മ​ഹാ​മാ​രി എ​ന്ന വ​ലി​യ മ​റ

''ലോ​കം ഇ​ന്ത്യ​യെ ജ​നാ​ധി​പ​ത്യ​ത്തി​െ​ൻ​റ മാ​താ​വെ​ന്ന്​ വി​ളി​ക്കും'' -പു​തി​യ പാ​ർ​ല​മെ​ൻ​റ്​ കെ​ട്ടി​ട​ത്തി​ന്​ ത​റ​ക്ക​ല്ലി​ട്ടു പ്ര​ധാ​ന​മ​ന്ത്രി പ​റ​ഞ്ഞ​താ​ണി​ത്. ഇ​തേ ആ​ഴ്​​ച രാ​ജ്യം കേ​ട്ട മ​റ്റൊ​രു വാ​ർ​ത്ത, പാ​ർ​ല​മെ​ൻ​റി​െ​ൻ​റ ശീ​ത​കാ​ല സ​മ്മേ​ള​നം വേ​ണ്ടെ​ന്നു​വെ​ച്ച​താ​ണ്. ജ​നാ​ധി​പ​ത്യ​മെ​ന്നാ​ൽ കെ​ട്ടി​ടം പ​ണി​​യ​ലോ അ​തോ, ജ​ന​പ്ര​തി​നി​ധി​ക​ൾ കൂ​ടി​യി​രു​ന്ന്​ പ്ര​ശ്​​ന​ങ്ങ​ൾ ച​ർ​ച്ച​ചെ​യ്യ​ലോ എ​ന്ന ചോ​ദ്യ​ത്തി​ന്​ ഇ​തി​നെ​ക്കാ​ൾ മൂ​ർ​ച്ച കി​ട്ടു​ന്ന മ​റ്റൊ​രു സ​ന്ദ​ർ​ഭ​മു​ണ്ടാ​കി​ല്ല.

കെ​ട്ടി​ട​ത്തെ​ച്ചൊ​ല്ലി പ്ര​ധാ​ന​മ​ന്ത്രി ഊ​റ്റ​ത്തോ​ടെ പ്ര​സം​ഗി​ക്കു​ക​യാ​യി​രു​ന്നെ​ങ്കി​ൽ സ​ഭ​ക​ൾ ചേ​രി​ല്ലെ​ന്ന വി​വ​രം പാ​ർ​ല​മെ​ൻ​റ​റി കാ​ര്യ മ​ന്ത്രി പ്ര​ഹ്ലാ​ദ്​ ജോ​ഷി കോ​ൺ​ഗ്ര​സി​െ​ൻ​റ ലോ​ക്​​സ​ഭ നേ​താ​വ്​ അ​ധീ​ർ ര​ഞ്​​ജ​ൻ ചൗ​ധ​രി​യെ ക​ത്തു​വ​ഴി അ​റി​യി​ക്കു​ക​യാ​യി​രു​ന്നു. ക​ർ​ഷ​ക​പ്ര​ക്ഷോ​ഭം ച​ർ​ച്ച​ചെ​യ്യാ​ൻ പ്ര​ത്യേ​ക ശീ​ത​കാ​ല സ​മ്മേ​ള​നം ചേ​ര​ണ​മെ​ന്നാ​വ​ശ്യ​പ്പെ​ട്ട്​ ചൗ​ധ​രി അ​യ​ച്ച ക​ത്തി​നു​ള്ള മ​റു​പ​ടി​യാ​യി​രു​ന്നു അ​ത്. ശീ​ത​കാ​ല സ​മ്മേ​ള​നം ഉ​പേ​ക്ഷി​ക്കു​മെ​ന്നും ജ​നു​വ​രി​യി​ൽ ബ​ജ​റ്റ്​​സ​മ്മേ​ള​ന​മാ​ണ്​ ഇ​നി ന​ട​ക്കു​ക​യെ​ന്നും പ​റ​ഞ്ഞ്​ മ​ന്ത്രി ചൂ​ണ്ടി​ക്കാ​ട്ടി​യ കാ​ര​ണം കോ​വി​ഡ്​-19 മ​ഹാ​മാ​രി​യാ​ണ്.

