മാലദ്വീപ്​ ഫലം ഇന്ത്യക്ക്​ നിർണായകം

ഇന്ത്യൻ മഹാസമുദ്രത്തിലെ തന്ത്രപ്രധാന രാജ്യമായ മാലദ്വീപിൽ നടന്ന തെരഞ്ഞെടുപ്പിൽ പ്രതിപക്ഷ മുന്നണി സ്​ഥാനാർഥ ി ഇബ്രാഹീം മുഹമ്മദ്​ സാലിഹ്​ നേടിയ ജയം ഇന്ത്യയുടെ പ്രതീക്ഷക്ക്​ ആക്കംകൂട്ടുന്നതാണ്​. വ്യാപകമായ കൃത്രിമങ്ങൾക്കുള്ള സാധ്യത പ്രവചിച്ച്​ ​െഎക്യരാഷ്​ട്ര സഭയും യൂറോപ്യൻ യൂനിയനും നിരീക്ഷകരെ അയക്കാതെ നിസ്സഹകരണം പ്രഖ്യാപിക്കുകയും, യു.എന്നും അമേരിക്കയും ഉപരോധമടക്കമുള്ള ഭീഷണി മുഴക്കുകയും ചെയ്​ത അന്തരീക്ഷത്തിൽ നടന്ന തെരഞ്ഞെടുപ്പിൽ 58 ശതമാനം വോട്ട്​ നേടി ​ഇബ്രാഹീം സാലിഹ്​ വിജയിച്ചത്​ എല്ലാവരെയും അമ്പരപ്പിച്ചിരിക്കുന്നു​. ചൈനയുടെ പിൻബലമുള്ള അബ്​ദുല്ല യമീൻ അടിയന്തരാവസ്​ഥ പ്രഖ്യാപിച്ചും എതിരാളികളെ ഒന്നടങ്കം ജയിലിലടച്ചും പട്ടാളത്തെ വിട്ട്​ സുപ്രീംകോടതി പിടിച്ച്​ ജഡ്​ജിമാരെ തടവിലിട്ടും ജനാധിപത്യം അട്ടിമറിച്ചു നടത്തിയ ​തെരഞ്ഞെടുപ്പിൽ മറിച്ചൊരു ഫലം ആരും നിനച്ചതല്ല. ദ്വീപിൽ സ്വാധീനമുറപ്പിക്കാൻ ചൈനയുമായി മത്സരിക്കുന്ന യമീ​​െൻറ ഭരണം തുടർന്നാൽ ഇന്ത്യ സ്വീകരിക്കേണ്ട പുതിയ നയതന്ത്രനീക്കങ്ങൾ രാഷ്​ട്രീയ നയകോവിദന്മാരും അന്തർദേശീയ രാജ്യതന്ത്രജ്ഞരുമൊക്കെ ആലോചിച്ചു​കൊണ്ടിരിക്കെയാണ്​ പ്രതിപക്ഷത്തി​​െൻറ മിന്നുന്ന വിജയം.

മൂന്നു പതിറ്റാണ്ടു നീണ്ട മഅ്​മൂൻ അബ്​ദുൽ ഖയ്യൂമി​​െൻറ ഏകാധിപത്യവാഴ്​ചക്ക്​ അന്ത്യംകുറിച്ച്​ ദ്വീപ്​ ജനാധിപത്യത്തിലേക്ക്​ വാതിൽ തുറന്നിട്ട്​ 10 കൊല്ലമായതേയുള്ളൂ. ജനാധിപത്യവിരുദ്ധ ഭരണക്രമത്തിനെ​തിരെ മാൽഡീവിയൻ ഡെമോക്രാറ്റിക്​ പാർട്ടി നേതാവ്​ മുഹമ്മദ്​ നശീദി​​െൻറ നേതൃത്വത്തിൽ അഞ്ചുവർഷം നീണ്ട ജനകീയസമരം ശക്തിപ്പെട്ടതിനെ തുടർന്ന്​ 2008 ഒക്​ടോബറിൽ ബഹുകക്ഷി പ്രസിഡൻറ്​ തെരഞ്ഞെടുപ്പിനായി കളമൊഴിയാൻ മഅ്​മൂൻ അബ്​ദുൽ ഖയ്യൂം നിർബന്ധിതനാകുകയായിരുന്നു. 