കടലിനും ചെകുത്താനും ഇടയിൽ നെറ്റിസൺസ്

പൊതു ഇടമെന്ന നിലക്ക് സമൂഹമാധ്യമങ്ങൾ പ്രായ, ലിംഗ, ദേശഭേദമില്ലാതെ എല്ലാതരം മനുഷ്യരുടെയും സമസ്ത മേഖലകളെയും നിർ ണയിച്ചുകൊണ്ടിരിക്കുന്നു. വ്യക്തിത്വ പ്രകാശനം മുതൽ രാഷ്​ട്രീയ വിമോചനം വരെയുള്ള വൈവിധ്യ പ്രവർത്തനങ്ങളുടെ രംഗ വേദിയാണത്​. സദാചാര ഒളിഞ്ഞുനോട്ടം മുതൽ സൈബർ കുറ്റകൃത്യങ്ങളടക്കമുള്ള അപഥസഞ്ചാരങ്ങളുടെ വിഹാരഭൂമികൂടിയാണത്. സങ ്കീർണത നിറഞ്ഞ ഈ ‘അഭൗമ’ ലോകത്തിലെ അപകടകരമായ ഇടപാടുകളെ നിയന്ത്രിക്കാനും ദുരുപയോഗം ചെയ്യുന്നവരെ ശിക്ഷിക്കാനും നിലവിലുള്ള നിയമങ്ങൾ മതിയാകുന്നില്ലെന്ന് നിരീക്ഷിച്ചിരിക്കുകയാണ് രാജ്യത്തെ പരമോന്നത കോടതി.

സൈബർ കുറ്റകൃ ത്യങ്ങളുടെയും വ്യാജ വാർത്തകളുടെയും ഉറവിടങ്ങൾ പിടികൂടാൻ അടിയന്തര നടപടി ആവശ്യമാണെന്ന് അഭിപ്രായപ്പെട്ട ദീപക് ഗുപ്ത, അനിരുദ്ധ ബോസ് എന്നിവരടങ്ങിയ ​െബഞ്ച് ദുരുപയോഗം തടയാൻ സമൂഹമാധ്യമങ്ങൾക്ക് മാർഗനിർദേശം നൽകണമെന്ന്​ കേന്ദ ്രസർക്കാറിനോട് നിർദേശിക്കുകയും ചെയ്തിരിക്കുന്നു. രാജ്യത്തി​െൻറ പരമാധികാരം, ഓൺലൈനിലെ സ്വകാര്യത തുടങ്ങിയ വിഷ യത്തിൽ സന്തുലിത കാഴ്ചപ്പാടുകൾ പാലിക്കാൻ ആവശ്യപ്പെടുന്ന നിർദേശത്തിൽ രാജ്യത്തെക്കുറിച്ചാണ്, ഇൻറർനെറ്റിനെക്ക ുറിച്ചല്ല ആവലാതി വേണ്ടതെന്ന മുന്നറിയിപ്പും നൽകുന്നുണ്ട് കോടതി.

സമൂഹമാധ്യമങ്ങളിലെ അക്കൗണ്ടുകൾ ആധാറുമായി ബന്ധിപ്പിക്കണമെന്ന് ആവശ്യപ്പെട്ട്​ വിവിധ ഹൈകോടതികളുടെ മുന്നിലുള്ള ഹരജികൾ സുപ്രീംകോടതിയിലേക്കു മാറ്റണമെന്ന ഫേസ്ബുക്കി​െൻറ ഹരജി പരിഗണിച്ചുള്ള വാദം നടന്നുകൊണ്ടിരിക്കെയാണ് കേന്ദ്രത്തോട് പുതിയ മാർഗനിർദേശങ്ങളുണ്ടാക്കാൻ പരമോന്നത കോടതിയുടെ ആവശ്യം. വ്യ​ക്തി​ക​ളെ തി​രി​ച്ച​റി​ഞ്ഞ്​ സൈ​ബ​ർ കു​റ്റ​കൃ​ത്യ​ങ്ങ​ൾ ത​ട​യാ​ൻ സ​മൂ​ഹ​മാ​ധ്യ​മ​ങ്ങ​ളെ ആ​ധാ​റു​മാ​യി ബ​ന്ധി​പ്പി​േ​ക്ക​ണ്ട​ത്​ അ​നി​വാ​ര്യ​മാ​െണന്നാണ് വിവിധ സംസ്ഥാനങ്ങളുടെ നിലപാട്.