രാ​ഷ്​​ട്രീ​യ​ക​ക്ഷി നേ​താ​ക്ക​ളു​മാ​യി ആ​ലോ​ചി​ച്ചെ​ന്നും മി​ക്ക നേ​താ​ക്ക​ളും കോ​വി​ഡ്​ ഭീ​ഷ​ണി​യു​ള്ള​തി​നാ​ൽ സ​മ്മേ​ള​നം വേ​ണ്ടെ​ന്ന്​ അ​ഭി​പ്രാ​യ​പ്പെ​​ട്ടെ​ന്നും കൂ​ടി മ​ന്ത്രി അ​വ​കാ​ശ​പ്പെ​ട്ടു. ഇ​ത്​ ശ​രി​യ​ല്ലെ​ന്നാ​ണ്​ ഭൂ​രി​പ​ക്ഷം ക​ക്ഷി നേ​താ​ക്ക​ളും പ്ര​തി​ക​രി​ച്ച​ത്. രാ​ജ്യ​സ​ഭ​യി​ലെ പ്ര​തി​പ​ക്ഷ നേ​താ​വ്​ ഗു​ലാം​ന​ബി ആ​സാ​ദ്, ചീ​ഫ്​ വി​പ് ജ​യ​റാം ര​മേ​ശ്, എ​ൻ.​സി.​പി​യു​ടെ​യും ശി​വ​സേ​ന​യു​ടെ​യും വ​ക്താ​ക്ക​ൾ തു​ട​ങ്ങി ഒ​ട്ട​നേ​കം നേ​താ​ക്ക​ൾ പ​റ​യു​ന്ന​ത്​ ത​ങ്ങ​ളോ​ട്​ ആ​ലോ​ചി​ച്ചി​​ട്ടേ​യി​ല്ലെ​ന്നാ​ണ്.

അ​പ്പോ​ൾ തീ​രു​മാ​നം ഏ​റ​ക്കു​റെ ഏ​ക​പ​ക്ഷീ​യ​മാ​യി​രു​ന്നു എ​ന്നാ​ണ്​ വ്യ​ക്ത​മാ​കു​ന്ന​ത്. പാ​ർ​ല​മെ​ൻ​റി​ൽ ച​ർ​ച്ച ഒ​ഴി​വാ​ക്ക​ണ​മെ​ന്ന്​ കേ​ന്ദ്ര​സ​ർ​ക്കാ​ർ ആ​ഗ്ര​ഹി​ക്കു​ന്ന ഒ​ട്ട​നേ​കം പ്ര​ശ്​​ന​ങ്ങ​ൾ കോ​വി​ഡി​നെ​ക്കാ​ൾ രൂ​ക്ഷ​മാ​യി​ക്കൊ​ണ്ടി​രി​ക്കെ മ​ഹാ​മാ​രി ഒ​രു സൗ​ക​ര്യ​പ്ര​ദ​മാ​യ മ​റ​യാ​ക്കു​ക​യാ​ണ്​ ചെ​യ്​​തി​രി​ക്കു​ന്ന​ത്.

മ​റ്റു പ​ല​തി​നും കേ​ന്ദ്ര സ​ർ​ക്കാ​റോ ഭ​ര​ണ​പ​ക്ഷ നേ​താ​ക്ക​ളോ കോ​വി​ഡി​നെ ത​ട​സ്സ​മാ​യി കാ​ണു​ന്നി​ല്ലെ​ന്ന​തി​ൽ​നി​ന്നു​ത​ന്നെ ഈ ​അ​വ​സ​ര​വാ​ദം തെ​ളി​ഞ്ഞു​കാ​ണാം. മ​ഹാ​രാ​ഷ്​​ട്ര സ​ർ​ക്കാ​ർ അ​സം​ബ്ലി​യു​ടെ ശീ​ത​കാ​ല സ​മ്മേ​ള​നം വെ​ട്ടി​ച്ചു​രു​ക്കാ​ൻ ആ​ലോ​ചി​ച്ച​പ്പോ​ഴേ​ക്കും ഫ​ഡ്​​നാ​വി​സ്​ അ​ട​ക്ക​മു​ള്ള നേ​താ​ക്ക​ൾ ശ​ക്ത​മാ​യി എ​തി​ർ​ക്കു​ക​യാ​യി​രു​ന്ന​ല്ലോ. കോ​വി​ഡി​െ​ൻ​റ തു​ട​ക്ക​ത്തി​ലാ​ണ്​ പാ​ർ​ല​മെ​ൻ​റി​െ​ൻ​റ ബ​ജ​റ്റ്​ സ​മ്മേ​ള​നം ന​ട​ന്ന​ത്. മ​ഹാ​മാ​രി​യു​െ​ട മൂ​ർ​ധ​ന്യ​ത്തി​ലാ​ണ് മ​ൺ​സൂ​ൺ​ സ​മ്മേ​ള​നം ന​ട​ന്ന​ത്.