2008ലെ ​തെരഞ്ഞെടുപ്പിൽ ഖയ്യൂമിനെ തോൽപിച്ച്​ നശീദ്​ പ്രസിഡൻറായതോടെ 2010ൽ മാലദ്വീപ്​​ ലോകത്തെ ജനാധിപത്യ രാഷ്​ട്രങ്ങളുടെ പട്ടികയിൽ സ്​ഥാനംപിടിച്ചു. എന്നാൽ, ഏകാധിപത്യമെന്ന പാരമ്പര്യരോഗത്തിൽനിന്നു പൂർണമുക്തി നേടാൻ ബാലറ്റിലൂടെ അധികാരത്തിൽ വന്നവർക്കും കഴിഞ്ഞില്ലെന്നതാണ്​ 10 കൊല്ലത്തിനുള്ളിൽ മൂന്നാം വട്ടം തെരഞ്ഞെടുപ്പി​െന നേരിട്ട മാലദ്വീപി​​െൻറ നേരനുഭവം. രാഷ്​ട്രീയത്ത​ിലേക്ക്​ പണമിറക്കിയവരൊക്കെ അധികാരം നിലനിർത്തിക്കൊണ്ടു പോകാൻ ജനാധിപത്യം ശല്യമാണെന്നു വൈകാതെ തിരിച്ചറിഞ്ഞു. ഖയ്യൂമിനെതിരെ രംഗത്തുവന്ന നശീദ്​ രാഷ്​ട്രീയ പ്രതിയോഗികളെയും ഇഷ്​ടമില്ലാത്ത ഉദ്യോഗസ്​ഥരെയുമൊക്കെ പ്രതികാരനടപടിക്കു വിധേയരാക്കി. അങ്ങനെ ജനപിന്തുണ നഷ്​ടപ്പെട്ട അദ്ദേഹത്തിന്​​ 2012 ഫെ​ബ്രുവരിയിൽ ഒഴിയേണ്ടിവന്നു. വീണ്ടും ഭരണം ഖയ്യൂമി​​െൻറ പ്രോഗ്രസിവ്​ പാർട്ടി ഒാഫ്​ മാൽഡീവ്​സി​​െൻറയും (പി.പി.എം)​ അർധസഹോദരൻ യമീ​​െൻറയും ​കൈയിൽ വന്നു.

ചൈനയെയും സൗദി അറേബ്യയെയും ഉറച്ച മിത്രങ്ങളായി സ്വീകരിച്ചിരുന്ന പി.പി.എം തെരഞ്ഞെടുപ്പിൽ ജുംഹൂരി പാർട്ടിയെയും മതകക്ഷിയായ അദാലത്ത്​ പാർട്ടിയെയും കൂടെക്കൂട്ടിയാണ്​ ജയിച്ചുകയറിയത്​. ജനാധിപത്യം, നിയമവ്യവസ്​ഥ, വികസനം എന്നീ മൂന്നിന മുദ്രാവാക്യവുമായി ബാലറ്റിലൂടെ അധികാരം പിടിച്ചെടുത്ത അബ്​ദുല്ല യമീൻ പക്ഷേ, രാജ്യത്ത്​ സാമാന്യം നിരപേക്ഷമായി പ്രവർത്തിച്ചിരുന്ന നീതിന്യായ സംവിധാനത്തെ വരുതിയിലാക്കാനാണ്​ ശ്രമിച്ചത്​. അതിനായി പാർലമ​െൻറിലെ ഭൂരിപക്ഷം ഉപയോഗപ്പെടുത്തി നിയമഭേദഗതി കൊണ്ടുവന്നു. പയ്യപ്പയ്യെ മുൻ പ്രസിഡൻറ്​ നശീദ്​, സ്വന്തം വൈസ്​ പ്രസിഡൻറ്​ അഹ്​മദ്​ അദീബ്​, സഖ്യകക്ഷിയായ അദാലത്ത്​ പാർട്ടിയുടെ നേതാവ്​ ഇംറാൻ അബ്​ദുല്ല, രാജ്യത്തെ ഏറ്റവും വലിയ സമ്പന്നൻ ഖാസിം ഇബ്രാഹീം തുടങ്ങി സകലരെയും അഴിക്കുള്ളിലാക്കി മാലദ്വീപി​​െൻറ ചരിത്രത്തിലെ ശക്തനായ ഏകാധിപതിയായി യമീൻ പുനരവതരിച്ചു. നിയമങ്ങൾ തനിക്കനുസൃതമായി കൂടക്കൂടെ മാറ്റിയെഴുതി. അങ്ങനെ ആഭ്യന്തരനിയന്ത്രണം ഭദ്രമാക്കുകയ​ും പുറത്ത്​, ചൈനയുടെ പൂർണപിന്തുണ നേടിയെടുക്കുകയും ചെയ്​ത