ഗവേഷണരംഗത്തും ‘ദേശീയ’ അജണ്ട

സർവകലാശാലാ ഗവേഷണരംഗത്ത്​ പാലിക്കേണ്ട പുതി​യൊരു നിർദേശമായി കാസർകോട്​​ കേന്ദ്ര സർവകലാശാല (സെൻട്രൽ യൂനിവേഴ ്​സിറ്റി ഒാഫ്​ കേരള)യുടെ വൈസ്​ ചാൻസലർ ജി. ഗോപകുമാർ ഇറക്കിയ സർക്കുലർ പ്രഖ്യാപിത ലക്ഷ്യത്തിനുപോലും അനുയോജ്യ മാകുമോ എന്നു സംശയമാണ്​. പ്രഖ്യാപിത ലക്ഷ്യം തന്നെയും ചോദ്യം ചെയ്യപ്പെടുന്നുമുണ്ട്​. കഴിഞ്ഞ ഡിസംബറിൽ ചേർന്ന കേന്ദ്ര സർവകലാശാല വൈസ്​ ചാൻസലർമാരുടെ യോഗത്തിൽ ഉണ്ടായ തീരുമാനമനുസരിച്ചാണത്രെ സർക്കുലർ. ഇനിയങ്ങോട്ട്​ ഗവേഷ ണത്തിന്​ ‘ദേശീയ മുൻഗണനയുള്ള’ വിഷയങ്ങളെടുത്താൽ മതി എന്നാണ്​ അതിൽ പറയുന്നത്​. എന്തുകൊണ്ടെന്നാൽ ഇന്ന്​ നടക്കുന്ന ഗവേഷണങ്ങളേറെയും ‘അപ്രസക്ത’ വിഷയങ്ങളിലാണ്​. 25 വയസ്സുള്ള വിദ്യാർഥിനിക്ക്​ രാജ്യത്തി​​െൻറ ആവശ്യങ്ങളെപ്പറ്റി ബോധമുണ്ടാകില്ല എന്ന്​ വി.സി വിശദീകരിച്ചിട്ടുമുണ്ട്​; അതിനാൽ, ഗവേഷണത്തിന്​ പറ്റുന്ന കുറെ മേഖലകൾ യൂനിവേഴ്​സിറ്റി മുൻകൂട്ടി തയാറാക്കും. ആ മേഖലകളിൽ മാത്രം ഗവേഷണം നടത്തിയാൽ മതി. വകുപ്പുതലവന്മാരോട്​ വി.സി നിർദേശിച്ചിരിക്കുന്നത്​ നിർണയിച്ചുവെച്ച മുൻഗണനകളനുസരിച്ചുള്ള ഗവേഷണ വിഷയങ്ങളുടെ പട്ടിക തയാറാക്കാനാണ്​. അങ്ങനെ ‘രാജ്യത്തിനാവശ്യമുള്ള’ പഠനങ്ങൾക്ക്​ അവസരമൊരുക്കാനും. ‘പിഎച്ച്​.ഡിക്ക്​ ആളെ എടുക്കു​േമ്പാൾ ഗവേഷണ​ പ്രബന്ധത്തി​​െൻറ വിഷയം ദേശീയ മുൻഗണന പ്രകാരമായിരിക്കേണ്ടതുണ്ട്​.’