ര​ണ്ടും എ​ട്ടു ദി​വ​സം വീ​തം വെ​ട്ടി​ച്ചു​രു​ക്കി​യെ​ന്നു മാ​ത്രം. അ​ന്നേ സ​ർ​ക്കാ​റി​ന്​ അ​തി​ലെ സൗ​ക​ര്യം ബോ​ധ്യ​പ്പെ​ട്ടു​കാ​ണ​ണം. മ​ൺ​സൂ​ൺ സ​മ്മേ​ള​ന​ത്തി​ൽ 25 ബി​ല്ലാ​ണ്​ പാ​സാ​ക്കി​യെ​ടു​ത്ത​ത്​; അ​തി​ൽ 15 എ​ണ്ണം രാ​ജ്യ​സ​ഭ​യി​ലാ​യി​രു​ന്നു; അ​തി​ൽ​ത​ന്നെ ഏ​ഴെ​ണ്ണം നാ​ലു മ​ണി​ക്കൂ​റു​കൊ​ണ്ട്​ ചു​​ട്ടെ​ടു​ക്കു​ക​യാ​യി​രു​ന്നു. വോ​​ട്ടെ​ടു​പ്പ്​ വേ​ണ​മെ​ന്ന പ്ര​തി​പ​ക്ഷ​ത്തി​െ​ൻ​റ ന്യാ​യ​മാ​യ ആ​വ​ശ്യം ച​ട്ട​വി​രു​ദ്ധ​മാ​യി ത​ള്ളി കാ​ർ​ഷി​ക ബി​ല്ലു​ക​ൾ 'പാ​സാ​ക്കി'​യ​ത്​ കോ​വി​ഡ്​ ന​ൽ​കി​യ മ​ഹാ​സൗ​ക​ര്യം കൂ​ടി ഉ​പ​യോ​ഗി​ച്ചാ​ണ്. ത​ല​സ്​​ഥാ​ന​ത്ത്​ കോ​വി​ഡ്​​ബാ​ധ ന​വം​ബ​ർ 16നു​ശേ​ഷം ഗ​ണ്യ​മാ​യി കു​റ​ഞ്ഞ​താ​യി ക​ണ​ക്കു​ക​ൾ പ​റ​യു​േ​മ്പാ​ൾ മ​ന്ത്രി​യു​ടെ മ​റു​വാ​ദം, ത​ണു​പ്പു​കാ​ല​ത്ത്​ അ​ത്​ വ​ർ​ധി​ക്കാ​നു​ള്ള സാ​ധ്യ​ത ഉ​ണ്ടെ​ന്ന​ത്രെ.

