കൊ​ളീ​ജി​യം പു​ന​രാ​ലോ​ച​ന​ക​ൾ വീ​ണ്ടും

ചൊ​വ്വാ​ഴ്ച രാ​ജ്യ​സ​ഭ ചെ​യ​ർ​മാ​ൻ ജ​ഗ്‌​ദീ​പ് ധ​ൻ​ഖ​ർ വി​ളി​ച്ചു​ചേ​ർ​ത്ത ക​ക്ഷി​നേ​താ​ക്ക​ളു​ടെ യോ​ഗ​വും അ​വി​ടെ ഭ​ര​ണ-​പ്ര​തി​പ​ക്ഷ ക​ക്ഷി​ക​ൾ​ക്കി​ട​യി​ൽ ക​ണ്ട അ​ഭി​പ്രാ​യൈ​ക്യ​വും നി​ല​വി​ലു​ള്ള രാ​ഷ്ട്രീ​യ കാ​ലാ​വ​സ്ഥ​യി​ൽ അ​സാ​ധാ​ര​ണ​മാ​യി​രു​ന്നു. ഡ​ൽ​ഹി ഹൈ​കോ​ട​തി ജ​ഡ്ജി യ​ശ്വ​ന്ത് വ​ർ​മ​യു​ടെ വ​സ​തി​യോ​ടു​ചേ​ർ​ന്ന സ്റ്റോ​ർ റൂ​മി​ൽ നി​ന്ന് ക​റ​ൻ​സി നോ​ട്ടു​ക​ൾ ക​ണ്ടെ​ത്തി​യ​തി​നെ തു​ട​ർ​ന്നു​ണ്ടാ​യ വി​വാ​ദ​ങ്ങ​ൾ​ക്കി​ട​യി​ൽ ധ​ൻ​ഖ​ർ ത​ന്നെ സ​ഭ​യി​ൽ ഒ​ന്നി​ല​ധി​കം ത​വ​ണ പാ​ർ​ല​മെ​ന്റി​ന്റെ പ​ര​മോ​ന്ന​ത സ്ഥാ​ന​ത്തെ​ക്കു​റി​ച്ചും ജു​ഡീ​ഷ്യ​റി​യു​ടെ വി​ശ്വാ​സ്യ​ത ത​ക​ർ​ന്നാ​ലു​ണ്ടാ​കു​ന്ന ജ​നാ​ധി​പ​ത്യ​ത്തി​ന്റെ ഭ​വി​ഷ്യ​ത്തു​ക​ളെ​ക്കു​റി​ച്ചും സം​സാ​രി​ച്ചി​രു​ന്നു. ഇ​വ ര​ണ്ടും ത​മ്മി​ലെ പ​ര​സ്പ​ര​ബ​ന്ധം എ​ന്താ​ണെ​ന്നി​ട​ത്താ​ണ് ഇ​പ്പോ​ഴ​ത്തെ ച​ർ​ച്ച​യു​ടെ മ​ർ​മം. സു​പ്രീം​കോ​ട​തി-​ഹൈ​കോ​ട​തി ജ​ഡ്ജി​മാ​രു​ടെ നി​യ​മ​ന​ത്തി​ൽ സ്വീ​ക​രി​ച്ചു​വ​രു​ന്ന നി​ല​വി​ലെ കൊ​ളീ​ജി​യം സ​മ്പ്ര​ദാ​യ​മാ​ണ് പ്ര​ശ്ന​ങ്ങ​ളു​ടെ മൂ​ല​കാ​ര​ണ​മെ​ന്നും ജ​ഡ്ജി​മാ​രു​ടെ നി​യ​മ​ന​ത്തി​ൽ പാ​ർ​ല​മെ​ന്റ് പാ​സാ​ക്കു​ന്ന നി​യ​മ​മാ​വ​ണം അ​ടി​സ്ഥാ​ന​മെ​ന്നു​മു​ള്ള പ്ര​സ്താ​വ​ന​യും അ​തി​നു​വേ​ണ്ടി 2014 ൽ ​പാ​സാ​ക്കി​യ നി​യ​മ​ന ക​മീ​ഷ​ൻ സ​മ്പ്ര​ദാ​യ​മാ​ണു​ണ്ടാ​യി​രു​ന്ന​തെ​ങ്കി​ൽ ഇ​ത്ത​രം ജ​ഡ്ജി​മാ​രു​ടെ നി​യ​മ​നം ന​ട​ക്കു​മാ​യി​രു​ന്നി​ല്ല എ​ന്ന വ്യം​ഗ്യ​വും ച​ർ​ച്ച​ക​ളി​ൽ ഉ​യ​ർ​ന്നു​വ​ന്നു. സ​ഭാ നേ​താ​വാ​യ കേ​ന്ദ്ര മ​ന്ത്രി ജെ.