വൈസ്​ ചാൻസലർമാരു​ം യു.ജി.സിയും കേന്ദ്ര മാനവശേഷി വകുപ്പുമാണത്രെ ഇൗ നീക്കത്തിനുപിന്നിലുള്ളത്​. എങ്കിൽ, ഇവരെല്ലാം കൂടി നാടി​െൻറ മൗലിക ഗവേഷണത്തെ ഞെക്കിക്കൊല്ലാൻ പ്രതിജ്​ഞയെടുത്തുകളഞ്ഞോ എന്നു ചോദിക്കേണ്ടിവരുന്നുണ്ട്​. മിതമായിപ്പറഞ്ഞാൽ ഇത്​ ശരിയായ കാരണത്തിന്മേൽ എടുത്ത തെറ്റായ തീരുമാനമാണ്​. സർവകലാശാലകളിൽ ഇന്ന്​ നടക്കുന്ന ഗവേഷണങ്ങളുടെ വിഷയങ്ങൾ കുറെ​െയങ്കിലും നിലവാരം കെട്ടവയാണ്​ എന്നതിൽ തർക്കമില്ല. മൗലിക ചിന്തക്കോ പഠനത്തിനോ ഇടമില്ലാത്തതും വിജ്​ഞാന മേഖലക്ക്​ പുതുതായൊന്നും നൽകാത്തതുമാണ്​ ഏറെയുമെന്നുപറഞ്ഞാലും തെറ്റാവില്ല. എന്നാൽ, അതി​​െൻറ കാരണങ്ങൾ കണ്ടെത്തി ചികിത്സിക്കുന്നതിനു പകരം പരിഹാസ്യമായ രീതിയിൽ സ്വതന്ത്രവും മൗലികവുമായ ഗവേഷണത്തെത്തന്നെ തടയുകയാണ്​ കാസർകോട്​ സർവകലാശാല ചെയ്​തിരിക്കുന്നത്​. പൊതുതീരുമാനമനുസരിച്ചായതുകൊണ്ട്​ ഇത്തരം നിർദേശങ്ങൾ മറ്റു കേന്ദ്ര സർവകലാശാലകളിലും ഇറങ്ങാം. യു.ജി.സിക്കും പങ്കുള്ളതിനാൽ രാജ്യത്തെ എല്ലാ സർവകലാശാലകളിലും ഇൗ വികലമായ ചട്ടക്കൂട്​ ഏർപ്പെടുത്താം. ഗവേഷണ നിലവാരം മോശമാകാൻ ഒരു പ്രധാന കാരണം ഇത്തരത്തിൽ സങ്കുചിതമായ കാഴ്​ചപ്പാട്​
രാഷ്​​്ട്രീയക്കാർ അക്കാദമിക രംഗങ്ങളിൽ അടിച്ചേൽപ്പിക്കുന്നതാണ്​.

2016ൽ ഗുജറാത്ത്​ സർക്കാർ ഇത്തരമൊരു മാർഗ​നിർദേശം ഇറക്കിയിരുന്നു. സംസ്​ഥാന സർവകലാശാലകളിൽ ഗവേഷണ ‘പ്രസക്​തി’യുള്ള 82 വിഷയങ്ങളുടെ ഒരു പട്ടിക സർക്കാർ തയാറാക്കുകയും ചെയ്​തു. കേന്ദ്ര ശാസ്​ത്രമന്ത്രിയെന്ന നിലക്ക്​ ഹർഷ്​ വർധൻ നടത്തിയ ചില വിവാദ പ്രസ്​താവനകൾ എന്താണ്​ ‘ദേശീയ പ്രസക്​തി’ എന്ന സൂചന നൽകിയിട്ടുമുണ്ട്​. സ്​റ്റീഫൻ ഹോക്കിങ്ങി​​െൻറ പേരിലുള്ള വ്യാജ ഫേസ്​ബുക്ക്​ പോസ്​റ്റ്​ വിശ്വസിച്ച്​ ‘മൗലിക’ കണ്ടെത്തൽ പ്രഖ്യാപിച്ച അദ്ദേഹത്തെപ്പോലുള്ളവരാവുമോ ‘ദേശീയ മുൻഗണന’ തീരുമാനിക്കുന്നത്​? യഥാർഥത്തിൽ സർക്കാറിന്​ ചെയ്യാനുള്ളത്​ ഗവേഷണത്തിന്​ യോജിച്ച സാഹചര്യമൊരുക്കുകയാണ്​ - അതിൽ ഇടപെടുകയല്ല. തീസിസ്​ വിഷയങ്ങളുടെ പട്ടിക തയാറാക്കുന്നതിന്​ പകരം ഗവേഷണരംഗത്തിന്​ മാന്യമായ ബജറ്റ്​ വിഹിതം (മൊത്തം ദേശീയ വരുമാനത്തി​​െൻറ 0.8 ശതമാനമാണ്​ ഇപ്പോൾ) നീക്കിവെക്കുകയും അക്കാദമിക മേഖലക്ക്​ സ്വാതന്ത്ര്യം നൽകുകയുമാണ്​ വേണ്ടത്​. വൈസ്​ ചാൻസലർമാർ ചെയ്യേണ്ടതോ, സ്വതന്ത്രമായ അക്കാദമിക പ്രവർത്തനങ്ങൾക്ക്​ നേതൃത്വം നൽകുകയും- അല്ലാതെ രാഷ്​​ട്രീയ യജമാനന്മാരുടെ തീട്ടൂരങ്ങൾ പകർത്തി സർക്കുലറാക്കുകയല്ല.

