ലു​തു​മാ​യ അ​പ​ക​ട​ങ്ങ​ളു​ണ്ടാ​യി​ട്ടു​ണ്ട്. പ​ക്ഷേ, ഓ​രോ ത​വ​ണ​യും താ​ൽ​ക്കാ​ലി​ക പ​രി​ഹാ​രം​കൊ​ണ്ട് കാ​ര​ണ​ങ്ങ​ളും വ​സ്ത​ത​ക​ളും മ​റ​ച്ചു​വെ​ക്കു​ക​യും വീ​ഴ്ച​ക​ൾ മൂ​ടി​വെ​ക്കു​ക​യു​മാ​ണ് പ​തി​വ്. ഈ ​കും​ഭ​മേ​ള​യി​ലും സ​മാ​ന​മാ​യ ന​ട​പ​ടി​ക​ൾ​ക്ക് ത​ന്നെ​യേ സാ​ധ്യ​ത​യു​ള്ളൂ. ദു​ര​ന്തം ക​ഴി​ഞ്ഞ് ദി​വ​സം ക​ഴി​ഞ്ഞി​ട്ടും ഇ​നി​യും കൃ​ത്യ​മാ​യ ഔ​ദ്യോ​ഗി​ക സ്ഥി​രീ​ക​ര​ണം മ​ര​ണം, പ​രി​ക്കേ​റ്റ​വ​ർ, കാ​ണാ​താ​യ​വ​ർ സം​ബ​ന്ധി​ച്ച് ഉ​ണ്ടാ​യി​ട്ടി​ല്ല. മേ​ള ന​ഗ​രി​യി​ലെ​ത്തി പൈ​ങ്കി​ളി വ​ർ​ത്ത​മാ​ന​ങ്ങ​ൾ വി​ള​മ്പാ​ൻ മ​ത്സ​രി​ക്കു​ന്ന ദേ​ശീ​യ​മാ​ധ്യ​മ​ങ്ങ​ൾ ആ​രെ​യോ ഭ​യ​ന്നി​ട്ടെ​ന്ന​വ​ണ്ണം ദു​ര​ന്ത​ത്തി​ന്റെ വ്യാ​പ്തി സം​ബ​ന്ധി​ച്ച വാ​ർ​ത്ത​ക​ൾ പു​റ​ത്തു​വി​ടാ​തെ മൗ​ന​മ​വ​ലം​ബി​ക്കു​ക​യാ​ണ്, ഒ​രു ത​രം സെ​ൽ​ഫ് സെ​ൻ​സ​ർ​ഷി​പ്.

കോ​വി​ഡ് ബാ​ധി​ച്ചു മ​രി​ച്ച​വ​രു​ടെ മൃ​ത​ദേ​ഹ​ങ്ങ​ൾ പു​ഴ​യി​ൽ ത​ള്ളി​യ വാ​ർ​ത്ത പ്ര​സി​ദ്ധീ​ക​രി​ച്ച​തി​ന് നേ​രി​ടേ​ണ്ടി​വ​ന്ന പ​ക​പോ​ക്ക​ലി​ന്റെ ഭീ​തി​യാ​വാം അ​വ​രെ ഇ​ത്ത​ര​മൊ​രു നി​ല​പാ​ടി​ന് പ്രേ​രി​പ്പി​ക്കു​ന്ന​ത്. എ​ന്തു​ത​ന്നെ​യാ​യാ​ലും വി​വ​ര​ങ്ങ​ൾ അ​റി​യു​ന്ന​തി​ന് വി​ദേ​ശ മാ​ധ്യ​മ​ങ്ങ​​ളെ​യും സ​മൂ​ഹ​മാ​ധ്യ​മ​ങ്ങ​ളെ​യും ആ​ശ്ര​യി​ക്കേ​ണ്ടി വ​രു​ന്ന​ത് കൂ​ടു​ത​ൽ പ്ര​യാ​സ​ങ്ങ​ൾ സൃ​ഷ്ടി​ക്കാ​നാ​ണ് സാ​ധ്യ​ത. വ​സ്തു​ത​ക​ൾ തു​റ​ന്നു​പ​റ​യാ​നും പ​രി​ഹാ​ര​ങ്ങ​ൾ തേ​ടാ​നും അ​ധി​കൃ​ത​ർ മ​ടി​ക്ക​രു​ത്. ആ​വ​ശ്യ​മെ​ങ്കി​ൽ ​ന​ട​ത്തി​പ്പി​നും സ​ഹാ​യ​ത്തി​നും സൈ​നി​ക സേ​വ​നം തേ​ടു​ന്ന​തു​പോ​ലും പ​രി​ഗ​ണി​ക്ക​പ്പെ​ടേ​ണ്ട​താ​ണ്. അ​തോ​ടൊ​പ്പം എ​ന്തും വാ​ണി​ജ്യ​വ​ത്ക​രി​ക്കു​ക​യും മേ​നി ന​ടി​ക്ക​ലി​നു​ള്ള ഉ​പാ​ധി​യാ​യി മാ​റ്റു​കയും ചെയ്യുന്ന സ​മീ​പ​ന​വും ഉ​പേ​ക്ഷി​ക്ക​പ്പെ​ടേ​ണ്ട​താ​ണ്.