പി​ന്നെ​യും ആ​ൾ​ക്കൂ​ട്ട​ക്കൊ​ല​ക​ൾ

രാ​ജ്യ​വും സം​സ്ഥാ​ന​വും പൗ​ര​ത്വ ഭേ​ദ​ഗ​തിനിയമവു​മാ​യി ബ​ന്ധ​പ്പെ​ട്ട മ​ഹ​ത്താ​യ ജ​ന​കീ​യപ്ര​ക്ഷോ​ഭ​ത്തി​ൽ തി​ള​ച്ചുമ​റി​യു​ന്ന സ​ന്ദ​ർ​ഭ​ത്തി​ലാ​യ​തുകൊ​ണ്ടാ​വ​ണം ന​മ്മു​ടെ സം​സ്ഥാ​ന​ത്ത് ഈ​യാ​ഴ്ച ന​ട​ന്ന ര​ണ്ട് ആ​ൾ​ക്കൂ​ട്ട​ക്കൊ​ല​ക​ൾ വേ​ണ്ട​ത്ര ച​ർ​ച്ച ചെ​യ്യ​പ്പെ​ടാ​തെ പോ​യ​ത്. ക​ഴി​ഞ്ഞ തി​ങ്ക​ളാ​ഴ്ച​യാ​ണ് കൊ​ല്ലം വാ​ള​കം അ​ണ്ടൂ​ർ ര​ത്ന​വി​ലാ​സ​ത്തി​ൽ അ​നി​ൽകു​മാ​റും (40) തി​രു​വ​ന​ന്ത​പു​രം വെ​ള്ളാ​യ​ണി തെ​ക്കും​ക​ര പു​തു​വ​ൽ​വി​ള വീ​ട്ടി​ൽ അ​ജേ​ഷും (30) ആ​ൾ​ക്കൂ​ട്ട​ത്തിെ​ൻറ ക്രൂ​ര​മാ​യ ആ​ക്ര​മ​ണ​ത്തെ തു​ട​ർ​ന്ന് കൊ​ല്ല​പ്പെ​ട്ട​ത്. കൊ​ല്ല​ത്ത് സ​ദാ​ചാ​ര ഭ്രം​ശം ആ​രോ​പി​ച്ചാ​ണ് കൊ​ല​പാ​ത​ക​മെ​ങ്കി​ൽ തി​രു​വ​ന​ന്ത​പു​ര​ത്ത് മോ​ഷ​ണാ​രോ​പ​ണ​മാ​ണ് കാ​ര​ണം. ആ​ൾ​ക്കൂ​ട്ട​ക്കൊ​ല​ക​ളെ കു​റി​ച്ച് ഈ ​കോ​ള​ത്തി​ൽ പ​ല​കു​റി എ​ഴു​തി​യ​താ​ണ്.

ക​ഴി​ഞ്ഞ കു​റ​ച്ചു വ​ർ​ഷ​ങ്ങ​ളാ​യി ന​മ്മു​ടെ ദേ​ശീ​യ രാ​ഷ്​ട്രീ​യ​ത്തി​ൽ പ​ല​വി​ധ​ത്തി​ലു​ള്ള വി​വാ​ദ​ങ്ങ​ൾ​ക്കും വി​ധേ​യ​മാ​യ​താ​ണ് ആ​ൾ​ക്കൂ​ട്ട​ക്കൊ​ല​ക​ൾ. ഹി​ന്ദു​ത്വ വ​ല​തു​പ​ക്ഷം അ​വ​രു​ടെ രാ​ഷ്​ട്രീ​യ അ​ജ​ണ്ട​യു​ടെ ഭാ​ഗ​മാ​യി ന​ട​പ്പാ​ക്കു​ന്ന​താ​ണ് ഉ​ത്ത​രേ​ന്ത്യ​യി​ലെ ആ​ൾ​ക്കൂ​ട്ട​ക്കൊ​ല​ക​ൾ. അ​തി​നാ​ൽ അ​വ വ​ലി​യ രാ​ഷ്​ട്രീ​യവി​വാ​ദ​മാ​വു​ക സ്വാ​ഭാ​വി​കം. സാ​ർ​വ​ദേ​ശീ​യ ത​ല​ത്തി​ൽ ഇ​ന്ത്യ​യെ കു​റി​ച്ച ഭാ​വ​ന​യെ വ​ലി​യ രീ​തി​യി​ൽ മോ​ശ​മാ​ക്കു​ന്ന​തി​ൽ ഇ​ത്ത​രം കൊ​ല​ക​ൾ നി​ർ​ണാ​യ​ക പ​ങ്കുവ​ഹി​ക്കു​ക​യും ചെ​യ്തി​ട്ടു​ണ്ട്. എ​ന്നാ​ൽ, വ​ർ​ഗീ​യസ്വ​ഭാ​വ​മു​ള്ള ആ​ൾ​ക്കൂ​ട്ടക്കൊല​ക​ളി​ൽനി​ന്ന് കേ​ര​ളം മു​ക്ത​മാ​യി​രു​ന്നു. അ​തേസ​മ​യം, മ​ണ്ണാ​ർ​ക്കാ​ട്ട് അ​ട്ട​പ്പാ​ടി​യി​ൽ മ​ധു എ​ന്ന ആ​ദി​വാ​സി യു​വാ​വി​നെ അ​രി മോ​ഷ്​​ടി​ച്ചു​വെ​ന്ന് പ​റ​ഞ്ഞ് അ​ടി​ച്ചു കൊ​ന്ന​ത് കേ​ര​ള മ​ന​ഃസാ​ക്ഷി​യെ വ​ലി​യ തോ​തി​ൽ വേ​ദ​നി​പ്പി​ച്ച സം​ഭ​വ​മാ​യി​രു​ന്നു.