ഗവേഷണത്തി​​െൻറ കാതലാണ്​ ചിന്താസ്വാതന്ത്ര്യവും പഠന സ്വാതന്ത്ര്യവും. സർവകലാശാലകളുടെ ആത്​മാവാണ്​ പ്രവർത്തനസ്വാതന്ത്ര്യം. ഇതെല്ലാം നശിപ്പിച്ച്​ കിട്ടുന്ന ‘പ്രസക്​ത’ പഠനങ്ങൾ രാജ്യത്തെ എങ്ങോട്ടുനയിക്കുമെന്നാണ്​ പറയുന്നത്​? ജ്യോതിഷത്തിനും ഗോമൂത്ര ശാസ്​ത്രത്തിനുമപ്പുറം വിജ്​ഞാനത്തി​​െൻറ വലിയൊരു ലോകമുണ്ട്​. മൗലികമായ എന്തും പ്രസക്​തമാണ്​ - നാട്ടിനും ലോകത്തിനും. അവ പല മേഖലകളുടെ സങ്കരം ആവാം; പ്രയോജനപരത നോക്കിയാൽ ഒന്നുമല്ലാത്ത കേവല സിദ്ധാന്തങ്ങളാവാം. അവ ദേശീയമോ സാർവദേശീയമോ പ്രാദേശികമോ ആവാം. ആർക്കോ ഒറ്റയിരിപ്പിൽ തോന്നിയ രേഖയിലൂടെ മാത്രം പോകണമെന്ന്​ ശഠിക്കുന്നത്​ മൗലികവും സർഗാത്​മകവുമായ അന്വേഷണങ്ങളെ തടയലാണ്​. മാറുമറക്കൽ സമരത്തെപ്പറ്റി വിദ്യാർഥികൾ പഠിക്കേണ്ടെന്ന്​ എൻ.സി.ഇ.ആർ.ടി തീരുമാനിച്ചതും ഇപ്പോൾ പറയുന്ന ‘ദേശീയ മുൻഗണന’കളെയും ‘പ്രസക്​തി’യെയും പറ്റിയുള്ള മറ്റൊരു സൂചന തരുന്നുണ്ട്​. കേന്ദ്ര സർവകലാശാലകളുടെ അവസ്​ഥയുടെ സൂചകമാണ്​ കാസർകോട്​ സർവകലാശാലയിൽ കാണുന്നതെങ്കിൽ ‘മുൻഗണന’കൾ കൃത്യമാണെന്ന്​ പറയാതെ വയ്യ. ഉന്നത വിദ്യാഭ്യാസ ഗവേഷണമേഖലയെ സങ്കുചിത അജണ്ടകളിൽനിന്നും വിധേയരായ യൂനിവേഴ്​സിറ്റി അധിപന്മാരിൽനിന്നും മോചിപ്പിക്കു​േമ്പാഴേ നമ്മുടെ ഗവേഷണനിലവാരത്തെപ്പറ്റി ചിന്തിച്ചുതുടങ്ങാൻ പോലും കഴിയൂ. കാസർകോട്ട്​ ഇറങ്ങിയ സർക്കുലർ മാത്രമല്ല, അതിറക്കിയവരും അതിനുപിന്നിലെ ചിന്തയും ഗവേഷണരംഗത്തെ വലിയ തടസ്സങ്ങൾ തന്നെയാണ്​.