പ​ക്ഷേ, ഈ ​ത​ണു​പ്പു കാ​ല​ത്താ​ണ്​ പ്ര​ധാ​ന​മ​ന്ത്രി അ​ട​ക്ക​മു​ള്ള​വ​ർ പ​​ങ്കെ​ടു​ത്ത മ​ഹാ​റാ​ലി​ക​ൾ ബി​ഹാ​റി​ൽ ന​ട​ന്ന​ത്. വാ​രാ​ണ​സി​യി​ൽ മോ​ദി​യു​ടെ ദീ​പാ​വ​ലി പ​രി​പാ​ടി​യു​ണ്ടാ​യി; ബം​ഗ​ളൂ​രു​വി​ലും ഹൈ​ദ​രാ​ബാ​ദി​ലു​മെ​ല്ലാം ബി.​ജെ.​പി​യു​ടെ പ്ര​ക​ട​ന​ങ്ങ​ൾ​ക്ക്​ കോ​വി​ഡ്​ ത​ട​സ്സ​മാ​യി​ല്ല. ഇ​ങ്ങ്​ കേ​ര​ള​ത്തി​ൽ ത്രി​ത​ല ത​ദ്ദേ​ശ തെ​ര​ഞ്ഞെ​ടു​പ്പു​പോ​ലും ന​ട​ന്നു. ബി​ഹാ​റി​ൽ അ​സം​ബ്ലി തെ​ര​ഞ്ഞെ​ടു​പ്പും വി​വി​ധ സ്​​ഥ​ല​ങ്ങ​ളി​ൽ ഇ​ട​ക്കാ​ല തെ​ര​ഞ്ഞെ​ടു​പ്പു​ക​ളും. പ​ശ്ചി​മ ബം​ഗാ​ളി​ൽ മാ​സ​ങ്ങ​ൾ ക​ഴി​ഞ്ഞ്​ ന​ട​ക്കേ​ണ്ട തെ​ര​ഞ്ഞെ​ടു​പ്പി​െ​ൻ​റ തീ​വ്ര​പ്ര​ചാ​ര​ണ​വും കേ​ന്ദ്ര ആ​ഭ്യ​ന്ത​ര​മ​ന്ത്രി​യു​ടെ നേ​തൃ​ത്വ​ത്തി​ൽ ചാ​ക്കി​ട്ടു​പി​ടി​ത്ത​വും ന​ട​ക്കു​ന്ന​തും ഈ ​ശൈ​ത്യ​കാ​ല​ത്തു​ത​ന്നെ.

സ​ർ​ക്കാ​ർ ഓ​ഫി​സു​ക​ൾ, വ്യാ​പാ​ര​സ​മു​ച്ച​യ​ങ്ങ​ൾ, പൊ​തു​പ​രി​പാ​ടി​ക​ൾ എ​ല്ലാം കോ​വി​ഡ്​ ചി​ട്ട​ക​ളോ​ടെ പ്ര​വ​ർ​ത്ത​ന​സ​ജ്ജ​മാ​ണ്. അ​മേ​രി​ക്ക​യി​ൽ പൊ​തു തെ​ര​ഞ്ഞെ​ടു​പ്പും കോ​ൺ​ഗ്ര​സ്​ സ​മ്മേ​ള​ന​ങ്ങ​ളും പൂ​ർ​ണ​തോ​തി​ൽ ന​ട​ന്നു. മ​റ്റു പ​ല രാ​ജ്യ​ങ്ങ​ളി​ലും അ​ങ്ങ​നെ​ത്ത​ന്നെ. അ​േ​പ്പാ​ൾ ഇ​ന്ത്യ​യി​ൽ മാ​ത്രം, പാ​ർ​ല​മെ​ൻ​റി​നു മാ​ത്രം, കോ​വി​ഡ്​ വി​ല​ക്ക്​ വ​രു​ന്ന​ത്​ 'ജ​നാ​ധി​പ​ത്യ​ത്തി​െ​ൻ​റ മാ​താ​വാ'​യ​തു​കൊ​ണ്ടാ​ണോ?

എ​ല്ലാ​വ​ർ​ക്കും അ​വ​ര​വ​രു​ടെ ചു​മ​ത​ല നി​ർ​വ​ഹി​ക്കാ​ൻ കോ​വി​ഡ്​ ത​ട​സ്സ​മ​ല്ല ഇ​പ്പോ​ൾ; പാ​ർ​ല​മെ​ൻ​റി​നു മാ​ത്രം ചു​മ​ത​ല ​ഒ​ഴി​യാ​മെ​ന്ന​ത്​ യു​ക്തി​സ​ഹ​മ​ല്ല. രാ​ജ്യ​മെ​ങ്ങും സ​ഭാ​സ​മ്മേ​ള​ന​ങ്ങ​ളും തെ​ര​ഞ്ഞെ​ടു​പ്പു​ക​ളും ന​ട​ക്കു​ന്ന​തി​ന​ർ​ഥം, ജ​ന​ങ്ങ​ൾ അ​വ​രു​ടെ പ്ര​തി​നി​ധി​ക​ളെ തെ​ര​ഞ്ഞെ​ടു​ക്കു​ന്ന​ത്​ നീ​ട്ടി​വെ​ക്കാ​ൻ പ​റ്റി​ല്ല എ​ന്നാ​ണ്. അ​തേ​പോ​ലെ തെ​ര​ഞ്ഞെ​ടു​ക്ക​പ്പെ​ട്ട എം.​പി​മാ​ർ​ക്ക്​ ജ​ന​ങ്ങ​ളോ​ടു​ള്ള ഉ​ത്ത​ര​വാ​ദി​ത്ത​വും ഉ​പേ​ക്ഷി​ക്കാ​വു​ന്ന​ത​ല്ല. ജ​ന​ങ്ങ​ളു​ടെ​യോ ജ​ന​പ്ര​തി​നി​ധി​ക​​ളു​ടെ​യോ താ​ൽ​പ​ര്യ​മ​ല്ല പാ​ർ​ല​മെ​ൻ​റി​െ​ൻ​റ ശീ​ത​കാ​ല സ​മ്മേ​ള​നം മാ​റ്റി​വെ​ച്ച​തി​നു പി​ന്നി​ൽ.