അ​ന്ന് കേ​ര​ളം ഒ​ന്ന​ട​ങ്കം മ​ധു​വി​നും മ​ധു​വിെ​ൻറ കു​ടും​ബ​ത്തി​നും ഒ​പ്പം നി​ന്നു. കു​റ്റ​വാ​ളി​ക​ളെ നി​യ​മ​ത്തി​നു മു​ന്നി​ൽ കൊ​ണ്ടു​വ​രു​ന്ന​തി​ൽ സം​സ്ഥാ​​​ന സ​ർ​ക്കാ​റും ന​ല്ല ശ്ര​ദ്ധ പു​ല​ർ​ത്തി. മ​ധു​വിെ​ൻറ മ​ര​ണം ആ​ൾ​ക്കൂ​ട്ടക്കൊല​ക​ളെ കു​റി​ച്ചു മാ​ത്ര​മ​ല്ല, ആ​ദി​വാ​സി ജീ​വി​ത​ങ്ങ​ളെ കു​റി​ച്ചും ഗൗ​ര​വ​ത്തി​ൽ ചി​ന്തി​ക്കാ​ൻ കേ​ര​ള​ത്തെ പ്രാ​പ്ത​മാ​ക്കി. ആ​ൾ​ക്കൂ​ട്ട വി​ചാ​ര​ണ​ക്കും മ​ർ​ദ​ന​ങ്ങ​ൾ​ക്കും കൊ​ല​ക​ൾ​ക്കും സാ​മൂ​ഹി​ക പി​ന്തു​ണ ല​ഭി​ക്കാ​ത്ത പൊ​തു​മാ​ന​സി​കാ​വ​സ്ഥ രൂ​പ​പ്പെ​ടു​ത്തി​യെ​ടു​ക്കാ​ൻ ന​മു​ക്ക് സാ​ധി​ച്ചി​ട്ടു​ണ്ട്. ആ​ൾ​ക്കൂ​ട്ടക്കൊല​യി​ലെ പ്ര​തി​ക​ൾ ആ​ദ​രി​ക്ക​പ്പെ​ടു​ക​യും രാ​ഷ്​ട്രീ​യ​മാ​യി സം​ര​ക്ഷി​ക്ക​പ്പെ​ടു​ക​യും ചെ​യ്യു​ന്ന ഉ​ത്ത​രേ​ന്ത്യ​ൻ അ​വ​സ്ഥ​യി​ൽനി​ന്ന് കേ​ര​ള​ത്തെ മാ​റ്റി നി​ർ​ത്തു​ന്ന ഘ​ട​ക​മാ​ണ​ത്. അ​തേസ​മ​യം, ആ​ൾ​ക്കൂ​ട്ട അ​ധി​കാ​ര​ത്തി​ന് ന​മ്മു​ടെ ജ​നാ​ധി​പ​ത്യ, പ്ര​ബു​ദ്ധ ബോ​ധ​ത്തി​ൽ ഇ​പ്പോ​ഴും ഒ​രു മു​റി ഒ​ഴി​ഞ്ഞു കി​ട​പ്പു​ണ്ട് എ​ന്ന് ബോ​ധ്യ​പ്പെ​ടു​ത്തു​ന്ന​താ​ണ് തി​രു​വ​ന​ന്ത​പു​ര​ത്തും കൊ​ല്ല​ത്തും ന​ട​ന്ന സം​ഭ​വ​ങ്ങ​ൾ.