യമീ​​െൻറ ഏക ഛത്രാധിപത്യത്തിനു ജനാധിപത്യത്തി​​​െൻറ മകുടം ചാർത്താനുള്ള നീക്കമായി കണ്ടതായിരുന്നു ഇൗ തെരഞ്ഞെടുപ്പ്​. യമീനൊപ്പം പ്രതിയോഗികളും അദ്ദേഹത്തി​​െൻറ അനായാസവിജയം പ്രതീക്ഷിക്കെയാണ്​ പരാജയ​ത്തി​​െൻറ വാർത്തയെത്തുന്നത്​. പ്രതിപക്ഷമുന്നണിയുടെ വിജയത്തോടെ നശീദി​​െൻറ കക്ഷി വീണ്ടും അധികാരത്തിലേറു​േമ്പാഴും പഴയ അനുഭവം വെച്ച്​ മാലദ്വീപ്​ രക്ഷപ്പെടുമെന്നു പറയുക വയ്യ. എന്നാൽ, ആദ്യ ഉൗഴത്തിൽ ത​​െൻറ പാർട്ടിക്കു പിണഞ്ഞ പരാജയം തിരിച്ചറിഞ്ഞ്​ ജനാധിപത്യ അവകാശങ്ങൾ നിലനിർത്താൻ ഇബ്രാഹീം സാലിഹിന്​ കഴിഞ്ഞാൽ രാഷ്​ട്രീയ അരാജകത്വത്തിൽനിന്നു തന്ത്രപ്രധാനമായ ഇൗ ദ്വീപിനു രക്ഷപ്പെടാൻ കഴിയും.

ഇന്ത്യൻ മഹാസമ​ുദ്രത്തിലെ തന്ത്രപ്രധാന സ്​ഥലമായതിനാൽ മാലദ്വീപിലെ രാഷ്​ട്രീയ സംഭവവികാസങ്ങൾ ഇന്ത്യക്കും നിർണായകമാണ്​. മേഖലയു​െട ആധിപത്യത്തിന്​ കിണഞ്ഞു ശ്രമിക്കുന്ന ചൈന തുടർന്നും ദ്വീപിനെ ചൊൽപടിയിൽ നിർത്താൻ ആവതു ശ്രമിക്കും. ഇന്ത്യൻ മഹാസമു​ദ്രത്തിലെ സുരക്ഷയുടെ പേരുപറഞ്ഞ്​ അമേരിക്ക, യൂറോപ്യൻ യൂനിയൻ, ജപ്പാൻ, ആസ്​ട്രേലിയ തുടങ്ങി എല്ലാവരുടെയും കണ്ണുണ്ട്​ മാലദ്വീപിനു മേൽ. അതുകൊണ്ട്​ ഇന്ത്യയും കളമറിഞ്ഞു കളിച്ചേ മതിയാകൂ. പ്രത്യേകിച്ചും പാകിസ്​താൻ, ബംഗ്ലാദേശ്​, ശ്രീലങ്ക, നേപ്പാൾ എന്നിവക്കുമേൽ സ്വാധീനമുറപ്പിച്ച ബലത്തിൽ ചൈന കളിക്കു​േമ്പാൾ. വിദേശനയത്തിൽ ഇന്ത്യ നടത്തുന്ന ഒറ്റയാൾ പോരാട്ടം എങ്ങുമെത്തുന്നില്ല എന്നതാണ്​ വാസ്​തവം. ഇന്ത്യാസമുദ്രത്തിലെ മാറുന്ന സമവാക്യങ്ങൾ തിരിച്ചറിഞ്ഞു കൊണ്ടുള്ള ബഹുകക്ഷിബന്ധങ്ങളും അന്തർദേശീയ ചായ്​വുകളും ഉപയോഗപ്പെടുത്തിയുള്ള പുതിയ തന്ത്രപ്രധാനമായ നീക്കങ്ങൾക്ക്​ ഇന്ത്യ മുൻകൈയെടുത്തേ മതിയാകൂ. ഇന്ത്യയോട്​ ആഭിമുഖ്യം പുലർത്തുന്ന കക്ഷിയാണ്​ മാലദ്വീപിൽ അധികാരമേറുന്നത്​. ഇൗ അനുകൂല സാഹചര്യം ഉപയോഗ​െപ്പടുത്താൻ മോദിസർക്കാറിന്​ ഫലപ്രദമായൊരു ഇടപെടലിന്​ സാധ്യമാകുമോ എന്നത്​ ഇന്ത്യയുടെ മേഖലയിലെ സുരക്ഷക്ക്​ നിർണായകമാണ്​.