​പി. ന​ഡ്ഡ​യെ​യും പ്ര​തി​പ​ക്ഷ നേ​താ​വ് കോ​ൺ​ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ​യെ​യും മ​റ്റു ക​ക്ഷി​നേ​താ​ക്ക​ളെ​യും ചേം​ബ​റി​ൽ വി​ളി​ച്ച് വി​ഷ​യം ച​ർ​ച്ച ചെ​യ്തു. ജ​ഡ്ജി നി​യ​മ​ന​ത്തി​ൽ 2014ൽ ​പാ​സാ​ക്കി​യ ദേ​ശീ​യ ജു​ഡീ​ഷ്യ​ൽ നി​യ​മ​ന ക​മീ​ഷ​ൻ ആ​ക്ട് പോ​ലു​ള്ള നി​യ​മ​മാ​ണ് വേ​ണ്ട​ത് എ​ന്ന കാ​ര്യ​ത്തി​ൽ മൊ​ത്ത​ത്തി​ൽ ക​ക്ഷി​നേ​താ​ക്ക​ൾ യോ​ജി​പ്പ് പ്ര​ക​ടി​പ്പി​ച്ചു​വ​ത്രേ.

നി​ല​വി​ൽ സു​പ്രീം കോ​ട​തി ജ​ഡ്ജി​മാ​രു​ടെ നി​യ​മ​ന​ത്തി​ന് ചീ​ഫ് ജ​സ്റ്റി​സും സു​പ്രീം കോ​ട​തി​യി​ലെ ത​ന്നെ ഏ​റ്റ​വും മു​തി​ർ​ന്ന നാ​ല് ജ​ഡ്ജി​മാ​രു​മ​ട​ങ്ങു​ന്ന കൊ​ളീ​ജി​യം ആ​ണ് സ​ർ​ക്കാ​റി​ന് പേ​രു​ക​ൾ നി​ർ​ദേ​ശി​ക്കു​ന്ന​ത്. സ​ർ​ക്കാ​ർ അ​തം​ഗീ​ക​രി​ച്ചാ​ൽ രാ​ഷ്ട്ര​പ​തി​ക്ക് ശി​പാ​ർ​ശ ചെ​യ്യും. വി​യോ​ജി​പ്പു​ണ്ടെ​ങ്കി​ൽ കൊ​ളീ​ജി​യ​ത്തി​ലേ​ക്ക് തി​രി​ച്ച​യ​ക്കാം. കൊ​ളീ​ജി​യ​ത്തി​നു ഭേ​ദ​ഗ​തി വ​രു​ത്തി മ​റ്റു പേ​രു​ക​ൾ ശി​പാ​ർ​ശ ചെ​യ്യാം. അ​ല്ലെ​ങ്കി​ൽ വീ​ണ്ടും അ​തേ ശി​പാ​ർ​ശ​ക​ൾ അ​യ​ച്ചാ​ൽ സ്വീ​ക​രി​ക്കാ​ൻ സ​ർ​ക്കാ​ർ ബാ​ധ്യ​സ്ഥ​മാ​ണ്. 2014ൽ ​മോ​ദി സ​ർ​ക്കാ​ർ ത​ന്നെ കൊ​ണ്ടു വ​ന്ന ദേ​ശീ​യ ജ​ഡ്‌​ജി നി​യ​മ​ന ക​മീ​ഷ​ൻ ആ​ക്ട് പാ​ർ​ല​മെ​ന്റ് മൂ​ന്നി​ൽ ര​ണ്ടു ഭൂ​രി​പ​ക്ഷ​ത്തോ​ടെ പാ​സാ​ക്കു​ക​യും, പ്ര​തി​പ​ക്ഷം ഭ​രി​ച്ച​വ ഉ​ൾ​പ്പെ​ടെ പ​കു​തി​യി​ല​ധി​കം സം​സ്ഥാ​ന​ങ്ങ​ൾ ശ​രി​വെ​ക്കു​ക​യും ചെ​യ്ത​താ​ണ്. പ​ക്ഷേ, തു​ട​ർ​ന്നു​വ​ന്ന