തി​രു​വ​ന​ന്ത​പു​ര​ത്ത് കൊ​ല്ല​പ്പെ​ട്ട അ​ജേ​ഷ് എ​ന്ന ചെ​റു​പ്പ​ക്കാ​ര​ൻ മാ​ന​സി​കാ​സ്വാ​സ്ഥ്യം ഉ​ള്ള​യാ​ൾ കൂ​ടി​യാ​ണ്. അ​വ​നി​ൽ ആ​രോ​പി​ക്ക​പ്പെ​ട്ട കു​റ്റ​മാ​ക​ട്ടെ, മൊ​ബൈ​ൽ ഫോ​ൺ മോ​ഷ​ണ​വും. അ​തേസ​മ​യം, മോ​ഷ്​​ടി​ക്ക​പ്പെ​ട്ടു എ​ന്നു പ​റ​യു​ന്ന മൊ​ബൈ​ൽ ഫോ​ൺ അ​യാ​ളെ അ​ടി​മു​ടി ഭേ​ദ്യം ചെ​യ്തി​ട്ടു പോ​ലും ക​ണ്ടെ​ടു​ക്കാ​ൻ ആ​ക്ര​മ​ണ​കാ​രി​ക​ൾ​ക്ക് സാ​ധി​ച്ചി​ട്ടി​ല്ല. ക​ണ്ടെ​ടു​ത്തി​രു​ന്നെ​ങ്കി​ൽ ആ ​ആ​ക്ര​മ​ണം ശ​രി​യാ​യി​രു​ന്നു എ​ന്ന അ​ർ​ഥ​ത്തി​ല​ല്ല ഇ​തു പ​റ​ഞ്ഞ​ത്. അ​താ​യ​ത്, ആ​ൾ​ക്കൂ​ട്ട​ത്തിെ​ൻറ ന്യാ​യ​ത്തി​ൽ പോ​ലും തെ​റ്റ് തെ​ളി​യി​ക്ക​പ്പെ​ടാ​ത്ത ഒ​രു യു​വാ​വാ​ണ് അ​വി​ടെ കൊ​ല്ല​പ്പെ​ടു​ന്ന​ത്.

എ​ന്തുമാ​ത്രം ഹീ​ന​മാ​യ ചെ​യ്തി​ക്കാ​ണ് ആ ​യു​വാ​വ് വി​ധേ​യ​നാ​യ​ത്? ഇ​രു​മ്പ് പ​ഴു​പ്പി​ച്ച് ജ​ന​നേ​ന്ദ്രി​യ​ത്തി​ൽ പൊ​ള്ള​ലേ​ൽ​പി​ക്കു​ക, വാ​യി​ൽ തു​ണി​തി​രു​കി ക്രൂ​ര​മാ​യി മ​ർ​ദി​ക്കു​ക, അ​ത് വിഡി​യോ​യി​ൽ പ​ക​ർ​ത്തു​ക തു​ട​ങ്ങി​യ മാ​ന​സി​ക​വും ശാ​രീ​ര​ിക​വു​മാ​യ പീ​ഡ​ക​ൾ​ക്കാ​ണ് ആ ​ചെ​റു​പ്പ​ക്കാ​ര​ൻ വി​ധേ​യ​മാ​യ​ത്. അ​ങ്ങേ​യ​റ്റം ദു​ർ​ബ​ല​മാ​യ പ​ശ്ചാ​ത്ത​ല​ത്തി​ൽനി​ന്നു വ​രു​ന്ന​യാ​യാ​ളാ​ണ് കൊ​ല്ല​പ്പെ​ട്ട വ്യ​ക്തി. കൗ​തു​ക​ക​ര​മാ​യ കാര്യം, പ്ര​തി​ക​ളി​ലാ​രു​ടെ​യും മൊ​ബൈ​ൽ അ​ല്ല ന​ഷ്​​ട​പ്പെ​ട്ട​ത് എ​ന്ന​താ​ണ്. ഓ​ട്ടോ​യി​ൽ യാ​ത്ര ചെ​യ്ത​യാ​ൾ ത​​െൻറ മൊ​ബൈ​ൽ ന​ഷ്​​ട​പ്പെ​ട്ടു​വെ​ന്ന് ഓ​ട്ടോ ൈഡ്ര​വ​ർ​മാ​രോ​ട് പ​റ​യു​ക​യും തി​രി​ച്ചു​കി​ട്ടു​ക​യാ​ണെ​ങ്കി​ൽ പ​കു​തി​പ്പ​ണം ന​ൽ​കാ​മെ​ന്ന് വാ​ഗ്ദാ​നം ചെ​യ്യു​ക​യുമാ​യി​രു​ന്നു. ആ ​പ​കു​തി​പ്പ​ണ​ത്തി​ൽ ആ​ർ​ത്തി പൂ​ണ്ട ഓ​ട്ടോ ൈഡ്ര​വ​ർ​മാ​രാ​ണ് ഈ ​ക്രൂ​ര​ത​ക്ക് നേ​തൃ​ത്വം ന​ൽ​കി​യ​ത്. പ്ര​തി​ക​ളി​ൽ പ​ല​രും മോ​ഷ​ണ​മ​ട​ക്ക​മു​ള്ള ക്രി​മി​ന​ൽ കേ​സു​ക​ളി​ൽ മു​മ്പ് പ്ര​തി​ക​ളാ​യി​രു​ന്ന​വ​രു​മാ​ണ്.