ഭീ​ക​ര​ത ചെ​റ​ു​ക്കാ​നും അ​പ​ക​ട​ക​ര​മാ​യ ഗെ​യി​മു​ക​ൾ ത​ട​യാ​നും ആ​ധാ​റു​മാ​യി ബ​ന്ധി​പ്പി​ക്ക​ൽ നിർബന്ധമാ​െണന്ന വാദം അറ്റോർണി ജനറൽ കെ.കെ. വേണുഗോപാൽ നേര​േത്ത ഹരജി പരിഗണിച്ചപ്പോൾ സുപ്രീംകോടതിയിൽ ഉന്നയിച്ചിരുന്നു. എന്നാൽ, സ്വ​കാ​ര്യ​ത മൗ​ലി​കാ​വ​കാ​ശ​മാ​ക്കി​യ സു​പ്രീം​കോ​ട​തി വി​ധി​ക്ക്​ വി​രു​ദ്ധ​മാ​ണ്​ എ.​ജി​യു​ടെ നിലപാടെന്ന വാ​ദമാണ് ഫേ​സ്​​ബു​ക്കും വാ​ട്സ്​​ആ​പ്പും ഉയർത്തുന്നത്. സ്വകാര്യതയുടെ പക്ഷത്ത് ഡിജിറ്റൽ പ്ലാറ്റ്ഫോം ദാതാക്കളും, നിയന്ത്രണത്തി​െൻറയും പൗരവിവര ചോർത്തലി​െൻറയും പക്ഷത്ത് ജനാധിപത്യ സർക്കാറുകളും നിൽക്കുന്ന വിചിത്ര കാഴ്ചയാണ് ഈ കേസിൽ നിലനിൽക്കുന്നത്.

ഗുണദോഷ സമ്മിശ്രമാണ് നവമാധ്യമങ്ങളുടെ ‘ഇ-ലോകം’. സ്ഥാപിത സാമൂഹികക്രമത്തെ അട്ടിമറിച്ച് പുതിയ ലോകം സൃഷ്​ടിക്കാനുള്ള ശക്തി നവമാധ്യമങ്ങൾക്കു​െണ്ടന്ന് അറബ്​വസന്തവും ഗ്രെറ്റയുടെ ആക്​ടിവിസവും നമ്മെ നിരന്തരം ബോധ്യപ്പെടുത്തുന്നു. ഭരണകൂടത്തി​െൻറ ഇരുമ്പുമറകളെ തുളച്ച് വിമതശബ്​ദങ്ങളുടെ ഉച്ചഭാഷിണിയാകാൻ സമൂഹമാധ്യമങ്ങൾ മാർഗമായതോടെയാണല്ലോ ലോകക്രമം യൗവനം വീണ്ടെടുക്കാൻ തുടങ്ങിയത്. അതുകൊണ്ടുതന്നെ വിവിധ രൂപത്തിൽ സമൂഹമാധ്യമങ്ങളെ നിയന്ത്രിക്കാനും വരുതിയിലാക്കാനും ഭരണകൂടങ്ങൾ അങ്ങേയറ്റം പണിയെടുക്കുന്നു. വ്യക്തികളുടെ മൗലികാവകാശങ്ങളെ അപഹരിച്ചുകൊണ്ട് ‘നിരീക്ഷണ രാഷ്​ട്രമാകാൻ’ ഏകാധിപത്യ രാജ്യങ്ങളെപ്പോലെ ഇന്ത്യയും ആഗ്രഹിക്കുന്നുവെന്നതാണ് വസ്തുത.

അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ ഫേ​സ്​​ബു​ക്ക്, വാ​ട്​​സ്​​ആ​പ്, ഇ​ൻ​സ്​​റ്റ​ഗ്രാം തു​ട​ങ്ങി​യ സമൂഹമാധ്യമ ആപ്പുകൾ പ്ര​വ​ർ​ത്ത​ന​ര​ഹി​ത​മാ​ക്കാ​നു​ള്ള വ​ഴി​ക​ൾ നി​ർ​ദേ​ശി​ക്കാ​ൻ ടെ​ലി​കോം ഒാ​പ​റേ​റ്റ​ർ​മാ​രോ​ടും ഇ​ൻ​റ​ർ​നെ​റ്റ്​ സേ​വ​ന​ദാ​താ​ക്ക​ളോ​ടും കേ​ന്ദ്ര ക​മ്യൂ​ണി​ക്കേ​ഷ​ൻ മ​ന്ത്രാ​ല​യം കഴിഞ്ഞ വർഷം ആവശ്യപ്പെട്ടിരുന്നു. നിയമപരമായി പൗരന്മാരുടെ സ്വകാര്യതയിലേക്ക് ഒളിഞ്ഞുനോക്കാനും വിവരങ്ങൾ ശേഖരിക്കാനുമുള്ള കേന്ദ്ര സർക്കാർ ശ്രമത്തെ സ്വകാര്യത മൗലികാവകാശമാ​െണന്ന സുപ്രധാനവിധിയിലൂടെ സുപ്രീംകോടതിയാണ് തടയിട്ടത്. പുതിയ പശ്ചാത്തലത്തിൽ സുപ്രീംകോടതിയുടെ അഭീഷ്​ടത്തോടെ അവ പുനരാരംഭിക്കാനുള്ള സുവർണാവസരമാണ് കേന്ദ്ര സർക്കാറിന് ലഭിച്ചിരിക്കുന്നത്.

അതേസമയം, നവമാധ്യമങ്ങൾ പ്രസരിപ്പിക്കുന്ന ദോഷങ്ങളും കാണാതിരിക്കാനാകില്ല. വർഗീയതയുടെയും വിദ്വേഷപ്രചാരണത്തി​െൻറയും രാഷ്​ട്രീയ ഉപകരണങ്ങളാണ് സമൂഹമാധ്യമങ്ങൾ. മനോവൈകൃതമുള്ള മനുഷ്യരുടെ വ്യക്തിഹത്യ പ്രചാരണങ്ങളിലൂടെ ജീവിതം ഇല്ലാതായവരുടെ യുദ്ധഭൂമിയാണത്. വ്യ​ക്തി​ഗ​ത വി​വ​ര​ങ്ങ​ളു​ടെ വി​പു​ല​മാ​യ ശേ​ഖ​ര​ങ്ങ​ൾ ഉ​പ​യോ​ഗ​പ്പെ​ടു​ത്തി ക​മ്പ്യൂ​ട്ട​ർ ആ​ൽ​ഗ​രി​ത​ങ്ങ​ളു​ടെ സ​ഹാ​യ​ത്തോ​ടെ കോർപറേറ്റ് കമ്പനികളും രാഷ്​ട്രീയ പാർട്ടികളും സൈബർ കുറ്റവാളികളും ദിനംപ്രതി ഒാരോ നെറ്റിസണി​െൻറയും മനോഘടനകളെ പുനർനിർമിച്ചുകൊണ്ടിരിക്കുന്നു. ഇത്തരം വിഷയങ്ങളിൽ സമൂഹമാധ്യമങ്ങളെ നിയന്ത്രിക്കുന്ന അതിഭീമന്മാരുടെ നിലപാടുകൾ അവർക്കൊപ്പവുമാണ്.

ഫേസ്ബുക്കി​െൻറ ഇന്ത്യയിലെ പ്രവർത്തനങ്ങൾ വിശദമായി പഠിച്ച പരഞ്ജോയ് ഗുഹ ഠാകുർത്ത പറയുന്നത് സംഘ്പരിവാർ രാഷ്​ട്രീയത്തെ പിന്തുണക്കുന്നതിൽ അവർ അമിതമായ താൽപര്യം കാണിക്കുന്നുണ്ട് എന്നാണ്. സുപ്രീംകോടതി ആവശ്യപ്പെടുന്ന മാർഗനിർദേശങ്ങൾക്ക്​ സമൂഹമാധ്യമങ്ങളുടെ ജന്മസിദ്ധവും അല്ലാത്തതുമായ ഇത്തരം ദൂഷ്യങ്ങളെ പ്രതിരോധിക്കാൻ ശേഷിയുണ്ടാകുമോ എന്നത് കാത്തിരുന്നു കാണേണ്ടതാണ്. സമൂഹമാധ്യമങ്ങളുടെ വിഷ‍യത്തിൽ കടലിനും ചെകുത്താനുമിടയിലാണ് ജനസഞ്ചയം. ജാഗ്രത കൈമോശംവരുന്ന ആ നിമിഷത്തിൽ സ്വകാര്യതയുടെ എല്ലാ വിവരങ്ങളും കൊള്ളയടിക്കാൻ പൗരസംരക്ഷകരാകേണ്ട ഭരണകൂടവും ഡിജിറ്റൽ പ്ലാറ്റ്ഫോം ദാതാക്കളും ഒരുപോലെ ഊഴമിട്ടിരിക്കുന്നുവെന്ന ദുർവിധിക്കു പര്യവസാനമുണ്ടാക്കുക കോടതിക്ക് അത്ര എളുപ്പമായിരിക്കുകയില്ല.