ഹ​ര​ജി​ക​ളു​ടെ അ​ടി​സ്ഥാ​ന​ത്തി​ൽ ആ​ക്ടി​ലെ വ്യ​വ​സ്ഥ​ക​ൾ ഭ​ര​ണ​ഘ​ട​ന​യു​ടെ അ​ടി​സ്ഥാ​ന ഘ​ട​ന​യാ​യ ജു​ഡീ​ഷ്യ​റി​യു​ടെ സ്വാ​ത​ന്ത്ര്യം ഇ​ല്ലാ​താ​ക്കു​മെ​ന്ന ക​ണ്ടെ​ത്ത​ലി​ൽ സു​പ്രീം കോ​ട​തി റ​ദ്ദാ​ക്കു​ക​യും 2015ൽ ​കൊ​ളീ​ജി​യം സ​മ്പ്ര​ദാ​യം ത​ന്നെ ന​ട​പ്പി​ൽ​വ​രു​ത്തു​ക​യും ചെ​യ്ത​താ​ണ്.

രാ​ജ്യ​സ​ഭ ചെ​യ​ർ​മാ​ൻ മു​ന്നോ​ട്ടു​വെ​ക്കു​ന്ന ത​ത്ത്വ​ങ്ങ​ൾ അ​പ്പ​ടി അം​ഗീ​ക​രി​ക്കാ​ൻ ക​ഴി​യ​ണ​മെ​ന്നി​ല്ല. കൊ​ളീ​ജി​യ​ത്തി​നു ദൗ​ർ​ബ​ല്യ​ങ്ങ​ളു​ണ്ടെ​ന്ന​ത് ശ​രി​യാ​ണ്. സു​താ​ര്യ​ത​യി​ല്ലാ​യ്മ​യാ​ണ് അ​തി​ൽ പ്ര​ധാ​നം. കൊ​ളീ​ജി​യ​ത്തി​ന്റെ ന​ട​പ​ടി​ക​ൾ പൊ​തു മ​ണ്ഡ​ല​ത്തി​ൽ ല​ഭ്യ​മ​ല്ല. ചി​ല​പ്പോ​ഴെ​ങ്കി​ലും മു​ൻ​വി​ധി​ക​ളും സ്വ​ജ​ന പ​ക്ഷ​പാ​ത​ങ്ങ​ളും ശി​പാ​ർ​ശ​ക​ളെ സ്വാ​ധീ​നി​ച്ചേ​ക്കാം. എ​ന്നാ​ൽ, അ​തി​നു പ്ര​തി​വി​ധി​യ​ല്ല കേ​ന്ദ്ര സ​ർ​ക്കാ​റി​ന്റെ താ​ൽ​പ​ര്യ​ങ്ങ​ള​നു​സ​രി​ച്ച് ന​ട​ക്കു​ന്ന നി​യ​മ​നം. അ​ത്​ കൂ​ടു​ത​ൽ ഗു​രു​ത​ര​മാ​കാ​നു​മി​ട​യു​ണ്ട്. 2014 ലെ ​നി​യ​മ​ത്തി​നു മി​ക്ക പാ​ർ​ട്ടി​ക​ളും പി​ന്തു​ണ ന​ൽ​കി​യ​ത് പ്രാ​തി​നി​ധ്യ സ്വ​ഭാ​വ​മു​ള്ള പാ​ന​ലാ​ണ് തെ​ര​ഞ്ഞെ​ടു​പ്പ് ന​ട​ത്തു​ക എ​ന്ന​തും, പ്ര​തി​പ​ക്ഷ നേ​താ​വും പൊ​തു മ​ണ്ഡ​ല​ത്തി​ലെ ര​ണ്ടു പ്ര​മു​ഖ​രു​ൾ​പ്പെ​ടെ ഭ​ര​ണ​കൂ​ട​ത്തി​ന്റേ​ത​ല്ലാ​ത്ത പ്ര​തി​നി​ധി​ക​ൾ അ​തി​ലു​ണ്ടാ​വും എ​ന്ന​തും കൊ​ണ്ടാ​ണ്. എ​ന്നാ​ൽ, സു​പ്രീം കോ​ട​തി ജു​ഡീ​ഷ്യ​റി​യു​ടെ സ്വാ​ത​ന്ത്ര്യം സം​ര​ക്ഷി​ക്കു​ന്ന ഒ​ന്നാ​യി അ​തി​നെ അം​ഗീ​ക​രി​ക്കാ​ൻ കൂ​ട്ടാ​ക്കി​യി​ല്ല.