കേ​ന്ദ്ര സ​ർ​ക്കാ​റി​െ​ൻ​റ മാ​ത്രം താ​ൽ​പ​ര്യ​മാ​ണ​ത്. പാ​ർ​ല​മെ​ൻ​റി​െ​ൻ​റ അ​ധി​കാ​ര​ങ്ങ​ൾ വെ​ട്ടി​ക്കു​റ​ക്കു​ന്ന ന​യ​മാ​ണ്​ മോ​ദി സ​ർ​ക്കാ​ർ പി​ന്തു​ട​രു​ന്ന​ത്. രൂ​ക്ഷ​മാ​യ ഒ​രു​പാ​ട്​ പ്ര​ശ്​​ന​ങ്ങ​ൾ സ​ർ​ക്കാ​ർ സൃ​ഷ്​​ടി​ച്ചു​ക​ഴി​ഞ്ഞി​ട്ടു​മു​ണ്ട്. ക​ർ​ഷ​ക​രു​ടെ പ്ര​ശ്​​നം ച​ർ​ച്ച​ചെ​യ്യാ​നു​ള്ള വേ​ദി​യാ​ണ്​ പാ​ർ​ല​മെ​ൻ​റ്. അ​തി​നു മാ​ത്ര​മാ​യി ശീ​ത​കാ​ല സ​മ്മേ​ള​നം വേ​ണ​മെ​ന്ന നി​ർ​ദേ​ശം ന്യാ​യ​മാ​യി​രു​ന്നു. അ​തി​നു പു​റ​മെ, ത​ക​രു​ന്ന സ​മ്പ​ദ്​ വ്യ​വ​സ്​​ഥ​യും പെ​രു​കു​ന്ന തൊ​ഴി​ലി​ല്ലാ​യ്​​മ​യും പൗ​ര​ത്വ​നി​ഷേ​ധ​വും ത​ക​ർ​ക്ക​പ്പെ​ടു​ന്ന ഫെ​ഡ​റ​ലി​സ​വു​മെ​ല്ലാം ജ​ന​കീ​യ​സ​ഭ​ക​ളി​ൽ ച​ർ​ച്ച ചെ​യ്യേ​ണ്ട വി​ഷ​യ​ങ്ങ​ളാ​ണ്.

സ​മ്മേ​ള​നം മാ​റ്റി​വെ​ക്കാ​ൻ കാ​ര​ണ​മാ​യി സ​ർ​ക്കാ​ർ പ​റ​യു​ന്ന കോ​വി​ഡ്​ ത​ന്നെ​യും പാ​ർ​ല​മെ​ൻ​റ്​ ച​ർ​ച്ച​ക്കെ​ടു​ക്കേ​ണ്ട ഗൗ​ര​വ​മു​ള്ള വി​ഷ​യ​മാ​ണ്. പ​ക​രം ക​ർ​ഷ​ക വി​രു​ദ്ധ നി​യ​മ​ങ്ങ​ളും പാ​ർ​ല​മെ​ൻ​റ്​ കെ​ട്ടി​ട​നി​ർ​മാ​ണ ക​രാ​റു​മാ​യി കോ​ർ​പ​റേ​റ്റ്​ താ​ൽ​പ​ര്യ​ങ്ങ​ൾ മാ​ത്രം നോ​ക്കാ​ൻ നി​ന്നാ​ൽ 'ജ​നാ​ധി​പ​ത്യ​ത്തി​െ​ൻ​റ മാ​താ​വ്​' വ​ന്ധ്യ​യാ​ണെ​ന്ന്​ ലോ​കം വി​ല​യി​രു​ത്തും.