ആ​ൾ​ക്കൂ​ട്ടക്കൊല​ക​ളെ മൊ​ത്ത​ത്തി​ൽ പ​രി​ശോ​ധി​ച്ചാ​ൽ മ​ന​സ്സി​ലാ​വു​ന്ന ഒ​രു കാ​ര്യ​മു​ണ്ട്. സാ​മൂ​ഹി​ക മൂ​ല​ധ​നം കു​റ​ഞ്ഞ പ​ശ്ചാ​ത്ത​ല​ങ്ങ​ളി​ൽനി​ന്ന് വ​രു​ന്ന​വ​രാ​ണ് ഇ​ത്ത​രം ക്രൂ​ര​ത​ക​ൾ​ക്ക് ഏ​റെ​യും വി​ധേ​യ​മാ​വു​ന്ന​ത് എ​ന്ന​താ​ണ​ത്. മ​ണ്ണാ​ർ​ക്കാ​ട്ടെ മ​ധു​വി​നെ പോ​ലെ അ​ജേ​ഷും അ​ത്ത​ര​മൊ​രു പ​ശ്ചാ​ത്ത​ല​ത്തി​ൽനി​ന്നു​ള്ള​യാ​ളാ​ണ്. പു​റ​മേ​ക്ക് പ​ല​വി​ധ​ത്തി​ൽ മു​ന്നേ​റ്റ​മു​ണ്ടാ​ക്കു​മ്പോ​ഴും ന​മ്മു​ടെ സ​മൂ​ഹം അ​ക​മേ ദു​ർ​ബ​ല​മാ​യി​ക്കൊ​ണ്ടി​രി​ക്കു​ന്നു​വെ​ന്ന​താ​ണ് യാ​ഥാ​ർ​ഥ്യം. മ​റ്റൊ​ര​ർ​ഥ​ത്തി​ൽ പ​റ​ഞ്ഞാ​ൽ, എ​വി​ടെ​യൊ​ക്കെ​യാ​ണോ ന​മു​ക്ക് ദൗ​ർ​ബ​ല്യ​ങ്ങ​ളു​ള്ള​ത് അ​ത് അ​തേപ​ടി, സ​മൂ​ഹ​ത്തി​ൽ പൊ​തു​വെ​യു​ണ്ടാ​വു​ന്ന ച​ല​നാ​ത്മ​ക​തകളൊ​ന്നും ഉ​ൾ​ക്കൊ​ള്ളാ​തെ നി​ല​നി​ൽ​ക്കു​ക​യാ​ണ് എ​ന്ന് അ​നു​മാ​നി​ക്കേ​ണ്ടി വ​രും.

അ​താ​യ​ത്, ന​മ്മു​ടെ സാ​മൂ​ഹി​ക ന​വോ​ത്ഥാ​നം എ​വി​ടെ​യോ സ്​​തം​ഭി​ച്ചുനി​ൽ​ക്കു​ക​യാ​ണ്. ദു​ർ​ബ​ല​മാ​യി നി​ൽ​ക്കു​ന്ന സാ​മൂ​ഹി​കവി​ഭാ​ഗ​ങ്ങ​ളും മേ​ഖ​ല​ക​ളും അ​തേ അ​വ​സ്ഥ​യി​ൽത​ന്നെ തു​ട​രു​ക​യാ​ണ്. ന​മ്മു​ടെ പു​രോ​ഗ​മ​ന അ​ഹ​ന്ത​ക​ളൊ​ന്നും അ​വ​രെ/​അ​ത്ത​രം മേ​ഖ​ല​ക​ളെ സ്​​പ​ർ​ശി​ച്ചി​ട്ടി​ല്ല. നി​യ​മ​വാ​ഴ്ച​യോ​ടു​ള്ള ആ​ദ​ര​വ്, ഉ​യ​ർ​ന്ന ജ​നാ​ധി​പ​ത്യ​ബോ​ധം തു​ട​ങ്ങി​യ മൂ​ല്യ​ങ്ങ​ൾ തൃ​ണ​മൂ​ല​ത​ല​ത്തി​ൽ പ്ര​യോ​ഗ​വ​ത്ക​രി​ക്കു​ന്ന​തി​ൽ ഒ​രു സ​മൂ​ഹം എ​ന്ന നി​ല​ക്ക് നാം ​പ​രാ​ജ​യ​പ്പെ​ടു​ക​യാ​ണോ എ​ന്ന് ആ​ലോ​ചി​ക്കേ​ണ്ട അ​നു​ഭ​വ​ങ്ങ​ളാ​ണ് ഇ​വ​യൊ​ക്കെ.