ധ​ൻ​ഖ​ർ ഇ​പ്പോ​ൾ വാ​ദി​ക്കു​ന്ന​ത് കൊ​ളീ​ജി​യം തു​ട​രു​ക​യാ​ണെ​ങ്കി​ൽ പാ​ർ​ല​മെ​ന്റി​നു ഒ​രു സ്ഥാ​ന​വും ഉ​ണ്ടാ​വി​ല്ലെ​ന്നാ​ണ്. നി​യ​മ​ന ക​മീ​ഷ​ൻ വ​ഴി​യാ​യി​രു​ന്നു ജ​ഡ്ജി നി​യ​മ​ന​ങ്ങ​ളെ​ങ്കി​ൽ ജ​സ്റ്റി​സ് വ​ർ​മ​യു​ടേ​ത് പോ​ലു​ള്ള പ്ര​ശ്ന​ങ്ങ​ൾ ഉ​ണ്ടാ​കു​മാ​യി​രു​ന്നി​ല്ല എ​ന്ന അ​ദ്ദേ​ഹ​ത്തി​ന്റെ​യും മ​ന്ത്രി ന​ഡ്ഡ​യു​ടെ​യും വാ​ദം ഒ​ര​മി​ത പ്ര​തീ​ക്ഷ​യാ​ണ്. രാ​ജ്യ​സ​ഭാ നേ​താ​ക്ക​ളു​ടെ ച​ർ​ച്ച​യി​ൽ പാ​ർ​ട്ടി​ക​ൾ പെ​ട്ടെ​ന്ന് കൊ​ളീ​ജി​യ​ത്തി​നെ​തി​രാ​യും നി​യ​മ​നി​ർ​മാ​ണ​ത്തി​ന​നു​കൂ​ല​മാ​യും നി​ല​കൊ​ണ്ടെ​ങ്കി​ലും പു​റ​ത്ത് ഒ​റ്റ​ക്കൊ​റ്റ​ക്ക് പാ​ർ​ട്ടി​ക​ൾ പ​റ​യു​ന്ന നി​ല​പാ​ട് അ​ത​ല്ല. കോ​ൺ​ഗ്ര​സ് നേ​താ​വ് ജ​യ്റാം ര​മേ​ശ്, അ​ത്ത​ര​മൊ​രു ബി​ല്ലി​ന് പി​ന്തു​ണ ഉ​റ​പ്പു ന​ൽ​കാ​ൻ ക​ഴി​യി​ല്ല എ​ന്നാ​ണ് പ​റ​ഞ്ഞ​ത്. കോ​ൺ​ഗ്ര​സി​ന്റെ ത​ന്നെ അ​ഭി​ഷേ​ക് സി​ങ് വി ​അ​ഭി​പ്രാ​യ​പ്പെ​ട്ട​ത്, കോ​ൺ​ഗ്ര​സ് പി​ന്തു​ണ​ക്കാ​ൻ സാ​ധ്യ​ത​യി​ല്ലെ​ങ്കി​ലും സ​ർ​ക്കാ​ർ നി​ർ​ദേ​ശം മു​ന്നോ​ട്ടു​വെ​ക്കു​ന്ന​തു​വ​രെ ത​ങ്ങ​ളു​ടെ ഹി​തം പ​റ​യാ​ൻ ക​ഴി​യി​ല്ല എ​ന്നാ​ണ്. പാ​ർ​ല​മെ​ന്റി​ന്റെ മൂ​ന്നി​ൽ ര​ണ്ടു ഭൂ​രി​പ​ക്ഷ​വും പ​കു​തി​യി​ല​ധി​കം സം​സ്ഥാ​ന നി​യ​മ​സ​ഭ​ക​ളു​ടെ അം​ഗീ​കാ​ര​വും വേ​ണ്ട ഒ​രു ഭ​ര​ണ​ഘ​ട​നാ ഭേ​ദ​ഗ​തി​യാ​യ​തി​നാ​ൽ സ​ർ​ക്കാ​ർ അ​ഭി​പ്രാ​യ സ​മ​വാ​യ​ത്തി​ന് ശ്ര​മി​ച്ചേ​ക്കും. അ​തെ​ന്താ​യാ​ലും നി​ല​വി​ലെ സ​ർ​ക്കാ​റി​ന് കൊ​ളീ​ജി​യം വ്യ​വ​സ്ഥ​യോ​ടു​ള്ള എ​തി​ർ​പ്പ് ജ​ഡ്ജി​മാ​രു​ടെ മൂ​ല്യ​ശോ​ഷ​ണം ​കൊ​ണ്ട​ല്ല, മ​റി​ച്ച്, കാ​ര്യ​ങ്ങ​ൾ സ്വ​ന്തം ചൊ​ൽ​പ​ടി​യി​ൽ നി​ർ​ത്താ​നു​ള്ള വ്യ​ഗ്ര​ത മൂ​ലം മാ​ത്ര​മാ​ണ്​ എ​ന്നു വ്യ​ക്ത​മാ​ണ്.

പാ​ർ​ല​മെ​ന്റി​നാ​ണ് നി​യ​മ​നി​ർ​മാ​ണ​ത്തി​ൽ പ​ര​മാ​ധി​കാ​ര​മെ​ങ്കി​ലും ഭ​ര​ണ​ഘ​ട​ന എ​ന്ന​ത് അ​തി​നും മു​ക​ളി​ൽ നി​ൽ​ക്കേ​ണ്ട​താ​ണ്. അ​തി​ന്റെ അ​ടി​സ്ഥാ​ന ഘ​ട​ന​യാ​ണ് പ​ല അ​ർ​ഥ​ത്തി​ലും ഇ​ന്ത്യ​യെ ഭ​ദ്ര​മാ​യ രാ​ഷ്ട്ര​മാ​യി നി​ല​നി​ർ​ത്തു​ന്ന​തും. നി​ല​വി​ലെ ന്യാ​യാ​ധി​പ​ന്മാ​രി​ൽ പു​ഴു​ക്കു​ത്തു​ക്ക​ളു​ണ്ടെ​ങ്കി​ൽ അ​ത് പ​രി​ഹ​രി​ക്കാ​ൻ ത​ക്ക നി​വാ​ര​ണ ന​ട​പ​ടി​ക​ൾ എ​ടു​ക്കു​ക​യാ​ണ് ആ​ദ്യം വേ​ണ്ട​ത്. ഒ​പ്പം ദീ​ർ​ഘ​കാ​ലാ​ടി​സ്ഥാ​ന​ത്തി​ൽ ജ​ഡ്ജി​മാ​രു​ടെ നി​യ​മ​ന​ങ്ങ​ൾ​ക്ക് നി​ഷ്പ​ക്ഷ​ത​യും സു​താ​ര്യ​ത​യും എ​ക്സി​ക്യൂ​ട്ടി​വി​നോ​ട് പ്ര​തി​ബ​ദ്ധ​ത​യി​ല്ലാ​ത്ത നി​ഷ്പ​ക്ഷ​ത​യും ഉ​റ​പ്പു​വ​രു​ത്തു​ന്ന ഒ​രു സം​വി​ധാ​ന​ത്തി​ന് രൂ​പം ന​ൽ​കാ​ൻ ക​ഴി​ഞ്ഞെ​ങ്കി​ൽ അ​തു​ത​ന്നെ ഉ​ത്ത​മം. നി​ല​വി​ലെ ച​ർ​ച്ച​ക​ൾ അ​തി​ലേ​ക്കെ​ത്തി​ച്ചേ​രു​ന്ന​വ​യാ​വ​ട്ടെ എ​ന്നാ​ശി​ക്കാം.